مديـنــة دوسلـدورف ..

[هذال]

السلام عليكم ،،

من المعروف ان مدينة دوسلدورف الالمانية انها عاصمة السوق مثل مايطلقون عليها .. مع الاسف مافي خط مباشر من القطرية لها ،
انا بودي اسأل عن من زارها بالصيف او العطلة تحديدا ..
هل هي مزحومة بالسواح الخليجيين ؟
اجواء المدينة في الصيف ؟
كم يوم يصلح لها ؟

وشكرا..........

[قطريه ماركه]

مدينة حلووة و هادية .. و صح التسووق فيها متعة
الجوو حلوو في الصيف .. اذكر شفت سيارة قطرية فيها و هالشي غريب كان و عجيب
بس لو القطرية بتفتح خط حق كل المدن الالمانية بتتعب :telephone:

اعتقد اقرب شي لها مطار فرانكفورت ...

[كايد الوكره]

الطيران القطري .. اقرب مطار فرانكفورت ويبعد تقريباً ساعتين من دوسلدوف

بالنسبه للشوبيق ( كولن ايضاً تمتاز بالاسواق ) وهي على بعد 40 كيلو من دوسلدورف

[غير البشر]

ياهلا ومرحبا اخوي

اقرب 3 مطارات لها والقطريه تروح لها دايركت
هو مطار فرانكفورت ومطار بروكسل ( بلجيكا ) ومطار امستردام ( هولندا ) وتقريبا نفس المسافه
ولو ان بروكسل اقرب تقريبا بـــ 30 كيلو ههههه
ومن مطار فرانكفورت وامستردام نفس المسافه بالضبط :victory:

يعني شوف من اي مطار ارخص لك بالتذاكر وروح له واطلع منه الى دوسلدورف :nice:

المسافه بالسياره من الوجهات الثلاث الى دوسلدورف ساعتين وربع تقريبا ( 230 كيلو متر ) على حسب ممشاك طبعا


وبالنسبه للقطار
من مطار امستردام الى دوسلدورف ساعتين 29 دقيقه ( تبديل قطار )
ومن بروكسل الى دوسلدورف ساعتين و 40 دقيقه ( دايركت )
ومن فرانكفورت الى دوسلدورف ساعتين و 59 دقيقه ( دايركت ):rolleyes2:


بالنسبه للسواح الخليجيين في دوسلدورف
مشكله دوسلدورف ان كل السواح تمركزهم بمنطقه ضيقه وهو في شارع الملوك وماجنبه
هالشارع صغير والمنطقه صغيره فلكل موجود فيها

وخاصه فندق الانتر كل قطريين :cool:

ليش ماتروح بادن بادن او فرايبورع ورست وستراسبورغ مناطق حلوه احلى من دوسلدورف

[هذال]

صحيح تاكدت الحين القطريه تروح لفرانكفورت ومنها دوسلدورف ..



ياهلا ومرحبا اخوي


بالنسبه للسواح الخليجيين في دوسلدورف
مشكله دوسلدورف ان كل السواح تمركزهم بمنطقه ضيقه وهو في شارع الملوك وماجنبه
هالشارع صغير والمنطقه صغيره فلكل موجود فيها

وخاصه فندق الانتر كل قطريين :cool:



مرحبا بك اخوي ،،
هذا يعني انها مزحومة بس انت تعني فنرة العطلة او جميع الاوقات وعن تجربة او سمعت ؟
وكم يوم تصلح لها ؟

[غير البشر]

اي اخوي زرتها قبل كم سنه
والحين بعد عرفوها اكثر واكيد فيها سياح
بس مش الزحمه الي في بالك ماتخليك تتحرك
لا بالعكس الامور طيبه والسياح هناك عددهم قليل مش كثير
بس لان التمركز بمنطقه وحده تقريبا يبين لك انهم كثير

لا في الصيف اكيد اكثر من كل وقت الزحمه

بس لاتحط في بالك ان الزحمه لهدرجه لا عادي روح واستمتع وامورك تمام :nice:

[للصبر اخر]

اذا تبي الشوبنج فميلانو عاصمة الموضه والتسوق وكلها ماركات
انا مازرت دوسلدورف
بس انت ذكرت الشوبنج قلت افيدك

[Class - Qtr]

السلام عليكم

مدينه دوسلدورف يميزها الهدوء الاسواق والمجمعات ومحلات الماركات

متوفرة ولكن السوق عادي مايعتبر فاخر بالمقارنه مع فرنسا ولندن

يميزها المطاعم ألعربيه المنتشرة في شارع الملوك والمدينه القديمة

فيها ملاهي الأطفال على نهر الراين المكان الوحيد للأطفال اللي

اللي مازارها أتصور مدينه تستحق الزيارة لمدة يومين لا اكثر

مدينه كولن بالقطار نص ساعه من دوسلدورف تستحق الزيارة

[معماري قطري]

زرت دوسلدورف تقريباً اسبوع وكان بوقت قبل الصيف بقليل وكانت هادئة وأَحلى ما فيها المطعم اللي على البرج والتمشي قرب النهر

[ماجد البدر]

اولا وبحسب ما علم ان هناك خط مباشر الى دوسلدورف على القطرية في السابق لم يكن هناك خط الا الى فارنكفورد
الان موجود
البلده جميله هاديه و المدينة القديمة على ضفاف النهر روعه وبرج ابولو مادري بولو جدا مميز
ولكنها حاره في الصيف بشكل ممل ومتعب
اعتقد شهر 8
بعدها الاجواء رائعه

[غير البشر]

مرحبا اخوي الغالي ماجد البدر

للحين القطريه ماعندها دايركت الى دوسلدورف
لكنها تسوي شراكه مع شركات اخري

يعني القطريه بتنزل في ميونخ
وبعدها طيران داخلي من ميونخ الى دوسلدورف عن طريق طيران دريم لاينر Dreamliner

[ماجد البدر]

مرحبا اخوي الغالي ماجد البدر

للحين القطريه ماعندها دايركت الى دوسلدورف
لكنها تسوي شراكه مع شركات اخري

يعني القطريه بتنزل في ميونخ
وبعدها طيران داخلي من ميونخ الى دوسلدورف عن طريق طيران دريم لاينر Dreamliner

انا رحت مرتين دوسلدورف مره على الاماراتية دبي دوسلدورف على ما اذكر
ومره نزلت فرانكفورد وبسيارة على دوسلدورف وبعد فتره قالوا لي خالص صار فيه طيران القطري مباشر الى دوسلدورف ولقطع الشك باليقين دخلت من شوي طيران القطريه على اساس حجز اشوف طلع كلامك في محله لايوجد خط مباشرا لى دوسلدورف من ميونخ او روما او فرانكفورد
شكرا لتصحيح المعلومة جزاك الله خير

[وحيد-الشوق]

مدينة حلوة في الصيف تكون زحمة شوي خصوصا الامارتيين زرتها عدة مرات 4 مرات سياحة (كنت اسافر واتنقل بين عدة مدن) ومرات كنت امر عليها لما كنا في رحلة علاج بالنسبة لي انا اعشق هالمدينة ولعبتي في التسوق وخصوصا محلات العطور الراقية هناك ههههههه وايد حلوة و3 ايام او يومين تكفي لها مع العلم اني ولامرة حجزت فندق فيها كان دايما مروري لها الظهر والرجعة 8 المساء

في ناس تكيف على باريس في التسوق وانا ماحبيت سوق باريس لا الشانز ولا اللافييت ما احب المحلات الكبيرة والبعيده