تهدى زوجها 10 آلاف ريال و"آى فون 6" فى حفل زفافه الثانى

[بومتعب]

فوجئ مواطن سعودى فى مركز العوامرة بمحافظة المخواة جنوب غرب المملكة، أثناء احتفاله بزفافه على زوجته الثانية، بهدية مغلفة من زوجته الأولى، عبارة عن 10 آلاف ريال وتليفون "آيفون 6"، وحقيبة عطور من ماركة شهيرة.

وكان العريس حمدان محمد الشمرانى، وهو أحد منسوبى الدوريات الأمنية بمكة المكرمة، حسبما ذكرت صحيفة "المدينة" اليوم الاثنين، يحتفل بزفافه وسط أهله ومحبيه، فوجئ بحضور زوجته الأولى وأم أولاده وتقديمها هدية زواجه الثانى إليه، وعبر الشمرانى عن سعادته بهذه الهدية، مؤكداً أن زوجته الأولى ضربت مثالاً يحتذى به فى الحب والوئام الأسرى.

[qatara]

انشهد انها مبروكه

جعلها وياه في الجنه

كان عملها من قلب صادق لوجه الله

[رجل مثالي]

الله يرزقها الخير على عمل الخير

[حسن]

والله من قريت العنوان عرفت هذا ان في السعوديه

هناك يبا غير عن هني

[نوفا91]

مابتخلص هالافلام السعوديه !

[الحياة الخالدة]

يستاهل زوجها السعودي
أما الزوج القطري .. غير

[white bird]

عليه بالعافية

أبي شنطة العطور بس :shy:

[Charisma]

ماشاءالله ..

اكثرت مواضيع الهدايا في القسم :nice:

[الحياة الخالدة]

ماشاءالله ..

اكثرت مواضيع الهدايا في القسم :nice:

إي .. بعضهم متشفقين مساكين على الهدايا
إحساس بالحرمان
الله يعينهم على بلواهم

[ضوى]

عليه بالعافية والله يهنيه بالثانية وعقبال الثالثه والرابعة ان شاء الله

[qatara]

الله يعين من يبتلي له بزطيه

ما يلقا الا الهم لا ينتظر هديه

ههههههههههه

[الحياة الخالدة]

عليه بالعافية والله يهنيه بالثانية وعقبال الثالثه والرابعة ان شاء الله

ههههههههههههه
يستاهل يستاهل السعودي

[Dana’1]

يستاهل زوجها السعودي
أما الزوج القطري .. غير
هههههههههههههههههه
ياحلوك يالحياة الخالده .. عسى الله ييرزقك جنة الخلد بعد عمر طويل عالطاعات:/

[الحياة الخالدة]

هههههههههههههههههه
ياحلوك يالحياة الخالده .. عسى الله ييرزقك جنة الخلد بعد عمر طويل عالطاعات:/

تحلى أيامج يا قلبي
يرزقنا ويرزقكم وجميع المسلمين يا رب

[ضوى]

ههههههههههههه
يستاهل يستاهل السعودي

احسها مغلفة الهدية من قلب القلب شكله كان غاثها ومطلع عيونها فقالت له روح والقلب داعي لك وفوقها هدية بعد بس فكني من غثاك وملاغتك

[الحياة الخالدة]

احسها مغلفة الهدية من قلب القلب شكله كان غاثها ومطلع عيونها فقالت له روح والقلب داعي لك وفوقها هدية بعد بس فكني من غثاك وملاغتك

و اتوقع بعد تسوي حفلة حق صديقاتها .. حفل استقبال الضرة :nice:

[ضوى]

و اتوقع بعد تسوي حفلة حق صديقاتها .. حفل استقبال الضرة :nice:


شوفي من تحليلي الخاص لهذا الحدث هو انه هذه الزوجة وصل بها الامر للتخلص من زوجها بطريقة تضمن انه مايضايقها فتكون على راحتها ، عزايم وروحات وجيات مع الاهل والصديقات وهو متهني مع الجديدة ، بس الاكيد انها ماكانت مرتاحة لو مرتاحة ما قبلت بزواجه ولا اهدته هدية اصلا لنه هذا انا اسميه كسر كبرياء ، مافي واحدة عاقل تسويها الا من بها لوثه من الجنون ، وبعدين واحد يغثج مرة بزيارته احسن مايغثج كل يوم

[JN000N]

هههههههههههههههه والله افتكت بدل ماهو لاصق فيها كل يوم
احييها عرفت تغفله عنها وتفتل

[بومحمد المطاوعه]

الحمدلله والشكر


الله يهني كل زوج وزوجته
اللهم امين

[Charisma]

http://store2.up-00.com/2015-03/1427177009661.jpeg

[بومحمد المطاوعه]

مافيها اي شي ،،

الزوجه الأولى براحتها
تبي تزعل تبي تهدي هديه
تبي تطلب الطلاق

اهي واحاسيسها ...

لاتحسسوني ان كلنا سوا سيا ..
في ناس عادي ماتفتكر ولا تعور قلبها ولا تحزن
وفي ناس تتضاييق وتزعل وتصير خبله ...

ف توقعو اي شي ..

عيل ماسمعتو الاماراتيه الي احرقت السيارات ،،،
والكويتيه الي حرقت الخيمه ،،

الله يهديهم ويصلح حالهم ،،،

في نظري يتزوج بالحلال
ولا يروح يخربط مع البنات

مدام مقتدر والتعدد حلال بضوابط ...

[نفسي عزيزه]

ماعندها خوات

[حسن]

الله يعين من يبتلي له بزطيه

ما يلقا الا الهم لا ينتظر هديه

ههههههههههه

ههههههههههه

الصراحه ضحكتني ياكتارا من قلب

يامكثرهم

شوف السعوديه وروح لهلك وبس

:)

[Red rose]

اللي سوته من قهرها

:weeping:

[sweet qatar]

تسوي الي تسويه شالفرق !!

فرحته بالزوجة الثانية أكبر من أي هدية !

[مشـــــاعر]

.



شالمطلوب من كثرة مواضيع الهدايا ؟؟
يعني كلكم ميتين ع الهدية ؟؟

كلها إلا 10 ألآإف مو مليوووون يالزطيين :rolleyes2:
يمال القحط إن شآإلله . .

[Charisma]

https://c1.staticflickr.com/9/8529/8629222090_2bf49370cf_z.jpg

[الحياة الخالدة]

ماعندها خوات

لا .. بس إخوان


.



شالمطلوب من كثرة مواضيع الهدايا ؟؟
يعني كلكم ميتين ع الهدية ؟؟

كلها إلا 10 ألآإف مو مليوووون يالزطيين :rolleyes2:
يمال القحط إن شآإلله . .

شفيانين وانا اختج .. ما ينلامون

[بومحمد المطاوعه]

.



شالمطلوب من كثرة مواضيع الهدايا ؟؟
يعني كلكم ميتين ع الهدية ؟؟

كلها إلا 10 ألآإف مو مليوووون يالزطيين :rolleyes2:
يمال القحط إن شآإلله . .

المشكله مب جذي ..

المشكله هياط .. وزبو

يعني من الصاحي الي يعطي حق مرته هديه .. وينزل صور فالمنتديات

اشدعوه ماشايفين خير ولا اول واحد يهدي زوجته او تهدي زوجها ..

الحمدلله بنات قطر
خواتنا واهلنا وفيهم الخير والسنع والذرابه ..

مب هيلق نفس بعض الدول المجاوره مب شايفين خير
كل ماسوو شي
صورو وهايطو ..

انا اعرف حالتين من ربعي مقربين ..
والله على قد حالهم ..
وحده شرت سياره حق ريلها ..
والثانيه .. دافعه دين زوجها قريب ال 200 الف

ماشاءالله تبارك الرحمن ..

الله يجمع بينهم على خير ..

[بومحمد المطاوعه]

لا .. بس إخوان



شفيانين وانا اختج .. ما ينلامون

خخخخخخخخ

الله يهديهم
الواحد يسوي الخير لهله المفروض مايتكلم ولا يعلن ..

خبرج الحسد وهالسوالف ..

يعني اشدعوه مافي ولا قطري او قطريه تهادو

اقص حواجبي نص وشنبي نص
واصور واحط فالمنتدى
اذا مافي :tease:

[ابوعلي]

بنت رجال والله والنعم فيها وقلة مثلها

[وليف الشوق]

عليه بالعافية والله يهنيه بالثانية وعقبال الثالثه والرابعة ان شاء الله

الفال لكم ان شاءالله

[المخفي]

الفال لكم ان شاءالله

:secret:

[ضوى]

الفال لكم ان شاءالله

الفال لنا نتزوج الثاني والثالث والرابع والا الفال نزوج ريايلنا !؟؟

في الحالتين مايصير ، لانه باقوم الدنيا على راسه ،

[dream~qa]

هذي يسمونها في عالم النساء بداية الحرب الباردة والزوجة الأولى واضح أنها ذكية جدا

بهذه الهدية حققت هدفين الأول هو أنها كسبت قلب الزوج أكثر

والثاني مسج لاذع للضرة وكأنها تقول لها عليج بالعافية وفوقه هدية بعد علشان تطيحه من عينها وما تحسسها أنها خذت منها شيء مهم .

وراح تستمر الحرب الباردة .... إلى أين الله يعلم ؟؟


أرسلت بواسطة iPhone بإستخدام Tapatalk

[شبح الصمت]

هذي يسمونها في عالم النساء بداية الحرب الباردة والزوجة الأولى واضح أنها ذكية جدا

بهذه الهدية حققت هدفين الأول هو أنها كسبت قلب الزوج أكثر

والثاني مسج لاذع للضرة وكأنها تقول لها عليج بالعافية وفوقه هدية بعد علشان تطيحه من عينها وما تحسسها أنها خذت منها شيء مهم .

وراح تستمر الحرب الباردة .... إلى أين الله يعلم ؟؟


أرسلت بواسطة iPhone بإستخدام Tapatalk




كلالالالالام كبيرررر


:secret: