المساعد الشخصي الرقمي

مشاهدة النسخة كاملة : قولي ولو كذبا كلام ناعماً ., !!


مختلفة عقليا
19-03-2015, 08:14 AM
السلام عليكم

جميعنا يعلم يقينا ., ان للكلمات سحر .,

كيف وان كانت من المحبوب ., !!

في بدايه الزواج يتفنن الزوج والزوجه في اختيار الكلمات والمسميات .,

وبعد فتره ... تُنسي تلك اللغه الحانيه .,

ومن الغاليه الي ام الغالي ., !!

نعم ننشغل عن مثل هذه الاشياء ., او لا نلقي لها بال ., وقد يراها البعض (( سخافه )) ., ولكنها في حقيقه الامر (( عظيمه ))

وفي اجهزتنا المحموله ., بعضهم (( يخجل )) من تسميه زوجته باسامي رومنسيه او جميله .,

اغلب صديقاتي لما كلمتهم في الموضوع ., حسيت تاثروا ان ازواجهم نسوا هالشي ., !! وان هم بعد نسوه ., !!

معقوله اتنادي ام اعيالك باسمها او ام فلان !! والبنت اتنادي ريلها باسمه او بو فلان !! ليششششش مو انتوا حبايب !! وبينكم
(( ميثاق غليظ )) .,

السؤال !!

لماذا كل هذا (( الجفاف )) ., !! الا ينبغي ان نتنادي بافضل الكلمات والمسميات ., !!

هل للامر اهميه ., !! هل يضفي جو من الموده والرحمه والحب ., !!

هل تعتقد ان (( نفسيتك )) بتصير احلا اذا نادتك او ناداج باسم الدلع او اسم جميل .,

ما تاثير الكلمات علي نفسك ., وخصوصا من ناس اقراب منك ., !!

هل تخجل من ان تبادر في الموضوع ., !!

وفي النهايه .,

هناك تصرفات او افعال (( صغيره )) وقد لا نلقي لها بال ., ولكنها ذات (( تاثير )) عميييييق ., فبداء بها ., وانظر النتائج :victory:

ويسلموو
ودي أكون
19-03-2015, 09:03 AM
حلوه والله من الغاليه الى ام الغاليه .. حلوه والله هههه

صباحج بسمه حبيبتي

صحيح هالجمله ضحكتني اعترف، بس اشوف حلو ان الزوج ينادي زوجته جدام الكل ب ( ام فلان ) لاني اعتقد انها دلاله عالاحترام والتقدير والمحبه، والتذكير بأنج أم ولدي، وانج غاليه و و و و ..



مع العلم ان المسمى مايفرق وايد كثر ما المعامله الحسنه والحب والاحترام والفعل،، هو الاهم ويأثر من وجهة نظري

والله اعلى واعلم والله المستعان


وجهة نظر
ولي العهد
19-03-2015, 09:07 AM
واحد من الربع امسمي زوجته في الجوال (( داعش ))
Dmy Enabi
19-03-2015, 09:48 AM
البعض يقول الأهل والبعض يقول لعيال ويقصد الأهل والأهل يعني المدام
والله إن احنا في حالة جفاف عاطفي وتصحر ما أنزل الله به من سلطان
وين تسمعين : هلا وغلا / آمري وتدللي / من عيوني / إنتي تأمرين أمر / هو مايصير بس لعيونج يصير
طبعا الكلام للطرفين
والقهر يا مختلفه إن الجوال صار ألعن من الضرة طول الوقت في الحلج جنه مرضاعه بردت المشاعر
يارب بس الجنة هناك بس بنفتل
لماذا ؟
والله أعتقد التربية لها دور
وهل تؤثر طبعا تؤثر إلا والله أصير كيوووووت بعد
حسن
19-03-2015, 09:56 AM
يمكن البيئه الصحرايه لا عبه دور عندنا وماتعودنا على هذا الكلام
اعتقد نزار قباني لو عاش عندنا مااعتقد بتطلع منه هل الكلمات

يعني في جونا هذا اليوم الصباحي اعتقد مافي احلى منه

الصراحه نعاني مت تصحر وجفاف عاطفي وومشاغل كثيره جدا جدا

وفي اعتقادي حتى نسوانا مايعرفون هل الكلام

عكس دول المغرب العربي

يمكن

والله اعلم

هل الموضوع له علاقه بالجو الحالي ؟؟
المخفي
19-03-2015, 10:11 AM
الواحد يستحي ينادي زوجته قدام الناس حبيبتي او اسم دلعها بس ما يمنع يناديها داخل البيت

غير هذا الواحد يخاف من العين
يمامـة
19-03-2015, 11:18 AM
شوفي يا مختلفة عقليا..

هل يصير تاكلين آش كل يوم وتحسين بلذة طعمه مثل لو تاكلينه في السنة اربع مرات؟

اكيد بتقولين لي لا... ويمكن تقولين لي شنهو يعني آش!!

وارجع واقول هل ممكن تاكلين كيك كل يوم وتحسين بطعم الكيك
مثل لو كلتيه في السنة خمس مرات؟
اكيد هالمرة بتقولين لا.. لان ما في حد ما يعرف شنهو يعني كيك..

الكلمات الحلوة في حياة المتزوجين مثل الاكل في حياتنا..

فاللي يصبّح زوجته ويمسيها ليل ونهار بكلمة حبيبتي هذا مثل اللي يأكلها كيك كل يوم فتفقد لذة
تغيير طعم الاكل فمها ..
لان كلمة حبيبتي تصير روتينية ما تحرك ساكن في قلب المرأة...

ومثل هالامور نشوفها في الافلام الاجنبية اللي الواحد ما يطلع من البيت
الا وهو مقبل خد زوجته وكلمة حبيبتي او عزيرتي ما تفرق لسانه
واخرتها راكب مع عشيقته ورايح معاها يقضي اسبوع في وسط النهر!!

العلاقة الزوجية يا بنيتي مختلفة عقليا تنضج مع نضوج المشاعر
يعني كلمات الحب والعشق والهيام هذي تتحول مع الايام الى تعاملات فيها حب
وعشق وهيام..

فالعلاقة لا تحتاج الى كذب في الكلمات كثر ما تحتاج الى صدق في المعاملة..

فما اشوف الواحد يحتاج يكتب اسم زوجته في جواله حبيبتي سوهى لان حبه اصلا
تعكسع تصرفاته و اهتمامه فيها.. اما انه يكتب اسمها حبيبتي سوهى وهو ما يعرف
اداب التعامل مع الزوجة و احترامها فالله الغني عن كل كلمات الحب..

وشكرا لكم..
ابن البيطار
19-03-2015, 11:45 AM
ماشالله درر اختنا يمامه درر

.
أم محمد 90
19-03-2015, 12:51 PM
تصحر يا مختلفة تصحر

انا رفيجتي ريلها مسميها باسم رجال ف الجوال وكل ماتقوله ليش يقول لها لانج تتصلين ف اوقات مفاجأة وانا جوالي كله مرزوز ف السيارة قدام ربعي

الله يالشلخ الله يالعيااااارةةةةةة
white bird
19-03-2015, 01:16 PM
الله الله

أبدعتي يا مختلفة ..

متابعة بصمت ماعندي شي أضيفه

..
:o
بو خليفه 123
19-03-2015, 01:31 PM
واحد من الربع امسمي زوجته في الجوال (( داعش ))

لا تنسى أن داعش عملوا على رفعة راية الاسلام و توحيد صفوف السنه في بلاد الشام والعراق

من وجهة نظري ارى انها "اطراء"

لنجعلها حملة #اللي_يحب_مرته_يسميها_داعش
ودي أكون
19-03-2015, 01:37 PM
لا تنسى أن داعش عملوا على رفعة راية الاسلام و توحيد صفوف السنه في بلاد الشام والعراق

من وجهة نظري ارى انها "اطراء"

لنجعلها حملة #اللي_يحب_مرته_يسميها_داعش

اخوي بوخليفه ممكن تعطيني ادله ان داعش على حق ..؟؟!

تقتيل وتمثيل في الجثث وووو .. هل هم على حق ..،؟!
المخفي
19-03-2015, 01:38 PM
لا تنسى أن داعش عملوا على رفعة راية الاسلام و توحيد صفوف السنه في بلاد الشام والعراق

من وجهة نظري ارى انها "اطراء"

لنجعلها حملة #اللي_يحب_مرته_يسميها_داعش

شكلك ناوي على الرياييل يصدقون الحريم و ينحرونهم
شبح الصمت
19-03-2015, 02:11 PM
ااي وحده من البنات المشاركات لين الحين ما تزوجت


عقب 5 سنين نبي نعرف وش اسمها في جوال زوجها


او شيناديها ..
ريتويت
19-03-2015, 04:20 PM
المهم كل واحد متزوج من اليوم ورايح يدلع مرته قدام الكل ويناديها باعلي صوته ياحبيبتي ياروحي ياقلبي ووووو لحد يستحي خذو المواضيع علي محمل الرومانسيه
Dana’1
19-03-2015, 05:22 PM
على طاري لو كذابا
معروف إن الكذب حرام إلا في حالات 3 تقريبا أحدهم حديث الرجل لإمرأته ليرضيها

راح أقتبس نص الحديث

كما في الحديث الذي رواه الترمذي (1939) وأبو داود (4921) عَنْ أَسْمَاءَ بِنْتِ يَزِيدَ رضي الله عنها قَالَتْ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( لَا يَحِلُّ الْكَذِبُ إِلَّا فِي ثَلَاثٍ : يُحَدِّثُ الرَّجُلُ امْرَأَتَهُ لِيُرْضِيَهَا ، وَالْكَذِبُ فِي الْحَرْبِ ، وَالْكَذِبُ لِيُصْلِحَ بَيْنَ النَّاسِ ) . والحديث صححه الألباني في صحيح الترمذي .

عاد البعض تلاقينه يمشي ويجامل الكل ويعطي صواريخ وعند مرته أنواع التورع عن الكذب !

عالعموم خير الأمور الوسط
لاغزل دايم ولا تصحر وقحط مشاعر

الحب مثل النبت يحتاج نسقيه ... بعض الجفا يفسد محاصيل أهلها


دمتم بود
h9466
19-03-2015, 05:35 PM
موضوع جميل ,,الكلام الحلو مطلوب لكن لا انصح فيه بكثرة حتى لايفقد معناه والهدف منه..والاهم من الكلام الحلو هو الفعل الحلو ,يعني ساعدها في عمل تقوم فيه..ريحها في يوم من الايام واطبخ بدالها(هذا الكلام للطباخين فقط واهل البر والرحلات)المقصود نوع في الاطراء بين الكلام والفعل...
ahmed saleh
19-03-2015, 06:42 PM
عليه الصلاة والسلام

http://tapatalk.imageshack.com/v2/15/03/19/15ede449ae1b6b9e5802e48177c16c83.jpg


Sent from my iPhone using Tapatalk
بنت شرق
19-03-2015, 07:06 PM
المهم كل واحد متزوج من اليوم ورايح يدلع مرته قدام الكل ويناديها باعلي صوته ياحبيبتي ياروحي ياقلبي ووووو لحد يستحي خذو المواضيع علي محمل الرومانسيه

ما اتخيل قطري يسوي هالشي مش لانه عيب لانه حياوي ،،،ويخاف من كلام الناس ،،،
بانغ بانغ
19-03-2015, 11:21 PM
المناداة الرومانسية شي طيب واحترام العلاقة واجب اما التسميات الثانية مثل قوات التدخل او الداخلية او مادري شنو .... عيب صراحة


موضوع جميل ولكن فيه تحفظات من كثير من الناس من جانب الخصوصية والحياء مثل ما تفضلت اختنا بنت شرق بتوضيحه .

القضية مش مناداة بقدر ماهي احترام ميثاق العلاقة ...
معماري قطري
20-03-2015, 01:02 AM
واحد من الربع امسمي زوجته في الجوال (( داعش ))

هههههههههه أَكيد مختصر اسمها وتحصله دانة أَحمد علي شعيل
الجـــوديّ
20-03-2015, 01:22 AM
بهرني العنوان ... واستغربت الـ4 صفحات !

قلت أهل الصحراء تطوروا ..... وصار فيه تقدم في الموضوع !


كمن مشاركة في صلب الموضوع والزبدة أن الاحترام واجب وكلن يستحي يقول كلام حلو !

:thumbdown:

OMG!


لج الله يالصحراوية .... أما المغربية جوها طرب وفله !
الجـــوديّ
20-03-2015, 01:36 AM
السؤال !!

لماذا كل هذا (( الجفاف )) ., !! الا ينبغي ان نتنادي بافضل الكلمات والمسميات ., !!

قد تكون طبيعة حياتنا والبيئة اللي نعيشها والسائدة في المجتمع رسمت ملامح التحفظ مع الطرف الآخر ..
في حين الطرف الآخر يحب ويخق ويذوب لكل كلمة حلوة ..
لذلك اكسر أول حاجر وبعدها راح يتوالى كسر الحواجز ..

أقولها بمزحة ودعابة حتى لو كانت الأجواء ماتساعد ... (اعتبرها خط رجعة في اسوأ الاحوال)


هل للامر اهميه ., !! هل يضفي جو من الموده والرحمه والحب ., !!

أكيد والعلاقة تكون حميمية وأقوى وخاصة كل مايكبر الريال يحتاج دلع وحنان اكثر


هل تعتقد ان (( نفسيتك )) بتصير احلا اذا نادتك او ناداج باسم الدلع او اسم جميل .,

ايه يحسسني بمكانتي في روحه وقلبه

ما تاثير الكلمات علي نفسك ., وخصوصا من ناس اقراب منك ., !!

احب الكلمات الذوق والحلوة ... احب اقولها واحب من يقولها لي

هل تخجل من ان تبادر في الموضوع ., !!

لا
الكلمة الطيبة صدقة .... وحلو تكون هالكلمة اسلوب حياتنا في البيت ..
وعلى قولة الست .... القلب يعشق كل جميل
Zarr
21-03-2015, 03:39 AM
السلام عليكم

جميعنا يعلم يقينا ., ان للكلمات سحر .,

كيف وان كانت من المحبوب ., !!

في بدايه الزواج يتفنن الزوج والزوجه في اختيار الكلمات والمسميات .,

وبعد فتره ... تُنسي تلك اللغه الحانيه .,

ومن الغاليه الي ام الغالي ., !!

نعم ننشغل عن مثل هذه الاشياء ., او لا نلقي لها بال ., وقد يراها البعض (( سخافه )) ., ولكنها في حقيقه الامر (( عظيمه ))

وفي اجهزتنا المحموله ., بعضهم (( يخجل )) من تسميه زوجته باسامي رومنسيه او جميله .,

اغلب صديقاتي لما كلمتهم في الموضوع ., حسيت تاثروا ان ازواجهم نسوا هالشي ., !! وان هم بعد نسوه ., !!

معقوله اتنادي ام اعيالك باسمها او ام فلان !! والبنت اتنادي ريلها باسمه او بو فلان !! ليششششش مو انتوا حبايب !! وبينكم
(( ميثاق غليظ )) .,

السؤال !!

لماذا كل هذا (( الجفاف )) ., !! الا ينبغي ان نتنادي بافضل الكلمات والمسميات ., !!

هل للامر اهميه ., !! هل يضفي جو من الموده والرحمه والحب ., !!

هل تعتقد ان (( نفسيتك )) بتصير احلا اذا نادتك او ناداج باسم الدلع او اسم جميل .,

ما تاثير الكلمات علي نفسك ., وخصوصا من ناس اقراب منك ., !!

هل تخجل من ان تبادر في الموضوع ., !!

وفي النهايه .,

هناك تصرفات او افعال (( صغيره )) وقد لا نلقي لها بال ., ولكنها ذات (( تاثير )) عميييييق ., فبداء بها ., وانظر النتائج :victory:

ويسلموو


وعليكم السلام ورحمة الله


الموضوع جميل وجداً مهم ، وكان ودي ارد على الأسئلة المطروحة
لكن رد اختي الجــوديّ فيه اجابات شافية واتفق معاها ، لذلك ماشوف داعي لتكرار نفس الكلام ..

بس حاب اناقش نقطتين لهم علاقة بالموضوع ‘‘

** الغالب في المجتمع ان المرأة هي اللي دايما تطالب بالمعاملة والكلام العاطفي ..
وأحس تكون تصور عند الكثير أن الرجل ما يحتاج هالشي او ليس امر ضروري بالنسبة له ..

من وجهة نظري الرجل يحتاج الكلام العاطفي تماماً مثل المرأة ،
وحتى احياناً يكون اكثر حاجة للكلام العاطفي من المرأة !!
والسبب لان المرأة من الممكن انها تعوض بعض من هذا النقص من امها او صديقاتها أو الاشخاص المقربين منها ’
لكن بالنسبة للرجل ، تظل في داخله مساحة فارغة لا تملؤها إلا المرأة ( زوجته ) ..


النقطة الثانية : أن " الجفاف العاطفي " من اهم أسباب خيانة المرأة لزوجها ..
طبعاً اقصد الخيانة بمعناها الواسع ، مش بس المعنى الصريح المتمثل في تكوين علاقة مع رجل اخر ,
ف حتى عندما تفكر المرأة وتقارن زوجها برجل آخر بينها وبين نفسها ، هالشي يعتبر خيانة !

وفي معظم حالات خيانة المرأة لزوجها /
أعتبر الرجل هو المـُلام بالمرتبة الأولى نتيجة لتقصيره في عدد من الجوانب ، والكلام العاطفي يُعتبر جانب منهم ..
بعكس الرجل اللي ممكن يخون زوجته بدون وجود أي تقصير منها !



شكراً ...
بوحارب
23-03-2015, 05:17 AM
Hi


وانتوا اشعرفكم ان الناس فيها جفاف عاطفي !!!

يعني تبغون كل شي يصير في البيت على كيفكم
ولا لازم كل شي يصير قدامكم عشان ترضون ههههه


والمشكلة اكثر اللي رادين مراهقين ومراهقات

يعني يحلمون وعايشين جو الرومنسية

وبأختصار عيب اقول حبيبتي قدام العرب
وين قاعدين !؟

وهذا اللي تقولون عنده جفاف عاطفي يمكن انه اكبر رومنسي
داخل بيته وبعيد عن عيون الناس

نفس واحد معانا في المنتدى اللي يقرى ردوده يقول هذا جاهلي ومتخلف

وفي الحقيقة معيش زوجتة حياة الأميرات وأحسن :)

المهم

مابي اكثر في الكلام <<<< للحين ما قلت شي

خالتي اليمامة غفر الله لها اختصرت لنا الموضوع بردها الفخم


مشكورين وعن اللقافة الزايدة ;):yes:
نور الحور
23-03-2015, 09:09 AM
اللهم انا نعوذ بك من تصحر عاطفي لا يبقي ولا يذر !

المسألة كلها اختصرها بكلمة سد احتياجات ..

الكلام الحلو يسد حاجات اساسية عند الانسان ..

وهي الحاجة للحب والقبول والشعور بالامان ..

طبعا البيئة لها دور .. والتربية لها دور ..

صعب نطلب من انسان يعبر بكلام حلو هو اصلا ما تربى عليه ولا اسمعه

في محيطه من امه وابوه واخوانه وخواته ..

او بعضهم يحسه عيب وما يجوز !!!

اللي تربى على الحب بيفيض حب ..

واللي ما تربى عليه ممكن يتدارك نفسه ويعودها ..

ترى المسألة فيها خراب بيوت وضياع ابناء !!


بس مختلفة ..

تفاءلت خير بموضوعج .. خلا بو حارب ينطق ويعبر برد طويل عريض :nice:

شكرا مختلفة عزيزتي على الموضوع
ولد العرب
23-03-2015, 11:44 AM
Hi


وانتوا اشعرفكم ان الناس فيها جفاف عاطفي !!!

يعني تبغون كل شي يصير في البيت على كيفكم
ولا لازم كل شي يصير قدامكم عشان ترضون ههههه


والمشكلة اكثر اللي رادين مراهقين ومراهقات

يعني يحلمون وعايشين جو الرومنسية

وبأختصار عيب اقول حبيبتي قدام العرب
وين قاعدين !؟

وهذا اللي تقولون عنده جفاف عاطفي يمكن انه اكبر رومنسي
داخل بيته وبعيد عن عيون الناس

نفس واحد معانا في المنتدى اللي يقرى ردوده يقول هذا جاهلي ومتخلف

وفي الحقيقة معيش زوجتة حياة الأميرات وأحسن :)

المهم

مابي اكثر في الكلام <<<< للحين ما قلت شي

خالتي اليمامة غفر الله لها اختصرت لنا الموضوع بردها الفخم


مشكورين وعن اللقافة الزايدة ;):yes:

امحق خاله طبقت خطتها لام العيال قلت لها ياهلاااااااااااااااااااااااااا بالقمووورتي
ردها مدوووووووووووي

الله يشفيك :eek5:

المهم
مصر اني اكون على راي بوخليفه داعشيه :anger1:

اي والله الله يغفرلها اليمامه
غريب الدّار
23-03-2015, 12:10 PM
Hi





والمشكلة اكثر اللي رادين مراهقين ومراهقات

;):yes:

؟
وانت تعرفهم معرفة شخصية يابو حارب؟
شعرفك باعمارهم؟
ولا علشان آراءهم ماعجبتك؟
:)

اذا في طريقة اتخلي الواحد يعرف عمر الشخص من مشاركة في منتدى علمنا إياها وانا اخوك كود تنفعنا ونستفيد


وعندك اثنين لتر كرك مضبوط حق عمك بو حارب وصلحو
يستاهل
بوحارب
23-03-2015, 12:44 PM
نور الحور ترى كان باقي كلام بس تمللت وانا اكتب هههههه

ولد العرب ام حق رومنسية اللي تعرفها
خلك ساكت لاتجيب العيد
ولا تعال عندي بعطيك دورات في الكلام الكيوت:funny:

غريب الدار يالضيب

ايه اعرفهم انهم baby ولا ما قلت الكلام اللي فوق :cool:

وبعدين كلامهم مب لازم يعجبني او ما يعجبني
كل واحد يعبر بكلامه بالطريقة اللي تعجبه
اهم شي يقول كلام مفيد ويدش العقل:)

مابي الكرك الحين مهب وقته
خاطري في عيش ابيض مع صالونه كنعد ;)
يمامـة
23-03-2015, 12:45 PM
امحق خاله طبقت خطتها لام العيال قلت لها ياهلاااااااااااااااااااااااااا بالقمووورتي
ردها مدوووووووووووي

الله يشفيك :eek5:

المهم
مصر اني اكون على راي بوخليفه داعشيه :anger1:

اي والله الله يغفرلها اليمامه

يغفر لنا ولكم ولجميع المسلمين..

عاد انت دخلت جامد من عقب سنوات جحاف من الفقر..
فردة الفعل طبيعية جدا.. فزين انك نمت في البيت يومها:weeping:
الحياة الخالدة
23-03-2015, 02:29 PM
؟
وانت تعرفهم معرفة شخصية يابو حارب؟
شعرفك باعمارهم؟
ولا علشان آراءهم ماعجبتك؟
:)

اذا في طريقة اتخلي الواحد يعرف عمر الشخص من مشاركة في منتدى علمنا إياها وانا اخوك كود تنفعنا ونستفيد


وعندك اثنين لتر كرك مضبوط حق عمك بو حارب وصلحو
يستاهل

ما تدري أن بوحارب مكشوف عنه الحجاب ؟؟!!
هو مثل ما قلت .. و لو الكلام عاجبه .. بيقبله حتى لو من ياهل توه يحبي


قول لا يا بوحارب :waiting:
بوحارب
23-03-2015, 02:51 PM
ما تدري أن بوحارب مكشوف عنه الحجاب ؟؟!!
هو مثل ما قلت .. و لو الكلام عاجبه .. بيقبله حتى لو من ياهل توه يحبي


قول لا يا بوحارب :waiting:

صادقة

كلام الياهل اللي يحبي لتقبّله بصدر رحب

لانه كلام طالع من القلب فديت قلبوه ;)

اما الباقي كلامهم كله خريط في خريط بس تفلسف :cool:
مختلفة عقليا
29-03-2015, 06:02 AM
حلوه والله من الغاليه الى ام الغاليه .. حلوه والله هههه

صباحج بسمه حبيبتي

صحيح هالجمله ضحكتني اعترف، بس اشوف حلو ان الزوج ينادي زوجته جدام الكل ب ( ام فلان ) لاني اعتقد انها دلاله عالاحترام والتقدير والمحبه، والتذكير بأنج أم ولدي، وانج غاليه و و و و ..



مع العلم ان المسمى مايفرق وايد كثر ما المعامله الحسنه والحب والاحترام والفعل،، هو الاهم ويأثر من وجهة نظري

والله اعلى واعلم والله المستعان


وجهة نظر

هلا

صح كلامج ان ام فلان وايد لها (( احترام )) ., بس كفتاه تحتاج الحب بين الحين والاخر ., حتي ام فلان اتكبرها ., وخلاص ماعاد يصير لها طعم !!

وانا معاج في ان المعامله لها تاثير كبيرررر ., بس لا تلغين دور الكلمات فتاثيره مو هين ابدا .,

ويسلموو
مختلفة عقليا
29-03-2015, 06:04 AM
واحد من الربع امسمي زوجته في الجوال (( داعش ))

هلا

عيل لا يستغرب انها في الواقع اتصرف معاه علي انها (( داعشيه )) ., ^^

هالناس ما عرف شلي يبي يوصله من هالمسجات السلبيه اللي يسونها !! غلط وعيييب واتوقع لو اعرفت بتنكسر اشياء وايد فيها .,

وبالنهايه هو بيندم .,

ويسلموو
مختلفة عقليا
29-03-2015, 06:07 AM
البعض يقول الأهل والبعض يقول لعيال ويقصد الأهل والأهل يعني المدام
والله إن احنا في حالة جفاف عاطفي وتصحر ما أنزل الله به من سلطان
وين تسمعين : هلا وغلا / آمري وتدللي / من عيوني / إنتي تأمرين أمر / هو مايصير بس لعيونج يصير
طبعا الكلام للطرفين
والقهر يا مختلفه إن الجوال صار ألعن من الضرة طول الوقت في الحلج جنه مرضاعه بردت المشاعر
يارب بس الجنة هناك بس بنفتل
لماذا ؟
والله أعتقد التربية لها دور
وهل تؤثر طبعا تؤثر إلا والله أصير كيوووووت بعد

هلا

امبلا والله نسمع هالكلام ., :shy:

والله اختي ماعرف اشصار فيهم !! يعني اذا ما قال هالكلام لحبيبه قلبه وشريكه عمره لمن بيقوله !!

احسهم حارمين نفسهم من حلال ومتعه

الله يريهم الحق حق ., ويلين قلوبهم علي بعض

طبعا التربيه هي الاساس ., الولد عمره م جاف هالاشياء في البيت ., من وين بيبها !!

ويسلموو
مختلفة عقليا
29-03-2015, 06:12 AM
يمكن البيئه الصحرايه لا عبه دور عندنا وماتعودنا على هذا الكلام
اعتقد نزار قباني لو عاش عندنا مااعتقد بتطلع منه هل الكلمات

يعني في جونا هذا اليوم الصباحي اعتقد مافي احلى منه

الصراحه نعاني مت تصحر وجفاف عاطفي وومشاغل كثيره جدا جدا

وفي اعتقادي حتى نسوانا مايعرفون هل الكلام

عكس دول المغرب العربي

يمكن

والله اعلم

هل الموضوع له علاقه بالجو الحالي ؟؟

هلا

والله قريت شعر في ما معناه ., الجو بارد وانت مشاعرك نفس الجو بارده ., هههههههههه

اتوقع لو انعيش في المالديف ما بنتغير لو ما كنا واعين للمشكله .,

يعني الرسول صلي الله عليه وسلم سمي عائشه ام المومنين رضي الله عنها بـ (( الحميره )) من احمرار خدودها ., وهو في المغرب !! والا في انطاكيا !!

المشكله مو في الجو والله في تصحر المشاعر ., !!

واتوقع لو خليجي تزوج من برع هي ما بتحمل قسوه اسلوبه ومع الوقت لو ما بادلها بالكلمات الحلوه هي بتصير نفسه بس احب كلام المغرب ي كبيدي اديالي ., ^^

ويسلموو
مختلفة عقليا
29-03-2015, 06:15 AM
الواحد يستحي ينادي زوجته قدام الناس حبيبتي او اسم دلعها بس ما يمنع يناديها داخل البيت

غير هذا الواحد يخاف من العين

هلا

يا ريال لو يقولها بالتلفون مو بالواقع والله بترضي ., المشكلهههه مو مقتنعين ان الكلمه الحلوه اتروق البال وتهدي النفوس .,

وبعدين أي عين !! انا ما اخاف من العين لاني واثقه من الله ., اقراء المعواذات وتوكل نادها ^^

ويسلموو
مختلفة عقليا
29-03-2015, 06:19 AM
شوفي يا مختلفة عقليا..

هل يصير تاكلين آش كل يوم وتحسين بلذة طعمه مثل لو تاكلينه في السنة اربع مرات؟

اكيد بتقولين لي لا... ويمكن تقولين لي شنهو يعني آش!!

وارجع واقول هل ممكن تاكلين كيك كل يوم وتحسين بطعم الكيك
مثل لو كلتيه في السنة خمس مرات؟
اكيد هالمرة بتقولين لا.. لان ما في حد ما يعرف شنهو يعني كيك..

الكلمات الحلوة في حياة المتزوجين مثل الاكل في حياتنا..

فاللي يصبّح زوجته ويمسيها ليل ونهار بكلمة حبيبتي هذا مثل اللي يأكلها كيك كل يوم فتفقد لذة
تغيير طعم الاكل فمها ..
لان كلمة حبيبتي تصير روتينية ما تحرك ساكن في قلب المرأة...

ومثل هالامور نشوفها في الافلام الاجنبية اللي الواحد ما يطلع من البيت
الا وهو مقبل خد زوجته وكلمة حبيبتي او عزيرتي ما تفرق لسانه
واخرتها راكب مع عشيقته ورايح معاها يقضي اسبوع في وسط النهر!!

العلاقة الزوجية يا بنيتي مختلفة عقليا تنضج مع نضوج المشاعر
يعني كلمات الحب والعشق والهيام هذي تتحول مع الايام الى تعاملات فيها حب
وعشق وهيام..

فالعلاقة لا تحتاج الى كذب في الكلمات كثر ما تحتاج الى صدق في المعاملة..

فما اشوف الواحد يحتاج يكتب اسم زوجته في جواله حبيبتي سوهى لان حبه اصلا
تعكسع تصرفاته و اهتمامه فيها.. اما انه يكتب اسمها حبيبتي سوهى وهو ما يعرف
اداب التعامل مع الزوجة و احترامها فالله الغني عن كل كلمات الحب..

وشكرا لكم..

هلا

احنا كل يوم ناكل عيش وعمرنا ما قلنا لا لاعت جبدنا ., (( انوع بالعيش بس يتم عيش )) نوعوا بالكلمات والمسميات والالقاب اشفيها !!

عيل اعيش كل عمري بنفس الاسم فلانه والا ام فلان يا شينها من حياه .,

وبنفس الوقت احنا ما نلغي المعامله الزينه ., بس انعطرها بكلمات حلوه .,

وعلي فكره في ناس ما يقتنعون الا بالكلمه الحلوه ., وبعدين بكتب في هالموضوع .,

ويسلموو
مختلفة عقليا
29-03-2015, 06:20 AM
تصحر يا مختلفة تصحر

انا رفيجتي ريلها مسميها باسم رجال ف الجوال وكل ماتقوله ليش يقول لها لانج تتصلين ف اوقات مفاجأة وانا جوالي كله مرزوز ف السيارة قدام ربعي

الله يالشلخ الله يالعيااااارةةةةةة

هلا

متخيله !! مستحي من ربعه !! ليش شنو الغلط والا العيب والا الحرام لو رن ودروا انها مرته حبيبته !! شنهي المصيبه يعني !

بس الواحد ما يقول الا الله يرزقها العقل الواعي .,

ويسلموو
مختلفة عقليا
29-03-2015, 06:22 AM
ااي وحده من البنات المشاركات لين الحين ما تزوجت


عقب 5 سنين نبي نعرف وش اسمها في جوال زوجها


او شيناديها ..




هلا

المفروض ما تنطر ريلها اتبادر هي ., وما تياس ابدددددد .,

خلها اتحاول مليون مره عقب لو نادته بسمه عباله تبي اتهاوش هههههه لانه مو متعود

وهو مع الوقت بيلين ., صدقني هاي البشر جيه علي مختلف اجناسهم واطباعهم .,

ويسلموو
مختلفة عقليا
29-03-2015, 06:25 AM
المهم كل واحد متزوج من اليوم ورايح يدلع مرته قدام الكل ويناديها باعلي صوته ياحبيبتي ياروحي ياقلبي ووووو لحد يستحي خذو المواضيع علي محمل الرومانسيه

هلا

والله ياليت ., بس اللي اتكلم عنه (( بين بعض )) مو بين العالم .,

في حقيقه الامر ان اكثرنا لا يرغب حتي بالمحاوله ., خشيت الفشل او (( الطنازه )) .,

لا تخافون ولا تبخلون علي انفسكم واحبتكم كونوا كرماء مع النفس والاحبه ., والله انتو وهم تستاهلون

ويسلموو
مختلفة عقليا
29-03-2015, 06:27 AM
على طاري لو كذابا
معروف إن الكذب حرام إلا في حالات 3 تقريبا أحدهم حديث الرجل لإمرأته ليرضيها

راح أقتبس نص الحديث

كما في الحديث الذي رواه الترمذي (1939) وأبو داود (4921) عَنْ أَسْمَاءَ بِنْتِ يَزِيدَ رضي الله عنها قَالَتْ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( لَا يَحِلُّ الْكَذِبُ إِلَّا فِي ثَلَاثٍ : يُحَدِّثُ الرَّجُلُ امْرَأَتَهُ لِيُرْضِيَهَا ، وَالْكَذِبُ فِي الْحَرْبِ ، وَالْكَذِبُ لِيُصْلِحَ بَيْنَ النَّاسِ ) . والحديث صححه الألباني في صحيح الترمذي .

عاد البعض تلاقينه يمشي ويجامل الكل ويعطي صواريخ وعند مرته أنواع التورع عن الكذب !

عالعموم خير الأمور الوسط
لاغزل دايم ولا تصحر وقحط مشاعر

الحب مثل النبت يحتاج نسقيه ... بعض الجفا يفسد محاصيل أهلها


دمتم بود

هلا

يعني حتي بالشرع امحلل بس احنا امحرمينه علي نفسنا .,

اتوقع امريكا هي السبب ههههههههههههههههه

يالله يمكن حد يجرب الكذب المباح ويترك الكذب المحرم .,

ويسلموو
مختلفة عقليا
29-03-2015, 06:29 AM
موضوع جميل ,,الكلام الحلو مطلوب لكن لا انصح فيه بكثرة حتى لايفقد معناه والهدف منه..والاهم من الكلام الحلو هو الفعل الحلو ,يعني ساعدها في عمل تقوم فيه..ريحها في يوم من الايام واطبخ بدالها(هذا الكلام للطباخين فقط واهل البر والرحلات)المقصود نوع في الاطراء بين الكلام والفعل...

هلا

انا معاك في ان الافعال لها تاثير وقد يكون قوي وعلي مر السنوات لا ينسي .,

بس انا اجوف ان الكلمات لازم اتكون متداوله بكثره فهي لا تضر ., مثل الكلمات الجاده والمعتاده

ويسلموو
مختلفة عقليا
29-03-2015, 06:30 AM
عليه الصلاة والسلام

http://tapatalk.imageshack.com/v2/15/03/19/15ede449ae1b6b9e5802e48177c16c83.jpg


Sent from my iPhone using Tapatalk

هلا

عليه افضل الصلاه واتم التسليم .,

والله ماعندي تعليق .,

يسلموو
مختلفة عقليا
29-03-2015, 06:34 AM
المناداة الرومانسية شي طيب واحترام العلاقة واجب اما التسميات الثانية مثل قوات التدخل او الداخلية او مادري شنو .... عيب صراحة


موضوع جميل ولكن فيه تحفظات من كثير من الناس من جانب الخصوصية والحياء مثل ما تفضلت اختنا بنت شرق بتوضيحه .

القضية مش مناداة بقدر ماهي احترام ميثاق العلاقة ...

هلا

الناس اشدراهم في بيتك !! وبينك وبين مرتك .,

الا اذا مرتك تكتب في المنتدي ^^

لا صج هالشي خاص بين طرفين وفي جوال او اشياء خاصه جدا .,

واللي ينادي مرته جدام اهله او اهلها باسم الدلع المفروض اتحطه تاج علي راسها ., وتقريبا هالشي نادر مع مستحيل

والسبب (( يستحي )) !! بس ما يستحي يصارخ عليها لو اغلطت او سوت أي شي جدام اهله !! لان عادي زوجها !!

ويسلموو
مختلفة عقليا
29-03-2015, 06:36 AM
السؤال !!

لماذا كل هذا (( الجفاف )) ., !! الا ينبغي ان نتنادي بافضل الكلمات والمسميات ., !!

قد تكون طبيعة حياتنا والبيئة اللي نعيشها والسائدة في المجتمع رسمت ملامح التحفظ مع الطرف الآخر ..
في حين الطرف الآخر يحب ويخق ويذوب لكل كلمة حلوة ..
لذلك اكسر أول حاجر وبعدها راح يتوالى كسر الحواجز ..

أقولها بمزحة ودعابة حتى لو كانت الأجواء ماتساعد ... (اعتبرها خط رجعة في اسوأ الاحوال)


هل للامر اهميه ., !! هل يضفي جو من الموده والرحمه والحب ., !!

أكيد والعلاقة تكون حميمية وأقوى وخاصة كل مايكبر الريال يحتاج دلع وحنان اكثر


هل تعتقد ان (( نفسيتك )) بتصير احلا اذا نادتك او ناداج باسم الدلع او اسم جميل .,

ايه يحسسني بمكانتي في روحه وقلبه

ما تاثير الكلمات علي نفسك ., وخصوصا من ناس اقراب منك ., !!

احب الكلمات الذوق والحلوة ... احب اقولها واحب من يقولها لي

هل تخجل من ان تبادر في الموضوع ., !!

لا
الكلمة الطيبة صدقة .... وحلو تكون هالكلمة اسلوب حياتنا في البيت ..
وعلى قولة الست .... القلب يعشق كل جميل

هلا

يسسسسسسسسسسسسسسس

اخيرا رد اشفي غليلي .,

والله تقريبا اغلبنا بيكون ردنا نفس ردج ,.

استغرب من اللي يكابر !!

ويسلموو
مختلفة عقليا
29-03-2015, 06:40 AM
وعليكم السلام ورحمة الله


الموضوع جميل وجداً مهم ، وكان ودي ارد على الأسئلة المطروحة
لكن رد اختي الجــوديّ فيه اجابات شافية واتفق معاها ، لذلك ماشوف داعي لتكرار نفس الكلام ..

بس حاب اناقش نقطتين لهم علاقة بالموضوع ‘‘

** الغالب في المجتمع ان المرأة هي اللي دايما تطالب بالمعاملة والكلام العاطفي ..
وأحس تكون تصور عند الكثير أن الرجل ما يحتاج هالشي او ليس امر ضروري بالنسبة له ..

من وجهة نظري الرجل يحتاج الكلام العاطفي تماماً مثل المرأة ،
وحتى احياناً يكون اكثر حاجة للكلام العاطفي من المرأة !!
والسبب لان المرأة من الممكن انها تعوض بعض من هذا النقص من امها او صديقاتها أو الاشخاص المقربين منها ’
لكن بالنسبة للرجل ، تظل في داخله مساحة فارغة لا تملؤها إلا المرأة ( زوجته ) ..


النقطة الثانية : أن " الجفاف العاطفي " من اهم أسباب خيانة المرأة لزوجها ..
طبعاً اقصد الخيانة بمعناها الواسع ، مش بس المعنى الصريح المتمثل في تكوين علاقة مع رجل اخر ,
ف حتى عندما تفكر المرأة وتقارن زوجها برجل آخر بينها وبين نفسها ، هالشي يعتبر خيانة !

وفي معظم حالات خيانة المرأة لزوجها /
أعتبر الرجل هو المـُلام بالمرتبة الأولى نتيجة لتقصيره في عدد من الجوانب ، والكلام العاطفي يُعتبر جانب منهم ..
بعكس الرجل اللي ممكن يخون زوجته بدون وجود أي تقصير منها !



شكراً ...

هلا

والله ان كلامك يكتب من ذهب .,

ارجو وضع cc وارسال الرساله لكل اعضاء المنتدي ., والعالم العربي اجمع .,

نقسوا علي من نحب بسبب جهلنا او كبريانا ., نخسر علاقات ونستمر في الاصرار علي ان الكلمات للعشاق ورويات العشق والخيال .,

اننا نحرم انفسنا بانفسنا من متع الدنيا ., واهمها (( الكلمات )) .,

ويسلموو
مختلفة عقليا
29-03-2015, 06:45 AM
Hi


وانتوا اشعرفكم ان الناس فيها جفاف عاطفي !!!

يعني تبغون كل شي يصير في البيت على كيفكم
ولا لازم كل شي يصير قدامكم عشان ترضون ههههه


والمشكلة اكثر اللي رادين مراهقين ومراهقات

يعني يحلمون وعايشين جو الرومنسية

وبأختصار عيب اقول حبيبتي قدام العرب
وين قاعدين !؟

وهذا اللي تقولون عنده جفاف عاطفي يمكن انه اكبر رومنسي
داخل بيته وبعيد عن عيون الناس

نفس واحد معانا في المنتدى اللي يقرى ردوده يقول هذا جاهلي ومتخلف

وفي الحقيقة معيش زوجتة حياة الأميرات وأحسن :)

المهم

مابي اكثر في الكلام <<<< للحين ما قلت شي

خالتي اليمامة غفر الله لها اختصرت لنا الموضوع بردها الفخم


مشكورين وعن اللقافة الزايدة ;):yes:

هلا

والله يا بو حارب احنا عايشين مع الناس ., في مجتمع., انلاحظ وانحلل .,

ما قلنا تعالوا قولوا الناس هم يتشكون ., او حتي يمرون ع الموضوع بدون تفكر فيه ., لجهلهم

ما اقول كل الناس جيه ., بس اللي جيه انبه ., او انذكره .,

اللي جيه بيرد علي انه مع الموضوع ويجوفه طبيعي ولازم كل الناس يكونون جيه .,

اقراء الردود وبتعرف اشلون انعرف الناس داخل بيتها ^^

( (( وذكر )) ان الذكري تنفع المؤمنين ., )

ويسلمو
مختلفة عقليا
29-03-2015, 06:48 AM
اللهم انا نعوذ بك من تصحر عاطفي لا يبقي ولا يذر !

المسألة كلها اختصرها بكلمة سد احتياجات ..

الكلام الحلو يسد حاجات اساسية عند الانسان ..

وهي الحاجة للحب والقبول والشعور بالامان ..

طبعا البيئة لها دور .. والتربية لها دور ..

صعب نطلب من انسان يعبر بكلام حلو هو اصلا ما تربى عليه ولا اسمعه

في محيطه من امه وابوه واخوانه وخواته ..

او بعضهم يحسه عيب وما يجوز !!!

اللي تربى على الحب بيفيض حب ..

واللي ما تربى عليه ممكن يتدارك نفسه ويعودها ..

ترى المسألة فيها خراب بيوت وضياع ابناء !!


بس مختلفة ..

تفاءلت خير بموضوعج .. خلا بو حارب ينطق ويعبر برد طويل عريض :nice:

شكرا مختلفة عزيزتي على الموضوع

هلا

ما اضيف علي كلامج شي .,

الا ان الانسان بطبيعه حاله (( قابل للتغير )) بالوعي او غير وعي .,

ف يا تجتهدت مع نفسك واتحاول اتغير شي فيك ., او يجتهد غيره عليه ويغيرونه .,

وفي كلا الحالتين التغيير بيعود بالفائده ع الجميع .,

ويسلموو
مختلفة عقليا
29-03-2015, 06:53 AM
صادقة

كلام الياهل اللي يحبي لتقبّله بصدر رحب

لانه كلام طالع من القلب فديت قلبوه ;)

اما الباقي كلامهم كله خريط في خريط بس تفلسف :cool:

هلا

خل كل الكلام اللي تكتبه وركز علي تفلسف !!

ياخي مو عيب اتفلسف بس م اتم واقفه في نفس المكان !! من مليون سنه او ارفض التغيير واحاربه بكل ما اوتيت من قوه .,

انا مع انك ما اتحب العلم ولا القرايه ولا الدورات ولا (( التطور )) بس نصيحه لا اتضر غيرك ., تذكر كلامك محسوب عليك .,

ويسلموو
بومحمد المطاوعه
29-03-2015, 08:33 AM
السلام عليكم

جميعنا يعلم يقينا ., ان للكلمات سحر .,

كيف وان كانت من المحبوب ., !!

في بدايه الزواج يتفنن الزوج والزوجه في اختيار الكلمات والمسميات .,

وبعد فتره ... تُنسي تلك اللغه الحانيه .,

ومن الغاليه الي ام الغالي ., !!

نعم ننشغل عن مثل هذه الاشياء ., او لا نلقي لها بال ., وقد يراها البعض (( سخافه )) ., ولكنها في حقيقه الامر (( عظيمه ))

وفي اجهزتنا المحموله ., بعضهم (( يخجل )) من تسميه زوجته باسامي رومنسيه او جميله .,

اغلب صديقاتي لما كلمتهم في الموضوع ., حسيت تاثروا ان ازواجهم نسوا هالشي ., !! وان هم بعد نسوه ., !!

معقوله اتنادي ام اعيالك باسمها او ام فلان !! والبنت اتنادي ريلها باسمه او بو فلان !! ليششششش مو انتوا حبايب !! وبينكم
(( ميثاق غليظ )) .,

السؤال !!

لماذا كل هذا (( الجفاف )) ., !! الا ينبغي ان نتنادي بافضل الكلمات والمسميات ., !!

هل للامر اهميه ., !! هل يضفي جو من الموده والرحمه والحب ., !!

هل تعتقد ان (( نفسيتك )) بتصير احلا اذا نادتك او ناداج باسم الدلع او اسم جميل .,

ما تاثير الكلمات علي نفسك ., وخصوصا من ناس اقراب منك ., !!

هل تخجل من ان تبادر في الموضوع ., !!

وفي النهايه .,

هناك تصرفات او افعال (( صغيره )) وقد لا نلقي لها بال ., ولكنها ذات (( تاثير )) عميييييق ., فبداء بها ., وانظر النتائج :victory:

ويسلموو


جزاكي الله خير ع الموضوع الطيب

فعلآ في ناس هذي تصرفهم

.. وابشرج البعض يكلم زوجته .. لو كان قاعد مع الشباب
يكلمها ,. بوصف رجل ..

يعني وين بتروح وشسويت وهالسوالف ..
مايكلمها بأنها بنت والعياذ بالله ..
صارت قدامي .. وتهاوشت .. معاه .. كم مره

ولكن للأسف عقليات .. والله المستعان ..

ماقول مافي ناس يدلع مرته في .. وجدام .. الناس .. ولا يفتكر ..

ولكن .. الواحد مايبي يذكر .. محاسن .. تعامله ..
لان احنا في منتدى .. عام .. وفي ناس .. مب محصله .. تعامل حسن ..

ف يمكن .. يحسد الأنسان عندما يذكر .. محاسن تعامله ..
الأحسن الواحد .. يتحفظ بتعامله ..

وفي النهاية ننبه ..
.. الأخوه والأخوات ..

.. أن التعامل بين .. الزوجين .. ينبغي أن يكون .. بالمودة والرحمة .. التي امتن .. الله تعالى .. بها على الأزواج

بقوله تعالى: وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجاً لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآياتٍ لِقَوْمٍ يَتَفَكَّرُونَ. {الروم:21}


وهذا والله اعلم ..
بومحمد المطاوعه
29-03-2015, 08:38 AM
كل واحد يسمي ف جواله

زوجتي العزيزه

او الحب

او ام الغاليين
او الغاليه ..

اما سوالف داعش ولا الأهل

انا اشوف مالها داعي الصراحه ..
بومحمد المطاوعه
29-03-2015, 08:44 AM
السؤال !!

لماذا كل هذا (( الجفاف )) ., !! الا ينبغي ان نتنادي بافضل الكلمات والمسميات ., !!




مافي جفاف ..

الجفاف في الناس الي عقولها حجريه .. ومافي تبادل مشاعر بين الأزواج




السؤال !!



هل للامر اهميه ., !! هل يضفي جو من الموده والرحمه والحب ., !!





اكيد لابد وجود موده وحب بين الأزواج ..




السؤال !!



هل تعتقد ان (( نفسيتك )) بتصير احلا اذا نادتك او ناداج باسم الدلع او اسم جميل .,





شيء طبيعي ومحد يقدر ينكر هالشي ..




السؤال !!



ما تاثير الكلمات علي نفسك ., وخصوصا من ناس اقراب منك ., !!





تأثير ايجابي بحححححححححت ..
حتى لو كانت نفسيتك تعبانه .. او متضايق .. او زعلان .. وتسمع كلام .. طيب
بيتغير مودك .. تلقائيآ ..




السؤال !!



هل تخجل من ان تبادر في الموضوع ., !!



لا طبعآ ..
الكلمه .. الطيبة .. صدقة ..
والكلام الحلو .. اذا ماتبادل مع الزوج والزوجه .. يتبادل مع من ..



تحياتي
عثرة جواد
29-03-2015, 08:50 AM
السلام عليكم

موضوع مختلف كختلاف طلتك

تقول الزوجة لزوجها ""


حينما أعود للوراء قـليـلا وأتذكر لحـظاتي الحـلوة معــك ، وأيامي الجـمـيلة بــرفـقــتك
أشـعر فـعلا أنـني محـظوظة . . ولا شيء يــوازي ســعادتـي بــك . . ولا أحـد غـيرك
قـادر على أن يمـنحـني ما أعطيتـني أنت إياه . . بـل أشــعر بـصـدق أن هـذا الكــــون
على حــجـم اتسـاعـه وكـبر مسـاحـته وكـثـرة إغراءاته لايـهمـني أبدا بـقـدر اهتمامي
بحـبي لك . . وبـقدر رغـبتي في التمسك بك . . ، ولم لا تكون أنت مصدر اهتـمـامــي
وقــد احتـويتــني وأضأت شمعة حيـــاتــــي .

مارووع الحب الحلال :)
مختلفة عقليا
29-03-2015, 10:23 AM
جزاكي الله خير ع الموضوع الطيب

فعلآ في ناس هذي تصرفهم

.. وابشرج البعض يكلم زوجته .. لو كان قاعد مع الشباب
يكلمها ,. بوصف رجل ..

يعني وين بتروح وشسويت وهالسوالف ..
مايكلمها بأنها بنت والعياذ بالله ..
صارت قدامي .. وتهاوشت .. معاه .. كم مره

ولكن للأسف عقليات .. والله المستعان ..

ماقول مافي ناس يدلع مرته في .. وجدام .. الناس .. ولا يفتكر ..

ولكن .. الواحد مايبي يذكر .. محاسن .. تعامله ..
لان احنا في منتدى .. عام .. وفي ناس .. مب محصله .. تعامل حسن ..

ف يمكن .. يحسد الأنسان عندما يذكر .. محاسن تعامله ..
الأحسن الواحد .. يتحفظ بتعامله ..

وفي النهاية ننبه ..
.. الأخوه والأخوات ..

.. أن التعامل بين .. الزوجين .. ينبغي أن يكون .. بالمودة والرحمة .. التي امتن .. الله تعالى .. بها على الأزواج

بقوله تعالى: وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجاً لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآياتٍ لِقَوْمٍ يَتَفَكَّرُونَ. {الروم:21}


وهذا والله اعلم ..


هلا .,

بموت من هالناس بمووووووت .,

ابي افهم ليش راضين يعيشون بجفاف ., !! ياخي الله عطاك شي حلو ليش ما تستخدمه !!

والعين حق ., ولا اتقولون ان انتوا جيه ., بس لا تمنعون الناس عن هالشي .,

ويسلموو


كل واحد يسمي ف جواله

زوجتي العزيزه

او الحب

او ام الغاليين
او الغاليه ..

اما سوالف داعش ولا الأهل

انا اشوف مالها داعي الصراحه ..

هلا

هاي مو طبيعين .,

في حد يكره مرته ., !! ليش عايش معاها !!




مافي جفاف ..

الجفاف في الناس الي عقولها حجريه .. ومافي تبادل مشاعر بين الأزواج



اكيد لابد وجود موده وحب بين الأزواج ..



شيء طبيعي ومحد يقدر ينكر هالشي ..



تأثير ايجابي بحححححححححت ..
حتى لو كانت نفسيتك تعبانه .. او متضايق .. او زعلان .. وتسمع كلام .. طيب
بيتغير مودك .. تلقائيآ ..



لا طبعآ ..
الكلمه .. الطيبة .. صدقة ..
والكلام الحلو .. اذا ماتبادل مع الزوج والزوجه .. يتبادل مع من ..



تحياتي

هلا

والله انك كفيييييت ووفييييت

نحتاج لفهم (( جوهر العلاقه الزوجيه )) .,

واحترام مشاعر النفس والاخرين .,

وتطبيق الدين بما يرضي الله والنفس والطرف الاخر .,

ويسلموو
مختلفة عقليا
29-03-2015, 10:24 AM
السلام عليكم

موضوع مختلف كختلاف طلتك

تقول الزوجة لزوجها ""


حينما أعود للوراء قـليـلا وأتذكر لحـظاتي الحـلوة معــك ، وأيامي الجـمـيلة بــرفـقــتك
أشـعر فـعلا أنـني محـظوظة . . ولا شيء يــوازي ســعادتـي بــك . . ولا أحـد غـيرك
قـادر على أن يمـنحـني ما أعطيتـني أنت إياه . . بـل أشــعر بـصـدق أن هـذا الكــــون
على حــجـم اتسـاعـه وكـبر مسـاحـته وكـثـرة إغراءاته لايـهمـني أبدا بـقـدر اهتمامي
بحـبي لك . . وبـقدر رغـبتي في التمسك بك . . ، ولم لا تكون أنت مصدر اهتـمـامــي
وقــد احتـويتــني وأضأت شمعة حيـــاتــــي .

مارووع الحب الحلال :)

هلا

الله الله .,

هاي الكلام اللي يبيله كوبي بست ^^

نحتاج الي تذكر بعض من هذه الذكريات .,

ومداومه الاطراءات والكلام المعسول .,

ويسلموو
بومحمد المطاوعه
29-03-2015, 10:25 AM
هلا .,

بموت من هالناس بمووووووت .,

ابي افهم ليش راضين يعيشون بجفاف ., !! ياخي الله عطاك شي حلو ليش ما تستخدمه !!

والعين حق ., ولا اتقولون ان انتوا جيه ., بس لا تمنعون الناس عن هالشي .,

ويسلموو



هلا

هاي مو طبيعين .,

في حد يكره مرته ., !! ليش عايش معاها !!



هلا

والله انك كفيييييت ووفييييت

نحتاج لفهم (( جوهر العلاقه الزوجيه )) .,

واحترام مشاعر النفس والاخرين .,

وتطبيق الدين بما يرضي الله والنفس والطرف الاخر .,

ويسلموو


اسأل الله ان يجمع كل زوج وزوجته على موده وحب واحترام ..


ان شاءالله الي يجهل الموضوع يراجع نفسه ويتعض ويشوف ويغير هالكلمات في تلفونه

تحياتي لج اختي ..
ضوى
29-03-2015, 10:27 AM
كيف ممكن يكون تزييف المشاعر ؟؟ او الكذب فيها ؟؟

الزواج مودة ورحمة اكثر من كلام الحب والغزل ، مابيزيدني شي لما يقول لي حبيبتي بكذب وانا اعرف انه يكذب لانه المشاعر الصادقة لا تزييف ولا يمكن الكذب فيها ، اللي يقول كلام الحب الطالع من قلبه راح يوصل تماما للقلب ، واللي يزيف مشاعره واحاسيسه فالكلام مايتعدا الاذن الوسطى
حسن
29-03-2015, 10:44 AM
فهميهم علميهم يامختلفه اصبحانا مانعرف من الرجل ولا المراه

انه الجفاء العاطفي ياساده
واصبحت الحياه الزوجه عقد مقاولات

ابغي كذا وجيب لي كذا


قولولنا لو كذ ب على الاقل راضين بها


ذكرتيني

باللي يقول انت فين والحب فين

ناس مافي راسها الى المناحس


انا اتفق معاك يامختلفه انتي طلعني الناس المستحجره والمتحجره


تلعمو الاسلوب ولو بالكذب

:)
مختلفة عقليا
29-03-2015, 12:44 PM
اسأل الله ان يجمع كل زوج وزوجته على موده وحب واحترام ..


ان شاءالله الي يجهل الموضوع يراجع نفسه ويتعض ويشوف ويغير هالكلمات في تلفونه

تحياتي لج اختي ..

هلا

امين .,

لكن انرد وانقول اللي يبي ., ^^

ويسلموو
مختلفة عقليا
29-03-2015, 12:47 PM
كيف ممكن يكون تزييف المشاعر ؟؟ او الكذب فيها ؟؟

الزواج مودة ورحمة اكثر من كلام الحب والغزل ، مابيزيدني شي لما يقول لي حبيبتي بكذب وانا اعرف انه يكذب لانه المشاعر الصادقة لا تزييف ولا يمكن الكذب فيها ، اللي يقول كلام الحب الطالع من قلبه راح يوصل تماما للقلب ، واللي يزيف مشاعره واحاسيسه فالكلام مايتعدا الاذن الوسطى

هلا

في نقطه مهمه ., اللي ما يحب مرته وما يجوفها صج حبيبته وعمره وشريكه حياته ., والعكس ايضا ., هاي لازم نشرح له من اول وجديد معني الحياه .,

القصيده معناتها ., قولي حتي لو مو متعود ., مو حتي لو تكذب (( كرها )) .,

ضوي بس صج في ناس يكرهون حريمهم لدرجه انه بيكذب لو قال لها حبيبتي ., وما بتكون من قلبه !! معئووول هيك !!

ويسلموو
بوحارب
29-03-2015, 12:49 PM
مختلفة اشفيج

كل من اختلف معاج حللتي كلامه على كيفج
وخليتيه عدو وصهيوني

وين الدورات وين المحاضرات وين الحوار

مالكم كيف تحكمون:weeping:
مختلفة عقليا
29-03-2015, 12:49 PM
فهميهم علميهم يامختلفه اصبحانا مانعرف من الرجل ولا المراه

انه الجفاء العاطفي ياساده
واصبحت الحياه الزوجه عقد مقاولات

ابغي كذا وجيب لي كذا


قولولنا لو كذ ب على الاقل راضين بها


ذكرتيني

باللي يقول انت فين والحب فين

ناس مافي راسها الى المناحس


انا اتفق معاك يامختلفه انتي طلعني الناس المستحجره والمتحجره


تلعمو الاسلوب ولو بالكذب

:)

هلا

حسن يا حسن ., انا مصدومه ان في ناس تبي تبخل علي نفسها بالحب ., والكلام المعسول

والله العظيم مجاااااااني ., ويجلب طاقه ايجابيه ., وياثر علي الشخص والبيئه .,

بس سبحان الله في ناس ما اتصدق ., ولا تسمح لنفسها تستوعب هالاشياء .,

في ناس تعدي عمرهم الـ 100 ولحين مو فاهمين احتياجات الطرف الاخر !! اتصدق

ويسلموو
مختلفة عقليا
29-03-2015, 12:51 PM
مختلفة اشفيج

كل من اختلف معاج حللتي كلامه على كيفج
وخليتيه عدو وصهيوني

وين الدورات وين المحاضرات وين الحوار

مالكم كيف تحكمون:weeping:

هلا

انا اسفه وبالصوت المليان ., يا بو حارب .,

بس انت اتكلم مع ناس تحسب كل كلمه ., انا اسفه لو ظلمتك .,

والله يخليلك ام اعيالك حبيبتك وروحك ودنيتك .,

ويسلموو
يمامـة
29-03-2015, 01:48 PM
كيف ممكن يكون تزييف المشاعر ؟؟ او الكذب فيها ؟؟

الزواج مودة ورحمة اكثر من كلام الحب والغزل ، مابيزيدني شي لما يقول لي حبيبتي بكذب وانا اعرف انه يكذب لانه المشاعر الصادقة لا تزييف ولا يمكن الكذب فيها ، اللي يقول كلام الحب الطالع من قلبه راح يوصل تماما للقلب ، واللي يزيف مشاعره واحاسيسه فالكلام مايتعدا الاذن الوسطى

جدا كثيرا اوي خالص ............> اوافقج و بقوة و بعنف القوة هذي..
بوحارب
29-03-2015, 02:08 PM
هلا

انا اسفه وبالصوت المليان ., يا بو حارب .,

بس انت اتكلم مع ناس تحسب كل كلمه ., انا اسفه لو ظلمتك .,

والله يخليلك ام اعيالك حبيبتك وروحك ودنيتك .,

ويسلموو
اشكرج ^_^

ماله داعي الأسف

لاني مازعلت مثل زعل جدي :)

امين ولَك مثل ما دعيتي لي
R 7 A L
30-03-2015, 07:44 AM
البيئه لها تأثير في التصحر والجفاف
:rolleyes:
مختلفة عقليا
30-03-2015, 09:30 AM
هلا

في نقطه مهمه ., اللي ما يحب مرته وما يجوفها صج حبيبته وعمره وشريكه حياته ., والعكس ايضا ., هاي لازم نشرح له من اول وجديد معني الحياه .,

القصيده معناتها ., قولي حتي لو مو متعود ., مو حتي لو تكذب (( كرها )) .,

ضوي بس صج في ناس يكرهون حريمهم لدرجه انه بيكذب لو قال لها حبيبتي ., وما بتكون من قلبه !! معئووول هيك !!

ويسلموو


جدا كثيرا اوي خالص ............> اوافقج و بقوة و بعنف القوة هذي..

هلا .,

نفس الرد طبعا

ويسلموو
مختلفة عقليا
30-03-2015, 09:31 AM
البيئه لها تأثير في التصحر والجفاف
:rolleyes:

هلا

عيل بقترح علي الاستشارات العائليه سفره اجباريه لكل متزوجين كل 10 سنوات ^^

ويسلموو