«زميلات العمل» في حياة الأزواج «كارثة» تهدد الزوجات أحيانا [الأرشيف]

ريتويت

01-03-2015, 07:41 AM

حين تكتشف المرأة أن زميلة العمل ممكن أن تكون قنبلة موقوتة في حياتها فإن الغيرة تدب في حياتها عن ذلك . وللزوجة لابد لها أن تعرف من هن زميلات العمل لدى زوجها وتحاول أن تعرف طبيعة علاقة الزوج معهن وأن تكون هناك صراحة وتفاهم مبنية على استمرار تلك العلاقة الزوجية بين الزوج وزوجته، وحين تكتشف إن إحدى زميلات العمل تحاول سرقة زوجها أو إن زوجها فتح المجال لهن ليتواصلن معه، لابد لها هنا أن تدرك أن الخطر قادم وتتعامل مع هذه المشكلة برواية وعقل لتصل بحياتها الزوجية إلى بر الأمان”.

الموضوع مطروح للنقاش للشباب و البنات ..

في إنتظاركم ..
تقبلوا ودي و إحترامي ،،

حسن

01-03-2015, 07:47 AM

شبح الصمت

01-03-2015, 07:47 AM

الله يعطيج العافيه

وتقدرين تقولين بعد زميلات عمل الزوجه بعد خطر وشر في بعض الاحيان ..

ومسميات بعض النساء

خطافة الرجال
ام عيوون زايغه

وعن الرجل هو من يستطيع ان يضع حد لهؤلاء النساء بان العمل فقط داخل نطاق دائرة عمله ولا يتفرع ويصل إلى بيته
وشخصيته تكون قويه ولا يجعل لمن تسول لها نفسها الوصول إلى قلبه وحياته الزوجية

تحياتي واشواقي ومتابع بعد

حسن

01-03-2015, 07:48 AM

وش بلاكم اليوم كله مواضيع نسائيه

ماعلينا

امس اشوف مسلسل قطري على القناه اخاف انتي مستوحى القصه منه نفس ماتتكلمين عنها

انا اقول بيكون بكثره في المستقبل لاسباب وهي كثره النساء على الرجال ومهب متزوجات
ونحاسه الزوجه وتصلطها في تطبيق شرع الله
فالكل عاز يعيش لذه الحياه

ونبهت انا مرار وتكرار ورسممت ماهو قادم وان اشوف دام انه على سنه رسوله الله مافيها ششي
احسن من العرفي

ومتابع من بعيد على حسب الرؤيا

نسيت شي بعدين اي خطر قادم واي بر الامان وين احنا قاعدين
لها وناسه في وناسه وشهر عسل

حسيت اني في معركه الزلاقه

همر

01-03-2015, 07:57 AM

اقول تقعد تجابل بيتها وعيالها وتتق الله في نفسها

بلا حركات المحقق كونان اللي غسلت مخ الكثير ..

لازم تحافظين على زوجج.. لازم تراقبينه .. لازم تعرفين

من يكلم ومن ما يكلم .. لازم ولازم ولا في شي لازم ..

ماغير الفراغ والعقول الفاضيه الله لا بلانا ..

Qtr37

01-03-2015, 08:01 AM

والله الموضوع يحاكي الواقع
اعتقد كل ما في الموضوع ان قل الحياء عند بعض النساء والرجال
فصارت تحاكي الرجال من غير حياء بغرض العمل او غيره
وكذلك الرجل

والله المستعان

QATAR 77

01-03-2015, 08:17 AM

الاختلاط مفسدة

يقولون ثنتين من الموظفات متهاوشين على موظف في العمل المشكلة متزوجات

وصلنا لهذا الحال للأسف

مختلفة عقليا

01-03-2015, 08:29 AM

السلام عليكم .,

يا حبي للعساكر اللي كل دوامهم مع شباب ., ^^

اذا فتح المجال يتواصل مع زميلات العمل هي بعد تفتح .,

لان من وجهه نظره الموضوع عادي .,

اذا حست ان وحده بدش حياته من الشغل ., تبداء شغل البنات .,

اتكلم عن عرضها وسمعتها وانقل سوالفها للدوام .,

والله لو يصير لي الموقف لا امسح في كرامتها الارض في الدوام بس مو فيس تو فيس من تحت لتحت ., عيل تسرق ريلي مني !! يا ويلها :anger1:

ويسلموو

بانغ بانغ

01-03-2015, 08:43 AM

انزين ؟ وزملاء الحريم ؟

وين موقعهم من النقاش

مهرة

01-03-2015, 11:35 AM

..

بعضكم لازم لازم يقلب الحوار ويحوره على فهمه الضيق لازم وابداً مايتغير ولا بيتغير ولا ناطرين من هالأشكال تتغير ..!

ليش طبيتوا وحورتوا الموضوع على كيفكم يامتحذلقين ياخفيفين الدم والعقل ..!

وعاد كلكم في صوب والمحروصة في صوب مافي موضوع مادشته الا لازم تذكر هالجملة ( أنا وزوجي) منتديات فتكات ..!

الموضوع عن يازوجة يامسكينة يامغفلة وطبعاً مش الكل كيف تخافين على زوجك (آخر فرسان الزمن الغابر) ولا له مثيل طبعاً بنظر هالمسكينة وانه شي مفروض عليها تسوية لتحافظ على عش الزوجية من الأنهيار وهذا من منظور كاتبة الموضوع وغيرها الكثير وطبعاً غلط في غلط ..!

بهذا التصرف انتي دخلتي بمتاهة وطوقتيها بنيران ولا بتعرفين تطلعين منها وبرجولك رحتي إلى حافة الأنهيار نفسه يالرفله ..!

خليه ليش اللف والدوران واسلوب المحققين والتجسس بتتعبين وبتعبينه معاج ولا بتاخذين شي لا فايدة ولا عايدة يالخايبة ونصايح ابلة انشراح لا تاخذينها ولا تعطيتها من وقتج وجهدج وحياتج ماوراها الا المصايب وماتحب تشوف غيرها متهني !.. سم ضروس الرجال الي تتدخل في شغله واسئلة مالها معنى غير انها تجيب الشك للطرفين ومشاكل نفسية والله يعين الي يداوم هو وزوحته بنفس المكان قمة الملل والمشاكل ..!

شوفيه بنفس الصورة الي كنتي تشوفينه قبل الزواج وكنتي عارفه هو شنو وايش عنده وكيف خلفيته من جميع النواحي حاولي دائماً وابداً يكون عندج مبدأ وهو (حسن الظن) حتى لو مع العدو وهو ان شاءالله ان شاءالله يبادلج نفس المنظور ومن نفس باب حسن الظن مع انه عند بعض العرب صعبه ونادره ..

بالتوفيق اختي رتويت وما الومج اذا مارديتي وتابعتي ردود الأفعال في ماطرحتيه ..

sweet qatar

01-03-2015, 11:49 AM

وش بلاكم اليوم كله مواضيع نسائيه

ماعلينا

امس اشوف مسلسل قطري على القناه اخاف انتي مستوحى القصه منه نفس ماتتكلمين عنها

انا اقول بيكون بكثره في المستقبل لاسباب وهي كثره النساء على الرجال ومهب متزوجات
ونحاسه الزوجه وتصلطها في تطبيق شرع الله
فالكل عاز يعيش لذه الحياه

ونبهت انا مرار وتكرار ورسممت ماهو قادم وان اشوف دام انه على سنه رسوله الله مافيها ششي
احسن من العرفي

ومتابع من بعيد على حسب الرؤيا

علي أساس أن الموضوع جديد ؟؟

من قبل كانوا مع الأجنبيات والجنسيات العربية

المرة تشتري راحتها .. وتحط في بالها لو الله راد يكشف خيانة زوجها بيفضحه جدامها

لا تعب نفسها

ولاتقول مابيه يستغفلني

لأن الخاين هو الي عايش في غفلة من عقاب الله

الله يكفينا شر الفتن

الزعفراني

01-03-2015, 11:54 AM

اي والله ياما زميلات عمل سرقن ازواج :)

بس ساعات اذا نهاية السرقة زواج اتوقع الموضوع ممكن يكون مقبول عند البعض .. وما أجملها من سرقة :)

عابر سبيل

01-03-2015, 11:55 AM

..

بعضكم لازم لازم يقلب الحوار ويحوره على فهمه الضيق لازم وابداً مايتغير ولا بيتغير ولا ناطرين من هالأشكال تتغير ..!

ليش طبيتوا وحورتوا الموضوع على كيفكم يامتحذلقين ياخفيفين الدم والعقل ..!

وما الومج اذا مارديتي وتابعتي ردود الأفعال في ماطرحتيه ..

فعلا...مع التقدير لمن سبقوك في الردود..
حيث انني كنت اود التعقيب..
و لكن تحريف الموضوع..جعلني أُعرض عن الادلاء برأيي..

فان كان ما به زعل..اقترح على بعض الاخوة و الاخوات
ان يقومون بتعديل/مسح مداخلاتهم..
لكي لا يجروا الموضوع بعيدا عن اهدافه..
و حتى يتمكن صاحبه و المتابعين من النقاش فيه..
بصورة تفيد الجميع..كتاب و متابعين..

او ان تتدخل الادارة/ الاشراف..لعمل ما تراه لازما
للحفاظ على النقاش

ضوى

01-03-2015, 12:07 PM

دااانة قطر

01-03-2015, 12:22 PM

احسن حل خلي العصمه بيدج وامنعيه من الشغل واصرفي عليه

يا ماما اذا الريال يبي يتزوج وحاط بباله وهو اساسا بصباص بيتزوج زميله عمل والا زميله بطيخ مابيعوقه شي

صلي عالنبي وريحي نفسج ولا تجيبين المشاكل لنفسج دام حياتج مستقرة وماشيه عدل

كلامج سليم اختي ضوى .. بس اذا الرياااال عيونه زايغه وطول وقته مغاازل ومافيه نيته اصلا زواج
بس يضيع وقت يسولف ويفضفض .. بعد تخليه على رااحته
ترى واايد خيانات صاارت بسبة ان المره مريحة نفسها والريال برا البيت غير وداخل البيت غير

حسن

01-03-2015, 12:39 PM

علي أساس أن الموضوع جديد ؟؟

من قبل كانوا مع الأجنبيات والجنسيات العربية

المرة تشتري راحتها .. وتحط في بالها لو الله راد يكشف خيانة زوجها بيفضحه جدامها

لا تعب نفسها

ولاتقول مابيه يستغفلني

لأن الخاين هو الي عايش في غفلة من عقاب الله

الله يكفينا شر الفتن

الحين ماعرفنا وش السالفه

شلون الريال نسرق الى هذه الدرجه في نظر البعض سومان ديقه

حقيقه

الرجل يعرف مصلحته وين وبعدين دام الرجل على سنه الله ورسوله وين المشكله
في بنات مهب متزواجات وايد ينون بصمت محدا حاس فيهم
اتركو الانانيه اتركو السيطره اتركو الدكتاتوريه

انا اؤيد وبقوه الزواج والتعدد والفال لي ان شاء الله قولو امين

:)

راجي الْعفو

01-03-2015, 12:44 PM

باختصار مفيد :

اعرف اين تضع ابنتك

ستتضاءل المشكلة بشكل كبير

بل ستنعدم

كل ذلك : اذا حافظ أولياء الامور ع بناتهم

مع التحية

sweet qatar

01-03-2015, 12:49 PM

الحين ماعرفنا وش السالفه

شلون الريال نسرق الى هذه الدرجه في نظر البعض سومان ديقه

حقيقه

الرجل يعرف مصلحته وين وبعدين دام الرجل على سنه الله ورسوله وين المشكله
في بنات مهب متزواجات وايد ينون بصمت محدا حاس فيهم
اتركو الانانيه اتركو السيطره اتركو الدكتاتوريه

انا اؤيد وبقوه الزواج والتعدد والفال لي ان شاء الله قولو امين

:)

السموحة منك حسن .. ما فهمت

لكن علي العموم

التعدد شرع الله .. لكن لاتنسي الغاية لا تبرر الوسيلة :)

حسن

01-03-2015, 12:54 PM

باختصار مفيد :

اعرف اين تضع ابنتك

ستتضاءل المشكلة بشكل كبير

بل ستنعدم

كل ذلك : اذا حافظ أولياء الامور ع بناتهم

مع التحية

والله ياراجي الوضع اختلف الحين اختلط الحابل بالنابل
مافي وظيفه مافيها احتكاك
قبل 10 سنوات اي الحين لا يبا يسافرون بروحهم ويسوقون لازم تتغير النظره
ياراجي
بدنا نتزوج على العيد وبندنا نجيب صبيان وصبايا

والله انا لي نظره اخري

اي وحده تشتغل لازم تبحث عن شريك بدل ماتصرف على وكاله الرنج وسان لوران وشانيل
وسكادا

الستر زين

الحياة الخالدة

01-03-2015, 12:56 PM

الريال اللي فيه خلل و عينه زايغة .. ما يملاها غير التراب
صحيح في بنات و العياذ بالله الشيطان يتعلم منهم
لكن بعض الرجال من طفاسته و صغر عينه .. ما يخلي أحد في حاله
و مب شرط دايماً قصده الحلال .. و حتى المحترمات ما يسلمون منه

فاللي خايفة على زوجها .. خل تحط في بالها .. أن إذا الريال ما يبي .. و عنده الدين و الأخلاق و التربية اللي تمنعه من التعرض حق بنات الناس
مافي وحدة بتضحك عليه إلا بإرادته .. لأنه مب ياهل و لا سفيه

اللي مثله .. لو تحط عليه الزوجة رقابة 24 ساعة .. و محققين السي آي إي
ما بيقدرون يردونه عن الشيطان اللي في راسه

شبح الصمت

01-03-2015, 12:57 PM

QATAR 77

01-03-2015, 12:59 PM

اذا راتبها قوي يحق لها :secret:

الحياة الخالدة

01-03-2015, 12:59 PM

اللي تشتغل حلال عليها الرنج و الشانيل وسان لوران واسكادا
حلالها اللي تعبت فيه .. محد له حق يناشبها فيه

بعض الذكور .. ينشرى بالفلوس .. مثله مثل أي بضاعة

بومحمد المطاوعه

01-03-2015, 12:59 PM

باختصار مفيد :

اعرف اين تضع ابنتك

ستتضاءل المشكلة بشكل كبير

بل ستنعدم

كل ذلك : اذا حافظ أولياء الامور ع بناتهم

مع التحية

ارفع لك العقال ياشيخ

هالرد يمثل طوايفي

الله يجزاك خيررر يالشيخ

شبح الصمت

01-03-2015, 01:02 PM

اللي تشتغل حلال عليها الرنج و الشانيل وسان لوران واسكادا
حلالها اللي تعبت فيه .. محد له حق يناشبها فيه

بعض الذكور .. ينشرى بالفلوس .. مثله مثل أي بضاعة

الرجال الي يرضى على نفسه تشتريه مره بفلوووس

هذا اسمه ذكر وليس رجل في فرق

راجي الْعفو

01-03-2015, 01:02 PM

والله ياراجي الوضع اختلف الحين اختلط الحابل بالنابل
مافي وظيفه مافيها احتكاك
قبل 10 سنوات اي الحين لا يبا يسافرون بروحهم ويسوقون لازم تتغير النظره
ياراجي
بدنا نتزوج على العيد وبندنا نجيب صبيان وصبايا

والله انا لي نظره اخري

اي وحده تشتغل لازم تبحث عن شريك بدل ماتصرف على وكاله الرنج وسان لوران وشانيل
وسكادا

الستر زين

الله يزوجك باللي في بالك ..

بوعلي .. البيوت اللي فيها بنات ..

احذف عنهم ميزة الخدامات .. حزتها ما بيلقون هالفراغ ..

المقصد ان التحجج بالاعذار بهذا الإطلاق ، لو نظرت في حقيقة الامر لوجدت ان لها حلولا ..

وفي الاول و الأخير :

يبقى الرجل على شظف العيش
ولا يفرط في عرضه

ولن تسلم الماشية اذا تُركت تسرح أمام الذئاب

راجي الْعفو

01-03-2015, 01:04 PM

ارفع لك العقال ياشيخ

هالرد يمثل طوايفي

الله يجزاك خيررر يالشيخ

الله يعزك و يعلي شانك يالشيخ

ولك بالمثل

حسن

01-03-2015, 01:05 PM

اذا راتبها قوي يحق لها :secret:

وش تقصد يحق لها تشتري لها زوج مثال ؟؟؟؟

لسان حال الكثير يقول الله يسمع منك

:)

حسن

01-03-2015, 01:07 PM

اللي تشتغل حلال عليها الرنج و الشانيل وسان لوران واسكادا
حلالها اللي تعبت فيه .. محد له حق يناشبها فيه

بعض الذكور .. ينشرى بالفلوس .. مثله مثل أي بضاعة

خليها تشتري له دكر ينفها وقت الشده يابنت الحلال وهم لا قين الحين

:(

محد يعرف قدر الازواج غير المصريات اللي يقولون ضل راجل ولا ضل حيطه

صدقت ام محروس

ارفع لها العقال

:victory:

الحياة الخالدة

01-03-2015, 01:07 PM

الرجال الي يرضى على نفسه تشتريه مره بفلوووس

هذا اسمه ذكر وليس رجل في فرق

وانا ما قلت غير هالكلام
ارجع حق مشاركتي فوق

اللي ذابحتهم فلوس الحريم و رواتبهم قاموا يقطون خيط و خيط

شبح الصمت

01-03-2015, 01:09 PM

الحين موضوع ريتويت عن الزوجة لازم تحاسب على زوجها واحنا دخلنا عرض في امور ثانية

بس لا تزعل علينا وينقزززون لنا البعض يقولون خربنا موضوعها ..

احنا نقول الزوجة لا تقعد ادقق في طبيعة عمل زوجها ولازم يكون في ثقة متبادله ..

والحمد لله في رجال كافيين خيرهم وشرهم وكذلك بعض الحريم ..

آلا من رحم ربي

الحياة الخالدة

01-03-2015, 01:09 PM

الحمد لله و الشكر عللى نعمة العقل بس

دااانة قطر

01-03-2015, 01:09 PM

اللي تشتغل حلال عليها الرنج و الشانيل وسان لوران واسكادا
حلالها اللي تعبت فيه .. محد له حق يناشبها فيه

بعض الذكور .. ينشرى بالفلوس .. مثله مثل أي بضاعة

جبتيها يالغلا
خااصة للي يدورورن الثانية بشرط انها موظفه

بومحمد المطاوعه

01-03-2015, 01:10 PM

الله يعزك و يعلي شانك يالشيخ

ولك بالمثل

الشيخ من جابك ياخوي
والله

اختصرت مليون صفحه بسطرين

الله يجزاك خيررر

دااانة قطر

01-03-2015, 01:10 PM

الرجال الي يرضى على نفسه تشتريه مره بفلوووس

هذا اسمه ذكر وليس رجل في فرق

أخوي شبح ركز الحياة الخالدة ذكرت
بعض الذكور .. ينشرى بالفلوس .. مثله مثل أي بضاعة

باظلوف

01-03-2015, 01:13 PM

توجد زميلات عمل في قمة الأخلاق والعفة. وتوجد عكس ذلك

صحيح بعض النساء قليلات الحياء. تتحدث مع زميل العمل بصوت عالٍ وفض
وضحك وغيره. هذه من قلة التربية
هنا الرجل يجب أن يضع حد للموضوع ولكن في الأخير كثر الدق يفك اللحام :)

بومحمد المطاوعه

01-03-2015, 01:14 PM

جبتيها يالغلا
خااصة للي يدورورن الثانية بشرط انها موظفه

البعض يدور الثانيه بشرط موظفه
يقصد انها تشل عمرها

يعني الأمر متبادل او متفقين عليه

في ناس متزوجين 3 وماشاءالله ولا وحده تشتغل
والرجال على قده والله
راتبه وبس

الله لايغير عليهم

سبحان الله ترى اختي دانه في اشياء صعب الواحد يصدق او يقول مستحيل
ولكن موجوده هذي الحالات
اشلون عايشين الله اعلم

الله يحفظنا ويحفظهم

حسن

01-03-2015, 01:14 PM

انا اشوف شي ماتشوفونه

انتو ارفعو روسكم فوق شوي كله في الواتس اب والاستقرام والسناب جب ومن هل الخرابيط

اروح اجيب عيالي ممن المدرسه ابرك لي

اللي يراسه يابس الزمن يلينه

ومبروك للجميع

دااانة قطر

01-03-2015, 01:14 PM

خليها تشتري له دكر ينفها وقت الشده يابنت الحلال وهم لا قين الحين

:(

محد يعرف قدر الازواج غير المصريات اللي يقولون ضل راجل ولا ضل حيطه

صدقت ام محروس

ارفع لها العقال

:victory:

تصدق أخوي حسن كلامك ذكرني بالبعض اللي تتشرط وتتشرط لين يجي اليوم اللي غصبا عنها توافق حتى على اللي ماعنده شي
اذكر لما فتحت الموضوع مع بعض البنات عن اللي توافق تتزوج غير القطري طبعا البعض قالوا لي بالحرف اقبل .. والسبب خلاص من بيجيني الحين
طيب ليش من البداية رفضتي بحجة الراتب .. الاسم .. الشكل .. الدراسة .. الوظيفه .. السيارة
والحين موافقه بدون شروط!!!!!

واتمنى محد يقوم علي ويتم تطنيش ردي

أم محمد 90

01-03-2015, 01:16 PM

الرجل المتزوج في عيون البنت ، عملة ذهبية

ليش مادري ، شكله الريال لما يتزوج يصير مغناطيس جاذب للعوانس هههههههه

مهرة

01-03-2015, 01:16 PM

فعلا...مع التقدير لمن سبقوك في الردود..
حيث انني كنت اود التعقيب..
و لكن تحريف الموضوع..جعلني أُعرض عن الادلاء برأيي..

فان كان ما به زعل..اقترح على بعض الاخوة و الاخوات
ان يقومون بتعديل/مسح مداخلاتهم..
لكي لا يجروا الموضوع بعيدا عن اهدافه..
و حتى يتمكن صاحبه و المتابعين من النقاش فيه..
بصورة تفيد الجميع..كتاب و متابعين..

او ان تتدخل الادارة/ الاشراف..لعمل ما تراه لازما
للحفاظ على النقاش

لا فض فوك وماقلت الا الحق وان شاءالله الأدارة تسوي شي ملحوظ حفاظاً لمى تبقى من أعضاء تريد فعلاً النقاش والحوار البناء ..

بالتوفيق اخونا الفاضل عابر سبيل ..

راجي الْعفو

01-03-2015, 01:17 PM

صدقت يا باظلوف

كثر الدق يفك اللحام

شبح الصمت

01-03-2015, 01:18 PM

الرجل المتزوج في عيون البنت ، عملة ذهبية

ليش مادري ، شكله الريال لما يتزوج يصير مغناطيس جاذب للعوانس هههههههه

تهقين السبب انه تشوف فيه الرجوله وانا اقدم على الزواج وتزوج وانه مستعد يتزوج الثانية بعد ويعطيها حقها ..

نظرتكم يالبنات في هالموضوع اهي الاهم لانه الموضوع عن الحريم احنا مشاركين من بعيد بما نراه وهناك امور خلف الكواليس

لا نعلمها

بومحمد المطاوعه

01-03-2015, 01:18 PM

الرجل المتزوج في عيون البنت ، عملة ذهبية

ليش مادري ، شكله الريال لما يتزوج يصير مغناطيس جاذب للعوانس هههههههه

هههههه اشدعوه

تهقين يعني

استغفرالله

الله المستعان

راجي الْعفو

01-03-2015, 01:19 PM

انا اشوف شي ماتشوفونه

انتو ارفعو روسكم فوق شوي كله في الواتس اب والاستقرام والسناب جب ومن هل الخرابيط

اروح اجيب عيالي ممن المدرسه ابرك لي

اللي يراسه يابس الزمن يلينه

ومبروك للجميع

والله ياحسن عارفين بالواقع

بس احنا مانبي نساير

نبي نعدل

والى الان في مجال

ما فات القطار

بس البعض يناسبه اللين

والبعض يحتاج قرص

كلن باللي يناسبه

سلم ع حمود !

بومحمد المطاوعه

01-03-2015, 01:20 PM

تصدق أخوي حسن كلامك ذكرني بالبعض اللي تتشرط وتتشرط لين يجي اليوم اللي غصبا عنها توافق حتى على اللي ماعنده شي
اذكر لما فتحت الموضوع مع بعض البنات عن اللي توافق تتزوج غير القطري طبعا البعض قالوا لي بالحرف اقبل .. والسبب خلاص من بيجيني الحين
طيب ليش من البداية رفضتي بحجة الراتب .. الاسم .. الشكل .. الدراسة .. الوظيفه .. السيارة
والحين موافقه بدون شروط!!!!!

واتمنى محد يقوم علي ويتم تطنيش ردي

صدقتي والله
الله يهديهم ويستر عليهم يارب

البعض ينظر للراتب ولا لسمعه الرجل
او لمجال عمله

اما السمعه وهل من المصليين

مايهمهم كثر ماتهمهم امور الدنيويه

الله يهديهم يارب

QATAR 77

01-03-2015, 01:30 PM

واحد قالي سالفة واحد مسحور مثلها ما مرت علي

الله يحفظنا بحفظه

الحياة الخالدة

01-03-2015, 01:33 PM

الموضوع للنقاش و ليس للاستظراف

<اضرب واشرد>

01-03-2015, 01:36 PM

الاختلاط مفسدة
يقولون ثنتين من الموظفات متهاوشين على موظف في العمل المشكلة متزوجات
وصلنا لهذا الحال للأسف

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههه

qtr qtr

01-03-2015, 01:52 PM

اصل كيف يسمح لنفسه يشتغل في مكان مختلط من الاساس .. ولا حلال عالرجال وحرام عالحريم ؟؟!!

حسن

01-03-2015, 01:56 PM

والله ياحسن عارفين بالواقع

بس احنا مانبي نساير

نبي نعدل

والى الان في مجال

ما فات القطار

بس البعض يناسبه اللين

والبعض يحتاج قرص

كلن باللي يناسبه

سلم ع حمود !

المشكله يارجي اللي اوجهاا ويواجهونها الكثير من الشرفاء مثلي ومثلك

لا تدافع عن الحريم تلقى الهجوم المضاد

طبعا اكيد هو لغرض في نفس بوحارب

لكن الاخت رتويت وينها ليش ماسمعنها راي مؤيده ولا معارضه

بوحارب

01-03-2015, 01:59 PM

خلاص يا شباب لاتروحون الشغل ;)

راجي الْعفو

01-03-2015, 02:18 PM

المشكله يارجي اللي اوجهاا ويواجهونها الكثير من الشرفاء مثلي ومثلك

لا تدافع عن الحريم تلقى الهجوم المضاد

طبعا اكيد هو لغرض في نفس بوحارب

لكن الاخت رتويت وينها ليش ماسمعنها راي مؤيده ولا معارضه

والله يا بوعلي ان القلب يتقطع لما تشوف شخص قاط بنته بين رجال ويقول انا واثق فيها !

هذا الشي لا يقبله عقل ولا تقبله فطرة ، فضلا عن الشرع ..

وانا او انت او غيرنا لما ننتقد الحريم او الرجال ما ننتقد لاجل كره او حقد لذواتهم ..

ننتقد نقد شخص يريد لهم الخير و الصلاح و العيش بطمأنينة و هدوء و استقرار بعيدا عن المشاكل اللي نسمعها يوم بعد يوم ..

والا محد رابطنا في كرسي الاعتراف ، بإمكاننا نسكت و نترك العالم تسرح و تمرح بكيفها ..

بس ياخي هذا من اكبر الغش للمسلمين ، لما تشوف الخطأ و تسكت ..

انت ياللي سكت حط في بالك انك ستسأل عن سكوتك ! ..

اليوم بتعدل علاقتك مع الحريم او الرجال اللي ما انتقدتهم ..

بس بكره بتوقف قدام ربك بروحك ، وش عذرك ؟ ما ابي ازعلهم ؟!

وأكيد الاخت رتويت بتعلق عالردود اذا حصلت فرصه ..

اما بوعبدالرحمن هذا موضوعه ثاني خله ع صوب

ما يبينا نشتغل !

حالتك صعبه يا بوعبدالرحمن وانا مقدر ظروفك يالكتكوت !
بس حلاوة النوتيلا للحين بمخي !

Locale

01-03-2015, 02:21 PM

مثل هالمواضيع تفتح عيون الناس

راجي الْعفو

01-03-2015, 02:23 PM

مثل هالمواضيع تفتح عيون الناس

واحنا نحرّص ان الناس تكتفي بذكر الحلول

لا بذكر القصص او الطرق و الوسائل الممهدة لمثل هالسوالف

لان هذا فيه شر

تكفينا الإشارات

الحياة الخالدة

01-03-2015, 02:34 PM

حسن

01-03-2015, 02:52 PM

تصدق أخوي حسن كلامك ذكرني بالبعض اللي تتشرط وتتشرط لين يجي اليوم اللي غصبا عنها توافق حتى على اللي ماعنده شي
اذكر لما فتحت الموضوع مع بعض البنات عن اللي توافق تتزوج غير القطري طبعا البعض قالوا لي بالحرف اقبل .. والسبب خلاص من بيجيني الحين
طيب ليش من البداية رفضتي بحجة الراتب .. الاسم .. الشكل .. الدراسة .. الوظيفه .. السيارة
والحين موافقه بدون شروط!!!!!

واتمنى محد يقوم علي ويتم تطنيش ردي

كلامك صحيح واعتقد ذكرت كثيرا لم يستوعبه مااقول

شوفي الايام القادمه بيكون فيها كثير من التحولات وزواجات سريه وعرفيه بعد
ومن دول اخري هذا شي طبيعي لاسباب اخري ادت الى هذا الوضع
والايام القادمه تشوفينها قدامك كلماتي ذي وكلها سنوات كلمح بالبصر بتمر علينا
وهذه طبيعيه بالنسبه لي لان اصبحنا مفتوحين على العالم واجنا جزء يتاثر من العالم
ولا تنسين الثقافه السائده الزبو وقله العقل بدل الستر

هذه الحقيقه ياساده

رهج السنابك

01-03-2015, 04:17 PM

ليش الوحده تعور راسها وتشتغل رادار على زوجها
اعرف قصص وايد متزوجين خذوا زميلاتهم في العمل كزوجه ثانيه وبعضهم طلق مرته وخذ زميلته
لكن هذا لا يعني ان على الزوجة تشتغل رادار
لان الزوج لو حاط براسه بيتزوج عليها بيتزوج
صح تصير مشاكل
خاصه بعض الموظفات الله يهديهم تقعد ترمي سنارتها وتنتظر متى الهامور يبلع الطعم
بس اذا الهامور مستانس شنو بيد الزوجة تسوي
تروح تداوم معاه
ولا تلبسه برقع

ريتويت

01-03-2015, 06:29 PM

والله استغربت واستنكرت حال البعض الي يحسسك انك بهالموضوع تقصد نفسك!!! سبحان الله!!! المهم شكرا للردود الايجابيه واما الباقي فانا استغربتهم صراحه يحورون الموضوع بطريقه الاتهام وكانك انت تعاني او عايش الموقف مثلا.. للتوضيح فقط هذا الموضوع منقووووول وثاني شي من الواقع لاننا نشوف بمكان عملنا ( البنت الي تقط الميانه مع زميلها وكانه اخ او قريب فعلا ولا لهم صله ببعض الا العمل) والعكس صحيح بالنسبه للي ذكرو ان المره مثلا المتزوجه هل يصح ان يكون لها زميل بالعمل وتسولف معاه وتسلم عليه عادي وتعتبره اخ فعلا؟!!!
والعكس صحيح بالنسبه للرجل المتزوج

QATAR 77

01-03-2015, 06:32 PM

لا يجوز و مفاسد الاختلاط كبيرة و هي مدخل للزنا

راجي الْعفو

01-03-2015, 06:50 PM

ما اظن يختلف اثنين ان مثل هالفعل

امر محرم و فاحش و قبيح

وهي الرذيلة بعينها

الاختلاط من اصله محرم

والتعامل بين الرجل و المراة له ضوابط شرعية

لو طبقها الناس لما سمعنا هذه القبائح

عافانا الله و طهر البلاد من المفسدين عاجلا غير اجل

كل هذه الامور من اعظم اسباب العقوبات التي تحل بالبلدان

فلا ادري متى سنتفطن ؟!

الا يكفينا ان المطر قد انقطع عنا ؟!

الله المستعان

نفسي عزيزه

01-03-2015, 06:55 PM

اي والله صدقت السنه البر املح اجلح بسبب افعالنا ، استغفر الله العظيم من كل ذنب عظيم
لا اله الا انت سبحانك اني كنت من الظالمين

رهج السنابك

01-03-2015, 07:09 PM

استغرب ردك راجي العفو
ان انقطاع المطر بسبب افعالنا!

راجي الْعفو

01-03-2015, 07:17 PM

استغرب ردك راجي العفو
ان انقطاع المطر بسبب افعالنا!

أهلا اخت ارستقراطية

( ظهر الفساد في البر والبحر بما كسبت أيدي الناس ليذيقهم بعض الذي عملوا لعلهم يرجعون ( 41 ) قل سيروا في الأرض فانظروا كيف كان عاقبة الذين من قبل كان أكثرهم مشركين ( 42 ) ) .

قال زيد بن رفيع : ( ظهر الفساد ) يعني انقطاع المطر عن البر يعقبه القحط ، وعن البحر تعمى دوابه . رواه ابن أبي حاتم .

( تفسير ابن كثير )

qtr qtr

01-03-2015, 07:18 PM

سؤال بهالمناسبة :

لما تمرض زوجتك أو بنتك أو أمك أو وحدة من محارمك .. و خصوصاً في الأمور النسائية الخاصة ..
وتاخذها للمستشفى .. تفضل أن يكشف عليها طبيب أو طبيبة ؟؟
أعتقد الإجابة بتكون : طبيبة .. و مسلمة .. و موضع ثقة
طيب هاذي الطبيبة وين بتشتغل ؟؟ و من وين بتوفرون لها بيئة بعيدة تماماً عن الاختلاط
و لحد يقول لي خلوا هالشغلة حق المسلمات غير القطريات
كلهم مسلمات .. و القطرية في بعض المواضع أفضل حق بنت بلادها

كلامج صحيح دور المرأه فالمستشفيات النسائيه مهم جدا .. ولكن مثل ماتفضلتي انها تشتغل في مكان فيه رجال بس قعدتها في العمل او بيئة العمل اللي فيها مافيها مخالطه مباشره مع الرجال لان مثل ما انتي عارفه الدكتوره او الممرضه لهم مكاتب خاصه فيهم يستقبلون الحريم والاطفال .. غير عن بيئة البنوك الربويه والادارات اللي يكون فيها اختلاط مباشر مع الرجال الموظفين عند الكاونترات او في مكتب واحد . هنا في فرق .. عندنا فالوزاره الحريم لهم مدخل ومكاتب خاصه فيهم بعيدين عنا مكان مغلق .. فهذا مانسميه اختلاط لانه مب مباشر مع الرجال .

OREO

01-03-2015, 08:00 PM

ياما مروا على مشاكسات في الدوام وخاصة صاحبات الكرم والاخلاق يابلفيت يفرشون لك الطاولة من هالاكلات الحلوة او كثرة الروحة والجية على المكتب لأجل غاية في نفس يعقوب ..

محد يبني بيت في اسبخة و يقول ليش البنيان يتأكل إلا الاحمق بعيد الشر عنكم .. فلذا اساس البلى من الاختلاط للاسف ..

ياخوي حسن الزواج من الثانية حق شرعي لكن من الباب الامامي و مهب من الملحق وانا اخوك و هذا الشي اللي البعض يقصده .. بعدني منتظر العزيمة وانا اخوك ..

OREO

01-03-2015, 08:04 PM

استغرب ردك راجي العفو
ان انقطاع المطر بسبب افعالنا!

عيل انقطاع المطر بسبب عدم دفع الفاتورة مثلا !!!

انقطاع المطر بسبب افعالنا للاسف :shy:

راجي الْعفو

01-03-2015, 08:05 PM

الاختلاط الحاصل في المستشفيات :

اولا : لا احد ينكر ان هناك تساهلا كبيرا و تفريطا في ضبط امر الاختلاط في المستشفيات
وهنا يُلقى العتب ع المسئولين الذين سيتحملون كل ما سيحصل جراء هذا الاختلاط- وهو شامل ايضا للمسئولين ع غير المستشفيات -

ثانياً: هذه حالة خاصة ، والحالة الخاصة لا نعممها ، بل الصحيح هو العكس
ان نعمم الحكم الأصلي و نستثني الحالات الخاصة للضرورة

ثالثاً: لا أحد مجبور على ان يضحّي بابنته لتدخل في مجال الاختلاط ،بل امر الدين والعرض مقدم ع كل امر

رابعاً : يجب فصل إجراءات النساء عن الرجال قدر المستطاع ،ولا يتم التعامل بين الجنسين الا عند انعدام الخيارات وحصول الضرورة ، ويكون ذلك بالضوابط الشرعية كالحديث في مجال العمل فقط ،والتزام الحجاب الكامل ،وترك التزين كثيرا كان اوقليلا ،وعدم الخلوة وغير ذلك

راجي الْعفو

01-03-2015, 08:15 PM

الله يستر ع البنات جميعا..

والدنيا دار بلاء ، فالجنة ما تجي بدون عقبات في الطريق

وكون المراة ما جاها الولد الحلال ، هذا لايبرر لها الولوج في الحرام

هو ابتلاء لها و اختبار ، وبقدر المشقة يعظم الاجر

QATAR 77

01-03-2015, 08:17 PM

اكثرهم و لله الحمد محافظات و صاينات عفتهم و القلة للاسف غرتهم الدنيا نطلب لهم الهداية

راجي الْعفو

01-03-2015, 08:18 PM

يارجال .. وربي فضيحة يوم تشوف بنت فلان وزجة علان بهذه الطريقة .. سترك يارب

امين

والله ياخوي اوريو الذنب ما يعرف قبائل

ولا حتى اكبر عالم دين

اللي الله ما يعصمه بيضيع

الله يسترنا بستره و يحفظ اعراضنا و اعراض المسلمين

Al-Kuwari

01-03-2015, 08:20 PM

OREO

01-03-2015, 08:24 PM

يمكن شافوك صغير كبر ولدهم و حبوا يدلعونك :secret:

عشان نحسن الظن

اكثرهم و لله الحمد محافظات و صاينات عفتهم و القلة للاسف غرتهم الدنيا نطلب لهم الهداية

بالتأكيد الاغلبية محافظات ولله الحمد لكن القلة تشوه سمعة المجتمع بأكمله مثل ما بعض الارهابيين شوهوا سمعة مليار ونصف مسلم ..

OREO

01-03-2015, 08:25 PM

امين

والله ياخوي اوريو الذنب ما يعرف قبائل

ولا حتى اكبر عالم دين

اللي الله ما يعصمه بيضيع

الله يسترنا بستره و يحفظ اعراضنا و اعراض المسلمين

كلامك سليم و ربي يجزاك كل خير ياخوي و ربي يستر على كل مسلم ان شاءالله..

راجي الْعفو

01-03-2015, 08:27 PM

+1

لله درك يا شيخ
الله يرحم والديك يالكواري

راجي الْعفو

01-03-2015, 08:28 PM

كلامك سليم و ربي يجزاك كل خير ياخوي و ربي يستر على كل مسلم ان شاءالله..

امين امين و لك و من يقرا بالمثل

Al-Kuwari

01-03-2015, 08:32 PM

الله يرحم والديك يالكواري

ومن قال

رهج السنابك

01-03-2015, 08:36 PM

راجي العفو
هالسنه المطر جدا جدا شحيح
يعني ذنوبنا زادت؟
هل ذي علامه
يالله السلامه

راجي الْعفو

01-03-2015, 08:47 PM

راجي العفو
هالسنه المطر جدا جدا شحيح
يعني ذنوبنا زادت؟
هل ذي علامه
يالله السلامه

مافي شك في كلامج يا اخت ارستقراطية

ما نقول الا : يالله لطفك و سترك و عفوك و صلاح الحال

بومحمد المطاوعه

01-03-2015, 09:16 PM

راجي الْعفو

01-03-2015, 09:24 PM

الغالي اخوي راجي العفو

كفييت ووفيت يالشيخ

لو كل البشر يتبعون ماتتبعه
اقسم بالله بنعيش ف سعاده وراحه
بعيد عن الاشكال الي نشوفها فالمجتمع
من السفور والمصخره فالشوارع
وللأسف مسلمين والعياذ بالله

انشهد انك ولد حلال
ولاقصور على البقيه

الله يجعلك من اعلى مراتب الجنه يارب

هلا هلا بالغالي

ما عليك زود وما على الربع قصور و كلهم فيهم الخير و البركه

وكلنا مقصرين وانا أولهم ، ولكن نسعى للخير بقدر الإمكان

وصدقت ، نحتاج مجاهدة للنفس في ظل المغريات المعاصرة

والله يقوينا جميعا ع فعل الخير

ويرزقنا الفردوس الأعلى

بومحمد المطاوعه

01-03-2015, 09:29 PM

هلا هلا بالغالي

ما عليك زود وما على الربع قصور و كلهم فيهم الخير و البركه

وكلنا مقصرين وانا أولهم ، ولكن نسعى للخير بقدر الإمكان

وصدقت ، نحتاج مجاهدة للنفس في ظل المغريات المعاصرة

والله يقوينا جميعا ع فعل الخير

ويرزقنا الفردوس الأعلى

اللهم امين يارب
وانا من شماليك والله
نسأل الله ان يغفر لنا ويدلنا لطريق الحق دائمآ

Al-Kuwari

01-03-2015, 09:41 PM

بومحمد المطاوعه

01-03-2015, 09:43 PM

امييين , يعلم الله اني احبك في الله يا راجي العفو

يالغالي
انت لو بس تقعد معاه 5 دقايق
اقسم بالله ينشرح صدرك

الله يشرح صدرك دوم يارب
وانا احبك فالله يابومبارك

ما انسى اجمل ايامي معاك ياخوي
الله يسعدك دوم

Al-Kuwari

01-03-2015, 09:48 PM

يالغالي
انت لو بس تقعد معاه 5 دقايق
اقسم بالله ينشرح صدرك

الله يشرح صدرك دوم يارب
وانا احبك فالله يابومبارك

ما انسى اجمل ايامي معاك ياخوي
الله يسعدك دوم

احبك الله الذي احببتني فيه

كلها كم شهر وارجع ان شاء الله ونتلاقي مثل قبل واكثر ان شاء الله ياخوي

بومحمد المطاوعه

01-03-2015, 09:49 PM

احبك الله الذي احببتني فيه

كلها كم شهر وارجع ان شاء الله ونتلاقي مثل قبل واكثر ان شاء الله ياخوي

اللهم امين
الله يرجعك بالسلامه يارب
والله يحفظك ويحميك من كل شررر يالغالي

qatara

01-03-2015, 09:51 PM

تركها لبيتها

هو بداية الكارثه

راجي الْعفو

01-03-2015, 10:28 PM

امييين , يعلم الله اني احبك في الله يا راجي العفو

أحبك الله الذي أحببتني فيه اخوي الكواري ، وهذا من طيب أصلك

يالغالي
انت لو بس تقعد معاه 5 دقايق
اقسم بالله ينشرح صدرك

الله يشرح صدرك دوم يارب
وانا احبك فالله يابومبارك

ما انسى اجمل ايامي معاك ياخوي
الله يسعدك دوم

هههه قطعت عنق صاحبك يا بومحمد

ما انا الا مجرد اخو صغير ، يستفيد منكم و يتعلم

وشوفتكم هي اللي تسر الخاطر

الله يجمعنا وياكم ع طاعته

بصمة قطرية

01-03-2015, 10:30 PM

تاخذ لها واحد ما يشتغل في مجال مختلط
و تريح بالها ..

حسن

01-03-2015, 10:33 PM

سيماههم في وجوههم

وانت منهم ياراجي ونعم المعرفه وبارك الله فيك وفي علمك
معرفه الرجال مثلك تجاره والحمدلله اللي انعم الله علينا بمعرفتك انت وبومحمد والباقين
وجزاك الله خير

وبيض الله وجههك بردودك الى كلها نصح وارشاد

وهدفها خير لنا

راجي الْعفو

01-03-2015, 10:40 PM

تاخذ لها واحد ما يشتغل في مجال مختلط
و تريح بالها ..

اخت بصمه ضحكتيني بهالرد

مب المفروض العكس !

سيماههم في وجوههم

وانت منهم ياراجي ونعم المعرفه وبارك الله فيك وفي علمك
معرفه الرجال مثلك تجاره والحمدلله اللي انعم الله علينا بمعرفتك انت وبومحمد والباقين
وجزاك الله خير

وبيض الله وجههك بردودك الى كلها نصح وارشاد

وهدفها خير لنا

بيض الله وجهك ياخوي حسن و ما عليك و ماعلى الربع زود ..

وانا من اشد الناس حاجة للناس اللي فيها الخير مثلكم وشرواكم ..

واليد الوحده ما تصفق ، كلنا مجموعة ونكمل بعض ..

الله يوفقنا وياكم لكل خير ..

بصمة قطرية

01-03-2015, 10:42 PM

شلون العكس راجي ..!!
ردي كان على السؤال المطروح في بداية الموضوع ..

راجي الْعفو

01-03-2015, 11:00 PM

شلون العكس راجي ..!!
ردي كان على السؤال المطروح في بداية الموضوع ..

ادري اخت بصمه ، ولذلك قلت انه ضحكني ، ما اقصد ردج ، ردج مناسب للموضوع

وإنما قصدت ان المفروض اللي يعمل به ع ارض الواقع ان الحريم هم اللي ما يخالطون الرجال ، مب الرجال اللي ما يخالطون الحريم

white bird

02-03-2015, 07:39 AM

السلام عليكم ^-^
صباحكم ورد ..
و أنا أقرا الموضوع قعدت أقول " ياحياة الشقى"
التركيز الزايد متعب ، يظل هو أنسان عاقل
يميز الصح من الخطأ ، فله الثقة ، يستاهل ههههه
" لو تعمقنا تعبنا"
يعطيج العافية يا ريتويت ، أكيد ماطرحتي الموضوع
ألا و أنتي شايفته مهم و يهم فئة كبيرة ..^-^

ريتويت

02-03-2015, 07:44 AM

شبح الصمت

02-03-2015, 08:02 AM

بومحمد يالغالي سؤال

هل يعتبر دوام الرجل في وزارات او موسسات او اي مكان بها نساء جهاد نفس !!

على المغريات والفتن الي حاصله لنا !!

العنيده

02-03-2015, 08:03 AM

موضوع حلووو ومانقدر ننكر ان يصير لو نادر ..
المشكله الانفتاح الزايد تحت مسمى الحريه يؤدي لاكثر من هالشي ..
ممكن زميله العمل تكون كارثه اذا ماحطينا حدود للنقاش بين الموظفين وهالشي يعتمد على الشخصيه ..
مثال // موظفه سمعتها تقول لموظف اشفيك اليوم مزاجك مو اوكي :eek5: هاي نوع من الحوار اللي يخلي الزميله تكون كارثه خصوصا اذا كانت الزوجه سبب الضيقه :(
ولقى من يساله ويسمعه :omen2:

و بالنهايه احسان الظن ضروري ومهم جدا

بومحمد المطاوعه

02-03-2015, 08:23 AM

أحبك الله الذي أحببتني فيه اخوي الكواري ، وهذا من طيب أصلك

هههه قطعت عنق صاحبك يا بومحمد

ما انا الا مجرد اخو صغير ، يستفيد منكم و يتعلم

وشوفتكم هي اللي تسر الخاطر

الله يجمعنا وياكم ع طاعته

هههههههههههههه
حبيب
انت شيخنا

اللهم امين
بارك الله فيك يالغالي