ماهي خطوات بناء أرض الدوله ..؟

[QTR---]

السلام عليكم ورحمه الله وبركاته ..

اخواني بفضل من الله استلمت سند الملكيه لارض الدوله ..
في روضه إقديم ..
وحسب علمي ان الاراضي هناك فيها خدمات وجاهزه للبنيان
السؤال ..
لوبغيت ابني الارض حاليا ..
شنهي الخطوات الاولى
ويين أراجع
وشلون ابلش البنيان
وشلون اخذ قرض الدوله ..

اتمنى اسمع المشوره والنصيحه منكم
جزاكم الله خير :shy:

[QTR---]

شدعوه شباب فيدونا الله لايهينككم :(

[almaf1a]

اشتغل على الخرئط
المنتدى فيه من النصايح الكثير خذلك لفه على المواضيع

نصيحتي لك لا تستعجل في مرحلة الخرائط لو تجلس سنه كامله المهم لما تسلم المقاول الخرايط ما تغير برغي في البيت
نظام تسكر باب وتفتح دريشه وقت التنفيذ تحمل تسويه

بالتوفيق

[معماري قطري]

اشتغل على الخرئط
المنتدى فيه من النصايح الكثير خذلك لفه على المواضيع

نصيحتي لك لا تستعجل في مرحلة الخرائط لو تجلس سنه كامله المهم لما تسلم المقاول الخرايط ما تغير برغي في البيت
نظام تسكر باب وتفتح دريشه وقت التنفيذ تحمل تسويه

بالتوفيق

معاك في هذا الرأَي

بعد تدقيق الخرائط وموافقتها من بنك التنمية وتنسيق الاستشاري مع التخطيط ومع المالك تتم الموافقة النهائية على التصميم واجراءات القرض تكون ماشية حسب شروط بنك التنمية .. طبعاً يرهنون ملكية العقار .. العملية سهلة وتبدأَ من التصميم ومن مراجعة بنك التنمية .. أَتوقع هم يعطونك شروط واجراءات تستكملها شيء بشيء .. وإِحنا حاضرين إِن شاء الله في المتابعة من ناحية التصميم والنصائح لو تحب.

[الجـــوديّ]

ماعندي فكرة

بس كأني قريت مرة هنيه واحد مسوي كتالوج اسمه " بنيان " فيه كل المراحل اللي يتكلم فيها عن البنيان وشركات ممكن تساعدك


خذ لك لفة مثل ماقالوا الأخوان ....

والنصيحة اللي أطلع منها بعد سؤال أصحاب البيوت الجديدة ....

صمم بيتك بشكل يخدمك ويخلي حياتكم فيه سهلة ومريحة وتلبي مطالبكم ...

والله يسهل أمورك

[معماري قطري]

إِختي الجودي ما فيه شيء ثابت أَو قانون ما يتغير وتتغير بنود كثيرة من وقت لوقت واضافات وتعديلات .. ولا ننسى دخول المواصفات الخليجية اللي يقولون ملزمة من شهر 9 واللي عني ما ادري عن تفاصيلها للحين لكن مؤكد بتكون لصالح عملية البناء والمالك لازم يلتزم بها حتى لو ما الزمت بها الدولة المقاول.

المهم بنك التنمية يعطون كل واحد لستة بالاجراءات والمفروض المكتب الاستشاري يسهل العملية ويسوي الشغل اللي عليه .. مع علمي إِن بعض المكاتب تخلي المالك هو اللي يتعب في هذي الموافقات .. لكن وجود المالك ومتابعته ضروري حتى المكاتب الضعيفة ما تبالغ في متطلبات الموافقة وبالتالي المالك يدفع مبالغ فوق المطلوب