سخان البيت

[hamadazoz]

يفضل ان السخان يكون سنترال للبيت كامل او انه يكون كل حمام اعزكم الله ب سخان مستقل

[ضوى]

يفضل ان السخان يكون سنترال للبيت كامل او انه يكون كل حمام اعزكم الله ب سخان مستقل

شخصيا كنت مركبة سخان لكل حمام وكان منظره مب حلو ويخرب برستيج الحمام

وحاليا ركبت سنترال والحمد لله مرتاحة

الخيار يرد لك انت وحدك واشلون تحب يكون منظر بيتك

[محاسب]

السنترال أفضل وأمن منه

[hamadazoz]

الشكل مقدور عليه بس انا ابي بالنسبة ل اللي يكون عملي ولا يلعوزك بعدين

[معماري قطري]

شوف يالسمي انا مركب من حول 10 سنين من شركة الطيب .. والحمد لله صخانين ويشتغلون كل واحد 12 ساعة في اليوم وفلتر وبرشر من النوع اللي ما يشتغل الا لو الماي مفتوح وكل ما انفتح من مكان زادت قوته .. فما يؤثر على البيبات .. خذ لك نظام كامل من تدمر مثلاً لأَني شفتها شركة جيدة ونظامها زين بعد أَو الطيب لأَني جربت صيانتهم مرة بس حق تنظيف الفلتر.

لازم تركب العدة في غرفة مسكرة ولو سويتها بجانب مفتوح للتهوئة زين .. بالنسبة لي اخطط اني اسوي غرف المعدات مفصولة جزء لتانكي الماي وتكون مفتوحة من جهة لتبديل التانكي وجزء لباقي العدة وتكون مسكرة بالكامل ولها باب أَلمنيوم .. أَشوف خطأَ كبير في وضع مجمع الكهرباء داخل بين بايبات الماي والأَفضل يكون في صندوق خاص أَو في الحائط داخل غرفة أَو صالة داخلية

[فريج النجادة]

الافضل من جميع النواحي الصخان المركزي عن تجربة

[الكنج]

بس سمعت انه اذا اخترب المركزي يعفس حمامات البيت كله ،،،
عكس السخان المستقل يتأثر حمام واحد بس .

[hamadazoz]

مشكوريين

[hamadazoz]

بس سمعت انه اذا اخترب المركزي يعفس حمامات البيت كله ،،،
عكس السخان المستقل يتأثر حمام واحد بس .

هذا اللي مخليني متردد

[بوNasser]

بس سمعت انه اذا اخترب المركزي يعفس حمامات البيت كله ،،،
عكس السخان المستقل يتأثر حمام واحد بس .

النظام الجيد مكون من سخانين وليس واحد اضافة الى فلتر مركزي ومضختين تدوير الماء الحار ومضخة الضغط.

يعني حتى لو اخترب سخان، الثاني يقوم بالواجب

[باراكودا]

سخان مركزي الافضل طبعا للفيلا
بالنسبة للملاحق الخارجية سخانات عادية أفضل الشركات تدمر اوالبحرية اوالطيب أو مصطفوى

[ولد المنصور]

سخان مركزي وانت مغمض ,, ولا تحاتي يختر,,, انا ماخذه من سنتين تقريبا من عند محمد واخوانه طلع على حول 10500 ..