نـــــــيـــــــــــــبــــــــــــال ...... انزين ليش .؟

[بومحمد المطاوعه]

السلام عليكم ورحمه الله وبركاته ..

صبحكم الله بالخير ..

شخباركم يا اخواني واخواتي

بارك الله فيكم وجملكم الله برضاه ..

الصراحه الموضوع اشوي يعور القلب ,,

البعض والعياذ بالله في الدوام ينادي ( يصوت ) على العامل
سواء كان فراش ,,

او عامل نظافه ,,

او العامل حق الملفات للنقل بين المكاتب ,..

اذا كان نيبالي هذا العامل يناديه بـ نــيــبــال

بصوت عالي او يكرر ..

لماذا لا يناديه بأسمه ..؟.
هل ترضى ان يعاملك بالمثل ..؟ ويقولك ياقطري ..؟

واذا كان هذا العامل كافر او مسيحي او غير مسلم ,,

لماذا البعض يناديه بـ محمد ..؟

بعد نزول قول الله تبارك وتعالى(لا تَجْعَلُوا دُعَاءَ الرَّسُولِ بَيْنَكُمْ كَدُعَاءِ بَعْضِكُمْ بَعْضاً) [النور:63]

كان الصحابة ينادون النبي صلى الله عليه وسلم بلفظ "يارسول الله" "يانبي الله" قال مقاتل: "معناها الآية لا تسموه إذا دعوتموه يا محمد

ولا تقولوا: يا ابن عبد الله. ولكن شرفوه فقولوا: يا نبي الله، يا رسول الله"
وأخرج ابن أبي حاتم و ابن مردويه وأبو نعيم في الدلائل عن ابن عباس

في قوله تعالى(لا تَجْعَلُوا دُعَاءَ الرَّسُولِ بَيْنَكُمْ كَدُعَاءِ بَعْضِكُمْ بَعْضاً) [النور:63]

قال: كانوا يقولون: يا محمد يا أبا القاسم، فنهاهم الله عن ذلك إعظاماً لنبيه صلى الله عليه وسلم، فقالوا: يا نبي الله، يا رسول الله .


إن الله لم يخلقنا إلا لعبادته ...

فقال عزّ وجلّ : ( وَمَا خَلَقْتُ الْجِنَّ وَالإِنْسَ إِلا لِيَعْبُدُونِ(56) سورة الذاريات

البعض يسخر منهم .. في التعامل معهم

( ياأيها الذين آمنوا لا يسخر قوم من قوم عسى أن يكونوا خيرا منهم ولا نساء من نساء عسى أن يكن خيرا منهن ولا تلمزوا أنفسكم ولا تنابزوا بالألقاب بئس الاسم الفسوق بعد الإيمان ومن لم يتب فأولئك هم الظالمون )

ينهى تعالى عن السخرية بالناس وهو احتقارهم والاستهزاء بهم

كما ثبت في الصحيح عن رسول الله - صلى الله عليه وسلم - أنه قال : " الكبر بطر الحق وغمص الناس " ويروى : " وغمط الناس " والمراد من ذلك : احتقارهم واستصغارهم ، وهذا حرام

فإنه قد يكون المحتقر أعظم قدرا عند الله وأحب إليه من الساخر منه المحتقر له


اترك لكم النقاش لحل هذي المشكله عند البعض والعياذ بالله

اسأل الله ان يجمعنا واياكم فالجنه ..

[بانغ بانغ]

غفر الله لك

[ضوى]

مدري وين مشكلتك يا بو محمد ؟؟

خير ياطير نيبالي والا هندي والا قطري !! وين المسبة والا المسخرة في هالللقب ؟؟

[بومحمد المطاوعه]

مدري وين مشكلتك يا بو محمد ؟؟

خير ياطير نيبالي والا هندي والا قطري !! وين المسبة والا المسخرة في هالللقب ؟؟


المقصد
ليش ما اناديه بأسمه ..؟
ليش نقوله يانيبالي

( ياأيها الذين آمنوا لا يسخر قوم من قوم عسى أن يكونوا خيرا منهم ولا نساء من نساء عسى أن يكن خيرا منهن ولا تلمزوا أنفسكم ولا تنابزوا بالألقاب بئس الاسم الفسوق بعد الإيمان ومن لم يتب فأولئك هم الظالمون )

اقرأي الأيه

[بومحمد المطاوعه]

غفر الله لك

اللهم امين
ولك
وللجميع يارب

[ضوى]

وليش ادرجتها تحت سخرية ؟؟؟ تدري بنياتهم ؟

[بومحمد المطاوعه]

وليش ادرجتها تحت سخرية ؟؟؟ تدري بنياتهم ؟

ما ادري ولكن
هذا كلام الله ورسولنا الكريم

انا حطيت كلام الله ورسولنا الكريم
ماقلت فلان الفلاني يسخر بهم وهذا نيته كذا وكذا

يعني الكلام لعامه الناس مب بمقصد فلان وعلان
والبعض ينادي بهذا المقوله


واذا جا واحد وقال يا الاعرج وهو صج اعرج
ماننصحه ولا نقول ليش تقول هذا الكلام
وشدراك بنياته .؟

اكيد بننصحه وبنبه الناس عامه

[حسن]

جزاك الله خير يابومحمد

مايجوز التحقير والسخرية الصراحه مااناديهم إلا بأسمائهم ومستغرب في حد يتصرف جذي


اعوذ بالله

[بومحمد المطاوعه]

الأدله من القرأن وكلام رسولنا الكريم موجود فالموضوع

يبين من المتكبر
ومن الي يسخر

وكلن ونيته
ولكن علينا ان ننبه الناس

[R 7 A L]

احسن شي قول له يا صدييييييييييييييق

[JN000N]

انزين هل لما اناديه باسم بلدته يعني هاي تحقير له؟
هل بلدته حقيره يعني!!

[بومحمد المطاوعه]

جزاك الله خير يابومحمد

مايجوز التحقير والسخرية الصراحه مااناديهم إلا بأسمائهم ومستغرب في حد يتصرف جذي


اعوذ بالله

ويجزاك
صحيح

انا قلت البعض يقول وينادي

بالالقاب
وهذا الموضوع للعام وللتنبيه
مب اقصد فلان ولا علان

ولا فضحت حد

والدليل قول الله تعالى وقول رسولنا الكريم صل الله عليه وسلم

تحياتي

[بومحمد المطاوعه]

انزين هل لما اناديه باسم بلدته يعني هاي تحقير له؟
هل بلدته حقيره يعني!!


ليش ماتنادينه بأسمه

ماقلنا بلدته حقيره
ولكن ليش نناديه بالبلده

ليش مانقوله صديق
رفيق
اخوي

اي شي
غير البلده
يمكن يحس في نفسه ان اهانه او رخص

هاي قصدي

[بومحمد المطاوعه]

احسن شي قول له يا صدييييييييييييييق

اكيد احسن

انا عن نفسي اناديه صديق
اذا مااعرف اسمه

ولكن البعض يناديهم بالالقاب وفي البعض يعاملهم بمعامله غير لائقه

اصابع ايدك مب سوى يالغالي

[JN000N]

ليش ماتنادينه بأسمه

ماقلنا بلدته حقيره
ولكن ليش نناديه بالبلده

ليش مانقوله صديق
رفيق
اخوي

اي شي
غير البلده
يمكن يحس في نفسه ان اهانه او رخص

هاي قصدي

بالعكس ما شوف فيها اهانه
مرات تي بوينا اعرف اسمه وحليوه وياه بس اقوله هيدراباد يضحك
ولا يقول تعالي زوريها
مادري شلون الاهانه باسم الدوله
يمكن مثالك غلط

[ضوى]

اشدخل الاعرج بالجنسية

لما اعايره بعاهة فيه غير عن لما اناديه بجنسيته ، سيدنا بلال ماعرفناه الا ببلال الحبشي

الصحابي الجليل سلمان ماعرفناه الا بسلمان الفارسي وين السخرية ، لو سخريه كان الرسول عليه الصلاه والسلام نبهنا ونهنى عنه

[R 7 A L]

بو محمد
قصدك الي يقووول يا هنننننننندي ولا يا بنقاااااااااااااالي مع صراخ ؟

[مشعل العطاوى]

عندنا بالشركه واحد نيبالي ... مااصوت عليه الا يانيبالي

واسمه كريشنا .. بس معنى كريشنا عندهم هو اله لشئ معين ويعبد في الديانه الهندوسيه

فما ارضي اقوله .. يا اله الشمس او يا اله القمر

[المحاميه]

ماقد مرت علي حد يقول نيبال ولا الهند ولا غيره من الدول


لكن محمد نعم مرت علي
وهم يقصدون انه عبد لله ويفترضون فيه نية الاسلام

ماعرف اذا يجوز ولا لا

بس وعلى نياتكم ترزقون ..

[المحاميه]

اكيد احسن

انا عن نفسي اناديه صديق
اذا مااعرف اسمه

ولكن البعض يناديهم بالالقاب وفي البعض يعاملهم بمعامله غير لائقه

اصابع ايدك مب سوى يالغالي

قلتها يابومحمد

هي المعامله الغير لائقه سر البلا

المفروض كل شخص نعامله عدل ويكون له احترامه بغض النظر عن الاعراق او المناصب او الديانات او غيرها


الله يغفرلنا بس

[بومحمد المطاوعه]

اشدخل الاعرج بالجنسية

لما اعايره بعاهة فيه غير عن لما اناديه بجنسيته ، سيدنا بلال ماعرفناه الا ببلال الحبشي

الصحابي الجليل سلمان ماعرفناه الا بسلمان الفارسي وين السخرية ، لو سخريه كان الرسول عليه الصلاه والسلام نبهنا ونهنى عنه

جزاكي الله خير

تفضلي اقرأي الشرح اختي

http://library.islamweb.net/newlibrary/display_book.php?idfrom=1747&idto=1747&bk_no=51&ID=1779

[بومحمد المطاوعه]

بو محمد
قصدك الي يقووول يا هنننننننندي ولا يا بنقاااااااااااااالي مع صراخ ؟

ايييييي

ليش يعني يناديهم جذي

ينادي بأسمه وخلاص
البعض يسخر منهم فالمعامله

[JN000N]

اي في بنقالي يشتغل عند ابوي ماعرف اسمه حتى دريولنا لين يا يقول لابوي انه عند الباب يقوله بابا اكو بنقالي يجي عند الباب يبيك

[عثرة جواد]

جزاك الله خير

وف ميزان حسناتك

الدال على الخير كفاعلة

[بومحمد المطاوعه]

بالعكس ما شوف فيها اهانه
مرات تي بوينا اعرف اسمه وحليوه وياه بس اقوله هيدراباد يضحك
ولا يقول تعالي زوريها
مادري شلون الاهانه باسم الدوله
يمكن مثالك غلط

على حسب المعامله

يعني لو بضحك معاه بغشمره
يفرق ان استهزء فيه
صح ولالا

البعض يعامل بمعامله غير مقبوله

انا اقصد ليش ما اناديه بأسمه
ليش بالدوله مثلآ

[R 7 A L]

اي في بنقالي يشتغل عند ابوي ماعرف اسمه حتى دريولنا لين يا يقول لابوي انه عند الباب يقوله بابا اكو بنقالي يجي عند الباب يبيك

دريولكم متكبر

[بومحمد المطاوعه]

اي في بنقالي يشتغل عند ابوي ماعرف اسمه حتى دريولنا لين يا يقول لابوي انه عند الباب يقوله بابا اكو بنقالي يجي عند الباب يبيك


المفروض يعرف اسمه

مب شي كبير علشان مانعرف اسمه
سهل مجرد اسم

يمكن مب بنقالي هههههه
بيتهاوش وياه بيقولك على كيفك بنقالي
انا هندي


المقصد المعامله الحسنه
اما الغشمره بيني وبين دريولي شي ثاني

ولكن مب جدام الناس
بيني وبينه

[أم محمد 90]

انا اقول مدير :(

[بومحمد المطاوعه]

عندنا بالشركه واحد نيبالي ... مااصوت عليه الا يانيبالي

واسمه كريشنا .. بس معنى كريشنا عندهم هو اله لشئ معين ويعبد في الديانه الهندوسيه

فما ارضي اقوله .. يا اله الشمس او يا اله القمر

جزاك الله خير

ولكن اهم شي معاملتك معاه شلون .؟

او مثال اتفق معاه على اسم احسن من اسمه

تحياتي

[فيصل99]

صح كلامك كثير نلحظها النظر للاخرين وخاصة هذول المساكين بنظرة دونية وانك انت احسن منهم ربما يدخل الكبر في قلبك وتحرم من الجنة !

[بومحمد المطاوعه]

انا اقول مدير :(

كفووو

لانه صج مدير

يخدم مسكين
ويكد اكثر من السفيه الي يهينه

البعض قصدي

[JN000N]

دريولكم متكبر
دريولنا شيخ




المفروض يعرف اسمه

مب شي كبير علشان مانعرف اسمه
سهل مجرد اسم

يمكن مب بنقالي هههههه
بيتهاوش وياه بيقولك على كيفك بنقالي
انا هندي


المقصد المعامله الحسنه
اما الغشمره بيني وبين دريولي شي ثاني

ولكن مب جدام الناس
بيني وبينه

لا شدخل بنقالي غير عن الهندي
بعدين عادي هو يتقبل لان يدري ان مجرد اسم مش اهانه

صدقني مثالك غلط

[بومحمد المطاوعه]

ينهى تعالى عن السخرية بالناس ، وهو احتقارهم والاستهزاء بهم ، كما ثبت في الصحيح عن رسول الله - صلى الله عليه وسلم - أنه قال : " الكبر بطر الحق وغمص الناس " ويروى : " وغمط الناس " والمراد من ذلك : احتقارهم واستصغارهم ، وهذا حرام

[بومحمد المطاوعه]

دريولنا شيخ


لا شدخل بنقالي غير عن الهندي
بعدين عادي هو يتقبل لان يدري ان مجرد اسم مش اهانه

صدقني مثالك غلط

قلتيها اذا اهو متقبل غير
ولكن البعض
يهيين
ويسيء التصرف

شنقول عنهم ؟؟

[ضوى]

بو محمد الله يرضى عليك خليك من النقل اللي مش في محله

قرأت الشرح عدل مافيه نهي عن مناداتهم بجنسياتهم ركز واللي يعافيك

[كازانوفا]

له اسم يناديه باسمه والا على أي اساس اهله سموه باسم عشان يكرم والا عشان يهان

[R 7 A L]

ايييييي

ليش يعني يناديهم جذي

ينادي بأسمه وخلاص
البعض يسخر منهم فالمعامله

مثل لما يقولون يا خدامه
ليش ماينادونها بأسمها ؟

[ضوى]

مثل لما يقولون يا خدامه
ليش ماينادونها بأسمها ؟

منهو يناديها خدامة ؟؟؟

ولا عمرنا سمعناها

[Al-Kuwari]

بصراحة في ناس تتفلسف بالموضوع بشكل ينرفز

اوكي انا معاكم بومحمد جزاه الله خير ما عرف يوصل الرسالة بشكل واضح

لكن في شي اسمه العرف والمتعارف عليه

مثلا لو واحد ببريطانيا جا يعاير واحد بريطاني اصله باكستاني يقوله hey you paki

فعلياً هو ما كذب هو اصله باكستاني لكن المغزى منه المعايره لان المتعارف والعرف بين الناس ان اللي من جنسيات افريقية او اسيوية هم اقل شأن من الاوروبيين

عندنا العرف ان الاسيوي اقل شأن من القطري او الخليجي ولذلك هم يعملون بوظائف بالنسبه لنا ماتصلح لنا ونتكبر عليها

فلما انا اجي اناديه يا نيبالي مهب حلوة ولا هي من اللباقة

عنده اسم ناده باسمه ماتعرف اسمه قوله صديق رفيق اي شي لكن راع احساسه وانه يمكن يتحسس من هالشي

انت يمكن الله منعم عليك بالتواضع وماتحس بفرق بين اي انسان مهما كانت جنسيته لكن يمكن هو يتحسس من هالشي بسبب النظرة الدونية له من الجميع او موقف مر فيه من قبل فالاولى انك تكون انسان ذوق وراقي وتناديه باسمه او بلقب صديق او رفيق وتسأله شنو اسمك وتناديه باسمه مره ثانية لو انك تتعامل معاه دايماً

نقطه ثانية احب اضيفها لموضوعك يابو محمد

مرات يمرون علي ناس يتغشمرون مع التي بوي مثلا او عامل البريد بطريقة فيها احراج له ولا كلمته يقولك ياخي اتغشمر معاه وهو مسكين طيب , لا يبه سلامتك انت تبي تضحكنا عليه ماتبي تتغشمر معاه , وتدري انه ضعيف وماراح يرد عليك


يا ناس خلو عنكم التكبر , ما قلت لكم روح ناسبه او تقرب منه , لكن عالاقل احترم انسانيته وعامله باحترام مثل ماتبي الناس تعاملك

جزاك الله خير يابو محمد وفي ميزان حسناتك ان شاء الله

[ameeer3]

أول ما تأخذ روح المؤمن عندما يموت (قبل أن يدفن) إلى السموات السبع من قبل الملائكة ، وذلك مروراً بكل سماء فيقول الملك ا(لحارس على كل سماء) للملائكة هذه روح من فيجاب عليه هذي روح فلان (بأحب اسمائة التي يحب أن ينادى بها في الدنيا) مثال على ذلك (هذه روح أبو محمد لو كانت هذه الكنيه محبب عند روح الميت) ثم تفتح لك السماء إذا كانت روحك مؤمنه حتى وصولك إلى السماء السابعه وبعد ذلك يامر الله عز جلاله وتقدست أسماءه بأن ترجع روحك إلى الارض لحين قيام الساعه.

فهنا اردت أن اوضح نقطة مهمة يا امة محمد (صلى الله عليه وسلم) بأن الملائكة تناديك بأحب اسمائك في الدنيا ، فما بالك انت يا بني البشر

[بومحمد المطاوعه]

بو محمد الله يرضى عليك خليك من النقل اللي مش في محله

قرأت الشرح عدل مافيه نهي عن مناداتهم بجنسياتهم ركز واللي يعافيك

ويرضى عليج اختي

يا ضوى
ليش الحساسيه ف الموضوع
انا مجرد انسان احب الخير للغير وطرحت الموضوع بشكل عام

انتي الله يهديج كل موضوع انزله تدخلين فيه وتحسسيني اني اقصد فلان ولا علان
او شي يضر الناس

شوفي الشرح تفضلي يالطيبه

حض الرسول ـ صلى الله عليه وسلم ـ على المعاملة الحسنة لهم، حتى في الألفاظ والتعبيرات، فعن أبي هريرة ـ رضي الله عنه ـ أن رسول الله ـ صلى الله عليه وسلم ـ قال: ( لا يقولن أحدكم عبدي وأمتي، كلكم عبيد الله، وكل نسائكم إماء الله، ولكن ليقل غلامي وجاريتي، وفتاي وفتاتي ) ( مسلم )


كان - صلى الله عليه وسلم - يوصي أصحابه بالعفو عن إساءة الخدم وخطئهم .. فعن عبد الله بن عمر ـ رضي الله عنه ـ قال: ( جاء رجل إلى النبي - صلى الله عليه وسلم - فقال: يا رسول الله كم نعفو عن الخادم؟ فصمت، ثم أعاد عليه الكلام فصمت، فلما كان في الثالثة
قال: اعفوا عنه في كل يوم سبعين مرة )( أبو داود )

علينا ان نعاملهم بأحسن معامله
ونعاملهم بما شرع الله في الاسلام
علشان نبين لهم ان احنا المسلمين دينا دين يسر وعفو وتسامح

مظاهر رحمة النبي ـ صلى الله عليه وسلم ـ قد حفلت بها سيرته وحياته، وامتلأت بها شريعته، فرحم الصغير والكبير، والقريب والبعيد، والمرأة والضعيف، واليتيم والفقير، والعبيد والخدم، بل شملت رحمته الحيوان والجماد، وجاء بشريعة كلها خير ورحمة للعباد،
قال تعالى: { وَمَا أَرْسَلْنَاكَ إِلَّا رَحْمَةً لِلْعَالَمِينَ } (الأنبياء:107) ..



مب المفروض احنا المسلمين واحنا ولله الحمد في دوله وماعلينا قصور ان نعاملهم بحسن ومعامله طيبه

تدرين ان بعض الدول المجاوره لين تنادينه بدولته يقول اي
انت قطري ماعليكم قصور

تخيلي وهذا خليجي ف مابالج بالفقير الهندي مسكين

ف كلامي نصح فقط والحمدلله الناس اجناس واصابع ايدنا مب سوى

الله يوفقج للخير

[بومحمد المطاوعه]

مثل لما يقولون يا خدامه
ليش ماينادونها بأسمها ؟


في بعضهم ينادونها خدامه
ولدي محمد كان ينادي الخادمه

يقولها خدامه
هاوشته جدامها وقلت له عيب
قولها روز
اسمها روز

ليش تقول خدامه

تغيرت نظرته والحين الحمدلله يناديها بأسمها بس لو عصب عليها وصاح قالها خدامه ههههههه

ولكن اهي قالت مافي مشكله بابا هذي بي بي

[بومحمد المطاوعه]

بو محمد الله يرضى عليك خليك من النقل اللي مش في محله



مابتحصلين حديث عن الجنسيه اختي
ولكن بتحصلين عن المقصد

لافرق بين عربي ولا عجمي


قالَ رسولُ اللهِ "صـلى اللهُ عليهِ و سلـم " : ( لا فرق بين عربي و لا أعجمي و لا أبيض ولا أسود إلا بالتقوى )
صدقَ رسول الله صلى الله عليه و سلم ...

من هذا القول نستدرج المقاصد اختي

وضحت الصوره

[ضوى]

بو محمد الشرح كله في صوب واللي احنا نقوله في صوب

لما تنادي واحد بجنسيته وانت بنيتك تهينه وتذله هنا اقولك نعم ستوب ، لكن اني اناديه بجنسيته من غير لا كبر ولا تكبر ولا اي نوع من الغطرسة فهنا المووضع موضوع مختلف

ليش مارديت على جزئية بلال الحبشي وسلمان الفارسي رضي الله عنهم وارضاهم ؟؟ اهني الكلام يصير مب على اندونيسية والا بنغاليه والا سيلانية ، مدري وين السخرية والاستهزاء خاصة اذا ماعرف اسمهم !!

وبعدين انا مالمحت ولا صرحت انك تقصد احد بس ياليت وضحت انه اللي يناديهم بجنسياتهم قصده الاساسي السخرية والاستهزاء

[بومحمد المطاوعه]

بصراحة في ناس تتفلسف بالموضوع بشكل ينرفز

اوكي انا معاكم بومحمد جزاه الله خير ما عرف يوصل الرسالة بشكل واضح

لكن في شي اسمه العرف والمتعارف عليه

مثلا لو واحد ببريطانيا جا يعاير واحد بريطاني اصله باكستاني يقوله hey you paki

فعلياً هو ما كذب هو اصله باكستاني لكن المغزى منه المعايره لان المتعارف والعرف بين الناس ان اللي من جنسيات افريقية او اسيوية هم اقل شأن من الاوروبيين

عندنا العرف ان الاسيوي اقل شأن من القطري او الخليجي ولذلك هم يعملون بوظائف بالنسبه لنا ماتصلح لنا ونتكبر عليها

فلما انا اجي اناديه يا نيبالي مهب حلوة ولا هي من اللباقة

عنده اسم ناده باسمه ماتعرف اسمه قوله صديق رفيق اي شي لكن راع احساسه وانه يمكن يتحسس من هالشي

انت يمكن الله منعم عليك بالتواضع وماتحس بفرق بين اي انسان مهما كانت جنسيته لكن يمكن هو يتحسس من هالشي بسبب النظرة الدونية له من الجميع او موقف مر فيه من قبل فالاولى انك تكون انسان ذوق وراقي وتناديه باسمه او بلقب صديق او رفيق وتسأله شنو اسمك وتناديه باسمه مره ثانية لو انك تتعامل معاه دايماً

نقطه ثانية احب اضيفها لموضوعك يابو محمد

مرات يمرون علي ناس يتغشمرون مع التي بوي مثلا او عامل البريد بطريقة فيها احراج له ولا كلمته يقولك ياخي اتغشمر معاه وهو مسكين طيب , لا يبه سلامتك انت تبي تضحكنا عليه ماتبي تتغشمر معاه , وتدري انه ضعيف وماراح يرد عليك


يا ناس خلو عنكم التكبر , ما قلت لكم روح ناسبه او تقرب منه , لكن عالاقل احترم انسانيته وعامله باحترام مثل ماتبي الناس تعاملك

جزاك الله خير يابو محمد وفي ميزان حسناتك ان شاء الله

بارك الله فيك
كفيت ووفيت ياخوي
وقلت الي في قلبي والله
الحمدلله وصلت رسالتي

انا ماوفقت فالطرح لاني في الدوام وقاعد اسمع
واقسم بالله اكلمهم كلهم واتهاوش معاهم واقولهم لاتقولون لهم جذي
لكن عقليات ولا يتعضون ياخوك


الله يجزاك خير ياخوي على المداخله
بيض الله وجهك يالغالي

[ameeer3]

أختي ضوى لو كانت الكنية محببه لدى صاحبها بأسم الجنسية فلا مانع من ذلك ، ولكن الموقف يختلف حين أندى بشخص يكره بالكنية أو الاسم الي ادعى به فهنا فيها كبرياء ، ورسالة ابو محمد جزاه وجزاج مثله كل خير بأن ليش ما أدعي الشخص بأسمه أو الكنية المحببه اليه كما يندى نحنن بأسماءنها وكنيتنها المحببه لدينا

[ضوى]

أختي ضوى لو كانت الكنية محببه لدى صاحبها بأسم الجنسية فلا مانع من ذلك ، ولكن الموقف يختلف حين أندى بشخص يكره بالكنية أو الاسم الي ادعى به فهنا فيها كبرياء ، ورسالة ابو محمد جزاه وجزاج مثله كل خير بأن ليش ما أدعي الشخص بأسمه أو الكنية المحببه اليه كما يندى نحنن بأسماءنها وكنيتنها المحببه لدينا

اخوي امير

شوف بداية موضوعه كان بشكل عادي ، معاك حق لو كان تنابز ومعايرة هذا مرفوض بتاتاً ، بس لما يصير بشكل عادي ومافيه اي غطرسة ماظن يكون في باب السخرية ، عيل وين النيات اللي نرزق عليها ؟

[بومحمد المطاوعه]

بو محمد الشرح كله في صوب واللي احنا نقوله في صوب

لما تنادي واحد بجنسيته وانت بنيتك تهينه وتذله هنا اقولك نعم ستوب ، لكن اني اناديه بجنسيته من غير لا كبر ولا تكبر ولا اي نوع من الغطرسة فهنا المووضع موضوع مختلف

ليش مارديت على جزئية بلال الحبشي وسلمان الفارسي رضي الله عنهم وارضاهم ؟؟ اهني الكلام يصير مب على اندونيسية والا بنغاليه والا سيلانية ، مدري وين السخرية والاستهزاء خاصة اذا ماعرف اسمهم !!

وبعدين انا مالمحت ولا صرحت انك تقصد احد بس ياليت وضحت انه اللي يناديهم بجنسياتهم قصده الاساسي السخرية والاستهزاء

انزين كتبت ان السخريه والاستهزاء

وكتبت البعض يصارخ عليهم

شوفي موضوعي عدل

ان شاءالله برد عليج الحين على جزئيه بلال الحبشي

اقرأي رد اخوي الكواري افهم و اوضح

[ameeer3]

اخوي امير

شوف بداية موضوعه كان بشكل عادي ، معاك حق لو كان تنابز ومعايرة هذا مرفوض بتاتاً ، بس لما يصير بشكل عادي ومافيه اي غطرسة ماظن يكون في باب السخرية ، عيل وين النيات اللي نرزق عليها ؟

ما أختلف معاج في هذا ( والرسالة موجه وواضحه للي نيتهم فيها كبرياء ومعايره طال عمرج ومن جابج الجنة)

[ameeer3]

اعطيج مثال واحد اختي ضوى ، لو نفرض أنه انتي ينادى بك في اي مكان بأسم أم فهد أو أم الخير وهذه الكنية من افضل الكنيات لديكي ، وجاء شخص ثاني ودعاكي بأسمك مثل (ضوى أو حصة)

فأيهما تفضلين يا أختي؟

[ضوى]

اللهم امين

شكرا اخوي امير وضحت الصورة

[ضوى]

تبي المثالية والا الرد الصحيح ؟؟

ماعندي اي مانع باي اسم هو اسمي في الاول او الاخير

[ameeer3]

أول ما تأخذ روح المؤمن عندما يموت (قبل أن يدفن) إلى السموات السبع من قبل الملائكة ، وذلك مروراً بكل سماء فيقول الملك ا(لحارس على كل سماء) للملائكة هذه روح من فيجاب عليه هذي روح فلان (بأحب اسمائة التي يحب أن ينادى بها في الدنيا) مثال على ذلك (هذه روح أبو محمد لو كانت هذه الكنيه محبب عند روح الميت) ثم تفتح لك السماء إذا كانت روحك مؤمنه حتى وصولك إلى السماء السابعه وبعد ذلك يامر الله عز جلاله وتقدست أسماءه بأن ترجع روحك إلى الارض لحين قيام الساعه.

فهنا اردت أن اوضح نقطة مهمة يا امة محمد (صلى الله عليه وسلم) بأن الملائكة تناديك بأحب اسمائك في الدنيا ، فما بالك انت يا بني البشر

باختصار اختي ضوى بعد المذكور أعلاه ما عندي رد ، لان الكلام هنا يحتاج منا وقفت تأمل ، إذا الملائكة يذكرونا بأحب اسمائنا في الدنيا ، فما بالنا احنا البشر فيما بيننا

[بومحمد المطاوعه]

تبي المثالية والا الرد الصحيح ؟؟

ماعندي اي مانع باي اسم هو اسمي في الاول او الاخير


اي ولكن مابترضين لو قالت لج خادمتج ياقطريه
جدام ربعها

بتحسين ان الموضوع فيه غلط
في شي
بتحسين ان يمكن استهزاء عندهم
او شي مثل هذا

ولو قالت لج مدام كان بيمشي الأمر عندج بدون اي حسيه


صح ولا غلطان

[ضوى]

جزاك الله الفردوس الاعلى اخوي الكريم ، وضحت الصورة تماما نفع الله بك

[بومحمد المطاوعه]

له اسم يناديه باسمه والا على أي اساس اهله سموه باسم عشان يكرم والا عشان يهان

صدقتي اختي

بارك الله فيج

كلن له اسم

[ضوى]

اي ولكن مابترضين لو قالت لج خادمتج ياقطريه
جدام ربعها

بتحسين ان الموضوع فيه غلط
في شي
بتحسين ان يمكن استهزاء عندهم
او شي مثل هذا

ولو قالت لج مدام كان بيمشي الأمر عندج بدون اي حسيه


صح ولا غلطان

اشدخل هاي بموضوعك ، اشرايك مرة واحدة في زيلامسي تنادي من بعيد يا خليجين ياخليجين تقصدني انا وزوجي كانت عندها مشكلة وقفتها وقلت لها انتي ليش تستهزئين علينا ؟؟ ان شاء الله تكون فهمت شنهو المقصد يا بو محمد ، المقصد انه الجنسية بحد ذاتها مب سخرية ولا مسبة ، زي اللي يكون قاعد ويشوف مقطع مايعجبه ويقول اووه الا من الجنسية الفلانية ماعليهم شرهه اهني سخرية واهانه

[ameeer3]

جزاك الله الفردوس الاعلى اخوي الكريم ، وضحت الصورة تماما نفع الله بك

وجزيتي مثله طال عمرج ومن جابج الفردوس الاعلى

[بومحمد المطاوعه]

جزئية بلال الحبشي وسلمان الفارسي رضي الله عنهم وارضاهم ؟؟ ا

سلمان الفارسي ـ رضي الله عنه ـ يُكنَّى أبا عبد الله، من أصبهان، عايش المجوسية والنصرانية واليهودية قبيل ظهور الإسلام، وظلَّ يبحث عن الدين الحق إلى أن هداه الله إليه، فأسلم ـ رضي الله

قال الحافظ أبو القاسم بن عساكر : هو سلمان ابن الإسلام ، أبو عبد الله الفارسي سابق الفرس إلى الإسلام ، صحب النبي - صلى الله عليه وسلم - وخدمه وحدث عنه .


بلال بن رباح الحبشي المؤذن، مولى أبي بكر الصديق ، اشتراه ثم أعتقه، وكان له خازنًا، ولرسول الله مؤذنًا، وكان صادق الإسلام، طاهر القلب. واسم أبيه رباح، واسم أمه حمامة

كان يقول عن نفسه تواضعًا: "إنما أنا حبشي، كنت بالأمس عبدًا".

وعن هند امرأة بلال قالت: كان بلال إذا أخذ مضجعه قال: "اللهم تجاوز عن سيئاتي، واعذرني بعلاتي".

[بومحمد المطاوعه]

ameeer3

جزاك الله خير ياخوي ع المشاركه الطيبه
بارك الله فيك

[بومحمد المطاوعه]

جزاك الله خير

وف ميزان حسناتك

الدال على الخير كفاعلة


ويجزاكي ان شاءالله
بارك الله فيج

[بومحمد المطاوعه]

صح كلامك كثير نلحظها النظر للاخرين وخاصة هذول المساكين بنظرة دونية وانك انت احسن منهم ربما يدخل الكبر في قلبك وتحرم من الجنة !


صدقت
البعض يعاملهم معامله تعبانه

[بومحمد المطاوعه]

اشدخل هاي بموضوعك ، اشرايك مرة واحدة في زيلامسي تنادي من بعيد يا خليجين ياخليجين تقصدني انا وزوجي كانت عندها مشكلة وقفتها وقلت لها انتي ليش تستهزئين علينا ؟؟ ان شاء الله تكون فهمت شنهو المقصد يا بو محمد ، المقصد انه الجنسية بحد ذاتها مب سخرية ولا مسبة ، زي اللي يكون قاعد ويشوف مقطع مايعجبه ويقول اووه الا من الجنسية الفلانية ماعليهم شرهه اهني سخرية واهانه

نفس المعنى اختي

القصد
ان ليش نناديهم بجنسياتهم وهم وسطنا ويخدمونا واحنا جايبينهم هنا للعمل ولمكسب رزقهم
مهما كانت ديانتهم
ف الله تعالى يحاسبهم نحن علينا ان ننصحهم ونبين لهم صوره الاسلام بشكل نظيف وطاهر

يمكن سبحان الله يتوب ويسلم

انا اقصد البعض يسيء المعامله بحد ذاته

وبخصوص الي تناديج انتي وريلج
الله اعلم
بمعنى كلامها
او مناداتها

هل سخريه ام طلب شي
ام ماذا
ولكن حسيتي ان الشي غلط صح
يعني ماعرف اوصف لج
بس لو نادتج لو سمحتي
او يا الطيبه

كان افضل من ياخليجيه

[بومحمد المطاوعه]

ماقد مرت علي حد يقول نيبال ولا الهند ولا غيره من الدول


لكن محمد نعم مرت علي
وهم يقصدون انه عبد لله ويفترضون فيه نية الاسلام

ماعرف اذا يجوز ولا لا

بس وعلى نياتكم ترزقون ..

لايجوز ان نقول له محمد
وليش محمد

نقول عبدالله

لان كلنا عبيد الله

[عاشق الشهادة]

ما اشوف فيها تجريح وخاصه اذا ناديته بلطف ومعاها ابتسامه :D
ولا كان قصدي تجريحه ,
تدري بومحمد من فتره شهرين او اقل عملت عمره المهم اول ماوصلت برع مطار جده
رحت اتفاوض مع تكسي :) واول واحد عطاني سعر مبالغ فيه تركتها ورحت حق الي بعده والا اسمع واحد يصارخ يامعتمر يا معتمر
والتفت وراي والا مسؤول التكاسي قصيمي من لهجته يقولي تعال وخذ التاكسي باول الصف قلت له معصي
مع العلم هذا صلخني بالسعر واتركه واكمل مسيري ولا كني اشوفه واخذ سياره لشخص مدني
ويوصلني لين مكه لا وشربني شاي مغربي بالطريق بعد شنهو لذيذ :shy:

[بومحمد المطاوعه]

قلتها يابومحمد

هي المعامله الغير لائقه سر البلا

المفروض كل شخص نعامله عدل ويكون له احترامه بغض النظر عن الاعراق او المناصب او الديانات او غيرها


الله يغفرلنا بس

اللهم امين يارب

جزاكي الله خير

هذي زبده الموضوع كله

[بومحمد المطاوعه]

ما اشوف فيها تجريح وخاصه اذا ناديته بلطف ومعاها ابتسامه :D
ولا كان قصدي تجريحه ,
تدري بومحمد من فتره شهرين او اقل عملت عمره المهم اول ماوصلت برع مطار جده
رحت اتفاوض مع تكسي :) واول واحد عطاني سعر مبالغ فيه تركتها ورحت حق الي بعده والا اسمع واحد يصارخ يامعتمر يا معتمر
والتفت وراي والا مسؤول التكاسي قصيمي من لهجته يقولي تعال وخذ التاكسي باول الصف قلت له معصي
مع العلم هذا صلخني بالسعر واتركه واكمل مسيري ولا كني اشوفه واخذ سياره لشخص مدني
ويوصلني لين مكه لا وشربني شاي مغربي بالطريق بعد شنهو لذيذ :shy:


جزاك الله خير

يامعتمر ابرك واحسن
لو قالي معتمر
ولا يقولي قطري

ليش اتباها اني قطري
او اخلي الغني يستصغرني بأني فقير

او انادي الفقير بأسم غير لائق


بالعكس لو يقولي يا حجي بستانس
بس يقولي ياقطري

يمكن افاتن عليه

[ameeer3]

ameeer3

جزاك الله خير ياخوي ع المشاركه الطيبه
بارك الله فيك

وجزيت مثله يا بومحمد ، والله يكثر من امثالك يا خوي

[بومحمد المطاوعه]

وجزيت مثله يا بومحمد ، والله يكثر من امثالك يا خوي

ويجزاااك يارب
بارك الله فيك

اللهم امين يارب

[وحيد-الشوق]

شوف هالكلمة سمعتها من موظفين الجمارك بحكم كثرة العمالة النيبالية في شركة البيداء

اعذرهم ياخوي لأنه صعب تحفظ اسامهيم كل يوم واحد جديد اهم شيء المعاملة الحسنة وعدم احتقار الشخص اي كانت وظيفته

[بومحمد المطاوعه]

شوف هالكلمة سمعتها من موظفين الجمارك بحكم كثرة العمالة النيبالية في شركة البيداء

اعذرهم ياخوي لأنه صعب تحفظ اسامهيم كل يوم واحد جديد اهم شيء المعاملة الحسنة وعدم احتقار الشخص اي كانت وظيفته

صدقت
وهذا الي حاصل
بحكم عملي

وصدقت المعامله اهم شي
والحمدلله الخير فالكثير ولكن
في ناس للأسف معاملتهم تعبانه

[ودي أكون]

بالنسبه لي..

احترامي لاي شخص هو دليل احترامي لنفسي واحترامي لاخلاقي

فالداوم اناديه باسمه وما ادري ليش يوم اكلمه اقول اسمه وبعدها كلمة الله يخليك.. وحتى فالبيت.. ولله الحمدلله
يعني.. محمد الله يخليك واحد شاي كرك ( اطلب باحراج وادب ) .. ومرات حتى فالبيت والله، سالي سوي لي شوربه الله يخليج .. والفلبينيه اقولها بليز..

واذا برع،، اي هندي اكلمه.. اقوله مدير .. ومرات تكون معاها كلمة الله يخليك، ومرات لا .. ع حسب

[qtr qtr]

اللي يسخر من مكانة الشخص اين كان من مستواه او اصله او فصله .. هذا انسان مريض وعنده عقدة نقص

[Al-Kuwari]

بالنسبه لي..

احترامي لاي شخص هو دليل احترامي لنفسي واحترامي لاخلاقي

فالداوم اناديه باسمه وما ادري ليش يوم اكلمه اقول اسمه وبعدها كلمة الله يخليك.. وحتى فالبيت.. ولله الحمدلله
يعني.. محمد الله يخليك واحد شاي كرك ( اطلب باحراج وادب ) .. ومرات حتى فالبيت والله، سالي سوي لي شوربه الله يخليج .. والفلبينيه اقولها بليز..

واذا برع،، اي هندي اكلمه.. اقوله مدير .. ومرات تكون معاها كلمة الله يخليك، ومرات لا .. ع حسب

ارحم الله والديج , جبتيها بأختصار

[بومحمد المطاوعه]

الله يسعدكم مثل ما اسعدتموني
فالردود الطيبه


رحم الله والديكم جميعآ
راجع لكم ان شاءالله

[بومحمد المطاوعه]

اللي يسخر من مكانة الشخص اين كان من مستواه او اصله او فصله .. هذا انسان مريض وعنده عقدة نقص

الله يشفيهم ياخوي
والله يهديهم يارب

[naklan]

شوف يا اخوي ابو محمد الأفضل تسميته باسمه
وإذا ما تعرف اسمه قول له بهدور نص النيباليين في
اسمهم بهادور وتعني شيخ نفس البتان خان بس
لازم التعامل باحترام للكل سواسيه فكل هذا
يعطي انطباع طيب عنك وعن بلدك
وعن المسلمين جميعا جزاك الله
خير على النصح

[POINT]

بالنسبه لي..

احترامي لاي شخص هو دليل احترامي لنفسي واحترامي لاخلاقي

فالداوم اناديه باسمه وما ادري ليش يوم اكلمه اقول اسمه وبعدها كلمة الله يخليك.. وحتى فالبيت.. ولله الحمدلله
يعني.. محمد الله يخليك واحد شاي كرك ( اطلب باحراج وادب ) .. ومرات حتى فالبيت والله، سالي سوي لي شوربه الله يخليج .. والفلبينيه اقولها بليز..

واذا برع،، اي هندي اكلمه.. اقوله مدير .. ومرات تكون معاها كلمة الله يخليك، ومرات لا .. ع حسب

اختصرت علي كلام كثير بارك الله فيك
فعلا انا نفس الشي. لما اطلب شي لازم كلمة الله يخليك او بليز من باب الذوق و الأدب*

[Aaziz]

السلام عليكم


على سالفه ينادي الهندي باسم محمد .. كنت مع اخوي الصغير مادري وين رايحيين ،، و وقفنا بالسياره عند دكان نطلب اغراض ،، ولا ينادي الهندي (محمد) اقول في خاطري ،، امششش شهالصدفه وقفت عند دكان و طلع اخوي يعرف الهندي . احسب مناديه محمد انه يعرف الهندي من قبل وفعلا اسمه محمد
لين مع الايام صدت السالفه.
ضد هالتسميه بصراحه ،، حتى لوكان الهندي مسلم او غير مسلم ،،، تنزيه باسم رسولنا الكريم .. تزعل لو تشوف شخص هابط و يحمل نفس اسمك فما بالك باسم الرسول عليه الصلاه و السلام

[دايموند]

صح ليش الاغلب ينادي العامل باسم محمد ؟!!

انا اناديهم رفيق هههه

[رهج السنابك]

اتفق معاك لان البعض قصده اهانه
مثل بعض الناس يقولون للمصري هيه يا مصري انت يا مصري وواضح المقصد هو التحقير وتصغير الشأن
حتى انا ماحب اجنبي يقول لي يا كتريه لو كنت برا بلادي
في السعوديه مثلا واحد قهرني شرطي كان ينادي اخوي يا قطري وقف
حتى لو مايعرف الاسم ممكن يقول يا اخ يا اخوي يا اللي لابس كركوشه اهون من انه يناديه بجنسيته

[مختلفة عقليا]

السلام عليكم

الله اعلم بالنوايا ., يا بومحمد اذا كان القصد (( اهانه )) فهاي الشخص مريض ودوه يتعالج علي احسابي ^^

اما اذا الموضوع اختصار او ما يحظره الاسم او بس جيه ., والله شرف لي ينادوني يا قطريه والا قطر افتخر في هالشي ..

بس الممتع في الموضوع ان (( الله يعلم ما تخفي الصدور )) ف المجال مافيه ترقيع او اخفاء

ويسلموو

[بومحمد المطاوعه]

السلام عليكم

الله اعلم بالنوايا ., يا بومحمد اذا كان القصد (( اهانه )) فهاي الشخص مريض ودوه يتعالج علي احسابي ^^

اما اذا الموضوع اختصار او ما يحظره الاسم او بس جيه ., والله شرف لي ينادوني يا قطريه والا قطر افتخر في هالشي ..

بس الممتع في الموضوع ان (( الله يعلم ما تخفي الصدور )) ف المجال مافيه ترقيع او اخفاء

ويسلموو

وعليكم السلام

محد يعلم نوايا اي انسان غير الله تعالى
ولكن المفروض نحسن المعامله مهما كنا

والبعض يهيين ويستصغر الفقير المسكين

وبخصوص الترقيع واخفاء مافي الصدور
هذي وايد بتشوفينها

مثل الي يسوي المنكر ويتكلم بصفه انه يخاف الله
وهو يجعل الله اهون الناظرين له في الفساد


تحياتي

[بومحمد المطاوعه]

اتفق معاك لان البعض قصده اهانه
مثل بعض الناس يقولون للمصري هيه يا مصري انت يا مصري وواضح المقصد هو التحقير وتصغير الشأن
حتى انا ماحب اجنبي يقول لي يا كتريه لو كنت برا بلادي
في السعوديه مثلا واحد قهرني شرطي كان ينادي اخوي يا قطري وقف
حتى لو مايعرف الاسم ممكن يقول يا اخ يا اخوي يا اللي لابس كركوشه اهون من انه يناديه بجنسيته

عليج نور

وبخصوص الشرطي ف الحسا
الاغلبيه جذي

ينادي ياقطري

انا اسفهه له ولا اعطيه ويه

بس اما يقولي يالي لابس كركوشه
مب احسن له

تحياتي

[الســيل]

موضوع جميل والله يعطيك العافية يابو محمد

انا ماناديه الا يامدير اذا ماعرفه

حتي امس جبت كهربائي للبيت يسوي لي كم شغله

بعد ماخلص رجعته لمحله

يوم رديت البيت والا ولدي الصغير يقولي ليش تروح مع المدير وماتاخذني :)

[بومحمد المطاوعه]

بالنسبه لي..

احترامي لاي شخص هو دليل احترامي لنفسي واحترامي لاخلاقي

فالداوم اناديه باسمه وما ادري ليش يوم اكلمه اقول اسمه وبعدها كلمة الله يخليك.. وحتى فالبيت.. ولله الحمدلله
يعني.. محمد الله يخليك واحد شاي كرك ( اطلب باحراج وادب ) .. ومرات حتى فالبيت والله، سالي سوي لي شوربه الله يخليج .. والفلبينيه اقولها بليز..

واذا برع،، اي هندي اكلمه.. اقوله مدير .. ومرات تكون معاها كلمة الله يخليك، ومرات لا .. ع حسب

بارك الله فيج اختي
وجزاكي الله خير الجزاء

وصدقتي بكلمتج احترامي لأي شخص هو دليل احترامي لنفسي واحترامي لاخلاقي

هذا يكفي بالأساس

رحم الله والديج

[بومحمد المطاوعه]

موضوع جميل والله يعطيك العافية يابو محمد

انا ماناديه الا يامدير اذا ماعرفه

حتي امس جبت كهربائي للبيت يسوي لي كم شغله

بعد ماخلص رجعته لمحله

يوم رديت البيت والا ولدي الصغير يقولي ليش تروح مع المدير وماتاخذني :)

الله يعافيك اخوي
بارك الله فيج وجزاك الله خير
والله يجعل ولدك من البارين والصاليحن

سبحان الله
شفتو اشلون الولد تعلم من ابوه

الله يحفظكم يارب

[بومحمد المطاوعه]

شوف يا اخوي ابو محمد الأفضل تسميته باسمه
وإذا ما تعرف اسمه قول له بهدور نص النيباليين في
اسمهم بهادور وتعني شيخ نفس البتان خان بس
لازم التعامل باحترام للكل سواسيه فكل هذا
يعطي انطباع طيب عنك وعن بلدك
وعن المسلمين جميعا جزاك الله
خير على النصح

صادق
انا اشوف البعض يقول بهدور
بس نادر اسمعها
على بالي اسمه الشخصي
بهدور


ويجزاك كل خير ياخوي
بارك الله فيك

[بومحمد المطاوعه]

اختصرت علي كلام كثير بارك الله فيك
فعلا انا نفس الشي. لما اطلب شي لازم كلمة الله يخليك او بليز من باب الذوق و الأدب*

بارك الله فيك ياخوي
وجزاك ربي الجنه

[بومحمد المطاوعه]

السلام عليكم


على سالفه ينادي الهندي باسم محمد .. كنت مع اخوي الصغير مادري وين رايحيين ،، و وقفنا بالسياره عند دكان نطلب اغراض ،، ولا ينادي الهندي (محمد) اقول في خاطري ،، امششش شهالصدفه وقفت عند دكان و طلع اخوي يعرف الهندي . احسب مناديه محمد انه يعرف الهندي من قبل وفعلا اسمه محمد
لين مع الايام صدت السالفه.
ضد هالتسميه بصراحه ،، حتى لوكان الهندي مسلم او غير مسلم ،،، تنزيه باسم رسولنا الكريم .. تزعل لو تشوف شخص هابط و يحمل نفس اسمك فما بالك باسم الرسول عليه الصلاه و السلام


بارك الله فيك اخوي
وجزاك الله خير

صدقت والله
لو وقفت عند بقاله وجنبك واحد من ربعك اسمه احمد

وتنادي صاحب البقاله
يا احمد
يقولك تعرفه .!

اقوله لا
يقول ليش تقوله احمد
تخيل يعصب

ف مابالك بأسم حبيبنا صل الله عليه وسلم

للأسف والله

تحياتي

[بومحمد المطاوعه]

صح ليش الاغلب ينادي العامل باسم محمد ؟!!

انا اناديهم رفيق هههه


البعض
جاهل

لو فيه خير
خل يناديه بأسم ابوه ولا بأسم ولده
ماتهون عليه

[طبيب قطري]

موضوع مهم، وهالفئه للاسف منتشره البعض ينادي العامل باسم محمد ، حتى الحريم ، اذكر كنت عند الخياط من كم اسبوع الادشت مره تبي تستلم ثوب المدرسه حق ولدها ونادت الخياط باسم محمد مع ان الخياط اسمه جميل!
وايضا كثير ينادون العمال باسم بلادهم: يالمصري يابنجالي يانيبالي.. الموضوع فيه تعالي وطبقيه مالهم اي داعي للاسف يعني كانه اذا ناداه باسم بلاده العامل بيخاف ويسويله حساب ويشتغل احسن!!

[نفسي عزيزه]

قوله مدير افضل ويستانس

[الواثق باالله]

الله يجزيك الخير أخوي بو محمد

موضوعك بمحله ومهم جداً

الأفضل الواحد ينادي أي شخص أجنبي مايعرف اسمو فرند أو مديرعلى حسب عاد

[مشاكل]

قوله مدير افضل ويستانس

المشكلة اذا قلت له مدير جيب قهوة احسها مب راكبه مدير ومقهوي :omen2:
احسن شي تناديه باسمه واذا ماتعرف اسمه قول صديق او رفيج
ويخصوص اللي يقول ليش البعض ينادي الصبي باسم محمد ،،، السبب ان البنغال اساميهم مركبة قبل اسمه لازم يكون اسم محمد مثال على ذلك واحد اسمه جمشيد في بنغلادش يسمونه محمد جمشيد
عاد ربعنا قاموا يسمون اي صبي او عامل باسم محمد حتى الفتنامي يسمونه محمد :rolleyes2:

[بريق الحق]

انا اقوله حبيبي شرايكم فيني رومانسي صح (:

[بومحمد المطاوعه]

انا اقوله حبيبي شرايكم فيني رومانسي صح (:

كفو عليك
هههههه

رومنسي بالقو

[بوحارب]

نيبالي مدير كبير جيب واحد كرك سكر وسط :)

[ناصر30]

قول له رفيق صديق مدير وش بتخسر

وبعدين انا اناديه باسمه ماينقصنى شي

بعدين اذا يتعامل معاك باستمرار اعتقد

سهل تسال وش اسمك وخلاص


يمكن فيه ناس يقولها باستهزاء او انتقاص

ويمكن البعض ماخذها بحسن نيه



موضوعك ف محله بو محمد


بيض الله وجهك

[مضارب دوسري]

احسن شي قول له يا صدييييييييييييييق

انا اناديه اذا ما اعرف اسمه يا مدير

[نفسي عزيزه]

وانا مثلك يامضارب اناديه مدير

[مضارب دوسري]

بس على فكره بعضهم اسماءهم تغث
20 حرف او اكثر خصوصا اسيا :(

مثلا عندنا فالشركه مسؤولي المباشر اسمه انبازغان كولنديفال مدري شنو عقب
ومتاكد اني كتبت الاسم غلط

قلت له من فتره اسمك صعب انطقه شسميك
قالي نادني انبا
قلت انبا انبا ماعندك مشاكل هههههههه

[نمر بن عدوان]

قصدك واضح اخوي والي يقول مافيها شي عيل لو احد امه مصريه او هنديه عادي نناديه ياولد المصريه او ولد الهنديه المفروض مايزعل .لكن هالشي فيه تجريح وتعالي حتى لو كانت النيه طيبه

[بومحمد المطاوعه]

انا اناديه اذا ما اعرف اسمه يا مدير

بارك الله فيك ياخوي
وجزاك الله خيرر:)

ع الاقل يوصل عندك واهو مبتسم

تزرع الابتسامه ف وجهه
هذا تكفي

[بومحمد المطاوعه]

قول له رفيق صديق مدير وش بتخسر

وبعدين انا اناديه باسمه ماينقصنى شي

بعدين اذا يتعامل معاك باستمرار اعتقد

سهل تسال وش اسمك وخلاص


يمكن فيه ناس يقولها باستهزاء او انتقاص

ويمكن البعض ماخذها بحسن نيه



موضوعك ف محله بو محمد


بيض الله وجهك

ووجهك ابيض ياخوي
وجزاك الله خير

صدقت والله
ماعتقد الموضوع فيه صعوبه
لحفظ الأسم
او لأستخدام طرق ثانيه

مثلا مدير او صديق

تحياتي

[بومحمد المطاوعه]

نيبالي مدير كبير جيب واحد كرك سكر وسط :)

هههههههههه
عاد انت مخك مجييييييييييم
مافي امل تتغير:nice:


3 كرك دبل سكر يالذيب

[بومحمد المطاوعه]

المشكلة اذا قلت له مدير جيب قهوة احسها مب راكبه مدير ومقهوي :omen2:
احسن شي تناديه باسمه واذا ماتعرف اسمه قول صديق او رفيج
ويخصوص اللي يقول ليش البعض ينادي الصبي باسم محمد ،،، السبب ان البنغال اساميهم مركبة قبل اسمه لازم يكون اسم محمد مثال على ذلك واحد اسمه جمشيد في بنغلادش يسمونه محمد جمشيد
عاد ربعنا قاموا يسمون اي صبي او عامل باسم محمد حتى الفتنامي يسمونه محمد :rolleyes2:

اذا كان مسلم ياخوي
يسمونه محمد

يعني له اسمين

مثلا
محمد عثمان
محمد علي

جذي

الله المستعان ياخوك
مصيبه والله

[بومحمد المطاوعه]

الله يجزيك الخير أخوي بو محمد

موضوعك بمحله ومهم جداً

الأفضل الواحد ينادي أي شخص أجنبي مايعرف اسمو فرند أو مديرعلى حسب عاد

ويجزاك يارب كل خيرر


بارك الله فيك ياخوي
وصدقت :)
تحياتي

[بومحمد المطاوعه]

قوله مدير افضل ويستانس

اي والله صدقت
يضحك ويبتسم

:)

[بومحمد المطاوعه]

موضوع مهم، وهالفئه للاسف منتشره البعض ينادي العامل باسم محمد ، حتى الحريم ، اذكر كنت عند الخياط من كم اسبوع الادشت مره تبي تستلم ثوب المدرسه حق ولدها ونادت الخياط باسم محمد مع ان الخياط اسمه جميل!
وايضا كثير ينادون العمال باسم بلادهم: يالمصري يابنجالي يانيبالي.. الموضوع فيه تعالي وطبقيه مالهم اي داعي للاسف يعني كانه اذا ناداه باسم بلاده العامل بيخاف ويسويله حساب ويشتغل احسن!!

صدقت ياخوي

عقليات ياخوي
الله يهديهم ويصلح حالهم

الحمدلله على كل حال

تحياتي لك:)

[بومحمد المطاوعه]

قصدك واضح اخوي والي يقول مافيها شي عيل لو احد امه مصريه او هنديه عادي نناديه ياولد المصريه او ولد الهنديه المفروض مايزعل .لكن هالشي فيه تجريح وتعالي حتى لو كانت النيه طيبه



والله اتحداه مايزعل

يمكن يسوي لهم حفله بدون كيك
ماعليك منهم اخوي
محد يرضاها على نفسه
حتى لو قلت له ياقطري
بيقولك ليش ماعندي اسم ..!

جزاك الله خير ياخوي

[بومحمد المطاوعه]

بس على فكره بعضهم اسماءهم تغث
20 حرف او اكثر خصوصا اسيا :(

مثلا عندنا فالشركه مسؤولي المباشر اسمه انبازغان كولنديفال مدري شنو عقب
ومتاكد اني كتبت الاسم غلط

قلت له من فتره اسمك صعب انطقه شسميك
قالي نادني انبا
قلت انبا انبا ماعندك مشاكل هههههههه

ههههههههههههه

احلى شي انبا
اختصار
وهو راضي اهم شي

مدام قلت له
جزاك الله خير

غيرك بيقولك محمد
للأسف :weeping:

[يمامـة]

خدامة بيت ابوي الفلبينية اناديها فلبينوو.. لان اسمها نفس اسم اختي..
فما اشوفها تزعل ولا اتشل بخاطرها..

بس في المقابل هل لو لقيتها تزعل بردد فلبينو؟

مرات الامور تكون ابسط من البساطة ومرات تكون معقدة لدرجة تتحسف ليش ناديتهم باسامي بلدانهم!!

لذلك حسب تقبل الاطراف الثانية لمناداتهم باسامي بلدانهم نقيس الضرر من عدمه..

فلو العامل النيبالي يضايقه هالشي بلاه.. اما لو كان يدخل السرور على قلبه فشنهو المانع
من مناداته بالنيبالي..

اهم ما في الموضوع ان النية ما تكون مبنية على التنابز بالالقاب للتقليل منهم..

[دااانة قطر]

انا اشوف من حسن معااملة العاامل مناداته باسمه أو مثل ماتفضلوا بعض الإخواان مدير
ذكرتوني بالعم رجب من وعيت عالدنيا وكل ماغيرنا صبغ البيت يجينا وشغله من احسن مايمكن
ولأنه كبير كنا نناديه عم رجب الله يحفظه وين ماكان

[يمامـة]

ههههههههههههه

احلى شي انبا
اختصار
وهو راضي اهم شي

مدام قلت له
جزاك الله خير

غيرك بيقولك محمد
للأسف :weeping:

بخصوص اسم محمد..

اصف مع اللي يرفضون منادات الرجال باسم محمد سواء كان مسلم ولا غير مسلم..
اذا رفيق هو اللقب المتعارف عليه ... فليش نخلي اسم محمد هو المتعارف عليه للجميع
المسلم وغير المسلم؟

[بومحمد المطاوعه]

بخصوص اسم محمد..

اصف مع اللي يرفضون منادات الرجال باسم محمد سواء كان مسلم ولا غير مسلم..
اذا رفيق هو اللقب المتعارف عليه ... فليش نخلي اسم محمد هو المتعارف عليه للجميع
المسلم وغير المسلم؟

عليج نور
وانا هاي كلامي بالأساس في صلب الموضوع

ليش نقوله محمد .؟

[بومحمد المطاوعه]

انا اشوف من حسن معااملة العاامل مناداته باسمه أو مثل ماتفضلوا بعض الإخواان مدير
ذكرتوني بالعم رجب من وعيت عالدنيا وكل ماغيرنا صبغ البيت يجينا وشغله من احسن مايمكن
ولأنه كبير كنا نناديه عم رجب الله يحفظه وين ماكان

اللهم امين
الله يحفظه ويحميه
ويحمي الجميع يارب

بارك الله فيج يالشيخه

[يمامـة]

عليج نور
وانا هاي كلامي بالأساس في صلب الموضوع

ليش نقوله محمد .؟

ضد ..
واقول لهم لا تقولون محمد..

[أم محمد 90]

هههههههههههههههههههه اييييي ع طاري اسم محمد

والله انصصصصدم لما يدشون حريم الخياط يقولون له محمد ومشكله مب خياط واحد
يعني خياط عبي
ثياب
فساتين

كله محمد والمصيبة اعرف اسمه مش محمد

والغباء ان لين قالو محمد قال نعم مدام ههههههههههههههههه

[بومحمد المطاوعه]

ضد ..
واقول لهم لا تقولون محمد..

كفو عليج

ادري ضد
ولكن ليش هالناس ماتتغير

[بومحمد المطاوعه]

هههههههههههههههههههه اييييي ع طاري اسم محمد

والله انصصصصدم لما يدشون حريم الخياط يقولون له محمد ومشكله مب خياط واحد
يعني خياط عبي
ثياب
فساتين

كله محمد والمصيبة اعرف اسمه مش محمد

والغباء ان لين قالو محمد قال نعم مدام ههههههههههههههههه

ههههههههه
عاد مانقول غباء

مسكين بعد شتبينه يقول
لو قال مافي محمد
بيسبونه
البعض عليهم لسان

والعياذ بالله

[يمامـة]

كفو عليج

ادري ضد
ولكن ليش هالناس ماتتغير

لانهم ما يبون يتغيرون وهالامر عادي عندهم ومافيه تعدي على الاخرين..

قرأت فيما قرأت كانوا مسوين حملة في السعودية لرفض اطلاق اسم محمد على الجميع
ولقيت في ناس يعتبرون مناداة الاخرين باسم محمد بأنهم يكرمون رسولنا الكريم ويحببون الناس
في الدخول الى الاسلام!!!!!!!!

[راعي ال VXR]

اللي يسخر من مكانة الشخص اين كان من مستواه او اصله او فصله .. هذا انسان مريض وعنده عقدة نقص

وازيدك على كلامك محتاج درووس في الدين والاخلاق وكيف يعامل الناس /ومثل مايقول المتكبر كالواقف على الجبل يرى الناس صغاراً ويرونه صغيراً. بارك الله فيك شكرا
على البصمه الطيبه ياالطيب

بومحمد الدال على الخير كفاعله تنبيه وتذكير لاخواننا وجزاك الله خير

[بومحمد المطاوعه]

خدامة بيت ابوي الفلبينية اناديها فلبينوو.. لان اسمها نفس اسم اختي..
فما اشوفها تزعل ولا اتشل بخاطرها..

بس في المقابل هل لو لقيتها تزعل بردد فلبينو؟

مرات الامور تكون ابسط من البساطة ومرات تكون معقدة لدرجة تتحسف ليش ناديتهم باسامي بلدانهم!!

لذلك حسب تقبل الاطراف الثانية لمناداتهم باسامي بلدانهم نقيس الضرر من عدمه..

فلو العامل النيبالي يضايقه هالشي بلاه.. اما لو كان يدخل السرور على قلبه فشنهو المانع
من مناداته بالنيبالي..

اهم ما في الموضوع ان النية ما تكون مبنية على التنابز بالالقاب للتقليل منهم..


اختي اليمامه حتى لو كانت
الخادمه مثل اسم اختج
وين المشكله ..؟

تأكدي ان العامل مسكين
مايقدر يعترض
يخاف
ماله سلطه علينا
ولا له كلمه في اي مكان

بيتقبل وهو مكسووور من داخله
بيتقبل لان يخاف على اكل عيشه

مابيتكلم

الا اذا احنا حسينا بنفسنا
امسكي عام او خادمه وقولي لها خل تفتح قلبها لج بتشوفين والله شاله هموم العالم والتعامل

انا سألت كم عامل في منهم الي عادي عنده ولا مفتكر وفي منهم الي متحسس وكاتم يقول اخاف اتكلم يشلوني من هني

ف ليش مانعاملهم بالطيب وخلاص

مب لازم ننتظر رده فعل احد فيهم علشان نششوف شلون اناديهم

[بومحمد المطاوعه]

لانهم ما يبون يتغيرون وهالامر عادي عندهم ومافيه تعدي على الاخرين..

قرأت فيما قرأت كانوا مسوين حملة في السعودية لرفض اطلاق اسم محمد على الجميع
ولقيت في ناس يعتبرون مناداة الاخرين باسم محمد بأنهم يكرمون رسولنا الكريم ويحببون الناس
في الدخول الى الاسلام!!!!!!!!

مايببون يتغيرون
نغيرهم
نعلمهم
ننصحهم

ومن قال مافيها شي

وبخصوص الي يقولج والله انا اكرم رسولنا الكريم صل الله عليه وسلم
مب معناتها اسمي بأسمه على الساقط واللاقط

شدرانا هذا الي جدامي مسلم او غير مسلم

اشدراني اذا كان انسان فيه صفات الأسلام

ليش الي ينادي اي هندي ولا اي شخص قدامه
يقوله محمد

ليش مايناديه بأسم ابوه ولا اسم اخوه ولا ولده

محد بينادي بيقول لا

بس اسم محمد عادي


ماعليج من هالكلام
لو الواحد فيه خير
ينادي اي عامل بأسم ابوه ولا ينادي خدامته بأسم امه

هني بتعرفين اذا كان يقدر او لا

[بومحمد المطاوعه]

وازيدك على كلامك محتاج درووس في الدين والاخلاق وكيف يعامل الناس /ومثل مايقول المتكبر كالواقف على الجبل يرى الناس صغاراً ويرونه صغيراً. بارك الله فيك شكرا
على البصمه الطيبه ياالطيب

بومحمد الدال على الخير كفاعله تنبيه وتذكير لاخواننا وجزاك الله خير

صادق والله
المفروض يتعضون ويتعلمون


ويجزاك ياخوي
بارك الله فيك الله يسعدك

[captin]

لو ربعنا فكروا وحطوا نفوسهم مكان هذا العامل
المتغرب اللي تارك اهله وبلاده ويشتغل ليل نهار وقابل الذل
والمهانة على نفسة عشان لقمة العيش وعشان اسرة فقيرة

جان احترموا باقي عباد الله ونادوهم بأسمائهم الحقيقة او بالقاب مقبولة .

لكن كثرة المال والغرور والتكبر على باقي الجنسيات والخلق
خلاهم ينادون العمال والخدم باسماء ومسميات فيها نوع من الاحتقار .

[حسن]

وايد وايد وايد وايد وايد

ردود


وش صيفيتو عليه بنغالي ولا نيبالي

صلح واحد سندويش بيض جبن فلفل زياده

:telephone:

[دااانة قطر]

لو ربعنا فكروا وحطوا نفوسهم مكان هذا العامل
المتغرب اللي تارك اهله وبلاده ويشتغل ليل نهار وقابل الذل
والمهانة على نفسة عشان لقمة العيش وعشان اسرة فقيرة

جان احترموا باقي عباد الله ونادوهم بأسمائهم الحقيقة او بالقاب مقبولة .

لكن كثرة المال والغرور والتكبر على باقي الجنسيات والخلق
خلاهم ينادون العمال والخدم باسماء ومسميات فيها نوع من الاحتقار .



كفيت ووفيت

[بومحمد المطاوعه]

لو ربعنا فكروا وحطوا نفوسهم مكان هذا العامل
المتغرب اللي تارك اهله وبلاده ويشتغل ليل نهار وقابل الذل
والمهانة على نفسة عشان لقمة العيش وعشان اسرة فقيرة

جان احترموا باقي عباد الله ونادوهم بأسمائهم الحقيقة او بالقاب مقبولة .

لكن كثرة المال والغرور والتكبر على باقي الجنسيات والخلق
خلاهم ينادون العمال والخدم باسماء ومسميات فيها نوع من الاحتقار .



صادق بارك الله فيك
وجزاك الله خير الجزااء:)

[بومحمد المطاوعه]

وايد وايد وايد وايد وايد

ردود


وش صيفيتو عليه بنغالي ولا نيبالي

صلح واحد سندويش بيض جبن فلفل زياده

:telephone:


صلح لي واحد

مضبي لحم

[يمامـة]

اختي اليمامه حتى لو كانت
الخادمه مثل اسم اختج
وين المشكله ..؟

تأكدي ان العامل مسكين
مايقدر يعترض
يخاف
ماله سلطه علينا
ولا له كلمه في اي مكان

بيتقبل وهو مكسووور من داخله
بيتقبل لان يخاف على اكل عيشه

مابيتكلم

الا اذا احنا حسينا بنفسنا
امسكي عام او خادمه وقولي لها خل تفتح قلبها لج بتشوفين والله شاله هموم العالم والتعامل

انا سألت كم عامل في منهم الي عادي عنده ولا مفتكر وفي منهم الي متحسس وكاتم يقول اخاف اتكلم يشلوني من هني

ف ليش مانعاملهم بالطيب وخلاص

مب لازم ننتظر رده فعل احد فيهم علشان نششوف شلون اناديهم

المشكلة يا اخوي بو محمد مب انها نفس اسم اختي وهالشي مب غلط ولا عيب..

لكن المشكلة لو ناديت فطووم واقصد اختي تييني هي.. واذا قلت فطووم وانا ابيها ما اترد علي..

فمن اهنيه لما اناديها فطووم الفلبينية تفهم اني اناديها.. ومع الايام صرت اقول لها فلبينوو
تقول لي هاااااا شنوو.. مب نعم بعد..

يعني العلاقة اللي بيننا اسمحت لنا ان نوصل لهمرحلة من الكلام.. فهل هااااه هذي مقبولة بشكل عام؟
لا طبعا بس ما بين اللي بينهم عشرة و ممكن تعصب الخادمة عادي تقول هاااا..

لكن لو بالفعل هالشي يضايقها .. من الافضل عدم مناداتهم..
وحلوو بعد لو حاولنا ان ما اناديهم كلش خير شر الا باساميهم!!

[بومحمد المطاوعه]

المشكلة يا اخوي بو محمد مب انها نفس اسم اختي وهالشي مب غلط ولا عيب..

لكن المشكلة لو ناديت فطووم واقصد اختي تييني هي.. واذا قلت فطووم وانا ابيها ما اترد علي..

فمن اهنيه لما اناديها فطووم الفلبينية تفهم اني اناديها.. ومع الايام صرت اقول لها فلبينوو
تقول لي هاااااا شنوو.. مب نعم بعد..

يعني العلاقة اللي بيننا اسمحت لنا ان نوصل لهمرحلة من الكلام.. فهل هااااه هذي مقبولة بشكل عام؟
لا طبعا بس ما بين اللي بينهم عشرة و ممكن تعصب الخادمة عادي تقول هاااا..

لكن لو بالفعل هالشي يضايقها .. من الافضل عدم مناداتهم..
وحلوو بعد لو حاولنا ان ما اناديهم كلش خير شر الا باساميهم!!
ههههههههههه اهم شي ها شنو

اذا العلاقه بينكم قويه شي ثاني اختي
يعني مثلي انا مع دريول البيت اسمه ابراهيم

نفس اسمي
اناديه محمد لان اسمه محمد ابراهيم
مادري ابراهيم محمد

اسمين لهم الهنود

غير اسم ابوه
ومع ان اسمه محمد

اسم ابوي الله يرحمه محمد و ولدي محمد

يا اقوله حموود اذا مثلآ معصب عليه
او اناديه محمد وبعض الاحيان
جارجو بيس هههههه
هذي اذا كنت طالب منه شي وماسواه
احوس اذنه
طبعآ كل هذي غشمره مب اهانه له ولا استهبل عليه
وجدام ربعي اناديه ابراهيم يقولون لي ربعي اشلون تقوله ابراهيم نفس اسمك اقوله اي عادي
وين المشكله


يعني اذا الميانه طايحه بحكم اني ما استصغره جدام ربعي
عادي اهم شي اهو مستانس يكون معاي

[بانغ بانغ]

شيخنا اتوقع هذول الناس اذا ناديت الواحد فيهم بلقب للمزح مثل حميدو او شمسو او علمو

يستانسون لانهم يعتبرونه ود وليس عنصرية

المهم عرفنا اسمك الصجي !!!!

[بومحمد المطاوعه]

شيخنا اتوقع هذول الناس اذا ناديت الواحد فيهم بلقب للمزح مثل حميدو او شمسو او علمو

يستانسون لانهم يعتبرونه ود وليس عنصرية

المهم عرفنا اسمك الصجي !!!!

الشيخ من جابك ياخوي

الله اعلم
ولكن
لانفضل هذا التعامل مع اي عامل

لو بينك وبينه ميانه شي ثاني


وعلى طاري اسمي
لو تبي احط السيفي
بحط


ماعندي اي مشكله طال عمرك
رجال صريح واحب الصراحه

الله يجزاك خيررر

[bohilal191]

سواء نيبالي ولا هندي اناديهم مدير

[بومحمد المطاوعه]

سواء نيبالي ولا هندي اناديهم مدير

بارك الله فيك
جزاك الله خيرر