:: جلسة تداول الخميس بتاريخ 05/03/2015 ::

[ahmed saleh]

ازدان محترمه الدعم مظبوووط

[نمر بن عدوان]

ازدان انا مقروص منها وماعاد ادانيها
شرايك يابن عدوان عاد انا من متابعينك وشورك مايمر مرور الكرام عندي
تهقى اتخارج من اللي عندي واطب في فودا

ماعليه بس السهم سعره مناسب وللحين ماوزع واشوف سعره مناسب 15.60 . على العموم اذا كنت مصمم ماتاخذ في ازدان عيل بيع شوي في الاجاره وخذ فودا وقسم على ثلاث شركات . الي تطلع شوتها ورجع اشتر في الشركه الي ماطلعت

[نمر بن عدوان]

من شوي كااان حجم التداول بالمتحدة للتنمية 300 ألف
مره وحده تدبل 600 ألف
شلون يصير ..؟

ممكن صفقه خاصه او بيع على الu

[الموج الأزرق]

هلا بالمختفي
وينك يالغالي

محتاجين تواجدك فالجلسه

هلا ومرحبا بك اخوي مضارب دوسري .. وما شاء الله عليك صياد ماهر ... :victory:

والله مرات يجيني ضغط عمل وما ألحق ... لكني بتواصل معاكم ان شاء الله بالمختصر المفيد وما راح نقصر

نسأل الله عزوجل التوفيق

[بوشهد22]

تم الشراء بازدان

[غريب الدّار]

تم الشراء بازدان

الله يبارك لك اخوي وتشوف السهم واصل الف ريال

الله كريم

[نمر بن عدوان]

هدوء تردد حيره من الطرفين بنتظار تغلب احدهم على الاخر

[بوشهد22]

بعيد عن التحليل والمنطقيه عندي احساس قوي انه الاسبوع الجاي بيكون اخضر قوي

[بحر شرق]

المتحده اخيراً ارتفعت عشر دراهم،،،:rolleyes2:

[H H]

مزايا اعلانها متى ؟

[غريب الدّار]

اتخبرون راعي ال 100 الف سهم اللي كل شوي نلاقيه داخل في سهم يرفعه شوي وساعات يصرف؟

ماتلاحظون انه غايب صار له فترة ؟

:)

عسى المانع خير

[بوشهد22]

الله يسلمك ياغريب الدار

[ahmed saleh]

ياسلام لو المؤشرر يغلق مرتفع فقط عشر نقاط فقط
يبقي مظبوط تمام التمام

[بوشهد22]

ويبارك لك ويرزقك اضعاف ماتتمنى

[نمر بن عدوان]

مزايا اعلانها متى ؟

الخميس 13 /2 ان شالله

[غريب الدّار]

ياسلام لو المؤشرر يغلق مرتفع فقط عشر نقاط فقط
يبقي مظبوط تمام التمام

طب هيحصل ايه يعني لو اغلق مرتفع عشر نقاط فقط دي ؟
:)

ولو مااغلقش مرتفع عشر نقاط فقط دي هيحصل ايه كمان؟

[بحر شرق]

ان شالله اليوم يغلق السوق بشمعه مربوز حلوووه

[Girnaas]

اكثر من نص سيوله السوق اليوم في تداول الوطني و المناعي

[نمر بن عدوان]

ياسلام لو المؤشرر يغلق مرتفع فقط عشر نقاط فقط
يبقي مظبوط تمام التمام

من الشكل العام فيه اكثر من 10 نقاط ان شالله

[بحر شرق]

اتخبرون راعي ال 100 الف سهم اللي كل شوي نلاقيه داخل في سهم يرفعه شوي وساعات يصرف؟

ماتلاحظون انه غايب صار له فترة ؟

:)

عسى المانع خير
يمكن ينتضر توزيعات السهم اللي تم عليه

[غريب الدّار]

يمكن ينتضر توزيعات السهم اللي تم عليه

وماتدري يمكن رشوه وهو مايدري وتدبس له في سهم
:)

[بحر شرق]

وماتدري يمكن رشوه وهو مايدري وتدبس له في سهم
:)

ههههه حسبي الله على عدوك ،،،هامور ويأخذ رشوه بعد ،،،:rolleyes2:

[qatarma]

في اخبار عن توزيع بروه؟

[نمر بن عدوان]

في اخبار عن توزيع بروه؟

عوقوب عوقوب باسر

[غريب الدّار]

ههههه حسبي الله على عدوك ،،،هامور ويأخذ رشوه بعد ،،،:rolleyes2:

بس انا ماقلت رشوة طال عمرك

قلت رشّوه

بتشديد الشين

يعني انرش الطلب

والسموحة طال عمرك ان كان كلامي غير واضح
:)

[ahmed saleh]

طب هيحصل ايه يعني لو اغلق مرتفع عشر نقاط فقط دي ؟
:)

ولو مااغلقش مرتفع عشر نقاط فقط دي هيحصل ايه كمان؟


من الشكل العام فيه اكثر من 10 نقاط ان شالله

لو اغلق اخضر عشره او عشرين نقطه يبقي تمام التمام
المهم ان شمعة اليوم تفتح وتغلق خارج خطوط البولينجر باند :nice:

[غريب الدّار]

لو اغلق اخضر عشره او عشرين نقطه يبقي تمام التمام
المهم ان شمعة اليوم تفتح وتغلق خارج خطوط البولينجر باند :nice:

دي لو خطوط البولينغر ضاقت حبتين هتبقى فل الفل وناكل شهد

بالتوفيق

[نمر بن عدوان]

سيولة اليوم تقريبا بتساوي سيولة الامس

[رحال]

المتحده اخيراً ارتفعت عشر دراهم،،،:rolleyes2:

هههاي

توزيعاتها يوم الاثنين ..
باقي لها جلسة تداول فقط ..

[عيسى]

تاريخ إنعقاد مجلس الادارة لمناقشة البيانات المالية
12مارس

[مضارب لحظي]

واضح الضغط على ازدان
تراجع ازدان نزول المؤشر لانها الداعم الوحيد اليوم

[عيسى]

الخميس 13 /2 ان شالله

تاريخ إنعقاد مجلس الادارة لمناقشة البيانات المالية
12مارس

[عبد الحميد]

لو يعملها الصانع ويسكر على 12200...بنقوله كثر الله خيرك :)

[.:: القيصر ::.]

بروة امتاع عند الاغلاق

[نمر بن عدوان]

تاريخ إنعقاد مجلس الادارة لمناقشة البيانات المالية
12مارس

جزاك الله خير ويصادف الخميس

[الزعفراني]

امس لفت نظري ملاحظه مهمه لابن البيطار في موضوع التوقعات وهي الارباح الموزعه على المساهمين تقدر بالميارات وبحسبه سريعه اعتقد الارباح الموزعه ماراح تقل عن 10مليار ريال ولو يرجع نصها السوق بتعطي زخم وحركه وارتفاعات ان شالله

نقطة مهمة ووجهة نظر سليمه .. بس تدري في ناس ما تدري عن السوق الا قبل انعقاد الجمعية العمومية بيوم .. تشتري عشان تاخذ الارباح وتبيع ثاني يوم ..

يعني يجيك واحد عنده شنطة فيها 10 ملايين يدخلهم البورصة يتصل حق الوسيط اشتر لي السهم الفلاني وحاط في باله ان هالسهم راح يوزع 4 ريالات مثلا ..

اول يوم بعد انعقاد الجمعية العمومية .. يبيع اسهمه اللي شراهم بعشر ملايين وعنده استعداد يخسر من 4 ريالات ريالين ويكتفي بريالين ..

يحط الفلوس في شنطته ويسحبهم من البورصة وكان الله غفور رحيم ..

[نمر بن عدوان]

بروة امتاع عند الاغلاق

المهم اعلان الاحد لو قالوا 2.50 السهم رايح فوق لو اقل بيتراجع

[نمر بن عدوان]

نقطة مهمة ووجهة نظر سليمه .. بس تدري في ناس ما تدري عن السوق الا قبل انعقاد الجمعية العمومية بيوم .. تشتري عشان تاخذ الارباح وتبيع ثاني يوم ..

يعني يجيك واحد عنده شنطة فيها 10 ملايين يدخلهم البورصة يتصل حق الوسيط اشتر لي السهم الفلاني وحاط في باله ان هالسهم راح يوزع 4 ريالات مثلا ..

اول يوم بعد انعقاد الجمعية العمومية .. يبيع اسهمه اللي شراهم بعشر ملايين وعنده استعداد يخسر من 4 ريالات ريالين ويكتفي بريالين ..

يحط الفلوس في شنطته ويسحبهم من البورصة وكان الله غفور رحيم ..

بس فيها مغامره يعني ممكن يربح كامل التوزيع اذا ارتفع السهم بعد الجمعيه مثل ماستوى العام مع الرعايه واولت العام مع مواشي وممكن يخسر شي بسيط وممكن يخسر الارباح وفوقها كم ريال مثل هالسنه مع الريان والدوليه.

[مضارب لحظي]

لو يعملها الصانع ويسكر على 12200...بنقوله كثر الله خيرك :)

واضح الاغلاق حول 12200

[الزعفراني]

تخيلوا مزايا كله شموع نزول تقريبا 14 شمعة ...

طبعا كل شمعة نزول يعني فيه بيع اكثر من الشراء

لين نوصل لمرحلة خلاص .. يتوقف هالبيع ويبتدي انعكاس البيع الى شراء تدريجي

[H H]

الاغلاق بيكون زي الفل

[ahmed saleh]

هاموررر داخل بتقله في العمانيه
هل بيثبت ولا اشتغاله

[مضارب لحظي]

واضح ضغط كبير على المصرف 17000 س س باين مروح تحت100

[ahmed saleh]

هاموررر داخل بتقله في العمانيه
هل بيثبت ولا اشتغاله

هامور صيني مش اصلي

[bo lolwa]

بروه 41 الف س.س
شكلة نازل بمصعد

[نمر بن عدوان]

هامور صيني مش اصلي

هههههههههههههههههههههههههههه

[.:: القيصر ::.]

بروة امتاع عند الاغلاق

اي امتاع اي خرابيط


هههههههههههههههه

[نمر بن عدوان]

اي امتاع اي خرابيط


هههههههههههههههه

هههههههههههههههههه

[ahmed saleh]

بن عدواان
الصانع تقريباا سمع كلامي بس فهمه غلط
انا قولت ارتفاع عشر نقاط مش هبوط عشر نقااط :anger1:

[غريب الدّار]

سهم الدولية الظاهر ان فيه شوية نفس

شوي مب وايد

[نمر بن عدوان]

بن عدواان
الصانع تقريباا سمع كلامي بس فهمه غلط
انا قولت ارتفاع عشر نقاط مش هبوط عشر نقااط :anger1:

اذا استمرت الطلبات والعروض بدون تغيير شكله حينزل كمان عشره تانيين . بس الاغلاق غير مؤثر كثير لان اخر الاسبوع يكون البيع غالب على الشراء ويوم الاحد ان شالله بيفتح صاعد ويغطي فرق نزول الذي سيحدث اليوم .

[غريب الدّار]

الآن المؤشر أخضر 31+

نشوفه بعد شوي باذن الله

[غريب الدّار]

الآن المؤشر أخضر 31+

نشوفه بعد شوي باذن الله

هبط السوق تقريبا 21 نقطة
اخضر 9 نقاط تقريبا

[رحال]

بيع ماله داعي على هل الاسعااار ..؟

[ahmed saleh]

لو اغلق اخضر عشره او عشرين نقطه يبقي تمام التمام
المهم ان شمعة اليوم تفتح وتغلق خارج خطوط البولينجر باند :nice:

الصااانع كأنه متااابع والله :nice:

[نمر بن عدوان]

استقرار تقريبا في الاسعار والمؤشر واحجام التداول .

[نمر بن عدوان]

الصااانع كأنه متااابع والله :nice:

ماشالله عليك ضربت معلم :nice:

[الزعفراني]

نشوفكم على خير جميع .. واجازة نهاية اسبوع سعيده وجميله للجميع ..

استانسوا في الويكند وغيروا جو مع عيالكم ( للمتزوجين ) .. ومع ربعكم ( للعزّاب ) :)

فمان الله

[غريب الدّار]

تمام التمام ياحج احمد وعلى هواك

ابسط ياعم الحج

[نمر بن عدوان]

الله يحفظك يالزعفراني وصدقت بكلامك ان لبدنك عليك حق

[مضارب لحظي]

اخضر بطعم 0.08%!!!!!

[نمر بن عدوان]

سبحانك اللهم وبحمدك اشهد ان لا اله الا انت استغفرك واتوب اليك

[عبد الحميد]

سبحانك اللهم وبحمدك اشهد ان لا اله الا انت استغفرك واتوب اليك

[.:: القيصر ::.]

سبحانك اللهم وبحمدك اشهد ان لا اله الا انت استغفرك واتوب اليك



نراكم الاحد ان شاء الله