وضعكم الوظيفي / نبي الكل يشارك فضلاً وليس أمراً

[أم محمد 90]

السلام عليكم ورحمة الله وبركاته


أعزائي أعضاء المنتدى تعالو نكسر الروتين شوي ونبعد عن مواضيع المرأة والرجل وندخل بمواضيع الحياة الوظيفية

عندكم عرضين أي منها راح تختارون مع ذكر الأسباب وبكل صراحة :




- العرض الأول :

مكان المسئول عليك ليس قطري وكان قبل موظف عادي وبينك وبينه مشاكل والحين صار مسئولك

مميزات العرض : تطلع وتداوم على كيفك (يعني سهولة ف الاستئذان والاجازات) + لو كنت تدرس عندك تفرغ ساعتين واجازات دراسية ودورات كثيرة تاخذها بسهولة + مكاتب مسكرة .

عيوب العرض : راتب ضعيف مقارنة بالاماكن الأخرى + ماتقدر تثبت نفسك لان الشغل روتيني وممل واكل وسوالف ونميمة وكل وحدة تتصيد للثانية + طريقة شغل قديمة (اوراق + اوراق)
مافي علاوات + مافي مكافأت

المسمى ( كاتب اداري)


العرض الثاني :

مسئول قطري وتعرفت عليه توك وحب فيك النشاط والاندفاع للتغير ويبيك عنده

مميزات العرض : راتب قوي جداً + دورات سنوية + مكافأت على الفعاليات المقامة + اختلاط بناس جديدة واكتساب مهارات

عيوب العرض : المسمى (سكرتير تنفيذي) انضباط ونظام الاستئذان محدود ف الشهر والشغل ضغط شوي ومكان الشغل مفتوح يعني نظام بارتشنات وليس مكاتب.

ولكن العرض الثاني في دافع لتطوير نفسك وانك تكون نفسك وتكتسب مهارات كثيرة لان المكان له مستقبل واسمه معروف وناس وايد تتمناه .


أي عرض بتختار ؟

هل انت مع الراحة والراتب الضعيف

ام الشغل المتعب والراتب القوي ؟



يالله شاركونا :pardon:

[ضوى]

ام الشغل المتعب والراتب القوي ؟

مع هالعرض

بالتوفيق ام محمد

[بانغ بانغ]

nice one

انا طبيعتي وركهوليك

فالخيار الثاني طبعا

[بانغ بانغ]

في وظايف مسمى سكرتير تنفيذي ... بدرجة وكيل وزارة

للعلم فقط

[أم محمد 90]

ام الشغل المتعب والراتب القوي ؟

مع هالعرض

بالتوفيق ام محمد

شكراً لج حبيبتي على ابداء رايج ماخاب من استشار

[أم محمد 90]

nice one

انا طبيعتي وركهوليك

فالخيار الثاني طبعا


في وظايف مسمى سكرتير تنفيذي ... بدرجة وكيل وزارة

للعلم فقط



شكرا لك ولمشاركتك . يعني انت مع الحكرة والكرف الجامد بس راتب ممتاز

[بنت مريخ]

الخيار الثاني
افضل الشغل على الجمعات والسوالف

[متحدث لبق]

ما اعتقد في احد من الأعضاء بيختار النوع الأول لسبب بسيط هالنوع يوم الخميس و هالحزة تلاقيه راقد فالبيت هههههههههه أختار الخيار الثاني بلا منازع

[بانغ بانغ]

شكرا لك ولمشاركتك . يعني انت مع الحكرة والكرف الجامد بس راتب ممتاز


اي والله خاصة إذا كانت الجهة راقية

الله يوفقكم وموضوع مميز ونايس للويكند

[متحدث لبق]

إضافة بسيطة....مستعد أقبل الكرف و الراتب في اي مكان فيه تطوير حتى لو كانت عندي مشاكل مع مديري و بغض النظر عن جنسيته

[Abdulraman]

اذا انا بنت آخذ الراتب الضعيف والدوام على كيفي واذا رجال آخذ الراتب القوي والاتتزام
ليش قلت اذا بنت آخذ الراتب الضعيف واداوم على كيفي لان اللي حاصل الحين البنت في الدوام الى الساعه الف ومن اجتماع الى اجتماع مع الرجال وهذا مايجوز

[أم محمد 90]

الخيار الثاني
افضل الشغل على الجمعات والسوالف

تسلمين على الرد ،

بس ما يضايقج ان المكان رغم انه راقي واسمه قوي الا انه مكتبج بارتشن مافيه خصوصية ؟

[ضوى]

شكراً لج حبيبتي على ابداء رايج ماخاب من استشار

تدرين ليش؟

الجهة الاولى بتقتل كل ابتكار وتطوير وطموح عندي بتخليني اجي الدوام اشرب شاي واقرأ جرايد وبيكون عندي وقت طويل للفلفه عالاقسام والسوالف وهذا الشي على فكرة يزيد الوزن لانه كله اكل بكل مكان

في حين الجهة الثانية تعب وتطوير ونتيجة جهدي اخر الشهر راتب ينسيني التعب كله

[أم محمد 90]

ما اعتقد في احد من الأعضاء بيختار النوع الأول لسبب بسيط هالنوع يوم الخميس و هالحزة تلاقيه راقد فالبيت هههههههههه أختار الخيار الثاني بلا منازع

لا والله يا اخوي تأكد

في ناس يبون مايهمهم الراتب كثر ان يقضي وقت والمشكلة مداوم وكل يوم استئذان
تذبحني هالنوعية من الناس واعاني وياهم ف دوامي مايمر اسبووع ولا يوم
الا ولدي
الا ام ريلي
الا مدرسة بنتي
الا الخدامة
الا المستشفى

ف صدقني في ناس يبون النوع الأول وذلك لسهولة الاستئذان والغياب

[أم محمد 90]

اي والله خاصة إذا كانت الجهة راقية

الله يوفقكم وموضوع مميز ونايس للويكند

اللهم آمين نطمح للافضل ونقدم كل شي تعلمناه

شاكرة لك مشاركتك

[بانغ بانغ]

كثير من الناس ما يدورون الراتب والراحة ...

انما البونس السنوي

لانه في جهات تعطي بونس 3 مرات في السنة والبعض مرة ... واحيانا البونس خشن لدرجة اينسيكم التعب

[أم محمد 90]

إضافة بسيطة....مستعد أقبل الكرف و الراتب في اي مكان فيه تطوير حتى لو كانت عندي مشاكل مع مديري و بغض النظر عن جنسيته

الجنسية مالها خص بالموضوع صحيح لانه يبيلها موضوع اخر
لان في اجانب ممتازين كمدراء وفي قطريين سيئين كمدراء والعكس كذلك .

بس الخلاصة : الواحد يحلل راتبه

[أم محمد 90]

كثير من الناس ما يدورون الراتب والراحة ...

انما البونس السنوي

لانه في جهات تعطي بونس 3 مرات في السنة والبعض مرة ... واحيانا البونس خشن لدرجة اينسيكم التعب

صحيح والله , ولا تعال احضر فعاليه واستلم مبلغ

شي حلوو والله :shy: موافقين موافقين

[monatee]

بختار اللي ساعات الدوام اقل

سواء كان روتيني او ضغط عمل

:)

[أم محمد 90]

اذا انا بنت آخذ الراتب الضعيف والدوام على كيفي واذا رجال آخذ الراتب القوي والاتتزام
ليش قلت اذا بنت آخذ الراتب الضعيف واداوم على كيفي لان اللي حاصل الحين البنت في الدوام الى الساعه الف ومن اجتماع الى اجتماع مع الرجال وهذا مايجوز

صحيح !

خصوصا لو كان المكان خلط بحت ولكن فيه مميزات قوية

رأيي الشخصي :

البنت تقدر تداوم ولكن باحتشامها وماتخالط غيرها في شي غير العمل .

ردك حلو يعطيك العافية

[أم محمد 90]

بختار اللي ساعات الدوام اقل

سواء كان روتيني او ضغط عمل

:)

العرض الاول الدوام من 7 ونص لين 1 ونص
والثاني من 7 ونص لين ثنتين ونص

تبين تلحقين ع المقيال ها ههههههههه

[monatee]

العرض الاول الدوام من 7 ونص لين 1 ونص
والثاني من 7 ونص لين ثنتين ونص

تبين تلحقين ع المقيال ها ههههههههه

عيل الاول :shy:

جربت النوع الثاني مهما كان الراتب عالي مايسوى راحه بالي وتعبي النفسي

حالياً اشتغل بوظيفه متعبه ميدانيه ،، مافكر اغيرها لان 12 ونص ينتهي الدوام

[qatarman8008]

اذا كان ةلابد من اختيار احد الامرين المذكورين..
فالافضل اختيار الوضيفة الاولى.. لماذا..؟؟
لان الوظيفة الاولى مع تدني مكافئاتها وراتبها الا انها تحفظ الشيئ الاساسي الجوهري للبنت.. وهي الخصوصية والاخلاق..
اما الوظيفة الثانية فانها تجلب لك الراتب المجزي والمكافئات ولكن على حساب شيئ جوهري في الحياة لا يقبل التفاوض..
اانا افترضت ان الوظيفة الاولى ليست ابدية.. يعني هناك تفرغ للدراسة وبالتالي يمكن ان يتم ترقية الموظفة او نقلها لقسم اخر بعد الحصول على الشهادة الجامعية.. او حتى تستطيع تقدم على وظيفة اخرى.. دام عندها شهادة وخبرة..
ااما الوظيفة الثانية فهي تعتمد اساسا على العلاقات.. يعني لو تغير المدير تغير الحال 180 درجة..
اضف الى هذا ان علاقات هاليومين لازم البنت تقدم تنازلات .. يخضعن بالقول فيطمع الذي في قلبه مرض ..!!
اذن التفكير لمدى قصير يوهم البنت ان الوظيفة الثانية هي الاجدر..
وعلى العكس تماما الوظيفة الاوللى هي الاجدر سواءا عالمدى القصير او الطويل..

[ودي أكون]

الاول ..

السبب مافي خلط
فيه دورات
توقيت الدوام شوي زين
وبالنسبه للراتب ماعتقد ان ضعيف لدجة ان مايوكل عيش في ظل حكومتنا الرشيده ..

الاول ان شاءالله

[أم محمد 90]

اذا كان ةلابد من اختيار احد الامرين المذكورين..
فالافضل اختيار الوضيفة الاولى.. لماذا..؟؟
لان الوظيفة الاولى مع تدني مكافئاتها وراتبها الا انها تحفظ الشيئ الاساسي الجوهري للبنت.. وهي الخصوصية والاخلاق..
اما الوظيفة الثانية فانها تجلب لك الراتب المجزي والمكافئات ولكن على حساب شيئ جوهري في الحياة لا يقبل التفاوض..
اانا افترضت ان الوظيفة الاولى ليست ابدية.. يعني هناك تفرغ للدراسة وبالتالي يمكن ان يتم ترقية الموظفة او نقلها لقسم اخر بعد الحصول على الشهادة الجامعية.. او حتى تستطيع تقدم على وظيفة اخرى.. دام عندها شهادة وخبرة..
ااما الوظيفة الثانية فهي تعتمد اساسا على العلاقات.. يعني لو تغير المدير تغير الحال 180 درجة..
اضف الى هذا ان علاقات هاليومين لازم البنت تقدم تنازلات .. يخضعن بالقول فيطمع الذي في قلبه مرض ..!!
اذن التفكير لمدى قصير يوهم البنت ان الوظيفة الثانية هي الاجدر..
وعلى العكس تماما الوظيفة الاوللى هي الاجدر سواءا عالمدى القصير او الطويل..


انت تكلمت من جهة البنت !

انا حبيت كل شخص يجاوب عن نفسه .

كلامك صحيح ولا غبار عليه بس ترى الموضوع للجنسين

ف اذا انت رجال جاوب عن نفسك اي عرضين بتاخذ

واذا كنتي بنت يزاج الله كل خير جوابج فيه نقاط اساسية مهمة الوحدة لازم تراعيها لما تجي تختار

[أم محمد 90]

الاول ..

السبب مافي خلط
فيه دورات
توقيت الدوام شوي زين
وبالنسبه للراتب ماعتقد ان ضعيف لدجة ان مايوكل عيش في ظل حكومتنا الرشيده ..

الاول ان شاءالله


اسبابج مقنعة ,, هو مو سيء لهدرجة هو يعتمد ع درجة طموح الشخص وقابليته للصبر

[أم محمد 90]

عيل الاول :shy:

جربت النوع الثاني مهما كان الراتب عالي مايسوى راحه بالي وتعبي النفسي

حالياً اشتغل بوظيفه متعبه ميدانيه ،، مافكر اغيرها لان 12 ونص ينتهي الدوام

بس تداومين 6 ونص صح؟

[غريب الدّار]

مرحبا اختي ام محمد90 وقواج الله

أصلا اللي نشوفهم يحاوطون في المنتدى من قسم لي قسم بالذات في وقت الدوام من الصبح لين الظهر وتلقينهم مرتزين طول وقت الدوام في المنتدى هاذول already مختارين الخيار الأول
ومطبقينه صح :)

وبسنا ادعاء مثاليات
:)

[موظف ((حكومي]

الحين جالس في مكتب واسمع سوالفهم وضحكهم


الدعوه خربانه

[غريب الدّار]

الحين جالس في مكتب واسمع سوالفهم وضحكهم


الدعوه خربانه
؟

السموحة اخوي استوقفني ردك بصراحة

من هم اللي تسمع سوالفهم وضحكهم؟
ووش دخلهم في الموضوع ولا عليك امر؟

[بريق الحق]

عروضج تعبانه ماتيب الراس الصراحه (:

[أم محمد 90]

مرحبا اختي ام محمد90 وقواج الله

أصلا اللي نشوفهم يحاوطون في المنتدى من قسم لي قسم بالذات في وقت الدوام من الصبح لين الظهر وتلقينهم مرتزين طول وقت الدوام في المنتدى هاذول already مختارين الخيار الأول
ومطبقينه صح :)

وبسنا ادعاء مثاليات
:)

صح كلامك
حمدلله انا مش كل يوم متواجدة الا لما اكون فاضية ههههه صح غريب صح

[أم محمد 90]

عروضج تعبانه ماتيب الراس الصراحه (:

العروض افتراضية ..

حبيت تجاوب جاوب ماتبي روح دور شي يجيب راسك

[sweet qatar]

الموضوع محير يام محمد

ولو بفكر علي وضعي بحتار بين الاثنين

ميزة العرض الأول هو المكتب المسكر

بصراحة صعبة علي اقعد في بارتشن

ساعات مع الكرف و التركيز نقط العبي

أما ميزة العرض الثاني .. هو الإنجاز بالإضافة للراتب

شلون بختار ... اطلع علي المكانين و أصلي استخاره والله يكتب الي فيه الخير

[وطن]

في وظايف مسمى سكرتير تنفيذي ... بدرجة وكيل وزارة

للعلم فقط

بالضبط

أهم شي الدرجة

انا اقول الوظيفة الثانية

[Class - Qtr]

السلام عليكم

انا باارفض العرضين بصراحه

السبب / لاني ابي راتب قوي ومكان ارتاح فيه ادخل واطلع على راحتي والاهم عندي ظهر

قوي في المكان يضبط اموري من ترقيات وعلاوات ودورات وغيرة ..

[رجل مثالي]

أنا قرأت عن أحد الخريجين الضباط بدون ذكر البلد كان جديد التخرج ويحب خدمة بلده ولكن كان مسؤولة في العمل لا يحبه بدون سبب وجالس من الصباح الى نهاية الدوام بدون عمل وهو يخاف من طرح مشكلته خوفآ من العواقب
ولكنه صبر ودرس أون لاين الى ان حصل على الماجستير لانه طول الوقت بدون عمله وتخرج الى ان وصل الى حصوله على الدكتوراه رب ضارة نافعة أخذ الوقت في صالحة وصالح مستقبله وأصبح من المتميزين بسبب صبره

[شبح الصمت]

الله يوليج العافيه ام محمد

طبعاً الاول في حالة وحده فقط !!!

إذا بكمل دراستي وعندي النيه وصامل .. اما اذا نفس المميزات بس بدون ما ادرس لا ما ابيه ..


ابي العرض الثاني احسن لي وافضل بكثيرررررررررر


راتب وعلاقات ودورات وومميزات كثيرة

[الحياة الخالدة]

الخيار الثاني
مع التحفظ على البارتشنات
يعني ما يصير نطلب مكتب خاص للبنات عالأقـــــــل ؟؟
يمكن المدير متفهم و يوافق

[رهج السنابك]

اذا الوحده شابه وعزباء الخيار الثاني افضل خاصه لو المدير حبوب
واذا كانت متزوجة او قضت فوق عشر سنين وماعندها دخل غير راتبها تروح للخيار الثاني

في كل الاحوال لو علي شنو بختار او وظيفه احلامي كالاتي
ظ،- مدير عسل وشاطر وقوي
ظ¢- اداره صغيره بمكان مايزيد عدد الموظفين عن 200
ظ£-دورات ماتقل عن ثلاثه بالسنه
ظ¤- ادارة مافيها ولا بنت

[بنت شرق]

السلام عليكم ورحمة الله وبركاته


أعزائي أعضاء المنتدى تعالو نكسر الروتين شوي ونبعد عن مواضيع المرأة والرجل وندخل بمواضيع الحياة الوظيفية

عندكم عرضين أي منها راح تختارون مع ذكر الأسباب وبكل صراحة :




- العرض الأول :

مكان المسئول عليك ليس قطري وكان قبل موظف عادي وبينك وبينه مشاكل والحين صار مسئولك

مميزات العرض : تطلع وتداوم على كيفك (يعني سهولة ف الاستئذان والاجازات) + لو كنت تدرس عندك تفرغ ساعتين واجازات دراسية ودورات كثيرة تاخذها بسهولة + مكاتب مسكرة .

عيوب العرض : راتب ضعيف مقارنة بالاماكن الأخرى + ماتقدر تثبت نفسك لان الشغل روتيني وممل واكل وسوالف ونميمة وكل وحدة تتصيد للثانية + طريقة شغل قديمة (اوراق + اوراق)
مافي علاوات + مافي مكافأت

المسمى ( كاتب اداري)


العرض الثاني :

مسئول قطري وتعرفت عليه توك وحب فيك النشاط والاندفاع للتغير ويبيك عنده

مميزات العرض : راتب قوي جداً + دورات سنوية + مكافأت على الفعاليات المقامة + اختلاط بناس جديدة واكتساب مهارات

عيوب العرض : المسمى (سكرتير تنفيذي) انضباط ونظام الاستئذان محدود ف الشهر والشغل ضغط شوي ومكان الشغل مفتوح يعني نظام بارتشنات وليس مكاتب.

ولكن العرض الثاني في دافع لتطوير نفسك وانك تكون نفسك وتكتسب مهارات كثيرة لان المكان له مستقبل واسمه معروف وناس وايد تتمناه .


أي عرض بتختار ؟

هل انت مع الراحة والراتب الضعيف

ام الشغل المتعب والراتب القوي ؟



يالله شاركونا :pardon:

بالنسبة لي العرض يعتمد على العمر،،،ببدايتة اختار الأقوى
بنهايته ساختار الاسهل ،،،لانه العمل الإداري ممل وسخيف ،،،ويضر بالبصر ،،،ولا يرضي الغرور

[Al-Kuwari]

يعتمد عالاهداف اللي انا ابي اوصلها

اذا اني ادرس ومحتاج اني اغيب مرات بسبب الدراسة والامتحانات فراح اختار الخيار الأول لانه بالنسبة لي اختيار مؤقت لين ما اخذ الشهادة وبعدين اشوف وظيفة تليق بشهادتي وخبراتي

اذا اني ما ابي ادرس فراح اختار الخيار الثاني لان فالنهاية كراتب افضل وتطوير لك وللسيرة الذاتية

اختيار ثالث اذا حسيت اني اقدر ارتب بين الدراسة والوظيفة الثانية فراح اختار الثانية طول ما هي ما راح تؤثر بشكل سلبي على الدراسة لكن لو تعذر هالشي فالوظيفة الاولى افضل لين ما اتخرج وادرس خياراتي مره ثانية بناء عالمعطيات الجديدة

[مضارب دوسري]

الشغل والراتب القوي

[Charisma]

مرحبا اختي ..


شخصيا ولا عرض يناسبني .. قد اميل الى العرض الثاني في حال عدم توافر خيارات اخرى ..

ولكن شخصيا لا احب الاعمال الروتينيه .. افضل البيئه اللي فيها تحديات واهداف وبامكانك الانجاز فيها ..

الراتب + اداره متفهمه وواعيه + زملاء يتمتعون باخلاق عاليه + مهام واعمال لاتفقدك فراغك لنفسك ومن حولك + فرص تطويريه وتقييمات عادله = المنشود

[خوخه وحلو]

ام الشغل المتعب والراتب القوي

[العنيده]

العرض الثاني طبعا لاني مريت في هالتجربه شخصيا ..
دخلت بنفس الفكره سكرتيره بس الحمدلله قدرت اثبت شغلي وقدرت اترقى بعد 4 شهور ولله الحمد

المسمى الوظيفي مهم بس الاهم اللي يفتح مجالات مستقبليه في المستقبل باذن الله .. يكفي التدورات والتطوير اللي بنلاقيه ينسينا الضغط
بس الاهم من هاي كله لازم الواحد يتقبل فكرة الضغط وانه بعده شي حلووو باذن الله ..

موفقه ان شاء الله :victory:

[غريب الدّار]

السلام عليكم

انا باارفض العرضين بصراحه

السبب / لاني ابي راتب قوي ومكان ارتاح فيه ادخل واطلع على راحتي والاهم عندي ظهر

قوي في المكان يضبط اموري من ترقيات وعلاوات ودورات وغيرة ..

ياروحي على صراحتك

سواء اتفقت وياك او اختلفت أظل احترم رايك الصريح
:)