الرجل المتحرر هو المفضل لدى الزوجات

[حمد 2002]

السلام عليكم ورحمه الله وبركاته


الرجل المتحرر (( الي مايغار على زوجته ومخليها على كيفها )) هو المفضل لدى الزوجات ، بينما الرجل الصارم الحازم منبوذ من قبل الزوجات !!


هل صحيح بأن تلك العباره هي الدارجه بعصرنا الحالي للأسف ؟



مع التحيه ،،

[عثرة جواد]

السلام عليكم

قصدك المعقد ههههه

هااي كلش مب مرقوب فية ومنبوووذ ويفشل ومب كيوت :whistling:

زمن قاااسي

[بوحارب]

بالعكس بعض الحريم يبغون الرجل الصارم راعي الكلمة الوحدة

اما المتحرر هو والمرة واحد الصراحة مافيه فرق بينهم

واللي زوجها متحرر صدقني انها تعاني الكثير والكثير وحياتها ناقصه :)

[ضوى]

المرة تحب الريال اللي يغار مب الديوث ، لا تجيبون كلام من عندكم وتحطونه كانه ظاهرة ، مافي مرة تبي متحرر واذا وجد فهم الشواذ

[العقل المدمر]

من وين جايب هالجملة ؟
أشكره من مخك والا من هلك :rolleyes2:

[بومحمد المطاوعه]

والله ياحمد هالكلمه غلط
وماعتقد الي تخاف على شرفها وعفتها

بتقول هالكلام او بترضى على واحد ديوث

لان الانفتاح والتحرر يجذب العار مع الزمن

ف ماينذكرون هالفئه

ولو ذكرناهم

تعوذنا من بليس وشكرنا رب العالمين ع العقل والنعمه والعفه الي احنا فيها

وندعي لهم بالهدايه

[qtr qtr]

على حسب البيئه اللي نشئتها البنت او المرأه في بيت ابوها . كان متحرر او متبع دتعاليم الدين الاسلامي من القران والسنه.

[مضارب دوسري]

كلام فاضي

[ضوى]

كلام فاضي

الحمد لله جاك الكلام يا حمد من واحد محترم وذرب في هالمنتدى

شكرا مضارب لكل كل احترام

[مضارب دوسري]

نسينا قوله تعالى
(( الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ أُولَئِكَ مُبَرَّءُونَ مِمَّا يَقُولُونَ لَهُمْ مَغْفِرَةٌ وَرِزْقٌ كَرِيمٌ))


يعني باختصار
الطيبه للطيب
والخبيثة للخبيث

وكما تدين تدان :)

[qtr qtr]

التحرر المقصود به معاني كثيره .. مثال عادي يخليهم يشتغلون في مكان مختلط.. عادي تسافر بروحها مه رفيجاتها او من غير محرم عادي تحط عطر خارج البيت عادي تركب مع الدريوال بروحها عادي تروح السوق من غير محرم وامور كثيره ...

[بوحارب]

من وين جايب هالجملة ؟
أشكره من مخك والا من هلك :rolleyes2:


من مخه ممكن

بس من هله اشدخلهم في الموضوع ؟؟؟

لحد يجيب طاري الأهل يا جماعة رجااااءً والله يستر على أهالينا واهاليكم :)

[بوحارب]

لحد يقص على نفسه وشوفوا بنات هالأيام بعضهم يبي زوج ديكور بس

وتتشرط في العقد ما يمنعني من السفر بروحي ولا الدراسة ولا الشغل ولا السواقة ولا لا لا لا لا

يعني كبت قاعد معاها في الغرفة

صاحب الرؤيا قالها :)

[مضارب دوسري]

لحد يقص على نفسه وشوفوا بنات هالأيام بعضهم يبي زوج ديكور بس

وتتشرط في العقد ما يمنعني من السفر بروحي ولا الدراسة ولا الشغل ولا السواقة ولا لا لا لا لا

يعني كبت قاعد معاها في الغرفة

صاحب الرؤيا قالها :)

صحيح
بس فالنهايه
كما ذكر في القران حكم قراني
الطيبات للطيبون
و
الخبيثات للخبيثون

انتهى الموضوع

اللي تبي ديكور متربيه على هالشي وماراح ياخذها الا اللي يبي زوجه ديكور

[مرتبش]

شنو تبي تقول؟ ان النساء متحررات ويبون اللي على شاكلتهم من الرجال.

اوكي نفرض كلامك صحيح.. لاتتزوج هالنوعية وتنحل المشكلة

[العلياا]

هههههه مادري من وين تجيبون هالكلام !!!


الله يعينكم بصراحة

[شبح الصمت]

موضوع الخميس


لازم يكون اكشن وبالتحديد عن الحريم


هههههههههههههاي
ههههههاي
هه


حمد انت ناوي تتزوج والا بتم شززيه

لوك لوك وقرقر زياده

[بوحارب]

صحيح
بس فالنهايه
كما ذكر في القران حكم قراني
الطيبات للطيبون
و
الخبيثات للخبيثون

انتهى الموضوع

اللي تبي ديكور متربيه على هالشي وماراح ياخذها الا اللي يبي زوجه ديكور

كلامك مضبوط

بس وييييين انتهى الموضوع !!!

توها تسع ونص خلنا نسولف شوي

بعدين اصبر شوي بيدخلون الشواذ
راعيات الزوج المتحرر وبنعطيهم على راسهم

عقب ننهي الموضوع ;)

[العقل المدمر]

من مخه ممكن

بس من هله اشدخلهم في الموضوع ؟؟؟

لحد يجيب طاري الأهل يا جماعة رجااااءً والله يستر على أهالينا واهاليكم :)

حريم من هله خذ رايهم وحطه
والا شعرفه فالحريم بعد ؟؟
واللي مايبي حد يطري هله
لا يطري بنات الناس عيل

[شبح الصمت]

شوف حمد


المره السنعه الي تخاف الله في نفسها وفي آهلها ما ترضى انه زوجها ما يغار

ياخي المره تحب الرجال الي يغار عليها الغيره تخليها تحس بالامان تخليها تحس انه في رجال يسندها ويكون ظهر وتحس انه في واحد يخاف عليها ..


والغيره ترى مش مصطنعه هذه مشاعر في الرجال ما يقدر يتحكم فيها لو شاف شيء غلط على زوجته على اخته على امه على أي وحده من اهله حتى لو بعيده ..



ولي رجع

يبي لك تاخذ دوره عند يا عيوني يا عيوني

[مضارب دوسري]

كلامك مضبوط

بس وييييين انتهى الموضوع !!!

توها تسع ونص خلنا نسولف شوي

بعدين اصبر شوي بيدخلون الشواذ
راعيات الزوج المتحرر وبنعطيهم على راسهم

عقب ننهي الموضوع ;)

لا مب قصدي انتهى الموضوع ويجب اغلاقه
قصدي انتهى الحكم القرآني
لا يتوقع احد
ان يتزوج خبيث طيبه او يتزوج طيب خبيثه

[عاشق العديد]

من وين جايب هالجملة ؟
أشكره من مخك والا من هلك :rolleyes2:

.. وانا ماشوف كلام حمد .. غلط ..
حمد قصد .. شي ولكن ماصاغه بطريقه .. جيده ..
حمد قصد انه البنت الحين تبي الرجال الي عادي عنده اوبن مايند ..
اطلع من رفيجتي واجي مع رفيجتي ..
وعادي الحياه فري يعني .. يعني بالعربي مايقولي لا اذا ابي اسوي شي ..

وبنسبه حق العقل المدمر ..
عيب عليك .. واحترم نفسك ..

تبي تناقش بعقل تناقش ماتبي اسسكت ..

[بومحمد المطاوعه]

نسينا قوله تعالى
(( الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ أُولَئِكَ مُبَرَّءُونَ مِمَّا يَقُولُونَ لَهُمْ مَغْفِرَةٌ وَرِزْقٌ كَرِيمٌ))


يعني باختصار
الطيبه للطيب
والخبيثة للخبيث

وكما تدين تدان :)

جزاك الله خير

الي بيسمع كلام الله
بيمشي صح

الحين ياريال يخيطون ويبيطون على كيفهم

ويألفون من عندهم
والحرام خلوه حلال

وتأليف وكلام فاضي

وينسون كلام الله ورسولنا الكريم صل الله عليه وسلم

تحياتي لك

[راجي الْعفو]

وعليكم السلام و رحمة الله و بركاته ..

صباحك خير بوشهب ، وأتمنى لك حياة سعيدة بعد قلع ضرس العقل ..

أما الصنف اللي ذككرتهم ، فلا أحد ينكر وجودهم ، وهم الذين لا يحبذون صرامة الرجل على المرأة حتى لا تمنع من ملذاتها ..

والواقع خير شاهد ..

إذ نرى كثيرا من الرجال قد تنازل عن رجولته بجعله الامور في يد امرأته ، قصد ذلك أم لم يقصد ..

كترك الحرية لها في الدخول و الخروج - وتركها تعمل او تدرس في الاماكن المختلطة - او قد يترك بعضهم نساءه يسافرن بلا محرم بحجة أنها سفرة عمل أو دراسة أو غير ذلك - أو قد يترك المرأة تعامل الرجل الأجنبي وهو كالزينة لا يحرك ساكنا .. الخ

فنقصان الغيرة في كثير من الرجال أمر حاصل و واقع للأسف ..

وهومما يحزن القلب أيّما حزن ، ويضيق بالصدر أيّما ضيق ..

فالعتب الأول على الرجل ..

وترتب على ذلك أن يتعود كثير من النساء على هذا الصنف من الرجال ..

وكل ذلك نقص في الفطرة الانسانية اولا ..

وفي الدين و العقل ثانيا ..

ونسال الله أن لا يبلانا و يهدي كل رجل مقصّر وامرأة مقصّرة ..

تحياتي ..

[بومحمد المطاوعه]

لا مب قصدي انتهى الموضوع ويجب اغلاقه
لا قصدي انتهى الحكم القرآني
لا يتوقع احد
ان يتزوج خبيث طيبه او يتزوج طيب خبيثه

ليش الي يعرف ان هذي خبيثه بيتزوجها .؟

اكيد بيدور على وحده عفيفه

[عاشق العديد]

حريم من هله خذ رايهم وحطه
والا شعرفه فالحريم بعد ؟؟
واللي مايبي حد يطري هله
لا يطري بنات الناس عيل

طرا بنات من .؟

هو تكلم عن بنات بفئه معينه .؟ .. .؟
وشهو بنات الناس .؟

[مضارب دوسري]

ليش الي يعرف ان هذي خبيثه بيتزوجها .؟

اكيد بيدور على وحده عفيفه

لااااا
ولكن ربك يجمع بينهم :)

[بومحمد المطاوعه]

وعليكم السلام و رحمة الله و بركاته ..

صباحك خير بوشهب ، وأتمنى لك حياة سعيدة بعد قلع ضرس العقل ..

أما الصنف اللي ذككرتهم ، فلا أحد ينكر وجودهم ، وهم الذين لا يحبذون صرامة الرجل على المرأة حتى لا تمنع من ملذاتها ..

والواقع خير شاهد ..

إذ نرى كثيرا من الرجال قد تنازل عن رجولته بجعله الامور في يد امرأته ، قصد ذلك أم لم يقصد ..

كترك الحرية لها في الدخول و الخروج - وتركها تعمل او تدرس في الاماكن المختلطة - او قد يترك بعضهم نساءه يسافرن بلا محرم بحجة أنها سفرة عمل أو دراسة أو غير ذلك - أو قد يترك المرأة تعامل الرجل الأجنبي وهو كالزينة لا يحرك ساكنا .. الخ

فنقصان الغيرة في كثير من الرجال أمر حاصل و واقع للأسف ..

وهومما يحزن القلب أيّما حزن ، ويضيق بالصدر أيّما ضيق ..

وترتب على ذلك أن يتعود كثير من النساء على هذا الصنف من الرجال ..

وكل ذلك نقص في الفطرة الانسانية اولا ..

وفي الدين و العقل ثانيا ..

ونسال الله أن لا يبلانا و يهدي كل رجل مقصّر وامرأة مقصّرة ..

تحياتي ..

بارك الله فيك يالذيب

جاوبت انا
ولله الحمد كتبت كلام بعقل

بس البعض كأنه مايشوف الكلام الطيب

ع العموم جزاك ربي الجنه

[عاشق العديد]

الحمد لله جاك الكلام يا حمد من واحد محترم وذرب في هالمنتدى

شكرا مضارب لكل كل احترام

الحمد لله ياضوى .. كلنا محترمين ومضارب اخ عزيز وغالي وع العين والراس ..
وحتى حمد كذلك ماعليه قصور ولا كل الاعضاء ..

اتمنى لو مره تناقشون .. من غير هالحساسيه الي تسونها ..

وفالاخير كلكم ع العين والراس .. ولكن امنيتي موضوع واحد يكون فيه نقاش سليم

[بومحمد المطاوعه]

لااااا
ولكن ربك يجمع بينهم :)

صح
ويمكن تائبه او تائب

قَالَ تَعَالَى : ( قُلْ يَاعِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ ) الزُّمَر/ 53 .

قول رسولنا الكريم

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( التَّائِبُ مِنْ الذَّنْبِ كَمَنْ لَا ذَنْبَ لَهُ )

[راجي الْعفو]

بارك الله فيك يالذيب

جاوبت انا
ولله الحمد كتبت كلام بعقل

بس البعض كأنه مايشوف الكلام الطيب

ع العموم جزاك ربي الجنه

ويجزاك بومحمد ..

واحنا دايما في كلامنا نلقي باللوم في الاول و الاخير على الرجل ..

لأانه اذا صلح الرجل ، صلحت المراة في الغالب ..

[بومحمد المطاوعه]

الحمد لله ياضوى .. كلنا محترمين ومضارب اخ عزيز وغالي وع العين والراس ..
وحتى حمد كذلك ماعليه قصور ولا كل الاعضاء ..

اتمنى لو مره تناقشون .. من غير هالحساسيه الي تسونها ..

وفالاخير كلكم ع العين والراس .. ولكن امنيتي موضوع واحد يكون فيه نقاش سليم

جزاك الله خير

وكلن ونيته ياخوي

عشنا وشفنا :nice:

[بوحارب]

حريم من هله خذ رايهم وحطه
والا شعرفه فالحريم بعد ؟؟
واللي مايبي حد يطري هله
لا يطري بنات الناس عيل

يالعاقله المدمرة

الرجال طرح موضوع او ظاهرة نتناقش فيها

مب عشان نقذف ونشمت في اهل بعض !!


لا مب قصدي انتهى الموضوع ويجب اغلاقه
قصدي انتهى الحكم القرآني
لا يتوقع احد
ان يتزوج خبيث طيبه او يتزوج طيب خبيثه
احسنت
وانا متفق معا رأيك من البداية يالدوسري:)

[بومحمد المطاوعه]

ويجزاك بومحمد ..

واحنا دايما في كلامنا نلقي باللوم في الاول و الاخير على الرجل ..

لأانه اذا صلح الرجل ، صلحت المراة في الغالب ..

صدقت ياخوي

عيل الي نشوفهم متحررين
هذيله شنو

مب مسلمين يمكن

او على كلام البعض مب قطريين هههههههههه

لان القطريين ملائكه مايزلون


حياك شاي كرك يالذيب

[مضارب دوسري]

صح ويمكن تائبه او تائب

قَالَ تَعَالَى : ( قُلْ يَاعِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ ) الزُّمَر/ 53 .

قول رسولنا الكريم

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( التَّائِبُ مِنْ الذَّنْبِ كَمَنْ لَا ذَنْبَ لَهُ )

صحيح يالشيخ

[عثرة جواد]

ااخوي حمد اسمح لي اسميك

(( فاكهة المنتدى)) مواضيعك وسلوبك

[sis]

السلام عليكم ورحمه الله وبركاته


الرجل المتحرر (( الي مايغار على زوجته ومخليها على كيفها )) هو المفضل لدى الزوجات ، بينما الرجل الصارم الحازم منبوذ من قبل الزوجات !!


هل صحيح بأن تلك العباره هي الدارجه بعصرنا الحالي للأسف ؟



مع التحيه ،،


انت تسال
ولا تقول رايك ؟

اذا كان رايك نحترم كل الاراء ومالنا خص بالناس ،

واذا كنت تسال فمجتمعنا محافظ مايختلف على هالشي اثنين، كون وجود شواذ من القاعدة اكيد وارد.
لكن مانعمم على الناس،،

ولا تقول للاسف ! :court:

[ضوى]

الحمد لله ياضوى .. كلنا محترمين ومضارب اخ عزيز وغالي وع العين والراس ..
وحتى حمد كذلك ماعليه قصور ولا كل الاعضاء ..

اتمنى لو مره تناقشون .. من غير هالحساسيه الي تسونها ..

وفالاخير كلكم ع العين والراس .. ولكن امنيتي موضوع واحد يكون فيه نقاش سليم

الفاضل عاشق

نعم مضارب محترم لانه قال رايه بدون تعصب وحساسيه ولانه رجل منكم وفيكم ، لاتزعل بس الكلام مب انتي معني فيه اخوي الكريم ، ولا تنكرون عدم وجود ناس غير محترمة في المنتدى من الجنسين هدفهم التطبيل والدنبق دنبق

[شبح الصمت]

بقول لكم قصه

والله على ما اقول شهيد

واحد من الربع كان شغال وداش بزنس المهم تواجه مع وحده وصار بينهم شغل


وهالبنت مطلقه

يقول كان بيني وبينها كل احترام ما لي خص فيها والا لها خص فيني الشغل شغل


يقول في يوم نادتني يا فلان ممكن تجلس ابي اقولك شيء

قال لها تفضلي فلانه قالت لا تزعل من كلامي وكانت شخصيتها قووويه

قال لها شنو قالت تتزوجني :eek5:

قال انا صراحة كتمت عقب رديت عليها

وقلت لها انا ما قدر اتزوجك وانا متزوج وقام الرجال يلف ويدور يبي يصرفها


قالت له بالحرف انا بس ابيك تتزوجني بس عقد :anger2:



قال لها اشلون عقد !!!!

قالت بس قدام العالم وابيك ما تحاسبني وتخليني اطلع ودش على كيفي


شافها وقال لها لا شايفتني مهب رجال شايفتني من ذولي الديوثين

انا لو بغيت اتزوج ولو باخذك لا تفكرين راح اخليج على راحتك وخلاص بيكون مكانج البيت


قلت له وعقب يقول

يقول والله قلت لها من اليوم ما بيني وبينج شغل والله الغني عن التجارة الي من وراها هالكلام


الرجال طلع من عندها والا عاد عود


هذه تبي تحررر صح


والبعض البعض الفئات الي تبي الحرية وتبي وتبي وهذه قصة صغيره

[راجي الْعفو]

صدقت ياخوي

عيل الي نشوفهم متحررين
هذيله شنو

مب مسلمين يمكن

او على كلام البعض مب قطريين هههههههههه

لان القطريين ملائكه مايزلون


حياك شاي كرك يالذيب

والله يا بومحمد الغلط ما يعرف عربي و لا اعجمي و لا قبيلي و لا عالم دين ..

الخطأ وارد عالجميع بدون استثناء ..

واحنا نسعى الى التصحيح ..

ونبدأ بأنفسنا قبل كل أحد ..


وفيه العافية !

[مضارب دوسري]

قال الله تعالى في الحديث القدسي: يا ابن آدم! لو بلغت ذنوبك عنان السماء, ثم استغفرتني غفرت لك ولا أبالي، هل معنى هذا هو الاستغفار أن أقول: أستغفر الله, أم أنه بشكل آخر؟


بسم الله الرحمن الرحيم، الحمد لله وصلى وسلم على رسول الله وعلى آله وأصحابه أجمعين أما بعـد: هذا الاستغفار المطلوب هو طلب المغفرة، يقول: اللهم اغفر لي، كما قال الله : واستغفروا الله إن الله غفور رحيم، اللهم اغفر لي، أستغفر الله وأتوب إليه، لكن مع التوبة، الكلام بغير توبة ما ينفع، لا بد مع التوبة والندم والإقلاع كما قال تعالى: والذين إذا فعلوا فاحشة أو ظلموا أنفسهم ذكروا الله فاستغفروا لذنوبهم ومن يغفر الذنوب إلا الله ولم يصروا على ما فعلوا وهم يعلمون، أولئك جزاؤهم مغفرة من ربهم وجنات تجري من تحتها الأنهار خالدين فيها ونعم أجر العاملين، فالاستغفار يكون معه توبة، وندم، ومعه إقلاع حتى ينفع ويحصل به المطلوب من محو الذنوب، وغفرانها، أما قول باللسان مع الإقامة على المعاصي فلا ينفع، نسأل الله العافية.

﴿وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ (33)﴾
سورة الانفال

[بومحمد المطاوعه]

صحيح يالشيخ

الشيخ من جابك ياولد الشيوووخ

ربي يحفظك

[ضوى]

بقول لكم قصه

والله على ما اقول شهيد

واحد من الربع كان شغال وداش بزنس المهم تواجه مع وحده وصار بينهم شغل


وهالبنت مطلقه

يقول كان بيني وبينها كل احترام ما لي خص فيها والا لها خص فيني الشغل شغل


يقول في يوم نادتني يا فلان ممكن تجلس ابي اقولك شيء

قال لها تفضلي فلانه قالت لا تزعل من كلامي وكانت شخصيتها قووويه

قال لها شنو قالت تتزوجني :eek5:

قال انا صراحة كتمت عقب رديت عليها

وقلت لها انا ما قدر اتزوجك وانا متزوج وقام الرجال يلف ويدور يبي يصرفها


قالت له بالحرف انا بس ابيك تتزوجني بس عقد :anger2:



قال لها اشلون عقد !!!!

قالت بس قدام العالم وابيك ما تحاسبني وتخليني اطلع ودش على كيفي


شافها وقال لها لا شايفتني مهب رجال شايفتني من ذولي الديوثين

انا لو بغيت اتزوج ولو باخذك لا تفكرين راح اخليج على راحتك وخلاص بيكون مكانج البيت


قلت له وعقب يقول

يقول والله قلت لها من اليوم ما بيني وبينج شغل والله الغني عن التجارة الي من وراها هالكلام


الرجال طلع من عندها والا عاد عود


هذه تبي تحررر صح


والبعض البعض الفئات الي تبي الحرية وتبي وتبي وهذه قصة صغيره

هذي واحدة بيئتها غلط وتربت غلط وهاي الشي واضح ، مافي واحدة تتجرا وتطلب الزواج من واحد غريب وتطالبه بالتحرر هذي منحلة اخلاقياً من الاساس

[panda]

وين المسلم و خاصة العربي اللي ما يغار؟ ابي اشوفه

[بومحمد المطاوعه]

الفاضل عاشق

نعم مضارب محترم لانه قال رايه بدون تعصب وحساسيه ولانه رجل منكم وفيكم ، لاتزعل بس الكلام مب انتي معني فيه اخوي الكريم ، ولا تنكرون عدم وجود ناس غير محترمة في المنتدى من الجنسين هدفهم التطبيل والدنبق دنبق

انزين بارك الله فيج

كتبت ردي انا
وكتبت قبل كم يوم موضوع
ماشفت قلمج الراقي فالرد :)

[عاشق العديد]

ويجزاك بومحمد ..

واحنا دايما في كلامنا نلقي باللوم في الاول و الاخير على الرجل ..

لأانه اذا صلح الرجل ، صلحت المراة في الغالب ..

المشكله ياخوي .. راجي .. انا عندي سؤال ..

فالسسسابق وبالتحديد سنة 2000 الى 2006 .؟

من سنة الفين .. انا ماخبر اني كنت اشوف اللثمه او كشف يانقاب ياغشوه .. ماكنت اشوفف حد كاشف .. الحين وبشكل عام .. كم عدد النقاب .؟
فالسابق كانو يمنعون الحريم من الكشف ولكن الحين صار الموضوع عادي .. انا ادري هذا مش مقياس .. لكن المقصد انه في امور واجد تم التهاون فيها .. وهذا نتيجة ايش .؟

[brooq]

من واقع خبرتي في الحياة ومن مشاهداتي ومعايشتي الحية مع العديد من الحالات استطيع تلخيص ما تحبه المرأة بشكل عام.

أولاً المرأة لا تحب الرجل الملتزم الصارم الشديد الغيرة الشكوك حتى ولو كان كل ذلك باسم الدين.

ثانياً المرأة أيضاً لا تحب الرجل المتحرر العديم الغيرة البارد المنفتح زيادة عن اللزوم.

باختصار المرأة تحب أولاً أن يكون مظهر الرجل من ناحية الشكل والوزن والطول مقبولاً بشكل عام.

ثانياً والأهم المرأة تحب أن يكون الرجل متدين وفي نفس الوقت متفتح التفكير بحيث يغار عليها بشكل كبير ولكن هذه الغيرة لا تمنعه من الخروج والسفر معها للاستمتاع بملذات الحياة على مختلف أشكالها.. كما تحب الرجل الذي يبذل اهتمام كبير في سبيل راحتها هي وأولادها.

أرجو أني وفقت في الرد على تساؤلك.

[شبح الصمت]

هذي واحدة بيئتها غلط وتربت غلط وهاي الشي واضح ، مافي واحدة تتجرا وتطلب الزواج من واحد غريب وتطالبه بالتحرر هذي منحلة اخلاقياً من الاساس



والله يا ضوى هذا الي صار والرجال معرفتي فيه قووويه

ونفس ما قلنا البعض وليس الكثير ممن يردون التحرر وعدم الغيره

احنا ما نقول ما نشوف حريم يطالبون ازواجهم انهم يتحررون من قيود في الملابس ووضع المكياج هالشيء اوقات يصير في السفر بالتحديد انها تبي ترتاح اشوي تغير جو ولكن في الغيره ما اتوقع المره ترضى انه زوجها ما يغار عليها الا اذا اهي مريضه نفسياً وهو ديوث ماتت الغيره من قلبه

[بومحمد المطاوعه]

والله يا بومحمد الغلط ما يعرف عربي و لا اعجمي و لا قبيلي و لا عالم دين ..

الخطأ وارد عالجميع بدون استثناء ..

واحنا نسعى الى التصحيح ..

ونبدأ بأنفسنا قبل كل أحد ..


وفيه العافية !

صادق

انا عارف هالشي

الغير
يسوي نفسه غبي
ويجهل هالشي



يعافيك ربي

[عاشق العديد]

الفاضل عاشق

نعم مضارب محترم لانه قال رايه بدون تعصب وحساسيه ولانه رجل منكم وفيكم ، لاتزعل بس الكلام مب انتي معني فيه اخوي الكريم ، ولا تنكرون عدم وجود ناس غير محترمة في المنتدى من الجنسين هدفهم التطبيل والدنبق دنبق

لا ياختي ضوى الجميع محترم ..

ولكن في اختلاف بينا .. والاختلاف وارد ندعي لهم .. بالهدايه

[ضوى]

لا ياختي ضوى الجميع محترم ..

ولكن في اختلاف بينا .. والاختلاف وارد ندعي لهم .. بالهدايه

سلامة قلبك ياعاشق

فيه غير محترمين ولا يعرفون الاحترام شنو مذهبه

[MaRuKoO]

كلام غير صحيح المراه تحب الرجل المعتدل فكل شي ومن وجهة نظري الشخصية الرجل الدين او كما نسميه المطوع الباسم اللبق في حديثه الي يشاركها كل شي بسعة صدر ويهتم باهتماماتها حتى لو كان غير متحرر والي يتسم باخلاق الرسول ص هذ اظن بدون جهد يخليها تحبه
والي نشوفه ولله الحمد في كثيرمن شبابنا حاليا والجيل الجديد من المتدينين يتسمون بهالصفات وغيروا من نظرة المجتمع للمطوع المتدين غير المتحرر وصار لهم قبول بسبب تعاملهم واخلاقهم وبشاشتهم اكثر من المتحررين :o

[مضارب دوسري]

الحمد لله جاك الكلام يا حمد من واحد محترم وذرب في هالمنتدى

شكرا مضارب لكل كل احترام

جزاج الله خير

[العقل المدمر]

.. وانا ماشوف كلام حمد .. غلط ..
حمد قصد .. شي ولكن ماصاغه بطريقه .. جيده ..
حمد قصد انه البنت الحين تبي الرجال الي عادي عنده اوبن مايند ..
اطلع من رفيجتي واجي مع رفيجتي ..
وعادي الحياه فري يعني .. يعني بالعربي مايقولي لا اذا ابي اسوي شي ..

وبنسبه حق العقل المدمر ..
عيب عليك .. واحترم نفسك ..

تبي تناقش بعقل تناقش ماتبي اسسكت ..


شدراه عن البنات الحين ؟
يا كلام بناتهم يا من مخه
دام ماقلت شي غلط محد له حق يسكتني !!!!

[راجي الْعفو]

المشكله ياخوي .. راجي .. انا عندي سؤال ..

فالسسسابق وبالتحديد سنة 2000 الى 2006 .؟

من سنة الفين .. انا ماخبر اني كنت اشوف اللثمه او كشف يانقاب ياغشوه .. ماكنت اشوفف حد كاشف .. الحين وبشكل عام .. كم عدد النقاب .؟
فالسابق كانو يمنعون الحريم من الكشف ولكن الحين صار الموضوع عادي .. انا ادري هذا مش مقياس .. لكن المقصد انه في امور واجد تم التهاون فيها .. وهذا نتيجة ايش .؟

هلا عاشق ..

كلامك ما فيه شك ..

والجميع يعرف ان ظاهرة كشف الوجه ما كانت في قطر وهي طارئة علينا ..

وارجع و اقول لو الرجل ماشي على نهجه الصحيح ما شفنا مثل هالامور ..

[العقل المدمر]

يالعاقله المدمرة

الرجال طرح موضوع او ظاهرة نتناقش فيها

مب عشان نقذف ونشمت في اهل بعض !!




وين شاف هالظاهرة ؟

[بومحمد المطاوعه]

لا ياختي ضوى الجميع محترم ..

ولكن في اختلاف بينا .. والاختلاف وارد ندعي لهم .. بالهدايه

صادق ياخوي

الواجب علينا ان ندعي لهم بالهدايه
مب نفاشر بأننا احسن من هالناس الي غير محترمين


الله يهديهم يارب ويستر عليهم
ويرجع عقولهم يارب

[بومحمد المطاوعه]

كلام للجميع

قال رسول الله صلى الله عليه وسلم: من يرد الله به خيرا يصب منه. يعني بالبلاء. رواه البخاري.

وقال أيضا صلى الله عليه وسلم: إن عظم الجزاء مع عظم البلاء، وإن الله تعالى إذا أحب قوما ابتلاهم، فمن رضي فله الرضا، ومن سخط فله السخط. رواه الترمذي وحسنه، وابن ماجه، وحسنه الألباني. فعلى المؤمن أن يبصر الرحمة من خلال البلاء،

وقد قال تعالى: وَعَسَى أَنْ تَكْرَهُوا شَيْئاً وَهُوَ خَيْرٌ لَكُمْ وَعَسَى أَنْ تُحِبُّوا شَيْئاً وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لا تَعْلَمُونَ {البقرة: 216}.

وقال أيضا صلى الله عليه وسلم: إن الرجل ليكون له عند الله المنزلة ، فما يبلغها بعمل ، فما يزال الله يبتليه بما يكره حتى يبلغه إياها. رواه أبو يعلى وابن حبان والحاكم، وحسنه الألباني



الواجب علينا ان ندعو لهم بالهدايه

قال رسول الله صلى الله عليه وسلم: لا تظهر الشماتة لأخيك فيرحمه الله ويبتليك

[sweet qatar]

الحمد لله ياضوى .. كلنا محترمين ومضارب اخ عزيز وغالي وع العين والراس ..
وحتى حمد كذلك ماعليه قصور ولا كل الاعضاء ..

اتمنى لو مره تناقشون .. من غير هالحساسيه الي تسونها ..

وفالاخير كلكم ع العين والراس .. ولكن امنيتي موضوع واحد يكون فيه نقاش سليم

وأنا أمنيتي الوحيدة

أشوف موضوع لحمد يتكلم ويناقش فيه بدون محد يشرح كلامه

ليش بعض الأعضاء حاسين بالمسؤولية في شرح مفاهيم الأخ حمد ؟؟

ليش الحساسية من اي كلمة

علما بأنه طرح موضوع و طبيعي الردود تتوجه له

[qtr qtr]

وين شاف هالظاهرة ؟

الرجال شاف حريم فالاسواق من غير محرم وشاف حريم يشتغلون ويخالطون الرجال في اماكن كثيره من الوزارات والمؤسسات الحكوميه والشركات والبنوك شاف حريم في بلدان اخرى من غير محرم يتسيحون .. وغيرها .. الرجال مب اعمى هو ماطرح هالموضوع الا اكيد شاف هالظاهره .. فهل تعتقدين الظواهر اللي ذكرتها تدل على ان الرجال عنده غيره على اهله ومتبع القران والسنه او من رجل متحرر ؟

[راجي الْعفو]

حمد يطرح موضوع ..

واذا فيه اي انتقاد على طرحه او اسلوبه يتم ذلك من خلال الردود ..

سواء طلب توضيح او ادلة او ما الى ذلك ..

الهدف مناقشة المطروح لا الشخصنه ..

والله اعلم ..

[Right]

هذا هو الخروف !!

[راجي الْعفو]

الرجال شاف حريم فالاسواق من غير محرم وشاف حريم يشتغلون ويخالطون الرجال في اماكن كثيره من الوزارات والمؤسسات الحكوميه والشركات والبنوك شاف حريم في بلدان اخرى من غير محرم يتسيحون .. وغيرها .. الرجال مب اعمى هو ماطرح هالموضوع الا اكيد شاف هالظاهره .. فهل تعتقديل الظواهر اللي كرتها تدل على ان ارجال عنده غيره على اهله ومتبع القران والسنه او من رجل متحرر ؟

أما في هذا فقد صدقت ..

ونلقي العتب على الرجل أولا و نقول :


أين أنت من أهلك و رعيتك الذين ستسأل عنهم يوم القيامة ؟؟؟

[حراير قطر]

الرجال شاف حريم فالاسواق من غير محرم وشاف حريم يشتغلون ويخالطون الرجال في اماكن كثيره من الوزارات والمؤسسات الحكوميه والشركات والبنوك شاف حريم في بلدان اخرى من غير محرم يتسيحون .. وغيرها .. الرجال مب اعمى هو ماطرح هالموضوع الا اكيد شاف هالظاهره .. فهل تعتقديل الظواهر اللي كرتها تدل على ان ارجال عنده غيره على اهله ومتبع القران والسنه او من رجل متحرر ؟

اوك شاف الاخ حمد بعض الحريم بهالاماكن يعني الرجال بيكون متحرر وديكور

يمكن هالرجل مريض او مسافر او مشغول .. عليكم تفكير :court:

[بومحمد المطاوعه]

الرجال شاف حريم فالاسواق من غير محرم وشاف حريم يشتغلون ويخالطون الرجال في اماكن كثيره من الوزارات والمؤسسات الحكوميه والشركات والبنوك شاف حريم في بلدان اخرى من غير محرم يتسيحون .. وغيرها .. الرجال مب اعمى هو ماطرح هالموضوع الا اكيد شاف هالظاهره .. فهل تعتقدين الظواهر اللي ذكرتها تدل على ان الرجال عنده غيره على اهله ومتبع القران والسنه او من رجل متحرر ؟

لا يخسي
عنده غيره او متبع القرأن واهل السنه

الله يهديهم بس ياخوك

ندعي لهم بالهدايه
والله يهديهم ويستر عليهم

[بومحمد المطاوعه]

اخوي qtr qtr

ماننكر وجود الي ذكرتهم ولكن يجب ان نعلم ماسر هذا الوحده

يمكن تكون ماعندها من يعيلها او من يسندها

او من يوقف معاها

ولكن نسال الله ان يهديهم ويستر عليهم ويحميهم

الي تبي الستر والعفه بتحصله ياخوك
والي تبي الزبو والمفوشر والانفتاح بتحصله

والي تخاف ربها ماتقدر تطلع بروحها اقلها بتاخذ اخوها
ولدها
اي رجل يكون محرم لها

والله اعلم

[qtr qtr]

اوك شاف الاخ حمد بعض الحريم بهالاماكن يعني الرجال بيكون متحرر وديكور

يمكن هالرجل مريض او مسافر او مشغول .. عليكم تفكير :court:

شلون مشغول او مريض يخلي حريمخ يشتغلون في اماكن مختلطه ويش هالعذر وبعدين المره مالها رجال غير زوجها من المحارم؟
حدثي العاقل بما يعقل . :court:

[بانغ بانغ]

من فترة طرحت موضوع الدورات الاجتماعية وان المدربين الشباب يطرحونها على البنات دون المدربات ( اقروا عدل قلت بنات وليس حريم )

والكل نقز علي وايدوا الموضوع بحجة ان الشاب عنده خبره و "اوبن مايندد " ووووو

واحين اشوف التناقض

صراحة بوشهاب , هالمرة جبتها .

front قدام

[راجي الْعفو]

اوك شاف الاخ حمد بعض الحريم بهالاماكن يعني الرجال بيكون متحرر وديكور

يمكن هالرجل مريض او مسافر او مشغول .. عليكم تفكير :court:

أخت حراير بارك الله فيج ..

كم نسبة الرجال اللي مايقدرون انهم ما يتركون حريمهم بمثل هالمواقف و الصور اللي ذكرها الاخ qtr qtr ؟

هل كل الحريم اللي نشوفهم معذورات و صاحبات ضروره و ما عندهم رجال ؟؟

أم هي فئة قليلة جدا بالنسبة لغيرهم ؟؟

[JN000N]

الرجال شاف حريم فالاسواق من غير محرم وشاف حريم يشتغلون ويخالطون الرجال في اماكن كثيره من الوزارات والمؤسسات الحكوميه والشركات والبنوك شاف حريم في بلدان اخرى من غير محرم يتسيحون .. وغيرها .. الرجال مب اعمى هو ماطرح هالموضوع الا اكيد شاف هالظاهره .. فهل تعتقدين الظواهر اللي ذكرتها تدل على ان الرجال عنده غيره على اهله ومتبع القران والسنه او من رجل متحرر ؟

شدخل هالظاهره الحين ف البنت الي تبي واحد متحرر
نص الي تجوفهم مش متزوجين او متزوجين وريالهم مايدرون عنهم او مسافرين او عندهم ظروف
انتو تحكمون عالناس كلهم سواسيه؟؟؟

[R 7 A L]

من فترة طرحت موضوع الدورات الاجتماعية وان المدربين الشباب يطرحونها على البنات دون المدربات ( اقروا عدل قلت بنات وليس حريم )

والكل نقز علي وايدوا الموضوع بحجة ان الشاب عنده خبره و "اوبن مايندد " ووووو

واحين اشوف التناقض

صراحة بوشهاب , هالمرة جبتها .

front قدام

شدعوة شنغ بونغ
اذكر اسمي ع الاقل اني كنت من الداعمين لك في موضوعك ):

[حراير قطر]

شلون مشغول او مريض يخلي حريمخ يشتغلون في اماكن مختلطه ويش هالعذر وبعدين المره مالها رجال غير زوجها من المحارم؟
حدثي العاقل بما يعقل . :court:

اذا اهي ارمله او مطلقه او زوجها ما يصرف عليهم او ايا كانت من بيصرف عليها وعلى عيالها ؟؟؟

لا تقولون اهلها او اهله لا يالطيب هالزمن انتهى الحين كل واحد يالله نفسي الا ما ندر عشان بعد ما تقولون عن التعميم

انت حدث العاقل بما يعقل :)

[qtr qtr]

اخوي qtr qtr

ماننكر وجود الي ذكرتهم ولكن يجب ان نعلم ماسر هذا الوحده

يمكن تكون ماعندها من يعيلها او من يسندها

او من يوقف معاها

ولكن نسال الله ان يهديهم ويستر عليهم ويحميهم

الي تبي الستر والعفه بتحصله ياخوك
والي تبي الزبو والمفوشر والانفتاح بتحصله

والي تخاف ربها ماتقدر تطلع بروحها اقلها بتاخذ اخوها
ولدها
اي رجل يكون محرم لها

والله اعلم

اخوي بومحمد باب الرزق مفتوح من عندالله سبحانه وتعالى ومب مجبوره تشتغل في اماكن مختلطه اما موضوع التسوق في حالة انها ارمله او زوجها مريض وماعندها محرم فلا حول ولا قوة الا بالله فهذا شي غصب عنها وتطلع للحاجه الملحه .

[حراير قطر]

أخت حراير بارك الله فيج ..

كم نسبة الرجال اللي ما يقدرون يتركون حريمهم بمثل هالمواقف و الصور اللي ذكرها الاخ qtr qtr ؟

هل كل الحريم اللي نشوفهم معذورين و ما عندهم رجال ؟؟

في البر والا في البحر والا في الجو

وانا اشدراني وينهم انت رجال واتعرف وينهم ...

[JN000N]

شلون مشغول او مريض يخلي حريمخ يشتغلون في اماكن مختلطه ويش هالعذر وبعدين المره مالها رجال غير زوجها من المحارم؟
حدثي العاقل بما يعقل . :court:

الاماكن المختلطه هل قاعده معاه ف مكتب واحد؟
انا اشتغل ف مكان مختلط ! ومكتبي بروحي وكل البنات مكاتبهم مفصوله عن الشباب كلن ف مكتبه ويشتغل محد له خص ف الثاني اللهم ان كان في اجتماعات حضروها وردو
شصار يعني؟ والا بعد بتقول ماوراج ريال يمنعج والا من هالكلام الفاضي؟؟

[Dmy Enabi]

ولا زالت المرأة هي ديدن البعض
وسيلة تافهة للفت الانتباه وتلميع المجتمع الذكوري
أسلوب ساذج لتهميش المرأة ودعوة لمزيد من الانكسارات
طلعنا واشتغلنا وتقلدنا أعلى المناصب بل وتفوقنا وبكل حشمة
ولازال البعض من الرجال يسقط فشله الذريع على أوهام ينسجها في مخيلته بحجة المحافظة على الدرة المصونة وهذه الدرة المصونة نفسها هي التي يطالب بتخفيض مهرها لأنها لاتستحق
ارسوا لكم على بر درة ولامش درة
يامتعلمين يابتوع الدرر

[qtr qtr]

اذا اهي ارمله او مطلقه او زوجها ما يصرف عليهم او ايا كانت من بيصرف عليها وعلى عيالها ؟؟؟

لا تقولون اهلها او اهله لا يالطيب هالزمن انتهى الحين كل واحد يالله نفسي الا ما ندر عشان بعد ما تقولون عن التعميم

انت حدث العاقل بما يعقل :)

مب مجبوره تشتغل في مكان مختلط .

حدثي العالقل بما يعقل :whistling::court:

[راجي الْعفو]

في البر والا في البحر والا في الجو

وانا اشدراني وينهم انت رجال واتعرف وينهم ...

صدقت ، ولذلك أنا اوجه عتبي للرجال ..

فلو كان رجلا فعلا ، لم يرض على نسائه مثل هذه المواقف ..

[بومحمد المطاوعه]

ولا زالت المرأة هي ديدن البعض
وسيلة تافهة للفت الانتباه وتلميع المجتمع الذكوري
أسلوب ساذج لتهميش المرأة ودعوة لمزيد من الانكسارات
طلعنا واشتغلنا وتقلدنا أعلى المناصب بل وتفوقنا وبكل حشمة
ولازال البعض من الرجال يسقط فشله الذريع على أوهام ينسجها في مخيلته بحجة المحافظة على الدرة المصونة وهذه الدرة المصونة نفسها هي التي يطالب بتخفيض مهرها لأنها لاتستحق
ارسوا لكم على بر درة ولامش درة
يامتعلمين يابتوع الدرر

هههههههههههه يعني يعني الحين المرأه الطيبه العفيفه

مربوطه مع المهر
يعني لو شفنا وحده مهره بسيط
مب محترمه
ولو 200 الف

عفيفه
ودي اصدق لكن قويه قويه :eek2:

اشدخل المهر فالعفاف

[بانغ بانغ]

شدعوة شنغ بونغ
اذكر اسمي ع الاقل اني كنت من الداعمين لك في موضوعك ):

تعاااال سووووري

خلاص على عازمك على بخصم وشاي زعتر

[ضوى]

تدرون وين المشكلة ؟؟؟

انه الحريم أغلبية ساحقة في كل مكان !!

في المستشفيات في المدارس في الاسواق في الاعمال في الشوارع في الجمعيات وفي الالعاب

شايلة كل شي لانه سي السيد مسكين يتعب ويشقى برع البيت وهي شايلة كل شي فوق راسها

وينهم المحارم ؟؟

[QATAR 77]

خير الامور الوسط فالتشدد منبوذ و التحرر منبوذ

[حراير قطر]

مب مجبوره تشتغل في مكان مختلط .

حدثي العالقل بما يعقل :whistling::court:

عيل اطر عند باب المسجد وتعالوا كتبو عنهم موضوع :waiting:

[بومحمد المطاوعه]

اخوي بومحمد باب الرزق مفتوح من عندالله سبحانه وتعالى ومب مجبوره تشتغل في اماكن مختلطه اما موضوع التسوق في حالة انها ارمله او زوجها مريض وماعندها محرم فلا حول ولا قوة الا بالله فهذا شي غصب عنها وتطلع للحاجه الملحه .

صدقت اخوي
وهذي معنى كلامي
مانعرف شنهي ظروفهم ولكن
الي تخرج للسفور معروفه
والي تخرج بعفتها معروفه

وشكثر نشوف ونسمع والعياذ بالله

[R 7 A L]

تعاااال سووووري

خلاص على عازمك على بخصم وشاي زعتر

تسلم تسلم
بس خلنا نشوف المووضوع هذا وين بيروح ههههه

[بومحمد المطاوعه]

تدرون وين المشكلة ؟؟؟

انه الحريم أغلبية ساحقة في كل مكان !!

في المستشفيات في المدارس في الاسواق في الاعمال في الشوارع في الجمعيات وفي الالعاب

شايلة كل شي لانه سي السيد مسكين يتعب ويشقى برع البيت وهي شايلة كل شي فوق راسها

وينهم المحارم ؟؟

اصابع ايدج مب سوى


في هالحلات
وفي حالات
ينحسدوون من البشر
اذا درو ان هذي العائله مترابطه وشالين بعض

حش ف حش ولايذكرون الله لين تتشتت العائله المحافظه من حسد الناس

من جذي الواحد يحفظ حسن تعامله مع اهله ولا يتكلم فيه

[شبح الصمت]

انا اشوف تهدون اشوي


ريلكس ريلكس

الموضوع وين وحنا زحفنا وين


كان يبي له استبيان الموضوع

بنعم
أو
لا


يتم الاستبيان ليوم واحد وعقب ننقاش كلام حمد

هل المره تبي الزوج المتحرر

ام الغير متحررر


بس الحين شكل الموضوع بيووووووووولع صح

[qtr qtr]

أخت حراير بارك الله فيج ..

كم نسبة الرجال اللي مايقدرون انهم ما يتركون حريمهم بمثل هالمواقف و الصور اللي ذكرها الاخ qtr qtr ؟

هل كل الحريم اللي نشوفهم معذورات و صاحبات ضروره و ما عندهم رجال ؟؟

أم هي فئة قليلة جدا بالنسبة لغيرهم ؟؟

اخوي راجي العفو ترى النقاش معاهم ضايع .. وانا الغلطان ادخل معهم في نقاشات ..

اقول لهم ثور يقولون احلبوه

[بوحارب]

رفيق جيب واحد خروف متحرر :funny:

[بومحمد المطاوعه]

عيل اطر عند باب المسجد وتعالوا كتبو عنهم موضوع :waiting:

لا محشومه

الي يطرون
نسال الله ان يرفأ بحالهم ويرزقهم الحلال الطيب

وان يعينهم على هذي الحاله

[بانغ بانغ]

مع كل ذلك انا متمسك بدور المرأة الايجابي الكبير في المجتمع

اللي اقصده الفئة المراهقة

ما كل احترامي لحريمنا وكثير من بناتنا

[بانغ بانغ]

انا اشوف تهدون اشوي


ريلكس ريلكس

الموضوع وين وحنا زحفنا وين


كان يبي له استبيان الموضوع

بنعم
أو
لا


يتم الاستبيان ليوم واحد وعقب ننقاش كلام حمد

هل المره تبي الزوج المتحرر

ام الغير متحررر


بس الحين شكل الموضوع بيووووووووولع صح





وينه بو رؤية مختفي

خله ايدرعم وايحط رايه ويهدي الوضع

[بومحمد المطاوعه]

انا اشوف تهدون اشوي


ريلكس ريلكس

الموضوع وين وحنا زحفنا وين


كان يبي له استبيان الموضوع

بنعم
أو
لا


يتم الاستبيان ليوم واحد وعقب ننقاش كلام حمد

هل المره تبي الزوج المتحرر

ام الغير متحررر


بس الحين شكل الموضوع بيووووووووولع صح





اي ياخي

الي دخل فالنيات
والي يستقصد فلان وعلان

والي فضل فلان على فلان
والي مادري شنو

الله يهدينا وياهم


لازم الحساسيات والشخصنه في كل موضوع
حسسوني هم منزوعين من الأخطاء او من الاثام

اعووووووووووذ بالله

[بومحمد المطاوعه]

مع كل ذلك انا متمسك بدور المرأة الايجابي الكبير في المجتمع

اللي اقصده الفئة المراهقة

ما كل احترامي لحريمنا وكثير من بناتنا

بارك الله فيك

كلامك مختصر ومفيد

[راجي الْعفو]

عيل اطر عند باب المسجد وتعالوا كتبو عنهم موضوع :waiting:

أبدا اخت حراير ..

صاحبة الضرورة فعلا و التي لن تعيش في الارض الا بانخراطها في مثل هذه المواقف ، هذه وضعها مختلف تماما ..


ولكن ، هل كل النساء اللاتي نراهن ، صاحبات هذه الضرورة ؟؟

بحيث لو لم تنخرط و تضع نفسها في مثل هذه المواقف ، فلن تعيش في هذه الدنيا ؟؟

هنا محل الكلام ..

والله يستر عليج و على جميع النساء ..

[بومحمد المطاوعه]

شبح
وصل لك الفيديو امس مطرشه

السيابيل

الذكر يواسي النثيه
ويمسح راسها

سبحان الله
رب العالمين وضع الحنان حتى في قلوب الحيوانات

الا بعض البشر

صج والله الحيوانات اشرف من عقول بعض البشر ياخوك

شفت اشلون الاحترام والطيبه حتى في الحيوانات موجود

[العقل المدمر]

الرجال شاف حريم فالاسواق من غير محرم وشاف حريم يشتغلون ويخالطون الرجال في اماكن كثيره من الوزارات والمؤسسات الحكوميه والشركات والبنوك شاف حريم في بلدان اخرى من غير محرم يتسيحون .. وغيرها .. الرجال مب اعمى هو ماطرح هالموضوع الا اكيد شاف هالظاهره .. فهل تعتقدين الظواهر اللي ذكرتها تدل على ان الرجال عنده غيره على اهله ومتبع القران والسنه او من رجل متحرر ؟

وهم كانوا يمشون ويقولون نبي نتزوج متحررين ؟!
يمكن هذول الله بلاهم بازواج او اهل متحررين
يمكن ما تزوجوا ويمكن ابهاتهم متوفين ويمكن ماعندهم اخوان
وبعدين مفهوم التحرر يختلف من اسرة لين اسرة
اللي هو يسميه تحرر بعضهم يشوفونه عادي
واللي يشوفه عادي بعضهم يسمونه مبالغة
واسلوب الطرح مستفز وبعض الاعضاء شكلهم يبون يتزوجون خدامة
تنظف وتغسل وتكنس وتطبخ وتخيس فالبيت وبس انتهت حياتها!!

[sweet qatar]

انا اشوف تهدون اشوي


ريلكس ريلكس

الموضوع وين وحنا زحفنا وين


كان يبي له استبيان الموضوع

بنعم
أو
لا


يتم الاستبيان ليوم واحد وعقب ننقاش كلام حمد

هل المره تبي الزوج المتحرر

ام الغير متحررر


بس الحين شكل الموضوع بيووووووووولع صح





لا ما يبيله استبيان

بس شي عجيب ... شدخل طلب الزوج المتحرر

في الشغل المختلط ؟؟

ابي افهم الرابط !!

ولا كشف الشعر


ودك بموضوع مفيد .. حتي لو الطرح ناقص يثرونه الأعضاء

ابدا.. ما عندهم غير لخبطة الموضوع

[شبح الصمت]

راجي وبومحمد الغاليين


طرأ في بالي شيء


الحين يوم عقد الزواج والشروط التي تضع


يكون في شروط للزوجة وبموافقة كلا الثلاث اطراف الاب والزوجة والزوج

هي العمل او انه يخليها تسوق او تكمل دراستها هل هذه الامور تدخل تحت انه فرض كلمة وهل نقدر انها نقول نوع من تحرر المرأة لانه خايفه انه زوجها يربطها

[شبح الصمت]

شبح
وصل لك الفيديو امس مطرشه

السيابيل

الذكر يواسي النثيه
ويمسح راسها

سبحان الله
رب العالمين وضع الحنان حتى في قلوب الحيوانات

الا بعض البشر

صج والله الحيوانات اشرف من عقول بعض البشر ياخوك

شفت اشلون الاحترام والطيبه حتى في الحيوانات موجود



اي وصلني وشفته سبحان الله


رحمه

[حراير قطر]

أبدا اخت حراير ..

صاحبة الضرورة فعلا و التي لن تعيش في الارض الا بانخراطها في مثل هذه المواقف ، هذه وضعها مختلف تماما ..


ولكن ، هل كل النساء اللاتي نراهن ، صاحبات هذه الضرورة ؟؟

بحيث لو لم تنخرط و تضع نفسها في مثل هذه المواقف ، فلن تعيش في هذه الدنيا ؟؟

هنا محل الكلام ..

والله يستر عليج و على جميع النساء ..

ويستر عليك اخوي راجي

لا انا ولا انت ولا غيرنا نحكم ع الناس ليش طالعين وانقول عنهم كلام مب عدل

ليش ما تحسنون الظن بهم .. ومثل ما انتوا فكرتوا بالناس بهالطريقة ترى الناس اتفكر فيكم بنفس الطريقة

الله يستر عليهم ويسخر لهم ازواجهم واهلهم ...

[شبح الصمت]

لا ما يبيله استبيان

بس شي عجيب ... شدخل طلب الزوج المتحرر

في الشغل المختلط ؟؟

ابي افهم الرابط !!

ولا كشف الشعر


ودك بموضوع مفيد .. حتي لو الطرح ناقص يثرونه الأعضاء

ابدا.. ما عندهم غير لخبطة الموضوع





سويت انا مستغرب مثلج انه الموضوع لين الحين تام

من فترة طرحت موضوع عن التعدد ربع ساعة ما تم الا حاذفينه


وهالموضوع الحين ما يخص المره اشلون مخلينه


شكله عنده باور باور

[حنظلة]

الخيل من خيالها

[راجي الْعفو]

وهم كانوا يمشون ويقولون نبي نتزوج متحررين ؟!
يمكن هذول الله بلاهم بازواج او اهل متحررين
يمكن ما تزوجوا ويمكن ابهاتهم متوفين ويمكن ماعندهم اخوان
وبعدين مفهوم التحرر يختلف من اسرة لين اسرة
اللي هو يسميه تحرر بعضهم يشوفونه عادي
واللي يشوفه عادي بعضهم يسمونه مبالغة
واسلوب الطرح مستفز وبعض الاعضاء شكلهم يبون يتزوجون خدامة
تنظف وتغسل وتكنس وتطبخ وتخيس فالبيت وبس انتهت حياتها!!

أخت العقل المدمرة المباركة ..

مفهوم التحرر هذا نزنه بميزان الشرع ، ولا يهمنا وش اللي افهمه فلان او علتان ..

وبخصوص حق الزوجة على الزوج ، تراه كبير جدا ، وللاسف ان كثير من بنات هالزمن - و ما اقصدج - فاهمين غلط وتبدلت عندهم الحقائق ..

ما نقول ان الزوج يعامل زوجته كالامة ، فهذا مخالف لنهج الاسلام ..

ولا نقول ان المراة ما تخدم زوجها و كل امورها تمشيها الخدامات و الدريولية و هي مجرد طالع و داخله ..

بل تؤدي ما اوجب عليه الشرع تجاخ زوجها دون تقصير ..

ويجب أن تضع المرأة ما جاء في الحديث نصب عينيها :

(( لو كنت أحدا أن يسجد لأحد، لأمرت المرأة أن تسجد لزوجها ))

فحق الزوج كبير و عظيم جدا ، إلى درجة أن النبي عليه الصلاة و السلام يريد أن يوصل ذلك للسجود

إلا أن السجود لا يكون إلا لله عز و جل ..

يجب على الزوجين معرفة حقوق كل منهما ..

اسال الله التوفيق للجميع .

[sweet qatar]

سويت انا مستغرب مثلج انه الموضوع لين الحين تام

من فترة طرحت موضوع عن التعدد ربع ساعة ما تم الا حاذفينه


وهالموضوع الحين ما يخص المره اشلون مخلينه


شكله عنده باور باور




اي موضوع المطوع :happy:

اذكر اني لحقت ورديت فيه

والله تستغرب من اشيا أكبر

ما يعرف يوصل فكرته بطريقة صحيحة و يلوم الناس

الي مب قد النقاش لا يناقش

[شبح الصمت]

اي موضوع المطوع :happy:

اذكر اني لحقت ورديت فيه

والله تستغرب من اشيا أكبر

ما يعرف يوصل فكرته بطريقة صحيحة و يلوم الناس

الي مب قد النقاش لا يناقش




شفتي اشلووون ما خلووه مع اني ما جبت شيء من عندي


والله كلام وقالي لي ايه وكنت ابي اتناقش فيه


المهم

[بومحمد المطاوعه]

وهم كانوا يمشون ويقولون نبي نتزوج متحررين ؟!
يمكن هذول الله بلاهم بازواج او اهل متحررين
يمكن ما تزوجوا ويمكن ابهاتهم متوفين ويمكن ماعندهم اخوان
وبعدين مفهوم التحرر يختلف من اسرة لين اسرة
اللي هو يسميه تحرر بعضهم يشوفونه عادي
واللي يشوفه عادي بعضهم يسمونه مبالغة
واسلوب الطرح مستفز وبعض الاعضاء شكلهم يبون يتزوجون خدامة
تنظف وتغسل وتكنس وتطبخ وتخيس فالبيت وبس انتهت حياتها!!

صح كلامك اخوي
يمكن الله بلاهم


والي يقول عادي هذي تأكد نقص فالدين عنده
وجاهل
نسأل الله ان يهديهم ويستر عليهم

[راجي الْعفو]

ويستر عليك اخوي راجي

لا انا ولا انت ولا غيرنا نحكم ع الناس ليش طالعين وانقول عنهم كلام مب عدل

ليش ما تحسنون الظن بهم .. ومثل ما انتوا فكرتوا بالناس بهالطريقة ترى الناس اتفكر فيكم بنفس الطريقة

الله يستر عليهم ويسخر لهم ازواجهم واهلهم ...

امين ..

هذا الحكم بارك الله فيج بناء على القرائن في الظاهر والتي نراها جميعا ..

والشارع لم يتعبدنا بأن ننظر الى ما في النوايا ..

فلا يمكن مثلا ان ارى رجلا يشرب الخمر ، أو يزني امامي ، ثم اقول : سأحسن الظن ..

نحن علينا بالحكم على الظاهر ، وفي نفس الوقت ذكرت ان صاحب العذر له عذره و ضرورته الحقيقية لا كما يراها كثير من الناس أنها ضرورة وهي ليست كذلك ..

فهل ينكر احد أن المراة في هذا الزمن اول ما تتخرج من الثانوية او الجامعة تبحث عن وظيفة دون النظر الى مسالة الضرورة ؟؟

ابدا ، هذا امر واقع ، وغير ذلك من الامور لا نريد التفصيل فيها لانها ليست من صلب الموضوع ..

لك التحية ,,

[حراير قطر]

شفتي اشلووون ما خلووه مع اني ما جبت شيء من عندي


والله كلام وقالي لي ايه وكنت ابي اتناقش فيه


المهم




معوض خير اخوي شبح بح

انت بس لو منزله بطريقه دبلوماسيه وبدون ذكر التعدد بالعنوان والموضوع يمكن ما طار :nop:

[بومحمد المطاوعه]

راجي وبومحمد الغاليين


طرأ في بالي شيء


الحين يوم عقد الزواج والشروط التي تضع


يكون في شروط للزوجة وبموافقة كلا الثلاث اطراف الاب والزوجة والزوج

هي العمل او انه يخليها تسوق او تكمل دراستها هل هذه الامور تدخل تحت انه فرض كلمة وهل نقدر انها نقول نوع من تحرر المرأة لانه خايفه انه زوجها يربطها


والله ياخوي الملاج مايملج الا لو كل الطرفين موافقين ع الشروط

ياخوي تحرر المرأه في وايد اشياء
مب شرط تسوق سياره قلنا تحرر

او تشتغل او طالعه بروحها

لا
المحتشمه يبين عليها ياخوي
والفاصخه للحيا وتتمشى ف اماكن مشبوهه معروفه

الله يهديهم

[qtr qtr]

:whistling:
91933

[بومحمد المطاوعه]

اي وصلني وشفته سبحان الله


رحمه

اي والله

رحمه مفقوده عند بعض البشر
والعياذ بالله