صور من حديقتي المتواضعة #_#

[بوحارب]

السلام عليكم

عندي زاوية حليوة في حوش البيت

وقلت استغلها بمساحة خضراء تشبع الناظرين ;)

سويت حديقة صغيرة 7 في 5

وفيها ورد محمدي ، لطيفة ، فُل ، كاتانيا ، جوري ، مشموم

ونخله صغيرة

وشجرة منقا ، وليمون اخضر ، تين ، ورمان :)

وأربع نخلات صغار للزينة فقط نوع كريدس


الصور

http://i.imgur.com/zJy21wT.jpg

حشيش فرنسي

http://i.imgur.com/1foyci1.jpg

لحد يركز عالصبغ للحين ما خلصت الشغل

http://i.imgur.com/QsSC0GP.jpg

سعت الباشا الفلاح (اقدع ناس) :cool:


http://i.imgur.com/0kwe8Ro.jpg

الورد للورد #_#

http://i.imgur.com/fIcdYRR.jpg


http://i.imgur.com/Y0NPqUA.jpg


وهذا الكريدس الزينة فقط

http://i.imgur.com/wNSjgwz.jpg

وهذي النخلة جاتني هدية من سعت الباشا الفلاح:yes:

http://i.imgur.com/ohXRQIN.jpg

من يبي ليمون

الكيلو على 300 ريال بس :)

http://i.imgur.com/znSgIhf.jpg

صورة ليلية للحديقة


http://i.imgur.com/10buun2.jpg

http://i.imgur.com/F1Yxdc8.jpg

المشموم وصل متأخر بس مافيش مشاكل :)


http://i.imgur.com/wH1jSce.jpg

وهذي الوردتين اهداء لكم ~_>


مخرج// شفني وانا احلامي
اللي مايله للسقوط
لا زال عندي طموح
انها تجي كلها



تحياتي الفخمه لكم يالفخمين :cool:

[المحاميه]

ياسلام
زين ماسويت
الحديقه حلوه وتريح النفس والعين
عليكم بالعافيه
ويعطي الفلاح الباش مهندس العافيه

وبخصوص الورد للورد اكيد تقصدني
تشكرات افندم

[رجل تعليم]

ما شاء الله تبارك الله
للنعناع فرصة مناسبة عند زاوية ما هنالك ...

[بوحارب]

ياسلام
زين ماسويت
الحديقه حلوه وتريح النفس والعين
عليكم بالعافيه
ويعطي الفلاح الباش مهندس العافيه

وبخصوص الورد للورد اكيد تقصدني
تشكرات افندم
ههههههههههه اوكي مب قايل لج لا :)

الله يعافيج المحامية ويسلمو ع المرور

[بوحارب]

ما شاء الله تبارك الله
للنعناع فرصة مناسبة عند زاوية ما هنالك ...

أهلاً بأستاذي الفاضل

بكل تأكيد سوف يكون للنعناع نصيب من هذي الحديقة


أشكرك ع المرور :)

[حمد 2002]

ال مغسله الي بالحوش وشهو سبب تواجدها بالحديقة ؟


وطوفت بيتكم ليش متشلخه؟

شؤكرن

[حمد 2002]

وهاي اتسميها حديقه ؟ هههههه

[شبح الصمت]

ماشاء الله جعله منزلاً مبارك


عاد ورد وزارع ورد ما نقدر عليك



الحديقة وحلووه


وبخصوص الطوفه تبي اجي اصبغها لك بنفسي


ياخي خربت ام البرستيج ياخي



ياخي بحبح نفسك اشوي


موشكيل كبير

[شبح الصمت]

بوحارب مع احترامي صج صج


الهندي شكله مهب مال ورد شكله كهربجي


ههههههههههههاي
ههههاي
هه


انزين الارضيه مب طبيعية ميه ميه صح


شوف انا بشن عليك هجوم يا توديني البنانا يا انا بتم ناشب لك لين تقول خلاص بوديك

[مشـــــاعر]

.



مآإشاء الله تبآإركك آإلله . .
مآإعليكك من آإلعذآإل الحديقة حلوووة :victory:

http://i.imgur.com/wH1jSce.jpg

عجبتني آإلوردة آإلصفرا :shy:
بس ليش مآإصورتها كآإملة :(


تتهنى فيهآإ إن شآإلله . .

[JN000N]

وووااااااااااووووووو حبيتها حديقة فرساي هيهيهيهيهيهي

[حمد 2002]

بوحارب لو مسويلك حوطة غنم في هالبراحه كان احسن لك هههههه

عيل هاي تسميها حديقة !!


انا كاسر خاطري هوز الماي الأصفر احسك حللته صح ههههههههه

[حمد 2002]

وووااااااااااووووووو حبيتها حديقة فرساي هيهيهيهيهيهي

عاد شعرفج انتي هههههههه متعوده على الزفره

[النهار]

مادري ليش تذكرت الحشيش الي قدام شارع البنوك بعد مايقمون العمال من فوقه ههههههههه نفس الحشيش الي زراعه
http://store1.up-00.com/2015-02/1424188387681.gif (http://www.up-00.com/)[/URL]http://store1.up-00.com/2015-02/1424188387681.gif (http://www.up-00.com/)[URL="http://www.up-00.com/"]

[حمد 2002]

مادري ليش تذكرت الحشيش الي قدام شارع البنوك بعد مايقمون العمال من فوقه ههههههههه نفس الحشيش الي زراعه
http://store1.up-00.com/2015-02/1424188387681.gif (http://www.up-00.com/)[/URL]http://store1.up-00.com/2015-02/1424188387681.gif (http://www.up-00.com/)[URL="http://www.up-00.com/"]

ههههههههههههههههههههههههههه

[JN000N]

عاد شعرفج انتي هههههههه متعوده على الزفره

لا انت الي تعرف يا ديج البيت
انت اول اطلع زر فر عقب تحجى

[العلياا]

الله يهنيكم وعقبال ما يخربونها العيال :o

[المحاميه]

بوحارب لو مسويلك حوطة غنم في هالبراحه كان احسن لك هههههه

عيل هاي تسميها حديقة !!


انا كاسر خاطري هوز الماي الأصفر احسك حللته صح ههههههههه


عاد شعرفج انتي هههههههه متعوده على الزفره


ماعرفنالك مع ولا ضد

انزين صورلنا حديقتك عشان نعرف شلون تكون حديقة البيت ونستفيد من خبرتك ونقلدك :)

[بوحارب]

وهاي اتسميها حديقه ؟ هههههه
لا اسميها قبقب هه


ماشاء الله جعله منزلاً مبارك


عاد ورد وزارع ورد ما نقدر عليك



الحديقة وحلووه


وبخصوص الطوفه تبي اجي اصبغها لك بنفسي


ياخي خربت ام البرستيج ياخي



ياخي بحبح نفسك اشوي


موشكيل كبير
هلا الضيب

الله يجزاك خير

المينتنناس للحين ماخلص

وبعدين هذا مصري مب هندي
اشفيك انت مطفي ليتاتك ههههههه


بوحارب مع احترامي صج صج


الهندي شكله مهب مال ورد شكله كهربجي


ههههههههههههاي
ههههاي
هه


انزين الارضيه مب طبيعية ميه ميه صح


شوف انا بشن عليك هجوم يا توديني البنانا يا انا بتم ناشب لك لين تقول خلاص بوديك


يهون عليك تهاوشني :(


.



مآإشاء الله تبآإركك آإلله . .
مآإعليكك من آإلعذآإل الحديقة حلوووة :victory:

http://i.imgur.com/wH1jSce.jpg

عجبتني آإلوردة آإلصفرا :shy:
بس ليش مآإصورتها كآإملة :(


تتهنى فيهآإ إن شآإلله . .

الله يجزاك خير خيتو ميشو
ولا أفتكر فيهم أصلاً وخاصه الذبيحة حمد هه
ولا يهمج الجايات اكثر :)

[بوحارب]

وووااااااااااووووووو حبيتها حديقة فرساي هيهيهيهيهيهي
طلعي برع يالنفسية وهوهوهوهوههههههههه

عاد شعرفج انتي هههههههه متعوده على الزفره
:funny:


مادري ليش تذكرت الحشيش الي قدام شارع البنوك بعد مايقمون العمال من فوقه ههههههههه نفس الحشيش الي زراعه
http://store1.up-00.com/2015-02/1424188387681.gif (http://www.up-00.com/)[/URL]http://store1.up-00.com/2015-02/1424188387681.gif (http://www.up-00.com/)[URL="http://www.up-00.com/"]
ترى اليوم حفوه والله هههههههههههه

حلقوله مكينة واحد الا ربع ;)




لا انت الي تعرف يا ديج البيت
انت اول اطلع زر فر عقب تحجى
وهوهوهههههههه

[بوحارب]

الله يهنيكم وعقبال ما يخربونها العيال :o
تسلمين

لا ما عليج ماعطهم تعليمات ولا بيتسطرون :)



ماعرفنالك مع ولا ضد

انزين صورلنا حديقتك عشان نعرف شلون تكون حديقة البيت ونستفيد من خبرتك ونقلدك :)

حمد ساكن مع عزابية ماعندهم حديقة :funny:

[JN000N]

بوحارب انا صج صج شاكه ف وضعك
صاير وايد تهوهو شفيك؟ شعاضك

[مشـــــاعر]

بوحارب انا صج صج شاكه ف وضعك
صاير وايد تهوهو شفيك؟ شعاضك

ههههههههههههههههههههههههههههه
هههههههههههههههههههههههههههههههههههههههه
هههههههههههههههههههههههههههههههههههههههههههههههههه هه
ذبحتيني والله هههههههههههههههههههههههههه

[Aaziz]

دام سعاده الباشا مضبط لك الحديقه ،، تحمل تطلع النخلتين الصغار بلاستك مش صج :nice:
الله يبارك لك في بيتك و من فيه

[رهج السنابك]

واوو روعه شنو هالجمال قمة الابداع خاصه تناسق الوان الورد برتقالي واصفر وشجرتين وليمونه ونخله مبيوقه قصدي مهداه
روعه حديقتك
الا من وين الشتلات من فايض البلديه ولا سوق عمان
حوض المغسله كسر الروتين كله نشوف نوافير وبرك سباحه في الحدايق بس هالمره غير حوض مغسله ماحد بالعالم فكر فيها قمة قمة الابداع
واصل ونبي نشوف الرمان والتوت والجوافه

[بوحارب]

بوحارب انا صج صج شاكه ف وضعك
صاير وايد تهوهو شفيك؟ شعاضك
اقري عدل يالنفسية وهوهوهوهوههههههههههههههه


دام سعاده الباشا مضبط لك الحديقه ،، تحمل تطلع النخلتين الصغار بلاستك مش صج :nice:
الله يبارك لك في بيتك و من فيه
زيزو تخيل صج يطلع النخل بلاستيك ههههههههههههههههههههههه

الله يرحم والديك يالشيخ :cool:


واوو روعه شنو هالجمال قمة الابداع خاصه تناسق الوان الورد برتقالي واصفر وشجرتين وليمونه ونخله مبيوقه قصدي مهداه
روعه حديقتك
الا من وين الشتلات من فايض البلديه ولا سوق عمان
حوض المغسله كسر الروتين كله نشوف نوافير وبرك سباحه في الحدايق بس هالمره غير حوض مغسله ماحد بالعالم فكر فيها قمة قمة الابداع
واصل ونبي نشوف الرمان والتوت والجوافه

يسلمو يالمديرة ;)

[JN000N]

نفس الشي (شعاضك صج؟)
نفسيتي ف العلالي

[راجي الْعفو]

وعليك و رحمة الله

خوش بداية يابوعبدالرحمن و الى الامام

بس اقلع المغسله و سو ديكور و نافورة و هالسوالف


عاد اما تسقي النخلتين و اتشد حيلك و اخرتها بلاستيك !



عموما ، خلك جاهز بييب فريقي و نلعب تقسيمه في استاد خليفه حقتك !

[بوحارب]

نفس الشي (شعاضك صج؟)
نفسيتي ف العلالي
برا برا برااااا :funny:


وعليك و رحمة الله

خوش بداية يابوعبدالرحمن و الى الامام

بس اقلع المغسله و سو ديكور و نافورة و هالسوالف


عاد اما تسقي النخلتين و اتشد حيلك و اخرتها بلاستيك !



عموما ، خلك جاهز بييب فريقي و نلعب تقسيمه في استاد خليفه حقتك !

تسلم

ياخي اسكت للحين اضحك على رد عزيز هههههههههههههه

تخيل شاد حيلي وكل اسقيهم وفي الأخير نايلون مادري بلاستيك هههههههههههاااايي

المهم بالنسبة لك انت وفريقك بطلع لكم وضوح تتفاهم معاكم :)

صدقني بتتحسفون :) الورد كله حقت وضوح ;)

[JN000N]

انطـم زين

[بوحارب]

انطـم زين

الله يشفيك

خلينا فموضوع حديقة الهايدبارك حقتي
مب ناقص ردود مال أمها داعي :yes:

[نور الحور]

ما شاء الله تبارك الرحمن ..

الله يهنيك بوحارب ..

المساحات الخضراء مريحة للنفس والنظر ..

الله يطرح فيها البركة إن شاء الله وتثمر لك بشغف :o

[دااانة قطر]

مااشاء الله
بداية الحديقة تنسيقها حلو
وان شاء مع بعض التعديلات تصير احلى
لو امي تصيد هالمكاان بتاخذ زاوية وبتزرع طماط وبقدونس ونعناع وخيار .....الخ
وبتزيد المشموم والفل في كل مكاان



عسااك عالقوة

[بومحمد المطاوعه]

ماشاءالله ترتيب

اصبغ الطوفه انزين هههههههاي

[حمد 2002]

ماشاءالله ترتيب

اصبغ الطوفه انزين هههههههاي

عنده صباغين كورين حاطهم بالانستغرام ماله ،،

بس هذيلاك صابغين البيت الجديد مال الاستثمار التجاري ، مممم هذا بيته الي ساكن فيه ،،



بوحارب السؤال هنا


كم عندك بيت ؟ والله خاطري اعرف !!


مره في ام صلال ومره مادري ويين !!


من وين لك الفلوس !!


لو بحر خلص والله !!


علمني يالطييييب

[دااانة قطر]

عنده صباغين كورين حاطهم بالانستغرام ماله ،،

بس هذيلاك صابغين البيت الجديد مال الاستثمار التجاري ، مممم هذا بيته الي ساكن فيه ،،



بوحارب السؤال هنا


كم عندك بيت ؟ والله خاطري اعرف !!


مره في ام صلال ومره مادري ويين !!


من وين لك الفلوس !!


لو بحر خلص والله !!


علمني يالطييييب

استغفر الله العظيم

[قلم صادق]

عليك بالعافيه بوحارب ... مافي احسن من الخضار بالبيت الله يهنيك .. بعد لو تحط بالوسط الاحجار اللي من داخلهم ليت :ok:..
بس حبيت اسأل شجره الليمون من وين جايبها .

[غير البشر]

استغفر الله العظيم



ههههههههههههههههههههه للحين ماشفتي شي

[دااانة قطر]

ههههههههههههههههههههه للحين ماشفتي شي

ولا ابي اشوف :funny:

[_ناصر]

مشاءالله ابدعت

[شبح الصمت]

ههههههههههههههههههههه للحين ماشفتي شي



شكله عطاه اياها


بنشوف بوحارب في صندقه عقب كم يوووم


وزارع جرجير حولين الكبينه

ههههههههههههههههههاي


حمد اذكر الله ياخي

الله يرزقه بوحارب ويزيده يالحسوود


صج انك حسووود

[حليتان*]

خووووش حديقة يالذيب

تهنيييت تهنيييت يابوحارب

[بوحارب]

ما شاء الله تبارك الرحمن ..

الله يهنيك بوحارب ..

المساحات الخضراء مريحة للنفس والنظر ..

الله يطرح فيها البركة إن شاء الله وتثمر لك بشغف :o
الله يرحم والديك نور

أشكرك بشغف


مااشاء الله
بداية الحديقة تنسيقها حلو
وان شاء مع بعض التعديلات تصير احلى
لو امي تصيد هالمكاان بتاخذ زاوية وبتزرع طماط وبقدونس ونعناع وخيار .....الخ
وبتزيد المشموم والفل في كل مكاان



عسااك عالقوة
التعديلات جايه فالطريق

مب ملحق يا دانه الأشغال وايد:)

تسلمين والله يطول بعمر الوالده


ماشاءالله ترتيب

اصبغ الطوفه انزين هههههههاي

ياخي انت ارحل هههههههههه

عطني الجمس بروح اجيب رمل وسماد للحديقة ههههههههههه

<<<< خلاص خلاص مابي لاتعصب علي ;)

[R 7 A L]

خوش حديقة

انت انسان ناجح وهالحديقة دليل على نجاحك في الحياة
أستمر

[بومحمد المطاوعه]

ياخي انت ارحل هههههههههه

عطني الجمس بروح اجيب رمل وسماد للحديقة ههههههههههه

<<<< خلاص خلاص مابي لاتعصب علي ;)

خخخخخخخخخخ

يفداك

انزين متى نشوي
فالحديقه

نبي كباب وكفته

[بوحارب]

عنده صباغين كورين حاطهم بالانستغرام ماله ،،

بس هذيلاك صابغين البيت الجديد مال الاستثمار التجاري ، مممم هذا بيته الي ساكن فيه ،،



بوحارب السؤال هنا


كم عندك بيت ؟ والله خاطري اعرف !!


مره في ام صلال ومره مادري ويين !!


من وين لك الفلوس !!


لو بحر خلص والله !!


علمني يالطييييب
حمد اليوم تعبببببت وانا أعد مدخول القباقب من بداية الشهر

طفت ال 35 لين الحين واتوقع يصك ال 50 لين اخر الشهر :)

تبي ؟؟ اركب عبري معاي في الgulf craft وخذ حلاوتك €_€

اذكر الله :)


استغفر الله العظيم
استغفرالله

عليك بالعافيه بوحارب ... مافي احسن من الخضار بالبيت الله يهنيك .. بعد لو تحط بالوسط الاحجار اللي من داخلهم ليت :ok:..
بس حبيت اسأل شجره الليمون من وين جايبها .
شفت الأحجار في السوق الصيني وأعجبتني

بس انا أفكر أحط نافورة صغيرة في النص !

الليمونة مآخذها من مشتل في الخور وأسعاره ممتاااازه

فرق السما والأرض عن مشاتل الدوحة !
بس المزارع هو اللي شراها لي لانه عميل عندهم

اذا بغيت رقم المزارع بدزه ع الخاص

:)






ههههههههههههههههههههه للحين ماشفتي شي

بتنتحر لو تشوف الباقي :(

[ولد العرب]

تعال بيتي وفهمني هالشغل والله عندي مساحه 700 متر مهب عارف ارزعه ورحت ضربتها بلاط كله :nice: والا ام العيال بققت عيونها:eek5: وش سويت انت وين الحديقه :anger2: تورطت ههههه اقوولك كلها بلاط
ان شاء الله بسوي لها حديقه ولكن بتكسر ظهري مساحه 700 متر برووح فيها

[دااانة قطر]

تعال بيتي وفهمني هالشغل والله عندي مساحه 700 متر مهب عارف ارزعه ورحت ضربتها بلاط كله :nice: والا ام العيال بققت عيونها:eek5: وش سويت انت وين الحديقه :anger2: تورطت ههههه اقوولك كلها بلاط
ان شاء الله بسوي لها حديقه ولكن بتكسر ظهري مساحه 700 متر برووح فيها

سو لهم حديقة مسكرة مع بركة سباحة وقعدة حلوة تطلع شي

[ولد العرب]

سو لهم حديقة مسكرة مع بركة سباحة وقعدة حلوة تطلع شي

البركه ب 80 الف :waiting:

[بوحارب]

مشاءالله ابدعت
تسلم يالنصري

والابداع مرورك

نورت المنتدى :)






شكله عطاه اياها


بنشوف بوحارب في صندقه عقب كم يوووم


وزارع جرجير حولين الكبينه

ههههههههههههههههههاي


حمد اذكر الله ياخي

الله يرزقه بوحارب ويزيده يالحسوود


صج انك حسووود
يا ريال انرقعت بعين قبل وجاني السرطان
الله يكافينا شر العين



خووووش حديقة يالذيب

تهنيييت تهنيييت يابوحارب
هلا هلا بالناس الكويسه

الله يرحم والديك يالحبيب :)


خوش حديقة

انت انسان ناجح وهالحديقة دليل على نجاحك في الحياة
أستمر
يعني اسوي برزنتيشن في علوم النباتات والاحياء :)؟؟؟ ههههه

أشكرك يالمدير

[بوحارب]

خخخخخخخخخخ

يفداك

انزين متى نشوي
فالحديقه

نبي كباب وكفته
يفداك الردي

انت صاااااحي ؟؟

صدقني اطرش لكم وضوح بنتي تبقس لكم تبقس:)



تعال بيتي وفهمني هالشغل والله عندي مساحه 700 متر مهب عارف ارزعه ورحت ضربتها بلاط كله :nice: والا ام العيال بققت عيونها:eek5: وش سويت انت وين الحديقه :anger2: تورطت ههههه اقوولك كلها بلاط
ان شاء الله بسوي لها حديقه ولكن بتكسر ظهري مساحه 700 متر برووح فيها
اذا عزمت تسوي حديقة

خبرني وازهل الموضوع ،، عندي هالمزارع امين ويبي يشتغل
وسعره ممتاز والله والشغل بروفشنال



سو لهم حديقة مسكرة مع بركة سباحة وقعدة حلوة تطلع شي

دانه
البركة مب سيفتي في البيت خصوصاً اذا فيه بزران

[بومحمد المطاوعه]

يفداك الردي

انت صاااااحي ؟؟

صدقني اطرش لكم وضوح بنتي تبقس لكم تبقس:)


ههههههههههههههههههاي

ليش ياخي

عجيب

[بوحارب]

الحديقة تحت امرها يالضيب

هي اللي تقرر من يدخل ومن يطلع فيها

تفاهم معاها انا مالي خص :) وأنشد راجي عنها

[راجي الْعفو]

يا بومحمد الله يهداك

انا كنت ابي اجهز الفريق حقتي
لابسين صراويل رياضه و رافعينها لين الصدر من الحماس

بس المديره مشكله

دور لك واسطه !

[معماري قطري]

حديقة مباركة إِن شاء الله والزراعة تشرح الصدر مهما تقل وتكون

انا مسوي 7 مساحات للزراعة داخل البيت وكملت عليها بمساحات منفصلة خارج البيت وبحط صور إِن شاء الله.

عاد بو حارب كنت ناوي أَكتب موضوع عن الحدائق المنزلية لكن سبقتني

[سري للغاية]

مرحبا اخوي الغالي " بوحارب "
جعله منزل مبارك والله يهنيك فيه
بالنسبة للحديقة الله يجعلها مباركة ان شاء الله وتأكل من ثمارها وخيرها ، اهم شي انك خطيت هذه الخطوة ونفذت وكان اختيارك يابوحارب موفق في اختيار الاصناف المزروعة ، اللي بصراحة كثير من المنازل تفقتدها لعدة اسباب اهمها عدم وجود مساحة كافية في البيت ، وفي النهاية هي جزء من حياتنا اليومية الذي لا غنى عنه لدورها الهام في تصفية الاجواء في البيت من الغبار والسموم والغازات المنتشرة بالجو ، ويوجد نوع من الاشجار طارد للنامس والحشرات وتسمى شجرة ( النيم ) انصحك بزراعتها وعندك شجرة ( المورينجا ) هذه تعتبر من اهم الاشجار والنباتات لفوائدها الغير محدودة وياريت تقرأ عنها وتزرعها ماني بقايل لك وش فوائدها على اساس تقرأ عنها وانت اللي تذكر فوائدها في موضوعك هذا :)

عندي ملاحظة صغيرة يالغالي
بالنسبة لشجرة الكريدس هذا نوع من نخيل الزينة ويسمى السايكوس للتصحيح فقط في وحده منهم مزروعة بميلان حاد ياريت لو تعدل ميلانها شوي لانها بهذه الطريقة بتميل صوب الارض .
والله يوفقك اخوي " بوحارب "
والسموحة على الاطالة ،

[بومحمد911]

فكرة حلوة .مبدع يابوحارب

[المبرمج صلاح]

ما شاء الله روعه الله يبارك لك

عندي ملاحظتين
الاولى المفروض تم عمل صيانه للجدران قبل الحديقة لان من الصور العمال اللي يشتغلون بعد كدا في صيانه وصبغ الجدارن ممكن يخربون لك الحديقة

الثانية صبغ الجدران بالوان مختلفة وعمل رسومات عالحائط بطريقة فنية تتوافق مع الحديقة وممكن تضع لك نافورة صغيرة في وسط الحديقة

[سري للغاية]

السلام عليكم ورحمة الله وبركاته
بما اني طلبت من اخوي بوحارب ان يذكر لنا فوائد شجرة المورينجا في مشاركة سابقة لكنه مارد علي :)
عموما هذه بعض المعلومات عن شجرة " المورينجا " وفوائدها العظيمة .

الشجرة معجزة من الله بمعنى الكلمة لما تحويه من فوائد عظيمة وأتمنى أن تهتم الدولة بزراعتها بكل مكان بقطر وبكل الحدائق لتعم الفائدة ويكون هناك من يطبع منشور بفوائدها العظيمة لتعود بالنفع على الشعب .

العائلـــة : Moringa oleifera
الأسم العلمي : Drum sticks
الأسم الإنجليزي : (Moringa Peregrina) الإسم العربي : شجرة البان - شجرة اليسـر – شجـرة الحياة - صيدلية العائلة .

هي أشجار سريعة النمو يصل إرتفاعها الى أكثر من عشرة ، تتكاثر بالبذرة .
طبيعة النبات الجذور ، الثمار، الأوراق ، الأزهار ، الساق .

البيئــة قارتى أسيا وأفريقيا :
- شجرة المورينجا تنمو فى الاراضى القاحلة والحارة حيث تتحمل الجفاف وتمتاز بسرعة النمو ، وهي تعتبر من أسرع الأشجار فى النمو حيث يصل إرتفاعها الى أكثر من مترين فى أقل من شهرين وأكثر من ثلاثة أمتار فى أقل من عشرة أشهر من زراعة البذور وقد يصل ارتفاعها مابين 9 و12 مترا خلال ثلاث سنوات .
- تحتوى عائلة المورينجا على 14 صنف من أصناف المورينجا المختلفة ، ولها عدة أسماء حول العالم ، فيما يطلق عليها في بعض الدول الغربية اسم شجرة الحياة أو الشجرة المعجزة لانها تحمل جوانب انسانية عديدة للفقراء لما يمكن أن تمثله من مصدر غذائي كامل لهم ولاسيما أنها تنمو بريا وتنتشر فى بلاد عديدة من قارتى أسيا وأفريقيا .

أن أوراق شجرة البان تحتوى على 30 م جراما من الكالسيوم وهو ما يوازى محتوى أربعة أمثال من الحليب ومن البوتاسيوم ما يوازى ثلاثة أضعاف محتواه فى الموز. ويقال ان هذه الاوراق تحتوى على فيتامين (ج) ما يوازى محتواه فى سبعة مرات من عصير البرتقال وفيتامين (أ) ما يوازى أربعة أضعاف محتواه فى الجزر ومن الحديد ما يوازى ثلاثة أضعاف محتواه فى السبانخ ومن البروتين ما يعادل مرتين فى الحليب أو ما يعادل بيضة.

يطلق على شجرة المورينجا من صنف (Moringa Peregrina) شجرة البان وقد تغنـى بها الشعـراء ونالت إهتمام العديد من الباحثين، والبان شجـرة لها فوائد عديدة قيمتها الغذائية مازال العلماء يعملون على اكتشافها، وشجرة البان يطلق عليها بالعربية اسم اليسر أو الحبة الغالية أو شجرة الفقراء ، ويقال أن زيت هذه الشجرة يفوق فى قيمته الغذائية زيت الزيتون .
كما تسـاعد على عــلاج أنيميا الـدم وأمـراض القـلب والمخ والاعصاب والسرطان والسكر الى جانب مفعوله فى الوقاية من الاصابة بفقدان البصر الناتج من نقص فيتامين (أ) فيما أجمع عدد من الاطباء على القيمة الفعالة للشجرة فى علاج أمراض التهاب المثانة والبروستاتا والسيلان والزهرى والحمى الصفراء و الروماتيزم .

الشجرة المعجزة .. المورينجا تتميز بالآتى : -
- تنقية المياه : معالجة مياه الشرب ومياه الصرف .
- إستخدامات طبية : ورد عنها في الطب الشعبي الهندي أنها تعالج 300 مرض, لإحتوائها على الحمض الدهني الغير مشبع مثل حبة البركة .
- غذاء للإنسان : يستخلص من جميع أجزاء الشجرة مواد غذائية عالية القيمة وتطبخ أورقها كالسبانخ ونسبة الحديد بها أكثر .
- للحيوان : يصنع منها علف جيد للحيونات .
- للأسماك : تم إستخراج غذاء للأسماك في نيكاراجوا من هذه الشجرة .
- النحل : نظراً لنضارة الزهرة طول العام أصبحت مرعى مفضل للنحل .
- إستخدامات زراعية : جذور الشجرة المتشعبة مثل " الشمسية " تزيد نسبة الرطوبة في التربة حتى في أوقات الجفاف.
- تستخدم كحاجز للرياح والأتربة بين القطع الزراعية وتلقى بظل كبير نظرا لإرتفعها الذي يصل لـ 12 متر.
- يستخرج منها سماد أيضاً .

- الصناعات : -
الزيت : لأن ورقها يحتوى على نسبة 40 % من زيت يضاهي زيت الزيتون
الورق : من خشب جزع الشجرة.
وقود : من الزيت والخشب
النسيج : خشب الشجرة المميز يساعد في صناعة ألياف معينه تستخدم في النسيج
مشروبات : تقوم بعض الشركات الأسيوية بصناعة مشروب منعش مثل المشروبات الغازية
مستحضرات التجميل : من الزيوت وتطحن بعض الأجزاء لصناعة بودرة تجميل

معلومات عامة عن المورينجا : -
- منذ الثوره الصناعيه 1860 بدأت الحياه تسير بأيقاع سريع و حاول الانسان مسايره هذا الايقاع بشتي الطرق ومع مطلع كل شمس جديده كانت الرفاهيه تزداد و تنتشر بصوره رهيبه.
ظهرت الصناعات الدوائيه في تلك الاثناء و لسنا ننكر ما قدمته من نفع و خير للبشريه ولن نتجاوز اذا قلنا انه علي مقدار ما كانت المنفعه كانت المضرة
فقد تدني الجهاز المناعي للجسم و ظهرت بعض الادويه و العقاقير التي تعالج علاجا وقتيا بل عالجت بعض العقاقير امراضا واعراضا فينا علي حساب امراض اخرى ظهرت بعد العلاج ، هذه ليست دعوه للابتعاد عن المستشفيات من غير شر ولكن لناخذ من التكنولوجيا والعلم الحديث ما هو مفيد وننبذ ما هو ضار .
** شجره البان ( غصن البان ) كما يطلق عليها بالعربيه ، ثبت علميا ان اوراق هذه الشجره من افضل النباتات لجهاز المناعه وفقا لتقاريرعديده مثل:-

- الجامع لمفردات الاغذيه والادويه لابن البيطار:-
- شجر ينمو و يطول في استواء وهو اخضر شديد الخضره ورقه يلطف صلابه الكبد و الطحال و ينقي الاحشاء و يعالج النقرس و يشد اللثه ويقطع الرعاف.
- داوود الانطاكي : -
جميع اجزاء هذا النبات تمنع الاورام و النوازل و تشد البدن و تدمل الجراح و تنقي الاحشاء و تذهب الطحال و البواسير و تقوي الكبد و تحلل الاورام .
- برنامج الامم المتحده للتنميه المشروع رقم egy/00/g31/a/1g/99 الخاص بتنميه النباتات الطبيه في الاراضي المستصلحه وذلك بمشاركه الاتحاد الاوروبي والمعونه الالمانيه اكدوا فوائد المورينجا.
- اقرتها معامل دستور الادويه الانجليزي كغذاء امن .
- اقرتها منظمه الادويه والاغذيه الامريكيه كغذاء امن .
- د. هاني نور الدين - الهيئه العامه لشؤن الزراعه و الثروه السمكيه بدوله الكويت اقرتها الهيئه كغذاء امن وصحي وواقي من امراض السرطان .
- الدكتوره امل عبد الله الحسين - جامعه الملك سعود - كليه علوم الاغذيه والتغذيه البحث المؤرخ في 1422 هجريه .
- د.عادل عقيل - مدير حدائق الاورمان في حديث للجمهوريه تقوم حديقه الاورمان بتصدير بذور المورينجا الي المانيا وجنوب اسيا حيث تستعمل في علاج التهابات البروستاتا والصداع والاستسقاء .
- معهد الاعشاب الملكي الهولندي في تقريره المورينجا اثبت واكد السابق ذكره واكد امانها وانها واقيه من السرطان .

اليوم و نحن محاصرون ما بين مطرقه السرطان و الامراض المتوحشه و سندان انفلونزا الطيور و الخنازير ووالخ ....
ما افضل من ان نقوي مناعتنا بما وهبه الله لنا من الطبيعه والله يبعد عنا وعنكم وعن جميع المسلمين الامراض ويمدنا وياكم بالصحة والعافية والعمر المديد .

وآسف على الاطالة واتمنى اني وفقت في نشر الفائدة عن هذه الشجرة العجيبة
دمتم بود ،،

[مختلفة عقليا]

السلام عليكم .,

اللون الاخضر مفيد للعين والنفس .,

زين سويت ., زاويه حلوه

ويسلموو

[حفيد الأنصار]

ماشاء الله تبارك الله
حلواآ .. بس ليش ماكبرتها شوي !!
عاد صيانته مشكله يبيله عامل رايح جاي عليه حتى لو كان متر في متر
عندنا كذا بالحوش وان شاء الله أصوره لك اذا مانسيت خخخ
يعطيك العافية بو حارب ع الصور الجمميله

[بوحارب]

سري للغايه اسمحلي يالشيخ نسيت الموضوع والله :)

ولي عوده لردك الفخم ولباقي الردود الفخمه :)

[بومحمد المطاوعه]

ههههههههههههههههه راحت الورود


زين جذي حسدتو الرجال

[عاشق الشهادة]

من اجمل ما رأيت فهنيآ لك الغالي بوحارب على هذه الحديقة الجميلة:nice:

[كازانوفا]

ماشالله تبارك الله
تزين جنتك بالاخره بالذكر ان شالله

[الزعفراني]

خوش يالحبيب ماشاء الله

ليش ما تسوي شلال في الزاوية .. والا نافوره

[سري للغاية]

مرحبا ومسهلا اخوي " بوحارب "
ينساك الموت يالغالي :) دايماً مميز يابوحارب
وفالك التوفيق اخوي

[بوحارب]

حديقة مباركة إِن شاء الله والزراعة تشرح الصدر مهما تقل وتكون

انا مسوي 7 مساحات للزراعة داخل البيت وكملت عليها بمساحات منفصلة خارج البيت وبحط صور إِن شاء الله.

عاد بو حارب كنت ناوي أَكتب موضوع عن الحدائق المنزلية لكن سبقتني

الله يبارك فعمرك يالشيخ :cool:

مالك عذر
وماني بعاذرك

الا لين تنزل لنا تقرير عن مساحاتك الخضراء

لان انت مبدع ونبغي نستفيد منك ^_^

وأبشرك سويت حديقة ثانية وحطيت فيها طماط وجرجير ونعناع وفلفل بارد وباذنجان هههههه

[بوحارب]

مرحبا اخوي الغالي " بوحارب "
جعله منزل مبارك والله يهنيك فيه
بالنسبة للحديقة الله يجعلها مباركة ان شاء الله وتأكل من ثمارها وخيرها ، اهم شي انك خطيت هذه الخطوة ونفذت وكان اختيارك يابوحارب موفق في اختيار الاصناف المزروعة ، اللي بصراحة كثير من المنازل تفقتدها لعدة اسباب اهمها عدم وجود مساحة كافية في البيت ، وفي النهاية هي جزء من حياتنا اليومية الذي لا غنى عنه لدورها الهام في تصفية الاجواء في البيت من الغبار والسموم والغازات المنتشرة بالجو ، ويوجد نوع من الاشجار طارد للنامس والحشرات وتسمى شجرة ( النيم ) انصحك بزراعتها وعندك شجرة ( المورينجا ) هذه تعتبر من اهم الاشجار والنباتات لفوائدها الغير محدودة وياريت تقرأ عنها وتزرعها ماني بقايل لك وش فوائدها على اساس تقرأ عنها وانت اللي تذكر فوائدها في موضوعك هذا :)

عندي ملاحظة صغيرة يالغالي
بالنسبة لشجرة الكريدس هذا نوع من نخيل الزينة ويسمى السايكوس للتصحيح فقط في وحده منهم مزروعة بميلان حاد ياريت لو تعدل ميلانها شوي لانها بهذه الطريقة بتميل صوب الارض .
والله يوفقك اخوي " بوحارب "
والسموحة على الاطالة ،

الله يرحم والديك سري للغايه
اتفق معاك الحديقة تعدل المزاج وتغير النفسية
يكفي ياخي تكرك العصر وانت قاعد فوق الحشيش ^_^

ان شاء الله أكلم المزارع يجيب هالشجرتين

وأشكرك على التصحيح وتم تعديل ميلان السيكس ;)

[بوحارب]

فكرة حلوة .مبدع يابوحارب
أشكرك بوحمود

ومنور يالحبيب

ما شاء الله روعه الله يبارك لك

عندي ملاحظتين
الاولى المفروض تم عمل صيانه للجدران قبل الحديقة لان من الصور العمال اللي يشتغلون بعد كدا في صيانه وصبغ الجدارن ممكن يخربون لك الحديقة

الثانية صبغ الجدران بالوان مختلفة وعمل رسومات عالحائط بطريقة فنية تتوافق مع الحديقة وممكن تضع لك نافورة صغيرة في وسط الحديقة

هلا هلا بالناس الكويسه

أشكرك يا بش مهندس*على
الملاحظات الحلوة
وانا مأجل الصيانة الخارجية الى ان انتهي من جميع الشغلات الثانية

وبالنسبة للنافورة ياخي عندي أطفال وانا متاكد انهم بيلعبوا فيها
وبيسببوا لي عوار راس :(

[ll vip ll]

300 ريال يابوحارب ليش:anger1: ؟؟؟؟

وينكم ياحماية المستهلك :telephone:

[بوحارب]

ما شاء الله تبارك الله معلومات تكتب بماء الذهب اخوي سري للغايه

بس وين احصل هالشجرة الطيبة ؟؟

[بوحارب]

السلام عليكم .,

اللون الاخضر مفيد للعين والنفس .,

زين سويت ., زاويه حلوه

ويسلموو
وعليكم السلام

اشكرج مختلفة :)

وثانكيو


ماشاء الله تبارك الله
حلواآ .. بس ليش ماكبرتها شوي !!
عاد صيانته مشكله يبيله عامل رايح جاي عليه حتى لو كان متر في متر
عندنا كذا بالحوش وان شاء الله أصوره لك اذا مانسيت خخخ
يعطيك العافية بو حارب ع الصور الجمميله

مرحبا ومسهلا الحربي

أبشرك مضبط لي مزارع يمر علي كل أسبوع مره وأعطيه 200 فالشهر

صور صور خلنا نستفيد منك يالذيب

يعافيك ;)

[بوحارب]

ههههههههههههههههه راحت الورود


زين جذي حسدتو الرجال
هههههههههه. لا لا المزارع يقول انتهى موسمهم خخخخخ



من اجمل ما رأيت فهنيآ لك الغالي بوحارب على هذه الحديقة الجميلة:nice:
الله يجزاك خير بومحمد ^_^


ماشالله تبارك الله
تزين جنتك بالاخره بالذكر ان شالله

اللهم امين

ولَك بالمثل خيتو :)

[بوحارب]

خوش يالحبيب ماشاء الله

ليش ما تسوي شلال في الزاوية .. والا نافوره
والله ودي

بس خايف على البزارين
والنافوره يبيلها صيانة تجيب النامس

يعني خلني بعيد عنها احسن

منور زعفرانينو ;)


300 ريال يابوحارب ليش:anger1: ؟؟؟؟

وينكم ياحماية المستهلك :telephone:
ههههههههه خلاص ولايهمك لك ب 250

منور يالحبيب وعاش من شافك :)

[بصمة قطرية]

بوحارب
بجيب لك ورد هدية بيتك :)
يا زين الزرع و الورد
ماشاءالله ..
إهتم بالحديقة لا تهملها
الزرع ما في أحلى منه ..

[نفسي عزيزه]

بوحارب سو لك قفص حمام رب حمام وهدهم عشان يسونها على الطوفه ويلعوزون حديقتك :)

[بوحارب]

بوحارب
بجيب لك ورد هدية بيتك :)
يا زين الزرع و الورد
ماشاءالله ..
إهتم بالحديقة لا تهملها
الزرع ما في أحلى منه ..
اشكرج اشكرج خيتو بصمه

لاتحاتين مهتم فيها :)

بوحارب سو لك قفص حمام رب حمام وهدهم عشان يسونها على الطوفه ويلعوزون حديقتك :)

ترى بسوي قفص بس مافيه امل اهدهم

فاضي انا وصاخه على الطوف

يالمجرم يالهرامي :)

[سري للغاية]

ما شاء الله تبارك الله معلومات تكتب بماء الذهب اخوي سري للغايه

بس وين احصل هالشجرة الطيبة ؟؟

مرحبا اخوي " بوحارب "
بخصوص الشجرتين موجودين في المشاتل يالغالي ، واذا مالقيتهم علمني وفالك طيب
بس احرص وانا أخوك على ان تأخذ شتله غصنها متين وتأكد من خروج اوراق جديدة على الشجرة هذا دليل على صحتها الجيدة بعون الله
والله يوفقك ويوفق الجميع لما فيه الخير والصلاح .

[ولد العرب]

مرحبا ومسهلا اخوي " بوحارب "
ينساك الموت يالغالي :) دايماً مميز يابوحارب
وفالك التوفيق اخوي
لا والله ماينساك المووت :weeping:

[Charisma]

ماشاءالله ..يعجبني فيك حب التطوير .. وماعليك استمر .. لو اجنبي مصور حديقه قدام بيته مترين في متر كانت الردود.... وااو بيووطططيفول .. بس لانك صحراوي حسوا ان الموضوع مب راكب :nea:









عاد تبي الصج .. ودي اشوفها عقب شهرين .. عاااااااااااااااااادي تنقلب طبيله للهدد :thumbup1:

[<اضرب واشرد>]

خوش حديقة بوحارب :)

عندك مساحات مزروعة غيرها في البيت ؟ الزراع كم ساعة يشتغل تقريبا في الشهر ؟

الزراع عندنا يمر يوميا وأحيانا شبه يومي وأحيانا كل كم يوم على حسب .. والمساحة المزروعة أكبر (من كل جوانب البيت) والزرع أنواع وأشكال وياخذ 300 في الشهر .. أحيانا نزيده فوقها بدون لايطلب

يفترون على أكثر من بيت أشوفه في بيوت الفريج

أحلى شي المنجا :victory:

وأنا صغير كانت عندنا شجرة (بمبر) :rolleyes2: واصبار ورمان وجوافة

الحين منجا وليمون ومن هالحركات

يعطيك العافية والله يبارك لك