النظرة الشرعية ...... هل تؤيدها هذه الايام

[بانغ بانغ]

في ظل التكنولوجيا والتقدم ..

هل تتفق مع مبدأ النظرة الشرعية هالايام


هل النظرة الشرعية تتفق مع مقاييس الظروف الحالية

هل البنت اتفضل النظرة الشرعية هالايام

هل الرجل يثق بالنظرة الشرعية هالايام

او النت والبرامج الالكترونية بالجوال ... جعلت النظرة الشرعية تنقرض


تحياتي

[غريب الدّار]

مرحبا بانغ

هل تقصد ان الواحد صار يقدر يشوف اللي يبي يخطبها بأي طريقة ثانية مثل النت مثلا او البرامج الالكترونية؟

اذا كان هذا اللي تقصده (مع اني مافهمت سؤال (هل يثق الرجل بالنظرة الشرعية ) ، فما أعتقد ان هالشي يغني عن النظرة الشرعية ابد

لأن الرؤية على الطبيعة تختلف

والرسول وصى بذلك لما قال : انظر اليها فانه احرى أن ي}دم بينكما


صدق رسول الله

فبالتالي الرؤية الشرعية حق للخاطب وأشوف انها أفضل مثل ماقال الرسول عليه السلام


مع الشكر

[بومحمد المطاوعه]

تبي تمشي مع الشرع ولا مع عادات بعض الناس ..؟

[غريب الدّار]

وبعدين افرض ماأيدتها مثلا : هل عندك بديل؟

[شبح الصمت]

يعطيك العافيه ..


تصدق بانغ قبل يوم الواحد يبي يشوفها او قبل لا يتقدم لها ويطلب النظرة الشرعية لازم يوصل لين بيت الوحده ..


الحين البعض بنقول اذا يبي يشوف النظرة الشرعية البعض ها لاحد يفهم كلامي غلط ..


اذا اهي تشتغل بيسال وين شغلها وبيمر يشوفها لو من بعيد او بيسوي نفسه مراجع ..


وقبل في سوالف العرس تسال امك اختك

الحين تسال امك واختك وتنشد عنها صوب ناس معاها في العمل ..


يعني النظرة الشرعية صارت سهلة وتقدر توصل لها بسرررعه لبعض الحالات الموظفيه ..



وتحياتي واشواقي

[بانغ بانغ]

يا مشايخنا الاعزاء

السؤال عام وليس منسوب لي


غريب ...
فهمك للموضوع صح


النت ووسائل الاتصال جعلت الموضوع اسهل ولكن يجب تقنينه

احنا ايامنا ما كان فيه لا نت وبرامج مثل هالايام ولا شي ..

الجيل الحالي هو المقصود

[بومحمد المطاوعه]

قال الشيخ ابن عثيمين رحمه الله : " يجوز للخاطب أن يرى مخطوبته لكن بشروط :

الشرط الأول : أن يحتاج إلى رؤيتها فإن لم يكن حاجة فالأصل منع نظر الرجل إلى امرأة أجنبية منه ؛ لقوله تعالى ( قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ).

ثانيا : أن يكون عازما على الخطبة ، فإن كان مترددا فلا ينظر ، لكن إذا عزم فينظر ، ثم إما أن يقدم وإما أن يحجم .

ثالثا : أن يكون النظر بلا خلوة ، أي يشترط أن يكون معه أحد من محارمها إما أبوها أو أخوها أو عمها أو خالها ،
وذلك لأن الخلوة بالمرأة الأجنبية محرمة ؛

لقول النبي صلى الله عليه وسلم : ( لا يخلون رجل بامرأة إلا مع ذي محرم ) ، وقال صلى الله عليه وسلم : ( إياكم والدخول على النساء قالوا : يا رسول الله ، أرأيت الحمو ؟ قال : الحمو الموت ).

الرابع : أن يغلب على ظنه إجابتها وإجابة أهلها ، فإن كان لا يغلب على ظنه ذلك فإن النظر هنا لا فائدة منه ؛ إذ إنه لا يجاب إلى نكاح هذه المرأة سواء نظر إليها أم لم ينظر إليها .

واشترط بعض العلماء ألا تتحرك شهوته عند النظر وأن يكون قصده مجرد الاستعلام فقط وإذا تحركت شهوته وجب عليه الكف عن النظر ، وذلك لأن المرأة قبل أن يعقد عليها ليست محلاً للتلذذ بالنظر إليها فيجب عليه الكف ، ثم إنه يجب في هذا الحال أن تخرج المرأة إلى الخاطب على وجه معتاد أي لا تخرج متجملة بالثياب ولا محسنة وجهها بأنواع المحاسن ، وذلك لأنها لم تكن إلى الآن زوجة له ،
ثم إنها إذا أتت إليه على وجه متجمل لابسة أحسن ثيابها فإن الإنسان قد يقدم على نكاحها نظرا لأنها بهرته في أول مرة ،
ثم إذا رجعنا إلى الحقائق فيما بعد وجدنا أن الأمر على خلاف ما واجهها به أول مرة " انتهى من "فتاوى نور على الدرب".

وأشار رحمه الله في موضع آخر إلى أن هذا قد قد يُنْتِج نتيجة عكسية , فإنه إذا نظر إليها وهي قد تجمَّلت وتحسَّنت , يراها جميلة أكثر مما هي عليه في الواقع ، فحينئذٍ إذا دخل عليها ونظر إليها على حسب الواقع ربما يرغب عنها ويزهد فيها .
والحاصل : أن المرأة إذا جاءها الخاطب أبيح لها أن تكشف عن وجهها ويديها ، وعن رأسها وما يظهر غالبا ،
على الراجح ، لكن دون أن تضع شيئا من مساحيق التجميل والزينة .
والله أعلم .

http://www.islam-qa.com/ar/ref/102369

[R 7 A L]

هل النظرة الشرعية مبدأ ؟

[دااانة قطر]

موضوع مهم .. الف شكر لطرحه

واتفق مع رد الاخ شبح الصمت

[بومحمد المطاوعه]

قال الحبيب صلى الله عليه وسلم "انظر إليها فإنها أحرى أن يؤدم بينكم"

لكن في البعض من مجتمعنا اليوم مايشوف زوجته الا يوم زواجهم ..!!

و يرفض هذا التوجه النبوي ويعتبره .. عيباً ..
مع أن .. النظرة الشرعية قبل الزواج .. حقاً للشاب والشابة كفل هذا الحق ديننا الحنيف ..

وانا أقصد .. بالنظرة الشرعية .. تلك التي تتم بوجود الأهل جميعا وبالذات الوالد والوالدة

ولست أقصد بتلك النظرة التي تتم .. بالخفاء ..

[بانغ بانغ]

الجيل الحالي

شيسوي في ظل المتغيرات الاجتماعية والتقدم التكنولوجي

يعني لو الواحد طلب صورة ومسكين قنوع .... ستين فوتوشوب في الصورة

والبنت مسكينة ايش ذنبها لو خطيبها ماعجبته النظرة الشرعية ... معقول بيلاحقها في الدوام والبنوك ...


السوال موجه للجيل الحالي

[شبح الصمت]

الجيل الحالي

شيسوي في ظل المتغيرات الاجتماعية والتقدم التكنولوجي

يعني لو الواحد طلب صورة ومسكين قنوع .... ستين فوتوشوب في الصورة

والبنت مسكينة ايش ذنبها لو خطيبها ماعجبته النظرة الشرعية ... معقول بيلاحقها في الدوام والبنوك ...


السوال موجه للجيل الحالي




هههههههاي

مافي جيل حالي عندنا


تبي الشياب يجاوبون والعجيز والا لا


ارضى بالواقع


:secret:


:tease:

[متحدث لبق]

وسائل التواصل ما تغني عن النظرة الشرعية فكما يقال لكل مقام مقال و الهدف مب معرفة الشكل و الملامح و الطول فقط بل التقبل النفسي و الراحة النفسية من الموقف و من وجود الشخص في مكان ما معاك بهدف معين متفق عليه الطرفين اللي هو الزواج اما العمل و الطريق و و و فهي مقامات اخرى لها وضعها و منظورها أخيراً أرى في النظرة الشرعية "فطرة" قبل ان تكون شرع

[دااانة قطر]

بعد اذن صااحب الموضوع

ايش قصدكم في وسائل التواصل والنظرة الشرعية؟؟

[متحدث لبق]

بعد اذن صااحب الموضوع

ايش قصدكم في وسائل التواصل والنظرة الشرعية؟؟

اعتقد المقصد هو مواقع التواصل مثل تويتر و فيسبوك و انستغرام و غيرها

[R 7 A L]

هههههههاي

مافي جيل حالي عندنا


تبي الشياب يجاوبون والعجيز والا لا


ارضى بالواقع


:secret:


:tease:




ليش تقعد ( اتجادل ) :waiting:

[حسن]

وبعدين افرض ماأيدتها مثلا : هل عندك بديل؟

يبقي عندك مشكله

يعني تخالف الدين ونيتك زينه بس تسوي خطاء

البديل خلاص التبادل بالصور واستخدام التكنولوجيا الحديثه

[دااانة قطر]

اعتقد المقصد هو مواقع التواصل مثل تويتر و فيسبوك و انستغرام و غيرها



معليش خذوني على قد عقلي
شلون بيوصل لحسابها في تويتر وفيسبوك وانستقرام
والنظرة الشرعية لاسلوبها وفكرها بدون الشكل ؟؟

[مختلفة عقليا]

السلام عليكم

لا طبعا حتي بعد مليون سنه .,

لازم يقعد فيس تو فيس قدامها ويكلمها ويسمع منها

يجوف يرتاح لها او لا وهي بعد

ويسلموو

[متحدث لبق]

معليش خذوني على قد عقلي
شلون بيوصل لحسابها في تويتر وفيسبوك وانستقرام
والنظرة الشرعية لاسلوبها وفكرها بدون الشكل ؟؟

مثل احتكاكج بالاعضاء اختي احتكاك سطحي غير مباشر لا تنسين ان كثيرات يستعملون صور شخصية في وسائل التواصل خاصة الصحفيات السؤال هنا هل هذا يغني عن النظرة الشرعية و في منظوري طبعا لا

[ضوى]

النظرة الشرعية حق للرجل وحق للمراة وحق كفله لهما الشرع ، خرابيط التواصل الاجتماعي ماتنفع للحلال

[حسن]

السلام عليكم

لا طبعا حتي بعد مليون سنه .,

لازم يقعد فيس تو فيس قدامها ويكلمها ويسمع منها

يجوف يرتاح لها او لا وهي بعد

ويسلموو

مايحتاج

هي شرعا جائزه ومافيها شي

قبل فتره بسيطه طلب مني احد الاقرباء ان اكون معه في ليخطب له
لما جلسنا مع الاخوان وطلب القرب منهم وتكللم عن اني ابي اشوفها
وهذا حق له
وقال لن اتزوج بدون ماشوفها بتاتا والرجل ملتزم دينيا ويحمل شهادات عليا في الشريعه

بس اعتقد الحين وضعنا اختلف كامل الى ندر من الاسر ويمكن مافي والله اعلم
كلش متوفر محد يشتري سمج بالبحر

[R 7 A L]

معليش خذوني على قد عقلي
شلون بيوصل لحسابها في تويتر وفيسبوك وانستقرام
والنظرة الشرعية لاسلوبها وفكرها بدون الشكل ؟؟



بعضهم انشوف وجيهم اكثر من ان حنا انشوف وجيهم في كل موقع رازين صورهم هذا هو المعنى

[بومحمد المطاوعه]

السلام عليكم

لا طبعا حتي بعد مليون سنه .,

لازم يقعد فيس تو فيس قدامها ويكلمها ويسمع منها

يجوف يرتاح لها او لا وهي بعد

ويسلموو

فيس تو فيس ماعتقد

ولا يكلمها ..

اصلن صعب البنت تجاوب رجل غريب ..

يعني يشوفها نظره شرعيه ..

وبعدين اذا الله كتب لهم النصيب
بدون لايكلمها بيرتاحون لبعض اصلن ..

[بومحمد المطاوعه]

البعض يخطب البنت اذا كان يداوم اختلاط
ومعاها فالقسم ..

اعرف كم حاله من الشباب ..

تزوجو من دوامهم .. وعندهم عيال ..

يعني تصيب وتخيب
والموضوع كامل معلق

بتوفيق من الله تعالى ..

[شبح الصمت]

ليش تقعد ( اتجادل ) :waiting:




انا آسف آخر مره

:no:

[مختلفة عقليا]

مايحتاج

هي شرعا جائزه ومافيها شي

قبل فتره بسيطه طلب مني احد الاقرباء ان اكون معه في ليخطب له
لما جلسنا مع الاخوان وطلب القرب منهم وتكللم عن اني ابي اشوفها
وهذا حق له
وقال لن اتزوج بدون ماشوفها بتاتا والرجل ملتزم دينيا ويحمل شهادات عليا في الشريعه

بس اعتقد الحين وضعنا اختلف كامل الى ندر من الاسر ويمكن مافي والله اعلم
كلش متوفر محد يشتري سمج بالبحر




فيس تو فيس ماعتقد

ولا يكلمها ..

اصلن صعب البنت تجاوب رجل غريب ..

يعني يشوفها نظره شرعيه ..

وبعدين اذا الله كتب لهم النصيب
بدون لايكلمها بيرتاحون لبعض اصلن ..

هلا

طبعا حقه يفهم البنت ويجوف اشلون ارتاح او لا .,

وحقها هي بعد .,

اقلها اتجوف تفكيره لا ينصدمون عقب .,

مو صعبه ابد تقعد اتكلمه في مجلسهم وبروحهم بعد ., يتناقشون ويتكلمون ., حتي لو كم سؤال يفهمها وهي تفهمه

وبنات اللحين يشتغلون في اماكن خلط وخدمه عملاء وتواصل مع جمهور ., بتستحي اتكلم واحد يبيها زوجه له وام لعياله ., ماعندها سالفه

ويسلموو

[R 7 A L]

انا آسف آخر مره

:no:



تعال صف جنبي خلنا انتابع بو محمد :strong

[العقل المدمر]

هلا

طبعا حقه يفهم البنت ويجوف اشلون ارتاح او لا .,

وحقها هي بعد .,

اقلها اتجوف تفكيره لا ينصدمون عقب .,

مو صعبه ابد تقعد اتكلمه في مجلسهم وبروحهم بعد ., يتناقشون ويتكلمون ., حتي لو كم سؤال يفهمها وهي تفهمه

وبنات اللحين يشتغلون في اماكن خلط وخدمه عملاء وتواصل مع جمهور ., بتستحي اتكلم واحد يبيها زوجه له وام لعياله ., ماعندها سالفه

ويسلموو

اي اكيد بتستحي لان نظرة الموظف لها مختلفة تماماً عن نظرة الخاطب
وبعدين من قال يقعدون بروحهم ؟ والمحرم اللي وياهم صنم ؟

انا عن نفسي ارفض النظرة الشرعية كوني ماغطي ويهي وادرس فمكان مختلط
واتوقع هاي المقصود بالزمن الحالي واللي يختلف عن قبل ويخلي الناس تضطر حق هالشوفة
ولا اتخيل شعوري عقب مايشوفني ويقول مابيها .. عالاقل يشوفني ويهون وانا مادري ابرك

[حسن]

فيس تو فيس ماعتقد

ولا يكلمها ..

اصلن صعب البنت تجاوب رجل غريب ..

يعني يشوفها نظره شرعيه ..

وبعدين اذا الله كتب لهم النصيب
بدون لايكلمها بيرتاحون لبعض اصلن ..



شدعوه يابومحمد معقوله

هذا اساس النظره الشرعيه ليش مايكلمها ويقعد معاها في ضل وجود ولي
الى له الحق يشوف حتى سيقانها بس من تحت وايديها وجهها

اي والله

تعال بارويك

:telephone:

[Charisma]

مرحبا اخوي بانغ ..


مداخله بسيطه .. وسؤال لمن حاب يجاوب ..

هل يحق لمن اقدم على الزواج ( بنيه صادقه ) واراد ان يرى من سيتزوجها .. ان ينظر اليها في مقر عملها او في اي مكان ( ومن بعيد ) ؟

[بومحمد المطاوعه]

شدعوه يابومحمد معقوله

هذا اساس النظره الشرعيه ليش مايكلمها ويقعد معاها في ضل وجود ولي
الى له الحق يشوف حتى سيقانها بس من تحت وايديها وجهها

اي والله

تعال بارويك

:telephone:

ههههههههههه

لاتراوييني ولا اراويييك

ياخي انا عن نفسي كـ رجل محافظ واخاف الله تعالى ..

عندما تقدمت .. ماقدرت .. انطق بحرف ..

مع اني .. نظرت للنظره .. الشرعيه .. سابقه ولم يكتب الله لي النصيب ..

ولكن .. عمري ماتكلمت ولا فيس تو فيس على قولتكم ..

يعني مسافه تقريبآ 4 .. امتار .. لأني .. انا ماسمحت لنفسي ..

سبحان الله يمكن .. ربي مايكتب النصيب .. ف احب .. اكون طالع بصوره طيبه ..

واذا في .. نصيب .. تأكد بتطلع وانت مرتاح وقلبك وده يقعد فالمجلس ههههههههههههه

تحياتي لك .. يالنوخذه ..

[حسن]

مرحبا اخوي بانغ ..


مداخله بسيطه .. وسؤال لمن حاب يجاوب ..

هل يحق لمن اقدم على الزواج ( بنيه صادقه ) واراد ان يرى من سيتزوجها .. ان ينظر اليها في مقر عملها او في اي مكان ( ومن بعيد ) ؟

هو اللي اعرفه من زمان لما قرت عن الرؤيا الشرعيه

ان يشوف يدها ووجهها ويكون بحضور ولي الامر
هذا الشرع

ولكن الحين الناس تتجاهل الكثير من الشرع فعادي تشوفها في عمل في واتس اب في استغرام
في باث في سناب جب في كتارا في كل مكان اي وير

ها بشر لك نيه ياكابتن

:)

[بومحمد المطاوعه]

هلا

طبعا حقه يفهم البنت ويجوف اشلون ارتاح او لا .,

وحقها هي بعد .,

اقلها اتجوف تفكيره لا ينصدمون عقب .,

مو صعبه ابد تقعد اتكلمه في مجلسهم وبروحهم بعد ., يتناقشون ويتكلمون ., حتي لو كم سؤال يفهمها وهي تفهمه

وبنات اللحين يشتغلون في اماكن خلط وخدمه عملاء وتواصل مع جمهور ., بتستحي اتكلم واحد يبيها زوجه له وام لعياله ., ماعندها سالفه

ويسلموو


بروحهم ..؟
لا سلامتج

مب من سنع الأسلام ولا سنع أهل السنه والجماعه ..

ومب كل بنت تشتغل خلط ولا خدمه العملاء

في بنات محافظات ولله الحمد .. بعيد عن الأختلاط ..

[R 7 A L]

ههههههههههه

لاتراوييني ولا اراويييك

ياخي انا عن نفسي كـ رجل محافظ واخاف الله تعالى ..

عندما تقدمت .. ماقدرت .. انطق بحرف ..

مع اني .. نظرت للنظره .. الشرعيه .. سابقه ولم يكتب الله لي النصيب ..

ولكن .. عمري ماتكلمت ولا فيس تو فيس على قولتكم ..

يعني مسافه تقريبآ 4 .. امتار .. لأني .. انا ماسمحت لنفسي ..

سبحان الله يمكن .. ربي مايكتب النصيب .. ف احب .. اكون طالع بصوره طيبه ..

واذا في .. نصيب .. تأكد بتطلع وانت مرتاح وقلبك وده يقعد فالمجلس ههههههههههههه

تحياتي لك .. يالنوخذه ..




لا ووووووووووووووووووووين يابومحمد

الجماعة يقصدون انكم لازم تعرف ( فكر ) بعض يعني موب في جلسة وحدة فقط انما في عدة جلسات متسلسلة ولا شلون بيعرفون تفكير بعض ؟!

[حسن]

ههههههههههه

لاتراوييني ولا اراويييك

ياخي انا عن نفسي كـ رجل محافظ واخاف الله تعالى ..

عندما تقدمت .. ماقدرت .. انطق بحرف ..

مع اني .. نظرت للنظره .. الشرعيه .. سابقه ولم يكتب الله لي النصيب ..

ولكن .. عمري ماتكلمت ولا فيس تو فيس على قولتكم ..

يعني مسافه تقريبآ 4 .. امتار .. لأني .. انا ماسمحت لنفسي ..

سبحان الله يمكن .. ربي مايكتب النصيب .. ف احب .. اكون طالع بصوره طيبه ..

واذا في .. نصيب .. تأكد بتطلع وانت مرتاح وقلبك وده يقعد فالمجلس ههههههههههههه

تحياتي لك .. يالنوخذه ..


هلا هلا

يابومحمد مالك نصيب في الاولى والله كتب لك في الثانيه

هو عادي في خجل وشي مهب متعودين عليه ولكن الحين الوضع تغير مع العلم هذا حقك الشرعي للكل
اناعكسك

بسطت دق سوالف وعن البحر ونصبت عليها غزل وشربكتها مثل الاسرائيلي
ماطلعت الى انا خالص الدعوى

:)

حللت الرؤيا صح وبين الشاري والبايع يفتح الله

:)

الله يهنيك يابومحمد

[حسن]

لا ووووووووووووووووووووين يابومحمد

الجماعة يقصدون انكم لازم تعرف ( فكر ) بعض يعني موب في جلسة وحدة فقط انما في عدة جلسات متسلسلة ولا شلون بيعرفون تفكير بعض ؟!

لا لا لا

يارحال هذا كله بعدين يجي يعني عقب الملجه
افتح الباث على طول والحين يقولون الايفون في برنامج فري كيمرا صوت
وببلاش على النت

ونزل معاها اللي تبي

[بومحمد المطاوعه]

لا ووووووووووووووووووووين يابومحمد

الجماعة يقصدون انكم لازم تعرف ( فكر ) بعض يعني موب في جلسة وحدة فقط انما في عدة جلسات متسلسلة ولا شلون بيعرفون تفكير بعض ؟!


بعد .. الملكه ..
ماعندي مشكله .. ياهلا ومسهلا ..

ولكن .. وقت النظره الشرعيه ..

اذا بيسولف وامها .. موجوده
بنقول يمكن في ناس تتقبل .. او البعض يقدر..


اما بروحهم ..
هذي يمكن هوا .. الشيعه .. سوف يغزو .. بعض أهل السنه .. والعياذ بالله

[مختلفة عقليا]

اي اكيد بتستحي لان نظرة الموظف لها مختلفة تماماً عن نظرة الخاطب
وبعدين من قال يقعدون بروحهم ؟ والمحرم اللي وياهم صنم ؟

انا عن نفسي ارفض النظرة الشرعية كوني ماغطي ويهي وادرس فمكان مختلط
واتوقع هاي المقصود بالزمن الحالي واللي يختلف عن قبل ويخلي الناس تضطر حق هالشوفة
ولا اتخيل شعوري عقب مايشوفني ويقول مابيها .. عالاقل يشوفني ويهون وانا مادري ابرك

هلا

اشفيه شعوري لو قال ما ابيها برتاح ع الاقل ما تزوجني وعقبها طقع لي ., والا ياب علي راسي وحده

والا مشاكل ., وعوار راس .,

مافيها شي انا اشتغل خلط ودارسه خلط .,

والحمدالله انا مرتبطه وخذته بعد دراسه وفهم

وطبعا الموضوع مو اجبار كلن ورغبته دام الموضوع حلال

ويسلموو

[بومحمد المطاوعه]

هلا هلا

يابومحمد مالك نصيب في الاولى والله كتب لك في الثانيه

هو عادي في خجل وشي مهب متعودين عليه ولكن الحين الوضع تغير مع العلم هذا حقك الشرعي للكل
اناعكسك

بسطت دق سوالف وعن البحر ونصبت عليها غزل وشربكتها مثل الاسرائيلي
ماطلعت الى انا خالص الدعوى

:)

حللت الرؤيا صح وبين الشاري والبايع يفتح الله

:)

الله يهنيك يابومحمد

اللهم امين
ويهنييك يالشيخ


اذا المقصد من بعد الملجه .. الملكه ..

ماعندي مشكله ..

ولكن وقت النظره .. الشرعيه ..

يمكن انشب .. له الي متقدم حق اختي او بنتي ..
ههههههه

تحصلني احط كرسي مال المطعم قدامه .. واجابله :nice:

[مختلفة عقليا]

بروحهم ..؟
لا سلامتج

مب من سنع الأسلام ولا سنع أهل السنه والجماعه ..

ومب كل بنت تشتغل خلط ولا خدمه العملاء

في بنات محافظات ولله الحمد .. بعيد عن الأختلاط ..
هلا

اشرح اشمعناتها امحفظات ., !! ليش اللي تشتغل خلط مو امحافظه !!

ويسلموو

[R 7 A L]

لا لا لا

يارحال هذا كله بعدين يجي يعني عقب الملجه
افتح الباث على طول والحين يقولون الايفون في برنامج فري كيمرا صوت
وببلاش على النت

ونزل معاها اللي تبي


لا يقولون قبل الملجه يعني فترة الخطوبة الي مادري من وين جايتنا الي اخبرة ان الواحد يروح يخطب وبالكثير اسبوع يملج الحين هذي الي يسمونها فترة الخطوبة يمكن ثلاث شهور اربعة على شان يعرفون تفكير بعض عدل هذي من الامور الدخيلة على مجتمعنا







بعد .. الملكه ..
ماعندي مشكله .. ياهلا ومسهلا ..

ولكن .. وقت النظره الشرعيه ..

اذا بيسولف وامها .. موجوده
بنقول يمكن في ناس تتقبل .. او البعض يقدر..


اما بروحهم ..
هذي يمكن هوا .. الشيعه .. سوف يغزو .. بعض أهل السنه .. والعياذ بالله



يابو محمد مانقدر انقول شيعه ولا علمانيين
يمكن تفكيرهم وتعليمهم اعلى واحسن منا ويفهمون الدنيا اكثر منا
!

[العقل المدمر]

هلا

اشفيه شعوري لو قال ما ابيها برتاح ع الاقل ما تزوجني وعقبها طقع لي ., والا ياب علي راسي وحده

والا مشاكل ., وعوار راس .,

مافيها شي انا اشتغل خلط ودارسه خلط .,

والحمدالله انا مرتبطه وخذته بعد دراسه وفهم

وطبعا الموضوع مو اجبار كلن ورغبته دام الموضوع حلال

ويسلموو

والله لو جا واحد وشافني وهون اكيد بتحطم نفسيا
اما لو شافني من بعيد وهون وانا مادري عنه او مادري ان نيته خطبة عالاقل بيكون ماصار شي
وانا شخصيا اشوف لو تزوجني وعقب تزوج علي اهون من انه يهون من "اول نظرة" :eek5:

[حسن]

لا يقولون قبل الملجه يعني فترة الخطوبة الي مادري من وين جايتنا الي اخبرة ان الواحد يروح يخطب وبالكثير اسبوع يملج الحين هذي الي يسمونها فترة الخطوبة يمكن ثلاث شهور اربعة على شان يعرفون تفكير بعض عدل هذي من الامور الدخيلة على مجتمعنا







!



عطني اذنك باساسرك

اللي جابوها النسوان بدون منازع والرجل بري منها

:omen2:

[بومحمد المطاوعه]

هلا

اشرح اشمعناتها امحفظات ., !! ليش اللي تشتغل خلط مو امحافظه !!

ويسلموو

مب القصد بأن الي تشتغل خلط مب محافظه ..

القصد .. من البنت .. الي .. تشتغل .. مع بنات وماتكلم اي رجل .. غير عن
البنت .. الي تشتغل في اختلاط ..

فهمتي .. المعنى

الي تشتغل .. اختلاط .. سهل عليها .. ان تكلم .. اي رجل .. بتكون متعوده ..

اما .. التي .. في حالها .. وتشتغل ف مكان كله بنات .. وماتقدر .. تكلم .. اي رجل ..

وضعها غير عن وضع البنت المختلطه ..

[حسن]

الوضع فقط مرتبط بنفسيا
يعني شافتني وماتبيني و شافني ومايبيني

يعني لها علاقه نفسيه فقط

[بومحمد المطاوعه]

يابو محمد مانقدر انقول شيعه ولا علمانيين
يمكن تفكيرهم وتعليمهم اعلى واحسن منا ويفهمون الدنيا اكثر منا
!

لالا

.. سلامتك .. ياخوي ..
ماعليك من هالكلام ..

اي شيء ضد الدين الأسلامي

.. فهو رد ..

يقول الرسول صلى الله عليه وسلم: " من أحدث في أمرنا هذا ما ليس منه فهو رد "

[دااانة قطر]

تسلمون عالرد على استفساااري

[بومحمد المطاوعه]

بعد اذن صااحب الموضوع

ايش قصدكم في وسائل التواصل والنظرة الشرعية؟؟


شوفي .. بقولج

اعرف شخصين ..
تزوجو من بنات الدوام ..

واحد ماخذ من دوامه

والثاني .. من الكليه

هالناس معرفه شخصيه يعني

واعرف واحد من .. أهل الكويت .. متزوج وحده .. اماراتيه
من الانستقرام ..


مابي اقول خطأ ..

ولكن .. الله .. يوفقهم يارب

[Charisma]

هو اللي اعرفه من زمان لما قرت عن الرؤيا الشرعيه

ان يشوف يدها ووجهها ويكون بحضور ولي الامر
هذا الشرع

ولكن الحين الناس تتجاهل الكثير من الشرع فعادي تشوفها في عمل في واتس اب في استغرام
في باث في سناب جب في كتارا في كل مكان اي وير

ها بشر لك نيه ياكابتن

:)

يابوعلي لاتوهقنا هههههه .. استفساري له مغزى :telephone:

[R 7 A L]

عطني اذنك باساسرك

اللي جابوها النسوان بدون منازع والرجل بري منها

:omen2:


:secret:




لالا

.. سلامتك .. ياخوي ..
ماعليك من هالكلام ..

اي شيء ضد الدين الأسلامي

.. فهو رد ..

يقول الرسول صلى الله عليه وسلم: " من أحدث في أمرنا هذا ما ليس منه فهو رد "


:omg:
بيزعلون عليك بيقولون ليش ماتخلينا ( نجادل )

[بومحمد المطاوعه]

:secret:




:omg:
بيزعلون عليك بيقولون ليش ماتخلينا ( نجادل )


زعـــل جــدي
الله يرحمه ..

هذي الحقيقه .. والي يزعل .. يضرب راسه .. الحيطه :nice:

[بشائر]

اللهم امين
ويهنييك يالشيخ


اذا المقصد من بعد الملجه .. الملكه ..

ماعندي مشكله ..

ولكن وقت النظره .. الشرعيه ..

يمكن انشب .. له الي متقدم حق اختي او بنتي ..
ههههههه

تحصلني احط كرسي مال المطعم قدامه .. واجابله :nice:

ههههه الله يرزقك الجنة يابو محمد بغير حساب ولا سابقة عذاب ..ومن قال آمين
ضحكتني ردودك .. الله يسعدك في الدنيا والآخرة ويثبتك على طاعته ويزيدك من فضله .

[بوحارب]

عسا ماااااااااااشر أخذ وحده بدون ماشوفها

افلام هندية ما تمشي معاي :)

[بومحمد المطاوعه]

ههههه الله يرزقك الجنة يابو محمد بغير حساب ولا سابقة عذاب ..ومن قال آمين
ضحكتني ردودك .. الله يسعدك في الدنيا والآخرة ويثبتك على طاعته ويزيدك من فضله .

اللهم امين .. جزاكي الله خير ..

ويسعدج يارب

والله صحيح اختي .. ههههههه .. على كيفه .. يسولف ..
خل يملج وعقب يفتل سوالف ..

[بانغ بانغ]

في ناس من الهاي هاي اللي اعرفهم

ايخلي بنته تطلع من خطيبها للسينما

وفي ناس اعرفهم مايخلي خطيبها حتى ايشوف صورتها من بعض القبايل

في ناس وفي ناس

النظرة الشرعية لازم اتم بوجود الاهل من الطرفين متسترة ... طبعا هاي ايامنا احين مادري

فمحد يقدر ايقول ذاك غلط وذي غلط

ثقافة وتقاليد

واللي يبي ايجادل خل ايجادل لين بكره لان الموضوع برمته تقليد وليس منهج او قران

[غريب الدّار]

في ناس من الهاي هاي اللي اعرفهم

ايخلي بنته تطلع من خطيبها للسينما


لحظة اخوي بانغ بانغ

اعتقد هنيه لازم نوقف شوي علشان الأمور تكون واضحة للكل

خطيبها هنيه شالمقصود به بالضبط؟

لأن الخطوبة عندنا في قطر تعني الملجة (كتب الكتاب)

وهالمعنى مب موجود في بعض الدول العربية
يعني في مصر مثلا الخطيب مايكون كاتب كتابه
ويسمونه خطيب

اذا كان المقصود بالخاطب بعد الملجة فأهلا وسهلا
قصدي لو يبي يطلع وياها ولو اكثر من ذلك بعد الشرع والقانون مايحاسبونه ابد

ولو اني اشوف ان احترام العادات والتقاليد احسن

لكن اذا كان المقصود بالخطيب هو مثل ماهو موجود في بعض الدول العربية
فلا والف مليار لا
يطلع وياها السينما بدون أي رابط شرعي بينهم؟


ووالله انا مااقصد اني اتعرض لتقاليد أي بلد بس انا أتكلم عن عاداتنا في قطر

والله يوفق الجميع

واسمح لي عالمداخلة يابانغ بانغ بس لاني شفت ان الكلام ممكن يتم تحريفه عن سياقه وبالتالي الموضوع نفسه راح ينحرف عن مساره

[بانغ بانغ]

مرحبا اخوي بانغ ..


مداخله بسيطه .. وسؤال لمن حاب يجاوب ..

هل يحق لمن اقدم على الزواج ( بنيه صادقه ) واراد ان يرى من سيتزوجها .. ان ينظر اليها في مقر عملها او في اي مكان ( ومن بعيد ) ؟

بدون علمها ..... المفروض ما يجوز على ما اتوقع

[بانغ بانغ]

لحظة اخوي بانغ بانغ

اعتقد هنيه لازم نوقف شوي علشان الأمور تكون واضحة للكل

خطيبها هنيه شالمقصود به بالضبط؟

لأن الخطوبة عندنا في قطر تعني الملجة (كتب الكتاب)

وهالمعنى مب موجود في بعض الدول العربية
يعني في مصر مثلا الخطيب مايكون كاتب كتابه
ويسمونه خطيب

اذا كان المقصود بالخاطب بعد الملجة فأهلا وسهلا
قصدي لو يبي يطلع وياها ولو اكثر من ذلك بعد الشرع والقانون مايحاسبونه ابد

ولو اني اشوف ان احترام العادات والتقاليد احسن

لكن اذا كان المقصود بالخطيب هو مثل ماهو موجود في بعض الدول العربية
فلا والف مليار لا
يطلع وياها السينما بدون أي رابط شرعي بينهم؟


ووالله انا مااقصد اني اتعرض لتقاليد أي بلد بس انا أتكلم عن عاداتنا في قطر

والله يوفق الجميع

واسمح لي عالمداخلة يابانغ بانغ بس لاني شفت ان الكلام ممكن يتم تحريفه عن سياقه وبالتالي الموضوع نفسه راح ينحرف عن مساره

اصبت يا رجل في كبد الحقيقة