ذكريات الصداقه ما احلاها

[المهاجر]

الصداقه ثمينه وغاليه ولايعوضها شيء فهي نعمه من الله

والاصدقاء الخيرين الصالحين نعمه من الله كلنا يتمنى ان يرزقه الله بأصدقاء صادقين

يحبونه ويحبون له الخير ويقفون لجانبه وقت الشده ولا يخذلونه ويغدرون به

كما يفعل بعض اصحاب النفوس الضعيفه اللذين لا يبحثون إلا عن مصالحهم وكيف يصلون إليها بشتى الطرق



حقيقة منذ يومين جائني ابني ومعه كراسه قديمه وجلس بجانبي وقال

يبه شوف هالرساله اللي انت كاتبها من سنوات طويله عندها اعتدلت في جلستي واخذت الكراسه منه

وقرات تلك الرساله

وكانت رساله مني لصديق عزيز صديق الدراسه عندما كان بالخارج لإستكمال دراسته وكنت ساعتها

انا بثالث ثانوي فسرحت بفكري بعيداً مع كلماتي له ومحاولتي التخفيف عنه ضيقة الغربه

والشد من عزيمته وإعطاءه دافع للصبر والمثابره

ودار بيني وبين ابني حديث طويل عن الصداقه وقيمة الصديق وكيف تكون المحبه بين الأصدقاء والتضحيه والعطاء والوفاء

وعدم الغدر من الصديق لصديقه

حينها قال لي !!

وين هالصداقه ما اعتقد انها موجوده حالياً وكل الموجود مجرد مصالح واستغلال وخداع وووووو

حينها اسكته وانا بي ما بي من حزن وألم وحسره وغصه واقول لنفسي صادق والله

ولكني حالوت ان اغير من نظرته تلك وتكلمت معه ان هناك اصدقاء مازال فيهم الخير والصدق

ولكن يجب عليك أن تختار صديقك بحذر وان تعرف من تصادق جيداً

لا اعرف ما ذا اقول

ولكني اقول ان مهما خذلك صديق وخاب ظنك فيه فلا تتحسر عليه ولاتندم لصدقك معه

وتأكد انه سيصحى بيوم من الأيام وسيعرف انه خسر الكثير وسيندم ساعتها فدعه للزمن ولا تتحسر


باحط اكم صوره من الرساله اللي كتبتها لصديقي منذ حوالي 28 سنه مضت:weeping: فقد مرت بسرعه كبيره لم اشعر بها

وبصراحه فرحت كثيراً بما كتبته بها من كلام وتمنيت لو تعود بي الايام لتلك اللحظات الجميله الرائعه من حياتي :eek3:

واذا حد يبي يشاركنا بمثل تلك الرسائل ان كانت موجوده لديه فنكون له شاكرين



http://i.imgur.com/MD2EsB1.jpg

http://i.imgur.com/UpYM9Nn.jpg

لحد يعيب على الخط والاسلوب :shy:

بإنتظار مشاركاتكم وذكرياتكم الحلوه :victory:

[المهاجر]

شكل الموضوع ماعجبكم او ان صج الصداقه انتهت في هالزمن :(

[نور الحور]

موضوع جميل يالمهاجر ..

الصداقة في ظني مازالت موجودة ولكنها تعتمد وااايد على معتقداتنا وتصرفاتنا تجاهها كمفهوم وكتصرفات ..

أؤمن أن الخير مازال موجود .. وإن الإنسان يجذب إليه ما يطابق شخصيته وتفكيره وقناعاته ومشاعره ..


يستاهل بوسنيده كل هالدعم والتشجيع .. وأهم شي البحر وموجاته الهادئة ههههههههه

بصراحة عجبني الأسلوب و عجبتني العفوية في الرسالة .. والأهم الدعم والتأييد اللي فيها ..

وأول مرة أدري إن بوحارب صديق قديم معاكم ههههههههه:secret:


بس على فكرة .. شكان مصير هالرسالة ؟

وصلت نسخة منها لبو سنيدة ولا لأ ؟:omen2:

[MirusS]

ماحب الذكريات ولا التفكير فالماضي
لكن الصداقه الحقيقيه والمعزه هي أنك توقف مع أصدقائك
فأصعب الظروف مهما كانت وتضحي بأي شي عشانهم وماتنتظر منهم رد الدين
حتى لو كانوا ربعك بلشتيه مثلا :o

انا أحب الصداقه لكن لما حد يطلب فلوس تصيدني غيبوبه من الضحك ماقدر أمسك نفسي :(

بوحـارب رفيجك نفسه بوحارب مالنا ؟ :telephone:

[راجي الْعفو]

هههههه

والله شي يالمهاجر عيشتنا اجواء جميلة

وان دل ، فإنما يدل ع إحساسك الراقي و المرهف

الله يجمعك بمن تحب دوم و لا يفرقكم


والصديق الصالح من اكبر أعوان الشخص في الثبات ع الطريق القويم

عيل تهقى بوحارب مالنا هو المعني بالذكر ههههههههه

الله يخلي لك عيالك

[JN000N]

عمو مهاجر

الموضوع وايد حلو وعجبني وفتق جروح مابغت تبرى خخخ

بس خطك :) الشي الوحيد الي اكتشفته فيك ان خطك نفس خط ابوي الظاهر كلكم ف ذيك الحقبه درسكم مدرس واحد

عندي رسايل وايد باطلعهم وبصور عاد مادري هي رسايل ربع والا رسايلي حق ابوي
مثال : ( اوعدك يا ابي انيي لن ازعج امي واسندرها وقت تسافر حتى تجيب لي هديه حلوه ) الخ الخ
او عشان نستفر لازم رسالة تملحس
بس صج بدور رسايل صداقة يمكن احصل منا والا منا

[ولد العرب]

الا خووش حلوو موضوع ماشاء الله خطك جدا حلو :vampire: ماعلينا بيعلمك النهار

[راجي الْعفو]

أتذكر ان الرسائل الأخوية مثل هذه تكون ع هالترتيب :

- البسمله
-الاسم: .... المحترم
- السلام
- المقدمة
- الموضوع
- الدعاء او التمنيات
- التوقيع

......

[دااانة قطر]

والله قلبت المواجع





لي عودة

[ameeer3]

الذكريات الجميله ما اقدر اعبر لك اشكثر اشتقت للرجوع لها ، لانها اجمل ايام العمر الي اندثرت في عجاج زمنا هذا

[مشـــــاعر]

.


دآإيم أحس من موآإضيعك إنكك إنسآإن رآإقي وحسآإس . .


عندي رسآإيل شكثرر من ربعي محتفظه فيهم من أيام الإعدادية خخخخ
خطوووط لاتنقرأ ولا تنفهم :rolleyes2:
أخآإف أحطهم ويتسكّر ىإلموضووع ههههههههههههههههههههه

عن نفسي مآإعندي صدآإقات (صجيّة) وآإيد . .
هي صديقة وحيدة وغلآإتها من غلآإة إختي لو تبي عمري كله مو خسآإرة فيهآإ . .
عسى ربي لآإيفررقنآإ إن شآإلله . .


موضوووع رآإقي من شخص أرقى :shy: . .

[المهاجر]

موضوع جميل يالمهاجر ..

الصداقة في ظني مازالت موجودة ولكنها تعتمد وااايد على معتقداتنا وتصرفاتنا تجاهها كمفهوم وكتصرفات ..

أؤمن أن الخير مازال موجود .. وإن الإنسان يجذب إليه ما يطابق شخصيته وتفكيره وقناعاته ومشاعره ..


يستاهل بوسنيده كل هالدعم والتشجيع .. وأهم شي البحر وموجاته الهادئة ههههههههه

بصراحة عجبني الأسلوب و عجبتني العفوية في الرسالة .. والأهم الدعم والتأييد اللي فيها ..

وأول مرة أدري إن بوحارب صديق قديم معاكم ههههههههه:secret:


بس على فكرة .. شكان مصير هالرسالة ؟

وصلت نسخة منها لبو سنيدة ولا لأ ؟:omen2:

الأجمل هو تواجدج ومشاركتج يانور

ما في شك ان الصداقه موجوده والخير موجود ولن تخلى الحياه منهم

ونعم صدقتي كل شخص يجذب له من يتطابق معه في الصفات والشخصيه والاخلاق

شفتي شلون علاقتي مع البحر قديمه حداً ومازالت هذه العلاقه مستمره وقويه ومتينه

البحر هو أحد الأصدقاء الأوفياء بالنسبه لي

وبوسنيده يستاهل عسى الله يطول بعمره ويوفقه بحياته

مرت سنوات طويله على هالرساله ونعم ارسلتها له ووصلت له وكان لها أثر عليه الحمد لله

وهاي كانت مسوده لأني متعود قبل لا اكتب شي اكتب مسوده

وبخصوص بوحارب فهو مش اخوي الغالي بوحارب اللي معانا ولكن تشابه اسماء

وكلهم عزيزين وغالين الله يحفظهم

[المهاجر]

ماحب الذكريات ولا التفكير فالماضي
لكن الصداقه الحقيقيه والمعزه هي أنك توقف مع أصدقائك
فأصعب الظروف مهما كانت وتضحي بأي شي عشانهم وماتنتظر منهم رد الدين
حتى لو كانوا ربعك بلشتيه مثلا :o

انا أحب الصداقه لكن لما حد يطلب فلوس تصيدني غيبوبه من الضحك ماقدر أمسك نفسي :(

بوحـارب رفيجك نفسه بوحارب مالنا ؟ :telephone:

ههههههههههههههههههههه الله يقطع بليسك يافايبر ضحكتني من الصبح

عسى الله يسعدك ويونسك

في ذكريات حلوه الواحد دوم يحب يتذكرها ويسعد فيها

وفي ذكريات اعوذو بالله منها الواحد يمسحها مسح من ذاكرته ويتمنى لو انها ما حدثت له

في اصدقاء مهما طالت السنوات وبعدنا عنهم إلا ان لهم مكانه كبيره بقلوبنا ونعزهم ونفتخر

انهم كانوا اصدقاء لنا

وفي اشخاص الواحد ما وده انه عرفهم بيوم من الأيام من بعد ما شاف منهم الغدر والطعن بالظهر

وياريت عشان شي يستاهل الا عشان وصخ دنيا

بوحارب اللي مذكور بالرساله صديق قديم وما زلنا اصدقاء وبوحارب اللي معانا صديق جديد وغالي

الله يحفظهم الاثنين

تسلم فايبر على مرورك الحلو

[حسن]

اما هو حساس حساس من قلب لين الحين يولع شموع حمر


:)

شوف في دفاترك ماعليك سلف ولا دين كم دولار ولا قوز جنيهات

خخخخخخخخخ


:victory:

[المهاجر]

هههههه

والله شي يالمهاجر عيشتنا اجواء جميلة

وان دل ، فإنما يدل ع إحساسك الراقي و المرهف

الله يجمعك بمن تحب دوم و لا يفرقكم


والصديق الصالح من اكبر أعوان الشخص في الثبات ع الطريق القويم

عيل تهقى بوحارب مالنا هو المعني بالذكر ههههههههه

الله يخلي لك عيالك

يعل ربي يسلمك ويوفقك ويسعدك

اللهم امين ياراجي عسى الله يتقبل دعوتك ويحققها

وصدقت الصديق الصالح يعينك ويكون لك سند

ياخوي بوحارب اللي هني يعنبر ولدنا واحنا شيبان وهو توه شباب الله يحفظه

تسلم والله يجزاك خير ويحفظ لك عيالك يارب

[المهاجر]

والله قلبت المواجع





لي عودة

الله يبعد عنج المواجع

يبه قطي كل شي موجع ورا ظهرج ولا دورين الا كل شي حلو وبس :)

انتظر عودتج واحس عندج اشياء خطيره:victory:

[المهاجر]

الذكريات الجميله ما اقدر اعبر لك اشكثر اشتقت للرجوع لها ، لانها اجمل ايام العمر الي اندثرت في عجاج زمنا هذا

اي والله يا اختي

راحت الايام الحلوه بس عمرنا ماننساها ودوم نتذكرها واحنا نبتسم ونقول يازينها من ايام

كلنا مشتاقين للذكريات الحلوه

شرفتيني بمرورج

[المهاجر]

.


دآإيم أحس من موآإضيعك إنكك إنسآإن رآإقي وحسآإس . .


عندي رسآإيل شكثرر من ربعي محتفظه فيهم من أيام الإعدادية خخخخ
خطوووط لاتنقرأ ولا تنفهم :rolleyes2:
أخآإف أحطهم ويتسكّر ىإلموضووع ههههههههههههههههههههه

عن نفسي مآإعندي صدآإقات (صجيّة) وآإيد . .
هي صديقة وحيدة وغلآإتها من غلآإة إختي لو تبي عمري كله مو خسآإرة فيهآإ . .
عسى ربي لآإيفررقنآإ إن شآإلله . .


موضوووع رآإقي من شخص أرقى :shy: . .

ماعليج زود مشاعر وانتي بعد انسانه راقيه وخلوقه

كثر الصداقات مش مهم المهم هو الصديق المخلص الوفي اللي يحبك بصدق ويحب لك الخير:victory:

الله يحفظ لج صديقتج ولا يفرق بينكم ابد

يالله حطي لنا من هالذكريات الحلوه خلينا نستانس معاج:nice:


الرقي انتي عنوانه يابنت الاصول

تسلمين

[MirusS]

ههههههههههههههههههههه الله يقطع بليسك يافايبر ضحكتني من الصبح

عسى الله يسعدك ويونسك

في ذكريات حلوه الواحد دوم يحب يتذكرها ويسعد فيها

وفي ذكريات اعوذو بالله منها الواحد يمسحها مسح من ذاكرته ويتمنى لو انها ما حدثت له

في اصدقاء مهما طالت السنوات وبعدنا عنهم إلا ان لهم مكانه كبيره بقلوبنا ونعزهم ونفتخر

انهم كانوا اصدقاء لنا

وفي اشخاص الواحد ما وده انه عرفهم بيوم من الأيام من بعد ما شاف منهم الغدر والطعن بالظهر

وياريت عشان شي يستاهل الا عشان وصخ دنيا

بوحارب اللي مذكور بالرساله صديق قديم وما زلنا اصدقاء وبوحارب اللي معانا صديق جديد وغالي

الله يحفظهم الاثنين

تسلم فايبر على مرورك الحلو

:shy:
الله يديم هالضحكه