أغبى سائق

[saeed2005]

صحيح أن الزحمة تضيق الخلق وأن معادن السائقين تظهر في الزحمات كما أن معادن الرجال تظهر في الأزمات لكن ما يفعله بعض السائقين وينم عن غباء بالغ وخلق سيء وعجلة غير مبررة وهو أن تكون ماشي في أمان الله وفق السرعة المحددة قانونا فيأتي من خلفك بعض السائقين الأغبياء ويظل يزمر ويرفع الأنوار وتراه يوشك أن يدعمك ويرسلك إلى الرميلة أو أبو هامور ؟ لم يا عبد الله لم هذه العجلة ولم هذه الأخلاق غير السنعة ؟ ألا تعلم أنك أرعبت من أمامك وخالفت القانون في عدم ترك مسافة كافية بينك وبينه وخالفت القانون في التزمير فهلا تخلقت بخلق المسلم بل وغير المسلم المحترم ونبهت من أمامك بوجوب الابتعاد عن مسار عظمتك بأسلوب راقي يدل على تربيتك في احترام الناس لا دعمهم وإرعابهم ؟

[رجل الجزيرة]

يا مكثرهم خاصة في الصباح وأنت جاي للدوام، بس اللهم طولك يا روح.

[Rider]

اذا حاس هو غلطان لا تعبره كانك ماتشوفه اما تكون انت ماسك اليسار وتمشي مثل السحلفاة هذي المشكلة

[وطن]

أخوي ايش دراك ان عجلته غير مبرره ؟
يمكن عنده شي مهم جدا أو مصيبة
ويمكن ما عنده سالفه
واحنا لازم نحسن النية ونفترض ان عنده شي ضروري

بعدين قانون المرور يخالفه لو هو مسرع
خط اليسار للمستعجلين سواء عندهم سالفه ولا لا

القانون هو اللي يتكفل بهم وبمخالفاتهم
اللي يبي يمشي على راحته يمسك النص او اليمين
أنا في احيان كثير امسك خط النص اذا ماشيه بالسرعة القانونية
عشان ما ازعج المستعجل
ولا انزعج منه وكل شوي اغير خطي !!

[R 7 A L]

كلامك صحيح

نحن نعاني من نوعين حرام تكون عندهم لياسن ويسوقون سيارات
النوع الاول الي انت ذكرت الي يمشون بسرعة فوق السرعة القانونية ويأذون خلق الله
والنوع الثاني الغشم الي يا يمشون في الوسط او في اليسار ويمشون تحت السرعة المحددة فهؤلاء مثلهم مثل النوع الاول مخالفين للقانون وبسبب سرعتهم البطئية يجعلون السائقين الاخرين الذين يمشون بالسرعة المحددة يتجاوزونهم من يمين او يسار مما قد يسبب ربكة في خط السير او حوادث لاقدر الله


لذا ومن هذا الموضوع اتمنى ان تتغير لافتات السرعة وان يتب فيها السرعة العليا والسرعة الدنيا

كذلك اتمنى من إدارة المرور توزيع بعض النصائح المرورية بجميع اللغات حتى بالاوردو

[القبطان سلفر]

صحيح أن الزحمة تضيق الخلق وأن معادن السائقين تظهر في الزحمات كما أن معادن الرجال تظهر في الأزمات لكن ما يفعله بعض السائقين وينم عن غباء بالغ وخلق سيء وعجلة غير مبررة وهو أن تكون ماشي في أمان الله وفق السرعة المحددة قانونا فيأتي من خلفك بعض السائقين الأغبياء ويظل يزمر ويرفع الأنوار وتراه يوشك أن يدعمك ويرسلك إلى الرميلة أو أبو هامور ؟ لم يا عبد الله لم هذه العجلة ولم هذه الأخلاق غير السنعة ؟ ألا تعلم أنك أرعبت من أمامك وخالفت القانون في عدم ترك مسافة كافية بينك وبينه وخالفت القانون في التزمير فهلا تخلقت بخلق المسلم بل وغير المسلم المحترم ونبهت من أمامك بوجوب الابتعاد عن مسار عظمتك بأسلوب راقي يدل على تربيتك في احترام الناس لا دعمهم وإرعابهم ؟



الموضوع اصبح ظاهرة تستحق التوقف عندها وسن قوانين صارمه في حق مرتكبيها .

طبعا هذا بالاضافه الى الخروقات الكبيره التي يقوم فيها كثير من السائقين طوال اليوم في الشارع ولا رقيب ولا حسيب .

[القبطان سلفر]

أخوي ايش دراك ان عجلته غير مبرره ؟
يمكن عنده شي مهم جدا أو مصيبة
ويمكن ما عنده سالفه
واحنا لازم نحسن النية ونفترض ان عنده شي ضروري

بعدين قانون المرور يخالفه لو هو مسرع
خط اليسار للمستعجلين سواء عندهم سالفه ولا لا

القانون هو اللي يتكفل بهم وبمخالفاتهم
اللي يبي يمشي على راحته يمسك النص او اليمين
أنا في احيان كثير امسك خط النص اذا ماشيه بالسرعة القانونية
عشان ما ازعج المستعجل
ولا انزعج منه وكل شوي اغير خطي !!


حتى لو عجلته مبرره ومستعجل هذا لا يبيح له التصرف برعونه والتسبب في قتل الاخرين !

[العقل المدمر]

أخوي ايش دراك ان عجلته غير مبرره ؟
يمكن عنده شي مهم جدا أو مصيبة
ويمكن ما عنده سالفه
واحنا لازم نحسن النية ونفترض ان عنده شي ضروري

بعدين قانون المرور يخالفه لو هو مسرع
خط اليسار للمستعجلين سواء عندهم سالفه ولا لا

القانون هو اللي يتكفل بهم وبمخالفاتهم
اللي يبي يمشي على راحته يمسك النص او اليمين
أنا في احيان كثير امسك خط النص اذا ماشيه بالسرعة القانونية
عشان ما ازعج المستعجل
ولا انزعج منه وكل شوي اغير خطي !!

اول مرة ادري ان الخط الوسطي يمشون عالسرعة القانونية
اخبر اذا سرعة الشارع 100
اليمين يمشون 60 والوسط 80 واليسار 200 !!
واللي يمشي ع سرعة الشارع (100) يا يخيس بين اليمين والوسط يا يندعم من بو 200 !!

[S S]

أخوي ايش دراك ان عجلته غير مبرره ؟
يمكن عنده شي مهم جدا أو مصيبة
ويمكن ما عنده سالفه
واحنا لازم نحسن النية ونفترض ان عنده شي ضروري

بعدين قانون المرور يخالفه لو هو مسرع
خط اليسار للمستعجلين سواء عندهم سالفه ولا لا

القانون هو اللي يتكفل بهم وبمخالفاتهم
اللي يبي يمشي على راحته يمسك النص او اليمين
أنا في احيان كثير امسك خط النص اذا ماشيه بالسرعة القانونية
عشان ما ازعج المستعجل
ولا انزعج منه وكل شوي اغير خطي !!
مؤيد لكلامك وهذا الي انا أسويه شخصيا وماامسك الخط السريع الا للضرورة وافتح حق اي شخص جاي من ورا اضعف الإيمان اذ مقدرت افتح أعطيه إشاره يمين ومن احصل فرصه افتح بدون ماتنرفز ولا غيره لان من حقه يطوف ولااهتم حق سرعته اسمه خط سريع ليش أضيق على الناس

[وطن]

اول مرة ادري ان الخط الوسطي يمشون عالسرعة القانونية
اخبر اذا سرعة الشارع 100
اليمين يمشون 60 والوسط 80 واليسار 200 !!
واللي يمشي ع سرعة الشارع (100) يا يخيس بين اليمين والوسط يا يندعم من بو 200 !!
عاد هذي قوانين المرور
مب من عندي

وتمت مناقشتها وايد في المنتدى
ارجعي اختي للمواضيع السابقة :)

[العقل المدمر]

عاد هذي قوانين المرور
مب من عندي

وتمت مناقشتها وايد في المنتدى
ارجعي اختي للمواضيع السابقة :)

انا ماتكلم عن قوانين المرور
انا اتكلم عن اللي الناس مطبقينه فالشوارع :)

[وطن]

انا ماتكلم عن قوانين المرور
انا اتكلم عن اللي الناس مطبقينه فالشوارع :)

واللي مطبق مب صحيح للأسف

لأن لو جينا للصح
مب المفروض حد يمشي على الهاي واي بأقل من 80
يعني اللي ماسكين الخط يمين على 60 المفروض يتخالفون

في حدود قصوى و دنيا للسرعات على الخطوط السريعة

بس عندنا مافي نظام للأسف

[R 7 A L]

واللي مطبق مب صحيح للأسف

لأن لو جينا للصح
مب المفروض حد يمشي على الهاي واي بأقل من 80
يعني اللي ماسكين الخط يمين على 60 المفروض يتخالفون

في حدود قصوى و دنيا للسرعات على الخطوط السريعة

بس عندنا مافي نظام للأسف


على طاري السير بسرعة دنيا على الخطوط
من كم سنة اول ماجيت امريكا حبيت اسافر لولاية ثانية وخبرج غشيم ماعرف لقوانينهم
المهم واركب السيارة واربط الحزام واموري في السليم واطلع من الحي الي انا فيه وامسك الهاي وي كانت السرعة القصوى 80 ( ميل )
المهم انا في البداية اول ما مسكت الطريق كنت امشي اقل من 40
المهم ولا ذيك الدورية الي واقفة ومريت عليها قلت الحمدلله ماني مسرع مستحيل احد يوقفني :shy:
ثواني ولا هم لاحقيني وموقفيني بغيت اندعم :weeping:
المهم نقعوني وانا في سيارتي حوالي 10 دقايق بعدها نزل الشرطي وطلب بطاقتي وليسني ورجع لسيارته يشيك في كمبيوتره
بعدها رجع لي قال تعرف انا ليش موقفك قلت لا اموري مضبوطة الحزام رابطة واستخدم الاشارات في الانتقال من حارة لحارة وغير مسرع
قال بس وقف صحيح انك غير مسرع بس تمشي ببطئ اقل من السرعة المحددة قال لي ماشفت لافتات السرعة قلت بلى السرعة 80 قال شوف تحت 80 مكتوب 40 يعني بين 80 و 40 غيرها انت مخالف
عطاني اغراضي وقال امش شكلك غشيم يا اخ العرب ولا عاد تعودها يمكن تطيح في غيري ولا يرحمك
وبس :shy:

[وطن]

على طاري السير بسرعة دنيا على الخطوط
من كم سنة اول ماجيت امريكا حبيت اسافر لولاية ثانية وخبرج غشيم ماعرف لقوانينهم
المهم واركب السيارة واربط الحزام واموري في السليم واطلع من الحي الي انا فيه وامسك الهاي وي كانت السرعة القصوى 80 ( ميل )
المهم انا في البداية اول ما مسكت الطريق كنت امشي اقل من 40
المهم ولا ذيك الدورية الي واقفة ومريت عليها قلت الحمدلله ماني مسرع مستحيل احد يوقفني :shy:
ثواني ولا هم لاحقيني وموقفيني بغيت اندعم :weeping:
المهم نقعوني وانا في سيارتي حوالي 10 دقايق بعدها نزل الشرطي وطلب بطاقتي وليسني ورجع لسيارته يشيك في كمبيوتره
بعدها رجع لي قال تعرف انا ليش موقفك قلت لا اموري مضبوطة الحزام رابطة واستخدم الاشارات في الانتقال من حارة لحارة وغير مسرع
قال بس وقف صحيح انك غير مسرع بس تمشي ببطئ اقل من السرعة المحددة قال لي ماشفت لافتات السرعة قلت بلى السرعة 80 قال شوف تحت 80 مكتوب 40 يعني بين 80 و 40 غيرها انت مخالف
عطاني اغراضي وقال امش شكلك غشيم يا اخ العرب ولا عاد تعودها يمكن تطيح في غيري ولا يرحمك
وبس :shy:


هاهاهاهاهاها

الله سلمك منهم

[متحدث لبق]

صحيح أن الزحمة تضيق الخلق وأن معادن السائقين تظهر في الزحمات كما أن معادن الرجال تظهر في الأزمات لكن ما يفعله بعض السائقين وينم عن غباء بالغ وخلق سيء وعجلة غير مبررة وهو أن تكون ماشي في أمان الله وفق السرعة المحددة قانونا فيأتي من خلفك بعض السائقين الأغبياء ويظل يزمر ويرفع الأنوار وتراه يوشك أن يدعمك ويرسلك إلى الرميلة أو أبو هامور ؟ لم يا عبد الله لم هذه العجلة ولم هذه الأخلاق غير السنعة ؟ ألا تعلم أنك أرعبت من أمامك وخالفت القانون في عدم ترك مسافة كافية بينك وبينه وخالفت القانون في التزمير فهلا تخلقت بخلق المسلم بل وغير المسلم المحترم ونبهت من أمامك بوجوب الابتعاد عن مسار عظمتك بأسلوب راقي يدل على تربيتك في احترام الناس لا دعمهم وإرعابهم ؟

للعلم القانون يجرّم عدم إفساحك الطريق حتى لو كنت ملتزم بالسرعة القصوى يعني انت بعد غلطان بس في رأي القانون انت غلطان أكثر تعرف ليش؟

السرعة تصنف من المخالفات الذاتية الي عواقبها تدرج تحت الحق العام طالما لم يتسبب في حوادث أو مخالفات أخرى بينما عدم افساح الطريق فيها مخالفة تعدي على الغير مثل التجاوز من اليمين أو القيادة في المسار الخطأ لذلك مخالفتها تصل للنقاط و سحب الموتر فوق هذا القانون ما يسمح للمواطنين بتطبيق او فرض القانون على بعض و كفل هالحق للدوريات فقط و محاولتك اجبار الغير الالتزام بحدود السرعة غير مصرح بها قانونياً

[متحدث لبق]

اول مرة ادري ان الخط الوسطي يمشون عالسرعة القانونية
اخبر اذا سرعة الشارع 100
اليمين يمشون 60 والوسط 80 واليسار 200 !!
واللي يمشي ع سرعة الشارع (100) يا يخيس بين اليمين والوسط يا يندعم من بو 200 !!

حسب القانون المسار اليمين للسرعة المنخفضة و للشاحنات و المسار الأوسط للسرعة القصوى و المسار الأيسر "للتجاوز"

[saeed2005]

للعلم القانون يجرّم عدم إفساحك الطريق حتى لو كنت ملتزم بالسرعة القصوى يعني انت بعد غلطان بس في رأي القانون انت غلطان أكثر تعرف ليش؟

السرعة تصنف من المخالفات الذاتية الي عواقبها تدرج تحت الحق العام طالما لم يتسبب في حوادث أو مخالفات أخرى بينما عدم افساح الطريق فيها مخالفة تعدي على الغير مثل التجاوز من اليمين أو القيادة في المسار الخطأ لذلك مخالفتها تصل للنقاط و سحب الموتر فوق هذا القانون ما يسمح للمواطنين بتطبيق او فرض القانون على بعض و كفل هالحق للدوريات فقط و محاولتك اجبار الغير الالتزام بحدود السرعة غير مصرح بها قانونياً

عن نفسي أفسح الطريق للأسرع وإنما إنكاري لأسلوب البعض الهمجي مما شرحته في الموضوع ومن باب الالتماس ممكن أخي متحدث لبق تأتي بنص القانون الذي يقول أني مخالف إن كنت أسير وفق السرعة المحددة قانونا ولم أترك مجالا للأسرع ليخترق الطريق ؟

[عاشق العديد]

أخوي ايش دراك ان عجلته غير مبرره ؟
يمكن عنده شي مهم جدا أو مصيبة
ويمكن ما عنده سالفه
واحنا لازم نحسن النية ونفترض ان عنده شي ضروري

بعدين قانون المرور يخالفه لو هو مسرع
خط اليسار للمستعجلين سواء عندهم سالفه ولا لا

القانون هو اللي يتكفل بهم وبمخالفاتهم
اللي يبي يمشي على راحته يمسك النص او اليمين
أنا في احيان كثير امسك خط النص اذا ماشيه بالسرعة القانونية
عشان ما ازعج المستعجل
ولا انزعج منه وكل شوي اغير خطي !!

هذا رد يمثلني ..

الي ماعنده شي ويحسب انه يتمشى في شارع الكرنيش ماسك لي الخط السريع ويمشي 60 ..

زعلان لما حد يجي يهرن له ..
وكل دقيقه داق لي بريك ..
وكل دقيقه يدش دوار من يمين ويطلع مادري شلون من يسار ويمسك بدال السيد سيدين ..
ياخي معروف انت رايق جوك رايق تبي تمشي شوي شوي امسك خط وسط او يسار اخر شي ..
لكن تمسك لي السريع وانت ماتبي تسرع شلك فناس .؟

[saeed2005]

هذا رد يمثلني ..

الي ماعنده شي ويحسب انه يتمشى في شارع الكرنيش ماسك لي الخط السريع ويمشي 60 ..

زعلان لما حد يجي يهرن له ..
وكل دقيقه داق لي بريك ..
وكل دقيقه يدش دوار من يمين ويطلع مادري شلون من يسار ويمسك بدال السيد سيدين ..
ياخي معروف انت رايق جوك رايق تبي تمشي شوي شوي امسك خط وسط او يسار اخر شي ..
لكن تمسك لي السريع وانت ماتبي تسرع شلك فناس .؟

للتوضيح موضوعي ليس عن هؤلاء

[qtr qtr]

اخوي حتى لو انت تمشي عالسرعه القانونيه وجاك واحد مسرع يبي يطوف اذا كان عندك مجال تفتح له لازم تفتح له وان ماكان عندك مجال تفتح له اقرب فرصه تتيح لك افتح له المجال وخله يطير
اما اني اناحسه وما افتح له الطريق برغم اني ماشي باسرعه القانونيه مالي حق اضايقه دام عندي مجال اني افتح له .

[مرتبش]

في فكرة مب حلوة في ثنايا الموضوع
ان القطري متهور ومايراعي الناس وحتى العنوان قبيح .. لو نشغل عقولنا ونفتح عيوننا ونحسب عدد اللي يسوون هالحركة وعدد اللي يسوقون ببطئ شديد و اللي يعاندون مايفسحون الطريق واللي يلفون عليك ولا كأنه يشوفك واللي يحسب الشارع السريع نفس شارع الفريج .. تعتقدون من بيكون اكثر؟ من اولى بمتابعة المرور؟

[بوعلاوي]

في ناس يرفعون الضغط للاسف اللي يرفع الانوار ويهرن .... والاشاره حمره هههههههههههههه

[Charisma]

مرحبا اخوي ..

طبعا الأخلاق ضاعت في شوارع الدوحه والسبب الزحمه .. اييك الواحد متسندر من شغله ومشاويره ونفسه في خشمه ..

شخصيا اذا صادفني مثل هالموقف ( ويعتمد ) على طريقته في السواقه ان كانه ( يكبس من بعيد ) وفي مجال افتح فتحت له

وان كان يكبس من بعيد وجايني مستن .. وملحّم فيني ولا في مجال افتح له .. اهني عاد ينسى .

[متحدث لبق]

عن نفسي أفسح الطريق للأسرع وإنما إنكاري لأسلوب البعض الهمجي مما شرحته في الموضوع ومن باب الالتماس ممكن أخي متحدث لبق تأتي بنص القانون الذي يقول أني مخالف إن كنت أسير وفق السرعة المحددة قانونا ولم أترك مجالا للأسرع ليخترق الطريق ؟

اخذته في كلاس دفنسف درايفنق من كم سنة ترى على قد ما تسمع عن مسببات الحوادث السبب الأول للحوادث "فالعالم" هو السائق اللي يحاول يجبر السائقين الباقيين على اتباع القانون!!! معلومة ابهرتني شخصياً لكن هذا الواقع

[mersal]

هذا الشىء انا اواجه يومياً بطريق سلوى سواء الصبح او المسا، الخط اربع مسارات والخط اليسار الظاهر لبعض السائقين انه للطيران فقط يعني حتى السرعه الفوق قانونية ما بتزبط معاهم يعني انا ماشي ظ،ظ¤ظ* والي وراي يبي يطوفني ومشيت ظ،ظ¦ظ*، والسبب اني مشيت لليسار انه الثلاث حارات الي على اليمين كلها باصات وشاحنات ما اقدر امشي وراهم وابي اطوفهم وبعدها ارجع مكاني وافتح له،، والاخ فاكر اني اناحسه او فاكر اني ابي اسابقه، ويظل يكبس ويظل يزمر ويبي يطلع من اقصى اليسار على الخط الاصفر، هذه التصرفات صدقاً تصرفات غير عقلانيه ابداً، والملاحظ انه الاشخاص الي يسوقون سيارات صالون صغيره هم الاكثر عرضه لهذه المشكلة، يعني بصريح العبارة سيارتك رمز احترامك وقيمتك بالشارع... ركبنا لانسر صالون شوفنا الويل على هذا الخط، وركبنا الفي اكس ار الحمد لله اصبح يتجنبوا هذا التصرفات معي ... مع انهم ما بعرفوا اني انا نفس راعي اللانسر
وهذه النوعية من السائقين الرعنة، الي رعونته بتزيد اذا عرف ان السيارة سائقها، انسان بسيط، يعني اذا رقم السياره الي امامه مميز ما بعمل معاه هذه الحركة، واذا كانت السيارة من النوع الثقيل نراه يظل ماشي وراه وهو ساكت، ولكن اذا عرف انه مثلا درويل او انسان بسيط وما فتح له خلال ثواني معدوده اظن انه رح يطلع فوق سيارته ليش السؤال موجه الهم فقط.

[متحدث لبق]

هذا الشىء انا اواجه يومياً بطريق سلوى سواء الصبح او المسا، الخط اربع مسارات والخط اليسار الظاهر لبعض السائقين انه للطيران فقط يعني حتى السرعه الفوق قانونية ما بتزبط معاهم يعني انا ماشي ظ،ظ¤ظ* والي وراي يبي يطوفني ومشيت ظ،ظ¦ظ*، والسبب اني مشيت لليسار انه الثلاث حارات الي على اليمين كلها باصات وشاحنات ما اقدر امشي وراهم وابي اطوفهم وبعدها ارجع مكاني وافتح له،، والاخ فاكر اني اناحسه او فاكر اني ابي اسابقه، ويظل يكبس ويظل يزمر ويبي يطلع من اقصى اليسار على الخط الاصفر، هذه التصرفات صدقاً تصرفات غير عقلانيه ابداً، والملاحظ انه الاشخاص الي يسوقون سيارات صالون صغيره هم الاكثر عرضه لهذه المشكلة، يعني بصريح العبارة سيارتك رمز احترامك وقيمتك بالشارع... ركبنا لانسر صالون شوفنا الويل على هذا الخط، وركبنا الفي اكس ار الحمد لله اصبح يتجنبوا هذا التصرفات معي ... مع انهم ما بعرفوا اني انا نفس راعي اللانسر
وهذه النوعية من السائقين الرعنة، الي رعونته بتزيد اذا عرف ان السيارة سائقها، انسان بسيط، يعني اذا رقم السياره الي امامه مميز ما بعمل معاه هذه الحركة، واذا كانت السيارة من النوع الثقيل نراه يظل ماشي وراه وهو ساكت، ولكن اذا عرف انه مثلا درويل او انسان بسيط وما فتح له خلال ثواني معدوده اظن انه رح يطلع فوق سيارته ليش السؤال موجه الهم فقط.

للتوضيح وجود الباصات و الشاحنات ما يشفع لك القيادة في المسار الأيسر المسار الأيسر وضع خصيصاً "للتجاوز" فقط و طالما انت ما قاعد تتجاوز و تسوق بسرعة ثابتة مكانك هو باقي المسارات اعطيك حل بسيط من تجربة شخصية اذا في أحد عطاك كشاف أو لزق فيك شغل اشارتك انك بتلف يمين و بتلاحظ ان اغلب الحالات بتختفي أو أقل القليل الشخص بيعطيك مجال

[Aaziz]

الامور خرجت عن السيطره ،، و الفوضويه التي نراها في الشارع لاراد لها سوى سحب رخصه القياده

[mersal]

للتوضيح وجود الباصات و الشاحنات ما يشفع لك القيادة في المسار الأيسر المسار الأيسر وضع خصيصاً "للتجاوز" فقط و طالما انت ما قاعد تتجاوز و تسوق بسرعة ثابتة مكانك هو باقي المسارات اعطيك حل بسيط من تجربة شخصية اذا في أحد عطاك كشاف أو لزق فيك شغل اشارتك انك بتلف يمين و بتلاحظ ان اغلب الحالات بتختفي أو أقل القليل الشخص بيعطيك مجال

اخوي صح كلامك بس الواحد بضطر احيانا يمشي اليسار لين يلاقي فرصه يرجع لليمين لكن الي وراه مش ضروري يلزق صدامه فيه ويكبس وهو عارف انه اليمين في مخاطره اذا الواحد رجع له وترا مش كل السواقين محترفين اذا هو محترف لازم يراعي انه ممكن الي قدامه حرمه او رجال كبير بالعمر او على قد حاله، وفي ناس ممكن ترتبك بسببه ويكون هو السبب بقتله وبس يشوفه انقلب او صاده شي يمر ولا كانه بعرفه،، هذا الشي ما يجوز،

وبالنهاية السواقه فني وذوق واخلاق مش سرعه ولا غيره،، وصدقاً اخى انه هذه التصرفات ما بعلمها هذا الشخص لو السياره الي امامه رقمها مميز او سيارة فوريل جديدة لانه بعرف الي فيها... وهذه حصلت انه واحد كان ملزق بسياره صالون والي فيها شخص معاي بالدوام وهذا الشخص كان بنفس الحالة تاعتي وظل وراه واحد ملزق بالصدام يبي يدعمه اخر شي اخذ الي وراه اقصى اليسار وطلع على التراب ودش قدامه ومسك البريك فجأة عشان راعي الصالون يدخل فيه ومن ورا يعني شغل انتقام ،، نهايته انه راعي الصالون بطل كمال اجسام والارعن ما بعرف هشي لا واعطاه اشاره لكي يوقف ويبي يهاوشه الارعن واصطفوا على اليمين ونزل الارعن يبي يشوف شغله وياه لين شافه وشاف جسمه انسحب مثل الارنب واعتذر،، فما بالك لو كان راعي الصالون شخص مسكين ايش صار فيه ...

[saeed2005]

اخوي صح كلامك بس الواحد بضطر احيانا يمشي اليسار لين يلاقي فرصه يرجع لليمين لكن الي وراه مش ضروري يلزق صدامه فيه ويكبس وهو عارف انه اليمين في مخاطره اذا الواحد رجع له وترا مش كل السواقين محترفين اذا هو محترف لازم يراعي انه ممكن الي قدامه حرمه او رجال كبير بالعمر او على قد حاله، وفي ناس ممكن ترتبك بسببه ويكون هو السبب بقتله وبس يشوفه انقلب او صاده شي يمر ولا كانه بعرفه،، هذا الشي ما يجوز،

وبالنهاية السواقه فني وذوق واخلاق مش سرعه ولا غيره،، وصدقاً اخى انه هذه التصرفات ما بعلمها هذا الشخص لو السياره الي امامه رقمها مميز او سيارة فوريل جديدة لانه بعرف الي فيها... وهذه حصلت انه واحد كان ملزق بسياره صالون والي فيها شخص معاي بالدوام وهذا الشخص كان بنفس الحالة تاعتي وظل وراه واحد ملزق بالصدام يبي يدعمه اخر شي اخذ الي وراه اقصى اليسار وطلع على التراب ودش قدامه ومسك البريك فجأة عشان راعي الصالون يدخل فيه ومن ورا يعني شغل انتقام ،، نهايته انه راعي الصالون بطل كمال اجسام والارعن ما بعرف هشي لا واعطاه اشاره لكي يوقف ويبي يهاوشه الارعن واصطفوا على اليمين ونزل الارعن يبي يشوف شغله وياه لين شافه وشاف جسمه انسحب مثل الارنب واعتذر،، فما بالك لو كان راعي الصالون شخص مسكين ايش صار فيه ...

النماذج العملية أثرت الموضوع شكرا جزيلا أخي مرسال

[fzaa_qatar]

هل يوجد في قانون المرور تحديد لسرعات الخط اليمين والوسط واليسار .. اللي اعرفه هاي شارع ومب داخل مخي ان اليسار للي يسرعون والوسط للمتوسط واليمين للي يبي يتمشى كنه فالكرنيش... انا علي ان المرور حط حد لسرعه كل شارع والله ما جى المرور وقالك سرعه الخط اليسار 100 والوسط 80 واليمين 50 ...ولا شرايكم .. وبس

[لبيبة]

الحمدلله ما أسوق، لكني أحس بمعاناتكم، إن شاء الله يسنون قوانين تضبط الأمور أكثر

[Riku3]

مدير المرور قبل حول السنة اذا ماخاب ظني جاوب على هالسؤال في وطني الحبيب صباح الخير .. عليك ان تفسح المجال للي اسرع منك حتى لو كنت تمشي بالسرعه القانونية !! .

هو صح في سائقين يسوون مثل هالحركة برعونه كأن يزرق بين المواتر وفجأه يطلع وراك ويطالبك توخر عنه بسرعه .. بهالحاله انا ما بعرض حياتي للخطر علشانه ولكن بفسحله المجال بأقرب فرصه .. اما اني اشوفه جاي من بعيد وما افسحله المجال .. بتكون قلة ادب مني ومب منه ! .

شفت موقفين في مثل هالحالة .. الاول لشاب كان يهرن لسائق اسيوي لمسافه طويله وكان الاسيوي مطنش لين ما قام السائق الخلفي بصدم سيارته به بشكل بسيط بدون اضرار وسبحان الله غير رأيه وراح للخط الثاني والسائق الاول استمر في طريقه .... ضحكت كثير على هالموقف لان الاسيوي حصل الي يستحق بنظري بالرغم من ان الي صار خطأ ..

الموقف الثاني للاسف راح ضحيته شاب اعتقد والله اعلم انه توفى .. كان يسوق في خط 22 فبراير وقدامه واحد يعانده من جنسية اجنبيه يسوق فولفو .. وصارت السالفة عناد بينهم وكان يضرب بريك في وجهه وشكله تنرفز وللاسف الشاب قرر يتجاوز من اقصى اليمين بعد ما زهق ومن دخل خط الخدمات بسرعه جنونيه دعم سيارة واقفة هناك وصار حادث قوي قوي قوي والشاب طار من السيارة .

مافي شي يستاهل تكتب فيه موضوع ...... اذا جيتك مسرع وخر عن دربي .. وحط لاخوك الف عذر .

[جبر ال جبر]

اوقات تتمنى انه الدعمايات الخلفيه والاماميه من الصب بحيث اذا جاك واحد من هالمطافيق وشير الهرن عليك وملق عليك وخصوصا اذا المسار الي على يمينك فيه سيارات ماتقدر تفتح له لين يمرون وهو مزعجك كل الي تسويه تربط الحزام عدل وترفس البريك عشان يدعمك من ورا ويتلتهه زياده وتحرك عنه بعد ماتوقف له

[معماري قطري]

في كثير من الدول هذا الفعل يعتبر شروع في القتل ومن ينمسك مسوي هالشيء يتكلبش ويروح التوقيف قبل المحاكمة

[معماري قطري]

الحمدلله ما أسوق، لكني أحس بمعاناتكم، إن شاء الله يسنون قوانين تضبط الأمور أكثر

خليني أَعطيج فكرة عن قانون متابعة السيارات في أَمريكا - قصدي المسافة الآمنة .. لكل 10 ميل / ساعة طول سيارة مسافة أَمان .. يعني 50 ميل وهي تساوي حول 81 كم في الساعة لازم السايق اللي ورا يترك مسافة 5 سيارات .. تقديرياً السيارة طولها بين 4 و5 متر نقول بين 20 و25 متر والشعب هناك كله محترم هذا القانون سواءً سيارة صغيرة أَو شاحنة أَو حتى دراجة نارية .. عندنا على سرعة 100 كلم / ساعة يجي واحد يلصق في صدام سيارتي ولو ضربت بريك بيروح لآخرته متسبب على نفسه ويفترض في رأَيي منتحر.

ومسافة الأَمان هذي محسوبة بتجارب وبدقة وأَوقات لو غفل الواحد شوي يقترب بصورة خطيرة من حادث محقق لو اللي أَمامه خفف أَو وقف وقوف مفاجيء لأَي سبب.

على سرعة 120 كلم / ساعة المسافة يفترض تكون أَبعد بزيادة يعني مسافة السيارة لكل 10 ميل / ساعة ما تنطبق ونحتاج مسافة أَكبر .. ومسافة السيارة لكل 10 ميل على سرعة 120 كلم تعطينا سبع سيارات ونص تقريباً لكن على هذي السرعة مثل ما قلت هذي مسافة خطرة والمفروض تكون أَكبر بسبب السرعة الزايدة وصعوبة الوقوف والتحكم في السيارة .. إِحنا على وضعنا نتمنى 10 متر ولا بمحصلينها .. آخرها البارحة على طريق سلوى تعجبت من اللي يسرعون فوق 160 ويمكن وايد أَكثر ويقتربون من اللي يمشي 139 وهي أَقصى سرعة بدون مخالفة ولا يهتمون.

للأَسف مرورنا توه يتعرف على قوانين السلامة وصعب يطبق هذا القانون ولو طبقوه صح حسب درجات الخطورة بنشوف قطر بأَمان والسائق يسوق بدون أَذى وازعاج ما له داعي.

[محمد11]

ياريال ..

كل هالعجله والسرعه ان يعني مستعجل .. واخر شي
تشوفه صاف حذاك عند الاشاره .. ولاكنه مسوي شي يتعبث بالجوال واذا بخشمه الله يكرمكم ...

[@north_star@]

كلامك سليم اذا كان الشخص اللي يحاول التجاوز يقوم بمثل تلك الحركات الصبيانية والاستهتار بحياة الاخرين ولكن قد يكون التقيد بالقانون لدى البعض ذو أثار سلبية على رواد الطريق فليس من المعقول انه الشخص الماشي على السرعة القانوينة يتم ماسك خط اليسار وماشي 80 على سبيل المثال واذا صارله المجال انه يمسك خط الوسط أو اليمين يكون أفضل له وتقبل مروري

[معماري قطري]

كلامك سليم اذا كان الشخص اللي يحاول التجاوز يقوم بمثل تلك الحركات الصبيانية والاستهتار بحياة الاخرين ولكن قد يكون التقيد بالقانون لدى البعض ذو أثار سلبية على رواد الطريق فليس من المعقول انه الشخص الماشي على السرعة القانوينة يتم ماسك خط اليسار وماشي 80 على سبيل المثال واذا صارله المجال انه يمسك خط الوسط أو اليمين يكون أفضل له وتقبل مروري

زين إِذا اللي على اليسار بيمشي بأَقصى سرعة قانونية واللي في الوسط سيد طويل يمشي ورا واحد يمشي 20 أَقل من السرعة القانونية شتسوي في هالحالة؟ تترك حقك لمخالفي القانون وهم يخالفون بقوة وجه ويعرضون حياتك للخطر وكأَنه حق من حقوقهم إِنهم يدفعون سيارتك أَو يدعمونها أَو تمشي بالسرعة القانونية حتى تحصل مجال بسهولة وتفتح.

[PathFinder]

اكثر من مره اكون في المسرب الاوسط في امان الله وتيجي سياره من اليسار امامي بشكل مفاجئ. هارب من اللي يكبسله

[متحدث لبق]

هل يوجد في قانون المرور تحديد لسرعات الخط اليمين والوسط واليسار .. اللي اعرفه هاي شارع ومب داخل مخي ان اليسار للي يسرعون والوسط للمتوسط واليمين للي يبي يتمشى كنه فالكرنيش... انا علي ان المرور حط حد لسرعه كل شارع والله ما جى المرور وقالك سرعه الخط اليسار 100 والوسط 80 واليمين 50 ...ولا شرايكم .. وبس

خطأ المررور حدد قوانين و تشريعات واضحة حسب حجم و استخدام الشارع و في الحالة الي ذكرتها "3 مسارات" يكون الأيمن للمركبات الأبطأ بإختلاف دوافعها من حمولة أو حالة طبية أو غيرها و الأيسر "للتجاوز" بجميع دوافعه و مسبباته غير محكوم بسرعة بل محكوم بما يسمى بتدفق حركة المرور بالإضافة إلى الوضع المناخي




خليني أَعطيج فكرة عن قانون متابعة السيارات في أَمريكا - قصدي المسافة الآمنة .. لكل 10 ميل / ساعة طول سيارة مسافة أَمان .. يعني 50 ميل وهي تساوي حول 81 كم في الساعة لازم السايق اللي ورا يترك مسافة 5 سيارات .. تقديرياً السيارة طولها بين 4 و5 متر نقول بين 20 و25 متر والشعب هناك كله محترم هذا القانون سواءً سيارة صغيرة أَو شاحنة أَو حتى دراجة نارية .. عندنا على سرعة 100 كلم / ساعة يجي واحد يلصق في صدام سيارتي ولو ضربت بريك بيروح لآخرته متسبب على نفسه ويفترض في رأَيي منتحر.

ومسافة الأَمان هذي محسوبة بتجارب وبدقة وأَوقات لو غفل الواحد شوي يقترب بصورة خطيرة من حادث محقق لو اللي أَمامه خفف أَو وقف وقوف مفاجيء لأَي سبب.

على سرعة 120 كلم / ساعة المسافة يفترض تكون أَبعد بزيادة يعني مسافة السيارة لكل 10 ميل / ساعة ما تنطبق ونحتاج مسافة أَكبر .. ومسافة السيارة لكل 10 ميل على سرعة 120 كلم تعطينا سبع سيارات ونص تقريباً لكن على هذي السرعة مثل ما قلت هذي مسافة خطرة والمفروض تكون أَكبر بسبب السرعة الزايدة وصعوبة الوقوف والتحكم في السيارة .. إِحنا على وضعنا نتمنى 10 متر ولا بمحصلينها .. آخرها البارحة على طريق سلوى تعجبت من اللي يسرعون فوق 160 ويمكن وايد أَكثر ويقتربون من اللي يمشي 139 وهي أَقصى سرعة بدون مخالفة ولا يهتمون.

للأَسف مرورنا توه يتعرف على قوانين السلامة وصعب يطبق هذا القانون ولو طبقوه صح حسب درجات الخطورة بنشوف قطر بأَمان والسائق يسوق بدون أَذى وازعاج ما له داعي.

هذا القانون القديم و تم تحديثه حالياً القانون هو مقدار ثانية من الزمن عن كل 10 ميل/ساعة للعلم مقدار ثانية أقصر بكثير من أطوال السيارات و اذا حبيت ممكن أوضح لك طريقة حسابها




زين إِذا اللي على اليسار بيمشي بأَقصى سرعة قانونية واللي في الوسط سيد طويل يمشي ورا واحد يمشي 20 أَقل من السرعة القانونية شتسوي في هالحالة؟ تترك حقك لمخالفي القانون وهم يخالفون بقوة وجه ويعرضون حياتك للخطر وكأَنه حق من حقوقهم إِنهم يدفعون سيارتك أَو يدعمونها أَو تمشي بالسرعة القانونية حتى تحصل مجال بسهولة وتفتح.

عدم إفساحك الطريق كذلك مخالفة يعني انت ترد على مخالفة بمخالفة و غير معفي من الخطأ ولو لا سمح الله تعرضت لحادث بسبب عدم إفساحك القانون يقول الخطأ "مشترك" أكرر نقطة يجهلها كثيرين مب من صلاحيات المواطن فرض القانون على الآخرين "مهما كانت الدوافع" هذي مذكورة في القانون نصاً و سبق و أن تطرق لها الخرجي لك حق الشكوى و مالك حق العناد أو التصدي بالنسبة إذا جنبك سيد طبعاً مافي مجال تبتعد أصلاً لكن إذا في مجال تفسح و من بعدها ترجع للمسار السريع نقطة أخيرة المسار الأيسر يسمى مسار "التجاوز" و ليس مسار السرعة القصوى