النصب والاحتيال مطعم جبري في ام غويلينا

[الدبلوماسي]

السلام عليكم
اخواني احذركم من نصب واحتيال مطعم جبري
اليوم كنت مع واحد من الربع نتعشى خلصنا عشانا طلبنا الفاتوره وخلصنا امورنا
لفت انتباهي صناديق الجمعيات الخيريه
المهم طلعت من جيبي مبلغ وحطيته
طلعت من المطعم فجأه شكيت ف الموضوع رجعت قلت للمصري هذا الصندوق متأكد للجهات الخيريه كان لونه اسود وجنب الصناديق
قالي بص ياباشا دا تبس بغشيش لينا ياباشا
قلت له ياخوي مب مكتوب ان هذا تبس المفروض تكتبون تبينون للزبون
يقول ياباشا انما الاعمال بالنيات هو نيتك كدا ربنا عارف خلااص مالوش داعي
المهم طلبت منه يخذ المبلغ قدامي ويحطه للجهات الخيريه ويحط علامه ع الصندوق ان هذا بغشيش لكم رفض بحجه ان المفتاح مب عنده
قلت له في ذمتكم هو ورفيجه ايوووه اه اه في زمتنا كلو دا في زمتنا ان شاء الله

[جاسم الدوحة]

مطعم جبــري
تاريــخ من عدم الثقة والتلاعب ..

صارت لنا قصة معينة معاه قبل 15 سنة تقريباً
وما أنساها .. من يومها تحذرت من التعامل معاه .

لذلك أصدّق أي شيء في هالمطعم ..
والقصة أعلاه فيها تلاعب وعدم وضوح
وهذا مما لا يجــوز .. والموظفين عادي عندهم
إذا في ذمتهم .

على رأي المسـَـل :
(قالوا للحرامي إحلف .. قال جالك الفرج)

[الدبلوماسي]

مطعم جبــري
تاريــخ من عدم الثقة والتلاعب ..

صارت لنا قصة معينة معاه قبل 15 سنة تقريباً
وما أنساها .. من يومها تحذرت من التعامل معاه .

لذلك أصدّق أي شيء في هالمطعم ..
والقصة أعلاه فيها تلاعب وعدم وضوح
وهذا مما لا يجــوز .. والموظفين عادي عندهم
إذا في ذمتهم .

على رأي المسـَـل :
(قالوا للحرامي إحلف .. قال جالك الفرج)

والله حرام الي يصير في بلادي مستغلين طيبه هل قطر وكرمهم لأغراض خبيث لمصلحتهم
محد منع صناديق البغشيش بس وضحوا للواحد اكتبوا
يوم قلت لهم بشتكي لحمايه المستهلك يقولون شبتقول لهم قلت الي اشوفه نصب مع احترامي كل واحد قفل علي وتم يهاوش ,,
مبلغ وقدره مستحب يروح للجهات الخيريه فجأه وصل لجماعه بص حضرتك وبخصوص الذمه بعض الأنواع من هالفئه ذمتها ف الجيب تبيع أهلها عشان الماده
وغير هاي والله ان مطعمهم وصخ في نفس اليوم الي صار هالشي محصل شعر في وجبتي ويوم كلمتهم بدلوه

[دايموند]

اخوي كلمت حمايه المستهلك؟لان هاي تحايل بطريقه غير مباشره

[ana_ana]

السلام عليكم
اخواني احذركم من نصب واحتيال مطعم جبري
اليوم كنت مع واحد من الربع نتعشى خلصنا عشانا طلبنا الفاتوره وخلصنا امورنا
لفت انتباهي صناديق الجمعيات الخيريه
المهم طلعت من جيبي مبلغ وحطيته
طلعت من المطعم فجأه شكيت ف الموضوع رجعت قلت للمصري هذا الصندوق متأكد للجهات الخيريه كان لونه اسود وجنب الصناديق
قالي بص ياباشا دا تبس بغشيش لينا ياباشا
قلت له ياخوي مب مكتوب ان هذا تبس المفروض تكتبون تبينون للزبون
يقول ياباشا انما الاعمال بالنيات هو نيتك كدا ربنا عارف خلااص مالوش داعي
المهم طلبت منه يخذ المبلغ قدامي ويحطه للجهات الخيريه ويحط علامه ع الصندوق ان هذا بغشيش لكم رفض بحجه ان المفتاح مب عنده
قلت له في ذمتكم هو ورفيجه ايوووه اه اه في زمتنا كلو دا في زمتنا ان شاء الله

الموضوع غريب انه لفت انتباهك صناديق الجمعيات الخيريه مكتوب عليهم معناه هناك اكثر من صندوق وتركتهم كلهم وحطيت المبلغ في الصندوق الي لونه اسود وماعليه ملصقات او كتابه تدل انه يتبع اي جمعيه خيريه لاحظ اخوي انا ما ادخل في نيتك والله يحتسب لك الاجر ولاكني اقول كلمه حق في ماقرأت من السطور الي انت كتبتها

واعذر لي اذا فهمت الموضوع بالخطأ

[غريب الدّار]

هل كان مكتوب على صندوق التبس هذا انه لجمعية خيرية؟

اذا كان الجواب نعم فلازم أتصور الصندوق وتطرشه للجمعية الخيرية ولحماية المستهلك وللشرطة بعد اذا استلزم الامر لان هذا نصب

اذا كان الجواب لا : فأخوي انت شلون اتحط فلوس في صندوق ماتعرف سالفته؟ليش ماسألت؟
يعني شدعوة كل ماتشوف صندوق بتحط فيه فلوس وعقب بتسأل؟

[الدبلوماسي]

اخوي كلمت حمايه المستهلك؟لان هاي تحايل بطريقه غير مباشره

أي نعم كلمتهم وبيتخذون الاجرائات ضدهم

[الدبلوماسي]

الموضوع غريب انه لفت انتباهك صناديق الجمعيات الخيريه مكتوب عليهم معناه هناك اكثر من صندوق وتركتهم كلهم وحطيت المبلغ في الصندوق الي لونه اسود وماعليه ملصقات او كتابه تدل انه يتبع اي جمعيه خيريه لاحظ اخوي انا ما ادخل في نيتك والله يحتسب لك الاجر ولاكني اقول كلمه حق في ماقرأت من السطور الي انت كتبتها

واعذر لي اذا فهمت الموضوع بالخطأ
كل الصناديق جنب بعض انا مالفت انتباهي الا بعد ماحطيت الفلوس لا كلهم جنب بعض

[الدبلوماسي]

تم التواصل مع حمايه المستهلك بيض الله وجههم ماقصروا وسيتم الزام مسؤول المطعم بوضع ملصقات توضيحيه منعا من التلاعب