اتيكيت للضيافه

[um.7moody]

حبيت أتكلم عن محل اتيكيت للضيافه وخدمتهم التعيسه وأسلوبهم الغير محترم مع الزبون

من فترة كان عندي عشاء في البيت وأتفقت معاهم يرسلون لي 2 للضيافه واللي ردت علي اقترحت علي مشروبات وطلبت منهم وارجعت اتصلت أكدت الطلب
جاء ثاني يوم العزيمه صارت الساعه 7 ماآحد كلمني ولاجاني أتصل منهم وأتصل ماآحد يرد علي بعدها رد علي واحد قالي أنا سايق وماأعرف شي وسكر بوجهي
وأرجع أتصل وأتصل وأتصل بالضبط 46 مرة آخر شي رد علي واحد وقالي مافي آوردر باسمك وفي وحدة كنسلت الطلب وممكن نرسلهم لك والمشروبات ماعندنا
وقتها صارت الساعه 8 والضيوف خلاص موجودين قلت له اوكي بس ماراح أدفع مبلغ كامل اللي خذت الطلب مني تدفع الباقي قالي كذا خلاص ماعندنا بنات للضيافه

طبعاً انحطيت في موقف لا أحسد عليه مع ضيوفي آشوفهم وإلا أضيفهم طبعاً تركت الضيوف وصرت أقوم بالواجب اتجاههم
لدرجه أن هم نفسهم قام يساعدوني صج كان احراج أنا عازمتهم أقدرهم وأقعد معاهم وإلا عشان يساعدوني ويضيفون معاي


ثاني يوم كلمت حمايه المستهلك وبعدها بيومين اتصلوا فيني وخذوا المشكله كامله بس قالوا لي دام مافي عقد معاهم
ماتقدرين تأخذين حقك منهم كيف يكون عقد وهم هذا تعاملهم عادي الواحد يحجز بالتلفون .. توووووبه اتعاملهم مع اشكالهم

[المحاميه]

بل

اما جذي

والله احراج ومشكله

[كازانوفا]

قمة بالاحراج
لا حول ولاقوة الا بالله

[مختلفة عقليا]

السلام عليكم

هاي واسمهم اتيكيت ههههههههههه

الله ستر والحمدالله عدت السالفه ع الخير

ويسلموو

[أم محمد 90]

قصدج اتيكيت الوقاحة.

[السديم]

بالضبط صارت معاي .. حجزتهم لجمعة عشا عندي واتفقنا على 7 يكونون عندي .. صارت 7 و 8 و 9 وماشفت لهم اثر الحمدلله ان مع البوفيه فيه بنات سيرفس قامو بالواجب مع خداماتي ولا كان توهقت .. حرام نزول مستواهم في الفترة الاخيرة وهم من اوائل شركات الضيافة .. بالذات ان سوق الضيافة صاير حلبة شرسة للمنافسة

[نوار قطر]

وي انتي في عزيمه صارت لج هالسالفه ،،، انا في ملجة اختي اتصلت في مكتب مااذكر اسمه واتفقت معاه ابي بنتين ضيافه ،، عاد ذي كان صريح قال من غير مشروبات قلت له مابي انا موفره كلشي بس هم يضيفون ،، الساعه ظ§ نزلهم البيت ،، وماشفتهم قلت حق خواتي دخلوهم ورووهم القهوه والشاي وباقي الضيافه ،، طلعو لابسين لبس قسم بالله لبس خداماتنا فالبيت اذرب ،، لابسين جلابيات كبار عليهم يرفلون بهم ،، وتحت الجلابيه بنطلون رياضه ،، وفوق ذي كله مايعرفون يضيفون ولا يسوون شي،، اتصلت لهم قلت له شنو الي يايبهم لي وين اليونيفورم وليش مايعرفون يضيفون قال احنا قوانينا انهم يلبسون عبايه قلت له لبسهم عبايه من ماسكك بس تحت العبايه اليونيفورم الرسمي ،، المهم طحت فيه وقلت له الحين تاخذهم مابيهم ورجع خذهم ،،، وخليت خداماتنا يساعدوني ،، يعني في هالمواقف انتي بتجابلين معازيمج ولا بتقعدين تضيفين ،،،

[دايموند]

بالضبط صارت معاي .. حجزتهم لجمعة عشا عندي واتفقنا على 7 يكونون عندي .. صارت 7 و 8 و 9 وماشفت لهم اثر الحمدلله ان مع البوفيه فيه بنات سيرفس قامو بالواجب مع خداماتي ولا كان توهقت .. حرام نزول مستواهم في الفترة الاخيرة وهم من اوائل شركات الضيافة .. بالذات ان سوق الضيافة صاير حلبة شرسة للمنافسة
وسكتي عنهم وماشتكيتي؟!!!

[لبيبة]

السلام عليكم ورحمة الله وبركاته

والله موقف محرج جدًا

لازم في إجراء يسوونه حماية المستهلك

[حمد جاسم 123]

وين حماية المستهلك عن هالمواضيع