ايش رايكم بحصة رياضة يومياً في المدارس

[QATAR 77]

من الملاحظ زيادة نسبة سمنة الاطفال و ذلك لتغير العادات الغذائية و الاعتماد على الاكلات السريعة و ضعف اللياقة لاطفال الزمن الحالي

لجلوسهم بالساعات امام التلفزيون و السوني و الايباد

فأقتراحي بحصة رياضة يومية للأطفال في المدارس ترفع اللياقة البدنية و تبني جيل نشيط و صحي

و هذا يصب في فائدتين

الاولى رفع الصحة الجسدية للاطفال و لياقتهم

الثانية نشر الرياضات المختلفة بين الاطفال

و تكوين اساس للمنتخبات في المستقبل بدل الاعتماد على شراء اللاعبين بالمال

[R 7 A L]

اقتراح ممتاز

حصه الرياضة اهم من حصص بعض المواد الي مامنها فايدة

[A-Alansari]

اقتراح حلو لو بيكون في كل حصه رياضة تدريبات رياضيه ترفع معدل اللياقه

اما اييك مدرس الرياضه يعطيهم كوره ويقول لهم روحو لعبو هاذي ماترفع لا لياقه ولا شي تضييع وقت على الفاضي

[النهار]

مدرسات التربيه الرياضيه غير مؤهلين للقيام بمثل هذه الامور

[شيخ الديرة]

كم حصة بالأسبوع الدراسي حتى تاخذ 5 منهم للرياضة؟؟

وليش بالمدرسة اذا ممكن يسويها بالبيت؟

[حمد بن خالد]

انزين قبل كانت حصة الرياضة طول الاسبوع ماعدا السبت

الحين كم حصة للرياضة ؟؟

[QATAR 77]

اقتراح ممتاز

حصه الرياضة اهم من حصص بعض المواد الي مامنها فايدة

حياك الله اخوي


اقتراح حلو لو بيكون في كل حصه رياضة تدريبات رياضيه ترفع معدل اللياقه

اما اييك مدرس الرياضه يعطيهم كوره ويقول لهم روحو لعبو هاذي ماترفع لا لياقه ولا شي تضييع وقت على الفاضي

هذا اسلوب قبل الافضل تعليم الاولاد رياضات جديدة مع مدربين الاندية


مدرسات التربيه الرياضيه غير مؤهلين للقيام بمثل هذه الامور

الافضل توفير مدربين الاندية في الصباح ما عندهم اي نشاط

كم حصة بالأسبوع الدراسي حتى تاخذ 5 منهم للرياضة؟؟


وليش بالمدرسة اذا ممكن يسويها بالبيت؟

يمكن حصتين او ثلاث في المدرسة لاجبار الاولاد على الحركة في البيت مب كل الاباء يهتمون


انزين قبل كانت حصة الرياضة طول الاسبوع ماعدا السبت

الحين كم حصة للرياضة ؟؟

يمكن حصتين او ثلاث