استقدام سائق من الهند

[الســيل]

السلام عليكم ورحمة الله وبركاتة

صبحكم الله بالخير

ابي استفسر منكم عن استقدام سائق من الهند

انا جهزت الفيزا ورتبت كل شي وطرشتها للسايق ويوم راح المطار رجعوه قالو له لازم عقد عمل مصدق من السفارة الهندية

رحت مكتب طباعة سوا ليى عقد عمل حق السفارة الهندية

اللحين ابي استشيركم شنو المطلوب لاستكمال عقد العمل والاوراق المطلوبه

اللي عنده خبره لايبخل علينا


والله يجزاكم خير

[ameeer3]

توني من أسبوعين جايني سايق من الهند ، مب عن طريق مكتب ، كل الي سويته طرشت له صوره من الفيزا وتذكرة سفر فقط

[(عبدالله)]

عليكم السلام ورحمة الله

المطلوب تذكرة السفر + صورة من التأشيرة مطبوعة + صورة جوازك

ماله داعي عقد أو ماعقد للهنود

أقولها عن تجربة توه قبل شهر جبت لي سايق جديد لأول مرة يدخل قطر بهالطريقة

موفق ان شاء الله

[ابوعلي]

توني من أسبوعين جايني سايق من الهند ، مب عن طريق مكتب ، كل الي سويته طرشت له صوره من الفيزا وتذكرة سفر فقط

وانا نفس الشي بس التذكرة عليه لين اضمن ان يجتاز الفحص الطبي واختبار السواقة وعقب اعطيه مبلغه

[الســيل]

والله هذا اللي صار معي امس

ورفضو يطلعونه عشان هالشي

وقالو لازم تجيب عقد عمل واتصدقه من السفارة الهندية واتطرشه للهند بالبريد

مع العلم الهندي اول مره يدخل ومو عن طريق مكتب

[(عبدالله)]

الله يعينك

مع خالص احترامي

يا الهندي عيار.. او خطأ أو استهبال من موظف الجوازات هناك.. او يمكن احتمال مب أكيد شركة الطيران طلبت العقد لأني لما بغيت أحجز تذكرة على فلاي دبي طلع لي مسج على الشاشة لازم الهندي يمر على مكتبهم يتأكدون من اوراقه قبل لا يروح الجك ان.. اما باقي خطوط الطيران ما عندهم اي مشكلة.. لذلك حجزت له على طيران العربية

بشكل عام الأمور سهالات من الهند مب نفس اندونيسيا أو الفلبين

[بونووف]

يمكن حاجز له تذكره ون وي بس

[البرونزي]

الموضوع لازم تكون بأسمه تأشيرة زياره واذا وصل
عندك اقلب تأشيرة الزياره الى تأشيرة عمل
وانت الظاهر عملت له تأشيرة عمل وهذي امورها معقده شوي

[باراكودا]

شيك على الخاص

[العربية نت]

وبالتسبه للخدامات من الهند حد جرب هالطريقه ومشت معه فيا ليت يفيد الحميع بها

[الســيل]

السلام عليكم

الموضوع وبما فيه انه الهندي اللي طلبته كان شغال في الخليج

ومختوم علي جوازه يوم رجع الهند انه لازم مايطلع الا بعقد

اخوي البرونزي كلامك صحيح مية مية اجرات فيزة العمل معقدة اكثر لو انها سياحية عادي


علي العموم انا سوية عقد عمل وديتة ادارة العمل صدقوه وعقبها وزارة الخارجية وصدقوه وبعدها الي سفارة الهند

قالي الموظف لازم يكون الراتب 2350 ينقص ريال الطلب ينرفض ههههههههههههههههه

المهم قالي بنعرض العقد علي اللجنة وبعدها تجي الاحد تدفع رسوم اذا وافقنا وعقبها تستلمه الظهر