+ تسمة المواليد الجدد بارك الله فيهم +

[شبح الصمت]

السلام عليكم ورحمة الله وبركاته ،،


الموضوع عن كيفية اختيار اسماء المواليد والاحراجات التي ندخل بها مع الكثير من الاصدقاء طبعاً باستثناء الاب والام ..


الكثير منا يستعد لقدوم مولود او مولوده جديده والله يتمم ويسهل على كل آمراه حامل ويزرقها ويرزق زوجها المولد الصالح ..



بس الكثير منا يحتار في اختيار اسم المولود او المولوده

فالرجل يقوم باختيار اسم المولد الذكر
والزوجة تقوم باختيار المولوده الانثى


وهناك الكثير منا من اختار اسم ابنائه على والديه وبعد ذلك على المقربين


والكثير منا ينحرج ويسمي على ربعه فاشلووووووووووووووون اهنيه السالفه

ههههههههههههههاي


جاك رفيجك وقالك بيجيك مولود سم على اسمي
وجاك الثاني بعد رفيجك وقال سم علي

وانت في اسم من بين هالاثنين تحبه وتبي تسمي عليه واحترت


فانتم اشلووون تتصرفون او اشلون سميتم الابناء والبنات ربي يحفظهم


وكل عضو يوم سمووك صارت تسميتك على من من اهلك من اقاربك من شخص عزيز


انتظركم :court:

[نور الحور]

موضوع حلو شبح ..

بس متشعب وايد ..

بس بكتب لك القاعدة اللي أحب أمشي عليها في التسمية ..

عموماً ما أحب أسمي على أحد ..

أحب الاسم المميز والغريب وبالذات للبنات ..

لكن مهم أراعي إنه يكون له معنى جميل ولفظ أجمل .. وإنه ما يكون فيه احتمالية تحويره لمعنى مو حلو

ويكون مناسب لبيئتنا من حيث اللفظ (يعني مو شاطح وايد) ههههههههه

الاسم مرآة للروح في كثير من الأحيان .. وبيتم صفة لصيقة لإنسان حتى بعد مماته ..

فمهم إنه نعطي عملية اختيار الاسم حقها من الوقت والبحث ..

شكراً شبح مرة ثانية :o

[شبح الصمت]

شكراً نور الحور على المشاركة




وادري اني كتبت واجد احس لين اوصل المعلومه يبي لي سكه طوويله



انزين ما رديتي على آخر سؤال انتي مسمينك على من !!!

[حمد 2002]

مكرررر

[شبح الصمت]

^

شكراً تو تاوزن تولف

[نور الحور]

العفو شبح ..

أنا مسميني على نفسي .. مو على حد ..:o

بس تعال .. ما قلت لنا رايك بالموضوع وتجربتك الشخصية الشبح صمتية ؟!!

[شبح الصمت]

العفو شبح ..

أنا مسميني على نفسي .. مو على حد ..:o

بس تعال .. ما قلت لنا رايك بالموضوع وتجربتك الشخصية الشبح صمتية ؟!!




اشلون مسمينك على نفسك

ههههاي
هههاي
هه


انه التحشيش الصباحي يا بشر


واي تجربه وووينها ما اشوفها ..

[بوفاطمه]

حرمتي سمة البجر .
والثانية انا سميتها .

[شبح الصمت]

^

الله يبلغك فيهم يابوفاطمة ..

حلوو التوافق يكون


بس الي عنده اثنين والا ثلاثة من العيال


البعض يسوي قرعه ويحط اسماء لاجل يشوف الاغلبية اش بيطلع لهم


عكره بكره

:app2:

[للصبر اخر]

مرحبا اخوي شبح
سمه الاسم اللي انت تبيه
ولاتسمع لربعك شور مهما قانو قراب
بنت عمي كانت تبي تسمي ولدها اسم بس زوجها اصر يسميه على ابوها
هي ماكانت تبي تزعل ابوها ولا ابو زوجها فاختارت اسم محايد
وزوجها من البدايه لما عرف جنس المولود هيئهم جميعا
الولد هذا اسمه والبنت هذي اسمها

[شبح الصمت]

مرحبا اخوي شبح
سمه الاسم اللي انت تبيه
ولاتسمع لربعك شور مهما قانو قراب
بنت عمي كانت تبي تسمي ولدها اسم بس زوجها اصر يسميه على ابوها
هي ماكانت تبي تزعل ابوها ولا ابو زوجها فاختارت اسم محايد
وزوجها من البدايه لما عرف جنس المولود هيئهم جميعا
الولد هذا اسمه والبنت هذي اسمها



صح كلامج بس اوقات تسمين على اسم الغالي او الغالية

الرجال يبي يسمي على اسم ابوه او المولوده على اسم امه


فهني يصير في تضارب كلن يبي يسمي وما يبي احد يزعل

وتدرين انه في اهل يزعلون ان ما سميتي على اسم الابو او الام

ليش ما سميت اشفيهم اسامينا جعل اعمارهم طويله والله يرحم من توفى

[عثرة جواد]

صبااح تفااائل

جرت العادة ع التكرار سواء من اهل الزوج او الزوجة

وقليل الي يفلت من هاااي الفخ :confused:

انا مب ع حد مسميني ...الكبار خذوالدووور...هههههه

[شبح الصمت]

صبااح تفااائل

جرت العادة ع التكرار سواء من اهل الزوج او الزوجة

وقليل الي يفلت من هاااي الفخ :confused:

انا مب ع حد مسميني ...الكبار خذوالدووور...هههههه



الله يصبحك بالنور والسرور


يعني تقصدين انه الكبار منهم من تسمى على القراب وتوهق ..

ههههههاي

والي عقبهم تسمو تسميات مش متكرره ..


حلو التغيير والاسماء الجديد


واهم شيء تكون وزن وقافيه على اسم الاب والجد ..

:thumbup1:

[MirusS]

عطني عشرين ولا ثلاثين سنه بعدين بقدر أشارك فالموضوع :) هع
انا جدي هو الي سماني ليش مادري :sneaky: ههه
المهم اسامينا دايما نختارها على اسماء الانبيا والصحابه لكن
الاسماء المعروفه شوي :) وكذالك من النسااا
تشكرات شبح

[مختلفة عقليا]

السلام عليكم

الوالد والوالده الله يجزاهم خير .,

سموني من القران ., في البداية كنت اكره اسمي لان الاسم مو قطري هههههههههههههه

بس اللحين احسه مميز .,

اما عن اعيالي اللي لحين ما ياو .,

اتفقت مع شريكي ., الاول ع اسم ابوه لانه يحب الاسم ., مو بس عشان ابوه

والباقي عادي اهم شي اسم موسيقي ^^

ويسلموو

[JN000N]

احلى شي اذا كان الاسم موسيقي
اكس واي اكس واي اكس الفلاني
واكس يتزوج ويجيب واي وولده يتزوج ويجيب اكس
وتستمر السلسلة لين اتيي زوجه قشره وتقوله لو تموت ماسميت على اسم ابوك اولد فاشن

[MirusS]

^
الموسيقى حرااام :) << برااا

[JN000N]

^
الموسيقى حرااام :) << برااا

ترى بطرش لك ورق عنب :)

[العلياا]

اهم شي فالموضوع انك تكون مقتنع فيه اميه بالمية
واتفاق بين الزوج والزوجة

بالنسبة لرفيجك وتسميه عليه انا امي مسميتني على رفيجتها
يعرفون بعض من عمر وقالت لها سميها على اسمي (الحمدلله ان اسمها حلو)

مب هنيه المشكلة امي جاملتها وسمتني عليها وماكانوا ينادوني بالاسم
يعني كان اسم على ورق بس وينادوني بالاسم اللي كانت امي تبي تسميني فيه

وانا ضعت فالطاسه ومادريت انه اسمي مو اسمي الا لما دخلت المدرسة تناديني المدرسة وانا مادري من تقصد :(

[عاشق الشهادة]

وعليكم السلام ورحمه الله وبركاته



موضوع ممتاز :thumbup: مثل صاحبه :victory:





بخصوص سؤالك يالغالي ,
اولادنا و بناتنا اسمائهم على اسماء المقربون كا الجد والجده والعم والعمه والخال والخاله وبس
وبعض الاسماء تكون غير مرغوبه لدينا او بالاصح في الفخذ الي انتمي عليه
مع العلم تتسمى في فخيذه اخرى من نفس قبيلتي :looking:


قبل ما حد يقدر يسمي ولده او بنته على شخص حي ؟
لانه من المعتقدات عندهم بالسابق ان المولود ما يتسمى الا على الميت



يازين / محمد - صالح - سلطان , شريفه , شمه , شيخه

[JN000N]

^ اي والله يا زينهم
ويازين فاطمه ولولوة ومريم وعايشه وامينه وحصه وميثه وظبيه ونورة
ويازين علي وابراهيم وخليفة احمد وجبر وحسين وخالد وعبدالله

[نور الحور]

اشلون مسمينك على نفسك

ههههاي
هههاي
هه


انه التحشيش الصباحي يا بشر


واي تجربه وووينها ما اشوفها ..





انه التحشيش الصباحي يا بشر:funny:


رايك وتجربتك أنت في التسمية .. ماعرفنا رايك شبح !

وأنا مسميني على نفسي يعني مو على حد ..

التسمية على جدي وجدتي والأهل طاحت في راس إخواني وخواتي الأكبر والأصغر مني وأنا فلت منها هههههههههه:o

[JN000N]

شبوح
سموني على يدة ابوي الله يرحمها
وربعي من جماعتنا لين قالو لاهلهم عني فلانه بنت فلان يقولون مافي الا وحده والله يرحمها توفت خخخخ
وهي تحاول تفهمهم ان انا حفيدتها
فديت السميه والله كنت صغيره من اروح لها تقط ف حضني ذهب تقول هذي حق السميه
ورثت منها اشيا وايد وصفات ويقولون حتى ف الشبه فيني منها

[R 7 A L]

اشلون مسمينك على نفسك

ههههاي
هههاي
هه


انه التحشيش الصباحي يا بشر


واي تجربه وووينها ما اشوفها ..






ماعليه اخوي شبح

سامح والمسامح كريم


موضوع حلو
انا مسميني على عمي الله يطول بعمره
التسمية على اشخاص زينة بس التكرار مشكلة

[المبرمج صلاح]

اتفقنا انا وزوجتي ان المولود البكر اذا ولد هاسميه عبدالله واذا بنت هي تختار الاسم
ومن فترة عرفنا جنس المولود انثى فختارت اسم ماريه ( على اسم ماريه القبطية زوجة الرسول صل الله عليه وسلم )
طبعا لايخفى عليكم ان هالاسم كان بمثابة صدمة لي وللعائلتين لانه غير موجود لا في عائلتي ولا عائلتها ولا حتى المدينة كلها اللي انها تربيت فيها هههههههههه
حتى اوفي بوعدي لها ما زلت ادرس الموضوع من كافة النواحي وشكلي بوافق في الاخر على اسم ماريه


بالنسبة لاسمي غالبا جدي وابوي سموني عاسم ابوي الله يطول بعمره صلاح صالح واجهل السبب حتى الان

[حياة]

عيالي وبناتي كلهم ع اسماء اهلهم من صوب الاب والام
بس من صوب الاب اكثر .. واسمائهم الله يبارك فيهم
الاسماء الخليجيه المتعارف عليها، ومعانيها رائعه جدا
وحلوا ان الواحد يسمي اسماء مش مكرره في العائله..
لان عائلتنا تقريبا لايخلوا بيت من ثلاث اربع اسماء مكرره.

[Dana’1]

أسمي مو على أحد من العايله وكذالك خواتي والحمدلله أسماء جميله وأغلب الي سمعوها من الجماعه وبرا الجماعه سموا بها
وهي أسماء عربيه وبعضها خليجي نعتز بها كثيير^_^

أما اخواني الشباب الأول على جدي الله يرحمه والباقي مو على أحد من الأهل وإن كان أحدهم تقريبا في كل بيت مسلم عرب وعجم ^_^

[بو خليفه 123]

^ اي والله يا زينهم
ويازين فاطمه ولولوة ومريم وعايشه وامينه وحصه وميثه وظبيه ونورة
ويازين علي وابراهيم وخليفة احمد وجبر وحسين وخالد وعبدالله

صادقه ..


العادات والتقاليد تربطنا بتسمية البكر على جده .. ممكن الثاني على أم الزوجه او ابوها ..

والله يرزقنا درزن عيال عشان نبدع بالاسماء و يعينا على تربيتهم .

أنا احب الاسماء الي متعب .. خليفه .. عبدالله .. خالد ..

والبنات حصه و نوره و عاشه و روضه

[شبح الصمت]

شكراً على المشاركة واستمرو جميعاً ..




الا وينه اللبناني الي مضيعينه آهله ووصل الدوحة وحالياً يشارك معانا


منشان الله طلعووووه بدنا نعرف شو رايوو بالموزووع


بوحارب تعرفه
crazy

[بوحارب]

هههههههه لك شو هيدا :o


شبوح انا اختار الأسامي على حسب معانيها

ولااااازم المعنى يكون حلو
والاسم يكون مناسب في اللفظ والكتابه:)

والصبي اللي بيجي قريب باْذن الله

اسمه غانم :shy:

واللي عنده اسم احلى ينورنا :)

برب بيروت تايم :court:

[رهج السنابك]

وليد احلا من غانم

ماتملون من الاسامي المكرره
حصه عايشه نوره مريم فاطمه
حمد عبدالله راشد صالح


ماحب الاسامي التقليديه المستهلكة اعشق التميز ويلفت نظري الاسم المميز

اسمي دقة قديمه وتسميت على وحده مزيونه كانت مشهوره بجمالها في الفريج لكن للاسف الاسم بنظري مب حلو (في ناس تحبه لكن انا ماحبه ومفكره اغيره)
من كم سنه كانت الفكرة ملحة اني اغيره وتعوذت من ابليس بس كل فتره يرجع لي هاجس التغيير

نصيحتي لك ياشبح اختر الاسم الحلو من بين الاسمين ومبروك ع الولد

اي بعد يعجبني اسم تميم
وفارس

ان كنت حاب تسمي من هالاسامي

[رهج السنابك]

صلاح اسم ماريا حلو بس خليه بالالف مش بالهاء

[بوحارب]

بل عاد وليد مره !!!!

اسم اكبر نصاب عرفته :)

وفارس حاولت معاي المديرة بس انا رفضت
غانم مقتنع به واسأل الله ان يجعله من الغانمين :)


ترى احب الأسامي القديمة والدليل وضحى الحب

ع العموم اشوف رشحي اي أسامي ثانية يمقن تعجبني

تحياتو

[بوحارب]

بس مب مقتنع 100%

لان خاطري في عبدالعزيز crazy:(

[MirusS]

^
عبدالرحمن حلو
وعندك عمر بعد اوكيه

[بوحارب]

حمني عندي وهذا الحب حقتي فديت قلبو :)

ورضي الله عن عمر

خليتني اكشف السر يا شبوح crazy

[بصمة قطرية]

ما عليك من ربعك
عيالك و بيشيلون إسمك
أول ولد تعودنا إن الأب هو. اللي يسميه
عقب يتفقون الأب و الأم ..
أما سم علي و لا على فلان ما أحب هالسوالف ..
الواحد حر في أسماء عياله ..

أنا سميت الأخير :)
ما. تنازلت عن الإسم ..

[غير البشر]

بس مب مقتنع 100%

لان خاطري في عبدالعزيز crazy:(


:oops:

[بوحارب]

ما عليك من ربعك
عيالك و بيشيلون إسمك
أول ولد تعودنا إن الأب هو. اللي يسميه
عقب يتفقون الأب و الأم ..
أما سم علي و لا على فلان ما أحب هالسوالف ..
الواحد حر في أسماء عياله ..

أنا سميت الأخير :)
ما. تنازلت عن الإسم ..
كلامج صحيح وانا مارضى حد يتدخل في التسمية حتى امهم :)






:oops:

شكلي بسميه عزوز والله :)

[MirusS]

كلامج صحيح وانا مارضى حد يتدخل في التسمية حتى امهم
أناني وقاسي :cry2:
بس تدري ذكرتني بواحد من الربع ههههههههههه
مايحب ينادي حد بأسمه يألفلهم أسامي بكيفه
يسميني بو راس :) على كيفه ذي :funny:

[بوحارب]

أناني وقاسي :cry2:
بس تدري ذكرتني بواحد من الربع ههههههههههه
مايحب ينادي حد بأسمه يألفلهم أسامي بكيفه
يسميني بو راس :) على كيفه ذي :funny:

لا والله مب اناني

ههههههههههه هذا مِن الطيبين الفخمين

[بصمة قطرية]

كلامج صحيح وانا مارضى حد يتدخل في التسمية حتى امهم :)




شكلي بسميه عزوز والله :)

مسكينه أمهم :(

إسم عزوز حلو و كشخة ..

[مشـــــاعر]

كلامج صحيح وانا مارضى حد يتدخل في التسمية حتى امهم :)


شهآإلتسلط :anger2:
أمهم ولهآإ حق :court:

عن نفسي أحب الأسآإمي آإلقديمة . .
سعود عبدالعزيز سلطآإن
سآإرة مريم شيخة لولوة . .

[رهج السنابك]

بل عاد وليد مره !!!!

اسم اكبر نصاب عرفته :)

وفارس حاولت معاي المديرة بس انا رفضت
غانم مقتنع به واسأل الله ان يجعله من الغانمين :)


ترى احب الأسامي القديمة والدليل وضحى الحب

ع العموم اشوف رشحي اي أسامي ثانية يمقن تعجبني

تحياتو


سميه حارب :)

[الحياة الخالدة]

اسمي تقليدي و عاجبني

بنت أخوي اختلفت مع زوجها على اسم بنتهم البكر
في النهاية محد رضى يتنازل
هو سماها الاسم اللي يبيه في الأوراق الرسمية
و هي تسميها الاسم اللي تبيه في البيت و بكل مكان .. حتى االكل الحين يناديها بهالاسم

و تقول إنها ناطرة يصير عمرها 18 سنة و بتطلع لها ليسن .. و بتقول لها بشتري لج السيارة اللي تبينها .. بس بشرط تروحين تغيرين اسمج في الأوراق الرسمية هههههههههه

[حمد 2002]

انا اسمي بالمنتدى غير عن اسمي الحقيقي = بالصج ،،

لأسباب امنيه ،،

[R 7 A L]

انا اسمي بالمنتدى غير عن اسمي الحقيقي = بالصج ،،

لأسباب امنيه ،،


ياخوي معروف اسمك الرباعي بعد
لاتفكر ان ماحد بعارفك
بس لاسباب استراتيجية ماراح نقول لاحد من أنت
استمر

[بو خليفه 123]

تخيلوا اسمي بنتي الحياة الخالده

عاد بيحسون اهل اسبانيا

[حمد 2002]

هه هه هه

[بومحمد المطاوعه]

الله يجزاك خير يالغالي

الصراحه الأسماء
الاكثريه

اول شي يسمون البكر

على الأب
وبعدها على اب الزوجه
واذا كانت بنت

سماها على امه او على ام زوجته

وبعدين يسموون على كيفهم

انا عن نفسي سميت ولدي محمد على ابوي الله يرحمه ويرحم جميع موتى المسلمين يارب

وبناتي الجوري والمها
الجوري بأختيار الغاليه ام محمد
والمها اختياري


وان شاءالله اذا ربي رزقني ببنت بسميها

.. هاجر ..

يلبى الأسم حبيته وفي خاطري اسمي بأذن الله

واذا ولد بسميه ,, يوسف ,, على عمي الله يرحمه



تحياتي لك يالشيخ

[توشيبا]

اذا ولد ان شاء الله اسمه فهد او فهيد

واذا بنت ان شاء الله اسمها منيره ولا بتلاء

[نوفا91]

موضوعك حلو خيووو


انا كنت ابي اسم هميان بس بعض الناس قالوا لي عميان احسن :(

بيئه قاسيه
:(

[حمد 2002]

:whistling:

[راجي الْعفو]

:whistling:

بو شهب شسمك !

ريان !

[حمد 2002]

لؤي هه هه هه

[العلياا]

موضوعك حلو خيووو


انا كنت ابي اسم هميان بس بعض الناس قالوا لي عميان احسن :(

بيئه قاسيه
:(

ههههههههه الله يعينج



اسم العليا والجوهرة وشيخة وريم حلووين
والشباب الاسماء اللي تعطي هيبة مثل عبدالله عبدالرحمن وبعد خالد وفهد حلووين

[راجي الْعفو]

وعليك و رحمة الله ..

الله يجعله ولد مبارك يا اشبيح ..

التسمية من حق الاب ..

بس مافي مانع يشاور الام ، و حتى لو اخذ برأيها

من حسن العشرة ..

وافضل الأسماء عبدالله و عبدالرحمن لانه من احب الأسماء لله ، و همام و حارث لانه من أصدقها

والواحد ينتقي الأسماء الخيرة واللي فيها تفاءل و معنى جميل و يبتعد عن الأسماء اللي فيها شؤم و معاني سيئة

الأولاد :نواف - سعود - مشعل - فهد .. الخ

البنات : العنود - مريم - مها - ريم .. الخ

هذي بعض الأسماء المحببة لي

وهناك غيرها ..

[بوحارب]

مسكينه أمهم :(

إسم عزوز حلو و كشخة ..
وايد حلو عزيزان :)




شهآإلتسلط :anger2:
أمهم ولهآإ حق :court:

عن نفسي أحب الأسآإمي آإلقديمة . .
سعود عبدالعزيز سلطآإن
سآإرة مريم شيخة لولوة . .
لها حق وانا لي حق بعد :cool:

لو بنت سميتها لولوة :)





سميه حارب :)
نوو ويي :)



موضوعك حلو خيووو


انا كنت ابي اسم هميان بس بعض الناس قالوا لي عميان احسن :(

بيئه قاسيه
:(

بالعكس أجدى فالرد ههههههههه





المهم

من الأسامي الحلوة

فهد عبدالرحمن عبدالعزيز حمد نواف راشد تركي

والبنوتات
وضحى والهنوف وروضه ولولوة والعنود والجازي

بنتي الجاية اسمها روضه باْذن الله ;)

[بوحارب]

احم احم

الكل متفق على اسمي واسم عيالي في الردود

خلاص احرجتوني :)

[عطر فرنسي]

احم احم

الكل متفق على اسمي واسم عيالي في الردود

خلاص احرجتوني :)

انا معارض

هرامي كبير

[بوحارب]

انا معارض

هرامي كبير

انت اهم واحد عندي

واسمك أحلى اسم

جيب واخد 500 ريال :)

[عطر فرنسي]

انت اهم واحد عندي

واسمك أحلى اسم

جيب واخد 500 ريال :)

ماعندي الاه حلالك

بس تخيل ينطفي الليت ويسألك الجني السؤال ههههههههههههههههههههههههههه

[بوحارب]

تسلم ضيبان

اعوذ بالله :(

[مشـــــاعر]

لها حق وانا لي حق بعد :cool:

لو بنت سميتها لولوة :)

بنتي الجاية اسمها روضه باْذن الله ;)

حدد يالولوة أو رووضة :sneaky:

[بوحارب]

حدد يالولوة أو رووضة :sneaky:

ههههههه قمت امكس

روضه :)

واللي عقبها لولوة ان شاء الله

[white bird]

مب قايلة لكم الأسامي اللي أحبها

عشان محد يقلد عيالي خخخخ :p

[نوفا91]

ولد : ثاني ، فهد ، جاسم ، نايف

بنت : نوفا

:)

[بوحارب]

ومازال اسمي ينذكر مراراً وتكراراً :)


نوفا مب اسم يا نوفا !!

اول مره اسمعه
اخبر نوف هو الاسم الصحيح ؟؟!

[نوفا91]

بوحارب كيفي ابي نوفا ، اتعب تسعه شهور يات على الالف


:)

[بوحارب]

هههههههههههههههه

اوكي ;)

[مسمس12]

اذا الله رزقني ببنت خاطري اسميها عهود واذا ولد نواف

[Aaziz]

اسمي تقليدي و عاجبني

بنت أخوي اختلفت مع زوجها على اسم بنتهم البكر
في النهاية محد رضى يتنازل
هو سماها الاسم اللي يبيه في الأوراق الرسمية
و هي تسميها الاسم اللي تبيه في البيت و بكل مكان .. حتى االكل الحين يناديها بهالاسم

و تقول إنها ناطرة يصير عمرها 18 سنة و بتطلع لها ليسن .. و بتقول لها بشتري لج السيارة اللي تبينها .. بس بشرط تروحين تغيرين اسمج في الأوراق الرسمية هههههههههه

شفتي طريقه التفكير هذي ،،، هي الي موديه كثير من بناتنا ورى الشمس
والله ماتفلح ولا تهنا مره تحط راسها براس زوجها ،، يتزوجون و غارتهم دنياهم و بعد الزواج بسنه او حولها ترد بيت اهلها .
تنازلي حتى و ان كنتي مقتنعه انج الاحق ،، لمصلحتج على المدى البعيد.
الله يوفقهم و يستر عليهم و اسمحيلي على الاقتباس ،، قريت ولا قدرت اتخطى هالمثال العفوي على حال تفكير بعض الزوجات بحيث تحط نفسها ند للزوج و راسها براسه .

[Dana’1]

بوحارب
حيدر - حمزه - عمر - علي أسماء من الوزن الثقيل مثل أصحابها رضي الله عنهم
وحتى أنس والبراء
يازينها من أسماء نطقا ومعنى .. ^_^

[مشـــــاعر]

شفتي طريقه التفكير هذي ،،، هي الي موديه كثير من بناتنا ورى الشمس
والله ماتفلح ولا تهنا مره تحط راسها براس زوجها ،، يتزوجون و غارتهم دنياهم و بعد الزواج بسنه او حولها ترد بيت اهلها .
تنازلي حتى و ان كنتي مقتنعه انج الاحق ،، لمصلحتج على المدى البعيد.
الله يوفقهم و يستر عليهم و اسمحيلي على الاقتباس ،، قريت ولا قدرت اتخطى هالمثال العفوي على حال تفكير بعض الزوجات بحيث تحط نفسها ند للزوج و راسها براسه .

وليش دايم تجبرون المرة هي اللي تتنازل ؟؟
ليش ماتكبرون عقولكم انتوا وتتنازلون مرات ؟؟
لاااازم المرة تصير ( على كيفكم بكل شي ) ؟؟
هي تتعب وتحمل وتربي ومن حقها تسمي الاسم اللي تبيه !!

[بوحارب]

بوحارب
حيدر - حمزه - عمر - علي أسماء من الوزن الثقيل مثل أصحابها رضي الله عنهم
وحتى أنس والبراء
يازينها من أسماء نطقا ومعنى .. ^_^


رضي الله عنهم

مافيه شك اختي ديور أسامي جميله

بس انا أميل للأسامي الشعبية اكثر :)

[الحياة الخالدة]

شفتي طريقه التفكير هذي ،،، هي الي موديه كثير من بناتنا ورى الشمس
والله ماتفلح ولا تهنا مره تحط راسها براس زوجها ،، يتزوجون و غارتهم دنياهم و بعد الزواج بسنه او حولها ترد بيت اهلها .
تنازلي حتى و ان كنتي مقتنعه انج الاحق ،، لمصلحتج على المدى البعيد.
الله يوفقهم و يستر عليهم و اسمحيلي على الاقتباس ،، قريت ولا قدرت اتخطى هالمثال العفوي على حال تفكير بعض الزوجات بحيث تحط نفسها ند للزوج و راسها براسه .

فال الله ولا فالك
الله يحفظهم و يتمم عليهم نعمته
دام هم متفاهمين .. عسل على قلبه

[Aaziz]

وليش دايم تجبرون المرة هي اللي تتنازل ؟؟
ليش ماتكبرون عقولكم انتوا وتتنازلون مرات ؟؟
لاااازم المرة تصير ( على كيفكم بكل شي ) ؟؟
هي تتعب وتحمل وتربي ومن حقها تسمي الاسم اللي تبيه !!


مشاعر الشيخه ،،، اخذيها باقسى التعابير الي ممكن تخطر على بال اي مره <<< مجازا لغرض النقاش فقط ولا الناس الي فيها خير موجوده من الجنسين

لكن اعتبري ان الاخ مخ صعيدي مثل مايقولون ،،، قولي اي شي
الحياه مستحيل تمشي في العلاقه الزوجيه اذا ماخفظت الزوجه جناحها للرجل حتى لو من باب الحيله بذكاء
النديه و التفكير بطريقه هو يحق له ليش انا مايحق لي ،،، هذي هي حجر الاساس العوج الي راح تقوم عليه هذي الاسره .
فكرو باي شكل او وصف تصفون فيه الرجل ،، مايهم ،،، الي يهم ان ربي خلقه رجل قيادي لهذي الاسره و طبيعته و شخصيته مستحيل تتماشا مع عقليه زوجه تحط نفسها وياه سوى ،، لن يقبل و بتصير مشاكل .
اعتقد الزوجه الذكيه هي الي تستوعب هذي النقطه ،، و تعطي هذا الزوج الاعوج في تفكيره من وجهة نظرها ان كانت تشوف عقليه الرجل بهذا الشكل ،، تعطيه الي يتماشا مع طبيعته و هي تاخذ الي تبي باسلوبها مهما كان ،، بالكلام الحلو ... بالاقناع العقلاني ... بالتغنج و خلافه ،، عندها الف طريقه .
ليش تروح لاخطر الطرق و الي اثرها السلبي بينعكس على نفس الرجل ان ماعبر عن رفضه في وقتها .

بكل هدوء ،، افهمو عقليه الرجل الموضوع سهل .






فال الله ولا فالك
الله يحفظهم و يتمم عليهم نعمته
دام هم متفاهمين .. عسل على قلبه

اللهم امين ،، سبقتج بالدعاء لهم الله يوفقهم
القصد مضموع النديه عند النساء الله يهدينا و يهديهم

[بوحارب]

ياخي قسم بالله كلامك فخم zezo

عطوه كبسه حوار منثور عليها مكسرات

وكثروا له من الكاجو ^_*

[MirusS]

^
بوحارب
لو أنا منك وبعد كلام عزيز خلاص لزووم اسميه عزوز ههه

[بوحارب]

^
بوحارب
لو أنا منك وبعد كلام عزيز خلاص لزووم اسميه عزوز ههه

يستاهل يستاهل في ذمتي :)