اثنان لا اثق بهمها أبداً

[بوحارب]

السلام عليكم

اثنان مافيه امل أصدقهم او اثق في كلامهم

البنوك وشركات الاتصالات

مافيه امل بنك يسوي دعاية عشان يربحك ويعرض نفسه للخسارة

ومافيه امل شركة اتصال تسوي خصم عشان تسولف برخيص

وأول ماشوف دعاية لهم
على طوووول يجي في بالي شكل الهرامي :)

تعرفون شكل الهرامي ؟!؟

من مثلي ؟؟

تحياتي

[R 7 A L]

ماراح يعرضون انفسهم للخسارة ولا حتى بيقربون من راس المال
بس راح ينزلون شوي من ارباحهم الخياليه
يعني ربحانين ربحانين


عموماً انا معك (:

[بوحارب]

ماراح يعرضون انفسهم للخسارة ولا حتى بيقربون من راس المال
بس راح ينزلون شوي من ارباحهم الخياليه
يعني ربحانين ربحانين


عموماً انا معك (:

صدقت

اركب الموتر دامك معي :)

[الحياة الخالدة]

إي نعرف شكله .. شوف مشاركتك على جنب صوب اليمين هههههههه
المهم
مب انت اللي مرة قلت لنا عن عرض لإحدى شركات الاتصالات في العيد مدري اليوم الوطني
فيه المسجات و المكالمات بلاش
اذا مب انت .. العذر و السموحة

و اذا البنوك حجزوا حساباتك
و الاتصالات قطعوا جوالك
ترا المنتدى مب مسؤول

[بومحمد المطاوعه]

هههههههههههه

اهم شي .. الهرامي ..

[النهار]

ان بعض الضن اثم
هههههه
تحصل مسوين عرض على المكالمات الخارجيه العامل بدال مايكلم هله 10 دقائق يتذكر انه في خصم يقول له فل
يسحبها ساعه انه فن التسويق ياضيابه

[المحاميه]

فيه جنسيات بعد مافي امل تصدقها


:(

[Bo jassim 33]

بالعكس اشوف بعض وليس كل

بعض العروض اللي تسويها كيوتل حلوة مثل مكالمه الدول المجاوره او الاجنبيه بسعر اقل من العادي

اشوف هالعرض ممكن يستفيد منه من له اهل او اصدقاء خارج قطر

وخاصه ايضا مع وجود الشركه المنافسه الاخرى

اما بخصوص البنوك :

فأنصح بالتعامل مع البنوك الاسلاميه

عالاقل : معروفه قيمه السلفه وعدد الاقساط وقيمتها وعدد السنوات وخاصيه عدم تاجيل القسط

والله يعيننا من اقساط البنوك

[ودي أكون]

إي نعرف شكله .. شوف مشاركتك على جنب صوب اليمين هههههههه
المهم
مب انت اللي مرة قلت لنا عن عرض لإحدى شركات الاتصالات في العيد مدري اليوم الوطني
فيه المسجات و المكالمات بلاش
اذا مب انت .. العذر و السموحة

و اذا البنوك حجزوا حساباتك
و الاتصالات قطعوا جوالك
ترا المنتدى مب مسؤول

هههه حبتيييين

قومي قومي يلا انا عازمتج عالغدى هههه

[بانغ بانغ]

والجمعيات بو حارب

اكره دعاياتهم

لهم مال كلب

بخصوص الاتصالات المشكلة ان اللي يزعجك نفسهم مال اوريدو ...

[بوحارب]

إي نعرف شكله .. شوف مشاركتك على جنب صوب اليمين هههههههه
المهم
مب انت اللي مرة قلت لنا عن عرض لإحدى شركات الاتصالات في العيد مدري اليوم الوطني
فيه المسجات و المكالمات بلاش
اذا مب انت .. العذر و السموحة

و اذا البنوك حجزوا حساباتك
و الاتصالات قطعوا جوالك
ترا المنتدى مب مسؤول
يعني انا هرامي :weeping:

ايه انا بس كان عرض ناجح ومب كل مره عروضهم صادقة

بلا أنتوا المسؤولين عن آي ضرر يحصلي ;)



هههههههههههه

اهم شي .. الهرامي ..
;)

[يمامـة]

يشوب اغلب الاعلانات صبغة الكذب مب بس شركات الاتصال و البنوك..
انت شوف دعايات الشامبو وبتعرف انهم حرامية يبوقون فلوسك يعطونك منتج يضرك وما يفيدك..

[بوحارب]

ان بعض الضن اثم
هههههه
تحصل مسوين عرض على المكالمات الخارجيه العامل بدال مايكلم هله 10 دقائق يتذكر انه في خصم يقول له فل
يسحبها ساعه انه فن التسويق ياضيابه
ياريت يسوون عروض على الذهب :(


فيه جنسيات بعد مافي امل تصدقها


:(
الكل فيه الزين والشين


بالعكس اشوف بعض وليس كل

بعض العروض اللي تسويها كيوتل حلوة مثل مكالمه الدول المجاوره او الاجنبيه بسعر اقل من العادي

اشوف هالعرض ممكن يستفيد منه من له اهل او اصدقاء خارج قطر

وخاصه ايضا مع وجود الشركه المنافسه الاخرى

اما بخصوص البنوك :

فأنصح بالتعامل مع البنوك الاسلاميه

عالاقل : معروفه قيمه السلفه وعدد الاقساط وقيمتها وعدد السنوات وخاصيه عدم تاجيل القسط

والله يعيننا من اقساط البنوك
أشكرك ع الرد الطيب بوجاسم

اتفق معاك مافيه افضل من البنوك الاسلامية
ولو انها تقصب الواحد قصاب :)




هههه حبتيييين

قومي قومي يلا انا عازمتج عالغدى هههه
فيه العافية


والجمعيات بو حارب

اكره دعاياتهم

لهم مال كلب

بخصوص الاتصالات المشكلة ان اللي يزعجك نفسهم مال اوريدو ...
هههههههههه

مال الاتصالات يقهروني لين تتصلي وحدة تعرض علي خدمة جديدة
زين اشمعنى يعني وحدة
ياخي انا خجول وماقدر استفسر براحتي :(

هرامية


يشوب اغلب الاعلانات صبغة الكذب مب بس شركات الاتصال و البنوك..
انت شوف دعايات الشامبو وبتعرف انهم حرامية يبوقون فلوسك يعطونك منتج يضرك وما يفيدك..

كل شي تقولينه انتي صح

[الحياة الخالدة]

يعني انا هرامي :weeping:

ايه انا بس كان عرض ناجح ومب كل مره عروضهم صادقة

بلا أنتوا المسؤولين عن آي ضرر يحصلي ;)



;)

آهااااااا
يعني ما خانتني الذاكرة الحمد لله
يعني البرودكاست اللي انت حاطه تقص علينا بخصوصه
ممكن تثق بهم
تبي تستفيد بروحك .. صح :tease:

[Al-Kuwari]

شي طبيعي يابو حارب ان الشركة تبي تربح لانها شركة ربحية فالنهاية

وشي طبيعي ان الدعاية او الدسكاونت اللي يعطونك اياه للحين فيه هامش ربح لان بالنهاية في اجارات ورواتب عمال ودفعات للبضاعة وخلافه

لكن المشكلة الله يسلمك فالاعلانات المضلله اللي تكون الدعاية بشكل والخدمه المعلن عنها بشكل اخر او فيها مبالغ مخفية مايعلنون عنها عند الاشتراك مثلا كمثال بسيط للتوضيح

اشترك بالخدمه الفلانية بـ 33 ريال بالشهر وخلاص مايلمح لك باي شروط او احكام للخدمه وحتى يوم تروح تشترك الموظف مايوضح لك كمثال لو اشتركت لازم تستمر الخدمه معاك 6 شهور مثلا ومايجوز تلغيها قبل انقضاء المدة هذي او رسوم تفعيل الخدمه 100 ريال ماتم الاعلان عنها

والصراحة انا اهني ما الوم الشركات لان القانون يسمح لهم بالتضليل فالدعايات

في امريكا مثلا وبريطانيا الدولة تسن قوانين خاصه بالدعايات والاعلانات والشركة مايجوز تضلل العميل وفي حالة ضللت العميل , من حق العميل رفع قضية وطلب تعويض والشركة تتغرم ويتوجه لها انذار

اتمنى من وزارة التجارة والاقتصاد انها تقنن وتوضح عملية الدعايات وتمنع الدعايات المضلله اللي ما تكون واضحة واتمنى بعد انها تقدم دورات للعملاء لزيادة الوعي للمستهلكين كمثال قبل ما تشتري شي استفسر ؟ هل في فتره محددة كأقل اشتراك؟ هل في رسوم تثبيت او تفعيل او الغاء الخدمه وخلافه

لا تروح كمستهلك تطلب الخدمه وتدفع وتمشي بدون ماتسأل وتعرف اللي لك واللي عليك

[Aaziz]

ههههههههههه مستقعدين لك بوحارب :nice:

شوف يا طويل العمر ،، الاتصالات نعم انا معاك ولكن البنوك ،، اتوقع اقل من الاتصالات بكثير
وفي الحالتين الموضوع يوقف علينا .. نسئل و نستفسر عن العروض عدل مدل .
قبل ايام قدمت على قرض في بنكي .. الموظف قطري و سبعين نعم فيه حبوووب ولا اعرفه ابد ،، المهم قالي لي شرايك انقلك لعضويه كبار العملاء :omg: << كشيت من المصطلح
سالته ايش الفرق ،، و صار كانه ببغا ورى بعض يقول لي المميزات و كل ميزه افضل من الثانيه ،، حتى الباركنغ الخاص متوفر :rolleyes2:
قاطعته ،، لحظه لحظه .... هذا كله بدون مقابل ؟
توهق شوي هههه قال لي لا مبلغ رمزي في السنه و اساسا من مميزات هذي العضويه انه فيه نسبه عموله على القرض اقل من العميل العادي و فقط الفارق في نسبه عمولتك في القرض الي مقدمه بين عميل عادي و غير عادي ،، يغطي تكلفه هذي العضويه لسنوات قدام .

هنا اقتنعت و حولت و انا مقتنع و حاليا قاعد استغل هذي المميزات بذكاء خصوصا في سالفه الفيزا و الاميال .

بوحارب اهداء :nice:

https://www.youtube.com/watch?v=WaL2krxVnv4

[توشيبا]

كلو نفرات هرامي كبير

[رهج السنابك]

يشبه منو الهرامي

[لبيبة]

الاتصالات دايما تخدع، ولازم تفكر قبل لتختار العرض الانسب لك والاقل ضررا عليك،

البنوك ممكن تخدع احيانا، لكن بعض الناس ما تنطلي عليهم خدع البنوك،

وفاهمين يحسبونها صح، فيعرفون يختارون المنتج اللي يناسبهم او الخدمات اللي تناسبهم.

[حسن]

لا اتفق معك

اعتبر بدونهم كان الحال لله يعلم به

وفي كلتا الحالتين الاثنين مستفيدين بالنسبه للبنوك وبالنسبه للاتصالات

واللي بيشغل مخه عدل هو المستفيد

هذه نظرتي

:)

[بنت شرق]

اعتقد الاتصالات اساليبهم ودعايتهم مضلله ،،،اكثر ،،،البنوك بدرجه اقل

[panda]

انا واحد بس ما اثق فيه: الكذاب :)

[بوحارب]

آهااااااا
يعني ما خانتني الذاكرة الحمد لله
يعني البرودكاست اللي انت حاطه تقص علينا بخصوصه
ممكن تثق بهم
تبي تستفيد بروحك .. صح :tease:
ممممم الله يسلمج حطيته عقب ما جربته بنفسي

وقلت أفيد اخواني واخواتي الأعضاء :(


شي طبيعي يابو حارب ان الشركة تبي تربح لانها شركة ربحية فالنهاية

وشي طبيعي ان الدعاية او الدسكاونت اللي يعطونك اياه للحين فيه هامش ربح لان بالنهاية في اجارات ورواتب عمال ودفعات للبضاعة وخلافه

لكن المشكلة الله يسلمك فالاعلانات المضلله اللي تكون الدعاية بشكل والخدمه المعلن عنها بشكل اخر او فيها مبالغ مخفية مايعلنون عنها عند الاشتراك مثلا كمثال بسيط للتوضيح

اشترك بالخدمه الفلانية بـ 33 ريال بالشهر وخلاص مايلمح لك باي شروط او احكام للخدمه وحتى يوم تروح تشترك الموظف مايوضح لك كمثال لو اشتركت لازم تستمر الخدمه معاك 6 شهور مثلا ومايجوز تلغيها قبل انقضاء المدة هذي او رسوم تفعيل الخدمه 100 ريال ماتم الاعلان عنها

والصراحة انا اهني ما الوم الشركات لان القانون يسمح لهم بالتضليل فالدعايات

في امريكا مثلا وبريطانيا الدولة تسن قوانين خاصه بالدعايات والاعلانات والشركة مايجوز تضلل العميل وفي حالة ضللت العميل , من حق العميل رفع قضية وطلب تعويض والشركة تتغرم ويتوجه لها انذار

اتمنى من وزارة التجارة والاقتصاد انها تقنن وتوضح عملية الدعايات وتمنع الدعايات المضلله اللي ما تكون واضحة واتمنى بعد انها تقدم دورات للعملاء لزيادة الوعي للمستهلكين كمثال قبل ما تشتري شي استفسر ؟ هل في فتره محددة كأقل اشتراك؟ هل في رسوم تثبيت او تفعيل او الغاء الخدمه وخلافه

لا تروح كمستهلك تطلب الخدمه وتدفع وتمشي بدون ماتسأل وتعرف اللي لك واللي عليك
مرحبا ومسهلا الكواري

أشكرك ع الرد الطيب وبالفعل وزارة الاقتصاد عندنا
يبيلها تشدد شوي على الشركات في الدولة

ومافيه مقارنه بين الغرب وعندنا !
خبرك ذيلاك في محاسبة وسين وجيم

والله احنا ننشد بس ياخي ماتحس انك وصلت للفهم المطلوب من الموظف

منور :)


ههههههههههه مستقعدين لك بوحارب :nice:

شوف يا طويل العمر ،، الاتصالات نعم انا معاك ولكن البنوك ،، اتوقع اقل من الاتصالات بكثير
وفي الحالتين الموضوع يوقف علينا .. نسئل و نستفسر عن العروض عدل مدل .
قبل ايام قدمت على قرض في بنكي .. الموظف قطري و سبعين نعم فيه حبوووب ولا اعرفه ابد ،، المهم قالي لي شرايك انقلك لعضويه كبار العملاء :omg: << كشيت من المصطلح
سالته ايش الفرق ،، و صار كانه ببغا ورى بعض يقول لي المميزات و كل ميزه افضل من الثانيه ،، حتى الباركنغ الخاص متوفر :rolleyes2:
قاطعته ،، لحظه لحظه .... هذا كله بدون مقابل ؟
توهق شوي هههه قال لي لا مبلغ رمزي في السنه و اساسا من مميزات هذي العضويه انه فيه نسبه عموله على القرض اقل من العميل العادي و فقط الفارق في نسبه عمولتك في القرض الي مقدمه بين عميل عادي و غير عادي ،، يغطي تكلفه هذي العضويه لسنوات قدام .

هنا اقتنعت و حولت و انا مقتنع و حاليا قاعد استغل هذي المميزات بذكاء خصوصا في سالفه الفيزا و الاميال .

بوحارب اهداء :nice:

https://www.youtube.com/watch?v=WaL2krxVnv4
اشكر فنك

انت ينطبق عليك المثل الفخم اللي يقول
هرامي ما يبوق هرامي :)

اما الأهداء الصراحة خليتني اسوي ازعاج في البيت من الضحك :(
ماتخلي سوالفك كلش هههههه


كلو نفرات هرامي كبير

وانته صح

[بوحارب]

يشبه منو الهرامي
مادري عنهم سألي الحياه:weeping:


الاتصالات دايما تخدع، ولازم تفكر قبل لتختار العرض الانسب لك والاقل ضررا عليك،

البنوك ممكن تخدع احيانا، لكن بعض الناس ما تنطلي عليهم خدع البنوك،

وفاهمين يحسبونها صح، فيعرفون يختارون المنتج اللي يناسبهم او الخدمات اللي تناسبهم.
اتفق معاج لبيبة

لازم تفكير وتحقيق شوي عشان الواحد يعرف اللي له واللي عليه
وما يندم بعد الوقوع في الفخ

عاد فخ البنوك اقل شي ست سنين منتكب :)


لا اتفق معك

اعتبر بدونهم كان الحال لله يعلم به

وفي كلتا الحالتين الاثنين مستفيدين بالنسبه للبنوك وبالنسبه للاتصالات

واللي بيشغل مخه عدل هو المستفيد

هذه نظرتي

:)
يقولك

اختلاف وجهات النظر لايفسد للود قضية

:)


اعتقد الاتصالات اساليبهم ودعايتهم مضلله ،،،اكثر ،،،البنوك بدرجه اقل

تقريبا :)


انا واحد بس ما اثق فيه: الكذاب :)
كلنا مثلك :)

[Dana’1]

طبعا يبغون الربح
هالإثنين الواحد هو يقدر يقرر ويتحكم بمصيره معاهم وبالذات البنوك وتحديدا الربويه اذا الواحد بيسلمهم رقبته راح فيها
أنا أوريدو خلاص عرفت لهم ومن بعدها استقرت اموري الماديه معهم ولله الحمد
وكذالك البنك
فما التفت كثيير لعروضهم إلا اذا بطلع بأقل الخساير ومايمنع يربحون واربح بسماع صوت الغوالي
وحفظ مالي :)

وشكل الهرامي مايحتاج معرووف:/

[Charisma]

وعليكم السلام ورحمة الله وبركاته

طبعا ماراح تلقى اي محل او بنك او شركه تهتم لمصلحة العميل او الزبون .. الموضوع بالاخير بزنز !!

الأعلانات .. شوف منها مايناسبك و لـ ( حاجتك ) .. ومب لانتهاز واستغلال الفرصه .

كان في اعلان قريته في الشارع من فتره يقول ( لا تشتر فرحة اليوم بهم الغد ) <- لايك https://confluence.atlassian.com/s/en_GB/5780/e911fdad641682b02838ab32b82c9780ca1ecd5a.27/_/images/icons/emoticons/thumbs_up.png