والحل معا تجمع مياه الامطار هل لا يوجد حل

[aloosh]

السلام عليكم
اول شي مبروك عليكم الحيا

انا اليوم لحد ماوصلت الدوام ساعه ونص وبالعاده 40 دقيقه من المعيذر بتجاه شارع الوعب الى دوار الاخويا الى قناه الجزيره
والمياه متجمعه على شكل نقع على الدوار او اطراف الطريق ومسبب زحمه ورتباك

ومن نشأه قطر ونحن نعاني من ها المشكله ان الشوارع غير مرصوفه بشكل مائل بنسبه ضئيله لبعاد المياه من اطراف الطريق وتجمعه
وانما كل سنه على هذا الحال والشوارع بدات تبان فيها حفور بعد المطر السابق والان

اليوم المياه مسببه مشاكل تمشي على اليسار واحد يمين الى لاف عليك فجأه شارد من نقعه الماي على طرف الشارع

هل يعقل ان اشغال او اي جهه ان كانت غافله عن ها الشي الذي يتكرر معا سقوط الامطار على مدار عمر قطر الحديثه

[بومحمد المطاوعه]

الله المستعان ياخوي

والله مشكله ومصيبه

لاحول ولاقوة الا بالله

الله يحفظكم ويحفظنا ويحفظ الجميع

[بنت شرق]

فعلا مشكلة ،،،الحل الاتصال بالبلدية لسحب المياه ،،،،بس اشدعوه كل مرة نادوهم وتعالوا يا بلدية ،،،،ليش مايسوون خريطة يحددون فيها أماكن تجمع المياة من البلاغات المتكررة
ومتى ما نزلت الحلبة مثل ماصار اليوم ،،،يتعنون ويطرشون من يتفقد ويبلغهم ،،،،لانه السالفة امصخت ،،،نفس الأماكن ونفس التجمعات للبرك

وأول ما يجي الصيف ،،،ياريت ايسوون خطط مستقبلية لمنع تجمع المياة ،،،،مره ثانية

بلادة من البلدية مالها حل ،،،كلش ،،،الا بتعيني على رئاسة البلدية :shy:

[@north_star@]

مشكلة متكررة وتتكرر كل سنة وبعض الشوارع عبارة عن بحيرات والادهى الحفر اللي ما تعرف وينها تحت النقعة
ومجرد سحب المياه بصهاريج البلدية ليس حل للمشكلة

[المحقق كونان]

في الفريج عندنا مجموعة نقع من 40 سنة وللحين البلدية تستخدم الدنكر لسحب النقع

[aziz4z]

و الله في بلاد زرتها الامطار يوميا و عمري ماشفت أي تجمع للمياه في الشوارع أو حفريات
الحين كل أصحاب المشاريع يشوفون الامطار فرصة للفوز بعروض جديدة للشوارع و لسرقة المزيد
الله المستعان

[بانغ بانغ]

صادق والله اخوي

حتى عندنا في الوكرة .... مب ناقص الا انجيب تماسيح وانحطهم ..... وانحس ان احنا في ادغال افريقيا


وين البلدية وعضو المجلس من تكدس المياه

[النهار]

في الفريج عندنا مجموعة نقع من 40 سنة وللحين البلدية تستخدم الدنكر لسحب النقع

بعض شوارع قطر تتحول الي روض اثناء هطول الامطار

نفس المشكله تتكر كل سنه وينكم يأشغال في دورات صار لها اكثر من 20 سنه تتجمع مياه الامطار على جزء معين من الدوار
ومناطق سكنيه وشوارع عامه سنين وهم عارفين الاماكن معقوله ماحد رفع لكم تقرير
عيل ليش سيارتكم ليل نهار تفتر في الشوارع مهب علشان يبلغونكم عن اي اخطاء موجوده
لوجبت اي واحد مايفهم في هندسة طرق سألته يعطيك الحل ماحد طلب منكم الغاء قسم سحب المياه من الشوارع
المياه تتجمع تسبب حفر تسبب حوادث تسبب زحمه اعطال للسيارات تعطيل حياة الناس ألتاخير عن العمل ووووووووووو

[فارس قطر]

ياوزير التخطيط أتمنى منك زيارة بانكوك اربع وعشرون ساعة على مدار العام الأمطار عندهم ماشفنا دنكر واحد لسحب الامطار

[Dana’1]

الحل تتصل بالبلديه تجي تشفطه غير هالحل إنسى
وهالخدمه مجانيه الوزارات تساعد وتكمل لبعض لأنهم عارفين شغل بعض!
وشوف تلاقي خدمة سحب مياه الأمطار في تطبيق البلديه^_^

[دااانة قطر]

القهر باللي يشخط على بااله لعبة وفوق ماسيارتك وصخة يوصخها زياادة

[بومحمد المطاوعه]

القهر باللي يشخط على بااله لعبة وفوق ماسيارتك وصخة يوصخها زياادة

هههههههههه

دانه
هذي الحركه انقهر منها ..
وخاصه لو مع هلي وواحد يسوي جذي فيني
شاسوي يعني الحقه واسبحه
.. بعد خلاص السياره وصخه وصخه
لاحول ولاقوه الابالله

[دااانة قطر]

هههههههههه

دانه
هذي الحركه انقهر منها ..
وخاصه لو مع هلي وواحد يسوي جذي فيني
شاسوي يعني الحقه واسبحه
.. بعد خلاص السياره وصخه وصخه
لاحول ولاقوه الابالله

بالعكس لحد امس سيارتي ماكانت وصخة بمعنى وصخة
بس بطلع الظهر بحصلها مغبره من هالحركه
يعني عيب كفاااية النقع في كل مكاان
في نااس تحاسب وتسوق على مهل
يجيك وااحد مستن مدري ليش
عاجبته الحركه شكله

[بومحمد المطاوعه]

بالعكس لحد امس سيارتي ماكانت وصخة بمعنى وصخة
بس بطلع الظهر بحصلها مغبره من هالحركه
يعني عيب كفاااية النقع في كل مكاان
في نااس تحاسب وتسوق على مهل
يجيك وااحد مستن مدري ليش
عاجبته الحركه شكله


اي البعض يحب ينطش

ولكن لاتنطش علينا ياخي ..

ولو وقفت سيارته بيصيح عقب ..

انا سياره الدوام .. دمرانه من الخط .. هع
طين .. كل ماكن
الله المستعان

[aloosh]

على حسب علمي ان كاس العالم حدد له وقت بيكون فيها احتمال امطار
لو جات الامطار على زياده 2 مليون زائر دفعه واحده بتصير مأساه من زياده منسوب الامطار والصرف الصحي
المفروض هذي الاشياء تختفي في دوله غنيه ولها رؤيه لسنه 2030


اتمنى من كل قلبي المسؤلين يكونون قد المسؤليه التي حلفوا من اجلها

[معماري قطري]

بعض شوارع قطر تتحول الي روض اثناء هطول الامطار

نفس المشكله تتكر كل سنه وينكم يأشغال في دورات صار لها اكثر من 20 سنه تتجمع مياه الامطار على جزء معين من الدوار
ومناطق سكنيه وشوارع عامه سنين وهم عارفين الاماكن معقوله ماحد رفع لكم تقرير
عيل ليش سيارتكم ليل نهار تفتر في الشوارع مهب علشان يبلغونكم عن اي اخطاء موجوده
لوجبت اي واحد مايفهم في هندسة طرق سألته يعطيك الحل ماحد طلب منكم الغاء قسم سحب المياه من الشوارع
المياه تتجمع تسبب حفر تسبب حوادث تسبب زحمه اعطال للسيارات تعطيل حياة الناس ألتاخير عن العمل ووووووووووو

لو فيه ناس تشتغل صح وتهتم من قلبها كان شفت لكل مشكلة حل وحل سهل .. انت بس شوف بعض الدول اللي يجيها ثلج ويزيلونه بجرافات ويذوبونه بملح .. هذي كل سنة تقريباً تُبدل شوارعها بطبقة جديدة ومنها ينعمل الميلان اللي يضمن تصريف الماي ولأَي جهة يتصرف.

[النهار]

العام انفاق طريق سلوى اغرقت والصحافه والتويتر اشتغلوا عليهم عدل
انزين باقي المناطق ايش الوضع ؟؟؟؟؟؟

http://store1.up-00.com/2015-03/14271391492.jpg (http://www.up-00.com/)

[يمامـة]

برك المياه في شوارع قطر احد معالم دولتنا الحبيبة في موسم الامطار..

[معماري قطري]

عذر أَقبح من ذنب وهذي العادة

الأَمطار خارقة للعادة وعلى مدى عدة أَيام .. المفروض جهة عندها تكنولوجيا وقياسات يقولون كم ملم مطر نزل ومناطق الرصد وحتى يحطون إِحصائية إِن هذي أَمطار استثنائية .. المواطن العادي بيته ما فيه ماي لأَن اتخذ احتياطاته .. الشوارع لو محتاطين لها ما انملت ماي

[Charisma]

مرحبا اخوي

للاسف ودي اقول في حل .. بس هالمشكله اللي ماراح تنحل :weeping:

خلك عالطرق ( التقليديه ) واتصل عالبلديه كل مره

[شيخ الديرة]

لا تنسى مقولة " ما شاء الله نزل مطر كثير خلال ساعتين صارت الشوارع بحيرات" وهذا تناقض واضح

[وحيد-الشوق]

الصناعية صارت مثل الامازون منظر بشع برك مياه في كل مكان والحفر ماتبين من الماي امس فعلا أيقنت ان المواتر الصالون ماتنفع في قطر كلش :(

[المخفي]

بحكم انه قطر دولة صحراوية فمن الاجدى صرف الاموال في شئ اكثر فايدة

[بنت شرق]

بحكم انه قطر دولة صحراوية فمن الاجدى صرف الاموال في شئ اكثر فايدة

ممكن امثلة على الأمور الأكثر فايدة ،،لتكون الرياضة

[aloosh]

انا مو قهرني الى شوارع كل سنه ترقع لا جاء مطر بسبب الحفر وبسبب رصف الطرق بحجر جيري يمتص الما ويتفتفت وينزل الازفلت

ويالله شركات خرطي جي وترصف بملاين والسنه الجايه يتكرر المنوال:)

[لبيبة]

http://i.imgur.com/8ypEgLw.png?1

http://i.imgur.com/d327BxT.png?1

[غير عنهم]

بإجماعه ياشغال قطر ارضها جبليه اذ ما تعملون الشوارع والمنازل لها تصريف للمطار تصير كوارث وتنبأت بتغير المناخ في دول الخليج وبذات ماحصل لمسقط وجده وهي مجاوره لنا لازم تكون عبره لكم اما تنتظرون المشكله حتى تقع بعده يبدأ العمل ماهو حل المسؤولين وفرو كل شي من ميزانيه يجب الان اختيار افضل الشركات بدون اي محسوبيه من اجل الوطن وان شاء الله ان عندكم وطنيه على حساب المصلحه الشخصيه

[فاروع]

الحل الوحيد انك تدعي وقت المطر وتقول
اللهم حوالينا لا علينا

[بومحمد911]

سوف تختفي هذه الظاهرة إن شاء الله مع التطور الذي تشهده البلاد خلونا نصبر شوي. قطر تستحق الأفضل

[وحيد-الشوق]

سوف تختفي هذه الظاهرة إن شاء الله مع التطور الذي تشهده البلاد خلونا نصبر شوي. قطر تستحق الأفضل

نعم قطر تستحق الأفضل لكن شعار اشغال يغرد خارج السرب محد مسبب لنا الزحمة والضغط والبلاوي غير اشغال