مستشفى مايو كلينك ..علاج قصور الكلى

[مالق]

السلام عليكم

تحيه طيبه اخواني

الوالد يعاني من قصور مزمن في وظائف الكلي وجاه امر للعلاج في الخارج وراسلنا المستشفيات مستفى مايو كلينك طلب مقابلة المريض واخذ وخزه من الكليه وبعدها تحديد امكانية العلاج

هل احد جرب علاج الكلى لديهم وهل فيه مستشفى متخصص وافضل منه في علاج قصور الكلى

ولكم خالص شكري

[aloosh]

تقصد هذا

http://arabic.mayoclinic.org/

[R 7 A L]

الله يشافي الوالد

هل سألتوهم مانوع العلاج
زراعه ولا علاج وادوية فقط ؟

[مالق]

لا فقط تشخيص الحاله واخذ خزعه من الكليه

[R 7 A L]

طيب وبعد التشخيص وش الخطوات الاخرى

[رجل مثالي]

هاي المشفى في الولايات المتحدة ممكن
تتأكد منه من السفارة الامريكية عندنا
وممكن السفارة عندها كتيبات عن المشفى
ومعلومات طيبة
وممكن تتأكد من المرضى الى تعالجوا فيه

[مالق]

والله مانعرف وش الاجراء اللي راح يسوونه بعد التشخيص

احنا كانت النيه اننا نروح نزرع له لاكن حبينا قبل نقدم على الزراعه نروح لامريكا نشوف حالته يمكن تتحسن او يحصلو سبب الضعف والقصور ويعالجونه

[R 7 A L]

اخوي لاتأخرون توكلوا على الله
وترى الزراعة في امريكا ناجحة

[مالق]

مافيه هناك زراعه لازم مانح ويكون من العائلة او الاقارب واحنا غير متطابقين معه

الزراعه فقط في الصين وراح نخليها اخر حل

[R 7 A L]

مافيه هناك زراعه لازم مانح ويكون من العائلة او الاقارب واحنا غير متطابقين معه

الزراعه فقط في الصين وراح نخليها اخر حل



لا اخوي واحد من الربع مسوي زراعة سنة 2011 وكان المتبرع من غير العائلة
كان عمره 16 سنة

[معماري قطري]

توكل على الله وروح فلوريدا .. انا كنت هناك ونويت اسوي فحوصات واتابع السكر بس كان عندي دوام ومايو كلينيك في منطقة ثانية ولا رحت .. يسون الحجز مع الطبيب في مكتب العلاج في الخارج وفلوريدا مريحة وجوها هاديء .. مايو كلينيك في مدينة جاكسون فل وهي قريبة من اورلاندو وحاول ترتب حجزك بالطيارة لميامي ومنها الى جاكسون فل بطيران داخلي .. خذ لك ليلة سكن في فندق قريب من المطار وثاني يوم روح لجاكسون فل تقريباً ساعة بالطيارة وحول 5 ساعات بالسيارة.

لو سقت قبل في أَمريكا ما عندك مشكلة والطريق سهل ولو ما سقت خلك شوي صابر وسافر بالطيارة والفنادق اللي قرب المطار فيه لها باصات تودي وتجيب ولا تكسي بعد متوفر .. في جاكسون فل الليسن القطري يمشي وفي كل أَمريكا بس تحتاج فيزا لحجز السيارة.

وهذي صورة من قوقل حق مايو كلينيك والفنادق اللي حولها ماريوت كورتيارد وذا إِن

http://i.imgur.com/bOEDFDl.jpg

[معماري قطري]

بالنسبة للسواقة في أَمريكا لازم الواحد ينتبه لإِشارة قف ويوقف عندها حتى لو الشارع فاضي ولازم يوقف التاير ما يدور حتى لو ثانية لو شافك شرطي مخفف بس ومكمل بدون وقوف يا ويلك .. والجي بي اس مهم وينفعك حتى السرعات على الطرقات يعطيك اياها واذا فيه زحمة او حادث يعلمك

[الامتياز]

خوي انا اللي اعرفه انهم وايد ممتازين في امراض القناة الهضمية اما الكلى والله ما عندي خبروسألت واحد امريكي عنها قال عيادة ممتازة على مستوى العالم كله ولها اكثر من فرع داخل امريكا نفسها وغير ربحية
الله يشفيه الوالد

[Chanel]

اللي اعرفه ان ممكن تاخذون متبرع معاكم من الدوحه بعد التأكد من انه الشخص المناسب
وبعدين الاموران شاء الله سهل لأن المشكله في امريكا ان الأولويه للأمريكان وقوائم انتظار
على العموم نسقو مع السفاره ومع السيد ناصر السعدي شخص محترم جدا وخدوم والله يشفي الوالد ويعافيه

[مالق]

جزاكم الله الف الف خير والف شكر لكم