مين يقدر يســــوي كـــــيذا !

[راجي الْعفو]

مســـــاكم و صباحكم :

خير ..
و طيب ..
و عود ..
و ورد .. << صاير رومنسي !

المهم .. انا حدي ألعب كورة ساعتين بالكثير و أهلك :


💎همة السلف في طلب العلم 💎

▪️قال إبن أبي حاتم الرازي :

•سمعت أبي يقول :

✏️أول سنة خرجت فى طلب الحديث، أقمت سبع سنين أحصيت ما مشيت على قدمي زيادة على ألف فرسخ،

ثم تركت العدد بعد ذلك،

وخرجت من البحرين إلى مصر ماشيا،
ثم إلى الرملة ماشيا ،
ثم إلى دمشق،
ثم إلى أنطاكية،
ثم إلى طرسوس ،
ثم رجعت إلى حمص ،
ثم منها إلى الرقة ،
ثم ركبت إلى العراق،
كل هذا وأنا ابن عشرين سنة !


{طبقات الشافعية الكبرى 2/208}



أنتوا كم الف كيلو تقدرون عليه ؟

[نفسي عزيزه]

ياريال انا طلعت من مدينة الشمال بقطر فكروزر الفجر ودزيته دز لين راس الخيمه بدون ماوقف وبدون ماخف زين وصلت حي وبغى يغمى علي وهاي بسياره ، بس قبل كنا نسافر واحنا مواصلين ثالث يوم الحين حدنا نسهر يوم وخلاص
يمكن من الفاست فود :shy:
انا ماتوقع ان نقارن جيلنا بالاجيال القديمه،، جيلنا افشل جيل باللياقه

حبوبي راجي :shy:

[Dana’1]

مشاءلله الله يجزيهم خير

اما بالنسبه لسؤالك على حسب الغايه والهدف من هالمشي*السبب هو بيشحن عزيمتك بالمشي
وكل شي لله يسهل بإذن الله

تذكرت الشيشاني الي قصد مكه للحج ماشيا*!

[راجي الْعفو]

ياريال انا طلعت من مدينة الشمال بقطر فكروزر الفجر ودزيته دز لين راس الخيمه بدون ماوقف وبدون ماخف زين وصلت حي وبغى يغمى علي وهاي بسياره ، بس قبل كنا نسافر واحنا مواصلين ثالث يوم الحين حدنا مسهر يوم وخلاص
يمكن من الفاست فود :shy:
انا ماتوقع ان نقارن جيلنا بالاجيال القديمه،، جيلنا افشل جيل باللياقه

ههههه هلا هلا بالتون تيربو

اللهم بارك

طلعت راعي طويلة

جيلنا جيل الهمبنقر و البتيتوس !


هذا بموتر و هو قصهم مشي
يعني نفس ما نتمشى في اللؤلؤه ولا كتارا !

[راجي الْعفو]

مشاءلله الله يجزيهمخير

اما بالنسبه لسؤالك على حسب الغايه والهدف من هالمشي*السبب هو بيشحن عزيمتك بالمشي
وكل شي لله يسهل بإذن الله

تذكرت الشيشاني الي قصد مكه للحج ماشيا*!

تذكرت

اهلًا اخت ديور ..

صدقتي اذا كان للإنسان هدف يريد تحقيقه
فانه يبذل في سبيله الغالي و النفيس

بس تصوري من البحرين لتركيا !

سبحان الله الشيشاني صاحب عزيمة

وانا اتوقع ايضا ان طبيعة الأجسام تلعب دور

[نفسي عزيزه]

مانقدر لهم ياراجي صدقني جيلهم فكل شي افضل

انا اتوقع اكثر شي باليوم اقدر امشي 20 كيلو وتحت تهديد السلاح :)

وعقب اروح الطب الصيني الي بسوق العلي يهمزون ظلوعي وظهري وعليه علي جيل الثمانينات انتهى :weeping:

[نفسي عزيزه]

نسيت شي ياراجي قدامى البشر البنيه تحتلف عن بنيتنا وكل مالها وتردى لين وصل جيلنا هههههه

[راجي الْعفو]

20 كيلو ، وايد عليك يالغالي نخاف ع صحتك هههه

أحجز لي معك عند الصيني بس عساه ما يلعب فينا كونغفو و يرضخنا
مهب ناقصين !


صدقت البنية تختلف و لها تأثير

ومثل ما انت ذكرت بعد اللي هو موضوع الاكل الطبيعي

[المحاميه]

اممم

شنو يعني

شالمطلوب

ترا مافهمت ش تبى :rolleyes2:

[راجي الْعفو]

اممم

شنو يعني

شالمطلوب

ترا مافهمت ش تبى :rolleyes2:

هلا هلا المحامية ..

المطلوب الله يسلمج تضربين اسبرنت من العديد للشمال ..

بتفقدين 10 كيلو و انتي تضحكين !


المقصد : الغرابة في القصة و كيف ان همتهم كانت قوية بشكل عجيب
لدرجة انها خلت هم يقطعون مثل هالمسافات مشي

تقدرين تقصين فريجكم مشي !

[MirusS]

المطلوب الله يسلمج تضربين اسبرنت من العديد للشمال ..

بتفقدين 10 كيلو و انتي تضحكين !

ههه


بس راجي مكتوب خلال سبع سنين
المقصد أعتقد الهمه والعزيمه في طلب العلم مش المسافه أو كم كيلو
أكيد ليقاتهم وأجسامهم كانت غير .. لكن ربما في واحد يقدر يسويها الحين >> :whistling:

[راجي الْعفو]

ههه


بس راجي مكتوب خلال سبع سنين
المقصد أعتقد الهمه والعزيمه في طلب العلم مش المسافه أو كم كيلو
أكيد ليقاتهم وأجسامهم كانت غير .. لكن ربما في واحد يقدر يسويها الحين >> :whistling:

هلا فايبر


لك مني 14 سنة و لاتزعل

صحيح .. همتهم عجيبة جداً

لدرجة أنهم كانوا يضحون في الاكل بالأيام لاجل طلب العلم

وبناء على ذلك شفناهم يقطعون هالمسافات

[عاشق الشهادة]

بدون ذكر اسم العضوه :secret:



المطلوب الله يسلمج تضربين اسبرنت من العديد للشمال :funny:

بتفقدين 10 كيلو و انتي تضحكين :taunt:

[MirusS]

^
اوكي بتجوف :yes:

[نفسي عزيزه]

أَوَ لَمْ يَسِيرُوا فِي الأَرْضِ فَيَنظُرُوا كَيْفَ كَانَ عَاقِبَةُ الَّذِينَ كَانُوا مِن قَبْلِهِمْ كَانُوا هُمْ أَشَدَّ مِنْهُمْ قُوَّةً وَآثَارًا فِي الأَرْضِ فَأَخَذَهُمُ اللَّهُ بِذُنُوبِهِمْ وَمَا ...

[نفسي عزيزه]

المقصد سواء مسلمين او كفار كانت بنيتهم قويه سكنو الجبال :shy:

[راجي الْعفو]

عاشق : ياخي لا أدخلنا في السياسة هههه

فايبر : ننتطر !

بونفس : كلامك سليم

[بوحارب]

سبحان الله انهم السلف الصالح يا ساده :)



راجي يالضيب

انا امشي لين غرفتي فوق
وأوصل احس براغي جسمي تبطلت هههههههه

انه الكسل يا ساده :)

[راجي الْعفو]

سبحان الله انهم السلف الصالح يا ساده :)



راجي يالضيب

انا امشي لين غرفتي فوق
وأوصل احس براغي جسمي تبطلت هههههههه

انه الكسل يا ساده :)

هلا هلا بو عبدالرحمن ..

والله انك صادق .. هم القدوة .. الله يرحمهم و يلحقنا بهم ..


اما بخصوصك يالكتكوت فانت الله يسلمك لازم يشيلونك لين فوق و ينزلونك

جسمك الاسباني ما يستحمل التعب !

[النهار]

ههه


بس راجي مكتوب خلال سبع سنين
المقصد أعتقد الهمه والعزيمه في طلب العلم مش المسافه أو كم كيلو
أكيد ليقاتهم وأجسامهم كانت غير .. لكن ربما في واحد يقدر يسويها الحين >> :whistling:

لاياخوي اجسامهم مثل اجسامهم مثل اجسامنا ماتختلف بس كانت عندهم عزيمه وقوة اراده ومعيشتهم كانت طبيعيه
لامكيفات ولافاست فود ولامبيدات حشريه مرشوشه على الخضروات والفواكه
انا عاصرت اواخر تلك الفتره قبل دخول الكهرباء عيشتنا كانت بسيطه ابسط مما تتوقع اكلنا طبيعي مما تجود به البلاد وقليل
جدا مايأتي من الخارج ان كان من الهند او السعوديه
الطفل في تلك الفتره عنده عزم 10 رجال في الوقت الحاضر

[راجي الْعفو]

راحت ايام الجلد يا نهار الذهب

[النهار]

هلا هلا بو عبدالرحمن ..

والله انك صادق .. هم القدوة .. الله يرحمهم و يلحقنا بهم ..


اما بخصوصك يالكتكوت فانت الله يسلمك لازم يشيلونك لين فوق و ينزلونك

جسمك الاسباني ما يستحمل التعب !

مسوي نفسه بوكاسا ههههههههههه

[راجي الْعفو]

مسوي نفسه بوكاسا ههههههههههه

من بعد وجبة الكلوب الموجه تغيرت هههه

[R 7 A L]

كانوا مجبورين ماعندهم وسائل للنقل

[نور الحور]

ماصدق .. فوتوشوب :secret:

[راجي الْعفو]

كانوا مجبورين ماعندهم وسائل للنقل

صادق
بس همتهم عجيبه
وهي عامل أساسي في صنع هالقوة في نفوسهم

[نفسي عزيزه]

كانوا ياكلون عيوش مثلنا ، ؟

عندهم عيش قبل ونثري وجذي يعني :telephone:

بهدلنا العيش :weeping:

[R 7 A L]

صادق
بس همتهم عجيبه
وهي عامل أساسي في صنع هالقوة في نفوسهم

ارتفاع وعلو الهمه لا يأتي من فراغ او رفاهيه
كلما تقلصت الفرص نجد ان الهمه ترتفع.

[راجي الْعفو]

ماصدق .. فوتوشوب :secret:

جتنا ام الشغف !


لا صدقي .. وفي من القصص ما هو اعجب ..

قصص السلف عجيبة فعلا ..

وقد تصيبهم كرامات كثيره ..

رحمهم الله ..

[راجي الْعفو]

ارتفاع وعلو الهمه لا يأتي من فراغ او رفاهيه
كلما تقلصت الفرص نجد ان الهمه ترتفع.

صدقت يا رحال
هذا اللي ذكرته دافع ظاهري
بس الدافع الباطني هو الأساس اللي يحركك في كل الظروف مهما كانت

[نور الحور]

كانوا ياكلون عيوش مثلنا ، ؟

عندهم عيش قبل ونثري وجذي يعني :telephone:

بهدلنا العيش :weeping:


اكتب تجربتك مع بهدلة العيش في
موضوع الارستقراطية عن البهذلة :secret:

[نور الحور]

جتنا ام الشغف !


لا صدقي .. وفي من القصص ما هو اعجب ..

قصص السلف عجيبة فعلا ..

وقد تصيبهم كرامات كثيره ..

رحمهم الله ..


امين ..الله يرحمنا معاهم برحمته ..

يعني راجي تهقى ما طلع فوتوشوب ؟ :omen2:

[راجي الْعفو]

كانوا ياكلون عيوش مثلنا ، ؟

عندهم عيش قبل ونثري وجذي يعني :telephone:

بهدلنا العيش :weeping:

الله المستعان

تسمع بقصص عجيبة ..

كانوا يتركون الاكل بأيام احيانا

لان ما عندهم وقت له !

تخيل !

[راجي الْعفو]

امين ..الله يرحمنا معاهم برحمته ..

يعني راجي تهقى ما طلع فوتوشوب ؟ :omen2:

لا لا .. ذولا ابعد من تصدر عنهم الكذبات لانهم اصحاب حديث

وهم من أحرى الناس في الصدق ..

وهي قصة تداولها العلماء كثيرا منذ القدم و لم ينكرها احد

ترى هم مب نفسنا .. بتتعبين اذا قارنتينا بهم ..

[راجي الْعفو]

اكتب تجربتك مع بهدلة العيش في
موضوع الارستقراطية عن البهذلة :secret:

سيدة المشاكل !

[بوحارب]

هلا هلا بو عبدالرحمن ..

والله انك صادق .. هم القدوة .. الله يرحمهم و يلحقنا بهم ..


اما بخصوصك يالكتكوت فانت الله يسلمك لازم يشيلونك لين فوق و ينزلونك

جسمك الاسباني ما يستحمل التعب !


مسوي نفسه بوكاسا ههههههههههه

اكرهكم :)

ما حبيت اسلوبكم الدفش

باي :)

[راجي الْعفو]

اكرهكم :)

ما حبيت اسلوبكم الدفش

باي :)

اوهوو .. خلاص يبا تعال لا تزعل

بوحارب سيد الرجال !

[بوحارب]

خلاص راجي

انا اذا كرهت اكره من قلبي :)

[Aaziz]

انا شد انتباهي شي غير المسافات الطويله


السفر مشي معناته ان الشخص عنده حد معين لحمل الامتعه على ظهره مثل الاكل و الشرب و اكيد سلاح و ادويه بسيطه
شي عجيب بصراحه ،،، الله يجزاهم عنا كل خير و يرضى عنهم جميعا
اذا قارنا انفسنا فيهم نطلع كراتين بصراحه

[راجي الْعفو]

خلاص راجي

انا اذا كرهت اكره من قلبي :)

عطوه كرك رضوه !

انا شد انتباهي شي غير المسافات الطويله


السفر مشي معناته ان الشخص عنده حد معين لحمل الامتعه على ظهره مثل الاكل و الشرب و اكيد سلاح و ادويه بسيطه
شي عجيب بصراحه ،،، الله يجزاهم عنا كل خير و يرضى عنهم جميعا
اذا قارنا انفسنا فيهم نطلع كراتين بصراحه

امين .. صدقت امر يتعجب منه الشخص ..

احنا كراتين بيض الله يسلمك !

الله يرحم الحال ..

[النهار]

انا شد انتباهي شي غير المسافات الطويله


السفر مشي معناته ان الشخص عنده حد معين لحمل الامتعه على ظهره مثل الاكل و الشرب و اكيد سلاح و ادويه بسيطه
شي عجيب بصراحه ،،، الله يجزاهم عنا كل خير و يرضى عنهم جميعا
اذا قارنا انفسنا فيهم نطلع كراتين بصراحه

لازال في هذالزمان رجال قادرون على تخطي المصاعب واهوال الطرق
الحج مشيا على الاقادام

http://wafibsail.blogspot.com/2013/10/blog-post.html

[النهار]

اكرهكم :)

ما حبيت اسلوبكم الدفش

باي :)

مانرضى على زعلك يالضيب انا لما شبهتك بالامبراطور بالفخم بوكاسا كنت اقصد انك تستاهل الفخامه

[راجي الْعفو]

سبحان الله القدرة و القوة موهبة من الله

بوحارب : بعد التوضيح اللي حطه النهار
لازم تخليه ينطح على غزلان !
اعمل نفسك ميت !

[المحاميه]

هلا هلا المحامية ..

المطلوب الله يسلمج تضربين اسبرنت من العديد للشمال ..

بتفقدين 10 كيلو و انتي تضحكين !


المقصد : الغرابة في القصة و كيف ان همتهم كانت قوية بشكل عجيب
لدرجة انها خلت هم يقطعون مثل هالمسافات مشي

تقدرين تقصين فريجكم مشي !


والله زمنا زمن الرفاهيه
زمن نقربلك كل بعيد
زمن اقعد مكانك وتحصل اللي في بالك

جاي تقولي اقص فريجنا ليش بس والناس وين تروح؟

قاعد تعلمني اشلون انسف الفرجان ها :nono:

[راجي الْعفو]

يالمحامية ما ضيعنا الا الكسل و الخمود و النوم
زيادة وزن و أمراض الله يعافينا
لازم نحافظ عـ الرياضة
صحية و تعطي جسم مرن يساعدنا عالحركة في حياتنا

اما الفريج فهذا عشان ال 10 كيلو اللي تبين تفقدينهم

[المحاميه]

يالمحامية ما ضيعنا الا الكسل و الخمود و النوم
زيادة وزن و أمراض الله يعافينا
لازم نحافظ عـ الرياضة
صحية و تعطي جسم مرن يساعدنا عالحركة في حياتنا

اما الفريج فهذا عشان ال 10 كيلو اللي تبين تفقدينهم

هههههههه وايد مركز معاي اشوف


رياضه ها


خلاص انت لاتاكل سويت من اليوم وطالع

ان شفتك راز صورة سويت ف ذاك الموضوع

ياويلك :strong3:

[راجي الْعفو]

اي لازم المحامية وراها قضايا و مشاكل اشلون بتجابلهم

لا الا السويت ، وبعدين انا العب رياضة الحمدلله

[المحاميه]

اي لازم المحامية وراها قضايا و مشاكل اشلون بتجابلهم

لا الا السويت ، وبعدين انا العب رياضة الحمدلله

هههههههه


راجي انت :anger1:

[بوحارب]

راجي والنهار

جيبوا واخد بوسه :)

[راجي الْعفو]

خلاص عمتي اخر مرة

بوحارب : خ و ز