أنا أتألم ..!

[المحاميه]

السلام عليكم



.
......
.




أتألم .. نعم أتألم وف داخلي نار
تركتني أعاني وسط البشر مرهوب


مشاعرك حيرتني والعبت ف هوى داري
حبك هزني .. جرح قلبي .. ودمر كياني


حرقت قلبي وأشعلت في الهم نارك
ابتعدت عني ومافكرت غير في حياتك


بس هو سؤال وصار يطري في بالي
متى قلبك يحس باللي أشعله في فؤادي


خاطري يالزين ماعاد منه رجى
ومهما حصل لابد انه جا واختفى

حلفتلك إني على العهد باكون
واني على بعدك ماخون


تبي الحل .. تبي الأمل
رجعتك .. بس رجعتك
هي وحدها تغير هيبة بشر


.
......
.


وسلامتكم

[وثائقي]

المحاميه تشتكي الألم ولا نعلم أألم فراق أم هو الإشتياق ..

إنتصفي ما بين هذا وذاك وإقتلعي ما يعترض خطاك أنحاء جابت في الأرجاء وصدف تصطنع اللقاء ظل سكن بلا حراك وأرق إستوطن من عناك إنتشي بشذا هذا المكان وأنبذي علقم ذاك الزمان لثام سيميط ماوراءه وقناع سيسقط رداءه هو كما هو في هيهات الغريب وهي كما هي بهنيهات النحيب ..

وجواب سيقبع هاهنا عما قريب ..

خضوعـ ..

[المحاميه]

تسلم اناملك على ماسطرت

زين حد مر عالموضوع وعبرني

[white bird]

خاطري يالزين ماعاد منه رجى
ومهما حصل لابد انه جا واختفى

..
صح السان قايلها و تسلم يد ناقلها
^-^

[المحاميه]

^

صح ابدنج والله يسلمج

مب ناقلتها

انا كاتبتها


:weeping::weeping:

[white bird]

صجج!،

ابدعتي والله

مواهب من ورااانا

ماشاءالله عليج ^-^

[المحاميه]

ايه دشيت المنتدى وكتبتها عالسريع ههه


تسلمين الابداع صوبج فديتج ..


:o

وناسه في حد مدحني هههه اظاهر امي داعيتلي هههههه

[بومحمد المطاوعه]

مشاعرك حيرتني والعبت ف هوى داري
حبك هزني .. جرح قلبي .. ودمر كياني



حركاااااات ..

هذي كله كتبتيه في فندق .. كمبنسكي


الله يسعدج ابيات روعه

[المحاميه]

:oالله يسلمك ياولد المطاوعه

نو كتبته فالشغل وانت صاج

شرفتني

[R 7 A L]

صح لسانج
احساس ومشاعر معبرة
تحياتي

[المحاميه]

صح بدنك


صج ولا تجاملوني

مشكلتي ماصدق المديح احسه مجامله اما الذم والانتقاد احسه صج

:(

[R 7 A L]

صح بدنك


صج ولا تجاملوني

مشكلتي ماصدق المديح احسه مجامله اما الذم والانتقاد احسه صج

:(



:rolleyes2:

اثنيت على مشاعرك و احاسيسك واختيارك للمفردات المعبرة
ولم اتطرق للامور اللاخرى
وهذا بحد ذاته يكفي

ولكن بما انك سألتيني
فسوف اعبر عن رأيي
المشاركة تخلو من الوزن والقافيه وكل مقومات القصيدة
فلذا تُعبر المشاركة اقرب ان تكون خاطرة من ان تكون قصيدة.




مثل ماقلت لج الاحساس والمشاعر اهم شي :nice:

[مشـــــاعر]

.



يه يه وين مخبيّة هآإلمواهب يآإلمحآإمية ؟؟
بصرآإحة مآإتوقعت لج في هالأموور :shy:

بس إحسآإسج عجيب :victory:
إن شآإلله مو آخر إحسآإس ينكتب هني . .

نآإطرين جديدج محآإميتنا آإلغالية !!

[دااانة قطر]

مشاعرك حيرتني والعبت ف هوى داري
حبك هزني .. جرح قلبي .. ودمر كياني


حرقت قلبي وأشعلت في الهم نارك
ابتعدت عني ومافكرت غير في حياتك




ابدعتي ي المحاميه
أحلى الكلام لما بطلع من القلب

استمر ومع التكرار بتبدعين اكثر

[المحاميه]

مرسي مرسي

الصراحه احرجتوني


الابداع منكم وفيكم


وهذي مجرد خربشات نخربشها شكل وايتو


:shy: تسلمون دانه مشاعر رحال .. رفعتوا معنوياتي



رحال ..

عادي مب شرط تكون قصيده ممكن تكون خاطره

المهم صدق الاحساس :tease:



تدرون اني ماحب الشعر اصلا الا اذا كان وطني :shy:

يعني ممكن اركب جمل وهيك اما قصيد وسالفه فانا اصلا مش من المتابعين

[ameeer3]

محاميه وشاعره بعد ، لا لا مب سهله

[white bird]

مرسي مرسي

الصراحه احرجتوني


الابداع منكم وفيكم


وهذي مجرد خربشات نخربشها شكل وايتو


:shy: تسلمون دانه مشاعر رحال .. رفعتوا معنوياتي



رحال ..

عادي مب شرط تكون قصيده ممكن تكون خاطره

المهم صدق الاحساس :tease:



تدرون اني ماحب الشعر اصلا الا اذا كان وطني :shy:

يعني ممكن اركب جمل وهيك اما قصيد وسالفه فانا اصلا مش من المتابعين

خربشي حبيبتي خربشي :o

[المحاميه]

محاميه وشاعره بعد ، لا لا مب سهله

اعجبك :shy:





خربشي حبيبتي خربشي :o



ههههه :tease:

[غير البشر]

رووووووووووعه الخاطره بس تعور القلب :weeping:

اي شي فيه جفا والم وفراق يحزن الله لايجيب الالم ولا الفراق

سلمت اناملج محاميتنا على الكلمات الجميله والمعبره :(

[المحاميه]

الله يسلمك

والله يديم السعاده والفرح عالجميع

ومروك الاروع يااستاذ

[ابوعلي]

مستحيل اصدق اذا انتي تتألمين هههه


تسلم اناملج على الخاطرة الاكثر من راااااائعه والحزينة

[المحاميه]

^

ههههههه

إيه طالعه عليك عديمة إحساس


الله يسلمك