نتمنى صرف علاوه بدل للأبناء

[أبو سعود]

رأينا وأستمعنا لحالات عديده من قبل مجموعه من الأسر

يشتكون من صعوبه تكاليف المستوى المعيشي خصوصآ من


أرتفاع الأسعار وكثره الألتزامات الماليه عليهم

وكذلك بعضهم يعانون من الديون الماليه عليهم


وبنفس الوقت هم محتارون في كيفيه توفير

الأحتياجات لأبنائهم في ظل هذه الظروف الصعبه



ومن خلال هذه الملاحظات عندي أقتراح وأتمنى أن

يطبق عندنا كما هو الحاصل في عدد من الدول


بأن يتم صرف علاوه تشجيعيه جديده تسمى

( علاوه بدل للأبناء )

وتوضع هذه العلاوه في حسابات الأبناء

بالبنوك اللي مسجلين فيها وتتم لغايه

أن يحصلوا على الوظيفه


وبالتالي فأن هذه العلاوه ستساعد الأبناء

في الأعتماد على أنفسهم


وكذلك ستخفف من تحمل تكاليف الأعباء الماليه

على الأسره

[بانغ بانغ]

تكلمت قبل في هالموضوع

انا معك قلبا وقالبا

الكويت والامارات عندهم

[بنت شرق]

تكلمت قبل في هالموضوع

انا معك قلبا وقالبا

الكويت والامارات عندهم

انا معاكم لانها سنة سنها الفاروق رضي الله عنه
كما اضيف مطلب راتب لكل ربة منزل ،،،اعتقد من حقهن الحصول على ذلك ،،،لاسباب عديدة منها بعض الحريم مالهم بالشغل خصوصا المتزوجات ،،

[MirusS]

مافي أحد رح يعترض عالفكره
انا مؤيد للفكره بشرط وضع شروط صارمه لهالعلاوه
وبالنسبه لمعاش ربة البيت ايضا مؤيد ولكن بشرط عدم وجود خادمه فالبيت :)

[بريق الحق]

انا معاكم لانها سنة سنها الفاروق رضي الله عنه
كما اضيف مطلب راتب لكل ربة منزل ،،،اعتقد من حقهن الحصول على ذلك ،،،لاسباب عديدة منها بعض الحريم مالهم بالشغل خصوصا المتزوجات ،،
توني ابي اقول
سبقتني اخت عكاشه

[بانغ بانغ]

انا معاكم لانها سنة سنها الفاروق رضي الله عنه
كما اضيف مطلب راتب لكل ربة منزل ،،،اعتقد من حقهن الحصول على ذلك ،،،لاسباب عديدة منها بعض الحريم مالهم بالشغل خصوصا المتزوجات ،،
اقتراحك جدا ممتاز ايضا

[ابن البيطار]

سعر النفط قبل سنه كان 125دولار والان سعر النفط 54 دولار

كل سنه وانت طيب مثل هذا الاقتراح اعتقد النظر فيه سيكون بعد سنوات اذا عادت اسعار النفط الى سابق عهدها

[بوحارب]

والله ياريت

ويكون راتب شهري ياخي على الأقل 400 ريال موافق

واتفق مع بنت شرق

يستاهلون اخواتنا ربّات البيوت

ماعندهم مدخول ولاشي :(

ولكن ابن البيطار حطمنا بتقريره عن النفط وكلامة سليم crazy

الحمدلله من قبل ومن بعد :)

[ودي أكون]

علاوة لتغطية مصاريف الابناء، .. وفي الاخير تروح حق الايبادات والنطاطيات وغيره وغيره ..،!؟ ( الا القليل جداً جداً )


فيتوو، والسموحه

[بوحارب]

علاوة لتغطية مصاريف الابناء، .. وفي الاخير تروح حق الايبادات والنطاطيات وغيره وغيره ..،!؟ ( الا القليل جداً جداً )


فيتوو، والسموحه

أعيد وأكرر

الرجاء من العزابية عدم الخوض في الأمور الاجتماعية

:)

حسد اعوذ بالله

[بريق الحق]

أعيد وأكرر

الرجاء من العزابية عدم الخوض في الأمور الاجتماعية

:)

حسد اعوذ بالله
ماعليك منها هي تدخل المواضيع يا انه اتقول شالهدف من الموضوع او تعلق على الحرقات (:

[MirusS]

ماعليك منها هي تدخل المواضيع يا انه اتقول شالهدف من الموضوع او تعلق على الحرقات (:

ههههههههه لاحظت ! Xd

[بوحارب]

ماعليك منها هي تدخل المواضيع يا انه اتقول شالهدف من الموضوع او تعلق على الحرقات (:

هههههههههههههههه :funny:

[ودي أكون]

أعيد وأكرر

الرجاء من العزابية عدم الخوض في الأمور الاجتماعية

:)

حسد اعوذ بالله

كلمة الصج صارت حسد، وللعلم تأكد اللي شايف الخير مايحسد :)

ولو انتو صادقين انكم تبون لفلوس لعيالكم.. خبروني عيادي العيال و الفلوس اللي اتجي للمواليد، ليش الاغلب يفسفسها عالفاضي :)


طمع اعرذ بالله

[ودي أكون]

ماعليك منها هي تدخل المواضيع يا انه اتقول شالهدف من الموضوع او تعلق على الحرقات (:

حسستني انك عنصر اساسي ومحاور جيد فالمواضيع :)

عموماً انا تاركه فن الردود لك :shy:

[بريق الحق]

كلمة الصج صارت حسد، وللعلم تأكد اللي شايف الخير مايحسد :)

ولو انتو صادقين انكم تبون لفلوس لعيالكم.. خبروني عيادي العيال و الفلوس اللي اتجي للمواليد، ليش الاغلب يفسفسها عالفاضي :)


طمع اعرذ بالله
اعرذ ؟؟
هذي جديده الصراحه في اي قاموس ؟

[بوحارب]

كلمة الصج صارت حسد، وللعلم تأكد اللي شايف الخير مايحسد :)

ولو انتو صادقين انكم تبون لفلوس لعيالكم.. خبروني عيادي العيال و الفلوس اللي اتجي للمواليد، ليش الاغلب يفسفسها عالفاضي :)


طمع اعرذ بالله

يه !!:)

ليون قاعدة معانا في البيت وتعرفين وش اللي يصير

وين حسن الظن حجيه :con2:

بعدين محد طلب شي من مخباج ههههه

[qatara]

انا معاكم لانها سنة سنها الفاروق رضي الله عنه
كما اضيف مطلب راتب لكل ربة منزل ،،،اعتقد من حقهن الحصول على ذلك ،،،لاسباب عديدة منها بعض الحريم مالهم بالشغل خصوصا المتزوجات ،،

نعم يتساهلون

وانا أؤيد نعم لربات البيوت التين لا يعملن

وليس لهن راتب تقاعدي او مطلقه

لكي لا يشجع بعضهن على الطلاق

[MirusS]

كلمة الصج صارت حسد، وللعلم تأكد اللي شايف الخير مايحسد :)

ولو انتو صادقين انكم تبون لفلوس لعيالكم.. خبروني عيادي العيال و الفلوس اللي اتجي للمواليد، ليش الاغلب يفسفسها عالفاضي :)


طمع اعرذ بالله

ان شالله يارب انتي الوحيده الي مايعطونج هالعلاوه :victory:

[ودي أكون]

يه !!:)

ليون قاعدة معانا في البيت وتعرفين وش اللي يصير

وين حسن الظن حجيه :con2:

بعدين محد طلب شي من مخباج ههههه

مخبه الدوله يعتبر مخبه كل قطري، يحاسب ويخاف على كل فلس ينصرف عالفاضي،

نعم في ناس محتاجه بس هاذول اعتقد قله،

الرواتب تقريباً افضل من السابق، التعليم والصحه مجاناً، والدوله تعطي شرهات سنوياً، الخ من الامور

المهم سؤال، قولي اذا الدوله عطتك 600 عالطفل الواحد، وانت محتاج المبلغ للطفل ف بتصرفه عليه.. حلو
لكن اللي عنده الخير، تظمن ان هالشخص راح يحافظ على فلوس الولد وبيتم يجمعه له..!!، والا بيقوم يفسفسه ويقول يالدوله مايكفي ..،!؟


قلت لك طمع ، ما صدقتني :tease:

[بنت شرق]

وانا أؤيد نعم لربات البيوت التين لا يعملن
وليس لهن راتب تقاعدي او مطلقه

لكي لا يشجع بعضهن على الطلاق

نعم يتساهلون

الحمد لله ،،،أخيرا وافقت على شي لصالح الحريم ،،،خطوة للامام ،،،وتحفظك مقنع

[qatara]

الحمد لله ،،،أخيرا وافقت على شي لصالح الحريم ،،،خطوة للامام ،،،وتحفظك مقنع

ليش ومن مته انا ضد الحريم

غلطانه لانكي غير محايده وغير منصفه

انا ضد من يشوهن الحريم وانوثة الحريم

اما التين فيهن خير فقدرهن على الراس

[ودي أكون]

ان شالله يارب انتي الوحيده الي مايعطونج هالعلاوه :victory:


بفضل الله الحمدلله الخير وايد ولله الحمد ( لئن شكرتم لأزيدنكم ) الحمدلله رب العالمين

بس نصيحه اخويه اخوي، عمرك لا تدعي على اخوك المسلم بدعاء ما فيه خير، نصيحه لوجه الله :)

[بنت شرق]

مخبه الدوله يعتبر مخبه كل قطري، يحاسب ويخاف على كل فلس ينصرف عالفاضي،

نعم في ناس محتاجه بس هاذول اعتقد قله،

الرواتب تقريباً افضل من السابق، التعليم والصحه مجاناً، والدوله تعطي شرهات سنوياً، الخ من الامور

المهم سؤال، قولي اذا الدوله عطتك 600 عالطفل الواحد، وانت محتاج المبلغ للطفل ف بتصرفه عليه.. حلو
لكن اللي عنده الخير، تظمن ان هالشخص راح يحافظ على فلوس الولد وبيتم يجمعه له..!!، والا بيقوم يفسفسه ويقول يالدوله مايكفي ..،!؟


قلت لك طمع ، ما صدقتني :tease:

ودي أكون فيه دول مطبقه قبلنا ،،،خلنا نشوف تجربتهم ،،،ونستفيد منهم ،،،كل تطبيق ممكن تصير فيه اغلاط ،،،بالمتابعة والرقابة بيطور أي نظام

[MirusS]

بفضل الله الحمدلله الخير وايد ولله الحمد ( لئن شكرتم لأزيدنكم ) الحمدلله رب العالمين

بس نصيحه اخويه اخوي، عمرك لا تدعي على اخوك المسلم بدعاء ما فيه خير، نصيحه لوجه الله :)

استغفر الله .. انا دعيت لج مب عليج وعشان مانخسر الدوله :tease:
غيرج محتاج
وانا انصج حب لأخيك الخير مثل ما اتحبه لنفسك :)
وعلى فكره أنا أييدت الفكره رغم اني مب مستفيد من الموضوع :nice:
عن الحسد عاد

[بوحارب]

مخبه الدوله يعتبر مخبه كل قطري، يحاسب ويخاف على كل فلس ينصرف عالفاضي،

نعم في ناس محتاجه بس هاذول اعتقد قله،

الرواتب تقريباً افضل من السابق، التعليم والصحه مجاناً، والدوله تعطي شرهات سنوياً، الخ من الامور

المهم سؤال، قولي اذا الدوله عطتك 600 عالطفل الواحد، وانت محتاج المبلغ للطفل ف بتصرفه عليه.. حلو
لكن اللي عنده الخير، تظمن ان هالشخص راح يحافظ على فلوس الولد وبيتم يجمعه له..!!، والا بيقوم يفسفسه ويقول يالدوله مايكفي ..،!؟


قلت لك طمع ، ما صدقتني :tease:crqzy

crazy

[ودي أكون]

استغفر الله .. انا دعيت لج مب عليج وعشان مانخسر الدوله :tease:
غيرج محتاج
وانا انصج حب لأخيك الخير مثل ما اتحبه لنفسك :)
وعلى فكره أنا أييدت الفكره رغم اني مب مستفيد من الموضوع :nice:
عن الحسد عاد

موب حسد والله يزيدهم من فضله، واتمنى تفهم سبب رفضي للفكرة اخوي الكريم

وعموماً، ترا التوقيع موب عندي هاا.. :)

والموضوع وجهات نظر، ف مافي داعي تلزم الكل يكون موافق، لان احنا بعد عندنا وجهات نظر، ورآي اوكيه :)

وللعلم هالمكافئه ان جات راح تشمل الكل، ويكفي ان كل اعيالنا بيكونون منهم، لكن هذا ما يمنع اني اقول رايي ووجهة نظري، لان التفكير عندي عقلي مو مادي :)


الله يصلحكم وايانا يارب

[MirusS]

موب حسد والله يزيدهم من فضله، واتمنى تفهم سبب رفضي للفكرة اخوي الكريم

وعموماً، ترا التوقيع موب عندي هاا.. :)

والموضوع وجهات نظر، ف مافي داعي تلزم الكل يكون موافق، لان احنا بعد عندنا وجهات نظر، ورآي اوكيه :)

وللعلم هالمكافئه ان جات راح تشمل الكل، ويكفي ان كل اعيالنا بيكونون منهم، لكن هذا ما يمنع اني اقول رايي ووجهة نظري، لان التفكير عندي عقلي مو مادي :)


الله يصلحكم وايانا يارب

فهمت سبب رفضج .. وللاسف مب مقنع
اشدخل الحين تخسر الدوله ! :funny: .. ترا كلها كمن ريال ويتيمع فحساب اليهال ! والعلاوه بتتضمن شروط صارمه للأولياء
وانا احترم وجهات النظر والاراء بس لما تكون مبنيه وبسبب مقنع هااا .. عاد انتي حسستني انج على درايه بظروف الكل !
الله يهديج ويصلج اختي ودي اكون :) ويرزقج الخير الوفير الواسع :) << دعوه لج مب عليج هاا

:taunt:

[H H]

اشوف ان الدوله تصرف مبلغ جيد عند كل ولاده , مثلاً 15 الف ريال , والفين شهرياً لكل طفل لين يوصل ال 21.
من بعدها خمس الاف لكل مواطن مالقى وظيفه , واذا رفض اكثر من ثلاث وظائف تتوقف العلاوه.

نفس النظام المطبق في سويسرا واستراليا.
للاسف عندنا مشكلة مشتركه مع بعض هالدول, معدلات النمو البشري بطيئه شوي, بكذا نشجع الكل انه يجيب كوم لحم , اقصد عيال.

والمبلغ الشهري يساعدهم في انهم يعيشون حياة كريمة ومايحتاجون لأحد.

[<اضرب واشرد>]

في بعض الدول الغربية يصرفون علاوة للأطفال (بهدف) زيادة عدد السكان لأن أعداد المواطنين تتناقص ، فيشجعون على الولادات

في قطر الدولة تدعم الأطفال بصور أخرى .. مثلا اكتتاب جديد لشركة (أ) للأطفال دون سن 18 .. ربحه يزيد عن العلاوة التي تطالبون بها (500 ريال في الشهر على 15 سنة = 90 ألف) .. فما بالكم لو كانت أكثر من شركة ؟

[يمامـة]

ليش لاء.. مع كل فكرة فيها منح المواطن جزء من خيرات بلاده مهما تعددت المسميات..

[ولي العهد]

اصبحنا واصبح الملك لله ... اتفق مع الاقتراح الاول وبشدة وبخصوص الاقتراح الثاني تصرف علاوة للام الي مهنتها مربيه
والحمدلله على كل حال اهم شي الصحة

[moonبنتnight]

أعتقد أنها تنصرف بس لفئة معينه ..

[غريب الدّار]

ان صرفوها فماهي غريبة على بلاد الخير وقايدها تميم

وان ماصرفوها فكثر الله خيرهم وبيض الله وجوههم دنيا وآخرة على المستوى اللي الشعب عايش فيه من عز من فضل الله تعالى ثم فضل قايد البلاد وابوه من قبله الله يحفظهم

[بانغ بانغ]

في بعض الدول المتقدمة .. يعتبرون هذي العلاوة ... سبب لزيادة النسل


ليش لا ...


السويد وفنلندا .. من أكثر دول العالم رخاءا في مستوى المعيشة ... لما لا يتم انشاء بعض العلاوات اللي من شأنها تحسين الدخل

في ناس متقاعدين وعندهم اعيال وظروف

اعرف واحد من الربع ما شاء الله تبارك الله عنده 9 وهو لحين ما طاف الأربعين ..

نعم سينير ووضعه مرتاح ... بس هذه العلاوة بتفيده في امور اخرى

غريب امر بعض الناس .. لا علاوة ابناء راضين ولا اجازة ابوة يبون ولا شي عاجبهم

ياخي هاجروا هههههههههه


امزح خلاص تموا