خلاطات المغاسل

[كود نمبر]

السلام عليكم

اخواني شنهي افظل نوعيه من الخلاطات وهل ماركة قروهي هو الافظل على الإطلاق
وهل هناك نوعيات اخرى جودتها ممتازة غير قروهي

ومنهو وكيلها في قطر وهل لها وكيل او موزع في الأحساء

سؤال اخر عن السخانات ألمركزيه
فيه عرض عند شركة تدمر 11500 بدون تركيب هل العرض جيد

شاكر لكم

[ZURICH]

انا خذيت جروهي الماني من الاحساء
الوكيل في السعودية ،، شركة سارة
ولاتفكر في غير جروهي بس لاتاحذ التايلندي او البرتغالي
والاسعار اقل بنص السعر
بخصوص سخانات تدمر اذا قررت تاخذ منهم اطلب التركيب يكون عليهم افضل
اذا تبي رقم وكيل جروهي في الاحساء راسلني واتصلهم يجهزون لك المواد وروح خذهم في نفس اليوم

[معماري قطري]

قروهي طبعاً نوعيات وفيه نوع جربته وحبيته شوي غالي إِسمه داميكسا ووكيله الطيب

داميكسا على ما اعتقد بلجيكية

http://www.damixa.com/pl/2/Bath

[Azizuk]

كخلاط انا انصح هانز قروهي الماني الصنع

جودة ومتانة

http://www.hansgrohe.co.uk


http://www.hansgrohe-middleeast.com/13358.htm

وهذا موقع الوكلاء في الشرق الأوسط

قطر وكيلهم شركة المتحدة للتجهيزات

والسعودية ثلاث وكلاء
الصديقي في الدمام شارع الملك عبدالعزيز

الصديقي فرع الخبر شارع الملك خالد تقاطع 19/20

الشايع طريق الخبر الدمام

الشايع الرياض شارع التخصصي

الهدباني فرع الرياض

http://assets.hansgrohe.com/assets/global/hg_comfortzone_en.pdf

عني انا اخذة جميع خلاطات المنزل والشورات وجميع الاكسسورات من الصديقي فرع الدمام شارع الملك عبدالعزيز

طلعت عَلى في حدود 82 الف

لو في المتحدة بيطلع المبلغ في حدود 130 الف

خلاط نوع ماترس هانز قروهي في الدوحة بعد الخصم بيطلع 900 ريال ألماني

في السعودية 600 بعد الخصم

شور شلال مع كامل اكسواراته في الدوحة بيطلع 22 الف قبل الخصم بعد الخصم بيطلع 17

تم شرائه ب 12 الف بعد الخصم من السعودية

شور نوع ثلاث حركات في قطر ب 10 آلاف بعد الخصم ب 8 آلاف

في السعودية ب 7 آلاف لان طلبية لو مب طلبية السعر بيطلع اقل لان موديل جديد وتوه نازل

لان اي طلبية من الوكيل في السعودية يأخذ عليك في حدود 5 آلاف ريال تضاف على سعر البضاعة

في فرق كبير اذا بتاخذ كمية كبيرة وللبيت كامل تسوى انك تأخذ من دولة اخرى

طبعا انا ماخذ جميع الخلاطات مع الولوف مع الشفاطات للوضوء

اما اذا لحمام او حمامين أخذ من قطر احسن لك

كما يوجد ماركة هانزا وكيلهم بيت الاباء ومكارم النخبة في السعودية بعد ماركة ممتازة ألمانية اقل جودة وارخص بفارق كبير من أسعار هانز قروهي

وكيل الماركة في قطر شركة سيار في طريق سلوى بس السعر مرتفع ونوعيات وموديلات اقل من السعودية

http://www.hansa.com


وعندك عاااااد اذا تبي الفخامة ماركة فلوري أند بوخ ألماني بس السعر ناااار

أشكال وأنواع

http://www.dornbracht.com

وكيلهم في قطر العامودي بس ماعنده الا كم نوع الان السعر مرتفع مايجب الا على الطلب

وعندك خلاطات فرنسية عند شبيب العطية نفس اللي مركب في برج العرب بس السعر إنار ياحبيبي ناااار

الخلاط الواحد لمغسلة ب 50 الف

انا اشوف ماركة هانزا سعر وجودة ممتازة

وماركة هانز قروهي الحلو فيها الطقم تاخذة كامل ومنسق يطّلع شكله حلو في الحمام

واسعارهم تعتبر متوسطة

طبعا هانز قروهي يوجد منه كذا نوع يوجد خلاط نوع فوكس ب 250 ريال صناعة يمكن صيني او تايلندي ويوجد صناعة ألماني خلاط بالالف

بس انا انصح اذا بتاخذ جميع أغراضك من المتحدة في قطر من أبواب ومطابخ وأرضيات وبلاط حمامات وإكسسوارات وجميع احتياجات المنزل

راح تحصل على خصم جيد منهم

طبعا في شهر رمضان الكريم من كل سنة شركة المتحدة تعمل خصم 30 % ثابت لجميع المنتجات الموجودة بالمعرض

اما باقي السنة الخصم على حسب الكمية

البايع 20% خصم

ومدير المعرض 25%

والمالك وورئيس مجلس الادارة الصلاحية اكثر بس للمشاريع 30 % ويمكن اكثر على حسب المشروع

ونفس الشي عند جميع الشركات في جميع الدول الخصم الحد الأقصى 30%

[معماري قطري]

هانز قروهي وقروهي عيال عم أَو اخوان وانفصلوا كل واحد في شركة وكلهم زينين المهم بلاد الصنع والموديل وكل ما زاد وزن القطعة زاد سعرها حسب مواد التصنيع

[Azizuk]

هانز قروهي وقروهي عيال عم أَو اخوان وانفصلوا كل واحد في شركة وكلهم زينين المهم بلاد الصنع والموديل وكل ما زاد وزن القطعة زاد سعرها حسب مواد التصنيع


أشكرك على التوضيح وأعطيتهم الزبدة اخوي معماري

اما انا عورت راس الشباب والاعضاء بالشرح

بس هدفي من الشرح الطويل عشان الناس تفهم وتعرف الأسعار وين تروح تشتري

بس دوم انت ماتقصر

[Hamad_qa]

معلومات وافية شكرًا اخوي azizuk والشكر موصول لاخونا معماري

[معماري قطري]

أشكرك على التوضيح وأعطيتهم الزبدة اخوي معماري

اما انا عورت راس الشباب والاعضاء بالشرح

بس هدفي من الشرح الطويل عشان الناس تفهم وتعرف الأسعار وين تروح تشتري

بس دوم انت ماتقصر

انت ما شاء الله معلوماتك أَبديتد وبالارقام انا على قد حالي

بالنسبة لداميكسا الواحد يسوفه على الطبيعة بيحس بالجودة .. وقروهي خذت منه من دبي أَصلي والحمد لله 10 سنين بدون مشاكل للحين

[معماري قطري]

معلومات وافية شكرًا اخوي azizuk والشكر موصول لاخونا معماري

العفو سميي والله يوفقك ويوفق كل من يبني في بنيانه

[@north_star@]

جروهي في قطر ماله وكيل كله موزعين وبالنسبة للصناعة في بعض الموديلات الرخيصة او موديلات معينة تتصنع في تايلند او البرتغال وطبعا أصلية وفي موديلات تتصنع بالمانيا وكلهم عليهم نفس الضمان وبالنسبة للجودة طبعا هو مب رقم واحد في ماركات كثيرة احسن منه بس يعتبر الافضل بالماركات الشعبية لانه نوع متداول كثير بالسوق وبالتوفيق ان شاء الله

[بومحمد المطاوعه]

http://www.grohe-gcc.com/

يمدحون هالشركه

[لبيبة]

بالنسبة لي، اشوف ان Grohe ماركة ممتازة وأثبتت جودتها

[مهاجر]

جروهي وهانز جروهي ماركات ممتازه وماعليها كلام

[كود نمبر]

مشكور يأخوان على المشاركة
وبيض الله وجيهكم