شخص وضعه صعب اتمنى الكل يساهم بما يعرف

[aloosh]

السلام عليكم

عندي ولد عمي من ذوي الاحتياجات الخاصه واعاقته حركيه وبعد العلاج الحمدلله يمشي ويقضي مشاويره
هو متقاعد براتب 8600 ريال وعنده عائله من 5 افراد وعليه قصد بنك تنميه وعليه قسط اخر
يعني راتب ما يكفي نهائيآ وهو يبي يعمل في جهه ثانيه هل مسموح له بالعمل ام لا لان وضعه يختلف شوي
هل في استثناء لمثل هذي الحلات

جهة عمل التقاعد قطر للبترول

[qtr qtr]

اخوي على حسب عمره وشهادته .. خله يقدم في وزارة العمل ويجيب لهم شهادة المديونيه يمكن تفيده .وبعد يجيب لهم شهاده صحيه انه عنده استتطاعه المشي ويمارس حياته الطبيعيه .
والله يوفقه ويعينه

[بو خليفه 123]

الله يشافيه و يعافيه

ذوي الاعاقه هم جزء مهم من المجتمع و يعاملون في ادارة العمل بالتوظيف كما يعامل الموظف العادي . و هناك جهات و مؤسسات انشأت نسبه كبيره من الشاغر في توظيفها السنوي لذوي الاعاقه فقط .

الخطوه الاولى : اللجوء الى ادارة العمل و يقدم اوراقه هناك و هم بدورهم بيخاطبون الجهات المعنيه التي تبحث عن موظفين من ذوي الاعاقه .

عسى الله يوفقه ..

[كازانوفا]

لا املك سوى الدعاء الله
ربي ييسر له ولكل محتاج اموره بالدنيا قبل الاخره

[السكين]

الله يوفقه ويجازيك خير ، فالدال على الخير كفاعله .

[بصمة قطرية]

الله يوفقه و يرزقه من أوسع أبوابه ..

[h9466]

الله ييسر امره وفرجها عليه قريبا ان شاءالله...وصيه بالدعاء وكثرة الاستغفار وبيشوف اللي يسره ان شاءالله..

[رحال]

الله ييسر امره وفرجها عليه ان شاء الله

[cartier]

يحق له الجمع بين راتبين

[رهج السنابك]

مثل ماقالوا يرجع لوزاره العمل ويقدم خطاب انه قادر على العمل كموظف عادي وليس من ذوي الاحتياجات المضطرين للراحه في البيت
اتوقع دام يمشي وحالته تحسنت خلاص ماينطبق عليه التقاعد المرضي