الحل مع هروب الخدم

[hamadazoz]

السلام عليكم ورحمة الله وبركاتة
يا جماعة والحل مع هروب الخدم
يجون بمبالغ خيالية وبعد مرور فترة الضمان تشرد والقهر انك بعد راح تسفرها والمشكلة المكاتب يخافون منهم طيلة فترة الضمان

السؤال الحين هل فية طريقة ان الواحد يحفظ حقوقة من هالسرق عيني عينك وهل يوجد حقوق الواحد مايعرفها ممكن تساعدة في الضغط على ه الخدم يشتغلون او انهم يرجعون فلوسك

لان خلال فترة الضمان يكون المكتب ماسك المبلغ عليها في بلادها ومايسلمه الا لما تكمل فترة الضمان يعني لعبة بين المكتب والخادمة والضحية احنا

و السفارة بعد موضوع ثاني تتصل فيك وتقول سفرها ماتبي تشتغل طبعا انت الغلطان على كل حال

المهم ساعدونا مقهور وابي حد يعطيني حل

[R 7 A L]

شوف

كلهم مايهربون الا بعد انتهاء فترة الضمان ليش ؟
لان المكاتب هم بس الي يقدرون يأخذون قضاهم منهم ويصيدونهم حتى في بلدانهم

لذا اتمنى فترة الضمان بدل ماتكون 3 شهور تكون طول مدة العقد وهي سارية المفعول





أما حان الوقت لتعديل وتصحيح مشاكل الخدم والمكاتب يامجلس الوزراء ؟

[hamadazoz]

ربك كريم

[R 7 A L]

3 هنديات أهربوا من بيتنا في يوم واحد
شف كم الخسارة حسبي الله ونعم الوكيل

[ضوى]

هذول متفقين رحال ، ثلاث مرة واحدة

[الحياة الخالدة]

وين حماية حقوق المواطن والكفيل ؟؟

[R 7 A L]

هذول متفقين رحال ، ثلاث مرة واحدة

اكيد متفين
اصلاً كلهم يقربون لبعض

لا والقهر سنة كامله من هربوا وبلغنا عليهم وهم مطالعوا من الدوحة مادري وين شغاليين :anger1:

[ضوى]

رحال ليش مستغرب
زي اثيوبيات معيذر

الكل يدرون انها شاردين ويشتغلون بالبيوت مؤقتات اشلون يامنون فيهم مدري

[مرتبش]

لو يتطبق القانون مابيشردون
حسب القانون غرامة تشغيل العامل الهارب 50 الف

[دااانة قطر]

شوف

كلهم مايهربون الا بعد انتهاء فترة الضمان ليش ؟
لان المكاتب هم بس الي يقدرون يأخذون قضاهم منهم ويصيدونهم حتى في بلدانهم

لذا اتمنى فترة الضمان بدل ماتكون 3 شهور تكون طول مدة العقد وهي سارية المفعول





أما حان الوقت لتعديل وتصحيح مشاكل الخدم والمكاتب يامجلس الوزراء ؟


مستفيدين

[دااانة قطر]

وين حماية حقوق المواطن والكفيل ؟؟

الموااطن مهضوم حقه

[R 7 A L]

رحال ليش مستغرب
زي اثيوبيات معيذر

الكل يدرون انها شاردين ويشتغلون بالبيوت مؤقتات اشلون يامنون فيهم مدري

شدعوة
يعني هذولا الي يشتغلون مؤقت هاربين

[ضوى]

نعم يارحال هاربين

[R 7 A L]

نعم يارحال هاربين

والله الوضع خطير
المشكلة مكاتب معروفه يشغلون هالنظام وين القانون عنهم

[ضوى]

والله الوضع خطير
المشكلة مكاتب معروفه يشغلون هالنظام وين القانون عنهم

خطير جدا

وعلى فكرة مشهورين جدا

[R 7 A L]

لا حول ولا قوة الا بالله
نتمنى ان ستفير الوضع صراحة

[hamadazoz]

الحل الحين شنو

[مشهور]

عندي دريول شرد وعقب دز لي واحد من ربعة يساومني في الراتب
طبعا يبي زيادة
والمشكلة الاساسية من بعض الجيران الله يزيدهم ويسامحهم يعطونهم رواتب خيالية فوق 2000

[كازانوفا]

يجب في قرار وقانون رادع من ادارة العمل تابعه للداخليه
ويكون بعقد يتم ما بين المكتب والزبون ويتم تصديقه من ادارة العمل والداخليه ... وطبعا الداخليه راح يكون لها دور كبير ان شالله اقل شي يخف البحث عن الخدم الهارب لو بالفعل صار في تنسيق بينها وبين ادارة العمل عن طريق مكتب الخدم ...
وان يكون المحتوى ضمان بان الزبون يعطي المكتب نصف السعر وبعد مضى نص المده يدفع للمكتب النص المتبقي وفي هذا الحاله يكون كلا الطرفين راضين
واي خلل يحاسب صاحب المكتب ومن خوفه راح يضبط كل الخادمات ويلزمهم بقضاء حتى لو نصف المده

فهمتو علي ان شالله تكون فكرتي واضحه

[Aaziz]

شوف

كلهم مايهربون الا بعد انتهاء فترة الضمان ليش ؟
لان المكاتب هم بس الي يقدرون يأخذون قضاهم منهم ويصيدونهم حتى في بلدانهم

لذا اتمنى فترة الضمان بدل ماتكون 3 شهور تكون طول مدة العقد وهي سارية المفعول





أما حان الوقت لتعديل وتصحيح مشاكل الخدم والمكاتب يامجلس الوزراء ؟


يسلم بؤك ياشيخ ،، و ضيف عليها شغله

الي يصيدونه مشغل خادمه او سائق يسوون له بلوك سنتين كعقوبه ... ماشردو الا في المقابل فيه شخص يبحث عن عاماله غير شرعيه

[حسن]

عندي دريول شرد وعقب دز لي واحد من ربعة يساومني في الراتب
طبعا يبي زيادة
والمشكلة الاساسية من بعض الجيران الله يزيدهم ويسامحهم يعطونهم رواتب خيالية فوق 2000

زياده الرواتب دمرت الكثير

عجزت وانا ارددها

[JN000N]

شوف

كلهم مايهربون الا بعد انتهاء فترة الضمان ليش ؟
لان المكاتب هم بس الي يقدرون يأخذون قضاهم منهم ويصيدونهم حتى في بلدانهم

لذا اتمنى فترة الضمان بدل ماتكون 3 شهور تكون طول مدة العقد وهي سارية المفعول





أما حان الوقت لتعديل وتصحيح مشاكل الخدم والمكاتب يامجلس الوزراء ؟

اتفق معاك

[بومحمد المطاوعه]

حسبي الله ونعم الوكيل

بعض المكاتب لاذمه ولا ضمير


يتفقون معاهم
اذا تبين تشردين بعد 3 شهور

واكثرهم بعد ثلاث شهور
ياتشرد او تقول مابي اشتغل

[النهار]

يبا مافيا الخدم شغاله شغل عدل
الخدامه وهي جايه البلد عندها ارقام خدمات ودريوليه
ابحث عن السبب تجده اصحاب المحلات وخروخ الخادمه من المنزل لاي سبب تحصل في انتظارهم
من جميع الجنسيات من عرب وهنود وبنغال لاصيادهم
لازم تكون العقوبه مغلضه في حق من يساعدهم على الهرب او ايوأهم او تشغيلهم

[بومحمد المطاوعه]

يبا مافيا الخدم شغاله شغل عدل
الخدامه وهي جايه البلد عندها ارقام خدمات ودريوليه
ابحث عن السبب تجده اصحاب المحلات وخروخ الخادمه من المنزل لاي سبب تحصل في انتظارهم
من جميع الجنسيات من عرب وهنود وبنغال لاصيادهم
لازم تكون العقوبه مغلضه في حق من يساعدهم على الهرب او ايوأهم او تشغيلهم

تصدق مره كبست على واحد من الجنسيه العربيه
الله يستر عليه

ومعاه فلبينيات

والحمدلله طلع من الفريج وجدامه ثبوت
ههههههههههههه

صادوهم
وزحفوو شواربه

[امـ حمد]

شغاله فلبينيه لها 9 شهور عند بنتي
وصارت تحن وتقول مادام امي مريضه وتبي تسوي عمليه
بروح بس عشرة أيام وبرد
وبنتي سدقت كلامها وقصت لها تذكره على حساب بنتي وعطتها هدايا حق امها وسافرت الشغاله
ولما مضي عشرة ايام صارت بنتي تتصل فيها ماترد عليها
وبعد عناء من كثر الإتصال فيها رد اخوي الشغاله وقال لها يامدام اختي ماتبي ترجع خلاص بتعرس
قالت وليش ماقالت لي انها ماتبي ترجع سكر التلفون ومارد على بنتي
هذا الخدم ومشاكلهم

[بومحمد المطاوعه]

شغاله فلبينيه لها 9 شهور عند بنتي
وصارت تحن وتقول مادام امي مريضه وتبي تسوي عمليه
بروح بس عشرة أيام وبرد
وبنتي سدقت كلامها وقصت لها تذكره على حساب بنتي وعطتها هدايا حق امها وسافرت الشغاله
ولما مضي عشرة ايام صارت بنتي تتصل فيها ماترد عليها
وبعد عناء من كثر الإتصال فيها رد اخوي الشغاله وقال لها يامدام اختي ماتبي ترجع خلاص بتعرس
قالت وليش ماقالت لي انها ماتبي ترجع سكر التلفون ومارد على بنتي
هذا الخدم ومشاكلهم

حسبي الله ونعم الوكيل

نفس خدامتي الفلبيينيه

قالت برجع

وانا فالسفاره من الصبح لين العصر
سفاره الفلبينيه
اطلع لها ورقه علشان تقدر ترجع لنا

قالت شهر بس وبرجع
واسحبت ماتبي ترجع

[النهار]

بومحمد من مده احصل 6 فلبينات في ميرة اليرموك
لابسين دفف لابسين لبس خليجي ههههههههه ياخي من المشيه تعرف انهم فلبينات
كانوا جدامي كلهم طول واحد ههههههههه وهم طالعين بعد ماتشرو الا ينطرهم واحد شكله اثيوبي ومعاه شخص جنسيته عربي
في سياره باجيرو

[بومحمد المطاوعه]

بومحمد من مده احصل 6 فلبينات في ميرة اليرموك
لابسين دفف لابسين لبس خليجي ههههههههه ياخي من المشيه تعرف انهم فلبينات
كانوا جدامي كلهم طول واحد ههههههههه وهم طالعين بعد ماتشرو الا ينطرهم واحد شكله اثيوبي ومعاه شخص جنسيته عربي
في سياره باجيرو


ايه عليك

لو بلغت

والله لو جدامي ما اهدهم
اشفيك

علاقتي مع 999 علاقه حميمه

[Red point]

عاملو خدمكم عدل ما بيشردون " كلامي للبعض " احنا الحمدلله ما قد اشردت عندنا شغالة او دريول بالعكس يجون ويشتغلون عندنا سنين وبنين وما شفنا منهم الا كل خير
اما حارم الشغاله او الدريول من ابسط حقوقه وتتكلم عن الحقوق قمة العنجهية ارجع وقول كلامي للبعض اقصد الفئة الي تعتبر الشغالة مثل العبده ما عندها ساعات عمل معينه متى ما احتاجها قمت وناديتها ومسموح لك اصارخ عليها قدام اصغر عيالك ولا كانها مره كبيرة متغربة وهاده عيالها عشان لقمة العيش والي يقولون الشغاله ممنوع عليها اتكلم اهلها وقت ما تبي اذا تبي تتكلم في التلفون تتكلم في الصالة ولها كم ساعه في الاسبوع
وممنوع عليها الانترنت او الجوال او حتى يوم اوف وفوق هذا كله يقول وين حقي منهم اذا شردوا اي حق تتكلم عليه
انا اعتقد الخدم الي يشردون ما يشردون الا عشان يدورون مكان احسن !! ودامهم دورو مكان احسن من بيتك اكيد الخلل في بيتك ف اضبط امورك وان شاء الله ما يشردون للمرة المليون كلامي مب موجه لصاحب الموضوع اتكلم بشكل عام

[محمد2]

والله انا اشوف نجيب الخدم عن طريق مكاتب خاصة للدولة وهذة المكاتب تعمل عن طريق الدولة.
بدل كل من هب ودب فتح له مكتب ونصب علينا بحجة ان فترة الضمان 3 اشهر وعقب مالهم دعوة. وهذا اتفاق بين الخدم والمكاتب ان انتوا يالخدم استحملوا العمل فترة الضمان وعقب سووا اللي تبونه وسفارتهم معاهم يعني نصب في نصب

[R 7 A L]

يسلم بؤك ياشيخ ،، و ضيف عليها شغله

الي يصيدونه مشغل خادمه او سائق يسوون له بلوك سنتين كعقوبه ... ماشردو الا في المقابل فيه شخص يبحث عن عاماله غير شرعيه

بو سعود
كل مدة نسمع عن قوانين جديدة من مجلس الوزراء ولا المكتب الهندس جزاهم الله مشكورين على جهودهم
حتى على مستوى الفرق الشعبية في المجال الفني حددوا لهم مبالغ والي بيتعداها راح يخالف القانون

( الخدم ) بكل مافيها من مكاتب ومبالغ وضمان وعقوبات
كلها أمور بسيطة
اما حان الوقت للنظر اليها بعين الاعتبار ؟

[hamadazoz]

عاملو خدمكم عدل ما بيشردون " كلامي للبعض " احنا الحمدلله ما قد اشردت عندنا شغالة او دريول بالعكس يجون ويشتغلون عندنا سنين وبنين وما شفنا منهم الا كل خير
اما حارم الشغاله او الدريول من ابسط حقوقه وتتكلم عن الحقوق قمة العنجهية ارجع وقول كلامي للبعض اقصد الفئة الي تعتبر الشغالة مثل العبده ما عندها ساعات عمل معينه متى ما احتاجها قمت وناديتها ومسموح لك اصارخ عليها قدام اصغر عيالك ولا كانها مره كبيرة متغربة وهاده عيالها عشان لقمة العيش والي يقولون الشغاله ممنوع عليها اتكلم اهلها وقت ما تبي اذا تبي تتكلم في التلفون تتكلم في الصالة ولها كم ساعه في الاسبوع
وممنوع عليها الانترنت او الجوال او حتى يوم اوف وفوق هذا كله يقول وين حقي منهم اذا شردوا اي حق تتكلم عليه
انا اعتقد الخدم الي يشردون ما يشردون الا عشان يدورون مكان احسن !! ودامهم دورو مكان احسن من بيتك اكيد الخلل في بيتك ف اضبط امورك وان شاء الله ما يشردون للمرة المليون كلامي مب موجه لصاحب الموضوع اتكلم بشكل عام


اولا قول الحمد لله انهم ماشردوا
ثانيا انت تتكلم عن خدامة تكمل فترة الضمان بالضبط عقب تشرد يعني تضمن الفلوس ان الاهل في بلادها استلموها وانت اكلها مفلفلة وبعدين تقولك اني يبي بلاد مايبي شغل شمعناتة ليش ماتروح بيت ثاني واضحة السالفة يقصون علينا وبس
ثالثا الحمد لله الخدم عند اغلب العوايل مايعاملونهم مثل ما تقول محترمينهم ومعطينهم اكثر من حقهم لكن هم مدرسين في بلادهم انهم يلتزمون وقت الضمان وعقب بكيفك مايقدر الكفيل يسوي لك شي
رابعا الدولة لها دور صراحة مفروض ان المكتب يطول فترة الضمان او ان الفلوس تكون محجوزة عليهم لين تخلص مدة العقد او انة ترفع عليهم دعوة يرجعون الفلوس او تكمل العقد
خامسا و الاهم كل منهم المكتب والخدامة ضامن حقة وانت مالك ضمان ل حقك ليش

وبعدين خدامة تشرد وتبلغ عنها تروح السفارة بعدين السفارة تتصل فيك تقول سفرها انزين ليش ما يسالونك ش السالفة بينك وبين الخدامة مستحيل انة تكون الخدامة على خطا يدرون انك ماتقدر تسوي شي
الحين بلغ الشرطة انها في السفارة والشرطة المفروض تروح تسحبها وتوديها السجن موب تقعد في السفارة كل يوم تكلمك تقول متى تحجز تذكرة ( قسم بالله ان الفلوس اخر همي اللي قاهرني ان المواطن ماكلين حقة قهرررررررر)

[hamadazoz]

القهر وزارة العمل مالهم شغل كلش

[حسن]

الحل النهائيوالجذري اشوفه من خلال تصوري

وحل يرضى جميع الاطراف حتى المنظمات الحقوقيه

اغلاق جميع مكاتب الخدم نهائيا من قبل الدوله

وكل واحد يجيب بكيفه

هذا احسن حل فيكنا المكاتب من دائره الاتهام افتكت الحكومه من صداع الجميع والقوانيين


:victory:

[بانغ بانغ]

انصحكم ااعملوا اشتراك مع مكتب الخدم الرئيسي في الفيلبين عن طريق السفارة وجيبوا عن طريقه 3 الاف ريال الراس تقريبا

اشتراك السنة ايكلف يمكن 1000 دولار


بوعلي لا تسألني عن الطريقة

حكم العقل والمنطق لين توصل للحقيقة

[حسن]

انصحكم ااعملوا اشتراك مع مكتب الخدم الرئيسي في الفيلبين عن طريق السفارة وجيبوا عن طريقه 3 الاف ريال الراس تقريبا

اشتراك السنة ايكلف يمكن 1000 دولار


بوعلي لا تسألني عن الطريقة

حكم العقل والمنطق لين توصل للحقيقة

لا تخاف ماني بسائل نهائيا بخصوص الخدم

عندي مرتاح وماعندي صداع معاهم وكلهم جوازاتهم معاهم ومرتاحين واعطيهم شغل
منظم مالهم برعايتي ولا اولادي نهائيا تنظيم مسح طباخ

وانتر نت وبدل ملابس ونهايه خدمه


وبس والخير وايد الحمدلله

ام البعض عبوديه ولا مكينه تطحن ليل ونهار وسكن سفرت ومعاامله زفت
والله لو قالو بنام برع ماعندي مانع المهم انجاز المطلوب

[ahmaaaddd]

الحل والله أعلم
في بعض الدول عندهم تأمين على الخادمة يبدأ بعد فترة الضمان لمدة سنة قابل للتجديد
في حال هروب الخادمة او رفضها للعمل يتم تسوية حسابية بين الكفيل وبين شركة التأمين
فتحسب الشركة عدد ايام العمل التي عملتها الخادمة ولايتم تعويض الكفيل عنها
بينما يتم التعويض عن الأيام المتبقية من عقد التأمين

وأنا اعرف ان مكاتب الخدم طالبت ادارة العمل بها الشي ولكن كان الرد انه لازم يكون قرار وزاري
صادر من مجلس الشورى
فلازم نطالب بالتأمين
هذا والله أعلم

[شبيه الريح]

الحل يتبعون لك الي ماخذها وكيف ومن الي عرفه عليها لين يمسكون الرؤوس الكبار منهم

ومنع وتشديد الرقابة على الاعلانات الي تعلق على ابواب البيوت

[الكفــــــو]

سبحان الله و بحمد ، سبحان الله العظيم ..

[رجل مثالي]

السلام عليكم ورحمة الله وبركاتة
يا جماعة والحل مع هروب الخدم
يجون بمبالغ خيالية وبعد مرور فترة الضمان تشرد والقهر انك بعد راح تسفرها والمشكلة المكاتب يخافون منهم طيلة فترة الضمان

السؤال الحين هل فية طريقة ان الواحد يحفظ حقوقة من هالسرق عيني عينك وهل يوجد حقوق الواحد مايعرفها ممكن تساعدة في الضغط على ه الخدم يشتغلون او انهم يرجعون فلوسك

لان خلال فترة الضمان يكون المكتب ماسك المبلغ عليها في بلادها ومايسلمه الا لما تكمل فترة الضمان يعني لعبة بين المكتب والخادمة والضحية احنا

و السفارة بعد موضوع ثاني تتصل فيك وتقول سفرها ماتبي تشتغل طبعا انت الغلطان على كل حال

المهم ساعدونا مقهور وابي حد يعطيني حل


شوف

كلهم مايهربون الا بعد انتهاء فترة الضمان ليش ؟
لان المكاتب هم بس الي يقدرون يأخذون قضاهم منهم ويصيدونهم حتى في بلدانهم

لذا اتمنى فترة الضمان بدل ماتكون 3 شهور تكون طول مدة العقد وهي سارية المفعول





أما حان الوقت لتعديل وتصحيح مشاكل الخدم والمكاتب يامجلس الوزراء ؟
ممكن هاي الحل ضمان لمدة العقد يحفظ حق الكفيل من ضياع مبلغ 18000 ريال