جائزة أجمل تيس 100 الف والتميز العلمي 60 الف !!!

[حمد 2002]

السلام عليكم ورحمه الله وبركاته

من المفارقات العجيبة : جائزة التميز العلمي للحاصلين على درجة الدكتوراة تبلغ ( 60000 ) ريال ، بينما جائزة أجمل تيس في مهرجان حلال قطر تبلغ ( 100000 ) ريال !!
والقلايل مليون !!!



مع التحيه ..

[حمد 2002]

يرجى تصحيح العنوان ..


أجمل تيس ..

[QATAR 77]

http://m.youtube.com/watch?v=Vso7NMItja8

[محمد 93]

تيس ؟


بدل تبي تيس :telephone:

[بوحارب]

عشان تعرف ان احنا في زمن التيس أغلى من الشهادة

وصاحبنا الظريف يقول ما يصير يكون فيه فارق علمي بين الزوج وزوجتة

يا بابا روح قشر بصل انت وشهادتك :funny:

[QATAR 77]

رصيدك هي شهادتك

[نوفا91]

تهقى اهون عن الماستر لين تخرجت ياحمد

:(

[حمد 2002]

http://m.youtube.com/watch?v=Vso7NMItja8

هههههههههههه

[حمد 2002]

تيس ؟


بدل تبي تيس :telephone:

هه هه هه

[راجي الْعفو]

هذا اهون ..

حفظة القران ؟ ..

نجد ان تكريمهم من انزل المستويات ..

[حمد 2002]

عشان تعرف ان احنا في زمن التيس أغلى من الشهادة

وصاحبنا الظريف يقول ما يصير يكون فيه فارق علمي بين الزوج وزوجتة

يا بابا روح قشر بصل انت وشهادتك :funny:

هههههههههه حلاه الواحد جالس بمجلسه وقدامه دله الكرك مالته واينزل صور بالانستغرام بلا شهاده بلا بطيخ

[بريق الحق]

ناخذ التيس ونسويه مندي ياسلام ونطيح طيح
يازين تيس المندي

[حمد 2002]

تهقى اهون عن الماستر لين تخرجت ياحمد

:(

نصيحه ربي لج تيس احسن من الماستر

[حمد 2002]

هذا اهون ..

حفظة القران ؟ ..

نجد ان تكريمهم من انزل المستويات ..

ممكن توصف لنا ماهي الجوائز والمحفزات التي تعطى في سبيل التشجيع على حفظ القرآن وتلاوته؟ !!

[حمد 2002]

ناخذ التيس ونسويه مندي ياسلام ونطيح طيح
يازين تيس المندي


طيب طيب

[QATAR 77]

تهقى اهون عن الماستر لين تخرجت ياحمد

:(

الماستر ما لها قيمة في قطر و ممكن تكون ضدج خصوصا اذا المسئول خريج ثانوي

خذي الشهادة و لا تعلمين شغلج و لا تتوقعين ترقية اذا اخذتيها

[راجي الْعفو]

ممكن توصف لنا ماهي الجوائز والمحفزات التي تعطى في سبيل التشجيع على حفظ القرآن وتلاوته؟ !!

اعلى جائزة عندنا حسب ما يحضرني الحين هي 50,000 تقريبا ، للي ياخذ الاول عالقران كامل

في اشهر مسابقة عندنا و هي مسابقة الشيخ جاسم رحمه الله
وكل ما قلت الاجزاء ، قلت الجوايز

وفي المسابقات الاخرى قد تجد نفس المبالغ مع امكانية اضافة جوائز اخرى كالساعات او العطور

وليس بالجودة


اذا ما قارنا هذا بالمسابقات الاخرى التي قد لا نجد فائدة من بعضها وتوضع عليها مبالغ هائلة

[محمد 93]

اعلى جائزة عندنا حسب ما يحضرني الحين هي 50,000 تقريبا ، للي ياخذ الاول عالقران كامل






100 الف ريال قطري لصاحب المركز الاول جزاكم الله كل خير هذا وجب التنويه .

[white bird]

نصيحه ربي لج تيس احسن من الماستر

هههههههههههههههههههههههههههههههههههههه

[راجي الْعفو]

100 الف ريال قطري لصاحب المركز الاول جزاكم الله كل خير هذا وجب التنويه .

الان تأكدت من موقع المسابقة

فوجدت ان الجائزة 60,000

قريبه من اللي ذكرته سابقا

وبوركت عالمشاركة

[محمد 93]

الان تأكدت من موقع المسابقة

فوجدت ان الجائزة 60,000

قريبه من اللي ذكرته سابقا

وبوركت عالمشاركة




الله يجزيك كل خير

http://www.al-sharq.com/news/details/293303#.VPTawfmsWSo


الا قريبه من الي انت ذكرته بارك الله فيك:)

[محمد 93]

ال 60 الف لصاحب المركز الرابع وليس للمركز الاول لمسابقه الشيخ جاسم لحفظ القران

[R 7 A L]

الخلل من المجلس الاعلى

مضيقين على الي يبي يكمل دراسته
واذا كمل دراسته ماكرموه عدل
حسبي الله ونعم الوكيل

[راجي الْعفو]

امين و يجزاك خير عالافادة

الظاهر انهم ما حدثوا البيانات في الموقع الرسمي :


http://store2.up-00.com/2015-03/1425333335494.jpg

ومع هذا ايضا تبقى قليلة

[JN000N]

التميز العلمي بعد لو يقللون نسبة الجائزة افضل
احنا مانبي نربط فكرة التعليم بالفلوس والربح
لين قدم لي طالب بحث علمي ليش اعطيه عشر الاف ريال! ليش ماعطيه شي ثاني يحفزه
مانبي نربط التعليم والدراسه والثقافه بالفلوس
صح ان الفلوس تونسه وتشجعه يمكن لكن النتيجه عكسيه
بدل مايحب البحث عشان يطور ويتفكر اكثر بيسوي بحث او بيتعلم عشان فلوس
منمن البعض يوقف ضد رايي ويقول بالعكس الفلوس بتشجعه يبدع اكثر
لكن لو نفكر فيها بطريقه ثانيه الفلوس ماراح تزيد ف تشجيعه كثر مانها بتغير مفاهيم التعليم

ف انا اشوف مافي وجه مقارنه كلش بين المزاين والتعليم

[نوفا91]

الماستر ما لها قيمة في قطر و ممكن تكون ضدج خصوصا اذا المسئول خريج ثانوي

خذي الشهادة و لا تعلمين شغلج و لا تتوقعين ترقية اذا اخذتيها

شكراً على هالدافع المعنوي
حطمت قلبي الصغير
:(

[مختلفة عقليا]

السلام عليكم

تيس تيس ذا تيس لو انه عنز كان اشوي ^^

والله ياخوي شاقولك !!

كم راتب المدرس والمدرب وكم راتب العسكري !! المحامي !! والمذيع !!

ويسلموو

[موظف ((حكومي]

تصدقوووووووووووووووووون ان الحمار

30000 ريال

[بانغ بانغ]

حمد

موضوع مهم ذو قيمة

وذلك عندما تتم مقارنة تكريم اكاديمي سخر جزء من حياته للعلم وتسليم جائزة عشان حيوان اعزكم الله

ابشرك بنحرر القدس ان شاء الله

[همر]

تصدقوووووووووووووووووون ان الحمار

30000 ريال

في جائزة اجمل حمار بعد ؟!! :eek5:

[بانغ بانغ]

في جائزة اجمل حمار بعد ؟!! :eek5:

همر

مادام في ناس اينظمون بطولات للغنم والبقر الله ايكرمك

فانا ما امانع ان فيفي عبده اتفوز بجائزة الام المثالية على الاقل اتوقع انها انسان

[غير البشر]

في جائزة اجمل حمار بعد ؟!! :eek5:


الحمار هو فاز بجائزه اجمل تيس :(

[ودي أكون]

الماستر ما لها قيمة في قطر و ممكن تكون ضدج خصوصا اذا المسئول خريج ثانوي

خذي الشهادة و لا تعلمين شغلج و لا تتوقعين ترقية اذا اخذتيها

غلطان اخوي، ويوم تنصح فانت تنصح لوجه الله، فلا تنصح زور حتى لو بالغشمره .. الله يهديك اخوي لا تكسر مياديفها

كلنا خذنا ماستر بس ماحطينا في بالنا انكون مدراء ورؤوساء قسم، مع ان تم ترشيحنا لاكثر من مره، بس هالمناصب لها ضرايب واحنا فغنى عنها ولله الحمد، والله يستر علينا وعلى جميع المسلمات يارب

نوفا حبيبتي كملي واخذي الماستر.. اهم شيء الامتيازات الوظيفيه اللي تحصلين عليها
مدتة الترقيات اقل من الثانويه، والامتيازات الماديه اعلى من الجنير/ الثانوي ..


وبالتوفيق

[QATAR 77]

غلطان اخوي، ويوم تنصح فانت تنصح لوجه الله، فلا تنصح زور حتى لو بالغشمره .. الله يهديك اخوي لا تكسر مياديفها

كلنا خذنا ماستر بس ماحطينا في بالنا انكون مدراء ورؤوساء قسم، مع ان تم ترشيحنا لاكثر من مره، بس هالمناصب لها ضرايب واحنا فغنى عنها ولله الحمد، والله يستر علينا وعلى جميع المسلمات يارب

نوفا حبيبتي كملي واخذي الماستر.. اهم شيء الامتيازات الوظيفيه اللي تحصلين عليها
مدتة الترقيات اقل من الثانويه، والامتيازات الماديه اعلى من الجنير/ الثانوي ..


وبالتوفيق

انتي قريتي ردي و لا مثل عوايدج متسرعة

الي عنده شهادة ماستر محارب و هذا من واقع مشاهد و و كذا واحد من الربع اخذ و لا استفاد البعض تحسف انه اخذها

انا قلت تاخذ شهادة الماستر بس ما تعلم شغلها لانه اول سؤال بيقولون مين سمح لج و الي يدرس ماستر ما يعلم

بكرة تكبيرين و تتعلمين الدنيا تمشي كيف

[بانغ بانغ]

اخ قطر 77

كلامك صح

قبل الفرق 300 ريال حق اللي عنده ماستر احين ماعرف

يعنى خسارة 30 ريال حق البرواز

[همر]

همر

مادام في ناس اينظمون بطولات للغنم والبقر الله ايكرمك

فانا ما امانع ان فيفي عبده اتفوز بجائزة الام المثالية على الاقل اتوقع انها انسان

همممم .. بس البقره ما سوت شي عكس فطرتها ..

عكس فيفي عبده اللي سوت نفسها بقره ..


هي العله في الجمهور :(

[همر]

الحمار هو فاز بجائزه اجمل تيس :(

اجمل تيس طلع حمار ؟!! :omg:

النحي نحي نييي ..

[ودي أكون]

انتي قريتي ردي و لا مثل عوايدج متسرعة

الي عنده شهادة ماستر محارب و هذا من واقع مشاهد و و كذا واحد من الربع اخذ و لا استفاد البعض تحسف انه اخذها

انا قلت تاخذ شهادة الماستر بس ما تعلم شغلها لانه اول سؤال بيقولون مين سمح لج و الي يدرس ماستر ما يعلم

بكرة تكبيرين و تتعلمين الدنيا تمشي كيف

يالس اتألف من عندك انت والا شسالفه.، صدقني يالس اتألف

شنو محارب ومقاتل و و و .. واللي ياخذ ماستر لا يعلم ..،؟!

ارجوك اخوي لا تيلس اتخربط على اساس ان انت يمكن ماخذت حقك فالدوام،

فلا تعمم

واللي يقول الفرق 300 ودامه مو عارف الفرق عدل، لا يألف من عنده!

[QATAR 77]

اجمل تيس طلع حمار ؟!! :omg:

النحي نحي نييي ..

اذا فيفي عبده افضل ام

اكيد الحمار يطلع تيس

:fight:

[A bin M]

امين و يجزاك خير عالافادة

الظاهر انهم ما حدثوا البيانات في الموقع الرسمي :


http://store2.up-00.com/2015-03/1425333335494.jpg

ومع هذا ايضا تبقى قليلة

اتمنى ان يكون هناك تحفيز اكثر ،،

[شبح الصمت]

ابي ادش المسابقة حد يسلفني تيسه

[QATAR 77]

يالس اتألف من عندك انت والا شسالفه.، صدقني يالس اتألف

شنو محارب ومقاتل و و و .. واللي ياخذ ماستر لا يعلم ..،؟!

ارجوك اخوي لا تيلس اتخربط على اساس ان انت يمكن ماخذت حقك فالدوام،

فلا تعمم

واللي يقول الفرق 300 ودامه مو عارف الفرق عدل، لا يألف من عنده!

الله يهديج البعض يحب الجدال من اجل الجدال

[غريب الدّار]

بعد الصلاة على النبي الامي أقول :

مهب شرط ان هالجائزة تكون اكبر من تلك

يعني الحين لازم جائزة التفوق العلمي تكون كم مثلا؟ تريليون؟

كل مارفعوا قيمة الجائزة لابد مايكون في جوائز اكبر

اللي يمنح الجائزة مايقدر يراقب كل مسابقات العالم ويشوف جوائزها ويقعد يرفع من قيمة جائزته

هذا تكريم للعلم
اللي يشوفه وايد
واللي يشوفه شوي

في النهاية التكريم هو تكريم

يعني مااعتقد أي حد بيكرمونه بجائزة تفوق علمي بيقول : لا مابي الجائزة ليش جوائز المزاين اعلى!!


هذا تكريم له
يعني الحين تصوروا ان اللي يمنحون جائزة التفوق العلمي شافوا هالموضوع وقالوا خلاص بنرفع قيمة الجائزة بنسويها 200 الف مثلا


ثاني يوم لقينا موضوع ثاني في المنتدى عنوانه : جوائز مسابقة التنس اكبر من جائزة التفوق العلمي

لازم بعد يرفعون قيمة الجائزة؟
وبكرة مادري أي مسابقة بعد جوائزها اعلى
بتصير عملية تنافسية تجارية بحتة مالها علاقة لا بتعليم ولا بتميز علمي
هذا رايي


وقواكم الله
:)

[ودي أكون]

الله يهديج البعض يحب الجدال من اجل الجدال

اذا انت تعتبر النقاش، جدال، ف هذا راجع لك

والبعض لا يعترف بالغلط، ويصر على كلامه حتى لو كان خطأ..،!

والله المستعان

[شبح الصمت]

وترى يا حمد جائزة الحلال المزايين ترى بس عشر جوائز فقط ..


وجائزة التمييز العلمي ما اعرف بس نسبة ما تقل عن 50 شاب وفتاه ..


وخل العالم تترزق الله ويعطووونهم ويحسنون الانتاج ياخي ..

[همر]

ابي ادش المسابقة حد يسلفني تيسه




مر كتارا

شارع شكسبير

رايحين رادين

:whistling:

[QATAR 77]

اذا انت تعتبر النقاش، جدال، ف هذا راجع لك

والبعض لا يعترف بالغلط، ويصر على كلامه حتى لو كان خطأ..،!

والله المستعان

هذا طبعج في كل موضوع راجعي نفسج

[شبح الصمت]

مر كتارا

شارع شكسبير

رايحين رادين

:whistling:



:secret:

escape

[خالد_قطر]

لا أتفق معاك في المقارنة فشتان بينهما ..
القرآن والتعليم إذا لم تقدرها المؤسسات فأجرها عند الله عظيم ..

وإذا كان هناك عتب فيكون على الشركات الي تحب تهايط ولا يهمها إلا مراعاة مصالحها والتعليم ومسابقات القرآن آخر اهتماماتها..

[Mohammed2]

مسابقه اجمل تيس واجمل جمل ... الخ
كلها مسابقات مالها داعي وفيها اسراف

[همر]

هذا طبعج في كل موضوع راجعي نفسج

لاتتعب نفسك..

[: بوحمود :]

لاتعليق [emoji1]


أرسلت بواسطة iPhone بإستخدام Tapatalk

[همر]

@alrasid1377: صدرت التوجيهات السامية بإلغاء مهرجان ام رقيبة لمزايين الإبل اعتباراً من العام القادم


بناء على توجيهات خادم الحرمين الشريفين الملك سلمان


الفال لنا ان شاء الله..

وتتحول مسابقات مزايين "الإبل" الى مزايين "العقل"..

[R 7 A L]

@alrasid1377: صدرت التوجيهات السامية بإلغاء مهرجان ام رقيبة لمزايين الإبل اعتباراً من العام القادم


بناء على توجيهات خادم الحرمين الشريفين الملك سلمان


الفال لنا ان شاء الله..

وتتحول مسابقات مزايين "الإبل" الى مزايين "العقل"..




ضف الي ذلك




صدور توجيهات من الملك سلمان

بعدم مناقشة رياضة البنات
وقيادة المرأة والسينما
وإغلاق الملف نهائياً .

[ضوى]

مدري ليش الواحد يربط التعليم والشهادات بالمنصب والراتب والدرجة ، الواحد يتعلم لنفسه يرتفع لنفسه مب شرط لحد او عشان غرض مادي

[راجي الْعفو]

ياخي قرارات الملك سلمان تشرح الصدر

الله يوفق ولي امرنا و يوفقه لكل خير

[Dana’1]

صار هالشي عادي~_~
أقرب مثال شوف مواضيع منتدى الحوار العام إذا كان موضوع مستهلك يوصل100صفحه أو أكثر
وإذا موضوع متعوب عليه وخارج نطاق المستهلك إذا وصل 5 صفات زين
وطبعا مو شي ثابت يعني فيه يوصل صفحات لأن يستاهل^_^
وغيرها من الأمثله كثييير!
فمش حالك... حالك يمشي^_^

[JN000N]

مدري ليش الواحد يربط التعليم والشهادات بالمنصب والراتب والدرجة ، الواحد يتعلم لنفسه يرتفع لنفسه مب شرط لحد او عشان غرض مادي

بالضبط نفس الي قلته والله

[همر]

ضف الي ذلك




صدور توجيهات من الملك سلمان

بعدم مناقشة رياضة البنات
وقيادة المرأة والسينما
وإغلاق الملف نهائياً .

كنت بنزل موضوع منفصل

بعنوان ضربة قاصمة في جبهة العلمانيين

والليبراليين


وانت حرقت الموضوع ! :sneaky:

[عابر سبيل]

مدري ليش الواحد يربط التعليم والشهادات بالمنصب والراتب والدرجة ، الواحد يتعلم لنفسه يرتفع لنفسه مب شرط لحد او عشان غرض مادي


اعتقد ان الانتقاد ليس موجها لطلبة العلم/الدارسين..المكرمين بيوم التفوق العلمي..

الانتقاد موجه للحكومة و كل الجهات المعنية من اجهزةالدولة..

حيث انها تعطي تقديرا "عاليا" للحيوانات..و مربيها..
*
*
،،
عموما..يقال ان صاحب "التيس" خريج جامعي..
ما حصل تكريم من ورى شهادته..
كثر ما حصل من ورى "التيس":secret:

[الزعفراني]

من المفارقات العجيبة هو ربطك الموضوع بهالطريقة اخوي حمد .. يكفي المتميّز علمياً تكريم أعلى سلطة له في البلاد .. وصدقني هذا اكبر تشريف ولا يتقارن بأي مبلغ .. اليوم لما قطر كلها تشوفك واتابعك وتنشر اسمك في كل وسائل الاعلام المحلية ويخلد اسمك في سجلات تاريخ قطر وقتها بتعرف شلون مفارقتك ومقارنتك ما كانت في محلها .. هذا التكريم بحد ذاته ما يتقارن بفلوس وان كان المبلغ موجود فهو رمزي فقط .. لان المكسب الحقيقي تدوين اسمك عبر التاريخ في حياتك وحتى بعد مماتك :)

[R 7 A L]

كنت بنزل موضوع منفصل

بعنوان ضربة قاصمة في جبهة العلمانيين

والليبراليين


وانت حرقت الموضوع ! :sneaky:

ياخي نزله هذا رد في موضوع عنوانه فيه اتيوس هههههه ماظنتي حد بيشوفه

[يمامـة]

لما تخصص جوائز مجزية لامور تافهة ما تضيف لاخرة الانسان غير السفهاة في دنيته
شي طبيعي يحق لك يا حمد تستغرب!!

واستغرب مثلك بعد..
اذا الفلوس لهدرجة مالها قيمة بحيث يتم تثمين جائزة اجمل تيس
اكثر من جائزة التكريم في اليوم العلمي او لحافظ القرآن الكريم كاامل!!

[ضوى]

من المفارقات العجيبة هو ربطك الموضوع بهالطريقة اخوي حمد .. يكفي المتميّز علمياً تكريم أعلى سلطة له في البلاد .. وصدقني هذا اكبر تشريف ولا يتقارن بأي مبلغ .. اليوم لما قطر كلها تشوفك واتابعك وتنشر اسمك في كل وسائل الاعلام المحلية ويخلد اسمك في سجلات تاريخ قطر وقتها بتعرف شلون مفارقتك ومقارنتك ما كانت في محلها .. هذا التكريم بحد ذاته ما يتقارن بفلوس وان كان المبلغ موجود فهو رمزي فقط .. لان المكسب الحقيقي تدوين اسمك عبر التاريخ في حياتك وحتى بعد مماتك :)

درر يا الزعفراني درر والله

[راجي الْعفو]

كنت بنزل موضوع منفصل

بعنوان ضربة قاصمة في جبهة العلمانيين

والليبراليين


وانت حرقت الموضوع ! :sneaky:

نزله يا همران منتظرين

[ameeer3]

طلع التيس المزيون اغلى من الخرفان المتخرفنيين في اللؤلؤة وضواحيها

[Rider]

عيل مضمرين الهجن الاغلبية ماعندهم الى شهادة ابتدائيه وعايشين في خير ولا يفكر في شهادة ولا غيرها طبعا مضمرين هجن الشيوخ

[نوفا91]

ابي تيس

:(

[يمامـة]

ابي تيس

:(

اشتبين فيه؟

الفلوس تروح حق راعي التيس:telephone:

[نوفا91]

يمامه ابيه بكلمة راس


:(

بضبطه وبعدله وبحط له رموش غصب طيب افوز بالجائزه
:(

[همر]

يمامه ابيه بكلمة راس


:(

بضبطه وبعدله وبحط له رموش غصب طيب افوز بالجائزه
:(

علمي التيس يضبط كرك

صدقيني يدخل لج اكثر :(

[يمامـة]

يمامه ابيه بكلمة راس


:(

بضبطه وبعدله وبحط له رموش غصب طيب افوز بالجائزه
:(

مب هينة نوفه نوفه تف تف تف عليج عيوني عليج باردة..

[بوحارب]

ابو جركل يسلم عليكم

ويقول لكم








يا بعد معزى امي والله ههههههههههههههههه

[الأصيلة]

ايش هالمقارنة اللي مالها معنى؟
شنهو تيس ومزايين وإبل وغنم ؟
معقول نقارن التميز العلمي المرتبط بالعقل والتفكير
بحيوانات وبهائم ( فقط بقيمة الجوائز المادية )
من متى التعليم والتفكير والإبداع مرتبط بالمادة ؟
المعايير في اختيار التيوس واختيار المتميز في التعليم والشهادات والتفكير
تماما مختفله...
وأيضا لجان التقييم مختلفة..
صراحة مقارنة فاشلة تدل على تدني مستوى التفكير والنظر ..

[الأصيلة]

من المفارقات العجيبة هو ربطك الموضوع بهالطريقة اخوي حمد .. يكفي المتميّز علمياً تكريم أعلى سلطة له في البلاد .. وصدقني هذا اكبر تشريف ولا يتقارن بأي مبلغ .. اليوم لما قطر كلها تشوفك واتابعك وتنشر اسمك في كل وسائل الاعلام المحلية ويخلد اسمك في سجلات تاريخ قطر وقتها بتعرف شلون مفارقتك ومقارنتك ما كانت في محلها .. هذا التكريم بحد ذاته ما يتقارن بفلوس وان كان المبلغ موجود فهو رمزي فقط .. لان المكسب الحقيقي تدوين اسمك عبر التاريخ في حياتك وحتى بعد مماتك :)

تفكير محدود الله يسلمك ...
والله انك صادق

[بنت شرق]

يمكن لانه راعي الحلال عنده مصاريف اكثر من ،،،راعي العلم المصروف عليه طوال الوقت ،،،حتى ادواته واجهزته حكومية

[Right]

هههههههههههه أكثروا التيوس !!



يعني تربي تيس ، أحسن ما تتعلم وتتفوق !!



عندي تيس بالعزبة ، لو أدري كان بعثته دراسه للخارج

منها يآخذ جائزتيين ، 160 ألف ، ويطلع تيس مثقف ومتعلم !!

[يمامـة]

ايش هالمقارنة اللي مالها معنى؟
شنهو تيس ومزايين وإبل وغنم ؟
معقول نقارن التميز العلمي المرتبط بالعقل والتفكير
بحيوانات وبهائم ( فقط بقيمة الجوائز المادية )
من متى التعليم والتفكير والإبداع مرتبط بالمادة ؟
المعايير في اختيار التيوس واختيار المتميز في التعليم والشهادات والتفكير
تماما مختفله...
وأيضا لجان التقييم مختلفة..
صراحة مقارنة فاشلة تدل على تدني مستوى التفكير والنظر ..

توه ما نور المنتدى وين هالغيبة؟

المقارنة مب بين التفوق العلمي وشروط الحصول عليه وما بين مزايين التيوس
المقارنة ما بين الجوائز التشجيعية للمشاركة في التشريفيين!!

ولحد يقلل يا اختي الاصيلة من اهمية الجوائز المادية في التشجيع على العطاء..
فإذا جائزة جمال التيوس تقدم من جهة حكومية محسوبة على الحكومة
فمن باب اولى ان يتم مراعاة ان التيس ما سوى شي علشان صاحبه يحصل على ١٠٠ الف
بينما طالب العلم اللي الدولة تشجع عليه صاحبه يحصل على ٥٠ او ٦٠ الف..
ولحد يقول شرف تكريمه من الامير بحد ذاته يكفي.. لان بعد في رمضان و العيد
الناس يتشرفون بالسلام على الامير والتلفزيونات اتطلعهم وتتسجل التبريكات هذي!!
فهل نقارن اللي ارتقى بنفسه في مجال العلم نفس اللي يبارك الامير بمناسبة العيد و رمضان؟

[الماريّة]

بصراحه قرار الملك سلمان بالغاء المزايين يثلج الصدر
جزاه الله خير
لكن الخوف لتنقلب المزاينات عندنا هني شافوها ممنوعه في السعودية وسوونها عندنا


وبخصوص ثمن اسعار التيوس اغلى من المتفوقين

شف عندك اخوي ثمن المطيه الوحده يوصل للملايين ي المزاين
ومهور بنات الناس اذا طلبت الوحده مهر غالي ميتين الف وفوق تركوها
وراحوا يتزوجون العربية والاجنبيه وهالشي مب قهر

[غريب الدّار]

بصراحه قرار الملك سلمان بالغاء المزايين يثلج الصدر


السموحة اختي

هل صدر قرار من الملك سلمان بإلغاء مسابقات المزاين؟

[الماريّة]

السموحة اختي

هل صدر قرار من الملك سلمان بإلغاء مسابقات المزاين؟

سمعت مثل ماسمعت انت قريته فوق من ردود بعض الاعضاء

[دااانة قطر]

اعلى جائزة عندنا حسب ما يحضرني الحين هي 50,000 تقريبا ، للي ياخذ الاول عالقران كامل

في اشهر مسابقة عندنا و هي مسابقة الشيخ جاسم رحمه الله
وكل ما قلت الاجزاء ، قلت الجوايز

وفي المسابقات الاخرى قد تجد نفس المبالغ مع امكانية اضافة جوائز اخرى كالساعات او العطور

وليس بالجودة


اذا ما قارنا هذا بالمسابقات الاخرى التي قد لا نجد فائدة من بعضها وتوضع عليها مبالغ هائلة


مو بس القران الكريم

من فترة عندنا موظف عضو في جماعة التبليغ
كل فترة يختارون دوله ويطلعون للتبليغ
الجماعه يشتكون من سوء التغذية
وانصدمت ان مالهم مكان حتى
ينامون في مسايد .. والاكل كانهم طالعين رحلة يطبخون اللي موجود
سالته ليش قال من مفتكر ؟؟؟
المشكله يجيبون لك هالمطربين وهالاجانب ويصرفون عليهم بالهبل
ودعاة الدين محد يدري عنهم










قهر

[غريب الدّار]

سمعت مثل ماسمعت انت قريته فوق من ردود بعض الاعضاء

انا ماسمعت اختي

[الماريّة]

@alrasid1377: صدرت التوجيهات السامية بإلغاء مهرجان ام رقيبة لمزايين الإبل اعتباراً من العام القادم


بناء على توجيهات خادم الحرمين الشريفين الملك سلمان


الفال لنا ان شاء الله..

وتتحول مسابقات مزايين "الإبل" الى مزايين "العقل"..

هذا رد الاخ يا غريب الدار

[غريب الدّار]

هذا رد الاخ يا غريب الدار

اها

يعني كلام منتديات


اها اوكي اختي

بيض الله ويهج على التوضيح

والسموحة

[ameeer3]

:telephone::telephone::eek5::telephone::telephone: الووو جحا تعال وجيب معاك حمارك البطل الصامت في جائزه ازين حمار

[الأصيلة]

توه ما نور المنتدى وين هالغيبة؟

المقارنة مب بين التفوق العلمي وشروط الحصول عليه وما بين مزايين التيوس
المقارنة ما بين الجوائز التشجيعية للمشاركة في التشريفيين!!

ولحد يقلل يا اختي الاصيلة من اهمية الجوائز المادية في التشجيع على العطاء..
فإذا جائزة جمال التيوس تقدم من جهة حكومية محسوبة على الحكومة
فمن باب اولى ان يتم مراعاة ان التيس ما سوى شي علشان صاحبه يحصل على ١٠٠ الف
بينما طالب العلم اللي الدولة تشجع عليه صاحبه يحصل على ٥٠ او ٦٠ الف..
ولحد يقول شرف تكريمه من الامير بحد ذاته يكفي.. لان بعد في رمضان و العيد
الناس يتشرفون بالسلام على الامير والتلفزيونات اتطلعهم وتتسجل التبريكات هذي!!
فهل نقارن اللي ارتقى بنفسه في مجال العلم نفس اللي يبارك الامير بمناسبة العيد و رمضان؟

النور نورك يا يمامه...
أنا صراحة قهرتني المقارنة بمسماها ...
وبالنسبة لقيمة الجائزة فعلا هي فيها مبالغه
لكن المعايير ولجان التحكيم فيها اختلاف ونظراتهم متفاوته ..
عيل شتقولين في الجوائز المادية المتواضعه جدا والتي تقدم للمسابقة المدرسية لحفظ القرآن
لم تتغير من سنوات 100 ريال و200
لأطفال حفظوا كتاب الله وبذل الأهالي جهدهم في تحفيظ أولادهم
بالإضافة إلى ان هناك أطفال دون العاشرة يحفظون كتاب الله كاملا ترتيلا وتجويدا
وينتمون لعوائل فقيرة ومع ذلك الجوائز قليلة جدا جدا...

[الزعفراني]

ترى حتى مسابقات القرآن الكريم المفروض ما يكون فيها جوائز مالية .. لان مع الاسف قد يكون هالشيء حافز للبعض للمشاركة ليس عشان رفعة وحفظ القرآن ولكن عشان مبلغ الجائزة المغري :)

اعرف الكثير من حفظة القرآن في قطر من أئمة المساجد وغيرهم لما أسألهم ليش ما تشاركون .. ويكون مبررهم اننا نحفظ القرآن لله وفي الله وليس من اجل المنافسة والحصول على الجوائز والأموال رغم حاجة بعضهم الماسه لها

التشجيع على حفظ القرآن خصوصا مع النشىء والصغار لا يكون ربطه بمثل هذه الطريقة بجوائز مالية ومنافسات .. الانسان عندما يحفظ القرآن او لما يعلم ابناءه حفظ القرآن لا يكون من أجل المال او يكون فيه المال حافز له ..


ولا يتعود الشخص انه يشارك وينافس ويقعد يراجع حفظه في القرآن بس عشان يشارك وينال فرصة المنافسة والفوز بالشيك اللي فيه مبلغ وقدره :)


هذي وجهة نظري الشخصية وأميل لها ..

[معماري قطري]

ههههههه صدمني العنوان وضحكت لين قلت بس

الجمال رباني وعيون التيس آسرة .. أَما الشهادة كلفت الدولة ويمكن سعادة الدكتور متخرج من جامعة تبيع الشهادات مثل ما المجتمع فاهم

[رجل مثالي]

يمكن الله يسلمك هاي تيس أمهجن

[naklan]

زمن اغبر جائزة التيوس اكثر من البشر قالها الشاعر الاماراتي ماعرف اسمه
يالعنز وشفيج على الشيك كلتيه ،،، قالت مادي ان فلوسكم فيه

[يمامـة]

النور نورك يا يمامه...
أنا صراحة قهرتني المقارنة بمسماها ...
وبالنسبة لقيمة الجائزة فعلا هي فيها مبالغه
لكن المعايير ولجان التحكيم فيها اختلاف ونظراتهم متفاوته ..
عيل شتقولين في الجوائز المادية المتواضعه جدا والتي تقدم للمسابقة المدرسية لحفظ القرآن
لم تتغير من سنوات 100 ريال و200
لأطفال حفظوا كتاب الله وبذل الأهالي جهدهم في تحفيظ أولادهم
بالإضافة إلى ان هناك أطفال دون العاشرة يحفظون كتاب الله كاملا ترتيلا وتجويدا
وينتمون لعوائل فقيرة ومع ذلك الجوائز قليلة جدا جدا...

هذا اللي نبي نوصل له يا الاصيلة.. اذا الفلوس كانت رخيصة لدرجة ان جائزة اجمل تيس اكبر من جائزة
متعلم العلوم المفيدة.. فدامها رخيصة للدرجة هذي ليش ما يقطونها قط في المسابقات اللي تعود بالفايدة
على الناس!!

مسابقات القرآن الكريم اللي البعض يبيها لله وفي الله.. ترى حتى العلوم الواحد لازم يتعلمها لله وفي الله
فهل هذا معناته ان الفلوس توجه للتيوس واللي بيتعلم لله وفي الله ما ينال اي جائزة مالية؟( منطق غريب)