وين اماكن استيراد معظم الفواكة سواء داخل ولا خارج قطر؟

[بـن عدوان]

السلام عليكم

كيف الحال ان شاءالله طيبين

بغيت اسألكم


وين احسن الاماكن لاستيراد الفواكة

فواكة تكون كوالتي

ابي اعرف طريقة الاستيراد او الاتفاق شلون اذا كان في قطر او مباشرة من مكان او بلد معين

وشاكر لكم

[السيليه]

فيه شركات استيراد وتصدير للفواكهه خاصه

[كازانوفا]

احسن حل تروح لسواقين الشاحنات وهم بيساعدوك بالذات اللى جايين من تركيا والاردن

[ANONYMOUS]

كم راس مالك

وهل مستعد تدخل السوق بوجود عمالقة السوق الحاليين

[Chambray]

الفواكهه ( هولندا - فرنسا - اسبانيا - تركيا - المغرب )

الفواكهه الاستوائية ( الهند )

لاتنسى الاعتماد على ( جنوب افريقيا - واستراليا ) بسبب تغير المناخ في نصف الكرة الجنوبي عن الشمالي ( اذا احنا صيف هم شتا والعكس ) ولك ان تقيس انتاجيه بعض الفواكه الموسمية التي تختلف باختلاف الطقس .

[BoDanah]

تفضل اخوي كلم هد الرجال عندة خبره بالامور وعنده شركة اتوقع 33200231

[_ناصر]

لو تعرف لك حد في الاردن امورك طيبه باسالك انا وبرد عليك ع الخاص

[بـن عدوان]

مشكورين جميعا ...


الحين الفواكة الللي تنباع في السوق .. محلات - كارفور - اللولو

هذولي من وين ياخذونها ؟ في مورد واحد ولا ايش ؟

[البرونزي]

والله ياخوي الي اعرفه هالشغله ماسكها ومحتكرها كم واحد في السوق
لدرجة يبيعون البضاعه بأقل من سعر التكلفه اذا تاجر مبتدأ دخل ينافسهم
ويجبرونك تبيع بخساره وانت مجبور تبيع بأسرع وقت قبل فساد الفواكه والخضروات
طبعا مش عن تجربه لكن هذا اللي نصحوني فيه بعض الاخوان يوم فكرت بهذا المشروع
على العموم هي ارزاق وانت اسأل يمكن لك نصيب في هالشغله وموفق ان شاء الله

[بـن عدوان]

L
والله ياخوي الي اعرفه هالشغله ماسكها ومحتكرها كم واحد في السوق
لدرجة يبيعون البضاعه بأقل من سعر التكلفه اذا تاجر مبتدأ دخل ينافسهم
ويجبرونك تبيع بخساره وانت مجبور تبيع بأسرع وقت قبل فساد الفواكه والخضروات
طبعا مش عن تجربه لكن هذا اللي نصحوني فيه بعض الاخوان يوم فكرت بهذا المشروع
على العموم هي ارزاق وانت اسأل يمكن لك نصيب في هالشغله وموفق ان شاء الله


هلا الشيخ

انا مابي انافسهم

ابي اشتري من عندهم، مب من المحلات

ابي اوصل لهم بس

[شموخ دائم]

,

,


مرحبا


دائما البحث عن المعلومه متعب شوي والمعلومه لها قيمه وبفلوس وتبي تعب
:)

اخوي الكريم

اللولو ( يستورد لنفسه مباشره ) وما يتعامل مع السوق المحلي ولذلك اسعاره هو يحددها
وبضاعته يعرضها في مكانه وما يبيع للسوق

كارفور ( يستورد لنفسه ) وما يتعامل مع السوق المحلي


شركه الخلف ( اكبر مستورد محلي بقطر ) ويعرض الخضروات والفواكه
( في المزاد صباح وفجركل يوم ) ويبيعها على تجار المفرق
ويوجد 4 شركات كبار ايضا منهم القطريه اللبنانيه والشركه الهنديه
شركه الرائد
شركه التموين العائلي
شركه المجموعه

... الخ

وهم يستوردون والمحلات يشترون منهم لمحلاتهم الصغيره المنتشره بقطر

وايضا يوردون للفنادق والمطاعم المنتشره بالدوله

هذا هو التسلسل الموجود بالسوق


وتقدر تستورد لنفسك اذا تضمن ( تبيعه ) واذا عندك زبائن دائمين لك
على سبيل المثال ( الحمضيات ) من مصر ولبنان
تجيبه الدوحه وترسله لزبائنك ثاني يوم
لان الفواكه ( رسكي ) فيها مخاطره لانها سريعه التلف
لازم زبونك ( دافع لك مقدم ) ومافي مجال يكنسل الطلب
انت ضامن حقك وهو ينتظر بضاعته اول ماتوصل ثاني يوم تنعرض للبيع بالمحلات
وطبعا الاستيراد يكون في ( كونتينر ) حاوبات مبرده
او في تريلا مبرده


,

,

اخوك


شموخ دائم