استفسار عن سعر البلاستر

[RAGA]

السلام عليكم بغيت استفسر عن سعر متر البلاستر للارضيات حق النظافه علشان اركب عليه السراميك للفيلا

مع العلم جميع المواد علي يكون على المقاول بس شغل اليد

شكرا

[معماري قطري]

نصيحتي دوم بالنسبة للأَرضيات حاول تصبها خرسانة لينة ( كمية الماي تكون فيها كبيرة) ومقواة بفايبر .. وبقوة متوسطة حول 25 كيلو نيوتن في المتر المربع .. بس قبل سو معالجة للنمل الأَبيض في الدور الأَرضي وفي الدور العلوي تأَكد من التمديدات ووصلاتها وحتى بالنسبة لتحت .. بعد الدك والتجهيز عندك النايلون السميك والأَطراف نحط قطع بورد القابل للانضغاط ونصب الخرسانة وهي بنفسها تستوي في مستوى واحد بفعل ميوعتها وتكون قوية بخيوط الفايبر ولا تتشلخ ومناسبة للسجاد مباشرة أَو للتبليط بلزقة خاصة .. وبعض اللزقات لازم يكون الاسمنت مخشن وبعضها عادي لو ناعم.

نجي للبورد القابل للانضغاط .. هذا يكون ناعم وهش وتدخل منه الأَرضة بسهولة وحتى النمل العادي .. نزيل حول 3 سم من فوق ونعبيه ماستك ولو حطينا حبل الماستك وعبينا فوقه أَحسن .. وبالنسبة للمستويات لازم نحسب نزول بسيط لأَرضية الحمامات ونفصلها عند الباب بقطعة رخام .. حول 2 سم يكون الفرق والسلوب جهة الصرف .. والمكان اللي بنحط فيه سجاد مرات يطلع أَنزل شوي ن مكان البلاط فلازم نركب فاصل نحاسي يمسك السجاد ونحاول نخلي مستوى الصبية اللي بيكون عليها سيراميك نازل شوي بحدود سمك السيراميك حتى ينضبط المستوى بين المساحات كلها.

نصيحة لغرف النوم ركز على سجاد فخم مع حشوة تحتية والصالات والمجالس بورسلان.

[RAGA]

نصيحتي دوم بالنسبة للأَرضيات حاول تصبها خرسانة لينة ( كمية الماي تكون فيها كبيرة) ومقواة بفايبر .. وبقوة متوسطة حول 25 كيلو نيوتن في المتر المربع .. بس قبل سو معالجة للنمل الأَبيض في الدور الأَرضي وفي الدور العلوي تأَكد من التمديدات ووصلاتها وحتى بالنسبة لتحت .. بعد الدك والتجهيز عندك النايلون السميك والأَطراف نحط قطع بورد القابل للانضغاط ونصب الخرسانة وهي بنفسها تستوي في مستوى واحد بفعل ميوعتها وتكون قوية بخيوط الفايبر ولا تتشلخ ومناسبة للسجاد مباشرة أَو للتبليط بلزقة خاصة .. وبعض اللزقات لازم يكون الاسمنت مخشن وبعضها عادي لو ناعم.

نجي للبورد القابل للانضغاط .. هذا يكون ناعم وهش وتدخل منه الأَرضة بسهولة وحتى النمل العادي .. نزيل حول 3 سم من فوق ونعبيه ماستك ولو حطينا حبل الماستك وعبينا فوقه أَحسن .. وبالنسبة للمستويات لازم نحسب نزول بسيط لأَرضية الحمامات ونفصلها عند الباب بقطعة رخام .. حول 2 سم يكون الفرق والسلوب جهة الصرف .. والمكان اللي بنحط فيه سجاد مرات يطلع أَنزل شوي ن مكان البلاط فلازم نركب فاصل نحاسي يمسك السجاد ونحاول نخلي مستوى الصبية اللي بيكون عليها سيراميك نازل شوي بحدود سمك السيراميك حتى ينضبط المستوى بين المساحات كلها.

نصيحة لغرف النوم ركز على سجاد فخم مع حشوة تحتية والصالات والمجالس بورسلان.

السلام عليكم
ماقصرت اخوي على المعلومات

شكرا