مع / ضد تصوير شاشة الجوال لبرنامج الواتس ) خلسة ؟

[همس البراكين]

السلام عليكم ورحمة الله وبركاته

يقوم بعض الاشخاص بتصوير شاشة الجوال لبرنامج الواتس للاحتفاظ بصور شخصية لجهات الاتصال وعائلتهم دون الاستآذان منهم ...

دعوة عامة للنقاش الهادئ.

[رهج السنابك]

شوف اخوي الي ينشر صور شخصيه وعائلية في الواتس اب فهو ضمنيا سامح بان يراها الاخرون او ياخذونها مثلها مثل صور الجرايد والاعلام
دام الله لا يهينك حاط الصور لا تصيح ع الناس ليش سرقتوهم لو ماتبي لا تحط
سالفه الاستئذان ماتمشي اهني
وماله حق يقول حطيت الصور بس مابي حد يحتفظ فيهم الا لو كاتب ع الصوره حقوق الطبع محفوظه

[رهج السنابك]

وانا ضد الي يحطون صور اطفالهم او قطعه من ظفرهم ولا ربع عين ومدري شنو
اما ريال فوق 18 كيفه يحط صورته يحط نص خشمه عادي

[بونووف]

ليش يصور الشاشه دام يقدر يحفضها بالطريقه العاديه !!؟؟

[Dana’1]

مع بشرط أخذ الإذن وغالبا يكونون من الحبايب أهل واصحاب

[Dexter]

اي صورة تحطها واجهة يوزرك راح تصير عامة شئت ام ابيت هذا هو الانترنت من يوم ما عرفناه

وسالفة استئذان ومادري ايش انسى... ما راح تقدر تجبر احد يسوي اي شي عالانترنت

نفس الي يحطون صورهم في تويتر و و و..

ما تبي حد يشوفها؟ لا تحطها وانتهى الموضوع

[الحياة الخالدة]

ولا اللي يقول لك أحلل و ما أحلل
من صجك يعني تحلل و الا ما تحلل
يا بابا من مفتكر فيك
اللي بياخذ شي بياخذه
و من حط نفسه سبوس لعبت به الدجاج
انت في عالم مفتوح .. فيه أشكال و ألوان من الناس
فيه الزين و الشين
اللي يبي يحافظ على خصوصيته .. من البداية لا يحط شي و السلام
غير جذي .. لا يلوم إلا نفسه

[العقل المدمر]

ماعتقد ان اللي يحط الصورة حق الكل له يحق يقول لهم لا تحفظونها
حتى لو مليون مرة قال ما اسمح .. اللي مايسمح لا يعرض الصورة ويخليها سبيل حق خلق الله
خصوصا ان الواتس اب ابدا مافيه خصوصية واي حد ممكن يحتفظ بالرقم ويشوف الصور

[MirusS]

هذا الي يقول ماأسمح وماأحلل
وحده من الثنتين يأما أنه متخلف ( متأخر يعني :) ) وغشيم !
أو قالها أستايل وجي :) >>> في ناس عبالهم كشخه هالحركه 92142

أنت دامك حطيتها صوره لبروفايلك معناتها أنك سامح للناس يجوفون الصوره
فشلون ماتسمح !! ناس وناس يعني ؟! شالفرق
عن نفسي أي صوره تعجبني أسوي كابتشر علطول :)

[Aaziz]

يعني شبتكون صوره الوتس اب ... ياصوره شخصيه (اذا كان رجل) او اطفال
او صوره رمزية عامه
شخصيا حاط فنجال قهوه :pic:
الي يبيها خل يحفظها

[: بوحمود :]

الغلط من الاساس انه حطها صوره شخصيه ،،
اخبر مره خذت صوره لمرينا لوسيل الصوره حلوه في نظري بعد كم يوم شفتها في جريدة الشرق الاقتصاديه والمفروض يدفعون لي فلوس [emoji4]ولا وين حقوق النشر [emoji35]


أرسلت بواسطة iPhone بإستخدام Tapatalk

[R 7 A L]

احلى شي ( خلسه ) ههههههه
حسيت ان واحد سرق صورتي وانحاش وانا في فالي

[Aaziz]

^
^

:taunt::taunt:

[ANONYMOUS]

عادي .

[معماري قطري]

وانا ضد الي يحطون صور اطفالهم او قطعه من ظفرهم ولا ربع عين ومدري شنو
اما ريال فوق 18 كيفه يحط صورته يحط نص خشمه عادي

:nice: هذي بصمتي .. زين واللي خشمه كبير يترس الصورة كلها شيسوي؟

[بصمة قطرية]

لا تبوق و لا تخاف ..
يعني أي شخص يحفظ رقمك بيشوف صورك
لا تحط صورك و ريح بالك ..
يعني تحط صور و تقول للعالم لا تشوفون و لا لا تصورون
صحيح مب حلوة الواحد يصور و يصور ليش من الأساس
بس عشان تقصر الشر و تكون مرتاح تجنب تحط صور شخصية
لك و لا لعيالك ..

[شبيه الريح]

ماحد قاله يحطها في الواتس اب او غيره من البرامج .

مثل الي تلبس مخصر وغيره ولا تبي احد يضايقها ولا يقولها شي .

لو الصور خاصه ومايبي احد ياخذها مايخليها في متناول اليد .

[ودي أكون]

الوتساب فيه ميزه..

يا انك تعرض الصور للجميع وتكون عامه.. وفي هالحاله مايحق للشخص يعاتب او يستنكر على اي احد ان اخذ صورته ..،!؟

او انك تعرض الصور فقط لجهات الاتصال اللي انت حافظ رقمها عندك .. وفي هالحاله نعم، لا يجوز لاي احد ان ياخذ الصورة منك، وفي حالة ان اخذها الواجب والواجب والواجب على اللي اخذها ان ما يعرضها لاي احد ويحتفظ فيها فقط.. لان الصوره هاذي تعتبر امانه، وهو عرضها فقط للي واثق فيهم ويعرفهم ..!


عموماً بالنسبه لي.. اشوف ان ما يحق لاي احد ان ياخذ صور شخصيه لغيره بدون استئذان، ولو اخذها يحتفظ فيها لنفسه بدون ما ينشرها او يعرضها لاحد او على اي احد .. وهاذي بالنسبه لي الامانه الاخلاقيه

والله المستعان

[Dmy Enabi]

في ناس صراحة نكته
إلي هم قبل في البيبي يحطون dt
صراحه أحسهم من المدينة الفاضلة لا ولو كانت صورة بنت بعد خخخخخ

[يمامـة]

المفروض انك ما تاخذ شي مب لك الا لما تستئذن من صاحب الشي هذا..
يعني لو اني حطيت ريال في تجمع ناس محد له الحق ياخذ هالريال قبل ما يستئن مني..
و هالشي ينطبق على الصور الشخصية وغير الشخصية في الوتس اب..

صحيح هم عارضينها للكل لكن مب معناته ان الكل يحق لهم ياخذونها ويحتفظون فيها
او ينشرونها( لان يبقى لصاحب الصورة حقه في قبول او رفض نشرها)

لكن اللي حاصل اليوم اننا نعطي نفوسنا حق الاستيلاء على الصور ونشرها
من باب لو ما يبون حد ياخذها كان ما حطوها!!

وعلشان ما انحط نفوسنا في مواقف بايخة يوم الحساب والعقاب
خلونا نتسئذن اصحاب هالصور بشكل عام قبل ما ناخذ صورهم
لانهم لو ما كانوا موافقين موقفنا وياهم بيكون بايخ وفي حساب وعقاب يوم الدين!!

[همس البراكين]

المفروض انك ما تاخذ شي مب لك الا لما تستئذن من صاحب الشي هذا..
يعني لو اني حطيت ريال في تجمع ناس محد له الحق ياخذ هالريال قبل ما يستئن مني..
و هالشي ينطبق على الصور الشخصية وغير الشخصية في الوتس اب..

صحيح هم عارضينها للكل لكن مب معناته ان الكل يحق لهم ياخذونها ويحتفظون فيها
او ينشرونها( لان يبقى لصاحب الصورة حقه في قبول او رفض نشرها)

لكن اللي حاصل اليوم اننا نعطي نفوسنا حق الاستيلاء على الصور ونشرها
من باب لو ما يبون حد ياخذها كان ما حطوها!!

وعلشان ما انحط نفوسنا في مواقف بايخة يوم الحساب والعقاب
خلونا نتسئذن اصحاب هالصور بشكل عام قبل ما ناخذ صورهم
لانهم لو ما كانوا موافقين موقفنا وياهم بيكون بايخ وفي حساب وعقاب يوم الدين!!


رأي سديد.

[لبيبة]

وعليكم السلام ورحمة الله وبركاته.

في رأيي. صور العرض في الواتساب هي صور ملك صاحبها.

لكن لازم يعرف ان هالصور يشوفها غيره ويقدر انه يحتفظ

بنسخة منها. وبالتالي اذا عنده صورة تهمه وخاصة لا يعرضها للناس. بعدين يزعل لو حد خذها.

أصلا بمجرد وضع أي صورة في أي وسيلة تستخدم الانترنت، يتوقع صاحبها إنها صارت

مشاع للكل ويكون مستعد لذلك. أما سالفة ما أحلل وغيرها ما تمشي عند حد.

ومحد مهتم في صاحب أي صورة. بدليل إن كل الصور اللي في اي وسيلة اجتماعية ننسخها ونحتفظ بها دون استئذان أصحابها.

إلا لو كانت للاستخدام التجاري، لازم الاستئذان وحفظ الحقوق وهذي موضوع ثاني.

الشي اللي فكرت ان بيتم نقاشه من عنوان الموضوع، ولكن محد تكلم عنه، هو

تصوير المحادثات بدون استئذان أصحابها وتبادلها مع الآخرين. أعتقد إن هذا ما يجوز إلا باستئذان.

[همس البراكين]

وعليكم السلام ورحمة الله وبركاته.

في رأيي. صور العرض في الواتساب هي صور ملك صاحبها.

لكن لازم يعرف ان هالصور يشوفها غيره ويقدر انه يحتفظ

بنسخة منها. وبالتالي اذا عنده صورة تهمه وخاصة لا يعرضها للناس. بعدين يزعل لو حد خذها.

أصلا بمجرد وضع أي صورة في أي وسيلة تستخدم الانترنت، يتوقع صاحبها إنها صارت

مشاع للكل ويكون مستعد لذلك. أما سالفة ما أحلل وغيرها ما تمشي عند حد.

ومحد مهتم في صاحب أي صورة. بدليل إن كل الصور اللي في اي وسيلة اجتماعية ننسخها ونحتفظ بها دون استئذان أصحابها.

إلا لو كانت للاستخدام التجاري، لازم الاستئذان وحفظ الحقوق وهذي موضوع ثاني.

الشي اللي فكرت ان بيتم نقاشه من عنوان الموضوع، ولكن محد تكلم عنه، هو

تصوير المحادثات بدون استئذان أصحابها وتبادلها مع الآخرين. أعتقد إن هذا ما يجوز إلا باستئذان.



السلام عليكم ورحمة الله وبركاته .
بالنسبة لتصوير المحادثات يحدث كثيرا لدى بعض الأشخاص ، أنا شخصيا تفاجأت
من استخدم محادثتي كواجهة لجهة اتصال معينة !!!
لكم التعليق .

[Dexter]

المفروض انك ما تاخذ شي مب لك الا لما تستئذن من صاحب الشي هذا..
يعني لو اني حطيت ريال في تجمع ناس محد له الحق ياخذ هالريال قبل ما يستئن مني..
و هالشي ينطبق على الصور الشخصية وغير الشخصية في الوتس اب..

صحيح هم عارضينها للكل لكن مب معناته ان الكل يحق لهم ياخذونها ويحتفظون فيها
او ينشرونها( لان يبقى لصاحب الصورة حقه في قبول او رفض نشرها)

لكن اللي حاصل اليوم اننا نعطي نفوسنا حق الاستيلاء على الصور ونشرها
من باب لو ما يبون حد ياخذها كان ما حطوها!!

وعلشان ما انحط نفوسنا في مواقف بايخة يوم الحساب والعقاب
خلونا نتسئذن اصحاب هالصور بشكل عام قبل ما ناخذ صورهم
لانهم لو ما كانوا موافقين موقفنا وياهم بيكون بايخ وفي حساب وعقاب يوم الدين!!

المنطق الي تمشين عليه مب راكب مخي، يعني الحين لو انا شفت صورة اعجبتني وحفظتها في جوالي هل تنمسح من عندج؟!!!

اذا ما تنمسح من عندج شلون تشبهينها بالريال؟!!! المثال في صوب والموضوع في صوب

واذا تبين الصورة ما تنتشر لا تحطينها قدام من هب ودب، هذي من البديهيات في الحياة


رأي سديد.

الشيخ انت فاتح موضوع للنقاش، ليش ما تناقش؟

ولا بس ترد بكم كلمة على الي يوافقونك الرأي وتسميه نقاش؟

[MirusS]

المفروض انك ما تاخذ شي مب لك الا لما تستئذن من صاحب الشي هذا..
يعني لو اني حطيت ريال في تجمع ناس محد له الحق ياخذ هالريال قبل ما يستئن مني..
و هالشي ينطبق على الصور الشخصية وغير الشخصية في الوتس اب..

صحيح هم عارضينها للكل لكن مب معناته ان الكل يحق لهم ياخذونها ويحتفظون فيها
او ينشرونها( لان يبقى لصاحب الصورة حقه في قبول او رفض نشرها)

لكن اللي حاصل اليوم اننا نعطي نفوسنا حق الاستيلاء على الصور ونشرها
من باب لو ما يبون حد ياخذها كان ما حطوها!!

وعلشان ما انحط نفوسنا في مواقف بايخة يوم الحساب والعقاب
خلونا نتسئذن اصحاب هالصور بشكل عام قبل ما ناخذ صورهم
لانهم لو ما كانوا موافقين موقفنا وياهم بيكون بايخ وفي حساب وعقاب يوم الدين!!

فعلا مثالج غلط :) ..
وبالنسبه لكلامج بأنه حرام
يعني لو صحفي كتب مقال ونشره فالجريده وجيت أنا ابي اشتري هالجريده واقرا المقاله هل لازم أستأذن من الصحفي عشان اقراها ؟
وهل يحق له يحطها فالجريده ويحدد منو الي يقرا بس ؟

[يمامـة]

المنطق الي تمشين عليه مب راكب مخي، يعني الحين لو انا شفت صورة اعجبتني وحفظتها في جوالي هل تنمسح من عندج؟!!!

اذا ما تنمسح من عندج شلون تشبهينها بالريال؟!!! المثال في صوب والموضوع في صوب

واذا تبين الصورة ما تنتشر لا تحطينها قدام من هب ودب، هذي من البديهيات في الحياة





اووبس يعني المثال طلع مضروب؟:tooth:

شوف يا اخوي مستر دكستر ..

خذ المثال بشكل معنوي اكثر مما هو هو بشكل مادي بحت..
بمعني الريال ماله قيمة وحطيته ورحت عنه.. فانت ما تقدر تاخذه قبل ما تبحث عن صاحبه..
والصور في الوتساب نفس الشي..
انا حطيت صورتي في الوتس وعندي مثلا50 رقم هالـ50 رقم عادي عندي يشوفون صورتي
لكن مب عادي عندي صورتي توصل بندر عباس عن طريق موزمبيق!!

يعني عادي عندي صديقاتي اللي معطتهم رقم الوتس اب يشوفون صوري
لكن مب عادي عندي صديقات صديقاتي يشوفون الصور..
فاهنيه ندخل في قضية هل يحق لصديقتي انها تاخذ صورتي وتنشرها؟

وخلني اقول لك موقف سليم لاحدى صديقاتي ..
مرة كنت حاطة صورة بنت اختي الكاكاوية شبيهتي وشافتها صديقتي اللي معاي من الاعدادية
فقالت لي سعووف تشبهج واايد.. هذي بنتج؟ قلت لها لا هذي بنت اختي.. قالت لي ممكن اراويها
شيخوه؟.. شيخوه هذي اعرفها من مرحلة الاعدادية بعد بس مب معاي ورقمي مب عندها ولا رقمها عندي..
لكن صديقتي تصرفت التصرف الصحيح.

فاللي يشوف ان من حقه انه ياخذ الصور من غير استئذان فشلي بيخسره لو استأذن صاحب الصور في الوتس اب ؟





فعلا مثالج غلط :) ..
وبالنسبه لكلامج بأنه حرام
يعني لو صحفي كتب مقال ونشره فالجريده وجيت أنا ابي اشتري هالجريده واقرا المقاله هل لازم أستأذن من الصحفي عشان اقراها ؟
وهل يحق له يحطها فالجريده ويحدد منو الي يقرا بس ؟

اووبس يعني مثالي طلع معطوب:secret:

نستبعد المثال يا مستر فايبر..

بس بعد كلامك وايد جدا اوي خالص غلط..

الوتساب حاله مب حال الجريدة بكل ما فيها من مقالات او صور او تحقيقات..
وعلشان نكون اكثر دقة في كلامنا..

مثلا عندي رقمين والاثنين عليهم الوتس اب..
الاول الرقم سبيل للكل من مدرسين خيايط كهربجي سباك نجار ناس من كل مكان..
و رقم مخصصته للقراب مني من صديقات المنتدى او المدرسة وعيالي و ابوهم و المقربين جدا..

فهل لما احط صورة ولدي في الرقم الثاني يحق للي معاي ياخذون الصورة وينشرونها؟
اقول لك ما يحق لهم..لاني اصلا في الرقم الاولي كنت حريصة ما احط صور تعبر عني..
ولا يعني اني حطيت صورة خاصة فيني او في الناس اللي حولي هالشي يعطي اللي معاي حق انهم
ياخذونها وينشرونها.. لان الوتس اب مربوط بارقام ناس احنا المفروض نثق فيهم..
ولما نثق فيهم يشوفون الصور فهذا ما يعني انهم يتعدون على هالثقة وينشرون الصور المحطوطة
او يحتفظون فيها في جواويلهم..

ومن هذا المنبر احب اقول اني ضد وضع صور خاصة في الوتس لاني اصلا ما اثق في احد
واللي اثق فيها اطرش لها صور عيالي او صور المقربين لي .. لكن بعد ما يصير ابخس الناس
حقوقهم من باب هم عارضين صورهم في الوتس فهي صارت ملك لنا..

هذي وجهة نظري يا اخوي فايبر انت غير ملزم فيها
ولكني اشوف ان لصاحب الصورة الحق في محاسبتي عند نشر صوره دون اذن منه..

[يمامـة]

تصوير المحادثات بدون استئذان أصحابها وتبادلها مع الآخرين. أعتقد إن هذا ما يجوز إلا باستئذان.



قاتل الله ايام الجاهلية.. واللي ينطبق على المحادثات ينطبق على الصور
فلما صديقتي تحط صورتها في رقمها الخاص اللي جامعة اقرب المقربين لها
و اروح حضرتي اخذ صورتها واطرشها لج يا لبيبة و اقول لج شوفي هذي فلانة
حاطة صورتها في الوتس اب..
فما يحق لي اسوي هالشي مثل ما يحق لي اني اصور محادثاتي معاها..

لكن المشكلة ان احنا نعطي الحق لنفوسنا في امور ما تحق لنا من باب انهم ما داموا حطوا
صورهم في الوتس اب فهي صارت ملك لنا نتصرف فيها مثل ما نبي.

[MirusS]

اووبس يعني مثالي طلع معطوب:secret:

نستبعد المثال يا مستر فايبر..

بس بعد كلامك وايد جدا اوي خالص غلط..

الوتساب حاله مب حال الجريدة بكل ما فيها من مقالات او صور او تحقيقات..
وعلشان نكون اكثر دقة في كلامنا..

مثلا عندي رقمين والاثنين عليهم الوتس اب..
الاول الرقم سبيل للكل من مدرسين خيايط كهربجي سباك نجار ناس من كل مكان..
و رقم مخصصته للقراب مني من صديقات المنتدى او المدرسة وعيالي و ابوهم و المقربين جدا..

فهل لما احط صورة ولدي في الرقم الثاني يحق للي معاي ياخذون الصورة وينشرونها؟
اقول لك ما يحق لهم..لاني اصلا في الرقم الاولي كنت حريصة ما احط صور تعبر عني..
ولا يعني اني حطيت صورة خاصة فيني او في الناس اللي حولي هالشي يعطي اللي معاي حق انهم
ياخذونها وينشرونها.. لان الوتس اب مربوط بارقام ناس احنا المفروض نثق فيهم..
ولما نثق فيهم يشوفون الصور فهذا ما يعني انهم يتعدون على هالثقة وينشرون الصور المحطوطة
او يحتفظون فيها في جواويلهم..

ومن هذا المنبر احب اقول اني ضد وضع صور خاصة في الوتس لاني اصلا ما اثق في احد
واللي اثق فيها اطرش لها صور عيالي او صور المقربين لي .. لكن بعد ما يصير ابخس الناس
حقوقهم من باب هم عارضين صورهم في الوتس فهي صارت ملك لنا..

هذي وجهة نظري يا اخوي فايبر انت غير ملزم فيها
ولكني اشوف ان لصاحب الصورة الحق في محاسبتي عند نشر صوره دون اذن منه..

كلمة غلط بروحها اتكفي والله :sneaky:

أكيد مو ملزوم في وجهة نظرج ههه لكن بصراحه أقتنعت بكلامج .. اقتنعت في ان ناشر وحافظ الصور ماله حق ( يسرقها )
لكن أنا بقولج أن حتى الي وضع الصوره كصورة بروفايله مشارك فالذنب ليش ؟ ..السبب ( قلة الحرص )
ليش قلة حرص ؟ .. مااعتقد في انسان عاقل بينشر صور خصوصيه في برنامج مثل الواتساب أو اي برنامج أخر ومستبعد تماما أن
فيه شخص ممكن يبوق الصوره وينشرها وهذا قلة حرص .. يعني لوحطيت أنا صوره وقلت (ماأحلل للي ياخذها ) هل بتعطيني جارينتي 100% أن
محد بياخذها ؟؟ >> :) .. مااعتقد انسان صاحي بيقول أي :)
لكن أكيد مايبرر لك أنك تاخذ الصوره وتنشرها
زين لو واضع الصوره مثلا ماقال مااحلل تاخذونها يصير تاخذها ؟؟!
شكرا اليمامه :nice:

[يمامـة]

كلمة غلط بروحها اتكفي والله :sneaky:

أكيد مو ملزوم في وجهة نظرج ههه لكن بصراحه أقتنعت بكلامج .. اقتنعت في ان ناشر وحافظ الصور ماله حق ( يسرقها )
لكن أنا بقولج أن حتى الي وضع الصوره كصورة بروفايله مشارك فالذنب ليش ؟ ..السبب ( قلة الحرص )
ليش قلة حرص ؟ .. مااعتقد في انسان عاقل بينشر صور خصوصيه في برنامج مثل الواتساب أو اي برنامج أخر ومستبعد تماما أن
فيه شخص ممكن يبوق الصوره وينشرها وهذا قلة حرص .. يعني لوحطيت أنا صوره وقلت (ماأحلل للي ياخذها ) هل بتعطيني جارينتي 100% أن
محد بياخذها ؟؟ >> :) .. مااعتقد انسان صاحي بيقول أي :)
لكن أكيد مايبرر لك أنك تاخذ الصوره وتنشرها
زين لو واضع الصوره مثلا ماقال مااحلل تاخذونها يصير تاخذها ؟؟!
شكرا اليمامه :nice:
العفو يا فايبر...
بخصوص كلمة غلط.. اعذرني على استخدامها.. لاني مالقيت مرادف لها تعطي نفس المعنى..
اما بخصوص اسئلتك.. المثل يقول المال السايب يعلم السرقة.. فهل لو اني سرقت هالمال
راح انعفي من قصاص السرقة لان المال السايب هو اللي شجعني على السرقة?
الله اكبر اذن العشا
فإذا اجابتك بتكون لا.. قس نفس الكلام على صاحب الصورة..
هو قد ما يكون عنده مانع تاخذ صورته و تحتفظ فيها وتنشرها
المشكلة لو كان عنده مانع وانت ما تدري انه عنده مانع..

فمن جذيه من الافضل ان نستئذن صاحب الصورة ونقول له
بننشر الصورة .. حزتها لو قال لنا لا نتركها وان قال لنا ايه
نكون برينا ساحتنا من المساءلة يوم الدين..

فنقطة ان صاحب الصورة يشارك ناشر الصورة في الغلطة اتفق معاك
فلا يعني انه هو غلط اروح اغلط مثله.. ربي بيحاسبني على افعالي مب افعاله
فاذا هو مب محللني اخذ صورته فليش اخذها وان كان حاط صورته في
مواقع اجتماعية مفتوحة..??

اداب الاستئذان ينقصنا فس مثل هالمواضيع..
ومتى ما استوعبنا حق صاحب الصورة في الاستئذان منه راح
ندرك ان عملنا هذا من افضل الاعمال اللي تحفظ للاخرين حقوقهم..

بس المشكلة يا فايبر احنا انغمسنا في نقطة عارضها للكل فمن حقنا
اخذها و نشرها ذرن اذن منه..

والعفو واهلا وسهلا في اي وقت..

[Dexter]

اووبس يعني المثال طلع مضروب؟:tooth:

شوف يا اخوي مستر دكستر ..

خذ المثال بشكل معنوي اكثر مما هو هو بشكل مادي بحت..
بمعني الريال ماله قيمة وحطيته ورحت عنه.. فانت ما تقدر تاخذه قبل ما تبحث عن صاحبه..
والصور في الوتساب نفس الشي..
انا حطيت صورتي في الوتس وعندي مثلا50 رقم هالـ50 رقم عادي عندي يشوفون صورتي
لكن مب عادي عندي صورتي توصل بندر عباس عن طريق موزمبيق!!

يعني عادي عندي صديقاتي اللي معطتهم رقم الوتس اب يشوفون صوري
لكن مب عادي عندي صديقات صديقاتي يشوفون الصور..
فاهنيه ندخل في قضية هل يحق لصديقتي انها تاخذ صورتي وتنشرها؟

وخلني اقول لك موقف سليم لاحدى صديقاتي ..
مرة كنت حاطة صورة بنت اختي الكاكاوية شبيهتي وشافتها صديقتي اللي معاي من الاعدادية
فقالت لي سعووف تشبهج واايد.. هذي بنتج؟ قلت لها لا هذي بنت اختي.. قالت لي ممكن اراويها
شيخوه؟.. شيخوه هذي اعرفها من مرحلة الاعدادية بعد بس مب معاي ورقمي مب عندها ولا رقمها عندي..
لكن صديقتي تصرفت التصرف الصحيح.

فاللي يشوف ان من حقه انه ياخذ الصور من غير استئذان فشلي بيخسره لو استأذن صاحب الصور في الوتس اب ؟






اول شيء خل نتفق يا اخت يمامة على اننا قاعدين نتكلم عن الواقع ومب عن عالم مثالي وهمي محد يغلط فيه على احد او ما فيه انسان سيء

لأن مثالج ووجهة نظرج بشكل عام ساذجة جدًا...

يعني حطيتي صورتج قدام 50 شخص وتزعلين اذا واحد من هالخمسين حفظها او رواها حد ثاني؟ ههههههههههه لا حول ولا قوة الا بالله..

اذا بتتكلمين عن العيب؟ نعم عيب...

اذا بتتكلمين تصير؟ نعم تصير ولا تلومين الا نفسج لأن انتي الي بتحطين نفسج في هالموقف وما عندج اي قدرة توقفين اي شيء

وهذا الي ابي اوصل له، لأن لو تبينا نتناقش في كيفية الحد من هالظاهرة ما بتقدرين وبتدورين مكانج لأن الي بيحفظ الصورة بيحفظها وبينشرها ولا درى عنج

[MirusS]

العفو يا فايبر...
بخصوص كلمة غلط.. اعذرني على استخدامها.. لاني مالقيت مرادف لها تعطي نفس المعنى..
اما بخصوص اسئلتك.. المثل يقول المال السايب يعلم السرقة.. فهل لو اني سرقت هالمال
راح انعفي من قصاص السرقة لان المال السايب هو اللي شجعني على السرقة?
الله اكبر اذن العشا
فإذا اجابتك بتكون لا.. قس نفس الكلام على صاحب الصورة..
هو قد ما يكون عنده مانع تاخذ صورته و تحتفظ فيها وتنشرها
المشكلة لو كان عنده مانع وانت ما تدري انه عنده مانع..

فمن جذيه من الافضل ان نستئذن صاحب الصورة ونقول له
بننشر الصورة .. حزتها لو قال لنا لا نتركها وان قال لنا ايه
نكون برينا ساحتنا من المساءلة يوم الدين..

فنقطة ان صاحب الصورة يشارك ناشر الصورة في الغلطة اتفق معاك
فلا يعني انه هو غلط اروح اغلط مثله.. ربي بيحاسبني على افعالي مب افعاله
فاذا هو مب محللني اخذ صورته فليش اخذها وان كان حاط صورته في
مواقع اجتماعية مفتوحة..??

اداب الاستئذان ينقصنا فس مثل هالمواضيع..
ومتى ما استوعبنا حق صاحب الصورة في الاستئذان منه راح
ندرك ان عملنا هذا من افضل الاعمال اللي تحفظ للاخرين حقوقهم..

بس المشكلة يا فايبر احنا انغمسنا في نقطة عارضها للكل فمن حقنا
اخذها و نشرها ذرن اذن منه..

والعفو واهلا وسهلا في اي وقت..

لا عادي .. كنت اتغشمر

اتفق معاج في ناحية الاستئذان وضرورته لنبرء انفسنا ..
هذا المفروض الي يصير ونتعلمه ونتعود عليه << وأعترف انا واحد من الي مايطبقون هالشي يمكن لجهل

لكن لو غضينا البصر من الناحية الدينيه واعتبارها كسرقه >> استغفر الله اقصد لو خذناها من ناحيه قانونيه وخصوصيه
هل تعتبر سرقه ؟! .. باعتقادي لا .. لأن أغلب مواقع التواصل والبرامج الاجتماعيه التواصليه ماتعتبر حفظ الصوره ونشرها انتهاك للخصوصيه
أو للحقوق .. بدليل ان اوبشن او خيار حفظ الصوره متاح في كل المواقع والبرامج ..
لكن فالنهايه مثل ماذكرتي لازم نجوف النظره الدينيه للموضوع وأتفق معاج 100% ومانبرر لنفسنا بعذر انه عارض الصوره للكل

وعلى فكره اسلوبج فالحوار دايما يعجبني جان زين لو يتعلمون منج بعض العضوات :) .. تشكرين عليه
بالتوفيق ي ا ل ح ك ي م ه :secret:

[بوحارب]

انا مسامح كل من صور الشاشة :o

[لبيبة]

بس ابي افهم

ليش الواحد يحط صورة خاصة به ومهمة بالنسبة له مشاع جدام كل الناس (سواد بقائمة محددها وراضي لهم يشوفونها او على الملأ)

الحين لو عندي شي ثمين، ما احطه عرضة للكل

واكيد لو حطيته، عندي توقع في نفسي انه بينسرق 100% بدون ادنى شك

نفس الشي اتوقع لو اي صورة تنعرض، امكانية نسخها متوفرة للجميع وبعلم اللي وضع الصورة

لو الصورة تهم الواحد لهالدرجة، لا يحطها في مكان عام، ويحتفظ بها في جواله لمشاركة المقربين منه يرويهم الصورة وهي في جواله،

اتذكر ايام كنت مشتركة في البلاك بيري من زمان، وصلني برودكاست يطلب ان كل حد يحط صورته وهو صغير في مكان صورة العرض،

يا كثر الصور اللي حطوها، وانا مستغربة، كيف هم مستعدين يشاركون الناس بصورهم الخاصة، بالنسبة لي صوري حتى وانا صغيرة اعتبرها خاصة ولا اشارك بها حد،

بالتالي كل شخص حسب درجة حرصه على صوره، ولا يلوم حد لو نسخها منه،

لأنه بمجرد معرفته انه يمكن نسخها - وهو شي لا يجهله احد - يعفيه من المسائلة القانونية، وربما الدينية ايضا، والله اعلم.

ونصيحتي هي: خشهم ان كنت ما تبي حد ينسخهم.

[MirusS]

انا مسامح كل من صور الشاشة :o

ياعمري انااااا :shy:
بوحارب قلتلك انت مثقف ماصدقتني :funny:

[يمامـة]

اول شيء خل نتفق يا اخت يمامة على اننا قاعدين نتكلم عن الواقع ومب عن عالم مثالي وهمي محد يغلط فيه على احد او ما فيه انسان سيء

لأن مثالج ووجهة نظرج بشكل عام ساذجة جدًا...

يعني حطيتي صورتج قدام 50 شخص وتزعلين اذا واحد من هالخمسين حفظها او رواها حد ثاني؟ ههههههههههه لا حول ولا قوة الا بالله..

اذا بتتكلمين عن العيب؟ نعم عيب...

اذا بتتكلمين تصير؟ نعم تصير ولا تلومين الا نفسج لأن انتي الي بتحطين نفسج في هالموقف وما عندج اي قدرة توقفين اي شيء

وهذا الي ابي اوصل له، لأن لو تبينا نتناقش في كيفية الحد من هالظاهرة ما بتقدرين وبتدورين مكانج لأن الي بيحفظ الصورة بيحفظها وبينشرها ولا درى عنج

صحيح يا دكستر كلامك بخصوص واقعية الحال اللي تصير في حال عرض الصور..
وفي الوقت نفسه بعد المفروض ما نغفل حقوق الاخرين في مثل هالحالات..

يعني بالنسبة لي مابي احط لي صورة خاصة فيني لاني اؤمن ان احنا مب في عالم مثالي
واكيد بيكون هناك اللي بينسخ الصورة او بيحفظها عنده علشان يخرع اليهال فيها،،

ولكني اتكلم عن تأديب نفسي قبل غيري في حالات التعامل مع هالمواقف..
فحديثي من خلال مشاركاتي اهنيه موجهة لنفسي قبل غيري.. اني ما يحق لي اخذ صورة اي
وحدة حاطة صورتها وانشرها في الوتس اب او احتفظ فيها في جوالي..

فنقطة ان اللي يبي ينشر الصور بينشرها.. فكلامي ما بيكون موجه للي ضميره ميت
ولكن موجه للي يبي يعرف اللي له واللي عليه..

فاسمح لي اضرب مثال ثاني: اليوم مثلا توصلنا صور خليعة هل يحق لنا تداولها
بنفس مفهوم صاحبة الصورة ناشرة صورها في وسائل الاعلام؟

شلي بيمنعك من انك تنشر هالصور؟ او تحتفظ فيها؟
حقها ولا حق ربك عليك؟
حقها هي مستغنية عنه لانها ناشرة صورها في كل مكان وكل الوسائل
لكن حق ربنا ما تقدر تتغاضى عنه من باب انها هي موافقة..

وعلى نفس المنوال صاحب الصورة في الوتس له حق.. فهو لو حط صوره وان كان غلطان
لقائمة عددها ٥٠٠ شخص.. لا يحق لأي شخص انه ياخذ هالصورة ويعيد مشاركتها ( اهنيه نتكلم عن الاساس )
لكن اللي يحصل ان محدن ( ركز على النون) يعتمد على الاساس ..فالغالبية تستسهل وضع الصور
وبالتالي كثيريين يستسهلون نشر هالصور بالمشاركة مع ناس اخرين.. في الوقت اللي نشوف
اللي ما يحلل الناس لمثل هالنشر والمشاركة..

فكلامنا يا دكستر ان كنت انت تشوفه وجهة نظر ساذجة جدا .. عني ارحب بالسذاجة هذي دام انها تعفيني من التعدي على
حقوق الاخرين.. المهم ان صاحب الصورة ما يكون له عندي شي في يوم من الايام..

[يمامـة]

لا عادي .. كنت اتغشمر

اتفق معاج في ناحية الاستئذان وضرورته لنبرء انفسنا ..
هذا المفروض الي يصير ونتعلمه ونتعود عليه << وأعترف انا واحد من الي مايطبقون هالشي يمكن لجهل

لكن لو غضينا البصر من الناحية الدينيه واعتبارها كسرقه >> استغفر الله اقصد لو خذناها من ناحيه قانونيه وخصوصيه
هل تعتبر سرقه ؟! .. باعتقادي لا .. لأن أغلب مواقع التواصل والبرامج الاجتماعيه التواصليه ماتعتبر حفظ الصوره ونشرها انتهاك للخصوصيه
أو للحقوق .. بدليل ان اوبشن او خيار حفظ الصوره متاح في كل المواقع والبرامج ..
لكن فالنهايه مثل ماذكرتي لازم نجوف النظره الدينيه للموضوع وأتفق معاج 100% ومانبرر لنفسنا بعذر انه عارض الصوره للكل

وعلى فكره اسلوبج فالحوار دايما يعجبني جان زين لو يتعلمون منج بعض العضوات :) .. تشكرين عليه
بالتوفيق ي ا ل ح ك ي م ه :secret:

وتشكر على حسن كلامك بس بعيد عن ي ا ح ك ي م ة :(

اما نقطة امكانية حفظ الصور في كل المواقع هذي وضعت لتسهيل الحفظ والتعامل
مع المواقع بشكل عام.. وفي خاصية منع حفظ الصور موجودة عندنا في جوجل بلاس..
فهل اهنيه يحق لي اصور الشاشة و انشر الصور؟ اتفقنا ان ما يصير..
لكن هل هناك مخالفة قانونية.. ما اقدر افتي يا فايبر في الشي هذا.. وخاصة لو الصورة
كانت محطوطة تحت خيار عدم الحفظ..

بعدين لابد ما نجهل نقطة مهمة وهي ان هالتقليعات من التطبيقات وكيفية التعامل معاها
وطريقة التعامل معاها اساسا يات من عند ناس عادي عندهم صورهم تنتشر بأي شكل من الاشكال
على عكس مجتعنا اللي للحين محافظ.. وفي بنات الله يهدينا و يهديهم يثقون في الكل من حولهم
ويحطون صورهم في بروفايلاتهم على اساس انهم صديقات.. و هالصديقات محتفظين في الصور جواويلهم
والابو ممكن يشوف جوال بنته او الاخو او الخال او العم.. او هالبنت تشارك غيرها صور هالبنت
والبنت اصلا مخصصة الصورة لمجموعة محددة..
هذي امور قد تقول البنت عادي حطيت صورتي حق صديقاتي لكن بعد العادي هذا تسببنا احنا
في امور غير عادية لما خذنا هالصور و خليناها عندنا او نشرناها!!

[يمامـة]

انا مسامح كل من صور الشاشة :o

اتصدق يا بو حارب اني من كم يوم دخلت في نقاش مفاده ان وضع الرجل لصورته فتنة بعد، قد يحاسب عليها
لو افتتنت البنت فيه!!

[يمامـة]

بس ابي افهم

ليش الواحد يحط صورة خاصة به ومهمة بالنسبة له مشاع جدام كل الناس (سواد بقائمة محددها وراضي لهم يشوفونها او على الملأ)

الحين لو عندي شي ثمين، ما احطه عرضة للكل

واكيد لو حطيته، عندي توقع في نفسي انه بينسرق 100% بدون ادنى شك

نفس الشي اتوقع لو اي صورة تنعرض، امكانية نسخها متوفرة للجميع وبعلم اللي وضع الصورة

لو الصورة تهم الواحد لهالدرجة، لا يحطها في مكان عام، ويحتفظ بها في جواله لمشاركة المقربين منه يرويهم الصورة وهي في جواله،

اتذكر ايام كنت مشتركة في البلاك بيري من زمان، وصلني برودكاست يطلب ان كل حد يحط صورته وهو صغير في مكان صورة العرض،

يا كثر الصور اللي حطوها، وانا مستغربة، كيف هم مستعدين يشاركون الناس بصورهم الخاصة، بالنسبة لي صوري حتى وانا صغيرة اعتبرها خاصة ولا اشارك بها حد،

بالتالي كل شخص حسب درجة حرصه على صوره، ولا يلوم حد لو نسخها منه،

لأنه بمجرد معرفته انه يمكن نسخها - وهو شي لا يجهله احد - يعفيه من المسائلة القانونية، وربما الدينية ايضا، والله اعلم.

ونصيحتي هي: خشهم ان كنت ما تبي حد ينسخهم.

عزيزتي يا فتاة البراري..

نعم بتنسرق 100% لكن السارق هل معفي وغير محاسب على سرقته؟
اهنيه جوهر الخلاف ................> مين جوهر ده؟

[بومحمد المطاوعه]

من الأخر

الي يحط صوره شخصيه
او الي تحط صوره شخصيه
ويزعلون من الناس الي تحفظ صورهم

هؤلاء ناس هبلين وفيهم سخافه


لاتحطون صور وخلاص انتهت السالفه

[لبيبة]

عزيزتي يا فتاة البراري..

نعم بتنسرق 100% لكن السارق هل معفي وغير محاسب على سرقته؟
اهنيه جوهر الخلاف ................> مين جوهر ده؟

اي معفي، لأنه صار ملكية عامة، لو يبي يحفظ حقوقه يحطها في تجوري

وجوهر هو حامل مفاتيح التجوري

[يمامـة]

اي معفي، لأنه صار ملكية عامة، لو يبي يحفظ حقوقه يحطها في تجوري

وجوهر هو حامل مفاتيح التجوري

لا يااااشيخة!!

المهم حن مختلفين( ركزي على حن) في نقطة جوهرية
حضرتي اشوفه غير معفي،، وانتي تشوفينه معفي..

انتهت الجلسة.. وعطونا واحد باربيكو البراكين من غير جبن:telephone:

[لبيبة]

لا يااااشيخة!!

المهم حن مختلفين( ركزي على حن) في نقطة جوهرية
حضرتي اشوفه غير معفي،، وانتي تشوفينه معفي..

انتهت الجلسة.. وعطونا واحد باربيكو البراكين من غير جبن:telephone:

باربكيو البراكين حطيته في صورة العرض عندي في واتساب، روحي اخذيه من هناك اذا تشوفينه حلالج

وبعدين بانظر في مسألة اعفائج من الصورة ام لا

[يمامـة]

باربكيو البراكين حطيته في صورة العرض عندي في واتساب، روحي اخذيه من هناك اذا تشوفينه حلالج

وبعدين بانظر في مسألة اعفائج من الصورة ام لا

شكرا لهذا العرض السخي... جملة روحي اخذيه تعفيني :shy:

[بوحارب]

ياعمري انااااا :shy:
بوحارب قلتلك انت مثقف ماصدقتني :funny:
ياخي شاسوي :(
ههههههه


اتصدق يا بو حارب اني من كم يوم دخلت في نقاش مفاده ان وضع الرجل لصورته فتنة بعد، قد يحاسب عليها
لو افتتنت البنت فيه!!

أوبس

بعد لو واحد مزيون مثلي !!:)

لا لا إن شاء الله ما علينا ذنب :o

[بومحمد المطاوعه]

اليمامه
صدقتي

ترى صورة الرجل فتنه

امام النساء

[همس البراكين]

السلام عليكم ورحمة الله وبركاته .
اشكر الجميع على التفاعل في هذا الموضوع ،.
لايزال الموضوع قيد ( الجدل ) ، وموضع خلاف بين الكثيرين منكم ، مع التعليل
والبراهين وطرح الأمثلة توسعت مداركنا حول هذا الموضوع الذي لم أتوقع ان يشغل
حيز الكثيرين منكم .

ماأجمل الخصوصية ، فهي ملكنا نحن فقط .والاملاك لاتهُدر هكذا واللي
( يشيل يشيل ) .

اترك لكم فرصة اخرى للتعمق في هذا الموضوع .
والسلام عليكم ورحمة الله وبركاته .

[بشائر]

السلام عليكم ورحمة الله وبركاته

يقوم بعض الاشخاص بتصوير شاشة الجوال لبرنامج الواتس للاحتفاظ بصور شخصية لجهات الاتصال وعائلتهم دون الاستآذان منهم ...

دعوة عامة للنقاش الهادئ.

وعليكم السلام ورحمة الله وبركاته

بالضبط نفس فكرة اللي يطلع هله معاه كاشفين الوجه والقذلة مفروقة وفل ميك أب ويزعل لو
ناظرهم حد وقزهم :)
( المكشوف مسموح ) وما اعترف باللي يحلل ومايحلل أي حد يأخذ الصور.. وأبو بلاش كثر منه :)

[كيلو حديد]

ضد :anger1: