إلى متى والمظاهر تتحكم بنا ؟؟

[الدوحه1]

العنود آل ثاني
الإثنين، 23 مارس 2015

عرفتها امرأة طيبة لا تفارق الابتسامة وجهها البدين، الذي تضفي بدانته عليه المزيد من الطيبة والارتياح، هي متوسطة الحال، ذات دخل ثابت من زوجها المتوفى، ولها أبناء والكثير من البنات، خطبت إحدى بناتها، فكانت القصة...
فرحنا في البداية، ثم توالت الأحداث التي جعلت الديون تتراكم عليها، والمشكلة أنني تحدثت معها، ولكن لا فائدة، فالمظاهر الاجتماعية مهمة وأساسية بالنسبة لها، والحقيقة أن مهر ابنتها لا بأس به، ولكنه محدود، عملت حفلاً للخطبة، واستأجرت «صالة أفراح» وفرقة موسيقية حتى تدخل البهجة على ابنتها وصديقاتها، ثم كانت ليلة الحناء المكلفة أيضاً، فكانت الليلة عبارة عن حفل كبير والكثير من الضيوف، وعشاء وأغان ورقص والكثير من المظاهر المستنزفة لدخلها المحدود، وبعد ذلك بالطبع جاء حفل العرس، الذي ليس لدي أي اعتراض عليه بالطبع، ولكن اعتراضي كان على حفل الخطبة وحفل يوم الحناء، خاصة لمن كان في مستواها المادي، وأنا لا أعارض الخطبة وعشاء بسيطاً في المنزل وحضور المقربين، وكذلك الحناء يجب أن يكون بسيطاً وغير مكلف، وحاولت أن أثنيها عن بعض الأشياء المكلفة ولكن محاولاتي باءت بالفشل، فقد كانت تقول لي الجميع يفعل ذلك، ولماذا يا عزيزتي لا تكونين مختلفة عن الجميع؟! لماذا تراكمين الديون عليك؟! أمن أجل مظاهر خادعة؟! وإلى متى والمظاهر تتحكم بنا وتسيطر على عقولنا والديون تتراكم علينا! ثم نشكو من سوء الحال، ونرمي أخطاءنا على القدر؟! أليس الأجدر بنا أن نعتدل ونرجع إلى الطريق المستقيم، وننشر الرضا في نفوسنا، ونغيّر من بعض العادات السيئة في مجتمعنا؟!
لقد تحسنت أحوال الجميع بعد رفع الرواتب، ولله الحمد، اللهم أدمها نعمة واحفظها من الزوال، ورغم ذلك انتشر الغلاء وزادت الأسعار، فرغم الدخل المادي الجيد إلا أن هناك من تتراكم عليه الديون بسبب مظاهر المجتمع الخادعة، والبذخ والإسراف الذي لا معنى له، أليس من الأولى بنا أن نقدّر نعمة الله ونحافظ عليها، فلنعط محتاجاً، أو لنمد يد المساعدة للمساكين، بدلاً من صرف عشرات الآلاف في حفل باذخ، يتحدث عنه الناس ليس إعجاباً بل ربما حسداً وحقداً عافانا الله.
نعم البعض يحسد ويحقد، فليس الجميع يمنح نظرة الإعجاب، ورضا الناس كما يقال غاية لا تدرك، لماذا نتنافس على الترف والبذخ ولفت الأنظار، ونجلب لأنفسنا المتاعب؟
كما أن الحفلات المكلفة المبالغ بها قد لا يباركها الله، فالكثير تأتيهم المتاعب بعد ذلك، ويدفعون ثمنها من راحتهم النفسية، ويعيشون أوقاتاً صعبة لا يتجاوزونها بسهولة.
أختي الغالية فكّري جيداً قبل أن تسرفي إسرافاً لا معنى له، لماذا نحن في الخليج بالذات مستهلكون ولسنا منتجين، فالذي نستهلكه أكثر بكثير مما ننتجه، متى سنكون منتجين نفيد أنفسنا ومجتمعاتنا ونكون أصحاب فائدة في هذا العالم الكبير؟

[aloosh]

الانسان هو بلاء نفسه
امسك العصاء من الوسط
المجتمع لان يدخل معي قبري بل اصبح انسان منسي
عليك بنفسك واهلك المظاهر لان تقودك الى شي بل يمكن ان تقودك الى التهلكه
يلبس وياكل ويشرب بدون بذخ

[Bin sultan]

ما ذبح أهل قطر الا حب المظاهر والزبو والمفوشر والمهايط الي على الفاضي

[كيلو حديد]

إلى أن يصبح للإنسان قيمة تتجاوز ما يملك في نظرنا
تماما مثلما كان القدامى ينظرون لبعضهم البعض .

كانوا جادين وعمليين ، وكلما زاد الإنسان سطحية كلما أهتم وحكم من خلال المظهر .

[ودي أكون]

بتكلم عن القصه نفسها

لمثل حالتها في نظري لا تُلام اخي،، ف زواج البنت او الابن بالنسبه للام شيء كبير
طبيعي تشوفيها/ينها.. تبي تحط وتشل وتزيد وتنقص الخ.. يمكن هي ع بالها انها يالسه تسوي هالشيء عشان الناس.،، لكن في الغالب واللي هي موب حاسه فيه.. ان هالشي فرحة كامنه بداخلها، طلعتها ب هالطريقه، طريقة تعبيرها عن الفرحه لا شعورياً صارت جي،
لانك/ج بتلاحظ ان بعد العرس راح اترد الحرمه على طبيعتها وطبيتها الاصليه السابقه.. والله اعلم

مع اني ما انكر ان في ناس ماعندها، لكن اتحب اتباهي وتزابي، والله المستعان

[يمامـة]

متى ما اقتنع الانسان بوضعه وخاف الله في ماله راح يبتعد عن المظاهر
وخاصة للي يحطون ديون على روسهم علشان يرضون عيون الناس اللي ما يرضيها شي..

[شيخ الديرة]

المشكلة ليس بها هي، وانما الضيوف والمجتمع الذي لا يرحم من يقدم حفلة متواضعة، هي ضحية ثقافة مجتمع يشجع على اقترض وبذر، المقالة ظلمت الضحية، وتجاهلت المذنب

[محمد2]

والله محد يتفوشر الا اللي حاس بالنقص وسبحان الله هالطبقة الله مكثرهم بالذات اللي صارت عندة بيزتين من بعد هالطفرة الاقتصادية وتحصل(الحريم) فيهم اكثر يتفوشرون.
رغم ان عندنا ناس لهم وزنهم وثقلهم لكن والحمدلله ما عندهم هالزبو والتفوشر.
ما اقول غير ربي يهديهم ويصلحهم

[qatara]

الترف يودي للمضاهر

يودي للفسق


الله لا يواخذنا ولا يعاقبنا

[qatara]

بتكلم عن القصه نفسها

لمثل حالتها في نظري لا تُلام اخي،، ف زواج البنت او الابن بالنسبه للام شيء كبير
طبيعي تشوفيها/ينها.. تبي تحط وتشل وتزيد وتنقص الخ.. يمكن هي ع بالها انها يالسه تسوي هالشيء عشان الناس.،، لكن في الغالب واللي هي موب حاسه فيه.. ان هالشي فرحة كامنه بداخلها، طلعتها ب هالطريقه، طريقة تعبيرها عن الفرحه لا شعورياً صارت جي،
لانك/ج بتلاحظ ان بعد العرس راح اترد الحرمه على طبيعتها وطبيتها الاصليه السابقه.. والله اعلم

مع اني ما انكر ان في ناس ماعندها، لكن اتحب اتباهي وتزابي، والله المستعان


مافي ام في الدنيا تبي تبهدل ولدها بتكاليف ماانزل الله بها من سلطان

الحقيقه الي طلباتهم ماتخلص الام وبنتها

والرجل مجبور ان يدفع فوق طاقته يبي الستر

ولا الزواج ميبي كل هلتكايف كله مهر
واشهار ولو بكم خروف للمعازيم

[حسن]

قلتها واقولها للمليون مره

النسوان عندنا غير غير متفرعنات ومهب كفو حد يردهم

ويالعنود انتي تاذنين في خرابه على مايقولون

حتى الدوله لو سنت قانون مهب قادره عليهم وبعد زادو رواتبهم

مافي امل

[شيخ الديرة]

قلتها واقولها للمليون مره

النسوان عندنا غير غير متفرعنات ومهب كفو حد يردهم

ويالعنود انتي تاذنين في خرابه على مايقولون

حتى الدوله لو سنت قانون مهب قادره عليهم وبعد زادو رواتبهم

مافي امل

لا تيأس أبو علي, الأمل موجود.

نحتاج الى تطوير مفاهيم وثقافات جديدة من اجل خلق مناخ مجتمعي يرفض التبذير.

1. المعرس يدفع مبلغ معين, والباقي على أم العروس وخواتها وصديقاتها وجيران جيران صديقاتها
2. تطبيق برامج توعوية صريحة توضح أنه ليس من العدل ومن غير المعقول أن حمد المسكين يدفع ديون خمس سنين لأن صديقات أم العروس عاجبهن يحتفلن ساعتين بالدبليو
3. نشر أمثلة من قصص لمتزوجين جدد حسبوها عدل, وسعيدين ويتباهون لأن يوم رجعوا من شهر العسل ما عندهم ولا ريال واحد من الديون
4. تشجيع فكرة التبرع للمؤسسات الخيرية كلفة البهرجة الزائفة, يعني الحفلة في قاعة متواضعة, ولكن بوجود المعرس والحضور يقوم ممثل جمعية عيد الخيرية بتقديم الشكر والتهاني للمعرس بقراره التبرع لهم بدل أن يؤجر قاعة في الشيراتون
5. لما تسمع من صغار السن عن حفلة فخمة وشافوا كذا وكذا, لا تدع الفرصة تفوتك بأن تذكر لهم بكل وضوح "أن شاء الله ما يكون أخذ ديون حتى يسوى هذا كله"
6. أطلق لمخيلتك العنان في عمل الصحيح .... بدون تبذير

يجب كذلك أن نفهم ان هناك مستفيدين ووحوش تود أن يستمر هذا التبذير, من الفنادق الى المطاعم الى مكاتب الحفلات الى تجار الورد الى البنوك الى الى الى

[الحياة الخالدة]

قلتها واقولها للمليون مره

النسوان عندنا غير غير متفرعنات ومهب كفو حد يردهم

ويالعنود انتي تاذنين في خرابه على مايقولون

حتى الدوله لو سنت قانون مهب قادره عليهم وبعد زادو رواتبهم

مافي امل

لأنهم ما لقوا رجال يردونهم

[بنت مريخ]

قلتها واقولها للمليون مره

النسوان عندنا غير غير متفرعنات ومهب كفو حد يردهم

ويالعنود انتي تاذنين في خرابه على مايقولون

حتى الدوله لو سنت قانون مهب قادره عليهم وبعد زادو رواتبهم

مافي امل

ماحصلو رياييل يردونهم
مخلين الحبل على القارب لهم

[بريق الحق]

كل واحد ادرى في نفسه (:
اتمنى محد يجمع ياناس

[الحياة الخالدة]

كل واحد ادرى في نفسه (:
اتمنى محد يجمع ياناس

واحنا نتمنــــــى نفس الأمنية يا بريق الحق

[عثرة جواد]

السلام عليكم

عندما ترتقي العقول تسقط عندها الف فكرة سطحية

عساك ع القوة

[ضوى]

مافي ام في الدنيا تبي تبهدل ولدها بتكاليف ماانزل الله بها من سلطان

الحقيقه الي طلباتهم ماتخلص الام وبنتها

والرجل مجبور ان يدفع فوق طاقته يبي الستر

ولا الزواج ميبي كل هلتكايف كله مهر
واشهار ولو بكم خروف للمعازيم

انا مدري اشهالريال المجبور ؟؟ ليس لايكون حاطين حبل برقبته وجارينه ؟ وحلوة يبي الستر يبي الستر يدور بنت تدور الستر مب تبي فلوس ومهر وحفلات ، عيل ليش الرجال قوامون ؟ اذا مايقدر على زوجته ولا يقدر على طلباتها ومجبور يتدين عشان يرضيهم فهاي اسمح لي مايعرف يتصرف ولا عنده حس القوامة

[حسن]

ماحصلو رياييل يردونهم
مخلين الحبل على القارب لهم

في والله في يابنت مريخ لكن الموجه عاليه والكثره تغلب الشجاعه

للاسف
اصبحت المبالغه في كل شي الحين حفله الخطوبه في فندق وحفله الحنه في فندق والعرس في فندق
كل هذه المعازيم ببلاش

!!!

وين دور الامهات العاقلات البنات العاقلات المتعالمات

وين دورهم

ليش نربطهم بالرجل قاصرين عقل هم !!

اذا هذه المقوله صحيحه

خلونا نرفع هذا الشعار ونكتب كليون هاشتاق له
علشان نرد زمام الامور

نسمع اصوات قله جدا من النساء الواعيات امثالك ومن النوادر


مافيهم عقل رشيد

!!!!

[شبح الصمت]

ذكرتوني بقصة وحده جات حق مصمم فالدوحة اسالته كم تكاليف الكوشه والعرس من إلى وهالامور قال لها اسويها لج بـ 600 الف طبعاً شيء شيء عدل راقي


المهم راحت عنه وما عجبها وتوجه للمصصم في احد الدول الخليجية وعالمي قالت الي تسووي عنده المهم قال لها بسويها لج بمليون ونص المهم وافقت وقالت له توكل على الله


طبعاً المصمم العالمي بما انه في احدى هالدول الخليجية طلب من من توقعووون يسووي له هالسوالف ..!!




















طلب من المصمم الي فالدوحة بحكم انه يعرفه وبينهم شغل قاله سوو الشغل وكل شيء وساله قاله من قاله فلانه قال فلانه اهاااا


قاله المصمم الخليجي للمصمم الي فالدوحة انت تكفل بكل شيء وانا عطني بس 500 الف

طبعاً المصمم الي فالدوحة ضرب امبادل 600 مليووون والباقي للمصمم الي في الدولة الخليجية


يعني كان عندج ذي تروحين اهناك ليش ..


هذه وش نسميه !!


مفوشر وآلا هياط وآلا وشو بالضبط

[بومحمد المطاوعه]

الله المستعان


المفوشر موجود فالرجال والنساء والعياذ بالله

والي مايعرف يسيطر على نفسه بيضيع ...


والمرأه الي تفوشر وتزابي ،، اذا ماعندها من يردعها اسمحولي اقولكم الذكر الي عندها
سواء اخ او اب او زوج ،،،

هؤلاء ليسُ برجال ولكنهم ذكاره ... والعياذ بالله
اللهم لاشماته ...

[الحياة الخالدة]

الله المستعان


المفوشر موجود فالرجال والنساء والعياذ بالله

والي مايعرف يسيطر على نفسه بيضيع ...


والمرأه الي تفوشر وتزابي ،، اذا ماعندها من يردعها اسمحولي اقولكم الذكر الي عندها
سواء اخ او اب او زوج ،،،

هؤلاء ليسُ برجال ولكنهم ذكاره ... والعياذ بالله
اللهم لاشماته ...

قلنا هالكلام
قالوا الكثرة تغلب الشجاعة
اللهم لا شماته

[حسن]

الله المستعان


المفوشر موجود فالرجال والنساء والعياذ بالله

والي مايعرف يسيطر على نفسه بيضيع ...


والمرأه الي تفوشر وتزابي ،، اذا ماعندها من يردعها اسمحولي اقولكم الذكر الي عندها
سواء اخ او اب او زوج ،،،

هؤلاء ليسُ برجال ولكنهم ذكاره ... والعياذ بالله
اللهم لاشماته ...

ترا يابو محمد

احيا نا ماودهم ولاكن نظره المجتمع هي اللي مخوفتهم
شوف باقولك عن زواج لبنت والله ابوها يملك مش اقل من 4 مليار قطري
تصدق ملجه وسافرو تخيل
والله لا خطوبه ولا حنا ولااي حفله نهائيا الناس تكلمت شوي واسكتت
وهذيك راحت في نصيبها

[بومحمد المطاوعه]

قلنا هالكلام
قالوا الكثرة تغلب الشجاعة
اللهم لا شماته

مافي الكثره تغلب الشجاعه

في اذا مان كفو وقد شنبه فالقرار

مب خواف ويهايط عند ربعه انا جذي وجذي وعند مرته مايتكلم ومايقدر يحط قرار

شتسمينه ذي !!

استغفرالله اللهم لاشماته

والله امحق ذكرر بس

[الحياة الخالدة]

مافي الكثره تغلب الشجاعه

في اذا مان كفو وقد شنبه فالقرار

مب خواف ويهايط عند ربعه انا جذي وجذي وعند مرته مايتكلم ومايقدر يحط قرار

شتسمينه ذي !!

استغفرالله اللهم لاشماته

والله امحق ذكرر بس

ما يحتاج أسميه
مسمي نفسه طال عمرك

[بومحمد المطاوعه]

ترا يابو محمد

احيا نا ماودهم ولاكن نظره المجتمع هي اللي مخوفتهم
شوف باقولك عن زواج لبنت والله ابوها يملك مش اقل من 4 مليار قطري
تصدق ملجه وسافرو تخيل
والله لا خطوبه ولا حنا ولااي حفله نهائيا الناس تكلمت شوي واسكتت
وهذيك راحت في نصيبها

طزززز فالمجتمع !!!

المجتمع لو تسوي بيتك من ذهب بيتكلمون عليك
شعليك منهم
فالطقاق
اهم شي شي يرضيك ويسعدك

ومثل ماقلت الي سافرو وتكلمو الناس

انزين انا بقولك
ف عرسي مسوي خيمه. شكبرررر
يعني يمكن سباق المرثون تسويه داخل

تكلمو الناس وقالو شكبر ليش و و و و

لو سويت صغير بيتكلمون
لو سويت كبير بيتكلمون

اهم شي انا سويته كبير مرتاح وبقدر فلوسي الي جمعته

شعلي من البشر
يتكلم خل يتكلم لين ينجلط

[بومحمد المطاوعه]

ما يحتاج أسميه
مسمي نفسه طال عمرك


وعمرج
بس جد ترى

هالحالات المفروض ياكلون تبن ولا ينطقون بحرف

يسوي نفسه البطل القوي وعند حريمه

سواء اخته ولا مرته

يصير رخووو

جنس مب ثالث
يصير جنس سابع والعياذ بالله

ماله كلمه واذا تكلم كلمته مردوده على علباه

[بنت مريخ]

في والله في يابنت مريخ لكن الموجه عاليه والكثره تغلب الشجاعه

للاسف
اصبحت المبالغه في كل شي الحين حفله الخطوبه في فندق وحفله الحنه في فندق والعرس في فندق
كل هذه المعازيم ببلاش

!!!

وين دور الامهات العاقلات البنات العاقلات المتعالمات

وين دورهم

ليش نربطهم بالرجل قاصرين عقل هم !!

اذا هذه المقوله صحيحه

خلونا نرفع هذا الشعار ونكتب كليون هاشتاق له
علشان نرد زمام الامور

نسمع اصوات قله جدا من النساء الواعيات امثالك ومن النوادر


مافيهم عقل رشيد

!!!!

فيه امهات متعلمات بس ذابحهم المهايط و االبرستيج جدام الناس تبي حفله خطوبه وحنا وعرس نفس فلانه وعلانه
وفيه امهات الله هاديهم اهم شي سعاده بنتها
وفيه بنات واعيات اخر همها كلام الناس وفيه العكس
امس وحده معاي في الدوام تقول حق رفيجتها تعالي العرس الفلاني بتسانسين فيه فقرات ومطربين
رفيجتي اختها مخطوبه تقولي المهر يكفي للفستان والكوشه بسسس. لازم فستان ابو ثلاثين الف؟ مايصير تاجر ولازم كوشه بذاك المبلغ مايصير شي ارخص.
فكرتك حلوه بس باقي التنفيذ وان شاءالله يتنبهون الى يركضون ورا المفوشر

[حسن]

طزززز فالمجتمع !!!

المجتمع لو تسوي بيتك من ذهب بيتكلمون عليك
شعليك منهم
فالطقاق
اهم شي شي يرضيك ويسعدك

ومثل ماقلت الي سافرو وتكلمو الناس

انزين انا بقولك
ف عرسي مسوي خيمه. شكبرررر
يعني يمكن سباق المرثون تسويه داخل

تكلمو الناس وقالو شكبر ليش و و و و

لو سويت صغير بيتكلمون
لو سويت كبير بيتكلمون

اهم شي انا سويته كبير مرتاح وبقدر فلوسي الي جمعته

شعلي من البشر
يتكلم خل يتكلم لين ينجلط

بومحمد انا ارشحك لمدير هيئه المعروف اذا بيسونها عندنا

تصلح لها مضبوط


بس من وين جبت كله رخو هذه قديمه جدا


:)

[بومحمد المطاوعه]

بومحمد انا ارشحك لمدير هيئه المعروف اذا بيسونها عندنا

تصلح لها مضبوط


بس من وين جبت كله رخو هذه قديمه جدا


:)

مابي مدير
ابي اكون عضو فيها بس
ويسلموني خيزران ويهدوني فالمجمعات


حاضرين طال عمرك
نطلع لك الكلمات الطيبه

[حسن]

فيه امهات متعلمات بس ذابحهم المهايط و االبرستيج جدام الناس تبي حفله خطوبه وحنا وعرس نفس فلانه وعلانه
وفيه امهات الله هاديهم اهم شي سعاده بنتها
وفيه بنات واعيات اخر همها كلام الناس وفيه العكس
امس وحده معاي في الدوام تقول حق رفيجتها تعالي العرس الفلاني بتسانسين فيه فقرات ومطربين
رفيجتي اختها مخطوبه تقولي المهر يكفي للفستان والكوشه بسسس. لازم فستان ابو ثلاثين الف؟ مايصير تاجر ولازم كوشه بذاك المبلغ مايصير شي ارخص.
فكرتك حلوه بس باقي التنفيذ وان شاءالله يتنبهون الى يركضون ورا المفوشر

شكرا لمداخلاتك القيمه يابنت مريخ

للاسف

اصبحنا مجتمع مفوشر من الدرجه الاولى

ووخصوصا بعد الزياده

الله يصلح حالهم وتتغير نظرتهم للزواج

هذا اسراف حرام مايجوز

[عثرة جواد]

مابي مدير
ابي اكون عضو فيها بس
ويسلموني خيزران ويهدوني فالمجمعات


حاضرين طال عمرك
نطلع لك الكلمات الطيبه

ف حل جذري بو محمد

حملة الزواج م2 و 3 و4 والله حل مارح تتعب في

وفتح زواج الاجنبيات بتلاقي الزواج 10 الاف

[MirusS]

الكشخه والبرستيج العالي قدام الناس شي مهم وملطوب لاحد ينكر ذا الشي :)
بس مايوصل لمرحلة التهور والغباء بحيث اوهق نفسي وأحط فالديون كل شوي لجل عيون الناس :)

[MirusS]

وبالنسبه للرجال الي مش قدران على حريمه :(
طق صبع وارقص يمكن تحن قلوبهم ويحسون فيك :nice:

[حسن]

ف حل جذري بو محمد

حملة الزواج م2 و 3 و4 والله حل مارح تتعب في

وفتح زواج الاجنبيات بتلاقي الزواج 10 الاف

فعلا

انا ماابي اتطرق لهذه النقطه كلش ونهائيا لخوفي ماهو قادم لكن انتي فتحتيها

انا ضده فتح الزواج من برع

لان اعرف ايش اللي بيسير ولا اقدر انزل موضوع واجهه لمن
بس مدرك عواقب هذا الفتح

لذالك تجنبت ذكره بتاتا

[مهاجر]

معظم يذم المظاهر ومعظمنا يطبقها وانا اول شخص , اتمنى ان المجتمع يكون فيه فكر افضل وتغيير في عقليات الناس .

[بنت مريخ]

معظم يذم المظاهر ومعظمنا يطبقها وانا اول شخص , اتمنى ان المجتمع يكون فيه فكر افضل وتغيير في عقليات الناس .

صح السانك

[ودي أكون]

مافي ام في الدنيا تبي تبهدل ولدها بتكاليف ماانزل الله بها من سلطان

الحقيقه الي طلباتهم ماتخلص الام وبنتها

والرجل مجبور ان يدفع فوق طاقته يبي الستر

ولا الزواج ميبي كل هلتكايف كله مهر
واشهار ولو بكم خروف للمعازيم

مسكين هالريال، اذا يبي الستر واعليه، وهدفه الستر، يدور على بنت غيرها بنات الناس وايده،

اما اذا هو من بدايتها عمتي وعمتي ههه.. هذا يعني مايستاهل حد يدافع عنه اساساً ( عمتي عمتي بمعنى ماله كلمه.. في كلمات شعبيه تصف المعنى والحال بس اترفع عن كتابتها ) ..

مع العلم انا تكلمت عن القصه،، بررت موقف الام في القصه ب هالمبرر لان بالفعل مرات الفرحه تطغى.. وللعلم الام فالقصه ماسوت الغرايب او حفلات غير ( الخطوبه والحنه ) اللي كان عتب راعي الموضوع يدور حوله ..

والخطوبه على الريال ..، المفروض


باختصار ..

[بومحمد المطاوعه]

ف حل جذري بو محمد

حملة الزواج م2 و 3 و4 والله حل مارح تتعب في

وفتح زواج الاجنبيات بتلاقي الزواج 10 الاف

خليهم يتزوجون اول من الدوحه ..

مانبي نشوف عوانس .. ولا نبي نشوف .. رجال شكبرهم .. ومب متزوجين ..

ولا نبي نشوف مطلقات ..

عقب يفتحون .. باب الزواج .. الاجنبيات