حملة عفواً بس مشغول

[Rebilion]

نستطيع تغير سلوك خاطئ بتكوين قناعة جديدة. الكذب تصرف غير مقبول وتبرير أفعالنا وتحركاتنا لمن نحترم يجب أن لايقترن بالكذب لذا بكل بساطة اذا هاتفك احد بوقت غير مناسب اجب (عفواً أنا مشغول) ولاتحمل نفسك وزر اختلاق كذبة!!

مثال آخر وخاص للمستثمريين العاطفيين اذا اتصلك/ج شخص وكنت/ي تكلمين شخص آخر بكل بساطه تجاوب/ين أكلم شخص آخر. لتصل الفكرة الى الطرف الآخر أنه ليس الوحيد/ه في الحياه! ليش الكذب والتدليس ومضاعفة الأثم!؟

قس الأمثلة السابقة على كل شيء من أصدقاء أزواج شركاء!


أعتقد أنه الحياه من غير كذب جميلة عالأقل تعطي كل الأطراف الوضوح!!

وش الي بس يرضي قلبك القاسي؟
انا بوقف معك,لو تخلف ظنوني
تبي قدرك على راسي؟ على راسي
تبي الطيحة من عيوني؟ من عيوني!!

^فيصل العطاوي

[شبح الصمت]

مرحبا منوررر وموضوعك على طرف لساني ..


:secret:

وكلنا نمر بهاللحظة


لو ردينا او طرشنا رسالة وعقب ما كلمناهم قالوا طنشت

لو ما رديت قالوا طنشت لنا ليش ..


المهم والاهم انك ما تحاول تكذب ولا تتهرب لانه البعض يحاول يتهرب من آناس معينين صدقني ..


الشخص اللحوح
الشخص الي يطالبك بفلوس
الشخص الملغ
الشخص الي تبي تخدمه في شيء ..



ياخي ليش تلف ودور خلك على قووولتهم


فالسيددددده


وآضيف انه في قاموس البعض عيب تقوله مشغوول


بيقوووول بااااال كبر راسه علينا لو انك تغيرت حياتك من شيء إلى شيء آخررر


يالحبيب

ههههاي
تراني مش ملك لك انا ملك لنفسي ولاهلي ولكم بس لا تخليني اطق منك

:telephone:

[R 7 A L]

من هم المستثمريين العاطفيين ؟

[مختلفة عقليا]

السلام عليكم

يعني لو كذبنا القصد نشرح لشخص اخر عشان ما يزعل !!

هو الوضوح دائما اجمل .,

انا بشارك في هالحمله ., مرد الناس بتعود ع الصراحه

ويسلموو

[Rebilion]

مرحبا منوررر وموضوعك على طرف لساني ..


:secret:

وكلنا نمر بهاللحظة


لو ردينا او طرشنا رسالة وعقب ما كلمناهم قالوا طنشت

لو ما رديت قالوا طنشت لنا ليش ..


المهم والاهم انك ما تحاول تكذب ولا تتهرب لانه البعض يحاول يتهرب من آناس معينين صدقني ..


الشخص اللحوح
الشخص الي يطالبك بفلوس
الشخص الملغ
الشخص الي تبي تخدمه في شيء ..



ياخي ليش تلف ودور خلك على قووولتهم


فالسيددددده


وآضيف انه في قاموس البعض عيب تقوله مشغوول


بيقوووول بااااال كبر راسه علينا لو انك تغيرت حياتك من شيء إلى شيء آخررر


يالحبيب

ههههاي
تراني مش ملك لك انا ملك لنفسي ولاهلي ولكم بس لا تخليني اطق منك

:telephone:

كلام صحيح وعلى متمة يالذيب

[Rebilion]

من هم المستثمريين العاطفيين ؟

يعتمد حسب تفسير كل شخص !

[Rebilion]

السلام عليكم

يعني لو كذبنا القصد نشرح لشخص اخر عشان ما يزعل !!

هو الوضوح دائما اجمل .,

انا بشارك في هالحمله ., مرد الناس بتعود ع الصراحه

ويسلموو

وعليكم السلام

صحيح , الواحد يكون صريح من أولها ويوفر عالناس وعلى نفسه عناء الكذب واللف والدوران

[R 7 A L]

يعتمد حسب تفسير كل شخص !

:nice:



عموماً مافيه أحسن من الصدق

[دااانة قطر]

عااد اللي متصل وكنت مشغوله ورديت عليه رد تلقائي مشغول او في المحاضرة
يفترض عقب ما اخلص ارد عليه لكن احيانا الواحد ينسى ويبدا الزعل
طيب انت اللي متصل مافيها شي لو رجعت اتصلت مرة ثانية
وخلااص انتهى الموضوع


الف شكر للطرح

[sweet qatar]

إذا كنت فاضية بس مالي خلق اتكلم

شقول ؟

[Rebilion]

عااد اللي متصل وكنت مشغوله ورديت عليه رد تلقائي مشغول او في المحاضرة
يفترض عقب ما اخلص ارد عليه لكن احيانا الواحد ينسى ويبدا الزعل
طيب انت اللي متصل مافيها شي لو رجعت اتصلت مرة ثانية
وخلااص انتهى الموضوع


الف شكر للطرح

صحيح بس مرات المتصل تعن عليه كرامته ويحس انه غير مرغوب فيه! بالذات لما يتكرر هالسيناريو كذا مرة حتى لو في شهور مختلفة!

[Rebilion]

إذا كنت فاضية بس مالي خلق اتكلم

شقول ؟

والله مالي نفس اسولف اليوم اليا زان خاطري كلمتك/ج

[sweet qatar]

والله مالي نفس اسولف اليوم اليا زان خاطري كلمتك/ج

بحاول ان شالله

دعواتكم :)

[يمامـة]

من هم المستثمرين العاطفيين؟

مب مستوعبة هالنقطة وربطها في الصدق المطلوب في الموضوع!!

[Rebilion]

بحاول ان شالله

دعواتكم :)

الله يوفقج انشالله

[Rebilion]

من هم المستثمرين العاطفيين؟

مب مستوعبة هالنقطة وربطها في الصدق المطلوب في الموضوع!!

الاستثمار العاطفي هو الاستثمار بالحب ! ايش الي مسبب عدم الاستيعاب؟ فالمصطلح كلاً بياخذه ببساطه على مايحب فمن يحب زوجته هو في استثمار عاطفي الخ.. يعني المستثمريين العاطفيين هم حقيقهً المٌحبين بكل انواعهم

[يمامـة]

الاستثمار العاطفي هو الاستثمار بالحب ! ايش الي مسبب عدم الاستيعاب؟ فالمصطلح كلاً بياخذه ببساطه على مايحب فمن يحب زوجته هو في استثمار عاطفي الخ.. يعني المستثمريين العاطفيين هم حقيقهً المٌحبين بكل انواعهم

وشنهي علاقة انك ليس الوحيد في الحياة و زيادة الاثم؟

معليه ابي افهم علشان اقدر استوعب الفكرة.. واعذرني..

[Rebilion]

وشنهي علاقة انك ليس الوحيد في الحياة و زيادة الاثم؟

معليه ابي افهم علشان اقدر استوعب الفكرة.. واعذرني..

لما تحبين زوجج ما تتمنين تكونين الوحيدة بحياته؟ لو كذب وقالج ايه وانتي واقعياً لا؟ هل ماراح يزيد إثمه؟

[يمامـة]

لما تحبين زوجج ما تتمنين تكونين الوحيدة بحياته؟ لو كذب وقالج ايه وانتي واقعياً لا؟ هل ماراح يزيد إثمه؟

اشلون ابي اكون الوحيدة في حياته؟
يعني عنده علاقات ثانية او زوجة ثانية؟

[Rebilion]

اشلون ابي اكون الوحيدة في حياته؟
يعني عنده علاقات ثانية او زوجة ثانية؟

افرضي كان عنده علاقه ثانيه واخفاها عنج!؟ راح يزيد إثمه عالفاضي صح ولى لا؟ وانتي بتنجرحين مرتين الأولى صدمة أنج لستي الوحيده بحياته! الثانيه انه ما احترمج وصارحج بذلك؟ يعني المصارحه على قسوتها اهون من الكذب الا تتفقين؟

[يمامـة]

افرضي كان عنده علاقه ثانيه واخفاها عنج!؟ راح يزيد إثمه عالفاضي صح ولى لا؟ وانتي بتنجرحين مرتين الأولى صدمة أنج لستي الوحيده بحياته! الثانيه انه ما احترمج وصارحج بذلك؟ يعني المصارحه على قسوتها اهون من الكذب الا تتفقين؟

الحين اذا الله باليه يروح يفضح نفسه علشان يكون صريح؟
وهل لو صارحني بيترك هالشي ولا بيستمر فيه؟
وهل من الحكمة انه يكون صريح في علاقاته علشان ما يطلع كذاب؟

احس التفكير في الموضوع يفر الراس..
ويا زين الجهل في هالمواقف..

[Rebilion]

الحين اذا الله باليه يروح يفضح نفسه علشان يكون صريح؟
وهل لو صارحني بيترك هالشي ولا بيستمر فيه؟
وهل من الحكمة انه يكون صريح في علاقاته علشان ما يطلع كذاب؟

احس التفكير في الموضوع يفر الراس..
ويا زين الجهل في هالمواقف..

ما سمعتي قصيدة وأغنية ابعتذر عن كل شي الى الهوى ما للهوى عندي عذر؟ وردت عليه زوجته السابقه لاتعتذر يكفي عليه منك احتمل كذب و غدر
حبك سراب .. ضيعت وقتي اتبعه!! اذاً في نساء ورجال اقوياء يحبون الصراحه شخصياً أفضل لو حد يخوني أنه يقولي بوجهي تراني ما احبك واحب غيرك وشكراً بتألم شوي لكني عالاقل برتاح أنه الطرف الآخر احترمني وصارحني.

[R 7 A L]

ههههههههههههههههههههه الحمدلله طلع فيه ناس مثلي قليلين استيعاب

[بانغ بانغ]

نستطيع تغير سلوك خاطئ بتكوين قناعة جديدة. الكذب تصرف غير مقبول وتبرير أفعالنا وتحركاتنا لمن نحترم يجب أن لايقترن بالكذب لذا بكل بساطة اذا هاتفك احد بوقت غير مناسب اجب (عفواً أنا مشغول) ولاتحمل نفسك وزر اختلاق كذبة!!

مثال آخر وخاص للمستثمريين العاطفيين اذا اتصلك/ج شخص وكنت/ي تكلمين شخص آخر بكل بساطه تجاوب/ين أكلم شخص آخر. لتصل الفكرة الى الطرف الآخر أنه ليس الوحيد/ه في الحياه! ليش الكذب والتدليس ومضاعفة الأثم!؟

قس الأمثلة السابقة على كل شيء من أصدقاء أزواج شركاء!


أعتقد أنه الحياه من غير كذب جميلة عالأقل تعطي كل الأطراف الوضوح!!

وش الي بس يرضي قلبك القاسي؟
انا بوقف معك,لو تخلف ظنوني
تبي قدرك على راسي؟ على راسي
تبي الطيحة من عيوني؟ من عيوني!!

^فيصل العطاوي

كل شخص يعرف اولوياته وتصرفاته

ابتعدوا عن المثاليات

[Rebilion]

ههههههههههههههههههههه الحمدلله طلع فيه ناس مثلي قليلين استيعاب

طيب ممكن تكتب له بالخاص هالكلام؟ لانه ما اعتقد له داعي ينكتب فالموضوع !!

[Rebilion]

كل شخص يعرف اولوياته وتصرفاته

ابتعدوا عن المثاليات

ابد مابه مثاليه الموضوع واضح وضح النقا! مطالبه بتغيير العادات واخترت شخصياً عادة الكذب ليتم تغييرها يعني الكل المفروض يزيد من جرعة الصراحه!

[R 7 A L]

طيب ممكن تكتب له بالخاص هالكلام؟ لانه ما اعتقد له داعي ينكتب فالموضوع !!

ليش اكتب له بالخاص

الا بقول له على العام مشكور انك سألت نفس سوالي وفهمت من عقب ماسأل وانت جاوبت عليه

تحياتي :nice:

[حسن]

ماحب الكذب نهائيا واكره الكذاب واحاول ابتعد عنه

وشكرا

[Rebilion]

ماحب الكذب نهائيا واكره الكذاب واحاول ابتعد عنه

وشكرا

انته كده :nice:

[ودي أكون]

موضوع وقعي جداً، جداً


للاسف بالنسبه لي اضطر مرات اشلخ لان الشخص الثاني ماراح يتقبل اعتذراي بحسن نيه،

بمعنى، يوم تقولي رفيجتي وينج ليش مارديتي علي، وهي يومياً تتصل، او تتصل بوقت انا مزاجي تعبان شوي وماقدر ارد،
ف طبيعي يوم بتسألني وسؤالها دايم، ليش ماتردين ليش مارديتي، طبيعي خلاص مابيكون عندي عذر الا مشغوله وخلاص،، وخاصه خاصه يوم اقول لها عذري بكل صدق، لكن العذر هذا مايعجبها ويترتب عليه عتاب و و و ..
ف افك عمري واقول مشغوله وخلاص، حتى لو ماكنت مشغوله، ( بمعنى سئمت التبرير، وسئمت العتاب، وسئمت قول الصدق ولكن لا يعجبها ) .. ف مشغوله وخلاص


وانا حطيت كلمة ( اشلخ ) بدال كذبت، لان بالفعل مؤلم يوم اتحس انك كذبت :weeping:


عموماً موضوعك في محله، وفي امثله اخرى، نحتاج الى وقفة تغيير لها ..


موضوعك حلو اخوي/ اختي.. احييك/كِ عليه

والله المستعان

[طلعة الروح]

لازم تردين هذي مسؤوليتج الاجتماعية
حطي نفسج مكان الشخص المتصل
يمكن فعلا الامر طارئ له وتجاهله
ماهو بزين هاي غير الاثم والدعاؤي
اللي ممكن يجره الفعل وردة الفعل
بسبب هذا التطنيش

[الجـــوديّ]

نستطيع تغير سلوك خاطئ بتكوين قناعة جديدة. الكذب تصرف غير مقبول وتبرير أفعالنا وتحركاتنا لمن نحترم يجب أن لايقترن بالكذب لذا بكل بساطة اذا هاتفك احد بوقت غير مناسب اجب (عفواً أنا مشغول) ولاتحمل نفسك وزر اختلاق كذبة!!

مثال آخر وخاص للمستثمريين العاطفيين اذا اتصلك/ج شخص وكنت/ي تكلمين شخص آخر بكل بساطه تجاوب/ين أكلم شخص آخر. لتصل الفكرة الى الطرف الآخر أنه ليس الوحيد/ه في الحياه! ليش الكذب والتدليس ومضاعفة الأثم!؟

قس الأمثلة السابقة على كل شيء من أصدقاء أزواج شركاء!


أعتقد أنه الحياه من غير كذب جميلة عالأقل تعطي كل الأطراف الوضوح!!

وش الي بس يرضي قلبك القاسي؟
انا بوقف معك,لو تخلف ظنوني
تبي قدرك على راسي؟ على راسي
تبي الطيحة من عيوني؟ من عيوني!!

^فيصل العطاوي

فيه ناس ما يستحقون أعاملهم بهالاسلوب وهم اللي طيبهم وعطفهم وحنانهم غطى على اهتمام كل الناس حتى أقرب المقربين

[يمامـة]

ما سمعتي قصيدة وأغنية ابعتذر عن كل شي الى الهوى ما للهوى عندي عذر؟ وردت عليه زوجته السابقه لاتعتذر يكفي عليه منك احتمل كذب و غدر
حبك سراب .. ضيعت وقتي اتبعه!! اذاً في نساء ورجال اقوياء يحبون الصراحه شخصياً أفضل لو حد يخوني أنه يقولي بوجهي تراني ما احبك واحب غيرك وشكراً بتألم شوي لكني عالاقل برتاح أنه الطرف الآخر احترمني وصارحني.

المصارحة لوحدها ما تكفي .. وخاصة لو كانت هناك اعتبارات كثيرة..
فاللي ما يحبك مب مشكلة المشكلة لو مصيره مرتبط فيك وانت ما تقدر تستغنى عنه وفوقه
ما تقدر تصارحه.. فليس من الحكمة انك تفتح على نفسك ابواب..

فالقصص حولنا كثيرة.. فنقول لا تعترف ولكن ابتعد عن الخطأ ولا تكرره..

[Rebilion]

موضوع وقعي جداً، جداً


للاسف بالنسبه لي اضطر مرات اشلخ لان الشخص الثاني ماراح يتقبل اعتذراي بحسن نيه،

بمعنى، يوم تقولي رفيجتي وينج ليش مارديتي علي، وهي يومياً تتصل، او تتصل بوقت انا مزاجي تعبان شوي وماقدر ارد،
ف طبيعي يوم بتسألني وسؤالها دايم، ليش ماتردين ليش مارديتي، طبيعي خلاص مابيكون عندي عذر الا مشغوله وخلاص،، وخاصه خاصه يوم اقول لها عذري بكل صدق، لكن العذر هذا مايعجبها ويترتب عليه عتاب و و و ..
ف افك عمري واقول مشغوله وخلاص، حتى لو ماكنت مشغوله، ( بمعنى سئمت التبرير، وسئمت العتاب، وسئمت قول الصدق ولكن لا يعجبها ) .. ف مشغوله وخلاص


وانا حطيت كلمة ( اشلخ ) بدال كذبت، لان بالفعل مؤلم يوم اتحس انك كذبت :weeping:


عموماً موضوعك في محله، وفي امثله اخرى، نحتاج الى وقفة تغيير لها ..


موضوعك حلو اخوي/ اختي.. احييك/كِ عليه

والله المستعان

كلامج صحيح في مجال العلاقات الاجتماعية لكن في العلاقات العاطفية اعتقد الصراحة افضل حل.

[Rebilion]

لازم تردين هذي مسؤوليتج الاجتماعية
حطي نفسج مكان الشخص المتصل
يمكن فعلا الامر طارئ له وتجاهله
ماهو بزين هاي غير الاثم والدعاؤي
اللي ممكن يجره الفعل وردة الفعل
بسبب هذا التطنيش

كلام صحيح الصراحة بمرارتها احسن من كذب طويل قصير الامد

[Rebilion]

فيه ناس ما يستحقون أعاملهم بهالاسلوب وهم اللي طيبهم وعطفهم وحنانهم غطى على اهتمام كل الناس حتى أقرب المقربين

بالعكس لأنه طيبهم وحنانهم غطى كوني صريحه معاهم.

[Rebilion]

المصارحة لوحدها ما تكفي .. وخاصة لو كانت هناك اعتبارات كثيرة..
فاللي ما يحبك مب مشكلة المشكلة لو مصيره مرتبط فيك وانت ما تقدر تستغنى عنه وفوقه
ما تقدر تصارحه.. فليس من الحكمة انك تفتح على نفسك ابواب..

فالقصص حولنا كثيرة.. فنقول لا تعترف ولكن ابتعد عن الخطأ ولا تكرره..

شلون الي مايحبني مب مشكلة!!!! ايش المشكلة لو عدم الحب مهب مشكلة!! شخصياً ارفض رفض قاطع مانع الحياة مع شخص لمجرد الحياه وتسيير الامور يا حياة حلوه كلها حب وهنا يابلاها !! اما قصة لتسيير المركب او خلنا فريندس ماتمشي هذي. الواحد مايعيش غير مره يا اعيش مع شخص يحبني واحبه يا اعيش بروحي رافع الراس.