اولياء الامور والاهمال الخطير !!!!! [الأرشيف] - منتديات شبكة الأسهم القطرية

حسن

15-03-2015, 12:05 PM

http://store2.up-00.com/2015-03/1426408037631.jpg

الصراحه مثل ماهو شايفين في الصوره ليوم الخميس
وقت خرج الطلبه من المدارسه وامام السيارات والظهور على الشارع العام
بدون حسيب ولا رقيب واهمال شديد

وين دورد

الدوله متمثله بالشرطه المجتمعيه
ودور مركز الاسره ودوره في حمايه حقوق الطفل والقوانين المجمده

اين هم من هذه التجاوزات اللا مسؤله

؟؟؟؟

هل تؤيد تدخل قوي وصارم بقوه القوانين الموجوده لحمايه هؤلاء ومستخدمين الطرق من سائقين
يقد يكونو متهمين نتيجه اهمال الغير ؟؟

بالنسبه لي موافق وبقوه والضرب من حديد على كل ولي امر مهمل

نسمع مشاركاتم في توصيل صوتنا للجهات المسؤليه

تحياتي

:)

بانغ بانغ

15-03-2015, 12:12 PM

يبا لين حد من اعيال ال"كبار" ايصير له شي لا قدر الله

بيحطون مليون قانون .

بومحمد المطاوعه

15-03-2015, 12:14 PM

حسن

15-03-2015, 12:23 PM

يبا لين حد من اعيال ال"كبار" ايصير له شي لا قدر الله

بيحطون مليون قانون .

مرحبا يابانغ بانغ

يااخي القوانين موجوده ولكن على مااعتقد مجمده لان مانسمع لهم دور في الصحافه
ولا في الاعلام

شكثر طايحين بهذه الجيبات وبدون حسيب ولا رقيب من ولي الامر
جاني خبر ان بنت في الانعاش حادث بطبطه ونا كتبت عن سلين والخطوره
معقوله مافي حوادث تذكر

الصراحه هذه رساله اوجهه للخرجي مدير المرور ان يطلعني بتقرير صحفي عن حوادث البطابط
والجيبات بانواعها وشكثر الاصابات فيها
وشنهي الاجرات في هذه الحاله

الصراحه الوضع اصبح اوفر ولا نحمل السواقين نتيجه اخطاء اوليا امورهم بكره في الحوادث

مايبييلها كباريه يابانع الوضع يبي ولي الامر يتحاسب ويتعاقب على اهمال عياله
ويتوخذ معاه الاجراءات القانويه

:victory:

بوحارب

15-03-2015, 12:33 PM

اتفق معاك حسن

حتى عندنا في الفريج أطفال صغار في العمر

تحصلهم هايتين بالسياكل من شارع لشارع

الله يحفظهم
ويهدي والديهم المهملين :)

حسن

15-03-2015, 12:40 PM

يه يه يه

شالحركات بوعلي

صوره مرتبه
وسهم وحركات
مانقدر

ههههههه

المهم بخصوص الموضوع
والله ياخوك البعض مهمل في التربيه
والبعض ولا يدري عن عياله والعياذ بالله

يمكن بعد اهلهم مايدرون عنهم ان عندهم هالسياره

يجوز

هلا هلا

بركاتك يابومحمد مانستغنى عن لمساتك الجميله

:victory:
والله يابومحمد الاهمال وصل الى مستوى كبير من خلال مااشاهده يوميا
قبل كل يوم اذا تذكر
نزلت موضوع كان عن اهمال اطفال في المركز الصحي والدكتور طلب منهم ولي امره
استغربت من خروجهم من المدرسه لحالهم مع السواقف فقط
!!
وقبل كم يوم يومين على التوالي اشوف بنت تطلع راسها والسياره تمشي
في نيسان ابيض والسواق والخدامه ولا في ها عادي مهب عيالهم
اذا الام والاب مهملين تبي الغير يكون بار فيهم
اللي يفكر بهذا التفكير انسان غبي

تعلمنا التناقض السلبي للاسف كله نستنكر ونقول مهب عندنا واحنا نعاني اكبر خلل في التربيه
والتستر هو المنتشر
كله بحكم العيب واحنا تعدينا مرحله العيب الى العلن المكشوف

شكرا يابومحمد على المساعده ولا نستغني عنك

:victory:

عاشق العديد

15-03-2015, 12:43 PM

Dana’1

15-03-2015, 12:46 PM

بومحمد المطاوعه

15-03-2015, 12:49 PM

هلا هلا

بركاتك يابومحمد مانستغنى عن لمساتك الجميله

:victory:
والله يابومحمد الاهمال وصل الى مستوى كبير من خلال مااشاهده يوميا
قبل كل يوم اذا تذكر
نزلت موضوع كان عن اهمال اطفال في المركز الصحي والدكتور طلب منهم ولي امره
استغربت من خروجهم من المدرسه لحالهم مع السواقف فقط
!!
وقبل كم يوم يومين على التوالي اشوف بنت تطلع راسها والسياره تمشي
في نيسان ابيض والسواق والخدامه ولا في ها عادي مهب عيالهم
اذا الام والاب مهملين تبي الغير يكون بار فيهم
اللي يفكر بهذا التفكير انسان غبي

تعلمنا التناقض السلبي للاسف كله نستنكر ونقول مهب عندنا واحنا نعاني اكبر خلل في التربيه
والتستر هو المنتشر
كله بحكم العيب واحنا تعدينا مرحله العيب الى العلن المكشوف

شكرا يابومحمد على المساعده ولا نستغني عنك

:victory:

حاضرييين يالغالي افا علييك

والله يابوعلي
صدقت ف كلامك
كلنا نشوف
والبعض الحمدلله والشكر

بيقولك هذيله مب قطريين

هذيله مب منا وفينا
هذيله مادري شنو

يسبعدون ان الواحد يسوي جذي ولا يصححون الي صار

يعني لو شافو قدامهم ماينصحونهم
يقولون مالنا خص ..!

اشلون مالك خص
ع الاقل تكلم معاه انصحه بأسلوب طيب

بيتقبل منك
ويمكن يتأثر..

تحياتي لك يالشيخ

R 7 A L

15-03-2015, 12:49 PM

ماعلينا من المسببات علينا من وقت الحدث
وين الشرطه ؟!

ودي أكون

15-03-2015, 12:53 PM

موضوعك ممتاز اخوي حسن، ويستحق ينزل في الجريده الرسميه.،!

ونفس تساؤول اخوي رحال .. ويين الشرطه..،؟! .. في شارع عام؟.. معقوله ..،!؟. وين الشرطه .،؟!

والله المستعان

حسن

15-03-2015, 12:54 PM

اتفق معاك حسن

حتى عندنا في الفريج أطفال صغار في العمر

تحصلهم هايتين بالسياكل من شارع لشارع

الله يحفظهم
ويهدي والديهم المهملين :)

اصبحت ظاهره خطيره على مستخدمين الطرق

انا كسواق وش ذنبي يطلع لي بزر ادعمه ويموت اسجن على ايش

اهمال قوانيني دوله ؟؟

اهمال ولي امر ؟؟؟

لذالك انا اوجهه الخطاب مهب لولي الامر لانه معاد به مجيب الوضع زاد عن حده
انا اطالب بتفعيل القواني والضرب من حديد على ولي الامر اولا
الصراحه لا تشوف منظر الجيب وه يتنقل بيين السيارات وعلى الشوارع العامه
كارثه
الى هذه الدرجه وصل الاهمال من واولياء الامور

وين دور مركز الاسره ؟؟؟
وين دور حمايه الطفل ؟؟؟
وين دور الشرطه المجتمعيه ؟؟

ماسلمنا من مجنن سيلين الى بيوتنا وشوارعنا يخطخطون فيها
عيال الهمل مفروض الدوله تسنهم

لا اب ولا ام

الى هذه الدرجه وندفن روسنا في التراب ماعندنا وانت تبالغ

مستعد اعرض لكم صوره اعبر من تلك الصور

لاضرب بوجهه كل من شكك في كلامي

بومحمد المطاوعه

15-03-2015, 12:58 PM

ماعلينا من المسببات علينا من وقت الحدث
وين الشرطة ؟!

موضوعك ممتاز اخوي حسن، ويستحق ينزل في الجريده الرسميه.،!

ونفس تساؤول اخوي رحال .. ويين الشرطه..،؟! .. في شارع عام؟.. معقوله ..،!؟. وين الشرطه .،؟!

والله المستعان

ياجماعه اشلون تبون الشرطه 24 ساعه في الشارع
وكل شارع .؟

ليش عايشين في قونتونامو

الحمدلله في دوله بعيده عن المشاكل

هذا الأهمال من الأب والأم

والاهل اجمعين ..
من الاخوان والاخوات لو ماعندهم اب وام ..

ولكن ..

لو اتصلت للشرطه ..
بيحظرون ان شاءالله ..
بأسرع وقت ..

مايقصرون

ودي أكون

15-03-2015, 01:04 PM

R 7 A L

15-03-2015, 01:06 PM

ياجماعه اشلون تبون الشرطه 24 ساعه في الشارع
وكل شارع .؟

ليش عايشين في قونتونامو

الحمدلله في دوله بعيده عن المشاكل

هذا الأهمال من الأب والأم

والاهل اجمعين ..
من الاخوان والاخوات لو ماعندهم اب وام ..

ولكن ..

لو اتصلت للشرطه ..
بيحظرون ان شاءالله ..
بأسرع وقت ..

مايقصرون

ياعزيزي بو محمد
خلاص ملينا واحنا انقول الاهل والاهل
في ذمتك مثل هالنوعيه وانت قلتها يا اهلهم موب دارين عنهم او مهملينهم
يعني خلاص انتهى دور اهلهم
الحين يجي دور الدولة القانون الشرطه
بعدين وجود رجال الامن والشرطه في كل وقت موب معناته ان بلادنا غير امنه لا ولله الحمد في امن وامان
بس مانقعد مكتفين ايادينا لين هالوعيه وغيرهم يتمادون يقول المثل ( من أمن العقوبة أساء الأدب )

بومحمد المطاوعه

15-03-2015, 01:08 PM

ماقلنا اخوي السالفه مو اهمال..،!؟

انا اعلق عالموضوع نفسه اولاً.. وعقب الواحد بيطرق للاسباب ..، طبيعي ردنا اخوي بومحمد ..،!؟

المهم ويييين الشرطه عنهم ذاك الوقت.،

وين الشرطه :tease:

اهووو بعد قالت الشرطه ..

ترى الشرطه مب في كل شارع عاد ..

انزين صح كلامج اهمال
بس اللوم كله مب على الشرطه ..

على الأهل والاطفال
اهم على خطأ ..

ولو شفنا الشرطه موجودين وماسوو شي
هني نلومهم وين دور الشرطه

يوووووووو نوووووووووووو ..

بومحمد المطاوعه

15-03-2015, 01:10 PM

ياعزيزي بو محمد
خلاص ملينا واحنا انقول الاهل والاهل
في ذمتك مثل هالنوعيه وانت قلتها يا اهلهم موب دارين عنهم او مهملينهم
يعني خلاص انتهى دور اهلهم
الحين يجي دور الدولة القانون الشرطه
بعدين وجود رجال الامن والشرطه في كل وقت موب معناته ان بلادنا غير امنه لا ولله الحمد في امن وامان
بس مانقعد مكتفين ايادينا لين هالوعيه وغيرهم يتمادون يقول المثل ( من أمن العقوبة أساء الأدب )

ياخي ليش في ذمتي :weeping:

معليه يالغالي
لو كلمنا الشرطه وماسوو شي
هني نجردهم جرررررررررد

بلغ الشرطه وشوف يجون ولالا ..

على طول يجون اصلن ..

ومثلآ تبي كل شارع فيه شرطه .؟

مايصير ياخوك ..

R 7 A L

15-03-2015, 01:13 PM

ياخي ليش في ذمتي :weeping:

معليه يالغالي
لو كلمنا الشرطه وماسوو شي
هني نجردهم جرررررررررد

بلغ الشرطه وشوف يجون ولالا ..

على طول يجون اصلن ..

ومثلآ تبي كل شارع فيه شرطه .؟

مايصير ياخوك ..

بوحمود
هذي بطابط وفي فرجان كلها دواعيس
منا لين يوصلون الشرطة تحصله مخمس عشر مرات قدام سيارتك ونافخ لها

بومحمد المطاوعه

15-03-2015, 01:16 PM

بوحمود
هذي بطابط وفي فرجان كلها دواعيس
منا لين يوصلون الشرطة تحصله مخمس عشر مرات قدام سيارتك ونافخ لها

تدري البعض عليها لوحات ..

بس هذي اعتقد والله اعلم اطفال ..

وماعندهم ليسن ولا عليها لوحات ..
ههههههههه
اي والله بيخمس لين يقول بس ..

بس تقدر توقفه وتكلمه ..

لو جدامي .. كنت وقفته .. واذا .. شرد بتركه اخاف .. يدعم واتوهق فيه ..

تحياتي واشوووووووووواقي ...

ودي أكون

15-03-2015, 01:18 PM

اهووو بعد قالت الشرطه ..

ترى الشرطه مب في كل شارع عاد ..

انزين صح كلامج اهمال
بس اللوم كله مب على الشرطه ..

على الأهل والاطفال
اهم على خطأ ..

ولو شفنا الشرطه موجودين وماسوو شي
هني نلومهم وين دور الشرطه

يوووووووو نوووووووووووو ..

شفيك اخوي بومحمد مو مركز معاي :rolleyes2:

ما قلنا الغلط على الشرطه ولا اتهمناهم ب شيء.!؟

بس القصد ان في مثل هالوضع وين الشرطه،

هذا شارع عام، والرادارات ماتلقط مثل عالامور والا ..،؟! ( سؤال )

النهار

15-03-2015, 01:20 PM

بوحمود
هذي بطابط وفي فرجان كلها دواعيس
منا لين يوصلون الشرطة تحصله مخمس عشر مرات قدام سيارتك ونافخ لها

هذاك اول في الدواعيس والفرجان الحين على الطرق الرئيسيه يطلع من الفريج على الشارع الرئيسي ويرد رايح راد
بطابط وبانشيات واطفال مايتعدي عمر الواحد منهم 10 سنوات

بومحمد المطاوعه

15-03-2015, 01:22 PM

شفيك اخوي بومحمد مو مركز معاي :rolleyes2:

ما قلنا الغلط على الشرطه ولا اتهمناهم ب شيء.!؟

بس القصد ان في مثل هالوضع وين الشرطه،

هذا شارع عام، والرادارات ماتلقط مثل عالامور والا ..،؟! ( سؤال )

مركز ومدينه وفريج ومجمع

كل شي ...
خخخخخخخ

اشدخل الرادار يلقط
هههههه

قولي والله انتي بس ..

لو سرع اكيد بيصور ولو صوره الدوريه مب جايه على طول ..

هذي كلها افلام داخل الرادارات ..

ولكن .. لو الشارع فيه كيمرات ..

يقدرون يشوفون .. ويطرشون دوريه ..

اهم اصلن الغلط راكبهم راكبهم ..

لكن المفروض .. علينا احنا لو شفنا الغلط ... نوقفهم ونكلمهم ..
او نبلغ 999

في معلوم :tease:

القبطان سلفر

15-03-2015, 01:25 PM

http://store2.up-00.com/2015-03/1426408037631.jpg

الدوله متمثله بالشرطه المجتمعيه
ودور مركز الاسره ودوره في حمايه حقوق الطفل والقوانين المجمده

اين هم من هذه التجاوزات اللا مسؤله

؟؟؟؟

هل تؤيد تدخل قوي وصارم بقوه القوانين الموجوده لحمايه هؤلاء ومستخدمين الطرق من سائقين
يقد يكونو متهمين نتيجه اهمال الغير ؟؟

هلا بوعلي

موضوع مهم وجا على العوق

المشكله ان معظم المؤسسات اللي من المفروض تقوم بواجباتها ............ لا تقوم بواجباتها .

المشاهدات اليوميه من جلوس الأطفال في المقاعد الاماميه للسياره او الخروج من فتحة السقف او اجلاس الأطفال في حضن ابائهم اثناء السياقه دلالات على عدم تطبيق القوانين بشكل حازم من الشرطه مما أدى تفشي الإهمال والتسيب .

بالفعل المجتمع يعاني من التسيب والإهمال في ابسط واخطر الأمور التي تواجه الأطفال على وجه الخصوص .

اهمال الأطفال لا يجب ان يترك فقط في ايدي اولاء امورهم وانما يجب ان تكون هناك محاسبة جاده وحازمه من قبل مؤسسات الدوله لهم ان كان هناك تجاوز من أبائهم تجاه فلذات اكبادهم .

يعطيك العافيه لقرعك جرس الإنذار هذا .

ودي أكون

15-03-2015, 01:30 PM

مركز ومدينه وفريج ومجمع

كل شي ...
خخخخخخخ

اشدخل الرادار يلقط
هههههه

قولي والله انتي بس ..

لو سرع اكيد بيصور ولو صوره الدوريه مب جايه على طول ..

هذي كلها افلام داخل الرادارات ..

ولكن .. لو الشارع فيه كيمرات ..

يقدرون يشوفون .. ويطرشون دوريه ..

اهم اصلن الغلط راكبهم راكبهم ..

لكن المفروض .. علينا احنا لو شفنا الغلط ... نوقفهم ونكلمهم ..
او نبلغ 999

في معلوم :tease:

شفت شفت شفت يعني الغلط مو بس على الاهل،

الشرطه، والمرور، والشعب المتفرج أيضاً

عِرفتا :)

بومحمد المطاوعه

15-03-2015, 01:32 PM

شفت شفت شفت يعني الغلط مو بس على الاهل،

الشرطه، والمرور، والشعب المتفرج أيضاً

عِرفتا :)

اي
عليج نور
الكل غلطان هني ..

ولكن الأهل اكثر اللوم عليهم ..

نفس الي يشتري .. موتر حق ولده .. لو دعم .. ومات ولده
قام يقول اهمال المروور ..

لا ياشييخ واهمالك انت وين راح ..
اشدعوه مر على كم موتر .. ولا حد كلمهم ..

بوعلي انت بعد ليش ماكلمتهم .؟

R 7 A L

15-03-2015, 01:33 PM

تدري البعض عليها لوحات ..

بس هذي اعتقد والله اعلم اطفال ..

وماعندهم ليسن ولا عليها لوحات ..
ههههههههه
اي والله بيخمس لين يقول بس ..

بس تقدر توقفه وتكلمه ..

لو جدامي .. كنت وقفته .. واذا .. شرد بتركه اخاف .. يدعم واتوهق فيه ..

تحياتي واشوووووووووواقي ...
Cc اخر سطر لشبح الصمت هههههه

R 7 A L

15-03-2015, 01:33 PM

هذاك اول في الدواعيس والفرجان الحين على الطرق الرئيسيه يطلع من الفريج على الشارع الرئيسي ويرد رايح راد
بطابط وبانشيات واطفال مايتعدي عمر الواحد منهم 10 سنوات

شدعوة
وش الي خلاهم مايخافون وهم بالاعمار ؟

بومحمد المطاوعه

15-03-2015, 01:34 PM

Cc اخر سطر لشبح الصمت هههههه

ههههههههههههههههههههههههه

يمامـة

15-03-2015, 01:45 PM

R 7 A L

15-03-2015, 01:49 PM

في اخر تصريح صحفي لمدير المرور الذي للامانة اكن له كل الاحترام والتقدير انا وغيري
قال مانبي نكثف السيارات في الشوارع على شان مانطلع بشكل غير حضاري او الي يشوفنا يقول ماعندنا امن من هذا القبيل

ونقول يابوسعد
اكثر المتهورين والمتسيبين والله ماعاد خافوا من الشرطة ولا رجال الشرطة
تعال شوفهم كيف يخالفون ويسكرون الشوارع قدام محلات الكرك والشرطة واقفة وتشوفهم ولا تكلمهم مره بعد مره يروح منهم الخوف وتزيد مخالفاتهم

qatara

15-03-2015, 02:01 PM

الله يرحم ايام ما كان الاب الي صرخ كل يلبد في مكانه

الي عرف السبب بطل العجب

حسن

15-03-2015, 02:08 PM

انا معاك يابوعلي ..

والله معاك لدرجه انه مره دخليت فريجنا قلت اانا وين عايش فالهند .؟
الي يتمشى لي ع تكتك والي يتمشى ع دراجه ام تايرين شوهو المنظر العام وخطر عليهم كذلك .. واطفال .. شلون يسوقون مادري ..

عدنا بعد ماجبنا عيالنا

هلا هلا

شوف ياخوي عاشق الوضع والله اصبح همل فوضى حتى عندنا في الفريج تشوف بعض اولياء الامور
كلهم خربانيين لا اب ولا ام
مايسؤلون عن عيالهم تستغرب مدارس شغاله ولين الليل يدورون في الشوارع
ماعندهم اب ماعندهم ام

يااخي استغرب كيف يجيبون عيال ولا عندهم ذره محاتاه مستحيل مافي قضايا
بخصوص الاهمال للطفال اكيد هناك تستر عليها ولا عندنا اهمال اسري بشكل فضيع
فلذا انا اناشد تدخلل بقوه قانون ويكون مثل قانون المطايا اللي مهب كفو تسرح

ان شاء الله خير وتصل الرساله

شكرا ياعاشق

عاشق العديد

15-03-2015, 02:11 PM

عدنا بعد ماجبنا عيالنا

هلا هلا

شوف ياخوي عاشق الوضع والله اصبح همل فوضى حتى عندنا في الفريج تشوف بعض اولياء الامور
كلهم خربانيين لا اب ولا ام
مايسؤلون عن عيالهم تستغرب مدارس شغاله ولين الليل يدورون في الشوارع
ماعندهم اب ماعندهم ام

يااخي استغرب كيف يجيبون عيال ولا عندهم ذره محاتاه مستحيل مافي قضايا
بخصوص الاهمال للطفال اكيد هناك تستر عليها ولا عندنا اهمال اسري بشكل فضيع
فلذا انا اناشد تدخلل بقوه قانون ويكون مثل قانون المطايا اللي مهب كفو تسرح

ان شاء الله خير وتصل الرساله

شكرا ياعاشق

ماهو هالمصيبه ..

يابوعلي احنا نتنظر القانونين .. الايجابيه مش السلبيه ..

نتمنى من المرورو يركزون ع الفئه هاذي ..

ويهدون الامور البسيطه الي مثل مخفي مامخفي ..

حسن

15-03-2015, 02:15 PM

أمس شفت نفس هالحاله ونفس لو السياره بعد في شارع بالعزيزه وفعلا خطر بالذات لو تمر شاحنه وسيارات كبيره ممكن ما تنتبه لهم!

لكن هل أفهم منكم إن أنتوا بشبابكم ماهتوا بالشوارع ولعب بالسياكل وغيرها من المغامرات إلي كانت متوفره هذاك الوقت

مرحبا يااخت ديور

صراحه مافي وجهه مقارنه بين عدد سكان لا يتجاوز ال200الف وبين ال2 مليون و200الف
فرق بين الثرا والثريا
وفرق بين اب امي وبين ام اميه
وفرق بين العدد والكثافه البشريه والسيارات والهدؤ بعد الساعه 8 ليلا مهب الحين الساعه 2 فجرا
تقول الاساعه 12 ظهرا
لا مافي مقارنه ومن بعد المغرب مدوخين عقب اللوبا ولا العلي ولم المهروس
يازينه

وبعدين الحين بطابط ياحي السيكل هواوي تسمع كل شي حولك هذه بطبطه ولا جيب صوتها
كيف تعرف ان سياره وراك ولا شي ما

الوضع خطر والله خطر

شكرا لك ياديور

حسن

15-03-2015, 02:22 PM

حاضرييين يالغالي افا علييك

والله يابوعلي
صدقت ف كلامك
كلنا نشوف
والبعض الحمدلله والشكر

بيقولك هذيله مب قطريين

هذيله مب منا وفينا
هذيله مادري شنو

يسبعدون ان الواحد يسوي جذي ولا يصححون الي صار

يعني لو شافو قدامهم ماينصحونهم
يقولون مالنا خص ..!

اشلون مالك خص
ع الاقل تكلم معاه انصحه بأسلوب طيب

بيتقبل منك
ويمكن يتأثر..

تحياتي لك يالشيخ

هلا هلا

مره اخري بومحمد السموحه كنت اجيب عيالي من المدرسه

بالنسبه لي ماعلي من يكونون ولكن بهذه الطريقه والبجاحه وسفاهه الاب والام
المفروض الدوله تسنعهم الاول يجب ان يكون هناك دور لموسسات المجتمع المدني
الى متى واحنا الحق الارنب ياسداح
رحت سيلين وشفت العجب والعجاب كاني في ارض معركه باقي القوات المحموله جوا تنزل لنا من فوق
شنهو هذا
منطقه مكتضه بالبطابط والبانشيات باشكال والولان لو تقول يسوقون بالعدال ويتنزهون مقبوله
لكن شغل مجنن ومخبل وانتحار

هذا مرفوض

شرطه واسعافات ودوريات ليش كل هذه الامور

علشان صياعه وقله ادب
ياادخل وادب صح ولا اتركهم يموتون في العراء ولا يرمشلي جفن

هذا عمل غير صالح

شكرا يابومحمد ماتقصر

:)

يمامـة

15-03-2015, 02:22 PM

مرحبا يااخت ديور

صراحه مافي وجهه مقارنه بين عدد سكان لا يتجاوز ال200الف وبين ال2 مليون و200الف
فرق بين الثرا والثريا
وفرق بين اب امي وبين ام اميه
وفرق بين العدد والكثافه البشريه والسيارات والهدؤ بعد الساعه 8 ليلا مهب الحين الساعه 2 فجرا
تقول الاساعه 12 ظهرا
لا مافي مقارنه ومن بعد المغرب مدوخين عقب اللوبا ولا العلي ولم المهروس
يازينه

وبعدين الحين بطابط ياحي السيكل هواوي تسمع كل شي حولك هذه بطبطه ولا جيب صوتها
كيف تعرف ان سياره وراك ولا شي ما

الوضع خطر والله خطر

شكرا لك ياديور

صح كلامك يا بوعلي..

قبل احنا كبرنا في الشوارع ولا عرفنا بيوتنا الا حزة النوم..
لكن اليوم هل ممكن نسمح لعيالنا انهم يهيتون في الشارع؟

اقول لك لا و مرفوض ودايما في خلاف مع اللي يتركون عيالهم في الشوارع..

خوسيه مرات اسمح له انه يدور صوب بيتنا كمكافأة له لو خلص اللي عليه واحدد له الوقت
.. ومرة طلب يروح الجمعية ويانا هو بسيكله واحنا في السيارة وهي مب بعيدة عن البيت.. كنوع من التغيير..
او اسمح له ياخذ السيكل للصلاح ويكون الدريول او اخوه يمشون معاه او وراه في السيارة..

لكن انه يكون في الشارع كل فترة وكل مرة وكل ما رجع من المدرسة او كل خميس..

حسن

15-03-2015, 02:25 PM

ماعلينا من المسببات علينا من وقت الحدث
وين الشرطه ؟!

.الشرطه

يبيلها كيبل تاي مال الوايرات وحمله ويركبون الولد في الشبك والموتر في اللوري على مرحرقه مسيعيد
بعد عمل حمله تحذيريه
والله لا اخليهم يقول عن الماي انبوه

خيازرين يارحال مثل الشرطه الهنديه والباكستانيه والبنغالديشيه مهب احسن منا

منور يارحال

:)

حسن

15-03-2015, 02:33 PM

صح كلامك يا بوعلي..

قبل احنا كبرنا في الشوارع ولا عرفنا بيوتنا الا حزة النوم..
لكن اليوم هل ممكن نسمح لعيالنا انهم يهيتون في الشارع؟

اقول لك لا و مرفوض ودايما في خلاف مع اللي يتركون عيالهم في الشوارع..

خوسيه مرات اسمح له انه يدور صوب بيتنا كمكافأة له لو خلص اللي عليه واحدد له الوقت
.. ومرة طلب يروح الجمعية ويانا هو بسيكله واحنا في السيارة وهي مب بعيدة عن البيت.. كنوع من التغيير..
او اسمح له ياخذ السيكل للصلاح ويكون الدريول او اخوه يمشون معاه او وراه في السيارة..

لكن انه يكون في الشارع كل فترة وكل مرة وكل ما رجع من المدرسة او كل خميس..

مااحاتيك ياليمامه ربه بيت

لكن اللي تارك البيت ولا يدري عنه يلهثون ورا لذات اللهو والدنيا ماهوب لاجل لقه العيش
ولا حتى
علي شك كل لين انصاب بالسكر مسكين
الرقابه مطلوبه ومثلماذكرتي بيمشي معاه وبسيكل وبتوجهه
اما الحين فيلتوه على قوله كتاره مايسير
باحاول استرق السمع عن اصابات الحوادث ربعي وايد ومنتشرين
المشكله
وقت ذروه خروج من المدارس يعني هذولا مايدروسون وين المدارس
وين التعليم

يجب ان تقام حمله وطنيه ويقودونها رجال تظرب من حديد
وتحدد لها خطه
في يومين

ويتم التنسيق مع جميع لااجهزه حتى المدارس ويجيبون لها كيمرات عين الصقر مالت القلايل تراقب من بعيد

الوضع صعب ياليمامه

:)

حسن

15-03-2015, 02:38 PM

موضوعك ممتاز اخوي حسن، ويستحق ينزل في الجريده الرسميه.،!

ونفس تساؤول اخوي رحال .. ويين الشرطه..،؟! .. في شارع عام؟.. معقوله ..،!؟. وين الشرطه .،؟!

والله المستعان

مرحبا يااخت ودي اكون

الشرطه بتبدي من ولا من وين ثقافه التربيه وين ثقافه المسؤليه وين وين
الصراحه

استغرب ليش صرنا جذا هل الرواتب العاليه لها دور هل التعليم في مشكله هل تساهل القانون مصيبه
هل دور الاسره مغيب هل قوانين حقوق الطفل وحمايته منسيه على قوله المرطه
وهل وهل وهل

الجرايد ماعندها صحفيين ويطنيين ويبيلها موضوع ومواضع على قناه الريان
وقطر

بدال ماينقلون لنا تقاريروتغطيه العنز العارضيه تحب التيس العطر

شكرا ياودي اكون

اتمنى انها توصل رسالتي الى المسؤلين ولا نبي منه احد

:)

h9466

15-03-2015, 03:08 PM

حسن

15-03-2015, 03:09 PM

خاطري اصور لمدير المرور كيف رجاله صافين مع سيارات مسوية زحمة في الفريج بشكل غييير طبيعي ومعرقلين حركة المرور
علشان يطلبون شاي كرك:telephone: حزتها بنعرف ليش هالبزراين يحوسون في الشوارع من غير عقاب..

من فترة بو العيال يضحك من شي في الشارع والا نفس شكل السيارة تحوس في الشارع الرئيسي للفريج..

كان صورتي

عادي بالنسبه لي اصور وصورت دوريه مخالفه ونزلتها هني في موضوع على مااعتقد
مادري تويترهم

فعلا هل المناظر اشوفها والزحمه عند محلات الشاي
ثقافه ماخلصنا من اللبتون طلعولنا بالكرك

انها الثقافه ياساده

:)

حسن

15-03-2015, 03:19 PM

هلا بوعلي

موضوع مهم وجا على العوق

المشكله ان معظم المؤسسات اللي من المفروض تقوم بواجباتها ............ لا تقوم بواجباتها .

المشاهدات اليوميه من جلوس الأطفال في المقاعد الاماميه للسياره او الخروج من فتحة السقف او اجلاس الأطفال في حضن ابائهم اثناء السياقه دلالات على عدم تطبيق القوانين بشكل حازم من الشرطه مما أدى تفشي الإهمال والتسيب .

بالفعل المجتمع يعاني من التسيب والإهمال في ابسط واخطر الأمور التي تواجه الأطفال على وجه الخصوص .

اهمال الأطفال لا يجب ان يترك فقط في ايدي اولاء امورهم وانما يجب ان تكون هناك محاسبة جاده وحازمه من قبل مؤسسات الدوله لهم ان كان هناك تجاوز من أبائهم تجاه فلذات اكبادهم .

يعطيك العافيه لقرعك جرس الإنذار هذا .

مرحبا بالقبطان

لذا انا نوهت وين دور المؤسسات لاني اعرف ان الوضع اصبح يجب ان يفعل بعد التجميد
ويجب ان تكون هناك قوانين بعد الخليط
ماعاد وضعنا في قرى الاول وكلن يعرف اخيه
يجب ان تكون هناك خطط وخط اتصال على مدار 24 ساعه وان يحفظ هذا الرقم
الجميع وخصوصا الاطفال وان يقومون بالتبليغ
ومعرفتهم لحقوقهم
والوضع اعبر من بطبطه وسياره الاهمال على شكل كبير
وعدم وجود تربيه لا اخلاقيه ولا دينيه
هناك خلل كبير

والمؤسسات اللي صدعونا بها لما طلعت والحين وينها وين دورها من اول ما انشاءت ومن ماسكها وماسك ادارتها
وايش دورها وماهو الهدف المقصود لا نشائهاودام انها مجرد وظيفه فقط لا غير
معقوله ماعندنا عضو شغال وياهم يمدنا بمعلومات ولا حتى قانون الطفل وينه شنهو اهدافه
اذا انتى تفكرون ان عيشتنا مثل الول فانتو غلطانين كلشي تغير

شكرا ياقبطان كل العاده لك رؤيا ثاقبه وانا استانس بارائك تنم على وعلى كبير

تحياتي لك

:)

حسن

15-03-2015, 03:26 PM

منور بوعلي...الخلل في البيت ثم البيت ثم البيت..والله استغرب من اولياء امور ابدا ماعندهم احساس بالمسئولية (بتاتا البتة),,تقول هذا حجر مايهزه شي ..هو في وادي والحديث الشريف اللي يقول (كلكم راعي وكلكم مسئول عن رعيته..)وهو في وادي...

مرحبا يادكتور ياهلا ومسهلا

وين كان الجو جميل جدا يااخي كان فوتت علينا نستانس معاك وتشرفنا بمقام حظرتك
لازم ترا انتظرك والله

نرجع للموضوع
كل اللي ذكرته صحيح وانا مااستبعد هم من المسائله القانويه والمرفوض تطبق
عليهم

عارف والله عارف ولكن هل المره انا استسرخ بجهات مختصه ولها قانون
ونيابه مختصه
وين دورها هل ادارتها فشلت لانها غير صالحه
يجب ان نرا دورها حيث لما وضعت كان هناك علم ماسيحصل مستقبلا
فالبدايه كنت الاحظ الانتقاد الشديد اي هو التناقض القادم اللي ابتلا فيه مجتمعنا وللاسف
اصبح يوثر على اهم القرارات ومنها مدمره مستقبليا
يجب ان نصم اذانا عن هؤالاء ونشتغل بصمت وعلن

انا اؤيد ان من يمسك يوضع اسم ولي امره في الجريده ليكون عبره لغيره
ومثل مايحطون اسماء اصحاب المحلات والمخالفه

شكرا لمروك الكريم يادكتور

والله عم جد احكي معاك فوت علينا بدنا نشوفك

:victory:

h9466

15-03-2015, 04:59 PM

مرحبا يادكتور ياهلا ومسهلا

وين كان الجو جميل جدا يااخي كان فوتت علينا نستانس معاك وتشرفنا بمقام حظرتك
لازم ترا انتظرك والله

نرجع للموضوع
كل اللي ذكرته صحيح وانا مااستبعد هم من المسائله القانويه والمرفوض تطبق
عليهم

عارف والله عارف ولكن هل المره انا استسرخ بجهات مختصه ولها قانون
ونيابه مختصه
وين دورها هل ادارتها فشلت لانها غير صالحه
يجب ان نرا دورها حيث لما وضعت كان هناك علم ماسيحصل مستقبلا
فالبدايه كنت الاحظ الانتقاد الشديد اي هو التناقض القادم اللي ابتلا فيه مجتمعنا وللاسف
اصبح يوثر على اهم القرارات ومنها مدمره مستقبليا
يجب ان نصم اذانا عن هؤالاء ونشتغل بصمت وعلن

انا اؤيد ان من يمسك يوضع اسم ولي امره في الجريده ليكون عبره لغيره
ومثل مايحطون اسماء اصحاب المحلات والمخالفه

شكرا لمروك الكريم يادكتور

والله عم جد احكي معاك فوت علينا بدنا نشوفك

:victory:

بوعلي لو عندنا 2 من امثالك عندهم حرقة وغيرة على البلد كان اعتدل الحال....
تصدق اذكر ايام الدراسة في جميع المراحل وكيف كانت الامور سهلة وكيف ولي الامر دايما في صف المدرس وفي المقابل المدرس يحرص على الطالب كأنه ابنه حتى اولياء الامور الاميين واللي الله مارزقهم بحظ من التعليم عندهم حس بالمسئولية وبقيمة العلم والاخلاق..يا اخي الحين ندفع اموال طائلة للمدارس الخاصة وخايفيين على مستقبل اولادنا..الحين اختلط الحابل بالنابل يابوعلي..والله اذكرللحين ولي امر طالب قطري كان الطالب مشاغب ومتعب اهله ولي امره طلب من مدير المدرسة ان يعاقبه قدام الطلبة وفي طابور الصباح وهذا اللي كان..ومن بعدها اعتدل الطالب,,
بخصوص الجية للمعقل والله النية موجودة لكن الظروف تعاكس احيانا,,,,

حسن

16-03-2015, 12:00 PM

بوعلي لو عندنا 2 من امثالك عندهم حرقة وغيرة على البلد كان اعتدل الحال....
تصدق اذكر ايام الدراسة في جميع المراحل وكيف كانت الامور سهلة وكيف ولي الامر دايما في صف المدرس وفي المقابل المدرس يحرص على الطالب كأنه ابنه حتى اولياء الامور الاميين واللي الله مارزقهم بحظ من التعليم عندهم حس بالمسئولية وبقيمة العلم والاخلاق..يا اخي الحين ندفع اموال طائلة للمدارس الخاصة وخايفيين على مستقبل اولادنا..الحين اختلط الحابل بالنابل يابوعلي..والله اذكرللحين ولي امر طالب قطري كان الطالب مشاغب ومتعب اهله ولي امره طلب من مدير المدرسة ان يعاقبه قدام الطلبة وفي طابور الصباح وهذا اللي كان..ومن بعدها اعتدل الطالب,,
بخصوص الجية للمعقل والله النية موجودة لكن الظروف تعاكس احيانا,,,,

هلا هلا

مرحيا يادكتور شهاده اعتتز فيها من انسان قدير وصاحب مهنه انسانيه

هذا واجبننا ان ننبه المجتمع ومخاطره
احب المواضيع الاجتماعيه واللي تهم الاسره بالذات وكل موضوع يخص الاسره تلقاني بالصداره
وخصوصا الام والاخلاق والمبادي

ويقول الشاعر الام مدرسه ويقول انما الام الاخلاق
والتربيه اساسا المجتمع السليم
مواضيع الطبال والراقصات مهب من مستواي لا ثقافيا ولا اجتماعيا ولا اخلاقيا ولا تربويا

اترك التافه وعلى بالمفيد

الحمدلله والشمس ماتتغطى بغربال

وراعي الحيه خله معه صرنايه

اشكرك

ولازلت منتظرك

h9466

16-03-2015, 05:20 PM

هلا هلا

مرحيا يادكتور شهاده اعتتز فيها من انسان قدير وصاحب مهنه انسانيه

هذا واجبننا ان ننبه المجتمع ومخاطره
احب المواضيع الاجتماعيه واللي تهم الاسره بالذات وكل موضوع يخص الاسره تلقاني بالصداره
وخصوصا الام والاخلاق والمبادي

ويقول الشاعر الام مدرسه ويقول انما الام الاخلاق
والتربيه اساسا المجتمع السليم
مواضيع الطبال والراقصات مهب من مستواي لا ثقافيا ولا اجتماعيا ولا اخلاقيا ولا تربويا

اترك التافه وعلى بالمفيد

الحمدلله والشمس ماتتغطى بغربال

وراعي الحيه خله معه صرنايه

اشكرك

ولازلت منتظرك

بأذن الله يوبوعلي نتشرف احنا بزيارتكم.....

سهم ماينزل

16-03-2015, 09:17 PM

الله يهديهم ويصلحهم

معماري قطري

16-03-2015, 09:31 PM

لو تسئل شرطي شالاجراء اللي المفروض يتخذه يقول لك ( ما في معلوم )

حسن

27-05-2015, 11:27 AM

للرفع

امس الاخت العنيده طرحت موضوع الدرجات عند الميره في الدحيل
ووتذكرت اني طرحت هذا الموضوع وبالصوره
كيف اصبح اهمال الاسر
وماشوف اي دور للشرطه المجتمعه في ذالك
لماذا لا تقوم حملات ضبط وتعلن في صحفنا المحليه ؟؟؟

لماذا نحاكم سائق السياره ونحمله مسؤليه مخالفه قانونيه واضحه وصريحه واهمال ولي الامر عياله لماذا ؟؟؟؟

الاهمال

كثره الشكاوي واجازه المدارس على الابواب وتعال اسمع الحوادث والوفايات

يجب ان يكون هناك قانون يعاقب ولي الامر

حسن

27-05-2015, 02:50 PM

لو تسئل شرطي شالاجراء اللي المفروض يتخذه يقول لك ( ما في معلوم )

هذه مصيبه يامعماري

لازم يسون حمله وقويه وتصل العقوبه الى السجن فيجب ان نترك التناقض اللي اشوفه
بلوه وابتلينا فيه
كل ماتحرك الجهات في صوب صحنا عليها
صدقني لو كل واحد بلغ وهناك سحب وتسجيل قضيه واخذ
تعهد على ابوه بعدين بتشوف النتيجه
اما اهمل عيال صغار في بطابط ولا سيارات وبعدين لين ماتو اقعد اصايح وانايح
وينك عنه وكيف تسمح له

الشرطه المجتمعيه يجب ان تكون فعاله ولها دور بين واضح