ماودك/ودج تطور نقاط ضعفك؟!!

[رهج السنابك]

كبحث عن التطوير الذاتي البعض يعرف ويعترف ان له نقاط ضعف معينه
ويسعى يقويها
احيانا يحتاج من يساعده يطورها

لدي هاجس ملح لتطوير نقاط ضعفي لكن احس بعجز احس احتاج اقعد مع شخص مختص
الا تتمنى المثل؟ ان يكون عندنا بقطر مركز متخصص لتطوير الذات يبدأ بالتحليل والتقييم ثم خطه تطوير ؟

نقاط ضعفي اهمها
- قلة الكلام ( بالنسبة لي اشوف صعبه اطور هالمشكله لان كثير يشوفونها ميزه وليس نقطه ضعف!! هي نقطه ضعف كبيره لانها اساس مشكلة التواصل :) الخطابه :) كإلقاء الخطابات بتلقائية ..المناظرات وفن الاقناع الخ )

اتمنى دولتنا تهتم بتأسيس مراكز لتطوير مهارات الانسان الفردية منذ الطفولة بجانب الاهتمام بالرياضه
فالمهارات الفردية لا تعطى حقها لا بالمدارس ولا بالعمل فيصعب احيانا تنميتها

[R 7 A L]

عندنا مراكز تطوير
ويندفع لها مبالغ باهظة
بس للاسف كل خرطي وكلام فاضي
لا نتائج ايجابية تذكر
مجرد دورات متسلسلة ربحية*

[Al-Kuwari]

لو كتبتي هالموضوع قبل عشر سنوات نعم اتفق معاج

لكن حالياً مع التطور والتكنولوجيا اصبح التعليم الذاتي متوفر وسهل ومجاني

مع المعهد ممكن المدرب يعطيج طريقة وحده فقط بدون ما يعطيج طرق اخرى وبذلك يفرض طريقته عليج
الايام والتوقيت هو يتحكم فيهم , ممكن تناسبج ممكن لا
الرسوم مبالغ فيها نوعاً ما

لكن الحين كمثال اليوتيوب شي عظيم احنا مب مستفيدين منه اطلاقاً

ممكن تتعلمين لغة جديدة بدروس من اشخاص تعتبر اللغة هذي بالنسبة لهم اللغة الام
ممكن تعيدين الدرس مره ومرتين وثلاث , ممكن تطالعين الدرس الصبح او المسا او اي وقت يناسبج
كذلك من تجربة شخصية لو راسلتيهم لاجابة سؤال معين او استفسار تبحثين عن الاجابة عنه فالغالبية الكبرى منهم يتجاوبون مع المتابعين
كذلك باليوتيوب راح تلاقين محاضرات ودروس عن التحدث في الاماكن العامة , التدريبات الرياضية , محاضرات دينية ,

كل شي متوفر بصراحة , قد تكون المواد المتوفرة بالعربي قليلة لكن لو لغتك الانجليزية قوية فراح تلاقين اضعاف الفيديوهات اللي ممكن تلاقينها بالعربي

كذلك مكتبة جرير مثلا عندها كتب كثيرة عن تطوير الذات

بالنسبة لي افضل التعليم الذاتي لان اشوفه مناسب وبالوقت واليوم اللي يناسبوني وممكن اعيد الدرس كذا مره وفوق هذا مجاني وبجودة قد تفوق جودة المعاهد
ما اشوف ضرورة للمعاهد والمراكز الا في حالة طلب شي صعب او معقد ويحتاج شخص يدرسك او يعلمك اياه بشكل فردي

موضوع جميل , يعطيج العافية

[بنت شرق]

محدا لحدا ،،،
قصدج الكلام العادي ،،او اثناء الاجتماعات بالشغل
اعتقد احد شيوخنا راعي برنامج للخطابة والالقاء ،،،بدور لج عليه ،،
حصلته ،،
نادي تميم توستماستر للخطابة بالغة العربية ،،،بس اظن انج ادورين بالانجليزي

[MirusS]

موضوع فمحله والله :)
طرق التعليم في أن أتعلم مهاره أولغه متوفره وبكثره
ومن السهوله أنك تتعلم شي جديد بنفسك بدون مساعده
(لكن من الصعوبه أني أتخلص من عيب بدون مساعده أو استشاره من مختص )
ممكن الواحد أنه يدور في الاسباب ويبدا يعلاج لكن مثل ماقلت التخلص من نقطة الضعف أصعب من أكتساب مهاره
عن نفسي عندي مشكله وحاولت وحاولت أحلها بنفسي اكتشفت انه مافي فايده :)

بالنسبه لقلة الكلام أشوف سببها عدم أعطاء الحريه الكافيه للشخص للتعبير منذ الصغر
أو هذا كما أظن أنا :) ههه أو يمكن عدم أختلاط .. ماقصد الجنسين :) أقصد مع الناس

مشكوره الاستقراطيه

[رهج السنابك]

عندنا مراكز تطوير
ويندفع لها مبالغ باهظة
بس للاسف كل خرطي وكلام فاضي
لا نتائج ايجابية تذكر
مجرد دورات متسلسلة ربحية*

عطيني امثله
بالعكس ماشوف في قطر مراكز قوية بأي مجال
لازلنا ان بغينا جودة فكرنا بالخارج
بقطر مافي شي

[رهج السنابك]

لو كتبتي هالموضوع قبل عشر سنوات نعم اتفق معاج

لكن حالياً مع التطور والتكنولوجيا اصبح التعليم الذاتي متوفر وسهل ومجاني

مع المعهد ممكن المدرب يعطيج طريقة وحده فقط بدون ما يعطيج طرق اخرى وبذلك يفرض طريقته عليج
الايام والتوقيت هو يتحكم فيهم , ممكن تناسبج ممكن لا
الرسوم مبالغ فيها نوعاً ما

لكن الحين كمثال اليوتيوب شي عظيم احنا مب مستفيدين منه اطلاقاً

ممكن تتعلمين لغة جديدة بدروس من اشخاص تعتبر اللغة هذي بالنسبة لهم اللغة الام
ممكن تعيدين الدرس مره ومرتين وثلاث , ممكن تطالعين الدرس الصبح او المسا او اي وقت يناسبج
كذلك من تجربة شخصية لو راسلتيهم لاجابة سؤال معين او استفسار تبحثين عن الاجابة عنه فالغالبية الكبرى منهم يتجاوبون مع المتابعين
كذلك باليوتيوب راح تلاقين محاضرات ودروس عن التحدث في الاماكن العامة , التدريبات الرياضية , محاضرات دينية ,

كل شي متوفر بصراحة , قد تكون المواد المتوفرة بالعربي قليلة لكن لو لغتك الانجليزية قوية فراح تلاقين اضعاف الفيديوهات اللي ممكن تلاقينها بالعربي

كذلك مكتبة جرير مثلا عندها كتب كثيرة عن تطوير الذات

بالنسبة لي افضل التعليم الذاتي لان اشوفه مناسب وبالوقت واليوم اللي يناسبوني وممكن اعيد الدرس كذا مره وفوق هذا مجاني وبجودة قد تفوق جودة المعاهد
ما اشوف ضرورة للمعاهد والمراكز الا في حالة طلب شي صعب او معقد ويحتاج شخص يدرسك او يعلمك اياه بشكل فردي

موضوع جميل , يعطيج العافية


اتفق معاك ان التعليم الذاتي يختصر مراحل كبيره لان الدافع قوي

لكن هناك نقطه مفقوده بالتعليم الذاتي الا وهي
التقييم والتحليل
بالتعليم الذاتي انت بتحدد لنفسك ال end result
لكن ممكن يكون ال assessment من بدايته غلط
لذلك الشخص المختص الي تقعد معاه بالبدايه مهم وجوده مهم تقعد مع شخص عنده علم يسوي لك تقييم ويقولك انت فعلا عندك ضعف في هالجانب او يتهيأ لك :)
تحتاج ايضا شخص يتابع مراحل تطورك وتكون عنده خبره واسعه

[ولد العرب]

نقطة ضعفي السمع وبين حشد هنا تحصلي الؤؤم نفسي وش موديني عندهم وش اللي خلاني البي دعوتهم دايما اكون موضع اسئله بسبت حالتي :weeping:

[رهج السنابك]

محدا لحدا ،،،
قصدج الكلام العادي ،،او اثناء الاجتماعات بالشغل
اعتقد احد شيوخنا راعي برنامج للخطابة والالقاء ،،،بدور لج عليه ،،
حصلته ،،
نادي تميم توستماستر للخطابة بالغة العربية ،،،بس اظن انج ادورين بالانجليزي


سمعت في هالنادي وبحثت عنه وايد مالقيته بقطر لقيت مجموعه هنود يلتقون بالهوليدي ان ولهم جدول لكن طبعا ماقدر انضم لهم :)
متواجد في البحرين والسعودية ويلقى اهتمام ورواج
انا ودي يكون في هالنادي للقطريين ويكون احلا لو في للبنات بشكل مفصول


المشكلة عندي ضياع الافكار لو حابه ارتجل موضوع احس مخي يوقف ماعندي كلام
الاحظ في نفسي تكرار الجمل نفسها
لو ابي اسولف مع احد الاحظ دايما اني ماابادر الطرف الاخر اذا بادر تكلمت لو مابادر يخيم الصمت
لا اتحدث بالهاتف مطلقااا مع صديقات افضل الواتس اب وايضا مقلة بالكلام وهذا طبعا يأثر ع العلاقه
شي واحد اجيده في هالجانب وهو النقاش في موضوع معين اما اني اسرد سالفه صارت واحكي احداثها لا ممكن اجيبها بالمختصر المفيد وخلاص
يأثر على النفس اكثر اذا امي متملله بالصاله لحالها وابي اقعد عندها واتكلم مافي مواضيع عكس مثلا اختي حتى مره قالت لي انتي اقل وحده تتكلمين حسيت بكلمتها وبديت اكثر واكثر انتبه ان فعلا عندي مشكلة الصمت في البيت مع الصديقات مع العمل

[<اضرب واشرد>]

يبدأ بالتحليل


طيب خل نبدأ بالتحليل .. سوي هالإختبار وعطينا النتيجة:


أشهر اختبارات تحليل الشخصية
اختبار MBTI
يحوي 16 شخصية مختلفة
ابدأ الاختبار وحلل شخصيتك هنا:
http://www.jass.im/si/per/ptest/

أو:
http://www.hrdiscussion.com/mbti.html

ثم ابحث عن نتيجتك هنا:
http://www.jass.im/2013/01/pertestresult/
http://www.jass.im/si/per/16types/

ينصح به لنفسك وأبنائك للتعرف على نقاط الضعف والقوة والميول الدراسية وغيرها

[رهج السنابك]

موضوع فمحله والله :)
طرق التعليم في أن أتعلم مهاره أولغه متوفره وبكثره
ومن السهوله أنك تتعلم شي جديد بنفسك بدون مساعده
(لكن من الصعوبه أني أتخلص من عيب بدون مساعده أو استشاره من مختص )
ممكن الواحد أنه يدور في الاسباب ويبدا يعلاج لكن مثل ماقلت التخلص من نقطة الضعف أصعب من أكتساب مهاره
عن نفسي عندي مشكله وحاولت وحاولت أحلها بنفسي اكتشفت انه مافي فايده :)

بالنسبه لقلة الكلام أشوف سببها عدم أعطاء الحريه الكافيه للشخص للتعبير منذ الصغر
أو هذا كما أظن أنا :) ههه أو يمكن عدم أختلاط .. ماقصد الجنسين :) أقصد مع الناس

مشكوره الاستقراطيه


كلمة جميلة جدا
فعلا التخلص من عيب اصعب من اكتساب مهاره جديده
عدم اعطاء الحريه للتعبير قد تكون سبب لكن لا اعتقد انها سبب في مشكلتي لان لااذكر كنت امنع من التعبير لكن الخجل ممكن ايام الدراسه كنت احيانا لا اشارك في الصف للخجل ربما اقول جوابا مضحكا ربما اظهر بمظهر الغبيه التي لا تفهم الدرس الخ كنت جدا اخجل ان اكون موضع تندر وسخريه :)

[رهج السنابك]

نقطة ضعفي السمع وبين حشد هنا تحصلي الؤؤم نفسي وش موديني عندهم وش اللي خلاني البي دعوتهم دايما اكون موضع اسئله بسبت حالتي :weeping:

بالعكس هذه نعمه كبيره فلا تسمع الكلام الجارح ولا البذيء ولا اذى اللسان ولا الحش ولا النميمه ولا الاستخاف
تحتاج فقط ان تنظر لنفسك بثقة اكبر
وكل ما جائتك دعوه اقبلها واذهب للناس وخالطهم لا يهم ان تسمع اصواتهم العندليبيه
لكن وجودك مهم ومخالطه الناس امر حث عليه الرسول حتى لو كانو مؤذيين

[حسن]

هو الصراحه مطلوب وشي جيد وانا اؤيد ولو يفرض كدورات ويكون فيها الصفه الاجباريه
اي شي فيه تطوير للذات مهم
بالنسبه لي ماعندي مانع وعادي اقدر اتكلم في كل مكان وقدام اي كيمرا ولا تصيدي اي رهبه نهائيا
وقد نزلت موضوع سابقا لماذا الهروب من اللقاءات التفلزيونيه او الصحفيه

[بنت شرق]

سمعت في هالنادي وبحثت عنه وايد مالقيته بقطر لقيت مجموعه هنود يلتقون بالهوليدي ان ولهم جدول لكن طبعا ماقدر انضم لهم :)
متواجد في البحرين والسعودية ويلقى اهتمام ورواج
انا ودي يكون في هالنادي للقطريين ويكون احلا لو في للبنات بشكل مفصول


المشكلة عندي ضياع الافكار لو حابه ارتجل موضوع احس مخي يوقف ماعندي كلام
الاحظ في نفسي تكرار الجمل نفسها
لو ابي اسولف مع احد الاحظ دايما اني ماابادر الطرف الاخر اذا بادر تكلمت لو مابادر يخيم الصمت
لا اتحدث بالهاتف مطلقااا مع صديقات افضل الواتس اب وايضا مقلة بالكلام وهذا طبعا يأثر ع العلاقه
شي واحد اجيده في هالجانب وهو النقاش في موضوع معين اما اني اسرد سالفه صارت واحكي احداثها لا ممكن اجيبها بالمختصر المفيد وخلاص
يأثر على النفس اكثر اذا امي متملله بالصاله لحالها وابي اقعد عندها واتكلم مافي مواضيع عكس مثلا اختي حتى مره قالت لي انتي اقل وحده تتكلمين حسيت بكلمتها وبديت اكثر واكثر انتبه ان فعلا عندي مشكلة الصمت في البيت مع الصديقات مع العمل

مشكلتج عويصه ،،،انتي انسانه صامته مثلي ،،،بس انا مشيت عمري ،،،لانه شغلي يعتمد على المواجهة مع الناس ،، احسن شي تسوينه ،،،تبدين تراقبين الناس الي حواليج
كيف ايسولفون وايش اهيه عباراتهم ،،،احفظيها ،،،وكرريها اكثر من مره مع كل شخص ،،،،اكيد بلاشك انتي انسانه ذكية ،،،امج بتحددين السوالف الي تصلح لها وكذلك صديقاتج،،
وحاولي اتشوفين من يبي تعطينه تقرير وتفاصيل واحداث يومج بالعمل واذا قلتيها له او لها ماراح يضرج ،،،اعتبري نفسج ممثله ولج دور اليوم سرد قصة صارت معاج ،،،،
لين اتشوفين نفسك عادي اتسولفين وتحجين ،،،بعد دوري لج حد اتحبين سوالفه واقتبسي طريقته ،،،لين ايكون عندج ملامح بالحديث ،،،اذا تبين تطورين بسرعة ،،،
تكلمي يوميا مع صديقاتج ،،،الحل الحديث اليومي المتعمد لين ايصير الكلام عندج تلقائي ،،،،كيف تبدين الكلام ،،،كوني طبيعة سلمي ،،،اسألي ،،،الشخص أسئلة
عن احواله صحته ،،، تكلمي عن مقطع فيديو وصلج ،،،تكلمي عن سالفة شاغله قسمكم ،،،اجتماع صار،،، امدحي اطلالة الشخص الي جدامج ،،،أي شي يجر كلام،،
تقهوي عند فلانه في مكتبها ،،،وتعني لفلانه اتمرين واتسلمين عليها ،،،،كلمي اخوانج واخواتج ،،يوميا اذا تقدرين ،،،تحجي حتى لوحجي فاضي بس فكري دقيقة قبل لاتتكلمين ،،
جهزي العبارة براسج ،،،وتوقعي السؤال التالي ،،،وجهزي نقاط الرد ،،الدعا أيضا جيد ،،اللهم احلل عقدة لساني ،،،يبي لج ممارسة مكثفة ،،،

[بوحارب]

انا اشوف اي دراسه او دورة او محاضرة عن (الذات)

اعتبرها كلام فاضي

أصلاً مافيه شي اسمه الذات :)

بس التجار راعيين الكورسات يقصون علينا بالأسامي هذي

انها الحقيقة يا ساده :cool:

[khalid525]

اذا تسمحين عندي نصيحة ، اتركي كل نقاط ضعفج ولا تهمين فيها حتى لو انتقدوج الناس ، واذا حبيتي تطورين طوري نقاط قوتج لانها ميزة عندج وراح تحققين فيها تقدم سريع ، بالنسبة لدورات فن الالقاء والخطابة افضل مركز يعطي هالدورات في الخليج عندنا اللي هو معهد قناة جزيرة للتدريب انصحج تاخذين دورة التعامل مع اجهزة الاعلام ودورة التحدث امام الجمهور ، وعلى فكرة دوراتهم مجانية للقطرين .

[مختلفة عقليا]

السلام عليكم .,

اولا الدورات والمراكز متواجده وبكثررره ترا ., بس مافي تغطيه اعلاميه للموضوع .,

نقاط القوه والضعف موجوده ومافي انسان كامل ترا ., حتي لو حاولتي التغلبين ع الاكثر بس بيتم في نقاط ضعف .,

اشلون اتطورين نفسج هاي تقدرين نفس ما قلت سابقا (( تاخذين دورات مكثفه )) في فهم النفس وتقرين عن الموضوع واتفرغين لنفسج .,

علي فكره انتي وتقييمج اقوي واصدق من تقييم المدرب او المتابع .,

التطوير (( الذاتي )) ينبع من الذات ., واقوي مع الذات ., بس كبداية (( للمعرفه )) نعم انا مع اخذ الدورات بس ما اتكون اجباريه لان التغيير يبيله ( رغبه )

ويسلموو

[بو خليفه 123]

بالنسبه لي انا اشوف ان مراكز التطوير مجرد شهادات يتم وضعها على الرف و لا تنمي المهارات الفعليه او القياديه او حتى تطور نقاط الضعف لدى الشخص . احسن شي في هذي الكورسات البوفيه والخروج من روتين المكتب .

الخبره والتجارب هي افضل وسيله للتطوير . التشجيع والاراده .

الارستقراطيه انتي ذكرتي انك تعانين من قلة الكلام و لكن ارى انك تشجعتي و و نقلتي فكرك الايجابي لدى المنتدى . لو تنقلينها هذي التجربه الايجابيه على ارض الواقع لو مع شخص واحد فقط بيكون نجاح و خطوه ايجابيه تنحسب لك . و هكذا ..

[MirusS]

انا اشوف اي دراسه او دورة او محاضرة عن (الذات)

اعتبرها كلام فاضي

أصلاً مافيه شي اسمه الذات :)

بس التجار راعيين الكورسات يقصون علينا بالأسامي هذي

انها الحقيقة يا ساده :cool:

تحليلاتك تعطيني صدمه كهربائيه من روعتها :)
ههه حبيب بوحارب ..



عدم اعطاء الحريه للتعبير قد تكون سبب لكن لا اعتقد انها سبب في مشكلتي لان لااذكر كنت امنع من التعبير لكن الخجل ممكن ايام الدراسه كنت احيانا لا اشارك في الصف للخجل ربما اقول جوابا مضحكا ربما اظهر بمظهر الغبيه التي لا تفهم الدرس الخ كنت جدا اخجل ان اكون موضع تندر وسخريه

الخجل مشكله بسيطه ومو عيب
ينحل بالمواجهه بس يبيله تعوود ووقت شوي