السناب شات و ماجد الصباح وقطر المستقبل

[السديم]

السلام عليكم ورحمة الله وبركاته

ماحب اسوي دعاية ل أحد بس من احد الامور الايجابية في السناب انك تضيف اكاونت ماجد الصباح .. وابدع في زيارته ل قطر

والله انه خلانا نشوف شي ماكنا نعرفه عن بلادنا ومشاريع تخلينا نرفع راسنا بكل فخر ونقول نعم انا قطري ..

الله يجزاه كل خير على هالمجهود والله يجزي القائمين على نهضة بلادنا كل خير ..الله مو متابعه يلحق يتابعه ويشوف قطر بعيونه .. بدل لا نقعد وندور السلبيات وبس

[شبح الصمت]

مفروض اهو يشوف قطر بعيوونا ياخوي مهب احنا نشوف قطر بعيووونه


والعالم يشوووفه


لانه هذه بلادنا وهو ضيف علينا ..

[بو خليفه 123]

اتفق معك أختي .

امس شفت تقاريره عن زيارته لـ قطر و عجبتني زيارته لـ أم علي و الجامع الجديد .

[السديم]

مفروض اهو يشوف قطر بعيوونا ياخوي مهب احنا نشوف قطر بعيووونه


والعالم يشوووفه


لانه هذه بلادنا وهو ضيف علينا ..





بالعكس حلو تشوف بلادك في نظر الغريب وغير جذي له متابعين كثر على السناب فهو نقل صورة مشرفة جدا جدا عن بلادنا

[السديم]

اتفق معك أختي .

امس شفت تقاريره عن زيارته لـ قطر و عجبتني زيارته لـ أم علي و الجامع الجديد .

واليوم تقريره عن مشروع مشيرب قلب الدوحة ابهرني الصراحة

[شبح الصمت]

شي طيب ويشكر عليه ويشكر كل من نقل هالصورة ..

بس احنا بعد لازم نوصل صورة طيبه للمضافين عندنا في السناب وفي كل وسائل التواصل ..

بس لو نخلي السلبيات اشوي بنرتاااااح


هناك مراحل قادمه ويجب علينا التحلي بالصبر ومهب نتحلطم ..

وإن شاء الله قطر من الاحسن للاحسن


بقيادة سمو الامير حفظه الله وبالحكومة الرشيدة والشعب المخلص وكل من على ارض قطر الطيبه

[Rebilion]

اتفق معك أختي .

امس شفت تقاريره عن زيارته لـ قطر و عجبتني زيارته لـ أم علي و الجامع الجديد .

وشهي ام علي ذي؟ اعتقد عموماً انه الشي نفسي يعني حتى الامريكي لو تساله عن امريكا يقولك ملل وودي اروح اليابان ولا فرنسا ولا ايطاليا وهلم جرا يعني شي ماله خص بشعب معين هذي ظاهره عالمية

[حسن]

من شوي كنت داخل الصاله الوزاريه في المطار

وانا اسولف مع اللي معاي اقوله شوف شلون حلو المطار والبحيرات والاشجار والورود
الصراحه

مفخره لقطر

وتذكرت موضوع الدب موضوع الشمخ الحلي مواضيع المنتدي

الصراحه ابهار للعالم

تصدقين كل غريب يقول بلادكم جنه والله من كم يوم يقولي واحد من الجماعه
كنت في حديقه المتحف شي خيال ويقول رحت للسباير شي خيال
حدائق في بلادنا الخليجيه لما نتريض كنا نمشي على رصيف الشوارع
مشاريع عملاقه اقتصاد ان شاء الله قوي
كل شي للمواطن بلاش شي
نعمه واحنا هل قطر نحمدالله ليل ونهار
نترحم على ابهاتنا شافو الشين وعمى العين وحياه الشقى

للاسف الكثير الكثير مهب حاس بهل النعمه

تلموني ليش ماسافر مستمتع الى حد الجنون ولا عمري مليت لحظه ثانيه بس

الله ياعمري قطر

[الجـــوديّ]

دائماً اقول حلو نشوف نفسنا بعيون غيرنا لان غالباً ما نعطي انفسنا قدرها ويمكن الناس تشوف فينا شي احنا ما نشوفه

شوقتينا اختي ..

هل هالتقارير موجودة في غير سناب تشات؟ <<< ما ادانيه

[sweet qatar]

تكلمنا عن ماجد الصباح في الاستراحة

رجل مميز فعلاً .. و مبدع في عالم السناب

احلي مفاجأة

بدايته مع مطعم حمود :o

أشكرج علي طرح الموضوع أختي

[رجل مثالي]

مفروض اهو يشوف قطر بعيوونا ياخوي مهب احنا نشوف قطر بعيووونه


والعالم يشوووفه


لانه هذه بلادنا وهو ضيف علينا ..





الله يسلمك هو مشهور بجولاته
لأي بلد في العالم وتكون تقاريره
وصورة ممتازة عن طريق لسناب
وكلامه جميل ولباقة في الحديث
واخلاق عالية وذوق

[رجل مثالي]

عجبني موقع اسناب للشيخ ماجد الصباح معلومات عن جميع جولاته في العالم وصناعة العطور المركز أعماله في لندن أفضل العطور وخلطة خاصة للعطور تعلمه من جدته رحمها الله وما شاءالله يتمسك بتقاليدة الخليجية والتمسك بالدين والاخلاق الحميدة ولقد عجبني ما يقدمه من توضيح حول جولاته العالمية وحاليآ موجود بالدوحة العزيزة
ومن شخصيته كما لاحظت عدم تدخله في اي شئ ولا انتقاد فقط التوضيح الجيد وأرجو من الجميع ان يكونون بهذا المستوى من الاخلاق الفاضلة

[بنت شرق]

دائماً اقول حلو نشوف نفسنا بعيون غيرنا لان غالباً ما نعطي انفسنا قدرها ويمكن الناس تشوف فينا شي احنا ما نشوفه

شوقتينا اختي ..

هل هالتقارير موجودة في غير سناب تشات؟ <<< ما ادانيه

انا بعد ما ادانيه ،،ولا ادري سر التعلق به

[بومحمد المطاوعه]

والله

البلا والغلط منا احنا .. القطريين ..


احنا الي قاعدين رجل على رجل .. ونروح الدوام .. ومجالس وعنن ..

مانروح ونكتشف في دولتنا ..
في منا .. شباب .. ونعم فيهم .. يحبون يكتشفون في الدوله ..
ولكن .. الاغلبيه .. مايسوون شي

للأسف ...

[abu m7md]

عندي سناب شات
ومافيه الا صيع
يا سباق ولا مراقص
بومحمد افزع لي مادري من قايل لهم هذا اكاونت وحده
وانا طرف شنبي يوصل لرقبتي :(

[رجل مثالي]

من المعلومات التي عرفت عن اسناب
شات أن الواحد يكون
حذر لان ممكن الهكرز يعمل مشاكل في أخذ
الصور والفيديو الخاص وعناوين
المشتركين وهذا شئ خطير
ويجب الحذر من هذا الشئ

[بومحمد المطاوعه]

عندي سناب شات
ومافيه الا صيع
يا سباق ولا مراقص
بومحمد افزع لي مادري من قايل لهم هذا اكاونت وحده
وانا طرف شنبي يوصل لرقبتي :(

طرش لي سنابك فالواتساب بضيفك

ولا تقول عندك ها
معليه

بسررعه طرش

[الزعفراني]

متابع الشيخ ماجد الصباح .. من فترة .. والصراحه حسابه ثري بالمعلومات والتغطيات .. يسافر كذا بلاد ويسوي تغطيات عنها ومعلومات جميله

مثلا مره راح فرنسا بس عشان يتكلم عن قصة الكروسون الفرنسي وشلون بدأ وأول محل بدأ فيه .. وفعلا المحل زاره في منطقة خارج باريس العاصمة وتعنى له

بعد مره راح الهند وتكلم عن صناعة الشال والشاتوش وقتل حيوان الظبي بسبب هالتجارة .. حيث كان عدد هالنوع ما يقارب المليون رأس .. الان فقط يوجد 20 الف رأس فقط !!!!

وتكلم بعد عن اصل الساري .. والتقى بتجار الهند الكبار وبرز انشتطهم ومساهماتهم عالميا ..

ومره راح بلجيكا وتكلم عن الشوكولاته اللي هناك وصناعتها وغيره ..

عنده ادب الرحلات .. وغير كذا احيانا يتطرق لتاريخ الكثير من المواضيع مثل قصة ماركة شانيل ... إلخ

في قطر تابعت جزء من تغطيته لمدينة مشيرب .. وللحديقة القرآنية .. ولمطعم بيض وطماط .. ولمطار حمد ..

تفاجأت بمعلومة ذكرها في تغطية لقطر ..

ان سمو الأمير الوالد فاجىء صاحبة السمو الشيخة موزا .. بتهجين نوع من انواع الورود يتغير لونها .. وأطلق عليها اسم موزا :)


حسابه في سناب شات

majedalsabah

[حسن]

واليوم تقريره عن مشروع مشيرب قلب الدوحة ابهرني الصراحة

امس كنت في مشروع مشيرب

الصراحه

صدمه ماعقبها صدمه شفت العجب العجاب
ماشاء الله

شي يبهر شي يشرف كل قطري

كل هل المده ماندي عنه ومانعرف مايدور بداخله
والله انه مفخر لقطر

وشفت مشروع الريل والمطار اليوم والمتحف الاسلامي


الصراحه

انا مسودن على مايقولون من الذهول اللي شفناه شبكه قطارات ومشاريع عملاقه

صحيح لما قالها صباح الاحمد


قطر المستقبل


وانا ودي وكلي رجاء من قناه الريان او قناه قطر ان تحط هذ المشاريع
ويعرفون القطريين ايش اللي يدور داخلها
شي شي مذهل ياجماعه الخير

والله اللي شفته لا يصدق

مشاريع بالمليارت

تذكرت كيف كانت المناطق وكيف اصبحت

اشكر القياده الحكيمه على مايبذلونه في رفعه قطر

ورساله اوجهها للمسؤلين

الكثير منا مايعرف حجم هذا المشاريع العملاقه

وين الاعلام وين الحلقات التفلزيونيه حرام عليكم وين التغطيه

!!!

[R 7 A L]

من الجهه الي ماسكه مشاريع مشيرب
ومن المهندس المسئول عنها ؟

[بوحارب]

حذفته من السناب للأسف

لو دريت انه بيتكلم عن قطر خليته :(

ع العموم جزاه الله خير اذا مدح بلادي قطر
ومشكور اذا انتقد انتقاد بناء

وشكرا السديم ع الموضوع :)

[Red point]

ياريت لو يكون في موضوع متجدد لحسابات السناب شات المفيدة بحيث الكل يستفيد

[رجل مثالي]

مشروع مشيرب قلب الدوحة‬‎ - YouTube

http://m.youtube.com/watch?v=Mc19J_PhbYI

[الزعفراني]

امس كنت في مشروع مشيرب

الصراحه

صدمه ماعقبها صدمه شفت العجب العجاب
ماشاء الله

شي يبهر شي يشرف كل قطري

كل هل المده ماندي عنه ومانعرف مايدور بداخله
والله انه مفخر لقطر

وشفت مشروع الريل والمطار اليوم والمتحف الاسلامي


الصراحه

انا مسودن على مايقولون من الذهول اللي شفناه شبكه قطارات ومشاريع عملاقه

صحيح لما قالها صباح الاحمد


قطر المستقبل


وانا ودي وكلي رجاء من قناه الريان او قناه قطر ان تحط هذ المشاريع
ويعرفون القطريين ايش اللي يدور داخلها
شي شي مذهل ياجماعه الخير

والله اللي شفته لا يصدق

مشاريع بالمليارت

تذكرت كيف كانت المناطق وكيف اصبحت

اشكر القياده الحكيمه على مايبذلونه في رفعه قطر

ورساله اوجهها للمسؤلين

الكثير منا مايعرف حجم هذا المشاريع العملاقه

وين الاعلام وين الحلقات التفلزيونيه حرام عليكم وين التغطيه

!!!

بالعكس في تغطية .. بس الظاهر محد يتابع

الاخ حمد مجيغير كان له برنامج على قناة الريان اسمه قطر المستقبل اظن او مشاريع قطر

واستعرض الكثير من المشاريع اللي قيد الانشاء في قطر مثل الريل ومدينة الوسيل والمطار والمدينة التعليمية والبنية التحتية .. هذا اللي اذكره