علاوه الزواج _ هل السنير متزوج امرأه والجنير متزوج ... ؟

[قطري سهم]

السلام عليكم ورحمة الله














اثار فضولي موظوع دار بالمجلس قبل يومين وحبيت انقله لكم لاانه اعجبني بصراحة





الا وهي : العلاوه الزوجية والفروقات



نحن في مجتمعنا نحث الزواج عالشباب ولاننسا دور حكومتنا الرشيده مشكوره في ذلك


ولكن هل نحن نمشي على مثل : الغني نزيده غناه والفقير نزيده فقر ؟

ام ماذا ؟


كما نعرف ان الشباب المقبلين عالزواج ممكن 65% منهم شباب صغار بما معناه وظيفته على قده


والا غلب خريجي ثانوي

ودرجاتهم الوظيفية لاتتعدى التاسعة

ليش مايتم مساواه علاوه الزواج بين السنير والجنير ؟

هذا متزوج وهذا متزوج ؟ هل في فرق بين الزوجات بعد ؟

العلاوات الي يستحقها السنير من حقة ولا يطالب بها الجنير لاكن علاوه الزواج يجب توحيدها فا هذا متزوج والاخر متزوج لادخل لها بوظيفة ولا سلم وظيفي فالزواج هو فيصلها

اذا كان هناك تحفيز للشباب للزواج يجب تذليل العقبات امامهم وهذه واحده منهم

[moonبنتnight]

أنت أصبر خل القانون الموارد البشرية يتعدل وينزل ..
لا توجد فروقات في العلاوة الاجتماعية وتم حلها بسبب المشاكل وتلاعب ..
وكل ياخذها حسب درجته الوظيفية ..

[R 7 A L]

كم الفرق بينهم ؟

[قطري سهم]

اضن الجنير 4000 والسنير 6400

[R 7 A L]

المفروض الزيادة للسنير في الاساسي والسكن
اما الاجتماعية صراحة كلامك صحيح انا وانت وهو متزوجين والحال من بعضه

[قطري سهم]

2400 الفرق ، عالاقل فيها راتب خدامة ودريول نعمة

[ودي أكون]

المفروض الزيادة للسنير في الاساسي والسكن
اما الاجتماعية صراحة كلامك صحيح انا وانت وهو متزوجين والحال من بعضه

ليش اخوي رحال المتزوج يحتاج سكن، بعد لازم تتعادل مع الاجتماعيه

خلوها فالاساسي والتنقل شرايكم .. :)



بس ع شرط يدبلون لهم الاساسي والتنقل :tease:


عموماً اتفق معاكم ف وجهة نظركم

[رهج السنابك]

وهل الي عنده ثانويه نفس الجامعي؟!

وهل بس هالعلاوه هي الي فرق
حتى بدل السكن
والاساسي
وبدل التنقل

لازم في فرق بين الجينير والسينير
عشان يتحمس الجينير ويصير سينير

[R 7 A L]

ليش اخوي رحال المتزوج يحتاج سكن، بعد لازم تتعادل مع الاجتماعيه

خلوها فالاساسي والتنقل شرايكم .. :)



بس ع شرط يدبلون لهم الاساسي والتنقل :tease:


عموماً اتفق معاكم ف وجهة نظركم



لا شوفي ترا انا مع موضوع الاخ

سابقاً كانت مساحة الارض والقرض للسنير غير عن الجنير كانت الارض اكبر والقرض اكبر
بس الحين كلهم متساوين لا ابو شهادة ابتدائية ولا راعي الماجستير كلهم نفس المساحة ونفس القرض
بس علاوة السكن لازم تختلف لان فيه قانون يسمح للدولة ان دفع قيمة إجار الموظف السنير الي للحين ماعنده بيت فعلى شان كذا لازم العلاوة للسكن للسنير تكون اكثر

[ريتويت]

اخوي علي حسب الدرجه الوظيفيه مب الكل نفس الشي

[باظلوف]

زوجة السينير لازم تكشخ أزيد من زوجة الجينير والا ليش هي متزوجة سينير :nice:

[قطري سهم]

يشتغل لدا البعض موظوع الحسد وليس موظوع حب لااخيك ماتحبه لنفسك

[وحيد-الشوق]

يشتغل لدا البعض موظوع الحسد وليس موظوع حب لااخيك ماتحبه لنفسك

شفنا لك ردود قبل في موضوع القرض والارض وكان واضح حبك لاخوانك وقلت هل نساوي القطري الاصلي بالتقليد :)

[رهج السنابك]

قطري تقليد؟ هاهاها ماسمعنا بهالماركة

[بونووف]

شفنا لك ردود قبل في موضوع القرض والارض وكان واضح حبك لاخوانك وقلت هل نساوي القطري الاصلي بالتقليد :)

هاي اسمه حب النفس

[OREO]

أنت أصبر خل القانون الموارد البشرية يتعدل وينزل ..
لا توجد فروقات في العلاوة الاجتماعية وتم حلها بسبب المشاكل وتلاعب ..
وكل ياخذها حسب درجته الوظيفية ..

سمعت بأن قوانين الموارد البشرية بتصدر يوم نكون في الجنة ان شاءالله والعلم عند الله ..

[بصمة قطرية]

فعلاًالمفروض
ما يكون في فرق في العلاوة الإجتماعية ..

[العربية نت]

وانت ليش تطالع فوق واعلا منك :) بعدين او الواحد بيشغل نفسه بمتابعة غيره بيتعب وهذي الفروقات لابد منها ولعلمك بان السنير مظلوم وحقوقه غير مكتمله في الحكومة وسبلها قانون الموارد وغيره من الامور
وبعد اذا اخذنا بتفكيرك بنقول زين ليش الضابط علاوته الاجتماعيه 17000 ريال اي ثلاث اضعاف السنير في الحكومه !!!

[محمد2]

اقول احمدوا ربكم عالنعمة اللي انتوا فيها.كل شي مساوينكم بالسنير بعد ايش تبون اكثر فالسكن وعلاوة السيارة والاجازة.
دام. تبون كل شى مثل السنير. خلصوا دراستكم وخذوا امتيازات السنير

[OREO]

اقول احمدوا ربكم عالنعمة اللي انتوا فيها.كل شي مساوينكم بالسنير بعد ايش تبون اكثر فالسكن وعلاوة السيارة والاجازة.
دام. تبون كل شى مثل السنير. خلصوا دراستكم وخذوا امتيازات السنير

ياخوي محمد البعض وصل فيه الحقد والحسد بشكل خيالي و مايملي عينه الا التراب .. السنير درس و اجتهد لكن وين اللي يفهم و يقدر هذا الشي .. للاسف البعض صار ما يحمد رب العالمين على النعمة اللي هو فيه لكن الخوف يجي يوم تزول النعمة و وقتها الحاقد و الحاسد راح يحس بالنعمة اللي رب العالمين انعم عليه .. بعد وشو !!! بعد خراب مالطا للأسف 😴

[ودي أكون]

سمعت بأن قوانين الموارد البشرية بتصدر يوم نكون في الجنة ان شاءالله والعلم عند الله ..

استغفرالله الذي لا اله الا هو، استغفر الله العظيم

لا اله الا انت ربي استغفرك واتوب اليك ولا حول ولا قوة الا بالله العلي العظيم

هذا رد .،! .. استغفرالله

[OREO]

المفروض صاحب الموضوع يقول من المفترض على حكومتنا زيادة العلاوة الاجتماعية لفئة صغار الموظفين مع ذكر السبب و مهب مقارنة الفئتين مع بعض وهذا ان دل فهو يدل على ضعف الرؤية و قليل من الحقد والحسد ...


انا اطالب حكومتنا الرشيدة مساوات راتبي و مخصصاتي برواتب الوزراء و مخصصاتهم !!!!!:rolleyes2:

[OREO]

استغفرالله الذي لا اله الا هو، استغفر الله العظيم

لا اله الا انت ربي استغفرك واتوب اليك ولا حول ولا قوة الا بالله العلي العظيم

هذا رد .،! .. استغفرالله

معليش اختي .. ايش مشكلتج مع الرد .. ممكن توضحين وين المشكلة !!

[MirusS]

لا المفروض مايساوون الجينير مع السينير مش حسد بس أعط لكل نفر حقه
واحد درس و واحد لعب تساويهم ؟ هل يستوي الذين يعلمون والذين لا :)
حتى لو فالاجتماعيه أجوف بعد لا ..
وضع الجينير مع السينير نفسه مع العساكر


وبعدين تعال
شلون قطري اصلي وقطري تقليد
بضاعه هي :) !

[قطري سهم]

للاخوه الي يقولون مساواه الجنير والسنير ، الموظوع عن الزواج وعلاوه الزواج ، مالها دخل في مخصصات السنير وعلاواته واساسية الموظوع دار بالمجلس عن فرق علاوه الزواج ، في كلا الحالتين هذا متزوج وهذا متزوج مايخصة بدرجة دامة موظف حكومي ومتزوج توحيد علاوه الزواج الاثنين يتحمل مسولية الزواج وينزوجون لاكن كلامنا كان يدور حول توحيد العلاوه بحكم ان الاثنين متزوجين مالها خص بالامور الباقية والامتيازات هذا رب اسره وهذا رب اسره

[POINT]

للاخوه الي يقولون مساواه الجنير والسنير ، الموظوع عن الزواج وعلاوه الزواج ، مالها دخل في مخصصات السنير وعلاواته واساسية الموظوع دار بالمجلس عن فرق علاوه الزواج ، في كلا الحالتين هذا متزوج وهذا متزوج مايخصة بدرجة دامة موظف حكومي ومتزوج توحيد علاوه الزواج الاثنين يتحمل مسولية الزواج وينزوجون لاكن كلامنا كان يدور حول توحيد العلاوه بحكم ان الاثنين متزوجين مالها خص بالامور الباقية والامتيازات هذا رب اسره وهذا رب اسره

اتفق معاك فالمضمون أخي الفاضل.
يعني صاحب الشهادة او الدرجة السنير عقد زواجه مثقف ومدعوم بخبرته الوظيفيه ونسخة من شهادة الجامعه؟؟

انا من حملة الشهاده الجامعية وسنير على فكره. ولكني احب الخير لجميع أبناء وطني

[بصمة قطرية]

المفروض صاحب الموضوع يقول من المفترض على حكومتنا زيادة العلاوة الاجتماعية لفئة صغار الموظفين مع ذكر السبب و مهب مقارنة الفئتين مع بعض وهذا ان دل فهو يدل على ضعف الرؤية و قليل من الحقد والحسد ...


انا اطالب حكومتنا الرشيدة مساوات راتبي و مخصصاتي برواتب الوزراء و مخصصاتهم !!!!!:rolleyes2:
أخوي أوريو
هو قارن العلاوة الإجتماعية فقط ..
ذكر السنير المتزوج و الجنير المتزوج
بما إن الأثنين متزوجين يستحقون نفس الزيادة ..
ما أشوفه طالب بشي غلط ..!!!
قارن صحيح
بس مقارنته سليمة و ما فيها شي غلط ..
مطلبه عادي حداً ..

[POINT]

لي صارت علتك منك وفيك....

[محمد2]

يالجنير.روح خلص جامعتك وتعال خذ علاوتك الزوجية مثل السنير. ولا تعور راسك وراس غيرك

[همسه]

محمد ردك فيه شي من الغرور ولا اتخيل ؟؟

الاخ ناقش موضوع يساعد الشباب على الزواج ماقال عطو الجنير و السنير نفس الراتب

على اساس كل الجامعيين درسو و تعبو محد منهم شرا الشهاده وهو متكي ولا يدري عن الدنيا ولو تساله شي في مجال تخصصه تبلعم

كثير من الجنير ودهم لو خذو الدكتوراه مب البكلريوس وبس لكن ماتدري عن ظروف الناس اللي منعتهم

تمام يالسنير

:)

[قطري سهم]

عيل ابشرك ياخوي محمد اني نهاية السادسة وداخل بالخامسة ان شاء الله واهلي مايشتغلون ومصروفهم الشهري الي اعطيهم اياه اكثر من علاوه ال 6400 الي ياخذها السنير وللعلم لست جامعي والحمد لله مداخيلي الشهرية تكد على 3 سنيرية ياخوي السنير

اللهم لك الحمد والشكر تبارك الله

لاكن حبيت انقل نقاش واقعي دار بالمجلس واعجبني طرحة الجديد الي محد ناقشة من قبل

لن صحيح دام انت مقتدر ولا انا مقتدر هناك شباب ال 2400 الفرقية بين السنير والجنير تخدمة وتساعده عالاقل براتب خادمة ودريول

وبالعكس انا مع تشجيع الشباب عالزواج وهذي صوره لشيئ بسيط من الدعم لهم بالعلاوه

الدولة تعطي فلسطين من استوينا لليوم والفقرا والمحتاجين في شتا الدول وماهي عاجزه عن تسوية العلاوه الزوجية لدعم الشباب الصغير المقبل عالزواج

وركز ( اني ماقلت وحدو الرواتب ) فقط العلاوه الزوجية بما ان الاثنان يعولون اسره .