مــســكــين راقـــــد .... في ذمــة مــن ...؟

[بومحمد المطاوعه]

السلام عليكم ورحمه الله وبركاته ..

صبحكم .. الله .. بالخيرر

شخباركم .. ياجماعه ..

موضوعي .. اليوم

بعض العمال او الدريوليه راقدين في صلاة الــجــمــعـــه ..!!

الصراحه دائمآ وفي كل خطبه جمعه يا اشوف كم دريول راقد ..! او عامل المباني ..

انزين يالكفيل .. انت المسؤول عنه ..

العامل ام الدريول ..

اذا قلنا .. الدريول .. يشتغل لين انصاف الليالي .. وفي الصباح يقوم .. ويشتغل في البيت ..
من غسيل .. الحوش او السيارات او ماشابهه ذالك ..!

لماذا لم تراعيه في هذا اليوم الفضيل ..؟

على الأقل خله يرقد والسبت الصبح .. يشتغل
او يقوم يوم الجمعه الساعه 9 الصبح .. يشتغل لوقت دخول الأذان الأول .. من صلاة الجمعه

ولا تخليه يدخل ويرقد في المسجد ..!

كأنهم نسو ان الرسول عليه الصلاة والسلام وصى بهم ..

عَنْ عَبْدِ اللَّهِ بْنِ عُمَرَ يَقُولُ: سَمِعْتُ رَسُولَ اللَّهِ صَلَّى اللَّه عَلَيْهِ وَسَلَّمَ يَقُولُ:

((كُلُّكُمْ رَاعٍ وَكُلُّكُمْ مَسْؤول عَنْ رَعِيَّتِهِ، الإِمَامُ رَاعٍ وَمَسْؤولٌ عَنْ رَعِيَّتِهِ، وَالرَّجُلُ رَاعٍ فِي أَهْلِهِ وَهُوَ مَسْؤولٌ عَنْ رَعِيَّتِهِ، وَالْمَرْأَةُ رَاعِيَةٌ فِي بَيْتِ زَوْجِهَا وَمَسْؤولَةٌ عَنْ رَعِيَّتِهَا، وَالْخَادِمُ رَاعٍ فِي مَالِ سَيِّدِهِ ومَسْؤولٌ عَنْ رَعِيَّتِهِ،
قَالَ: وَحَسِبْتُ أَنْ قَدْ قَالَ: وَالرَّجُلُ رَاعٍ فِي مَالِ أَبِيهِ وَمَسْؤولٌ عَنْ رَعِيَّتِهِ وَكُلُّكُمْ رَاعٍ وَمَسْؤولٌ عَنْ رَعِيَّتِهِ))


انا مابي القى اللوم .. على الكفيل .. ولا على صاحب شركه ..

البعض منهم يجردهم جرد فالشغل والبعض منهم هم يسهرون .. بنفسهم ... وبعدها .. يستغل وقت الصلاه للنوم ..

انا عن نفسي .. مب كاتب .. ولا بشرح .. اشلون اتصرف مع اي دريول او اي عامل شفته .. راقد جنبي .. او قدامي ..

علشان البعض مايقول يفوشر .. او ماشابهه من .. الانتقاد ..

ولكن .. الي بقوله
انــت يالكــفــيــل المسؤول ان كنت السبب .. وهذا .. العامل .. في رقبتك ..

ان كنت .. ظالم .. في فرصة راحة .. هذا العامل .. راجع نفسك .. ياخوي المسلم
لأن هذا كله .. يعتبر .. حق من حقوق العامل .. المسكين

كما قال الله تعالى: فَمَنْ عَفَا وَأَصْلَحَ فَأَجْرُهُ عَلَى اللَّهِ إِنَّهُ لَا يُحِبُّ الظَّالِمِينَ {الشورى:40}

وعلى المسلم أن يحذر من .. ظلم العامل .. وأكل حقه فقد شدد الإسلام في تحريم ذلك
فقال النبي صلى الله عليه وسلم قال: ثلاثة أنا خصمهم يوم القيامة، رجل أعطي بي ثم غدر، ورجل باع حراً فأكل ثمنه، ورجل استأجر أجيراً فاستوفى منه ولم يوفه أجره
رواه البخاري



.. الله يبعد عنكم الحرام ويجنب عنكم الظلم ..
ويرزقكم الحلال .. الطيب :)

تحياتي .. للجميع

[R 7 A L]

كلامك صحيح

تصدق الشركات تراعي اكثر من البيوت

[شبح الصمت]

الله يجزاك خير بومحمد

كلامك طيب وهالشيء المفروض يصير ..


ياخي في بيوت ما يوقف الدريول

ور ور ور من مكان لي مكان


والمشكلة يتحلطمون عليه ويغلطون ويزاعقون الكبار والصغار ..


وعقب لي طق قالوو طق الدريول ..


لا كلش عدااال ما راح يطق الا راح يهاجر من الديره بكبرها ..


اعرف ناس والله دريولهم ما يوقف وفوق ذي يزاعقون ويسبووونه


ليش ياخي هذه انسان وبني آدم عنده مشاعر لي شفته مهب قايم بواجبه حكه

اما قايم وتغلط ..


الله المستعان

[بومحمد المطاوعه]

كلامك صحيح

تصدق الشركات تراعي اكثر من البيوت

صدقت ..

ولكن .. نتمنى ان يراعون شعورهم المساكين ..

[بومحمد المطاوعه]

الله يجزاك خير بومحمد



ويجزاك يارب ..





كلامك طيب وهالشيء المفروض يصير ..
ياخي في بيوت ما يوقف الدريول
ور ور ور من مكان لي مكان
والمشكلة يتحلطمون عليه ويغلطون ويزاعقون الكبار والصغار ..
وعقب لي طق قالوو طق الدريول ..
لا كلش عدااال ما راح يطق الا راح يهاجر من الديره بكبرها ..
اعرف ناس والله دريولهم ما يوقف وفوق ذي يزاعقون ويسبووونه
ليش ياخي هذه انسان وبني آدم عنده مشاعر لي شفته مهب قايم بواجبه حكه
اما قايم وتغلط ..
الله المستعان

اي والله ياخوي للأسف ..
البعض يهينه على اساس انه كافر ..

اذا رب العالمين .. نشأه ورزقه الأكل والعيشه .. انت من .. لتهين كرامته ..

للأسف ..
تحياتي لك يالغالي :)

[العنيده]

مثل مااحنا نحب نتجهز لصلاه الجمعه من حقهم بعد ..
احس السواق على الاقل من 10 الصبح المفروض يكون فاضي خلاص لبعد الصلاه ..

تسلم على التذكير والله يغفر لنا ان اخطانا في حقهم ان شاء الله ..

[بومحمد المطاوعه]

مثل مااحنا نحب نتجهز لصلاه الجمعه من حقهم بعد ..
احس السواق على الاقل من 10 الصبح المفروض يكون فاضي خلاص لبعد الصلاه ..

تسلم على التذكير والله يغفر لنا ان اخطانا في حقهم ان شاء الله ..

صدقتي بارك الله فيج ..

المفروض والله ..
ولكن .. البعض ..

الله يهديهم ..

[راجي الْعفو]

وعليكم السلام و رحمة الله و بركاته ..

يصبحك بالخير يا راعي الجمس ..

عاد هذا قبل ارحموهم الحين مع قوانين العمال الجديدة خوفي يتبهدل الكفيل ..

صدقت في كلامك ويجب مراعاة العامل و عدم تكليفه فوق طاقته فهو انسان مستأجر لا ملك لك ..

ولنا في معاملة النبي عليه الصلاة و السلام لأنس بن مالك رضي الله عنه أسوة حسنة ..

تحياتي ..

[مختلفة عقليا]

السلام عليكم

هالناس والله م اعرف اشلون ذمتهم ., والله حرام

الحمدالله ماعندي دريول وما احس بتنايب الضمير ^^

ويسلموو

[بومحمد المطاوعه]

وعليكم السلام و رحمة الله و بركاته ..

يصبحك بالخير يا راعي الجمس ..

عاد هذا قبل ارحموهم الحين مع قوانين العمال الجديدة خوفي يتبهدل الكفيل ..

صدقت في كلامك ويجب مراعاة العامل و عدم تكليفه فوق طاقته فهو انسان مستأجر لا ملك لك ..

ولنا في معاملة النبي عليه الصلاة و السلام لأنس بن مالك رضي الله عنه أسوة حسنة ..

تحياتي ..



ويصبحك بالنور والسرورر ياراعي المرسدس

ههههههه تهقى يتبهدل الكفيل .. ماعتقد ياخوك ..

عليه افضل الصلاة والسلام

نتمنى مراعاتهم


بارك الله فيك

[بومحمد المطاوعه]

السلام عليكم

هالناس والله م اعرف اشلون ذمتهم ., والله حرام

الحمدالله ماعندي دريول وما احس بتنايب الضمير ^^

ويسلموو


وعليكم السلام ورحمه الله وبركاته ..

الله يهديهم .. ويجعل الرحمه .. في قلوبهم ..

الحمدلله ان ماعندج .. دريول

[بنت مريخ]

الله يهديهم
البعض يفكر الدريول ورث او ملك
مايعرف الراحه ابدااا

[يمامـة]

معاك في كل حرف يا ابو محمد..

وجزاك الله خير على التنبيه..

[بومحمد المطاوعه]

معاك في كل حرف يا ابو محمد..

وجزاك الله خير على التنبيه..

ويجزاكي .. اختي .. الكريمه

بارك .. الله .. فيج

[بومحمد المطاوعه]

الله يهديهم
البعض يفكر الدريول ورث او ملك
مايعرف الراحه ابدااا

اي والله ..
لو فيهم خير .. خل يكدون .. عيالهم .. مثل مايكدون هالمساكين ..

[بومحمد المطاوعه]

بارك الله فيكم ..

[دااانة قطر]

وعليكم السلااام ورحمة الله وبركااته

بصرااحة موضوعك يعور القلب

صج في خدم يكسرون الخااطر .. يصحون قبل هل البيت
الخاادمة تقوم تكوي وتجهز الريوق وووووو
والسااايق يقوم يغسل الموااتر وينظفها ويخم الحوش

بعدها تبتدي الخاادمه بشغل البيت الاساااسي من خم وتنظيف وغسيل
ويبتدي الساايق مشواار التوصيلات ولا روح جيب ولا حط ولا سو
ولا اللي عندهم موااعيد استغرب منهم محرمين عليهم يتهنون بالمكيف
تعاال شوفهم في عز الصيف بدون مكيفاات شلون حاالتهم
ولين شمو منهم ريحة العرق صرخوا عليهم وسبوهم
حتى الشغاالة لاشمو منها ريحة الطباااخ هاوشوها والمشكله هم مصوتين عليها وهي تطبخ

انزين انتوا السبب ؟؟ ليش هالعبودية؟؟ من أنتم ؟؟












بالنسبة للنوم في المسجد.. مدري هي جاات عالدريولية بس ولا ؟؟!!
لأني اشوف حتى في مصلى الحريم سواء في المجمعات .. كلية .. اسوااق .. اشوفهم نايمين ولا مسدحين يريحون
فمادري ليش لفتوا انتبااهك بس الدريولية؟؟:secret:

[بومحمد المطاوعه]

وعليكم السلااام ورحمة الله وبركااته

بصرااحة موضوعك يعور القلب

صج في خدم يكسرون الخااطر .. يصحون قبل هل البيت
الخاادمة تقوم تكوي وتجهز الريوق وووووو
والسااايق يقوم يغسل الموااتر وينظفها ويخم الحوش

بعدها تبتدي الخاادمه بشغل البيت الاساااسي من خم وتنظيف وغسيل
ويبتدي الساايق مشواار التوصيلات ولا روح جيب ولا حط ولا سو
ولا اللي عندهم موااعيد استغرب منهم محرمين عليهم يتهنون بالمكيف
تعاال شوفهم في عز الصيف بدون مكيفاات شلون حاالتهم
ولين شمو منهم ريحة العرق صرخوا عليهم وسبوهم
حتى الشغاالة لاشمو منها ريحة الطباااخ هاوشوها والمشكله هم مصوتين عليها وهي تطبخ

انزين انتوا السبب ؟؟ ليش هالعبودية؟؟ من أنتم ؟؟



:secret:

اي والله صدقتي قسم بالله ..

مادري شنو يحسوون فيه هالبشر ..

ليش .. هالتصرف .. الله اعلم :weeping:





بالنسبة للنوم في المسجد.. مدري هي جاات عالدريولية بس ولا ؟؟!!
لأني اشوف حتى في مصلى الحريم سواء في المجمعات .. كلية .. اسوااق .. اشوفهم نايمين ولا مسدحين يريحون
فمادري ليش لفتوا انتبااهك بس الدريولية؟؟:secret:


لأن اكثر شي اشوف النوم .. في خطبة الجمعه .. بغض النظر عن باقي الصلوات ..

تتشوفينهم قاعدين منزلين راسهم .. وراقدين ..

والبعض يشوخر والله للأسف ..

مع ان في شيبان والله عمرهم .. يمكن .. فالسبعين ماشاءالله عليهم ..
قاعدين على الكرسي ومنتبهين للخطيب ..

وهالعامل تشوفين عمره 18 وراقد ...

في ذمة كفيله اذا مسهره وكاده كد ..

[بوحارب]

احسنت بوحمود وجزاك الله خير

وياريت بعد تكتب لنا عن اللي يرقد عن صلاة الفجر
واذا جى وقت الدوام تحصله اول واحد محضّر !!!

الله يهدينا ويهديهم

[بومحمد المطاوعه]

احسنت بوحمود وجزاك الله خير

وياريت بعد تكتب لنا عن اللي يرقد عن صلاة الفجر
واذا جى وقت الدوام تحصله اول واحد محضّر !!!

الله يهدينا ويهديهم

احسن الله .. شانك ..

اللهم .. امين ..

الله يهدينا .. واياكم ..

ان شاءالله .. بكتب ..

في قسم الشريعه ..

لأن الموضوع هذا .. مب للحوار ..

للتنبيه لازم يكون ..

تحياتي لك

[بومحمد المطاوعه]

الحمدلله ,,
ارتحت وايد
من هذي الجمعه

بمد بصري ماشفت ولا واحد راقد ,,
لا عمال ولا دريوليه ,,

الحمدلله ..
ان شاءالله البعض اتعض ووصى الأدريول
وراع الشعور
او راع شعور العامل ,,

الله يحفظ الجميع يارب ,,
ويرزقكم الحلال الطيب

[أم محمد 90]

تصدق بو محمد لما قريت العنوان عبالي عن الاهل الي مريحين عيالهم ويقولون (مسكين راقد )

سواء عن مشوار او صلاة او دوام :secret:

[بومحمد المطاوعه]

تصدق بو محمد لما قريت العنوان عبالي عن الاهل الي مريحين عيالهم ويقولون (مسكين راقد )

سواء عن مشوار او صلاة او دوام :secret:


بووووووووو هذي موضوع ثاني ,,

وللأسف في ناس جذي ,,

مسكين تعبان سهران فليل
مسكين مايقدر يقوم


استغفرالله

[بومحمد المطاوعه]

السلام عليكم

طبعآ اليوم الجمعه

والنايمين من العمال عدد كبير


في ذمة من ؟؟؟

يامن تملك شركه
ارحم عمالك

لاحول ولاقوه الا بالله

[معماري قطري]

بعضهم سهرانين يتابعون فلم هندي طويل في سينما الخليج

[Hassenfatima]

لا حول ولا قوة الا بالله العلي العظيم

[بومحمد المطاوعه]

بعضهم سهرانين يتابعون فلم هندي طويل في سينما الخليج

عادي تحصل جذي ياخوي
وتحصل لا

البعض يخلونهم يكرفوون كرف

[Boost]

والله السواقين عندنا كله في غرفتهم وسهر مع التلفزيون وأفلام هنديه لين الصبح

يشتغلون كم مره في اليوم... واحد يروح الصبح توصيل... العصر يرجع يوصل .... ويمكن يطرشونه كم مطراش بعد العصر لكن مرتين ولا 3 في الاسبوع ومقاضي أغراض للبيت
الثاني يمكن يروح يودي أكل وأغراض للصبيان في الزرع مره ولا مرتين في الأسبوع ويتناوب مع الأول

الثالث سمنديقا بس كان أمين والفجر نحصله في المسجد عكس الاثنين الباقيين

الحين صارو ال2 اللي يسهرون لين الصبح مع شاروخان وسلمان خان في ذمة المعزب اللي حاط لهم التلفزيون أكيد :) خلاص اشيل التلفزيون علشان يشردون وأصير أنا اللي ما أرحم وما أعطيهم فرصة للراحة وما عندي ذمه ولا ضمير

مايعرفون المسجد إلا يوم الجمعة ويرقدون في الخطبة بعد لانهم مايفهمون شي من اللي ينقال !! حط لهم الخطبة بالأوردو ولا مالايالاب ... أصلا نص الموجودين من جنسيتهم في أغلب المساجد

وآخرتها الناس ظالمين والناس ماترحم

الحين باقي عندي واحد وكارفه كرف اليهد :) والحمدلله مستانس ما يتكلم المهم عنده تلفزيون ودش هنود يستانس

[qatari911]

تصدق بو محمد لما قريت العنوان عبالي عن الاهل الي مريحين عيالهم ويقولون (مسكين راقد )

سواء عن مشوار او صلاة او دوام :secret:

الله يخلي امي ويطول بعمرها ويخلي امهاتكم لكم ويطول بعمارهم
امي ماتخلينا ننام
لو سهران وراقد بعد صلاة الفجر صلاة الجمعة على الساعة تسع تكسر الباب تقول حد هاجم علينا هههه
ودريولنا مريحينه والساعة 10 بالكثير بفراشه بس ساعات اذا مريت من عند غرفته احصله سهران على التلفزيون

[ضوى]

الله يخلي امي ويطول بعمرها ويخلي امهاتكم لكم ويطول بعمارهم
امي ماتخلينا ننام
لو سهران وراقد بعد صلاة الفجر صلاة الجمعة على الساعة تسع تكسر الباب تقول حد هاجم علينا هههه
ودريولنا مريحينه والساعة 10 بالكثير بفراشه بس ساعات اذا مريت من عند غرفته احصله سهران على التلفزيون


ههههه موتني ضحك الله يحفظ االوالدة ويطول بعمرها كانها انا ازلزلهم وقت الصلاة

[بصمة قطرية]

جزاك الله خير بومحمد على التذكير ..
أحب أضيف نقطة ..
لا تظلم الكفااء الحين كل الدريولية عندهم جوالات و أجهزة آيباد
يعني ممكن سهرانين عليها ..
مع أهلهم و لا ربعهم ..
مب كله نظلم الكفيل ..