اجيب على استفساراتكم في التشطيب والتاثيث

[مضارب دوسري]

السلام عليكم ورحمة الله وبركاته
فضلت افتح هذا الموضوع للجواب على اي استفسارات متعلقه بالتشطيب والتاثيث
سواء من عندي او من الاخوه الخبره في المنتدى
على راسهم شموخ دائم ومعماري قطري واللوز وعزيزوك والمشرف شامبري وبوخليفه

لمنع تكرار نفس الاساله
والموضوع للجميع والجواب ايضا من الجميع

هدف الموضوع
عدم تكرار نفس الاساله وبقتبس بعض مشاركاتي السابقه في بعض المواضيع واضعها هنا :nice:

[مضارب دوسري]

http://www.qatarshares.com/vb/showthread.php?580947-%C8%E1%C7%D8-%C7%E1%CD%E6%D4-%CA%E4%D5%CD%E6%E4%ED-%D8%E1%C8%ED%E5-%E3%E4-%C7%E1%C7%E3%C7%D1%C7%CA-%E6%E1%C7-%BF
بلاط الحوش


اليوبي في سي صنع ليكون بديل ارخص للالمنيوم
مثله مثل البي بي ار والنحاس
البي بي ار صنع ليكون ارخص من النحاس


الالمنيوم دبل جلاس افضل بمليون مره من اليو بي في سي
لان اليو بي في سي اذا الشركه ما ضبطوه صح
تاكلها 10 صفر
وتروح فلوسك في مهب الريح

اخوي ونسيبي ركبوه من شركه وحده
اخوي مرتاح
ونسيبي يعض اصابع الندم
هذا كله ونفس الشركه ونفس المواصفات ونفس اليوم وقعوا معاهم
كلم الشركه وتلاغى معااهم وشكاوي وغيره
جوه الشركه مره وثنتين وثلاث لين تملل واقتنع بالامر الواقع

http://www.qatarshares.com/vb/showthread.php?596416-%C7%ED-%E3%C7%D1%DF%C9-%D4%DD%C7%D8%C7%CA-%CA%E4%D5%CD%E6%E4-%DD%ED%E5%C7
ايضا اذا تبي الله يكرمك حمام عربي عند محمد واخوانه نوعيه ممتازه سعودي حجمها مناسب


نصيحة هاااااااااااااامه
اول شي لازم تعرف ال wc كم يبعد عن الحايط
فيه انواع حسب احتياجك
في 20
و
24
و27
و30
على حسب ترتيب الفيتري كم حط البعد
عشان ما تشتري شي وعقب ترجعه


الحمام العربي لا تفكر نهائيا انك تحطه فالدور الثاني
فقط للدور الارضي
لانه اذا حطيته فوق يبيله واحد محترف فالسباكه ولا بتتلعوز
ويفضل يكون في احد حمامات البيت عالاقل حمام عربي


لا تنجر ورى الكلام روح وسافر ومدري ايش وعوار راس واخر شي يوصلك شي متكسر وترجع تسافر تبدله

ف قطر متوفر كل شي
تبي اطقم حمام كامل ب 1000 مثلا موجود
تبي ب 2000 موجود
تبي 5000 او 10000 بعد موجود
هو يعتمد كم ميزانيتك

بخصوص الخلاطات انصحك تروح النجمه محمد واخوانه
جروهي
عنده جروهي صناعه
الالماني ب 800 الخلاط
الاوروبي ب 550 تقريبا
التايلندي ب 350 تقريبا
وكلهم 10 على 10
من تعامل سابقا منذ مبطي
عنده Wc سعودي معروف وناس كثير جدا تشتريه وتستخدمه من زمان ب 550 ريال تقريبا
وعنده مغاسل باسعار متفاوته بس كلهم اسعار مناسبة جدا

عندك ارام ايضا ف طريق سلوى وعنده فرع فالمطار
صناعه برتغالية الحمام wc و مغسلة تبدا من 850 الى 2500 تقريبا
(اناشريت من عنده لبعض الحمامات)
عندك ايضا العاصمه عنده نوعيات محدوده واسعاره من 1000 الى 1500

كونتوار انصحك بماركه اسبانية عنده معروفه وقديمه فالدوحه اسعارها بحدود ال1400 وطالع
ايضا الضحى ف طريق سلوى وكافود فالمطار
هذا اذا انت تبحث عن الاسعار الجيده والمعقوله
في محل ايضا نسيت اسمه على دوار الكتب اسعاره حلوه ايضا للمغاسل والاحواض وعنده غالي ورخيص




روح عندهم وصدقني بتغير رايك خصوصا خلاطات جروهي اشتر وانت مغمض




تبي الغالي
المتحده
العمودي
نابينا (عنده غالي وعنده متوسط toto وعنده اسعار مناسبه ماركة rak )
شبيب والعطية بجانب استاد الدوحه ايضا عنده اشكال والوان غالية نوعا ما


نصيحه اخرى
الدور الثاني اللي فيه الغرف
نصيحه
ركبوا بلاط شعبي باسعار 28 ريال وتحت
وعقبه يا تركبون فوقه باركيه او موكيت
لان الدفا مطلوب ومناسب جدا للراحه
ممكن تركبون بورسلان بسعر وقدره وبعد السكن تغيرون رايكم الى الموكيت او الباركيه
هذا رايي والله اعلم

[مضارب دوسري]

اي اخوي ذكر مجال الاسعار اللي تبيه
وبدليك
لان الاسعار متفاوته

مثلا من ال 50 وتحت للمتر سيراميك حمامات
عندك نابينا بس قولهم ابي اسباني او ايطالي او صيني ابتعد عن الاماراتي
اول ما تدخل المحل قولهم ابي باسعار تحت ال50 بعد الخصم
عندك ايضا
الضحى طريق سلوى
ارام عنده صيني ممتاز للحمامات فرع سلوى بعد البنك التجاري
سيراميك الخليج
العاصمه مقابل سناء
ادراج في طريق سلوى

وعندهم ارضيات اسباني بورسلان العاصمه والضحى وسيراميك الخليج واسعارهم من 70 الى 100
ارام ونابينا عندهم صيني جوده عاليه جدا
ارام اسعاره 100 بعد الخصم تقريبا وعنده عماني نوعيه جيده باسعار حول ال50 ريال
نابينا عندهم صيني ارضيات جوده عاليه باسعار من 70 وطالع
والاسباني فوق ال120 اسعارهم
اسعار غاليه
المتحده
العمودي

هذول اللي انصح فيهم وشطبت من عندهم وكان نوعياتهم ممتازه ومريحه في التركيب

اهم شي في بلاط الزيرو جوينت اللي يسمى قص ليزر واللي يكون عالارضيه كانه بلاطه وحده هذا لازم ينعمل صبيه ويتلزق لا تسمعون كلام العمال المتفلسفين في هذا النوع لان بيطلع الشكل مضحك لو من غير صبيه ولزق بالماده

نصيحه اخرى لا تشتري بلاط حمامات الا لما تختار الارضيه تكون مانعه للانزلاق
تصنيفي للافضل من ناحية السعر والجوده
نابينا
الضحى
ارام وسيراميك الخليج نفس المستوى


للادوات الصحيه انصحكم نصبحه لوجه الله اخذوا المرحاض او ال wc من محل محمد واخوانه في النجمه نوعيه ممتاااااااازه سعودي عن تجربه وسعر ال wc 550 ريال بس يتدعون لي
المغاسل طب وتخير في ارام اشكالهم حلوه واسعارهم من 500 الى 1400 صناعة البرتغال

الخلاطات انصحكم تاخذونها من محمد واخوانه في النجمه جروهي واسعارهم
التايلندي ب 350
الاوروبي ب 550
الالماني ب 800 وكاسروه بعد

الخلاطات ايضا انواع نابينا راك وصناعات مختلفه اسعارهم ممتازه وجيده جدا

نصيحه اخيره
لما تدخل المحلات المذكوره اعلاه
قولهم بصريح العباره السلام عليكم
ابي بلاط كذا بسعر لا يتجاوز كذا بعد الخصم وتحت واي سعر اغلى لا تعرضه لي
وبتلقاه يوريك نوعيات اللي تبيها بالاسعار اللي تبيها

شركه نسيت اذكرها بلاط حمامات انجليزي باسعار 100 تقريبا تدمر
وعنده خلاطات واطقم حمامات
هذا اللي عندي
والله يوفقكم


عندك ايضا تدمر عنده نوعيات بلاط ممتازه باسعار 90 تقريبا بعد الخصم صناعه انجليزي او اسباني
شكلها روعه
وفخامه
وعنده اطقم حمامات باسعار متفاوته الطقم كامل بحدود ال 3500 ماركة كيرماغ الماني


وعندك كونتوار في طريق سلوى مر عليهم اسعاره نفس تدمر
هذي بخصوص الحمامات والارضيات

[مضارب دوسري]

فيما يخص سرير النوم
Restonic في شارع سلوى بجانب البنك الوطني
خدمه ممتازه والتزام ممتاز في المواعيد بل انه يجيب البضاعه قبل الموعد

كان لي تعامل مع كنغ اند كويل وكان للاسف تعامل سيء وعدوني خلال شهر وبعد 3 اشهر ما وصل ف رحت استلم العربون ورحت للمحل المذكور سابقا

ايضا من واقع اراء الناس ايضا مصانع قكر للمراتب يمدحونها


فيما يخص اطقم الكراسي وطاولات الطعام
كان اخنياري الاكبر من محل استقبال في شارع سلوى خدمه اكثر من ممتازه وصناعة مل منتجاته من تركيا واسعاره منافسه جدا جدا
ايضا هوم سنتر معروف واثاثه لا يعلى عليه واسعاره في حدود المعقول
ايضا حول الامارات عنده انواع ممتازه بس انصح بالصناعه الامريكيه عندهم بعيدا عن الصيني لانه الصيني واضح من شكله مش فخم
هذا فيما يخص الاطقم الجاهزه اما التفصيل ف للامانه لم افصل وفضلت الجاهز لللبتعاد عن الغش المتفشي عند محلات التفصيل تروح المحل تقول وش هالفخامه يجيب لك البضاعه البيت تندم اشد الندم من اسفنج سيء والى اخره
فيما يخص السجاد
اخترت دوحه سيتي لانه يمتلك جميع الالوان تقريبا

بالنسبه للستاير اخترت اركب ستاير بستايل اوروبي بسيط بدون دفاشه او تزيين زايد او تعدد الوان
وتعاملت مع محل في شارع الاصمخ بجانب مشيرب

فيما يخص الادوات الكهربائيه من افران وغسالات ونشافه والكترونيات
تعاملت مع تدمر في الفرن والغساله والنشافه والثلاجات لانه عنده ماركه امريكيه ممتازه حسب تجارب معارفي
ايضا اللولو وكارفور وسامسونغ يحتوي على انواع مختلفه منهم وباسعار اقل من تدمر
ولكن الكواليتي مختلف بين نوع ونوع

[ja077]

بخصوص السراير والمراتب الطبيه
المصنع الوطني للمراتب
الاثاث عندك معرض الجميل*للمفروشات
ميداس

[Bo3essa]

هلا اخوي
وين خذت المكيفات والمطابخ.

وبخصوص النوافذ الالمنيوم احسن من اليو بي في سي ؟

لان الصراحه طالعه الفترة الحالية وايد شركات يو بي في سي

ابي رايك ولا تهون

[مضارب دوسري]

Ja007
الله يعطيك العافيه على الاضافه


بو عيسى رايي في الالمنيوم واليو بي في سي
انا افضل الالمنيوم دبل جلاس على اليو بي في سي
والاسباب موجوده في احد الردود المقتبسه في الرد رقم 2
وكل واحد له راي في المقارنه بينهم

[مضارب دوسري]

بو عيسى المطابخ عندي سويتها بنيان
وممكن تركب عليها جرانيت نفس الحمامات اكرمك الله ويكون شكلها ارووووووووع
حاليا ركبت عليها سيراميك ك بداية بنيان وبعد فتره بشيل السيراميك وبركب جرانيت

المكيفات 3 انواع لا تطلع منهم
اول شي لازم يكون الكومبريسر يكون بستن او امريكي وابتعد عن الروتري نهااااااااااااائيا

الافضل في الدوحه
جنرال بستن
وفوجي بستن
ودايكن وكيلهم تدمر كومبريسور امريكي
وكليفنتور وكيلهم صقر الخليج في شارع سلوى كومبريسور امريكي
وجري gree بستن وروتري بس خذ البستن وفروعه في سلوى جنب المعارض وفي بن عمران بجانب الشاهين

[Bo3essa]

بو عيسى المطابخ عندي سويتها بنيان
وممكن تركب عليها جرانيت نفس الحمامات اكرمك الله ويكون شكلها ارووووووووع
حاليا ركبت عليها سيراميك ك بداية بنيان وبعد فتره بشيل السيراميك وبركب جرانيت

المكيفات 3 انواع لا تطلع منهم
اول شي لازم يكون الكومبريسر يكون بستن او امريكي وابتعد عن الروتري نهااااااااااااائيا

الافضل في الدوحه
جنرال
وفوجي
ودايكن وكيلهم تدمر
وكليفنتور وكيلهم صقر الخليج في شارع سلوى
وجري gree وفروعه في سلوى جنب المعارض وفي بن عمران بجانب الشاهين


جزاك الله خير

[مضارب دوسري]

جزاك الله خير
ويجزاك بمثله

[sis]

بو عيسى المطابخ عندي سويتها بنيان
وممكن تركب عليها جرانيت نفس الحمامات اكرمك الله ويكون شكلها ارووووووووع
حاليا ركبت عليها سيراميك ك بداية بنيان وبعد فتره بشيل السيراميك وبركب جرانيت

المكيفات 3 انواع لا تطلع منهم
اول شي لازم يكون الكومبريسر يكون بستن او امريكي وابتعد عن الروتري نهااااااااااااائيا

الافضل في الدوحه
جنرال بستن
وفوجي بستن
ودايكن وكيلهم تدمر كومبريسور امريكي
وكليفنتور وكيلهم صقر الخليج في شارع سلوى كومبريسور امريكي
وجري gree بستن وروتري بس خذ البستن وفروعه في سلوى جنب المعارض وفي بن عمران بجانب الشاهين

وشرايك بالمتسوبيشي
التيسير اللي في شارع سلوى جنب صيدلية النور،
انصدمنا لما عرفنا ان هو الوكيل الوحيد التابع للتيسير
وكل اللي في السوق بضاعتهم متسوبيشي اقدم ماخودة من عنده!

او انه يخرط علينا :telephone:

[(عبدالله)]

التيسير هو الوكيل الحصري في قطر لمكيفات ميتسوبيشي-دايا

أما مكيفات ميتسوبيشي الكتريك وكيلها في الشرق الأوسط في دبي، اما وكيلها في الدوحة ما يتعامل مع الأفراد يتعامل مع الشركات المقاولة مثل الواحة والمثلث الهندسي وجتكو ..إلخ



وشرايك بالمتسوبيشي
التيسير اللي في شارع سلوى جنب صيدلية النور،
انصدمنا لما عرفنا ان هو الوكيل الوحيد التابع للتيسير
وكل اللي في السوق بضاعتهم متسوبيشي اقدم ماخودة من عنده!

او انه يخرط علينا :telephone:

[حمد30]

الله يعطيك العافيه على التفاعل

[مضارب دوسري]

وشرايك بالمتسوبيشي
التيسير اللي في شارع سلوى جنب صيدلية النور،
انصدمنا لما عرفنا ان هو الوكيل الوحيد التابع للتيسير
وكل اللي في السوق بضاعتهم متسوبيشي اقدم ماخودة من عنده!

او انه يخرط علينا :telephone:

اذا ماخاب ظني ان ميتسوبيشي مب بستن
روتري
اذا كان روتري ما نصح فيه وافضل البستن والامريكي عليه

[مضارب دوسري]

الله يعافيك يا حمد 30

[مارون كلاسيه]

السلام عليكم اخوي مضارب بما انك تنصح لعمل الشبابيم المنيوم دبل جلاس ممكن اتدلني على محلات تعملها وممتازة لاني معاك ضد الشبابيك تبع اليوبي في سي

[مضارب دوسري]

السلام عليكم اخوي مضارب بما انك تنصح لعمل الشبابيم المنيوم دبل جلاس ممكن اتدلني على محلات تعملها وممتازة لاني معاك ضد الشبابيك تبع اليوبي في سي
عليكم السلام
انصحك تفصلهم عند
الاختصاصي