هل الموقع هذا مضمون

[تمون]

السلام عليكم ورحمة الله وبركاته
اخواني ابي اشتري سياره من موقع
https://m.auctionexport.com/

فياريت تجاربكم مع الموقع و هل هو مضمون ولالا علما ان الموقع فيه عربي و شحن الى اي بلد في العالم

[A-Alansari]

اكتب اسم الموقع في قوقل واكتب جنبة legit وشوف ردود الناس الي متعاملين مع الموقع بتعرف اذا الموقع اوكي ولالا

[fahed]

ادخل على موقع Scamadviser.com وحط اسم الموقع و راح يطلع لك اذا انه موقع ثقه ولا نصابين.بيحط لك التقييم بالمية و معلومات الموقع كاملة.

[صباح]

والله طرق جديده مفيده اول مرة نعرفها
لكن
اخوي 3zo000oz اسمك صعب
عطني كيف مثال على طريقة استخدام legit

[النهار]

مشاءالله معلومات قيمه من الاخوان

[تمون]

اعرف الطريقه هذي يا اخوان ماقصرتوا
لكن قبل المغامره بمبلغ 300 الف على الاقل واحد ياكد لي انه شرى منه ولا يعرف حد شرى منه قبل لا اخربها

[aloosh]

الموقع كما هو واضح ما فيه سيارات كثيره وهذا شي يخوف

انصحك تشوف مواقع معتمده ترا بعض المواقع نصب من العرب اللي هناك فحذر

[A-Alansari]

والله طرق جديده مفيده اول مرة نعرفها
لكن
اخوي 3zo000oz اسمك صعب
عطني كيف مثال على طريقة استخدام legit

سهله مثلا ابي اشيك موقع علي بابا اذا مضمون ولالا

اروح قوقل اكتب

alibaba express legit

وتشوف المواقع وادخل كذا واحد راح تلاقي ناس تكتب عن تجاربها في التعامل مع الموقع

وفي مواقع تقولك اذا الموقع مضمون ولا نصابين

بس اهم شي تدخل كذا موقع وتشيك مب من اول موقع تقول لا هذا مضمون لازم تشوف اكثر من موقع وتقرا ردود الي متعاملين مع الموقع

مثل الموقع الي حطيته انا كنت بشتري منه مره ويوم رحت بحثت

الموقع يبيع نفس امازون وايبي مافي مشاكل لكن البياعين مرات ينصبون والموقع مايرجع لك حقك مب مثل امازون وايبي

فهني يجي دورك اذا تبي تغامر ولالا لانه ممكن البياع يطلع امين وممكن يطلع نصاب

لانه من ردود الناس بعد مادورت انه في بعضهم وصلتهم اغراضهم مثل مايبونها وناس وصلت الاغراض ناقصه او فيها مشاكل والبياع مايرد والموقع نفسه مايسوي لك شي

[صباح]

اشكرك
وصباحك مطر وخير انشالله

[المبرمج صلاح]

هذا الموقع موقع شحن فقط بمعني الشحنة اللي توصله من التاجر هو يوصلها لك كما هي
لكن المشكلة كيف هتضمن التاجر يوصل الشحنة كما طلبتها انت للشركة

واذا كنت تريد شراء سيارة او صفقة بمبلغ كبيير يجب ان تكون تعرف التاجر اللي هييبع لك شخصيا او تعاملت معه من قبل

لان هذا الموقع هو مجرد شحن فقط وليس بيع مثل ارامكس عندنا في قطر

[saud580]

اخوي حاسب ترى في مواقع وايد مضروبه

انا قبل طحت على موقع في هنقاريا طلعو حراميه يبوقون السيارات و يبيعونها و يوم عطاني رقم الشاصي طلع كله كذب في كذب

[احلى ارقام]

يا العالي اتوقع مضمون وهالموقع ترى السيارات اللي يسوي فيها مزاد ترى مدعومه او صايدها ماي من فيضانات

اقرا الكومنت تحت كل سياره مكتوب شنو فيها من خرابات وشوف صور الدعمات اذا فتحت كل سياره

[chevelle-ss]

سلام عليكم ورحمة الله وبركاته
اخوي هذا الموقع مضمون وانا جربته شخصيا وشريت سياره من ebay
وهم خلصوا كل الإجراءات اللازمه وشحنوه لي لين قطر

[chevelle-ss]

وعندي لك كويتي مضمون بإذن الله وأسعارشحنه ارخص من هالشركه

[تمون]

تسلمون يا شباب كلكم ماقصرتوا جعلني ما خلى منكم


وعندي لك كويتي مضمون بإذن الله وأسعارشحنه ارخص من هالشركه

والله يالغالي شوي طمنتني لان الموقع سهل التعامل شوي و تقدر تحسب كل شي عشان ماتتورط في المبلغ يمكن هالشي الوحيد الي شدني للموقع

عموما يالغالي انت استخدمت الموقع كوسيط ؟ يعني انت شفت السياره في ايباي وقلت لهم اشتوا لي السياره الفلانيه ولا كيف ياريت يا اخوي التفاصيل الممله وانا بعد بطرش لك على الخاص رساله يمكن ماتنتبه للموضوع
و ياريت رقم الكويتي بالمره على الخاص

[المحقق كونان]

للرفع