جذب عشان ترد فلوسك

[المحاميه]

السلام عليكم ورحمة الله وبركاته



عيب عليك يا بني آدم انك تجذب على خلق الله عشان مصلحتك وعشان تمشي امورك وترد فلوسك ..

احنا اشلنا خص اذا انت ضيعت فلوسك وماتوفقت ف اختيارك .. ؟

يعني اذا ماصابت معاك احنا ندفع الثمن؟


طبعاً تعرفون ان احنا في زمن تنعدم فيه المصداقيه للاسف الشديد ..


السالفه باختصار شديد يااخوان ..

اصحاب الخدم والدريوليه اللي كل يوم والثاني يتنازلون عنهم ويطلبون فيهم اسعار خياليه .. ولما تسأل عن سبب التنازل طبعاً يعطيك سبب وهمي لا اساس له من الصحه ويمدحلك ف هالدريول او هالخدامه طبعا كله كلام فالهوى ..

الزم ماعليه انه يصرف اللي توهق فيه ويقبض فلوسه اضعاف اضعاف ..

اتقوا الله في اللي قاعد تسونه ..

يعني اول شي الناس بيدعون عليك .. ثاني شي بتكون قطعت رزق هالعامل ويمكن تخلي اللي ياخذونه يعصبون عليه الخ بسبت كلامك المكذوب ..

وانت شلون اصلا بتهنى ف فلوس حصلتها بالتحايل؟


اختي واخوي ... اللي يبي يتنازل عن خادمه او دريول يكون صريح ويقول سبب التنازل الحقيقي ويترك للناس حرية الاختيار مع العلم بالعيب مب تستخدمون اسلوب الغش للخلاص..!

طبعاً كلامي السابق .. من وحي تجربه شخصيه ..


الله المستعان ..

[R 7 A L]

الحياة تعلم
والقصص كثيرة
المفروض اي واحد/ة منا بيأخذ عامل من شخص متنازل منه يشرط على الكفيل مدة تجربه اذا ماصلح يرجعه له

[بانغ بانغ]

انها العبودية المقننة

كلامك صحيح

[بومحمد المطاوعه]

اي والله صدقتي


وعليكم السلام ورحمه الله وبركاته ..

بارك الله فيج
البعض لا ذمه ولا ضمير .. يبي يصرف .. اغراضه ..

مايفتكر .. فالذمه .. والعياذ بالله ..

[شبح الصمت]

وعليكم السلام ورحمة الله وبركاته ،،،


صدقتي يالمحامية يا كثر هالناس ..

ما جات على الخدم آلا في اشياء ثانية بعد يلفون ويدرون ..

ياخي خلك صادق ورزقك وين ما كان بتاخذه ..


شوفي يا المحامية ومن واقع تجربة انا كنت اشتغل في العقارات وتركتها لانه ومع احترامي مش الكل في ناس طبعاً فيهم خير وخير وصادقين

بس الاغلبية يلفون ويدورون وهالشيء الي خلاني اطلع من هالشغله مع انه الحمد لله كنت اسست لي قاعده وهرم من المستثمرين والحمد لله


طلعت بسمعه طيبه من السوق
اما البعض استغفر الله العظيم ان ما كذب يحسب انه ما راح يجيه رزقه ..


اللهم اغفر لنا وارحمنا فوق الارض وتحت الارض ويوم العرض

[حنظلة]

للأسف اغلب الناس مايدرون ان البركة اهم من قيمة المبلغ

[h9466]

:nice:
للأسف اغلب الناس مايدرون ان البركة اهم من قيمة المبلغ