معروض علي ادخل شركة

[رهج السنابك]

انعرض علي شراكة براس المال مع شريك قطري
العارض ( مدير عام) اوضح لي ان الشركة شغلها ماشي وفاتحه افرع وقاعده تتوسع وتكبر وحابين يدخلون شركاء
لين الحين ماخذت معلومات اكثر
شنو تنصحوني؟ شنو الامور الي لازم اسأل عنها غير موضوع كم نسبة الشراكة والربح
هل اطلب عقود الشركة لهالسنه؟

[بوحارب]

بل

انا اخر شي أفكر فيه ادخل شراكة مع بنت


حقيقه :)

سقراطية نصيحة لاتدخلين في الشراكة
خلي فلوسج في محلها ومن طمع طبع

ويااااا كثرهم اللي طبعوا

[رهج السنابك]

ليش خصصت الموضوع انك ماتدخل مع بنت؟!!

الموضوع مش طمع وطبع وطفح ولكن حب التغيير ومجال هالشركة غير بالنسبة لي وكنت افكر فيه كمشروع مستقل وسبحان الله ياتني فرصه الشراكة بنفس المشروع قلت حلو مبدئيا عشان اكتسب الخبره المطلوبه احسن من اني افتحه لوحدي بدون خبره

[بريق الحق]

اسئلي هل الدخول في هذا العمل يرضي الله اول شي هذا حطيه بين عينج

شوفي الارباح

وعليج بالاستخاره والله يرزقج الرزق الحلال
ولا تنسينا اذا صرتي هاموره كبيره (:

[aloosh]

نصيحه اختي لا تدخلين شراكه الى متأكده من ربح المشروع
وبعد دراسه من شخص مختص يعرف شلون تجاره ما شيه بقطر

والله يرزقك الرزق الحلال الطيب

[ولد العرب]

نصيحه اختي لا تدخلين شراكه الى متأكده من ربح المشروع
وبعد دراسه من شخص مختص يعرف شلون تجاره ما شيه بقطر
والله يرزقك الرزق الحلال الطيب
:nice:اي والله وصلت خير

[النهار]

بيا خشي بيزاتج وخلج من الشراكه اشتري عقار وفكي عمرج

[<اضرب واشرد>]

ماينفع جذي أختي لازم تراسلين خبراء وتعطينهم التفاصيل وإسم المشروع ومجاله وإسم الشركاء إلخ

[راجي الْعفو]

مافي احسن من تجارة العقار للي عنده راس مال

عن نفسي ما اشجع عالشراكة وايد في هالزمن

بالتوفيق

[MirusS]

كيف شرااكه ؟ ماديا وربحيا بس ولا كل شي 92017
لكن مانصحج تدخلين فشراكه معروف غالبا تصير خلافات ومشاكل وبالذات دامج ماعندج خبره فالبزنس
بتتوهقين عدل :nice: .. حطيهم فعقار واستمثريها أسهل وأحسن وربح مضمون وثابت
موفقه

[Al-Kuwari]

عن نفسي افضل لو راح ابدا بزنس اني ابدا فيه بروحي

الشراكة دائماً تنتهي بمشاكل كاختلاف توجه الشريكين واحد يبي كذا والثاني كذا

شخصياً شخصين او ثلاثة ممكن ادخل معاهم في شراكة ان اقتضت الحاجة ولكن مب اي شخص

المقصد يا اختي لا تدخلين شريكة مع حد انتي ماتعرفينه تمام المعرفة وتمونون على بعض لان في حالة الخلاف لو انتم تمونون على بعض واحد راح يتنازل
لكن في حالة ان الشخصين داشين بزنس فقط راح تكبر المشكلة وتنتهي الشراكة بمشاكل وعوار راس

[بـارود]

جربي تكتبين موضوعج في هالقسم :

http://www.qatarshares.com/vb/forumdisplay.php?62-%C7%E1%E3%D4%C7%D1%ED%DA-%C7%E1%CA%CC%C7%D1%ED%C9

[QATAR 77]

دامه يتوسع و شغله ما شي ما اعتقد انه بيدخل شريك

و لكن لانه شافج على نياتج و ممكن يقص عليج عرض الموضوع عشان يستغلج

[حسن]

دامه يتوسع و شغله ما شي ما اعتقد انه بيدخل شريك

و لكن لانه شافج على نياتج و ممكن يقص عليج عرض الموضوع عشان يستغلج

انا استنتج من هذا الرد

ماانصح وضحك على الكثير نصيحه تحملي

شتريلك شميلات ذهب ابرك وخزنيهم ولا عقار

بالنسبه لي مافي احلي من البورصه

[ana_ana]

بالتوفيق اختي ويفضل سؤال اهل الخبره

واتمنى من اخوي شموخ دائم يدلي بدلوه عسا تلاقين في ايجاباته مايفيدك

[رهج السنابك]

دامه يتوسع و شغله ما شي ما اعتقد انه بيدخل شريك

و لكن لانه شافج على نياتج و ممكن يقص عليج عرض الموضوع عشان يستغلج
سألت نفس سؤالك
قلت ليش محتاجين شركاء دام الشركة قاعده تكبر وقاعدين يخلصون اوراق فرعهم الجديد في دبي
قال انا مؤمن بتعدد الشركاء خاصه لو حد له علاقات كثيره (مع ان مالي علاقات وايد بس هو اعتقد هالشي بحكم اني اشتغلت معاه في موضوع وجبت له ربح)

[رهج السنابك]

مشكورين ع الردود
بس محد جاوبني شنو لازم اطلب منه او اسأل عنه

[توشيبا]

روحي عند محامي افضل لج

كل اجوبتج عنده وبيعرف اشلون يحميج من اذا كان فيه نصب او لا