طلب مشورة من الاعضاء

[ساكن ازغوه]

السلام عليكم ورحمة الله
اخواني أعضاء المنتدى الكرام تم الانتهاء بحمد الله من مرحلة تصميم الخرائط وذكرت لكم في موضوع سابق ان المكتب الهندسي طلب مني مبلغ مقابل عمل مناقصة وترشيح عدة شركات مقاولات واختيار الأفضل وبناء على نصيحة اغلب الأعضاء الكرام تم تغيير المكتب الاستشاري الى مكتب اخر عن طريق المنتدى وتم إعطائي عرض سعر يحتوي على اربع بنود كل بند له مقابل مادي وكنت قد طلبت جداول توضح فيه الكميات والمواصفات
سؤالي مارايكم بهذا العرض ولكم جزيل الشكر

[ساكن ازغوه]

عرض سعر

اولا اعمال الإشراف الشهري على تنفيذ المشروع
ثانيا اعمال تقديم جداول توضح الكميات والمواصفات المتعلقة بالمشروع وهي كالتالي الاعمال المعمارية+ الخدمات+ الانشائية
ثالثا تقديم استشارات هندسية للمشروع من الناحية المعمارية والإنشائية ومراجعتها وتدقيقها وتقديم الرسومات اذا تطلب الامر مع الحفاظ على التصميم الرئيسي للمشروع
رابعا عمل مناظير خارجية ثلاثية الأبعاد لعدد ثلاث فلل تبين الشكل المستقبلي للمشروع بصورة واقعية

هذا العرض يا شباب وطبعا كل بند له تكلفة مالية

[ابن مشيقح]

باالتوفيق

[مضارب دوسري]

احس هالاستشاري
يبي يشفط فلوس
لا اكثر ولا اقل
اذا خلص خرايطك اخوي
دور انت على مقاول ابرك لك من هالشفط

واخرتها بيجيب لك واحد من ربعه ويتوبكون مع بعض وفالاخر تتعلق ويمارسون الشفط اثناء البناء وطبعا بيقول للمقاول انا لي من نصيبي سعر كذا في المتر

في مجال البناء لا تثق باحد
اذا كان عربي جيب لك مقاول اسيوي وكل عماله اسيوين


هذي نصيحتي والله اعلم

[Hamad_qa]

نصيحة ايضا

ابتعد عن اي مقاول مصري .. حتى لو حلف لك على القران انه راح يبني لك البيت ببلاش
للأسف من اللي قاعد اشوفه و اسمعه من ربعي ومعارفي 100% من المصريين اللي تعاملوا معهم نصابين و بياعين حجي .. الظاهر صارت جزء من ثقافتهم للأسف الشديد

[معماري قطري]

نصيحة ايضا

ابتعد عن اي مقاول مصري .. حتى لو حلف لك على القران انه راح يبني لك البيت ببلاش
للأسف من اللي قاعد اشوفه و اسمعه من ربعي ومعارفي 100% من المصريين اللي تعاملوا معهم نصابين و بياعين حجي .. الظاهر صارت جزء من ثقافتهم للأسف الشديد

وضيف عليها مكتب مصري

المكاتب النظيفة قليلة وما ذكرته اخوي ساكن ازغوة عبارة عن عناوين ورؤوس أَقلام .. عقد الاستشاري لازم يوضح حدود اختصاصه باختصار وحدود اشرافه ومتابعته ومتى تكون الزيارات .. فيه تعليمات للمكاتب وتحديد لإِختصاصاتها من قبل لجنة ترخيص المكاتب في التخطيط العمراني.

عندي صيغة عقد استشارات المشكلة بالانجليزي ومن كم صفحة .. العقد للاشراف غير وللتصميم غير يكون والاثنين لازم يتضمنون دفعات مريحة للمالك العادة الاشراف حسب الزيارة وبعضهم يسونه حسب الطلب وبعضهم يسون دفعات شهرية واشراف متواصل .. وممكن الغاء العقد في حالة عدم الدفع ولا ايقاف الشيكات.

الاستشاري لازم يسوي ملف عنده للمشروع ولازم تكون نسخة للملف ولتوقيعات وتعليمات الاستشاري اليومية في الموقع .. والوقت الحالي على التكنولوجيا المتطورة بسهولة يقدر يرسل تقارير مصورة وبتعليقات كلامية أَو مكتوبة بالتلفون أَو الايميل .. نسخة الرسومات كذلك دوم تكون موجودة في المكتب و في الموقع.

ونصيحة للي يشك في استشاريه يلعب يبلغ عنه ويحاول يصيد اثباتات عليه .. لعب مهندس الموقع يكون مع الفورمان ولا يدري المكتب الأَساسي وادارته ولا يدري مالك أَو مدير شركة المقاولات.

من التجاوز اللي دوم يصير في قطر وبمهنية وبفن ومتخصصين فيه المكاتب بتاعة بص حضرتك هو اللعب في كميات الخرسانات والحديد والمواصفات .. شلون نكشفهم؟ طبعاً الخرايط بعد ما تتوقع هي والعقد تكون من 3 نسخ - نسخة للمقاول وللمالك وللاستشاري.

ولنفترض تم تسعير بناء الخرسانات والحديد بمليون وفوق لكل مقاول بناءً على الرسومات وجاب لنا الاستشاري مقاول زين بسعر شوي أَقل ممكن يكون مليون فرضاً .. ننتبه وقت التنفيذ لكميات الحديد ولأَحجام الأَساسات وهذي ناخذ فيها راي شخص مطلع ويقدر يوضح لنا شالكميات عدد وأَقطار الحديد وأَحجام الخرسانات .. الأَحجام سهلة مثلاً الأَساسات بعضها 2 في 2 متر في 80 سم ارتفاع ونقدر نقيسها بسهولة .. والحديد نقدر نعده قبل الصب ولو نصوره أَفضل لتأَكيده من قبل مختص أَو نجيب طرف ثالث يشيك .. كثير يجون خدمة بدون مقابل .. ومن يسوي هالخطوات بيلاحظ كيف الاختلافات توصل لين حتى 20% أَقل بما معناه 200000 من المليون للمهندس والفورمان وطبعاً جزء منها يروح لمسؤول الصرف في الجهة الموردة للمواد.

سرقات ثانية تصير للكثيرين هي كميات الدفان النظيف المستخرج من الأَرض ويوردون للملاك بودرة رخيصة بغالي بعدين.

نجي للباقي من مواد كهربية وتمديدات محددة مواصفاتها يتم تغييرها لنوعيات بجودة رخيصة وبسعر رخيص.

يذكر لي أَحد ملاك شركات المقاولات بأَن السيطرة على العمالة مستحيلة .. وقالها بالحرف الواحد المصرية .. انا ما قلت لكم .. ويقول خلهم ياخذون وسو نفسك ما تدري انت خذ حاجتك وخلهم يعيشون .. ولا انسى تمشي شركتك .. في النهاية المالك دافع فلوس للمقاول اللي ماخذ ربح محسوب له من البداية ومشاركه في الربح العمال اللي معاه بدرجة معلومة وبدرجة غير معلومة مسروقة منه أَموال ومن المالك بالتالي بتوافق فورمان ومهندس .. لو يتم تطبيق نظام راتبك 10 الاف تقدر تطلع 10000 من الدولة لبلادك كان شوي بيكون فيه ضبط للعملية .. وطبعاً التوثيق والاشراف الحكومي العام هو الأَهم ولازم أَي وضع يكون فيه تجاوز يتحاسب المتجاوز حساب قوي .. هذا ببساطة ما يطبق في دول كثيرة وأَقربها لنا الامارات.

[مرهوب]

متى كان فيه مناقصه على المشروع هو المستفيد واخر شي بيعطي ربعه
اخوي هو له شغل تصميم وخلاص صك الباب في وجه اما المقاولين حدث ولا حرج في الدوحه اسال انت وبتعرف

[ساكن ازغوه]

احب اشكر اخواني الأعضاء وكل من شارك بالموضوع احب ان اطلعكم على التكلفة المالية لكل بند

البند الاول 2700 لعدد ثلاث فلل
البند الثاني 21000 لعدد ثلاث فلل
البند الثالث 12000 لعدد ثلاث فلل
البند الرابع 9000 ريال لعدد ثلاث فلل

[معماري قطري]

الأَول وايد رخيص ومستحيل تحصل في هالسعر لثلاث فلل

بس الثالث غريب وشكله يدري إِن فيه في رسوماتك أَخطاء وتحتاج تعديل والبند الثاني في رايي أَهم شيء .. بس البند الأَول والثاني وحتى الثالث والرابع يبي لهم تفصيل وشرح كامل لا يقل عن صفحتين لو موجز

حساب الكميات انا الاستشاري مسوي لي كتاب كامل موضح فيه كل شيء تقدر تطلع عليه في موضوع العقود اللي في توقيعي