مطراش 2 وبعض مستخدمينه ...!

[بومحمد المطاوعه]

السلام عليكم ورحمه الله وبركاته ،،

شخباركم يالغاليين
عساكم طيبين ،،

الصراحه مستغرب من بعض الناس في القروبات ،،

يصور اي سياره مخالفه ويرسله لـ مطراش 2 وهذا شي طيب

ولكن الشي الي مب طيب ويمكن تصير كارثه ،،

ان ينشر الصور فالقروبات مع وجود رقم السياره
وبعض الاحيان صور ناس ونساء داخل السياره ،، !

هالشي عيب ومحد يرضى به !

تخيل تنزل وتصور رجال مخالف وهذا الشخص اهله معاه فالسياره تتوقع شنو رده فعله ،،؟

يمكن ينزل ويتهاوش وتوصل للضرب والمشاكل و و و و

ف ليش التشهير بهؤلاء الناس المخالفين ؟؟
مدام في شي اسمه مطراش 2

وهل لو تعرضت لشخص لاسمح الله نزل وصور سيارتك امامك وانت مع هلك او بنفسك ،،،؟
تسمح له ولا بتنزل وتتفاهم معه ،،؟

انا عن نفسي لو كنت مع اهلي لاسمح الله لو خالفت وهذا مب من سوالفي ولا طبعي اكل حق غيري
ولكن لم اسمح لأي شخص يصور مع ان ام عسالي وهلي بنقابهم
بس بعد مافي اي انسان يرضى بهاي الشي
حتى لو مخالف
اما لو كنت بروحي
بسوي له حبتين خل يصور ماعندي مشكله

ولكن بضوابط عدم نشر الصور للناس والقروبات والتشهير بها


هناك جهات مختصه للمخالفه ،،
وهناك طرق للتصوير
ويمنع التشهير

يجب على المصور المتطوع للمرور ويصور المخالفين
ان يتأكد من المخالف ل وحده او مع شوفاته
مب تعال وصور وانشر للناس بعد



اترك لكم الساحه وحريه النقاش بأحترام ،،

[Aaziz]

الي يصور سياره مخالفه و فيه صوره نسوان واضحه و يدزها في قروب هذا ماعنده سالفه كلش
لاتبوق و لا تخاف ،، لاتخالف و استر شوفاتك ولاتحاتي شي

[بومحمد المطاوعه]

الي يصور سياره مخالفه و فيه صوره نسوان واضحه و يدزها في قروب هذا ماعنده سالفه كلش
لاتبوق و لا تخاف ،، لاتخالف و استر شوفاتك ولاتحاتي شي

اي صدقت
حتى لو مب واضحه

بس بعد ماتدري شنو نيته الي يصور

ولا حد يرضى اطلاقآ
هل بينشر
هل اي شي كان

حتى لو واحد مقعد خيمه حذاه بعد محد بيرضى يتصور


احس هالقانون تعبان

[Riku3]

هو انا بشكل عام غاسل يدي من خدمة المخالفات بالتصوير في مطراش لاني تعبت وانا اصور واخرتها محد نزلت عليه المخالفات بعد ما شيكت في الموقع بالارقام .. والحمد لله ما اخالف بطريقة تخلي شخص يعصب وينزل يصورني في وجهي !! حدي لو اخالف اصف في الشارع بدون ما اعيق الحركة ومستحيل اغلق الطريق على سيارة مثل ما يسوي البعض ..

وحتى لو سويت مثل هالحركة بأن اصف الموتر ورى حد واحبسه في الموقف .. وجيت حصلته يصور الموتر ومب متقصد يحط الكيمرا على الي داخل السيارة بسفهله .. ويمكن انا اخذ رقم سيارته واسبقه اشتكي عليه ههههه :tease: .. الحمد لله حريمنا وبناتنا متغطين بنقابهم وحجابهم الشرعي وما نخالف او نخاف من شي والبلاد فيها قانون لازم ما تاخذ حقك بيدك الا لو اعتدى عليك الطرف الثاني .. ومواترنا العازل مغطيها من كل مكان التصوير ما بيبين شنو في الموتر .

[ناصر30]

طبعا هالشى مرفوض خصوصا ان كل من هب ودب بيصور

ولايراعي خصوصيه الناس اضافه ان فيه ناس ممكن يكون

رد فعلها عنيف وويفتح الباب لكل انسان ينتظر الزله ع الثاني

وياخذ حقه بطرق مشروعه او غير مشروعه


الصح يكون هالشى خاص بجهه معينه او من عامه الناس بس يكون

فيه تنسيق بينه وبين الجهات المعنيه مب تعال وصور بس


يعطيك العافيه بو محمد

[بانغ بانغ]

والله شيخنا الله يجزيك خير من يومين كنت اسولف مع الربع عن هالموضوع

صحيح اصلا التصوير بدون اذن النيابة ممنوع حتى لو اتصور فساد او موقف خطير ( هذا اللي تم توضيحه لي )

مستغرب من تصوير المخالفات لانها تعدي على حقوق الاخرين

[Al-Kuwari]

من عادتي اني ارى الامور بنظرة عقلانية وشاملة

لكن بهالموضوع بكل صراحة كنت مخالف او مب مخالف , مع هلي او مع مب هلي

مب بكيفه يصورني ولا يحق له , في رجال مرور ممكن يخالفوني وهم عالعين والراس

اما يجيني واحد ملقوف ويصور لا والله بنزل وبتصير سالفة بعد

مع احترامي لادارة المرور قانون سخيف وراح يسبب مشاكل كثيرة

[aloosh]

اغلب تصوير من خلف السياره ومن مسافه يعني اللي بداخل سياره غير واضح

[بومحمد المطاوعه]

جزاكم الله خير

راجع لكم ياحلووووين

[Aaziz]

اي صدقت
حتى لو مب واضحه

بس بعد ماتدري شنو نيته الي يصور

ولا حد يرضى اطلاقآ
هل بينشر
هل اي شي كان

حتى لو واحد مقعد خيمه حذاه بعد محد بيرضى يتصور


احس هالقانون تعبان

لا لا يابومحمد
عشان واحد بزر مايقدر شيسوي ولا واحد نيته مش طيبه ننتقد القانون

بالعكس برنامج مخالفات مطراش حل ازمات. جوالي متروس صور سيارات مخالفه و للعلم مش اي مخالفه اصورها. اصور المخالفات الي فعلا يكون مستهتر ولا الاناني الي يضيق على الناس وكانه هو و الطوفان من بعده

قبل كم يوم مصور شيول من الكبار يتمشى بين المواتر صاف معانا في الزحمه ولا ادري هل هي تعتبر مخالفه او لا الاكيد شكله غلطو عفس الدوار. صورته مع تعليق بالمكان و الزمان و طرشته

وقبل فتره بعد الباشه محمل دواشق فوق غماره موتره و موقفورى السيارات الي واقفه و مخلي العالم الي رايحه و راده تمشي في مسار واحد.
و انا اسمعه نازل يسولف مع ربعه واقفين قدام محل. مزلت و سلمت و قلت له هذي سيارتك. قال نعم قلت له نازل تسولف و ماتشوف العالم شصاير فيها قدامك ؟ تاسف و مش عارف ايش. اسف واحد يستعبط يبي ياخذني على قد عقلي.
قلت لع ابتسم ههههه و طرشت
اشوف بالعكس مطراش سوى خير في العالم. غثك بمخالفته. لاتكلمه صوره و طرش

و الصوره بتم في جوالك شيك عقب اسبوع او اكثر بتشوف المخالفه نازله ادا كانت الصوره كافيه لتوضيح المخالفه و مبينه رقم السياره.

مع مطراش قلبا و قالباً

[بومحمد المطاوعه]

هو انا بشكل عام غاسل يدي من خدمة المخالفات بالتصوير في مطراش لاني تعبت وانا اصور واخرتها محد نزلت عليه المخالفات بعد ما شيكت في الموقع بالارقام .. والحمد لله ما اخالف بطريقة تخلي شخص يعصب وينزل يصورني في وجهي !! حدي لو اخالف اصف في الشارع بدون ما اعيق الحركة ومستحيل اغلق الطريق على سيارة مثل ما يسوي البعض ..

وحتى لو سويت مثل هالحركة بأن اصف الموتر ورى حد واحبسه في الموقف .. وجيت حصلته يصور الموتر ومب متقصد يحط الكيمرا على الي داخل السيارة بسفهله .. ويمكن انا اخذ رقم سيارته واسبقه اشتكي عليه ههههه :tease: .. الحمد لله حريمنا وبناتنا متغطين بنقابهم وحجابهم الشرعي وما نخالف او نخاف من شي والبلاد فيها قانون لازم ما تاخذ حقك بيدك الا لو اعتدى عليك الطرف الثاني .. ومواترنا العازل مغطيها من كل مكان التصوير ما بيبين شنو في الموتر .

الله المستعان

بس بعد مهما كان اخوي
عازل ولا نسوانا متغطيات

محد يرضى اي انسان يصور صح ولالا

[بومحمد المطاوعه]

طبعا هالشى مرفوض خصوصا ان كل من هب ودب بيصور

ولايراعي خصوصيه الناس اضافه ان فيه ناس ممكن يكون

رد فعلها عنيف وويفتح الباب لكل انسان ينتظر الزله ع الثاني

وياخذ حقه بطرق مشروعه او غير مشروعه


الصح يكون هالشى خاص بجهه معينه او من عامه الناس بس يكون

فيه تنسيق بينه وبين الجهات المعنيه مب تعال وصور بس


يعطيك العافيه بو محمد

صدقت يمكن تصير كارثه
جزاك الله خير
من جهه معنيه ماعندي مشكله

الله يعافيك اخوي

[بومحمد المطاوعه]

نقطه ثانيه :.

هل الداخليه
ام المرور

تقف في حقي ان تعرضت للضرب من قبل المخالف اثناء التصوير
لمطراش 2 .؟

[بومحمد المطاوعه]

والله شيخنا الله يجزيك خير من يومين كنت اسولف مع الربع عن هالموضوع

صحيح اصلا التصوير بدون اذن النيابة ممنوع حتى لو اتصور فساد او موقف خطير ( هذا اللي تم توضيحه لي )

مستغرب من تصوير المخالفات لانها تعدي على حقوق الاخرين

الشيخ من جابك ياخوي
ويجزاك خير

الله كريم ياخي
مانعرف شنو مصلحه هالشي
احس في حد اندبغ واهو يصور

[qatari911]

من عادتي اني ارى الامور بنظرة عقلانية وشاملة

لكن بهالموضوع بكل صراحة كنت مخالف او مب مخالف , مع هلي او مع مب هلي

مب بكيفه يصورني ولا يحق له , في رجال مرور ممكن يخالفوني وهم عالعين والراس

اما يجيني واحد ملقوف ويصور لا والله بنزل وبتصير سالفة بعد

مع احترامي لادارة المرور قانون سخيف وراح يسبب مشاكل كثيرة

+1
اتفق معك

[بومحمد المطاوعه]

من عادتي اني ارى الامور بنظرة عقلانية وشاملة

لكن بهالموضوع بكل صراحة كنت مخالف او مب مخالف , مع هلي او مع مب هلي

مب بكيفه يصورني ولا يحق له , في رجال مرور ممكن يخالفوني وهم عالعين والراس

اما يجيني واحد ملقوف ويصور لا والله بنزل وبتصير سالفة بعد

مع احترامي لادارة المرور قانون سخيف وراح يسبب مشاكل كثيرة

بارك الله فيك وجزاك الله خير

وانا معاك بعد في هالشي

والله يحفظنا من المشاكل

والله لو جدامي ونزل يصور
يمكن اتعامل معاه معامله ماترحم
لأن شي مايخصه وفي جهات لهم الحق في اتخاذ القرار

تحياتي

[بومحمد المطاوعه]

اغلب تصوير من خلف السياره ومن مسافه يعني اللي بداخل سياره غير واضح

هي صحيح
البعض يستخدم البرنامج بشكل
صحيح
ولكن البعض ينشر فالقروبات

ليش؟

[بومحمد المطاوعه]

لا لا يابومحمد
عشان واحد بزر مايقدر شيسوي ولا واحد نيته مش طيبه ننتقد القانون

بالعكس برنامج مخالفات مطراش حل ازمات. جوالي متروس صور سيارات مخالفه و للعلم مش اي مخالفه اصورها. اصور المخالفات الي فعلا يكون مستهتر ولا الاناني الي يضيق على الناس وكانه هو و الطوفان من بعده

قبل كم يوم مصور شيول من الكبار يتمشى بين المواتر صاف معانا في الزحمه ولا ادري هل هي تعتبر مخالفه او لا الاكيد شكله غلطو عفس الدوار. صورته مع تعليق بالمكان و الزمان و طرشته

وقبل فتره بعد الباشه محمل دواشق فوق غماره موتره و موقفورى السيارات الي واقفه و مخلي العالم الي رايحه و راده تمشي في مسار واحد.
و انا اسمعه نازل يسولف مع ربعه واقفين قدام محل. مزلت و سلمت و قلت له هذي سيارتك. قال نعم قلت له نازل تسولف و ماتشوف العالم شصاير فيها قدامك ؟ تاسف و مش عارف ايش. اسف واحد يستعبط يبي ياخذني على قد عقلي.
قلت لع ابتسم ههههه و طرشت
اشوف بالعكس مطراش سوى خير في العالم. غثك بمخالفته. لاتكلمه صوره و طرش

و الصوره بتم في جوالك شيك عقب اسبوع او اكثر بتشوف المخالفه نازله ادا كانت الصوره كافيه لتوضيح المخالفه و مبينه رقم السياره.

مع مطراش قلبا و قالباً

جزاك الله خير انت تستخدم البرنامج بشكل طيب

ولكن الغير .؟
الي يستخدمه بسوء
شنقول عنه

ماقصرت على وقفاتك وتشكر عليه
ولكن اقصد الي ينشر للربع وهو مصور فلان وعلان

[بومحمد المطاوعه]

للرفع .....

[بانغ بانغ]

والله موضوع خطير وفيه ظلم مجحف

لازم في رادع ومصداقية من المرور

مب كل من هب ودب صار مهتم بامن البلد وكشف المخالفات

لا يبا فيه ضوابط وقوانين

[بومحمد المطاوعه]

والله موضوع خطير وفيه ظلم مجحف

لازم في رادع ومصداقية من المرور

مب كل من هب ودب صار مهتم بامن البلد وكشف المخالفات

لا يبا فيه ضوابط وقوانين

الله المستعان

وين الضوابط
وهل له الحق المصور ؟.

وهل لو تعرض للضرب المصور
القانون بيحميه .؟

[محمد11]

جزاك الله خير ع الموضوع ..

بس انا عندي اعتراض على عنوان الموضوع ..

لان موضوع تصوير المخالف هذا لا غبار عليه وانا اول الاشخاص اشكر وزارة الداخليه بقيادة معاليه عبدالله بن ناصر ..

اما بخصوص ان يصور الشخص وهو مع هله !!!

انا ماعتقد الي بصور سياره مخالفه بصور ( داخل السياره ) ..

اما بصور خارج السياره واهم شي ف السياره رقم السياره وطريقة المخالفه .. وراح يرسلها مباشره على مطراش2

مثل ماهو موجود في ( الرادارات ) تصور فيديو وصوره ..

ماعتقد بعد ان الاشخاص راح تناقش الاخوان ف المرور تقول لهم لاتصورن المخالف !! انت اول شخص راح تكون معاهم ليش !!
علشان تعرف حقك بالصوره والفيديو بعد ...

اما بخصوص موضوع انتشار الصور بشكل عام ...

هذا موضوع ثاني .. ماله دخل في مطراش ..

لان اي شخص راح يقدر يصور صورة سياره ولو فيها الف ( وحده ) بطرشها ..
بصورها على اساس انها مميزه
بصور السياره على اساس ان لونها حلو
بصور السياره على ان رقمها مميز ...

الموضوع ( شخصي ) .. وليس عتب على خدمة ..


طبعا مثل مايصر في ( رمضان ) ف الكورنيش عرض سيارات وكل من هب ودب صور وسو له اكاونت في التواصل الاجتماعي ونشر الصور ...

ماشفنا حد طلع وتكلم ..

احنا مشكلتنا نشوف الشي بعين وحده ونخلط الامور مع بعض واخر شي مافي نتيجه ..

الموضوع او الزبده .. ( موضوع مطراش 2 ) افضل خدمة في قطر الحمدالله

[بومحمد المطاوعه]

جزاك الله خير ع الموضوع ..

بس انا عندي اعتراض على عنوان الموضوع ..

لان موضوع تصوير المخالف هذا لا غبار عليه وانا اول الاشخاص اشكر وزارة الداخليه بقيادة معاليه عبدالله بن ناصر ..

اما بخصوص ان يصور الشخص وهو مع هله !!!

انا ماعتقد الي بصور سياره مخالفه بصور ( داخل السياره ) ..

اما بصور خارج السياره واهم شي ف السياره رقم السياره وطريقة المخالفه .. وراح يرسلها مباشره على مطراش2

مثل ماهو موجود في ( الرادارات ) تصور فيديو وصوره ..

ماعتقد بعد ان الاشخاص راح تناقش الاخوان ف المرور تقول لهم لاتصورن المخالف !! انت اول شخص راح تكون معاهم ليش !!
علشان تعرف حقك بالصوره والفيديو بعد ...

اما بخصوص موضوع انتشار الصور بشكل عام ...

هذا موضوع ثاني .. ماله دخل في مطراش ..

لان اي شخص راح يقدر يصور صورة سياره ولو فيها الف ( وحده ) بطرشها ..
بصورها على اساس انها مميزه
بصور السياره على اساس ان لونها حلو
بصور السياره على ان رقمها مميز ...

الموضوع ( شخصي ) .. وليس عتب على خدمة ..


طبعا مثل مايصر في ( رمضان ) ف الكورنيش عرض سيارات وكل من هب ودب صور وسو له اكاونت في التواصل الاجتماعي ونشر الصور ...

ماشفنا حد طلع وتكلم ..

احنا مشكلتنا نشوف الشي بعين وحده ونخلط الامور مع بعض واخر شي مافي نتيجه ..

الموضوع او الزبده .. ( موضوع مطراش 2 ) افضل خدمة في قطر الحمدالله

اخوي اليي يصير ف رمضان شي اخر
ماله علاقه في هالموضوع

تبي تتصور روح الكورنيش

اما اي واحد ينزل ويصور مخالفه ماله حق

تخيل يصير ضرب او تصير مشكله
من المسؤول ؟.

[محمد11]

اخوي اليي يصير ف رمضان شي اخر
ماله علاقه في هالموضوع

تبي تتصور روح الكورنيش

اما اي واحد ينزل ويصور مخالفه ماله حق

تخيل يصير ضرب او تصير مشكله
من المسؤول ؟.

المقصد من الموضوع هو نشر الصوره واذا حد كان من الاهل ف الصوره
والي انا اقصده ان ممكن اي حد يجي ويصور السياره على اساس ان سياره حلوه او رقمها مميز او موديل جديد .. وينشر الصوره…

الموضوع مطراش احس ان ماله دخل ف السالفه من عنوان الموضو ع وهدف الموضوع

[بومحمد المطاوعه]

المقصد من الموضوع هو نشر الصوره واذا حد كان من الاهل ف الصوره
والي انا اقصده ان ممكن اي حد يجي ويصور السياره على اساس ان سياره حلوه او رقمها مميز او موديل جديد .. وينشر الصوره…

الموضوع مطراش احس ان ماله دخل ف السالفه من عنوان الموضو ع وهدف الموضوع


اخوي انا اقصد مطراش 2

خل الي يصور وينزل ان السياره حلوه

المخالف
يمكن يكون مع اهله
ويمكن يكون بروحه

المصور هل له الحق بتصوير المخالف.؟

واذا تعرض لسوء فهم من الطرفين القانون يقف مع من .؟

مع المصور ؟؟

الدوله فيها قانون وفيها كاميرات ترصد المخالفين
وفيها دوريات وناس مخصصه للمخالفات

اما اي شخص ينزل ويصور
اشوف ماله داعي

لان فالنهايه تقدر تصل 999 وتطلب دوريه للمخالفه

[مرتبش]

وهذا سبب اخر لمنع هذا التصرف.
الحق في مخالفة الناس واجب الشرطة.. انا وانت واجبنا نلتزم بالقانون.. ارفض تحويلنا لجواسيس لانهم مشغولين او عندهم نقص بشري

[بومحمد المطاوعه]

وهذا سبب اخر لمنع هذا التصرف.
الحق في مخالفة الناس واجب الشرطة.. انا وانت واجبنا نلتزم بالقانون.. ارفض تحويلنا لجواسيس لانهم مشغولين او عندهم نقص بشري
بارك الله فيك
صدقت واجب علينا نلتزم بالقانون

ولكن ياخوي البعض مايعرف احترام الاخرين فالشارع

تقدر تاخذ رقمه وتشتكي عليه
او تصور مثلآ

بشكل سليم ان لايحدث مشاكل بينك وبين المخالف

واذا اي شخص صور
يجب ان يتق الله

وينشر للجهه المختصه فقط

مب يتداول بالصوره بين ربعه

[متحدث لبق]

سؤال

اللي ما يبي يتصور....ليش يخالف من الأساس؟ ترى نفس الشي يسرى على كاميرات الرادار الثابتة و المتحركة و كلها متوفرة عند الفنيين

[بومحمد المطاوعه]

سؤال

اللي ما يبي يتصور....ليش يخالف من الأساس؟ ترى نفس الشي يسرى على كاميرات الرادار الثابتة و المتحركة و كلها متوفرة عند الفنيين

اي والله صدقت ياخوي

لاتخالف لاتخاف