سامحيني/ ماعرف أصلح شي في البيت ولا أشتري أغراض

[الحياة الخالدة]

السلام عليكم و رحمة الله و بركاته
وصبحكم / مساكم الله بكل خير

لوكان الشاب طول عمره عايش مدلل في البيت
كل طلباته مجابة
يقط ملابسه وين ما قطها .. و يلقاها يوم ثاني مغسولة مكوية ومصففة في الكبت
يحصل كل وجباته جاهزة
يطلب شاي قهوة كابتشينو يركضون له باللي يبيه

ما عمره راح جمعية يشتري أغراض .. ولا راح سوق الخضرة ولا جبرة السمج .. ولا يعرف من وين يشتري إيدام البيت

لويخترب في البيت شيخترب .. ما تبرع يحط يده و لا حتى يجرب يصلحه

دايماً هناك من يتولى عنه القيام بالمهمــــــة
الله يخلي الوالد و الوالدة

سؤالي لكِ يا زوجة المستقبل :
هل توافقين على الارتباط بمثل هذا الشاب ؟؟؟

[Dmy Enabi]

ههههههههههههههه حبيتج يالحياة الخالدة
يمكن طلع ع أبوه لأن أبوه ماكان يعرف وهذي مصيبة
انا أجوف تخلعه أحسن كله ولا الليتات

[بوحارب]

اتفق معاج بعض الشباب ما يعرفون يتيتون البرغي

انه زمن الكيوت يا ساده:weeping:

[دااانة قطر]

وعليكم السلااام ورحمة الله وبركااته


زين طرحتي الموضوع .. وجا في وقته
اذكر اختي رفضت وااحد من الاهل لان الكل عاارف عنه اتكاالي ومب متعود يسوي شي
وحتى اللي خذته 6 شهور على بعض ماقدرت تتأقلم على وضعه كل شوي اسألي امي واسالي خوااتي




الله المستعاان




بس السسؤاال شلون بتعرف الوحده زوج المستقبل اتكاالي او لا؟؟

[KHALiDiSH]

معناها مدلل وعندة خدم وحشم والي بياخذها بيجيبلها 10 خدمات يخدمونها وسيارتين و3 سواقين. يعني يمكن واحد فيهم يسافر والثاني يمرض يبقى واحد دوم موجود. :nice::nice:

هذا عريس لأطة ما يتفوت. :omen2::omen2::omen2:

[ANONYMOUS]

هههههه هجمه مرتده

[R 7 A L]

الحين يعني تبين تقولين لنا ان موضوعج هذا نفس موضوع شبح
بس العكس ؟

صراحة حتى لو كان هذا الشي غلط بس مافيه مقارنه الطبخ على الاقل العيال وهم صغار قبل لايكبرون ويعتمدون على انفسهم محتاجين لامهاتهم

[white bird]

هههههههههههههههههه

أذا كان خلوق و سوي نفسياً
يهون الباقي ،و تستمر الحياة

يعطيج العافية حياتنا الخالدة

^-^

[ضوى]

مثل ما اختج عرفت دانه ، سمعت وعرفت وشافت

[Charisma]

مرحبا اختي الحياه ..

اسمحي لي ودي اشارك ف هالموضوع ولو ان السؤال موجه للحريم ومجاراه لموضوع اخر ..

ولكن ردي بيكون كولي امر .. الشخصيات الاتكاليه مثل المذكوره في موضوعج غير مرحب بها عند الأغلبيه .. الرجال يُعتمد عليه في أشد وأضيق الامور .. فمابالج بالامثله اللي ذكرتيها .. هالنوعيه ممكن تصلح للزواج .. فقط مع النوعيه المذكورة في الموضوع الاخر .

[Al-Kuwari]

مرحبا اختي الحياه ..

اسمحي لي ودي اشارك ف هالموضوع ولو ان السؤال موجه للحريم ومجاراه لموضوع اخر ..

ولكن ردي بيكون كولي امر .. الشخصيات الاتكاليه مثل المذكوره في موضوعج غير مرحب بها عند الأغلبيه .. الرجال يُعتمد عليه في أشد وأضيق الامور .. فمابالج بالامثله اللي ذكرتيها .. هالنوعيه ممكن تصلح للزواج .. فقط مع النوعيه المذكورة في الموضوع الاخر .

+10 ....

[العنيده]

صح في نوعيه جذيه بس مممكن يتعلم والحياه بتعلمه .. لو كان يصلي ومحترم بس مشكلته مايعرف يركب براغي ..
والله يالحياه انه ابسط المصايب :victory:
اخذ واحد مايعرف يركب برغي ولا يعرف يتسوق ولا اتوهق بعلل ثانيه عافانا الله منها ان شاء الله ..

[بومحمد المطاوعه]

بارك الله فيج .. على هذا الطرح

وصدقتي والله .. البعض والعياذ بالله ..

مايسوي .. شي ..
ومب كفوو يفتح بيت بالأساس ..

لو الليت .. احترق راح جاب له عامل ..

واغراض الجمعيه .. يطرج زوجته ..

انزين وين دورك انت يا رجــل ..


الله المستعان ..

ولكن .. ماننسى الجانب الأخر من الذي قائم بالبيت اكمله ..

والبعض قائم بكل .. شيء .. والخادمه مكلفه بكل .. شي
والزوجه بس اسم وجودها ..

لدرجه ماتعرف تسوي شاي ..


اعوذ بالله من هؤلاء الناس الغير .. مرحبين بهم .. ولا الواحد يفتخر في .. طاريهم

تحياتي لج ..

[شبح الصمت]

مرحبا اختي الحياه ..

اسمحي لي ودي اشارك ف هالموضوع ولو ان السؤال موجه للحريم ومجاراه لموضوع اخر ..

ولكن ردي بيكون كولي امر .. الشخصيات الاتكاليه مثل المذكوره في موضوعج غير مرحب بها عند الأغلبيه .. الرجال يُعتمد عليه في أشد وأضيق الامور .. فمابالج بالامثله اللي ذكرتيها .. هالنوعيه ممكن تصلح للزواج .. فقط مع النوعيه المذكورة في الموضوع الاخر .


+10 ....


+2


:victory:

[دااانة قطر]

مثل ما اختج عرفت دانه ، سمعت وعرفت وشافت

اختي حالها من حالنا كلنا نعرفهم ونعرف عيالهم وقبل ماهي ترفض اخوي اللي رفض

انا اسأل اللي مالنا صلة فيهم واحد جاي يخطب وسمعنا عنه كل خير
وفي الأخير اكتشفنا ان اتكالي على الام والخوات ولا الاخوان
يعني قولي بعد الزواج؟؟

[sweet qatar]

بصراحة اتخوف من الإرتباط بشخص من هالنوع .. اتكالي و كسول

لكن إذا هو مستعد يجيب حد يقوم بواجباته و فيه مواصفات تغطي علي هالعيب .. فالموضوع بسيط

واحد من هلي وااايد برستيج بحكم شغله .. ودائماً يقولون عنه دلوع لأنه مايسوي شي بيده يا ميكانيك يا كهربجي
علي أشيا يقولون عنها بسيطة


إذا السالفة بهالمستوي .. ما منها خوف بالعكس حلو :o

[@ بوفيصل@]

ارتقو يا مشرفين ويا اعضاء مؤسسين

شنو خليتو حق الباقي

الله المستعان

[دااانة قطر]

فلتمسح لي اختي الحياااة بالسؤاال


الحين يعني تبين تقولين لنا ان موضوعج هذا نفس موضوع شبح
بس العكس ؟

صراحة حتى لو كان هذا الشي غلط بس مافيه مقارنه الطبخ على الاقل العيال وهم صغار قبل لايكبرون ويعتمدون على انفسهم محتاجين لامهاتهم



اخوي فرق كبير صدقني .. يعني هي بتاخذ رجال مايعرف كوعه من بوعه؟؟ صج عااد بتوقف هي مع العمال
وبتشيل وتحط وهو جالس يطالعها نفس ماكان يسوي مع امه وخواته؟؟؟؟؟؟؟

[حسن]

الحمدلله

اخاف اتكلم وناحسد اكثر ماانا محسود

والدليل الحلقه شاهده على العصر

الحمدلله اعلم عيالي على الكثير من المور وهو يشفوني اساسا موتري كله عده وبالالف

مااعتقد في حد مثلي

استحق اربع وبجداره واعرف استخدم الادريل مضبوط والمنشار وقت اللزوم
الشي الوحيد الي ماجبرته هو الطبخ لانه مهب من اختصاصي

:)

[ضوى]

يااارب ياااارب يااارب لا تبلينا برجل مثل هاي اتكالي مايعرف يتصرف

[بومحمد المطاوعه]

يااارب ياااارب يااارب لا تبلينا برجل مثل هاي اتكالي مايعرف يتصرف

اللهم امين يارب ...

[شبح الصمت]

انا مهنتي في الحياة


اشتغل لكي اكد على عائلتي الجميلة

ابدل ليتات البيت اذا احترقو


احرك الكبت اذا وراه شي ادوره ..

اغسل ملابسي اذا مستعجل

اكوي غترتي اذا الاهل مشغولين والخدامه محد

اغير تواير سيارتي في البيت

اغسل موتري

اسوي لي كرك

واسوي بيض شكشوكه وفول حق الربع ..


اغير الحفاظه لولدي في حال انشغال الاهل

اسبحه مقدر اخاف صراحة


اسوي له حليب


اروح الميره اشتري الاغراض

اشتري خضروات وفواكه

اعرف وعندي ذوق في اختيار الهدايا فنان درجة اولى للاستشارات الرجال التواصل معاي

يعني وايد مهمات عندنا

بس قلنا نعطيكم القليل من خبراتنا الميدانية والزوجية

[مختلفة عقليا]

السلام عليكم

ذكرت سالفه يقولي شريكي ., الله يحفظه يوم اصغير كان ما يروح يغسل ايده امه اتيب له الماي والا يزعل ما ياكل ., ههههههههههههههههههههه

ووينه اللحين معتمد علي نفسه بكل شي ., مسكين والله

لا بس انا اجوف الزوج مكمل يعني بيكمل الشغل ويسوي دوره الحمدالله ماسواه خلي البيت يظلم مرده بيسويه بس اتم جيه يبيله صبر واراده ^^

ومرده بيتعلم .,

واذا حاط له خدم وكل شي اوكيه ., ليش لا اهم شي الشغل يمشي مو اهم شي هو يسويه .,

ويسلموو

[يمامـة]

رجل اتكالي؟
مب قادرة اتخيل هالشي..اشكثر بيكون اتكالي؟ و كم اعداد الاتكاليين؟

مهما تكلم عن رجل اتكالي ما بنكون نتطرق لظاهرة
نعم اليوم الرجل تخلى عن امور كثيرة مب لاتكاليته ولكن لنمط الحياة اللي نعيشها
فحتى الرجل اللي كان يسوي كل شي بروحه نلقاه اليوم حاط رجل على رجل و زوجته تسوي له كل شي..

اما لو الشاب بالفعل كان اتكالي.. منهو اللي راح يخبرنا عنه اذا هله غطوا عليه؟

لذلك مالنا غير ندعي ربنا يرزق بناتنا الازواج الصالحين اللي يقدرون دورهم في الحياة..

[Aaziz]

احيانا يكون وضع عيال الاسره بهذا الشكل ،، ولكن تصير ظروف تغير الانسان
كوفات رب الاسره و غالبا في هالحاله يتحول اكبر العيال الى اب جديد و احيانا يزوج اخوانه وهو للحين ماتزوج ،،، الظروف و الضغوط قادره انها تغير الانسان
شخصيا ماكنت اعرف اشتري خضره البيت .. ما افرق بين الكوسه الزينه و التعبانه ،، لكن يوم تغربت احتكيت اكثر و صرت انقي كوسه استخسر اكلها من زينها :nice:

و اذا تزوج الشاب ايضا يعتبر ظرف يغير و خصوصا اذا كان في مسكن مستقل

[ضوى]

ارتقو يا مشرفين ويا اعضاء مؤسسين

شنو خليتو حق الباقي

الله المستعان

عسى ماشر اشفيك يابوفيصل ؟

[متحدث لبق]

يطرأ علي شخص تقدم لوحدة من كم سنة كان مهرها 300 ضب يصيدهم بيده اعتقد وصل 200 و شوي و سامحته فالباقي

اخس شي الرجال الناعم

[ودي أكون]

حبيبتي الحياه الخالده استعجلتي بطرح الموضوع ..


اعتذر على ردي، وجهة نظر يالغاليه

[Rider]

هذا مب رجال الي يعتمد على الغير

[الحياة الخالدة]

ههههههههههههههه حبيتج يالحياة الخالدة
يمكن طلع ع أبوه لأن أبوه ماكان يعرف وهذي مصيبة
انا أجوف تخلعه أحسن كله ولا الليتات

حبتج العافية
الحب يطلع على بذره
لا لا تخلعه ..
تعطيه فرصة يتعدل و تصبر عليه
ما تدرين يمكن يتغير و يقدر يركب الليتات ..
أويمكن الريال رومانسي .. ما يحب الليتات وايد
تقزرها شموع لين الله يفرجها

[بومحمد المطاوعه]

اعرف شخص معاق
على كرسيه ..

وزوجته تروح الجمعيه تتشرى ..

هل لو اي بنت شافت هذي المرأه تتشرى..

بتيي وتكتب موضوع ان في رجال مب كفو .. و و و و ؟.


واحنا بالأساس .. مانعرف الأسباب ..

[بومحمد المطاوعه]

يمكن طلع ع أبوه لأن أبوه ماكان يعرف وهذي مصيبة
انا أجوف تخلعه أحسن كله ولا الليتات

هههه استغفرالله الخلع بهذي السهوله ..؟

تروح للقاضي شتقوله

بخلع لأن مايعرف يبدل الليت ..
يمكن يشوتها من الدريشه ..

للعلم .. ترى ياما بيوت الأب في وادي .. ومهمل وخمار ولا يعرف اهل بيته ..

انشأت رجال ونعم فيهم .. من تربيه .. الأم الفاضله ..


للعلم فقط

[الحياة الخالدة]

اتفق معاج بعض الشباب ما يعرفون يتيتون البرغي

انه زمن الكيوت يا ساده:weeping:

أشكرك يا راعي الكرك
ياليتها جات على البرغي
لكنه يسلم كل أمور البيت لها
من تصليحات و مجابل عمال و شراء أغراض الجمعية و غيرها و غيرها
ويا ويلها ان قصرت في شي

[دااانة قطر]

اعرف شخص معاق
على كرسيه ..

وزوجته تروح الجمعيه تتشرى ..

هل لو اي بنت شافت هذي المرأه تتشرى..

بتيي وتكتب موضوع ان في رجال مب كفو .. و و و و ؟.


واحنا بالأساس .. مانعرف الأسباب ..



اخوي بومحمد .. ماله داعي تححط هالمثااال كلش
الموضوع بشكل عام هل توافقي البنت او لا على رجل اتكالي ؟؟
مو هل تووافقين على رجل معاق ؟؟

[بومحمد المطاوعه]

اخوي بومحمد .. ماله داعي تححط هالمثااال كلش
الموضوع بشكل عام هل توافقي البنت او لا على رجل اتكالي ؟؟
مو هل تووافقين على رجل معاق ؟؟

انا اقصد نظرتنا للناس يعني ..

لو شفت مثلآ امرأه بروحها في سوق السمك ..

البعض بيقول امحق رجال مخلي مرته بروحها ..

او من هالكلام ..

قصدي ان ماله داعي ..

اهم شي .. الاتفاق .. بين الزوج .. وزوجته

[بومحمد المطاوعه]

اسحب مشاركاتي كلها ... عيل ...

لأن اعتقد والله اعلم .. ان الموضوع مخصص للنساء ..

اذا مخصص اتمنى حذف الردود ...


تحياتي

[الحياة الخالدة]

وعليكم السلااام ورحمة الله وبركااته


زين طرحتي الموضوع .. وجا في وقته
اذكر اختي رفضت وااحد من الاهل لان الكل عاارف عنه اتكاالي ومب متعود يسوي شي
وحتى اللي خذته 6 شهور على بعض ماقدرت تتأقلم على وضعه كل شوي اسألي امي واسالي خوااتي




الله المستعاان




بس السسؤاال شلون بتعرف الوحده زوج المستقبل اتكاالي او لا؟؟

عاد يقولون لي الوقت مب مناسب .. و استعجلت في الطرح :omen2:

و الله الوحدة المفروض تتركد في مسألة الزواج
لأن بعض الأطباع ممكن تتغير وتتصلح
و بعضها ما يتغير أبداً مهما صــــــار

شلون بتعرف ؟؟
طبعاً ما تسأل أمه و خواته
لأنه الأغلبية بيغطون عليه عشان توافق
بس تحاول تعرف من أطراف أخرى .. وهي و شطارتها
و في النهاية كلها توافيق من الله

[يمامـة]

اخوي بومحمد .. ماله داعي تححط هالمثااال كلش
الموضوع بشكل عام هل توافقي البنت او لا على رجل اتكالي ؟؟
مو هل تووافقين على رجل معاق ؟؟

هو مرات بو محمد يشرق ويغرب..

احنا مالنا خص ليش المرأة تروح الجمعية.. يمكن ريلها ميت
او ريلها مسافر.. لكن الموضوع يتكلم عن الاتكالية بشكل عام ومب محصورة في الجمعية..

[الحياة الخالدة]

معناها مدلل وعندة خدم وحشم والي بياخذها بيجيبلها 10 خدمات يخدمونها وسيارتين و3 سواقين. يعني يمكن واحد فيهم يسافر والثاني يمرض يبقى واحد دوم موجود. :nice::nice:

هذا عريس لأطة ما يتفوت. :omen2::omen2::omen2:

اممممممم
صحيح ما يتفوت .. يا حظهـــــا
يحليلكم لين دورتوا الأعذار لناس .. وما عذرتوا ناس ثانيين

[بومحمد المطاوعه]

هو مرات بو محمد يشرق ويغرب..

احنا مالنا خص ليش المرأة تروح الجمعية.. يمكن ريلها ميت
او ريلها مسافر.. لكن الموضوع يتكلم عن الاتكالية بشكل عام ومب محصورة في الجمعية..

اشدخل اشرق واغرب ...

انا طرحت مثال ..

عن الجمعيه
اما بخصوص الاتكاليه
هذي .. موضوع .. ثاني

نفس المرأه الي ماتعرف تطبخ

كلها اتفاق

ولكن مانقول ونأيدهم في .. هذا .. الشيء

[Riku3]

بدلت بيبات صرف وبدلت منهول وبيبات ماي وركبت خزانات .. ركبت ومديت وايرات واجهزة ووحدات انارة مب بس ابدل ليتات .. ركبت دشات ستلايت .. صبغت غرف .. بنيت جدران وبلستر ( بس طلع فاشل ^^" ) .. بدلت بلاط في الحوش ..

مع كل هذا اذا كنت تعبان فترة ومالي خلق اسوي شي يقولون كسول >_< .. دام بتنقال فالحالتين خلني قاعد احسن :victory: .

وجواب السؤال اقول للحريم .. شاب مايدري شي في الدنيا ومستعد يتعلم احسن من واحد يعرف يتصرف بس اخلاقه سيئة .. خذوا الي متمسك بدينه ولو كانت خبرته في الحياة قليلة بس عنده نيه يتغير ويتعدل .

[يمامـة]

اشدخل اشرق واغرب ...

انا طرحت مثال ..

عن الجمعيه
اما بخصوص الاتكاليه
هذي .. موضوع .. ثاني

نفس المرأه الي ماتعرف تطبخ

كلها اتفاق

ولكن مانقول ونأيدهم في .. هذا .. الشيء


شوف في وضعنا الراهن.. العمال يقومون بكل شي.. يعني زمن ابوي و جد عيالي الله يرحمه
اللي الواحد فيهم راكب الدري ويبدل الليتات ولا واقف على راس حجي بيفيتر ويشوفه اشلون يبدل البيبات
او يسلكها و عقب يتعلم من نفسه كل هذا راح بسبب نمط الحياة اللي نعيشها!!

المشكلة لو ما لقينا بيفيتر او كهربجي يبدل لنا الليتات وياك الشاب ويقول لك ما اعرف:weeping:

انها المصيبة يا سادة..

[شبح الصمت]

يالربع لا تروحون بعيد يقولون الشباب ما يسووون شيء

والعنن الي نشوفها والشباب الي يشلووون ويحطون ويطبخوون في العنن


ذولي صج ولا خيال والا



حزت الصدق الشباب قدها وقدود ما قد شفنا رجال يتهرب من مسئوليات البيت الا من رحم ربي ..


الحمد لله الكل قائم بواجبه تجاه عائلته آلا القليل ...


تحيايت واشواقي لربعي الشقرديه

ويداً بيد نحوو مستقبل جميل

[يمامـة]

بدلت بيبات صرف وبدلت منهول وبيبات ماي وركبت خزانات .. ركبت ومديت وايرات واجهزة ووحدات انارة مب بس ابدل ليتات .. ركبت دشات ستلايت .. صبغت غرف .. بنيت جدران وبلستر ( بس طلع فاشل ^^" ) .. بدلت بلاط في الحوش ..

مع كل هذا اذا كنت تعبان فترة ومالي خلق اسوي شي يقولون كسول >_< .. دام بتنقال فالحالتين خلني قاعد احسن :victory: .

وجواب السؤال اقول للحريم .. شاب مايدري شي في الدنيا ومستعد يتعلم احسن من واحد يعرف يتصرف بس اخلاقه سيئة .. خذوا الي متمسك بدينه ولو كانت خبرته في الحياة قليلة بس عنده نيه يتغير ويتعدل .

والله احنا صبغنا غرف.. وبدلنا ليتات وفتحنا مراوح وركبناها وما كان فني كيوتل يدخل البيت عندنا
الوايرات نوصلها ونبدل البلاكة والحمر نحطه في مكانه والازرق في مكانه.. ونجلع الدرايش بثقلها
ونغسلها وانردها.. و تعلقنا في النخل ننقف الرطب والبسر.. وتعلقنا في شجر الكنار و اللوز..

الحين كل الامور هذي عيالنا الشباب ما يعرفون لها.. والسبب انهم اصلا ما تعلموها
ولا كبروا وهم يشوفوننا نسويها.. وحتى لو شافوننا نسويها نخاف عليهم و انوخرهم :rolleyes2:

على عكس زمن الحجريين اللي كنا نعيشه والسكرايب والمطارق والبيبات نعرف احجامها وارقامها:shy:

[يمامـة]

يالربع لا تروحون بعيد يقولون الشباب ما يسووون شيء

والعنن الي نشوفها والشباب الي يشلووون ويحطون ويطبخوون في العنن


ذولي صج ولا خيال والا



حزت الصدق الشباب قدها وقدود ما قد شفنا رجال يتهرب من مسئوليات البيت الا من رحم ربي ..


الحمد لله الكل قائم بواجبه تجاه عائلته آلا القليل ...


تحيايت واشواقي لربعي الشقرديه

ويداً بيد نحوو مستقبل جميل




المشكلة مب في الفئة اللي انت تذكرها.. المشكلة في اللي يقول سامحيني ما اعرف اصلح شي
شوف الذرابة في الرد.. يعرف يقول سامحيني.. يعني يطلب السماح!!

[Locale]

فيه نوعيه برع يحك حك يشتغل ليل ونهار
لكن فالبيت يتم الشي متعطل ومايتصلح الا عقب شهرين وبالحنه

الاتكاليه صعب الوحده تعرف عنها قبل الزواج

[Dana’1]

وعليكم السلام

صحيح شخصية الإتكالي متعبه
لكن ماراح أخليه يتكل علي في هالحاله بالذات في الأمور الي ذكرتيها فأكيد بيجيب من يسويها او هو يتعلم يسويها وكلا الحالتين أوك
لكن لو كان شخص يعتمد عليه وصارت له ظروف وماقدر مو مشكله بيحصل من يعتمد عليها وهو مطمن

[شبح الصمت]

المشكلة مب في الفئة اللي انت تذكرها.. المشكلة في اللي يقول سامحيني ما اعرف اصلح شي
شوف الذرابة في الرد.. يعرف يقول سامحيني.. يعني يطلب السماح!!



هههههاي

عشان تدرون انه ربعنا ذربين

:shy:


فيه نوعيه برع يحك حك يشتغل ليل ونهار
لكن فالبيت يتم الشي متعطل ومايتصلح الا عقب شهرين وبالحنه

الاتكاليه صعب الوحده تعرف عنها قبل الزواج


صح انا واحد من هالناس الي تكلمين عنهم بس مب كل وقت اوقات يجيني خمووول مب اني شغلات مهمه اهملها لا شغلات يعني مش اساسية .. !!


اتاخر فيها يوم يومين بس شيء اساسي انسسي اني ما اسووويه

[Locale]

يالربع لا تروحون بعيد يقولون الشباب ما يسووون شيء

والعنن الي نشوفها والشباب الي يشلووون ويحطون ويطبخوون في العنن


ذولي صج ولا خيال والا



حزت الصدق الشباب قدها وقدود ما قد شفنا رجال يتهرب من مسئوليات البيت الا من رحم ربي ..


الحمد لله الكل قائم بواجبه تجاه عائلته آلا القليل ...


تحيايت واشواقي لربعي الشقرديه

ويداً بيد نحوو مستقبل جميل




حتى في العنن اتشوف كم واحد مستحيل يركب ولايشيل
دايم ايحب ايي ويحصل كلشي جاهز

[نمر بن عدوان]

للاسف الحين الطرفين يعتمدون على الاخر في كل صغيره وكبيره الخدامه والطباخه والمربيه تقوم بواجبات الزوجه ولدريول يقوم بواجبات الزوج او الاتصال على تلفون راعي الدكان او الكهربائي او غيره في حال وجود ولو عطل بسيط . يعني اصبح الامر عادي ومحد بترفض رجل لانه مايعرف يغير ليت او يرتب هدومه

[شبح الصمت]

حتى في العنن اتشوف كم واحد مستحيل يركب ولايشيل
دايم ايحب ايي ويحصل كلشي جاهز




البعض صحيح يحب يجي كل شيء جاهز


بس اغلب الربع يد وحده ..


صدقيني

[بومحمد المطاوعه]

شوف في وضعنا الراهن.. العمال يقومون بكل شي.. يعني زمن ابوي و جد عيالي الله يرحمه
اللي الواحد فيهم راكب الدري ويبدل الليتات ولا واقف على راس حجي بيفيتر ويشوفه اشلون يبدل البيبات
او يسلكها و عقب يتعلم من نفسه كل هذا راح بسبب نمط الحياة اللي نعيشها!!

المشكلة لو ما لقينا بيفيتر او كهربجي يبدل لنا الليتات وياك الشاب ويقول لك ما اعرف:weeping:

انها المصيبة يا سادة..

الله يرحمهم ..

شوفي بقولج نقطه ..
وبعيد من كلمه انا والعياذ بالله ..

ما احب ابدل الليتات لأنها تسبب لي .. دوخه .. وانا ارفع راسي ..

ف اجيب كهربجي يبدل .. اذا الليتات فالسقف

ولكن .. الثريه عادي سهلات ..
حتى معلم الخدم يبدلون ..

وبعض الاحيان مع عيالي .. ابدل

اما بروح اجيب لي عامل يبدل ولف الماي ..
او .. ينظف المكيف .. او اشياء تافهه ..

الي يقدر يسوي انصحه يسوي بنفسه ..
واشياء تافهه والله سهل الواحد .. يتعلم..

[نمر بن عدوان]

http://www.qatarshares.com/vb/showthread.php?602007-%D1%C8-%C8%ED%CA-%E3%DA-%E6%DE%DD-%C7%E1%CA%E4%DD%ED%D0-!!!!!

[يمامـة]

الله يرحمهم ..

شوفي بقولج نقطه ..
وبعيد من كلمه انا والعياذ بالله ..

ما احب ابدل الليتات لأنها تسبب لي .. دوخه .. وانا ارفع راسي ..

ف اجيب كهربجي يبدل .. اذا الليتات فالسقف

ولكن .. الثريه عادي سهلات ..
حتى معلم الخدم يبدلون ..

وبعض الاحيان مع عيالي .. ابدل

اما بروح اجيب لي عامل يبدل ولف الماي ..
او .. ينظف المكيف .. او اشياء تافهه ..

الي يقدر يسوي انصحه يسوي بنفسه ..
واشياء تافهه والله سهل الواحد .. يتعلم..

البعض يخلي فلوسه تخدمه .. يعني مب كسل منه ولكنه مرفه عمره..

قبل تلقى الواحد لام سيارته ويغسلها وينظفها ويفرك هالتواير والمكنسة ساحبها وراه
او البروش والشيول في يده ويخكم الدوسات وينظف الغبار والوصاخة عنها..

واليوم من وخلال هالمنتدى نلقى الشباب افتحوا مواضيع عن ارتفاع اسعار غسيل السيارات
في المغاسل.............................> لاحظ ان نمط الحياة خلق لنا عادات جديدة ما كانت موجودة..

فمن جذيه لو انفجر الليت اخر الليل ومحتاجين اضاءة عيب الرجل يقول سامحيني ما اعرف اغير الليت....
لكن لو انفجر في النهار و ياب كهربجي يبدله.. تراه عادي.. لان فلوسه تخدمه..

[بومحمد المطاوعه]

البعض يخلي فلوسه تخدمه .. يعني مب كسل منه ولكنه مرفه عمره..

قبل تلقى الواحد لام سيارته ويغسلها وينظفها ويفرك هالتواير والمكنسة ساحبها وراه
او البروش والشيول في يده ويخكم الدوسات وينظف الغبار والوصاخة عنها..

واليوم من وخلال هالمنتدى نلقى الشباب افتحوا مواضيع عن ارتفاع اسعار غسيل السيارات
في المغاسل.............................> لاحظ ان نمط الحياة خلق لنا عادات جديدة ما كانت موجودة..

فمن جذيه لو انفجر الليت اخر الليل ومحتاجين اضاءة عيب الرجل يقول سامحيني ما اعرف اغير الليت....
لكن لو انفجر في النهار و ياب كهربجي يبدله.. تراه عادي.. لان فلوسه تخدمه..

صح كلامج .. وفي ناس .. لليوم .. تغسل سياراتها بنفسهم ..

ومن قال عيب .. يقوم يبدل الليت ..
وقفت على ليت واحد فقط .. فالبيت .. او فالغرفه .. ؟

في ناس مثل ماقلتي
.. وفي ناس .. مب مثل ماقلتي ..

يعني بتشوفين العجب .. العجاب

[الحياة الخالدة]

هههههه هجمه مرتده

ومقصـــــــودة

[شبح الصمت]

ومقصـــــــودة



:pic:

[حسن]

اي بس ايش الاسباب اللي ادت الى ذالك ؟؟

انا اقول الرفاهيه والرواتب العاليه اكبر سبب لتدمير المجتمعات

انتو وشرايكم بهذا السبب

!!

[الحياة الخالدة]

الحين يعني تبين تقولين لنا ان موضوعج هذا نفس موضوع شبح
بس العكس ؟

صراحة حتى لو كان هذا الشي غلط بس مافيه مقارنه الطبخ على الاقل العيال وهم صغار قبل لايكبرون ويعتمدون على انفسهم محتاجين لامهاتهم

مابي أجبركم تقولون شي رحال
أبي تعبرون عن رايكم لوحبيتوا

يعني انتي شايف الطبخ مهم وحيوي
ومب مدرك أهمية أن الرجال يكون على قد المسؤولية و يقوم بشؤون بيته كاملة ؟؟
و الا الأمور اللي أنا ذكرتها مب اختصاصه ؟؟
والا هي مش مهمة ؟؟

يعني شايفها عدلة بذمتك يكون البعض اتكالي .. و يخلي مرته تسوي كل شي بداله
وتصير المرأة 2 في 1 ؟؟؟

عيل هي ليش ماخذته بالله عليك

[R 7 A L]

مابي أجبركم تقولون شي رحال
أبي تعبرون عن رايكم لوحبيتوا

يعني انتي شايف الطبخ مهم وحيوي
ومب مدرك أهمية أن الرجال يكون على قد المسؤولية و يقوم بشؤون بيته كاملة ؟؟
و الا الأمور اللي أنا ذكرتها مب اختصاصه ؟؟
والا هي مش مهمة ؟؟

يعني شايفها عدلة بذمتك يكون البعض اتكالي .. و يخلي مرته تسوي كل شي بداله
وتصير المرأة 2 في 1 ؟؟؟

عيل هي ليش ماخذته بالله عليك

يشتغل
يسوق السيارة
يصرف على البيت
يجيب الاغراض كلها
يطبخ
يسوي شاي وقهوة
يستقبل الضيوف
يودي عياله للملاهي وللسوق
يكنس
يصبغ
يركب ليتات
ينظف
يغسل المواعين
يطلع فوق السطح يفر الاريل
ينظف شبك الحمام ويعطيها شعير
يروح للعزبة
يشيل الخرفان ويوديها للمقصب ويرجعها للبيت بعد مايقطع اللحم صغير صغير للثلاجة

صار سوبر مان ههههههههههههه



في ذمتج الليات من الي مايعرف يركبها !!
ولا من الي مايقدر يجيب اغراض البيت ترا الوضع تغير تدق هرن يجيك الهندي وتطلع كل اغراض البيت وانت في السيارة

[بريق الحق]

هههههه

باقي بس انوضب مكينة الموتر فالبيت

[R 7 A L]

هههههه

باقي بس انوضب مكينة الموتر فالبيت

انا للحين موب مستوعب ان فيه نسوان مايطبخون ومعتمدين على امهاتهم
الله يكون في عون اطفالهم

[بريق الحق]

والله يارحال عندنا ازمة وامور اكبر من الطبخ وتعديل الليتات
ازمة فالاخلاق والتربيه

[الحياة الخالدة]

هههههههههههههههههه

أذا كان خلوق و سوي نفسياً
يهون الباقي ،و تستمر الحياة

يعطيج العافية حياتنا الخالدة

^-^

سوي نفسياً و دينياً و أخلاقياً
ما قلنا شي حبيبتي انتي
بس بعد الأشياء اللي ذكرتها مهمة .. صح والا انا غلطانة ؟؟
يعني المرة بتقعد طول عمرها تحن عليه :
سو جذي هات جذي صلح هاذي عدل هذاك ركب ليتات
لين متى عااااد
و الحبيب شكله ينطرها لين تزهق و تسوي كل شي بروحها
أو بيقول عنها ياهي حنااااااااااااااانة .. أعوذ بالله
أتزوج عليها أبرك هههههههههههههه

وهي غلطانة بعد
ليش تحن خل تصبر .. و تعيش في غياهب الظلام من غير ليتات
ليش مستعجلة .. صج ما عندها سالفة
مرده عقب آلاف السنين بيتغير

[R 7 A L]

والله يارحال عندنا ازمة وامور اكبر من الطبخ وتعديل الليتات
ازمة فالاخلاق والتربيه


اي والله
كلمك صحيح

[sweet qatar]

سوي نفسياً و دينياً و أخلاقياً
ما قلنا شي حبيبتي انتي
بس بعد الأشياء اللي ذكرتها مهمة .. صح والا انا غلطانة ؟؟
يعني المرة بتقعد طول عمرها تحن عليه :
سو جذي هات جذي صلح هاذي عدل هذاك ركب ليتات
لين متى عااااد
و الحبيب شكله ينطرها لين تزهق و تسوي كل شي بروحها
أو بيقول عنها ياهي حنااااااااااااااانة .. أعوذ بالله
أتزوج عليها أبرك هههههههههههههه

وهي غلطانة بعد
ليش تحن خل تصبر .. و تعيش في غياهب الظلام من غير ليتات
ليش مستعجلة .. صج ما عندها سالفة
مرده عقب آلاف السنين بيتغير

اسمحي لي الغالية

النوعية الي ذكرتيها .. يعرفون بس ما يبون

غير عن الي ما يعرف لأنه منشغل بأمور أهم وأكبر

أو الحاجة ماستدعت إنه يسوي


حبيت الموضوع كمقابل لموضوع شبح


يعطينا فكرة عن التناغم والتناقض :o

[حسن]

انا للحين موب مستوعب ان فيه نسوان مايطبخون ومعتمدين على امهاتهم
الله يكون في عون اطفالهم

ياخي انت كله مستغرب مادري وين قاعد يارحال

انا كنت مثلك قبل ولكن الحين كلشي ظهر على الواقع واشكره ماعاد يفتكرون في حد تغيرت المبادى
احين على الاستغرام موفر لهم كل شي

[R 7 A L]

ياخي انت كله مستغرب مادري وين قاعد يارحال

انا كنت مثلك قبل ولكن الحين كلشي ظهر على الواقع واشكره ماعاد يفتكرون في حد تغيرت المبادى
احين على الاستغرام موفر لهم كل شي



اي والله مستغرب
الله يكون في عون البزران الي مايكلون الا من أيادي الخدم ولا المطاعم

[الحياة الخالدة]

معليش يا جماعة
موضوع طبخ البنات هناك
الموضوع هذا يتكلم عن الرياييل الكيوووت على قولة بوحارب الفخم

[بريق الحق]

نعتذر

[الحياة الخالدة]

اعتذارك مقبول :nice:

[الحياة الخالدة]

مثل ما اختج عرفت دانه ، سمعت وعرفت وشافت

صحيح
كل شي بالعقل والتفكير .. ممكن ينعرف

[الحياة الخالدة]

مرحبا اختي الحياه ..

اسمحي لي ودي اشارك ف هالموضوع ولو ان السؤال موجه للحريم ومجاراه لموضوع اخر ..

ولكن ردي بيكون كولي امر .. الشخصيات الاتكاليه مثل المذكوره في موضوعج غير مرحب بها عند الأغلبيه .. الرجال يُعتمد عليه في أشد وأضيق الامور .. فمابالج بالامثله اللي ذكرتيها .. هالنوعيه ممكن تصلح للزواج .. فقط مع النوعيه المذكورة في الموضوع الاخر .

هلا فيك أخوي بايلوت
مسموح الشيخ .. أمثالك مرحب برأيهم دائماً

و انت جبتها بالضبط
يصلحون حق بعض
غير جذي محد يقط نفسه في التهلكة
و يدش على أمل إن فلان أو فلانة بيتغيرون يوماً ما
في أمور ومؤشرات تعطيك تنبؤ عن السيناريو المحتمل
أما اللي يبي يغامر .. فلا يجي بعدين يتشكى و يعاتب ويحط اللوم على غيره .. لأن هو اللي اختار بمحض إرادته و محد جبره و طقه على إيده

حياك الله يا كابتن

[بصمة قطرية]

مع الوقت بيتعلم ..
الدنيا بتعلمه ..
شوي شوي راح يصير شخص يعتمد عليه ..
بس هالشي يبي له صبر و تحمل لين يتعلم
و يكون كفووو ..
يعني نفس البنت اللي تتزوج و هي ما تعرف تطبخ
تتعلم و عقب تبدع ..

[بومحمد المطاوعه]

في شباب يبدلون مكاين السيارات فالبيت

وانا الحين اتعلم اشوي اشوي وغرامي ترتيب السيارات



وفي شباب
ياكل حتى صحنه مايشله للمطبخ

اعوذ بالله ،،،

بعض الاحيان لين اشتغلت فالموتر

اخلي ام عيالي تشتغل معاي ههههه

يعني الحياة حلوه وكوكا كولا

[العقل المدمر]

هالشخص غير مرفوض اذا بيوفر البديل
يجيب عامل يصلح والا يطرش الدريول الجمعية
واذا هو يسوي كل شي يكون احسن
وبالمرة اخليه يعلمني واتشارك وياه ونشتغل مع بعض نفكك ونركب على كيفنا
كل الشغل يحلى بمشاركة الزوج والزوجة مع بعض :shy:

[بومحمد المطاوعه]

مع الوقت بيتعلم ..
الدنيا بتعلمه ..
شوي شوي راح يصير شخص يعتمد عليه ..
بس هالشي يبي له صبر و تحمل لين يتعلم
و يكون كفووو ..
يعني نفس البنت اللي تتزوج و هي ما تعرف تطبخ
تتعلم و عقب تبدع ..


بارك الله فيج
صح كلامج
الله يقويج ويحفظج


من شافج قلتي قبل
تبين جمس وتطلبين له اغراض هههههه

وانا عارف انج شقرديه

[بصمة قطرية]

بارك الله فيج
صح كلامج
الله يقويج ويحفظج


من شافج قلتي قبل
تبين جمس وتطلبين له اغراض هههههه

وانا عارف انج شقرديه

خخخخخخخخ
شكراً بومحمد :)

[white bird]

سوي نفسياً و دينياً و أخلاقياً
ما قلنا شي حبيبتي انتي
بس بعد الأشياء اللي ذكرتها مهمة .. صح والا انا غلطانة ؟؟
يعني المرة بتقعد طول عمرها تحن عليه :
سو جذي هات جذي صلح هاذي عدل هذاك ركب ليتات
لين متى عااااد
و الحبيب شكله ينطرها لين تزهق و تسوي كل شي بروحها
أو بيقول عنها ياهي حنااااااااااااااانة .. أعوذ بالله
أتزوج عليها أبرك هههههههههههههه

وهي غلطانة بعد
ليش تحن خل تصبر .. و تعيش في غياهب الظلام من غير ليتات
ليش مستعجلة .. صج ما عندها سالفة
مرده عقب آلاف السنين بيتغير

يا مسا الورد ^-^
النوع اللي أنذكر في الموضوع مظلوم ، لأنه ماتعود ع الشغل
لكن أذا كان سوي أخلاقياً و دينياً و نفسياً أهم شي ههههه
بيحاول و بيسعى للتحسين و التغيير ..
أما الكسول :
يعرف كل شيي و خبرة في كل المجالات بس كسول ..
و ممكن يكون له مفتاح غير الحنة لتنفيذ الأوامر ..
^-^

[MirusS]

ماعتقد في شخص مايعرف يركب برغي او يشتري اغراضه او يمسح براطمه
بالنسبه لمسؤولايات المنزل هاي بيتعلمها لما يفتح له بيت ويستقل بنفسه ماهي بالامر الصعب
ماجوف ان السالفه يبيلها علم عشان يقول كلمة سامحيني :eek5: ! .. يمكن بعض الشباب ماتعودوا قبل الزواج يديرون بيت بحكم وجود أب أو أخ اكبر
لكن في بدايات الزواج بيتعلمها لو كان مب متعلمها .. ماعرف الريال يركب برغي من أول مره بيركب من المره ثانيه وين المشكله ؟!
أتمنى ان الموضوع مش مجرد هجوم مرتد لموضوع أخر :)

[بانغ بانغ]

من اهم المواضيع اللي تم طرحها

لماذا لا يتم توفير مناهج عملية لطلاب المدارس كبعض مناهج مدرسة الصناعة يوم كانوا الطلاب ما شاء الله يتعلمون اساسيات النجارة والميكانيكا والتصليحات العامة بدل الهياتة في البر

في فرق بين الاتكالية وبين الكسل وبين الجهل

مرة واحد امطلع رنج اول ما انزلوا السبورتات .... وقف عليه في الشارع وكلم البريكدون واكتشف ان الموتر مافيه بترول


اتكالية وجهل تامين

فبعض الرجال الله يهديهم حتى البرغي ما يفكه ولا البيض بوعيون ايسويه

تحياتي

[غير البشر]

الاتكالي ماينفع

وتوصل في الاتكالي ان يعتمد على كلام امه واهله في حياته الخاصه
وهالشي يفقد الرجل رجولته وتأثر على حياته الخاصه
والرجل الاتكالي المرأه معاه تفقد شي رئيسي وهو الامان
ماراح تحس با الامان مع الاتكالي

[بنت شرق]

الوضع مش كارثي انه شخص مايعرف ،،،ممكن يتعلم
ابهاتنا ما كانوا يعرفون كثير من أمور التصليحات ،،،لكن كان ينشد فيهم الظهر
فالرجل الأهم انه يشتغل ومراعي بيته وأهله ،،،

[غير البشر]

الوضع مش كارثي انه شخص مايعرف ،،،ممكن يتعلم
ابهاتنا ما كانوا يعرفون كثير من أمور التصليحات ،،،لكن كان ينشد فيهم الظهر
فالرجل الأهم انه يشتغل ومراعي بيته وأهله ،،،



لا اختي امور التصليحات كتوضيح فقط

في رجال اتكاليين لايعتمد عليهم في شي بتاتا
وايضا حياتهم مسيره كلمه توديهم وكلمه تجيبهم

[معماري قطري]

وعليكم السلااام ورحمة الله وبركااته


زين طرحتي الموضوع .. وجا في وقته
اذكر اختي رفضت وااحد من الاهل لان الكل عاارف عنه اتكاالي ومب متعود يسوي شي
وحتى اللي خذته 6 شهور على بعض ماقدرت تتأقلم على وضعه كل شوي اسألي امي واسالي خوااتي




الله المستعاان




بس السسؤاال شلون بتعرف الوحده زوج المستقبل اتكاالي او لا؟؟

بسيطة إِختبار عملي

[الحياة الخالدة]

صح في نوعيه جذيه بس مممكن يتعلم والحياه بتعلمه .. لو كان يصلي ومحترم بس مشكلته مايعرف يركب براغي ..
والله يالحياه انه ابسط المصايب :victory:
اخذ واحد مايعرف يركب برغي ولا يعرف يتسوق ولا اتوهق بعلل ثانيه عافانا الله منها ان شاء الله ..

صحيح حبيبتي
ما يات على البرغي و لا التسوق ولا تركب الليتات
و اللي يبي يتعلم بتعلمه الدنيا و بيتعلم
لكن العلة في اللي يدور السهل وتعلم على الربادة

حياج الله يالعنيـــــــده

[الحياة الخالدة]

بارك الله فيج .. على هذا الطرح

وصدقتي والله .. البعض والعياذ بالله ..

مايسوي .. شي ..
ومب كفوو يفتح بيت بالأساس ..

لو الليت .. احترق راح جاب له عامل ..

واغراض الجمعيه .. يطرج زوجته ..

انزين وين دورك انت يا رجــل ..


الله المستعان ..

ولكن .. ماننسى الجانب الأخر من الذي قائم بالبيت اكمله ..

والبعض قائم بكل .. شيء .. والخادمه مكلفه بكل .. شي
والزوجه بس اسم وجودها ..

لدرجه ماتعرف تسوي شاي ..


اعوذ بالله من هؤلاء الناس الغير .. مرحبين بهم .. ولا الواحد يفتخر في .. طاريهم

تحياتي لج ..

الله يبارك فيك .. ويبارك لك في نفسك و بيتك وأهل بيتك

طبعاً في الاتكالي الكسول
وفي اللي قايم بكل أمور بيته .. وينشد به الظهر
رجل بمعنى الكلمة
و في بين الاثنين .. اللي ما يعرف .. وما يبي يعرف
وفي بعد اللي ما يعرف .. لكنه مستعد يتعلم

و الكلام ينطبق على الجنسين

نورت يا بو محمد

[Dmy Enabi]

هههه استغفرالله الخلع بهذي السهوله ..؟

تروح للقاضي شتقوله

بخلع لأن مايعرف يبدل الليت ..
يمكن يشوتها من الدريشه ..

للعلم .. ترى ياما بيوت الأب في وادي .. ومهمل وخمار ولا يعرف اهل بيته ..

انشأت رجال ونعم فيهم .. من تربيه .. الأم الفاضله ..


للعلم فقط
لا مب بالسهولة لكن الشخص الاتكالي عنده ملفات مفتوحة مايسكرها لانه كله يأجل مايسوي شي
الله يحفظه كله ولا الليتات ندعم مثلا

[العلياا]

في رجال ما يعرفون يركبون ليت !!
خير ان شاءالله لايكون يخاف يصعد درج والا يخاف من المرتفعات والا يخاف تمسكه الكهربا :rolleyes2:
الي مايعرف يركب ليت والا يشتري حليب من الدكان تتوقعين بكرا بيكون قد تحمل مسؤولية عيال !!
نقعد في بيوتنا اهلنا ابرك لنا :)

[بشائر]

وعليكم السلام ورحمة الله وبركاته ،،


هالنوعية من الرجال يكون علة وعالة على زوجته ..
المرأة بطبيعتها تحب يكون زوجها متفوق عليها في أمور الحياة بشكل عام
يعرف كل شيء ويسوي كل شيء
حتى تشعر بالأمان معه و بعظمته وهيبته ويكبر عندها احساسها بالحاجة له ..
لكن لما يشيل يده من كل شيء ويخليها هي تراكض وتعتمد على نفسها وتدبر أمورها بتشوف أن أمورها
ماشية بدونه وحياتها أسهل وأيسر ومتى مابغت الشي سوته وخلصته بسرعة ولا تقعد تنتظره لين يفضى الشيخ
ويتفرغ لها .. وتبدأ مع الأيام تدفعه لهامش حياتها .. إلى أن تنهيه تماما..
ولما يفوت الفوت ويلاقي أمره غير مطاع وأنها صارت تعاند وترفع الصوت ولا تطيع الأوامر
تبدأ محاولاته البائسة في رد اعتبار نفسه وتداركه ما يمكنه أن يتداركه بفرض سيطرته وبقوة على زمام الأمور في بيته
عنادا وتنكيلا في الوقت الذي لن تقبل أنثاه الانصياع لقيوده التي مااعتادت عليها من قبل وتحللت منها فيحصل الصراع وبعده الانقسام ... وتتفرق الأسرة ..
كل واحد لازم يأخذ مكانه الصح .. لينعم بحياة سوية .. ولنا في رسول الله صلى الله عليه وسلم قدوة حسنة ..
وفقك الله.

[بن يوسف الثقفي]

التصليحات في البيت انا اللي اقوم فيها من تركيب دينمه وكل التصليحات الكهربائيةوحتي غسيل المكيفات وفكها وتركيبها وتصليح كل سيارات البيت من تبديل سفايف وتبديل جمبينات وبلكات وتركيب مقصات وتبديلاكسلات االسيارة وجميع الصيانة الخارجية للسيارة جميع الكمبيوترات في البيت انا اللي اسوي لها فورمات جميع اعمال البيب فيتر انا اللي اقوم فيها ومن احسن مايكون صيانة الكمبيوترات انا اللي اقوم فيهاوتركيب الدش والحمد لله مايصعب علي شي
الصراحة الاقي متعه في هالشي ومحد علمني تعلمت من نفسي الحمد لله الاقي كل شي سهل

تعلمت كل هالاشياء بسبب كلمة عندي زحمة اذا رحت المحل تبي تصلح سيارتك يقولك زحمة مااقدر واذا تبي تصلح شي في بيتك تتصل يقولك حاليا مشغول واذا تبي تسوي صيانة الكمبيوتر ات الصراحة تخاف علي خصوصيات البيت فتعلمت كل احتياجات البيت الضرورية
والحمد لله الاقي متعه في هالشي

[الحياة الخالدة]

بصراحة اتخوف من الإرتباط بشخص من هالنوع .. اتكالي و كسول

لكن إذا هو مستعد يجيب حد يقوم بواجباته و فيه مواصفات تغطي علي هالعيب .. فالموضوع بسيط

واحد من هلي وااايد برستيج بحكم شغله .. ودائماً يقولون عنه دلوع لأنه مايسوي شي بيده يا ميكانيك يا كهربجي
علي أشيا يقولون عنها بسيطة


إذا السالفة بهالمستوي .. ما منها خوف بالعكس حلو :o

عاد على كل شي بيروح ينادي حد يسويه بداله
و أغراض الجمعية والإيدام بعد بيكلف أحد يجيبهم ؟؟!!
و هالكهربجية والميكانيك .. بيناديهم حتى على ليت محترق والا بلك يبيله تبديل ؟؟
و يا ترا بيجابلهم .. و الا بيخلي حد غيره بعد يجابلهم
على أساس يعني هو مشغول و الا شنو

حبيبتي المبدأ كله .. مبدأ تحمل المسؤولية
مب كل شي يقطه على غيره
عيل هو شخانته في البيت .. سمنديقــــــه ؟؟!!

عاد انتي رومانسية ..والدنيا عندج كلها وردية
الله يرزقج اللي تتمنينه

[للصبر اخر]

تدرين اختي الحياه
اعرف واحد يقال عنه باللغة الدارجه ( فاج )
مايسوي ولاشي
كل ماقلنا له سو هالشي يجيب له مندوب يسويه عنه
ابسط مثال اغراض العنه بس اقلصها ونزلها بالموقع مع العمال اتصل بالمندوب وعطاه الموقع وخذ العمال وراح نزلهم
تزوج من وحده ماتعرف تسوي ولاشي
يعني ماي مغلي ماتتعرف
وعايشين حياتهم طبيعيه مافيها شي
هاي واقع عشته انا مع هالزوجين الفاشلين
مع احترامي الشديد لهم
عيل اقوله ولع فحم يقولي بناديلج الناطوور
وخر يبه انا بولعه بروحي
:rolleyes2:

[ولد العرب]

تدرين اختي الحياه
اعرف واحد يقال عنه باللغة الدارجه ( فاج )
مايسوي ولاشي
كل ماقلنا له سو هالشي يجيب له مندوب يسويه عنه
ابسط مثال اغراض العنه بس اقلصها ونزلها بالموقع مع العمال اتصل بالمندوب وعطاه الموقع وخذ العمال وراح نزلهم
تزوج من وحده ماتعرف تسوي ولاشي
يعني ماي مغلي ماتتعرف
وعايشين حياتهم طبيعيه مافيها شي
هاي واقع عشته انا مع هالزوجين الفاشلين
مع احترامي الشديد لهم
عيل اقوله ولع فحم يقولي بناديلج الناطوور
وخر يبه انا بولعه بروحي
:rolleyes2:
يالله كانه غير البشر كاني اشوووفه ههههههههههههههههههههههه

[بومحمد المطاوعه]

لا مب بالسهولة لكن الشخص الاتكالي عنده ملفات مفتوحة مايسكرها لانه كله يأجل مايسوي شي
الله يحفظه كله ولا الليتات ندعم مثلا


صحيح مب بالسهوله
ومب كل شخص اتكالي عليه ملفات ..

[شيخ الديرة]

.
.
.
يمكن طلع ع أبوه لأن أبوه ماكان يعرف وهذي مصيبة
.
.


أشوفها بالعكس, اللي أبوه يعرف كلشي يسوي, أولاده ما يتعلمون لأن معتمدين عليه. أما اذا كان أبوه ما يعرف شي, يجد له دور ويبادر أنه يصلح الأشياء ويدبر الأمور

[بومحمد المطاوعه]

الله يبارك فيك .. ويبارك لك في نفسك و بيتك وأهل بيتك

طبعاً في الاتكالي الكسول
وفي اللي قايم بكل أمور بيته .. وينشد به الظهر
رجل بمعنى الكلمة
و في بين الاثنين .. اللي ما يعرف .. وما يبي يعرف
وفي بعد اللي ما يعرف .. لكنه مستعد يتعلم

و الكلام ينطبق على الجنسين

نورت يا بو محمد

وياج اختي الكريمه
بارك الله فيج

النور نوركم
وصدقتي الكلام .. ينطبق .. على الجنسين

والله ... بالترتيب ... كل شي يمشي ..


تحياتي لج ..

[القبطان سلفر]

تدرين اختي الحياه
اعرف واحد يقال عنه باللغة الدارجه ( فاج )
مايسوي ولاشي
كل ماقلنا له سو هالشي يجيب له مندوب يسويه عنه
ابسط مثال اغراض العنه بس اقلصها ونزلها بالموقع مع العمال اتصل بالمندوب وعطاه الموقع وخذ العمال وراح نزلهم
تزوج من وحده ماتعرف تسوي ولاشي
يعني ماي مغلي ماتتعرف
وعايشين حياتهم طبيعيه مافيها شي
هاي واقع عشته انا مع هالزوجين الفاشلين
مع احترامي الشديد لهم




صحيح

حياتهم هاديه وما فيها مشاكل لانها ( فاجه ) وهو ( فاج )

ولكن لا يعني ذلك نجاح حياتهم الزوجيه بالمقاييس الصحيحه . لان الهدوء بعض الأحيان دليل الوفاه وليس العكس .

الرجل الاتكالي رجل فاشل في الحياه أولا قبل حياته الزوجيه . فألانجازحتى في تصليح الأعطال التي تطرأ في البيت نوع من تحفيز النظره الايجابيه للإنسان نحو نفسه

مما يؤي الى ما يسمى (self-esteem ) مما يعني ان هناك معنى لوجوده غير الاكل والنوم .






http://t2.gstatic.com/images?q=tbn:ANd9GcRZJ9mga7D9TK_81SdEHd2Ufbd7a5TjY zJW_1MrrZhIDfM2j4JPaQ

[sweet qatar]

عاد على كل شي بيروح ينادي حد يسويه بداله
و أغراض الجمعية والإيدام بعد بيكلف أحد يجيبهم ؟؟!!
و هالكهربجية والميكانيك .. بيناديهم حتى على ليت محترق والا بلك يبيله تبديل ؟؟
و يا ترا بيجابلهم .. و الا بيخلي حد غيره بعد يجابلهم
على أساس يعني هو مشغول و الا شنو

حبيبتي المبدأ كله .. مبدأ تحمل المسؤولية
مب كل شي يقطه على غيره
عيل هو شخانته في البيت .. سمنديقــــــه ؟؟!!

عاد انتي رومانسية ..والدنيا عندج كلها وردية
الله يرزقج اللي تتمنينه


آمين

ويرزقج حبيبتي :o

هو الرئيس

الي يرسم خطة البيت و يحافظ عليه و يوزع الأدوار

أنا قلت لج فرق بين أنه ما يعرف لأن شي مب مطلوب منه
وبين أنه يكون علي تعبير للصبر "فاج" ما يسوي شي ولا ينفع بشي



تهمني الأخلاق والشخصية و مستوي التفكير .. حتي لو ما بدل ليت الاباجورة :)




أعرف واحد يسوي كل شي بيده و ما يقصر في البيت و السيايير

لكنه ما يتعاشر .. اطباعه وايد صعبه الله يصلحه


اقولج شي .. أنا يمكن أصبر اقعد في غرفة بدون ليت

لكن مستحييييل استحمل الشخص النكدي .. الله يكفينا الشر

[الحياة الخالدة]

الحمدلله

اخاف اتكلم وناحسد اكثر ماانا محسود

والدليل الحلقه شاهده على العصر

الحمدلله اعلم عيالي على الكثير من المور وهو يشفوني اساسا موتري كله عده وبالالف

مااعتقد في حد مثلي

استحق اربع وبجداره واعرف استخدم الادريل مضبوط والمنشار وقت اللزوم
الشي الوحيد الي ماجبرته هو الطبخ لانه مهب من اختصاصي

:)
الله يهديك يا بوعلي
ليش تكلمت
الحين بتنحسد
لأن مافي حد مثلك

[الحياة الخالدة]

يااارب ياااارب يااارب لا تبلينا برجل مثل هاي اتكالي مايعرف يتصرف

اللهم آمين

[Radnes]

الله يهديك يا بوعلي
ليش تكلمت
الحين بتنحسد
لأن مافي حد مثلك


اشدعوه مافي حد مثله ؟؟ وايد الشباب الي يعرف يدبر نفسه بكل شي الا ما ندر بس مايذكرون هذا الشي مثل ماقلتي عن الحسد:rolleyes2:

[بومحمد المطاوعه]

الله يهديك يا بوعلي
ليش تكلمت
الحين بتنحسد
لأن مافي حد مثلك

خخخ

انه الصقف يا ســاده

[الحياة الخالدة]

انا مهنتي في الحياة


اشتغل لكي اكد على عائلتي الجميلة

ابدل ليتات البيت اذا احترقو


احرك الكبت اذا وراه شي ادوره ..

اغسل ملابسي اذا مستعجل

اكوي غترتي اذا الاهل مشغولين والخدامه محد

اغير تواير سيارتي في البيت

اغسل موتري

اسوي لي كرك

واسوي بيض شكشوكه وفول حق الربع ..


اغير الحفاظه لولدي في حال انشغال الاهل

اسبحه مقدر اخاف صراحة


اسوي له حليب


اروح الميره اشتري الاغراض

اشتري خضروات وفواكه

اعرف وعندي ذوق في اختيار الهدايا فنان درجة اولى للاستشارات الرجال التواصل معاي

يعني وايد مهمات عندنا

بس قلنا نعطيكم القليل من خبراتنا الميدانية والزوجية

ما شاء الله تبارك الرحمن
و في غيرك وايد أمثالك
الكلام عن اللي هبابه يشيل عمره
شلون يفتح بيت مادري

حياك الله أخوي شبح .. الله يبارك لك في بيتك و أهل بيتك

[الحياة الخالدة]

اشدعوه مافي حد مثله ؟؟ وايد الشباب الي يعرف يدبر نفسه بكل شي الا ما ندر بس مايذكرون هذا الشي مثل ماقلتي عن الحسد:rolleyes2:

أنا معاك أخوي
بس هو اللي قال مافي حد مثله
والا انتو كلكم خير و بركة

[الحياة الخالدة]

السلام عليكم

ذكرت سالفه يقولي شريكي ., الله يحفظه يوم اصغير كان ما يروح يغسل ايده امه اتيب له الماي والا يزعل ما ياكل ., ههههههههههههههههههههه

ووينه اللحين معتمد علي نفسه بكل شي ., مسكين والله

لا بس انا اجوف الزوج مكمل يعني بيكمل الشغل ويسوي دوره الحمدالله ماسواه خلي البيت يظلم مرده بيسويه بس اتم جيه يبيله صبر واراده ^^

ومرده بيتعلم .,

واذا حاط له خدم وكل شي اوكيه ., ليش لا اهم شي الشغل يمشي مو اهم شي هو يسويه .,

ويسلموو

و عليكم السلام و رحمة الله
هلا أختي مختلفة
اللي عندها مثل شريكج ما عليها خوف
العلة في اللي ما يبي يتعلم

الله يسلمج

[عاشق العديد]

احم احم

تبديل راديرات
تبديل كلج مروحه
تصليح كهرباء السيارات
بنجري وخبره واحينا من غير عده لانه في حراميه عطيتهم عدتي ابي اخذ اجر خذو عدتي وشردو
تصليح سخانات
اكوي ملابسي
واسنع لي الفطور والغدا والعشا يوميا بدون مساعده
تصليح بيبان المنازل
صبغ وعمل حركات بالجبس
تصليح الثريات
شتبون بعد والله اني درجه اولئ ناقصني قراج بس
ومش متزوج
وهذول الي متزوجين واتكالين ماعندهم سالفه صراحه
ويحتاجون دواسه عمييقه

[بوحارب]

انا عقب شوي بقوم اشغل الدريل
وبركب ساعات عالطوف وبعض البراويز

وبيب المطبخ فيه ليك بتيته عدل

لكن ليش مافيه تقدير:weeping:

[الحياة الخالدة]

ههههههههه
الله يسعدكم
تخيلتكم تقدمون على وظيفة زوج
و تعرضون السي في حقكم

[دااانة قطر]

احم احم

تبديل راديرات
تبديل كلج مروحه
تصليح كهرباء السيارات
بنجري وخبره واحينا من غير عده لانه في حراميه عطيتهم عدتي ابي اخذ اجر خذو عدتي وشردو
تصليح سخانات
اكوي ملابسي
واسنع لي الفطور والغدا والعشا يوميا بدون مساعده
تصليح بيبان المنازل
صبغ وعمل حركات بالجبس
تصليح الثريات
شتبون بعد والله اني درجه اولئ ناقصني قراج بس
ومش متزوج
وهذول الي متزوجين واتكالين ماعندهم سالفه صراحه
ويحتاجون دواسه عمييقه



جميل جميل

الله يرزقك بنت الحلااال

[بريق الحق]

ههههههههه
الله يسعدكم
تخيلتكم تقدمون على وظيفة زوج
و تعرضون السي في حقكم

السي في المطلوب الخلق والدين هذا ما اوصى فيه الحبيب صل الله عليه وسلم (:

[الحياة الخالدة]

السي في المطلوب الخلق والدين هذا ما اوصى فيه الحبيب صل الله عليه وسلم (:

معاك قلباً و قالباً
عليه الصلاة و السلام
و اذا توفرت الصفات الثانية خير و بركة

[عاشق العديد]

جميل جميل

الله يرزقك بنت الحلااال
ويرزقج كذلك ..

الله والغدا صدر دياي تقطينه في شوايه عشر دقايق خالص
وكم حبة بطاطا تقيطنها فالمكرويف وتاكلينها .. الموضوع كامل ع بعضه 15 دقيقه انا غداي وعشاي خالص ..

[بريق الحق]

معاك قلباً و قالباً
عليه الصلاة و السلام
و اذا توفرت الصفات الثانية خير و بركة

الدين يوصينا بتعلم والعمل*
يمكن الاتكالي ماتعود على الشقى ولا تعرف على الناس الي حياتها شقى ههههههه انا الصراحه اكتفيت

[دااانة قطر]

ويرزقج كذلك ..

الله والغدا صدر دياي تقطينه في شوايه عشر دقايق خالص
وكم حبة بطاطا تقيطنها فالمكرويف وتاكلينها .. الموضوع كامل ع بعضه 15 دقيقه انا غداي وعشاي خالص ..

بس بدون عيش بدون صواالين بدون سلطات ؟؟؟؟؟





ماينفع
بس بعد عواافي
ولاتعيدها وتدعي علي مرة ثاانية
خلنا هيك مستمتعين بلاهم ولا عواار راااس

[بوحارب]

بريق

خلاص الأخلاق والدين مب مطلوب
الحين يبغون واحد عنده فلوس وبس:weeping:

[بريق الحق]

بريق

خلاص الأخلاق والدين مب مطلوب
الحين يبغون واحد عنده فلوس وبس:weeping:

لا ياخوك لا تقول هالكلام
الفلوس بتي مع الزواج اما الاخلاق والدين نادر ماتحصل

[حسن]

الله يهديك يا بوعلي
ليش تكلمت
الحين بتنحسد
لأن مافي حد مثلك

حقيقه

واقع

:)

بالصوت والصوره

الحمدلله هذا الفضل لله ولابونا الامي الرجل الله يرحمه علمنا الحياه صح
حملنا المسؤليه من صغرنا
وقلتها مرات قوتنا تعادل كتيبه اليلات متحركه
ماعليك من الشو
ترا عندي فيديوات ماقدر انزلها لانها احراج حق الغير


:)

انها الحكمه والتصرف في اداره الازمات

استفيدو مني دام وياكم
:victory:

[حسن]

بريق

خلاص الأخلاق والدين مب مطلوب
الحين يبغون واحد عنده فلوس وبس:weeping:

للاسف

هذه الحقيقه ياساده عند الكثير


:victory:

[الحياة الخالدة]

رجل اتكالي؟
مب قادرة اتخيل هالشي..اشكثر بيكون اتكالي؟ و كم اعداد الاتكاليين؟

مهما تكلم عن رجل اتكالي ما بنكون نتطرق لظاهرة
نعم اليوم الرجل تخلى عن امور كثيرة مب لاتكاليته ولكن لنمط الحياة اللي نعيشها
فحتى الرجل اللي كان يسوي كل شي بروحه نلقاه اليوم حاط رجل على رجل و زوجته تسوي له كل شي..

اما لو الشاب بالفعل كان اتكالي.. منهو اللي راح يخبرنا عنه اذا هله غطوا عليه؟

لذلك مالنا غير ندعي ربنا يرزق بناتنا الازواج الصالحين اللي يقدرون دورهم في الحياة..

يا كثرهم الاتكاليين ياليمامة
و هل كل شي نتكلم عنه ظاهرة ؟؟
يمكن ما يكون الأغلبية .. لكنه موجود

نسبة كبيرة من اللي أتكلم عنهم .. يدورون الراحة
شنو أحسن من أنهم يخلون كل شي فوق راس الزوجة أو أي حد ثاني .. ويدورون بين المجالس و القهاوي و العنن و المولات
و الحجة إني أكرف في الدوام ومن حقي أرتاح
طيب واللي في البيت هاذي شنو وضعها معاك .. بتلحق على شنو و الا شنو

الله يصلح الاحوال
و يهدي الازواج و الزوجات لبعضهم

[الحياة الخالدة]

احيانا يكون وضع عيال الاسره بهذا الشكل ،، ولكن تصير ظروف تغير الانسان
كوفات رب الاسره و غالبا في هالحاله يتحول اكبر العيال الى اب جديد و احيانا يزوج اخوانه وهو للحين ماتزوج ،،، الظروف و الضغوط قادره انها تغير الانسان
شخصيا ماكنت اعرف اشتري خضره البيت .. ما افرق بين الكوسه الزينه و التعبانه ،، لكن يوم تغربت احتكيت اكثر و صرت انقي كوسه استخسر اكلها من زينها :nice:

و اذا تزوج الشاب ايضا يعتبر ظرف يغير و خصوصا اذا كان في مسكن مستقل

صحيح بعض الأزمات و ظروف الحياة ممكن تغير في البعض إيجابياً
لكن البعض يتم مثل مثلنا المعروف .. اللي ما يحتاج أقوله

حياك الله أخوي عبدالعزيز

[مشـــــاعر]

عاد على كل شي بيروح ينادي حد يسويه بداله
و أغراض الجمعية والإيدام بعد بيكلف أحد يجيبهم ؟؟!!
و هالكهربجية والميكانيك .. بيناديهم حتى على ليت محترق والا بلك يبيله تبديل ؟؟
و يا ترا بيجابلهم .. و الا بيخلي حد غيره بعد يجابلهم
على أساس يعني هو مشغول و الا شنو

حبيبتي المبدأ كله .. مبدأ تحمل المسؤولية
مب كل شي يقطه على غيره
عيل هو شخانته في البيت .. سمنديقــــــه ؟؟!!



طبعاً مآإنعمّ الكل بس الأغلبية من هآإلنوعية . .

أخو رفيجتي عمره شي وأربعين تقول والله العظيم مايزخ ولا شي في البيت . .
كل شي على خواته ومرته . .
لين إخترب شي قال لهم إتصلوا على فلان خل يجي يعدل الليت . .
حتى إتصال مايتصل فيهم مخلي ( الحريم ) يتصلون في العمال . .

هالنوعية حرام فيهم الشنب حتى . .


عسآإج ع آإلقوووة حبيبتي آإلحياة !!

[aloosh]

لانه مالحق على التدريب المهني:)
مدري ليش سكروه كان يعلم الشباب

[بريق الحق]

الاخت مشاعر من متى الشنب يدل على الرجوله ؟؟
الصراحه تكفير عجيب عند الناس

[مشـــــاعر]

الاخت مشاعر من متى الشنب يدل على الرجوله ؟؟
الصراحه تكفير عجيب عند الناس

والله مآإدري أخوي بررريق من وإحنا صغآإر نسمع هآإلجملة / السموحة :)

[بوحارب]

لانه مالحق على التدريب المهني:)
مدري ليش سكروه كان يعلم الشباب

اي والله الربع استفادوا منه واحد :)

[الحياة الخالدة]

يطرأ علي شخص تقدم لوحدة من كم سنة كان مهرها 300 ضب يصيدهم بيده اعتقد وصل 200 و شوي و سامحته فالباقي

اخس شي الرجال الناعم

إي والله صدقت
رجال و ناعم .. أمحق بس .. اللي مثله يا يتعالج .. يا يقعد في بيته و يستر على عمره

الله يعافيهم و لا يبلانا و لا يبلا أحد فيهم

[الحياة الخالدة]

حبيبتي الحياه الخالده استعجلتي بطرح الموضوع ..


اعتذر على ردي، وجهة نظر يالغاليه

مسموحة حبيبتي
رايج و احترمه

[الحياة الخالدة]

هذا مب رجال الي يعتمد على الغير

صدقت ..
حياك الله أخوي

[بومحمد المطاوعه]

مسموحة حبيبتي
رايج و احترمه

اسحبي عليها
خخخخخخ

[الحياة الخالدة]

بدلت بيبات صرف وبدلت منهول وبيبات ماي وركبت خزانات .. ركبت ومديت وايرات واجهزة ووحدات انارة مب بس ابدل ليتات .. ركبت دشات ستلايت .. صبغت غرف .. بنيت جدران وبلستر ( بس طلع فاشل ^^" ) .. بدلت بلاط في الحوش ..

مع كل هذا اذا كنت تعبان فترة ومالي خلق اسوي شي يقولون كسول >_< .. دام بتنقال فالحالتين خلني قاعد احسن :victory: .

وجواب السؤال اقول للحريم .. شاب مايدري شي في الدنيا ومستعد يتعلم احسن من واحد يعرف يتصرف بس اخلاقه سيئة .. خذوا الي متمسك بدينه ولو كانت خبرته في الحياة قليلة بس عنده نيه يتغير ويتعدل .

كفو عليك
و الفقرة الأخيرة أتفق معاك فيها تماماً
خبرة قليلة بس عنده نية يتغير و يتعدل

جزاك الله خير
و حياك الله

[بومحمد المطاوعه]

تصدقني اختي الحياة الخالدة

امس وانا زاير اخوي مرقد في مستشفى العمادي
الله يبعد عنكم المرض ويشفي مرضى المسلمين

مسوي عمليه شايل حصى فالمراره
الله يشفيه ويعافيه ويشفي جميع مرضى المسلمين

المهم ..

تخيلي .. واحد يمشي .. و وراه يمشي العامل ..

الي عندهم عربانه ويشلون الأغراض من الغرفه او من السياره .. لو جايب اغراض وايد ..

تخيلي شنو شايل ..!

انجلطت يوم شفته ..

شنطه صغيره نفس .. شنطة .. اللاب توب ..

والله شعر جسمي تشوط يوم شفت المنظر ...

استغفرالله شنو يحس فيه :eek5:

[الحياة الخالدة]

يالربع لا تروحون بعيد يقولون الشباب ما يسووون شيء

والعنن الي نشوفها والشباب الي يشلووون ويحطون ويطبخوون في العنن


ذولي صج ولا خيال والا



حزت الصدق الشباب قدها وقدود ما قد شفنا رجال يتهرب من مسئوليات البيت الا من رحم ربي ..


الحمد لله الكل قائم بواجبه تجاه عائلته آلا القليل ...


تحيايت واشواقي لربعي الشقرديه

ويداً بيد نحوو مستقبل جميل





و أضم صوتي لك
تحياتي للشقردية
اللي الكلام ما كان عنهم أصلاً

[الحياة الخالدة]

فيه نوعيه برع يحك حك يشتغل ليل ونهار
لكن فالبيت يتم الشي متعطل ومايتصلح الا عقب شهرين وبالحنه

الاتكاليه صعب الوحده تعرف عنها قبل الزواج

طيب يعتبر نفسه في رحلة أو مع ربعه
و يشيل شي من مسؤولية البيت

مسألة حظ و نصيب

[الحياة الخالدة]

وعليكم السلام

صحيح شخصية الإتكالي متعبه
لكن ماراح أخليه يتكل علي في هالحاله بالذات في الأمور الي ذكرتيها فأكيد بيجيب من يسويها او هو يتعلم يسويها وكلا الحالتين أوك
لكن لو كان شخص يعتمد عليه وصارت له ظروف وماقدر مو مشكله بيحصل من يعتمد عليها وهو مطمن
بعض الزوجات يصبرون و يتحملون و ينتظرون متى بيتغير
لكن في أمور ما تحتمل الانتظار
و تلقين الزوجة عشان تريح راسها و أعصابها تسوي كل هالأمور بنفسها
لكن بعد في النهاية بتكون هي الخسرانة و زادت الحمل على نفسها
و بو الشباب لاهي في نفسه .. لا و يشتكي بعد أن زوجته مهملة و ما تهتم بعمرها
و يبحث عن الزوجة الدلوعة المدللة الكيووووووت اللي يدها ناعمة و المكياج ما يطيح من على وجهها .. و اللي تدللـــــه و تدلعه
اقول مالت بس مالت

حياج الله يالغالية

[بوحارب]

اسمحيلي انا ماعرف اطبخ :weeping:

[الحياة الخالدة]

اسمحيلي انا ماعرف اطبخ :weeping:

عيل خلك في بيت أبوك

[بوحارب]

عيل خلك في بيت أبوك

:weeping::weeping:

[وطن]

كلاااااااااااااا لا أوافق

الوحده تبي شريك حياة
يعينها

مب عاله عليها

:secret:

[عاشق العديد]

بس بدون عيش بدون صواالين بدون سلطات ؟؟؟؟؟





ماينفع
بس بعد عواافي
ولاتعيدها وتدعي علي مرة ثاانية
خلنا هيك مستمتعين بلاهم ولا عواار راااس

لا انا اكلي بالميزان واهم شي بروتين وكارب ..
مايهم التست ..اهم شي الفايده لللجسم ..

[وطن]

تصدقني اختي الحياة الخالدة

امس وانا زاير اخوي مرقد في مستشفى العمادي
الله يبعد عنكم المرض ويشفي مرضى المسلمين

مسوي عمليه شايل حصى فالمراره
الله يشفيه ويعافيه ويشفي جميع مرضى المسلمين

المهم ..

تخيلي .. واحد يمشي .. و وراه يمشي العامل ..

الي عندهم عربانه ويشلون الأغراض من الغرفه او من السياره .. لو جايب اغراض وايد ..

تخيلي شنو شايل ..!

انجلطت يوم شفته ..

شنطه صغيره نفس .. شنطة .. اللاب توب ..

والله شعر جسمي تشوط يوم شفت المنظر ...

استغفرالله شنو يحس فيه :eek5:

يحس انه*كشخه:tease:



لا الصج لنحسن الظن
احتمال ما يقدر يشيل شي لمرض عضوي او شي
حرام

[بومحمد المطاوعه]

يحس انه*كشخه:tease:



لا الصج لنحسن الظن
احتمال ما يقدر يشيل شي لمرض عضوي او شي
حرام

والله الجواويل ف يده ،،

هههههه حلوه هاي كشخه

الله يهديهم