صالونات النساء ...

[انتر ميلان]

السلام عليكم ورحمه الله وبركاته ...

في موضوع منرفزني صار له فترة .. وحبيت اشوف رايكم فيه ..

يوم الخميس وديت أهلي صالون في دحيل ،، وتفاجئت بوجود شلة من الآسيويين مقابل باب الصالون وعيونهم تتلاقط على الداخل والطالع ...

وقفت عندهم وقلت: ليش واقفين هني؟
رد علي أحدهم: المدام قالت وقف عند الباب وماتروح بعيد ..!
قلت له: روح وقف هناك .. ومدام اذا خلصت بتتصل لك ..

بصراحة ماأعرف اللوم يقع على من بخصوص تجمهر الآسيويين عند مكان كله حريم

هل اللوم يقع على المعزبة اللي تبي دريولها عند الباب ؟؟
أو اللوم يقع على إدارة الصالون لعدم وجود لافتات عند الباب بعدم الوقوف أو الانتظار؟
أو اللوم يقع على البلدية بسبب وجود الصالونات في المناطق السكنية ؟ مع العلم بأني شفت مجلس رجال مقابل مدخل صالون نسائي !!

أترك لكم التعليق ...

[حسن]

السلام عليكم ورحمه الله وبركاته ...

في موضوع منرفزني صار له فترة .. وحبيت اشوف رايكم فيه ..

يوم الخميس وديت أهلي صالون في دحيل ،، وتفاجئت بوجود شلة من الآسيويين مقابل باب الصالون وعيونهم تتلاقط على الداخل والطالع ...

وقفت عندهم وقلت: ليش واقفين هني؟
رد علي أحدهم: المدام قالت وقف عند الباب وماتروح بعيد ..!
قلت له: روح وقف هناك .. ومدام اذا خلصت بتتصل لك ..

بصراحة ماأعرف اللوم يقع على من بخصوص تجمهر الآسيويين عند مكان كله حريم

هل اللوم يقع على المعزبة اللي تبي دريولها عند الباب ؟؟
أو اللوم يقع على إدارة الصالون لعدم وجود لافتات عند الباب بعدم الوقوف أو الانتظار؟
أو اللوم يقع على البلدية بسبب وجود الصالونات في المناطق السكنية ؟ مع العلم بأني شفت مجلس رجال مقابل مدخل صالون نسائي !!

أترك لكم التعليق ...



:nice:

[رهج السنابك]

تسمح لي اقولك الموضوع سهل اذا نظرنا الا ان الصالون مثله مثل عياده او سوق او محل هدايا الخ هو مكان عام اذا بتروح الوحده حديقه تمارس رياضة المشي او بتمشي في سوق واقف الخ فيه هنود اشكثر وبكل مكان هنود بالاخير الوحده دام طالعه شارع لازم تتحشم مافرق وين هالمكان مب عذر والله مسوية تسريحة ومخليه الشيله مرتخيه ولا حاطه ميك اب وكاشفه ويهها دام طالعه شارع اطلعي بحشمتج الكامله الي مايفرق معاج بيشوفج فيها هندي ولا غيره

[ودي أكون]

والله اخوي ما ادري اللوم على من؟ وحسبنا الله ونعم الوكيل على مثل هالدريوليه والله المستعان

بس اخوي اذا المره امستره ومحتشمه لا كاشفه ولا متزينه، فلا تحاتي ولا تخاف،، من باب السيارة للصالون والعكس صحيح ..

والحل قانون يلزم بوجود سيكيورتي ف كل صالون عند البوابه..، والله اعلم والله المستعان

[نمر بن عدوان]

غريبه بعض الردود ودي اسمع رايهم اذا الي واقفين عند الباب قطريين هل بيكون نفس الراي .سواء محتشمه او غير محتشمه هذيلا شموقفهم عند الباب

[بريق الحق]

غريبه بعض الردود ودي اسمع رايهم اذا الي واقفين عند الباب قطريين هل بيكون نفس الراي .سواء محتشمه او غير محتشمه هذيلا شموقفهم عند الباب
خشمك (:

[القبطان سلفر]

اللوم يقع على البلديه لانها الجهة المسؤولة عن تنظيم القوانين الخاصه بالصالونات . وبالتالي لو اعترض أي زبون او ولي امر على تجمع السائقين عند الباب دون وجود قانون يمنع ذلك . لن يهتم احد لاعتراضه الا بوجود قانون يلزم أصحاب الصالونات بمنع التجمع عند البوابه لان ذلك يكشف الداخل والخارج .


لازال هناك الكثير من الانشطه تحتاج الى لوائح وقوانين تنظيميه .

[ودي أكون]

غريبه بعض الردود ودي اسمع رايهم اذا الي واقفين عند الباب قطريين هل بيكون نفس الراي .سواء محتشمه او غير محتشمه هذيلا شموقفهم عند الباب

قطريين والا نيباليين والا والا والا .. اخوي اللي انعرفه ان البنت عينها فالارض، وان رفعتها ترفعها صوب السياره وتمشي بدون ما تقز او تركز ف اي احد ..

مع العلم ليش اخوي، كل الحريم مايروحون الا مع دريوليه، مافي زوج او اب او اخ ينزل هله الصالون وينطرهم مرات برع الصالون او يمر لهم لين خلصوا ..،!؟

قلت لك اخوي المحتشمه، مايهمها من شاف ومن وقف، لانها من الباب لين الباب، مع ان صح وجود اي رجل يعتبر امر مربك جداً لنا احنا الحريم، يالله الوحده فينا اتخطي خطوه من الخوف والحيا.. ولكن مع ذلك ولله الحمد ما صادفتنا مثل هالامور، يمكن ماصارت او يمكن عدم انتباه من صوبنا للي موجوين برع..


والله اعلم

[بانغ بانغ]

الموضوع عادي ولا يحتاج هذا القلق

البلدية هل الحل او ادارة المحل

او الكلمة اللينة معهم فهم مسيرين مساكين

[ودي أكون]

الموضوع عادي ولا يحتاج هذا القلق

البلدية هل الحل او ادارة المحل

او الكلمة اللينة معهم فهم مسيرين مساكين

او تغيير الصالون والذهاب الى صالون اخر ..،

اعتقد لو انا لو حسيت ب هالشيء ان في تجمع دريوليه او حتى قطريين، الحل اللي بسويه
بغير الصالون،

والله المستعان

[بوحارب]

بن عدوان عطانا رد عجيب وبالمللي :)

[بصمة قطرية]

اللي بتدخل الصالون نفس اللي بتدخل عيادة و لا مجمع ..
ما أشوف شي غير ..
يعني محتشمة في كل الحالات ..
واحد واقف و لا عشرة ما تفرق
صحيح منظرهم ينرفز ما ودنا يكونون موجودين و يقزون
بس موجودين في كل مكان بالذات عند المجمعات ..!!!

[Charisma]

مرحبا اخوي .. وصدقت في موضوعك .

مافي حل غير ان الصالونات تمنع تواجد السواقين امام المدخل .. والموضوع يحتاج لوعي خصوصا عند الحريم المفروض تنبه عليه مايوقف قدام الصالون .. ويحتاج ايضا لوعي من الشباب .. بتصريفهم من امام الصالون ( وياليت لو فاضي خمس دقايق تاخذ لفه وتعود .. عشان تتاكد رد يصفط قدام الصالون ولا ) واهني تغسله وتنشفه .. الموضوع مب لعبه.

[يمامـة]

ياليت لو يتم التنبيه لكل صالون مثل ما اكتبوا ممنوع دخول الرجال يكتبون ممنوع تجمهر الدريولية..
وفي الاخير مثل ما قالوا الاخوات الوحدة المفروض تدخل باحتشام و تطلع باحتشام..
لان مب معناتاها انها طالعة من الصالون تطلع بزينتها !!

[متحدث لبق]

ما تفرق اذا المرة محتشمة و متغطية و ساترة خل يوقف مليون واحد

[العقل المدمر]

اطلع من الصالون لين السيارة
متى يمديني اجيك عالناس واعدهم واركز وين يطالعون
ماشوف موضوعهم يضايق دام اني مارة مرور الكرام

[ضوى]

ياليت لو يتم التنبيه لكل صالون مثل ما اكتبوا ممنوع دخول الرجال يكتبون ممنوع تجمهر الدريولية..
وفي الاخير مثل ما قالوا الاخوات الوحدة المفروض تدخل باحتشام و تطلع باحتشام..
لان مب معناتاها انها طالعة من الصالون تطلع بزينتها !!
يا الله يا يمامه

كنت اشوفهم في رمضان قبل العيد يطلعون وايديهم مرفوعة عشان الحنة لا تخيس عباياتهم كنت اتحسر عليهم وادعي لهم ولا زلت الله يهديهم ويصلحهم ، سالفة انها تطلع باحتشام مب من كل صالون يعني الامور العادية ايه لكن غيرها شوي صعبة وفعلا لازم يوقفون الرجال بعيد عن الصالون عالاقل مسافة كافية ويوم معزبته بتطلع يقرب السيارة لباب الصالون وبجذي انتهينا من مشكلة تجمهرهم جدام الباب

[يمامـة]

يا الله يا يمامه

كنت اشوفهم في رمضان قبل العيد يطلعون وايديهم مرفوعة عشان الحنة لا تخيس عباياتهم كنت اتحسر عليهم وادعي لهم ولا زلت الله يهديهم ويصلحهم ، سالفة انها تطلع باحتشام مب من كل صالون يعني الامور العادية ايه لكن غيرها شوي صعبة وفعلا لازم يوقفون الرجال بعيد عن الصالون عالاقل مسافة كافية ويوم معزبته بتطلع يقرب السيارة لباب الصالون وبجذي انتهينا من مشكلة تجمهرهم جدام الباب

صح كلامج وجودهم مب مريح بشكل عام.. واللي تطلع مشمرة عن سواعدها علشان الحنة ما توصخ عباياتها
وايد منهم في اغلب الصوالين.. فمن جذيه لا نقول البنت تطلع وتشمر عن يدها\وبنفس الوقت ما نبي تجمهر للدريولية
او ريايل الحريم اللي في الصالون..

[أم محمد 90]

غريبه بعض الردود ودي اسمع رايهم اذا الي واقفين عند الباب قطريين هل بيكون نفس الراي .سواء محتشمه او غير محتشمه هذيلا شموقفهم عند الباب


قططططري

ويييي صججججج مايستحي شيبي وااااقف هني عشان يخزززنااا هااا صج مايستحي

تغطوووا يابنات تغطووووا

[بنت شرق]

الحل بسيط ،،،كاسر خشبي عند الباب ،،،،فمحد يقدر يطالع الي داخل وطالع ،،،حتى لو فيه تجمع
البعض من الصالونات حاطينه عند المدخل

[العقل المدمر]

قططططري

ويييي صججججج مايستحي شيبي وااااقف هني عشان يخزززنااا هااا صج مايستحي

تغطوووا يابنات تغطووووا

تعرفين ليش ما يستحي ؟
لان القطري مسلم وعارف العادات والتقاليد
اما الهنود عندهم عادي وبعضهم مب مسلمين

[بوحارب]

تعرفين ليش ما يستحي ؟
لان القطري مسلم وعارف العادات والتقاليد
اما الهنود عندهم عادي وبعضهم مب مسلمين

لا والله :o

اقنعتيني والله

الصراحة هذا احلى رد في المنتدى لسنة 2015 :funny: