حفله زواج العصر !!!!

[حسن]

السلام عليكم ورحمه الله وبركاته

زواج العصر

اقصد بزواج العصر لاحظت منذ فتره بعض من الناس قام يكتب في بطاقه دعوى الزواج من بعد العصر
وحظرت كذا عرس للرجال
وهذا شي طيب وخصوصا في وقتنا الحالي وزدحام الطرق
شي جميل ان احظرالعرس واهنئ المعرس من العصر واقدر اجلس لين صلاه المغرب واروح
هل تشجعون على هذه الظاهره وتؤيدونها ؟؟

هل تؤيدون ان يتم تقليل حفله النساء كذالك ايظا وان تقتصر من بعد المغرب الى الساعه 10 ليلا
على الاقل ؟؟

الصراحه من مؤيدي الاثنين


نسمع اراء كم في الموضوع


تحياتي

:)

[النهار]

نعم وبقوه

[حسن]

نعم وبقوه

اشكرك يالنهار

ترا ابوظبي سنت سنه سينه الحفل الى صلاه العشاء وبدون عشى
والصراحه هذا شي طيب
االغالبيه تهني وتطلعع والعشى للعمال اكثريته

شكرا لك يالنهار

:victory:

[بومحمد المطاوعه]

نعم وبقوه


لأنك لو تفرش القاعه ذهب
بيتكلمون الناس عليك
ف ليش اترس بطونهم ... واعشيهم وبعدها احصل انتقادات وكلام مب عدل

يا بتسمع الخيمه صغيره
او حر او العرضه كجره او الاكل بارد

ف خلهم يشربون شاي وقهوى ويحرك ...

اترس بطنهم واحصل انتقاد

يبطووون عظم البعض

[بانغ بانغ]

المغزى من زواج العصر

الضيوف كبار الشخصيات اللي مب فاضي ايجي المساء

واللي ما شاء الله معازيمهم وايدين فما يكفي ايسوون العرس المغرب

[Charisma]

السلام عليكم ورحمه الله وبركاته

زواج العصر

اقصد بزواج العصر لاحظت منذ فتره بعض من الناس قام يكتب في بطاقه دعوى الزواج من بعد العصر
وحظرت كذا عرس للرجال
وهذا شي طيب وخصوصا في وقتنا الحالي وزدحام الطرق
شي جميل ان احظرالعرس واهنئ المعرس من العصر واقدر اجلس لين صلاه المغرب واروح
هل تشجعون على هذه الظاهره وتؤيدونها ؟؟

هل تؤيدون ان يتم تقليل حفله النساء كذالك ايظا وان تقتصر من بعد المغرب الى الساعه 10 ليلا
على الاقل ؟؟

الصراحه من مؤيدي الاثنين


نسمع اراء كم في الموضوع


تحياتي

:)

مراااحب يابو علي ..


من اوائل المؤيدين .. يبتدي العصر وينتهي مع صلاة العشا للرجال والنساء .. ياهي راحه .. ياهي رواقه .


:nice:

[Dana’1]

الأفضل للنساء بعد صلاة العشاء وذالك للصلوات ولتفاصيل تعرفها النساء :/ ومو مشكله متى ينتهي10 -12 ومو شرط الواحد يجلس لأخر الحفله كلن وظروفه

الا اذا يحدد من العصر للمغرب ممكن بس ماتعودنا

[بومحمد المطاوعه]

الأفضل للنساء بعد صلاة العشاء وذالك للصلوات ولتفاصيل تعرفها النساء :/ ومو مشكله متى ينتهي10 -12 ومو شرط الواحد يجلس لأخر الحفله كلن وظروفه

الصلوات في داخل يصلون

انا اشوف لو مافي عشى احسن

بس شاي وقهوه

ليش لين انصاف الليالي الحريم برع البيوت ،،،

لو يطبقون هالقرار والله زين

ع الاقل بيحل وايد مشاكل

البنت اذا عندها دريول بتكون ف وقت مناسب مب اخر الليل راجعه
او البنت الي تسوق
مابتكون طالعه بوقت متأخر من العرس

[Dana’1]

الصلوات في داخل يصلون

انا اشوف لو مافي عشى احسن

بس شاي وقهوه

ليش لين انصاف الليالي الحريم برع البيوت ،،،

لو يطبقون هالقرار والله زين

ع الاقل بيحل وايد مشاكل

البنت اذا عندها دريول بتكون ف وقت مناسب مب اخر الليل راجعه
او البنت الي تسوق
مابتكون طالعه بوقت متأخر من العرس

من كذا قلت كلن وظروفه تقدر تطلع بدري مو شرط تجلس للعشاء كثيير يطلعون قبل العشاء

[حسن]

نعم وبقوه


لأنك لو تفرش القاعه ذهب
بيتكلمون الناس عليك
ف ليش اترس بطونهم ... واعشيهم وبعدها احصل انتقادات وكلام مب عدل

يا بتسمع الخيمه صغيره
او حر او العرضه كجره او الاكل بارد

ف خلهم يشربون شاي وقهوى ويحرك ...

اترس بطنهم واحصل انتقاد

يبطووون عظم البعض

هلا هلا

يابومحمد

اشكرك على تايدك زين عاد ارسها بروابط اللي ترسلها من النصائح الدينيه
جزاك الله خير
سولنا مواعظ وحكم وحد معاها كم حديث وايات
صدقني ان شاء الله تلقى لها مردود طيب
في البحرين يابومحمد معاعندهم عشى حفله بس عصاير وشاي وانتهي
والله اتمنى من صحفي ينقلها لاى الجريده وياخذ اراء الناس ويطرحها فكره
الاعلام لازم ياخذ دوره في توجه الناس

بالنسبه لنا يارجال رساله واتس اب تكفينا تلفون يحضرنا ماعندنا مشكله الى زواج
بنهني المعرس وسلام عليكم
والله ماشوف حد يقعد في عس الرجال 80% يروحون ويمكن اكثر

شكرا على مرورك الطيب

[قطريه ماركه]

ليت اعراس النساء تنتهي الساعة العاشرة ليلاً

لأنه النسوان صاروا يطلعون و للحيين ما تعشوا و لا شافوا العروس و لا المعرس :secret:

[خليفة77]

اؤيد الحفل يكون من العصر بس ملاحظة العشاء اللي انا مسويه لمن ؟؟ اكيد للمعازيم !! والملاحظ من كم سنه صارو الناس يحضرون المغرب يسلم ويطلع ومايتعشون والأصح تكون فيه مشاركة وحضور مأدبة العشاء تقديرآ للمعرس وأهله

[بومحمد المطاوعه]

من كذا قلت كلن وظروفه تقدر تطلع بدري مو شرط تجلس للعشاء كثيير يطلعون قبل العشاء

صحيح ولكن العشا متى
11 او 12

بعض الاعراس

وبعض الحريم الله يهديهم يقولون مب طالعين الا لين دخل الرجال ،،،


شعليكم من الرجال وشلكم خص تشوفونه

استغفر الله

[حسن]

المغزى من زواج العصر

الضيوف كبار الشخصيات اللي مب فاضي ايجي المساء

واللي ما شاء الله معازيمهم وايدين فما يكفي ايسوون العرس المغرب

هلا هلا

والله انا اشوفها فكره طيبه جدا والحين حتى الرجال سارو يستثقلون الروحه وخصوصا البعض من مناطق بعيده
والعمليه كلها الا سلام وبس وهذا احنا نظر ونشوف ومايقعد الا القليل والقله جدا

دام انها مقبوله شي طيب

شكرا لك

:)

[بومحمد المطاوعه]

هلا هلا

يابومحمد

اشكرك على تايدك زين عاد ارسها بروابط اللي ترسلها من النصائح الدينيه
جزاك الله خير
سولنا مواعظ وحكم وحد معاها كم حديث وايات
صدقني ان شاء الله تلقى لها مردود طيب
في البحرين يابومحمد معاعندهم عشى حفله بس عصاير وشاي وانتهي
والله اتمنى من صحفي ينقلها لاى الجريده وياخذ اراء الناس ويطرحها فكره
الاعلام لازم ياخذ دوره في توجه الناس

بالنسبه لنا يارجال رساله واتس اب تكفينا تلفون يحضرنا ماعندنا مشكله الى زواج
بنهني المعرس وسلام عليكم
والله ماشوف حد يقعد في عس الرجال 80% يروحون ويمكن اكثر

شكرا على مرورك الطيب

الشكرلله
الله يجزاك خير
بسوي ليش لا

تبشر


المهم اسمع وانا اخوك

الحين الاكثريه يسلمون ويحركون
لأن في اعراس ثانيه تصادف نفس اليوم

انا مره رحت 4 اعراس جنب بعض
في ساحه المقابله جامعه البنات يعني اتعشى عند من ،،،

وغير ذي وايد شباب يسوون رجيم او بالعربي قاصين المعده

ف ماتحصل حد ياكل ،،،

او ينزل ياكل لقمتين ثلاث ويقوم ،،،

انزين ليش الخساير وليش دافع 30 الف حق المطبخ

لو مخليها حق سفرته ابرك ،،

[حسن]

مراااحب يابو علي ..


من اوائل المؤيدين .. يبتدي العصر وينتهي مع صلاة العشا للرجال والنساء .. ياهي راحه .. ياهي رواقه .


:nice:

هلا هلا

حيالله بايلوت اشكرك على تايدك للفكره

اسكت ياهي راحه وبس

وبعدين لاتنسى الظروف الحين تغيرت والناس اصبحت عنها التزامات وتربيه عيال ومسؤليه
اروح عرس كنها وظيفه اقعد فيها 5 ساعات شدعوه
نبطشي لوح


شرفت يابايلوت

والله يهديهم

:)

[Charisma]

هلا هلا

حيالله بايلوت اشكرك على تايدك للفكره

اسكت ياهي راحه وبس

وبعدين لاتنسى الظروف الحين تغيرت والناس اصبحت عنها التزامات وتربيه عيال ومسؤليه
اروح عرس كنها وظيفه اقعد فيها 5 ساعات شدعوه
نبطشي لوح


شرفت يابايلوت

والله يهديهم

:)

الله يحييك ..

يابوعلي موضوعك مانبيه يمر مرور الكرام .. شوف لنا متطوعين يتبنون الفكره .. واحنا بنسوي دعايه .. والعالم وراها .. شغل الدعايات ترى ماشي ماتشوف كيك البونص في الانستقرام صار بعشر وعليه اقبال .:telephone:

[عثرة جواد]

السلام عليكم

والله اخوي احسة صعب لانه العصر وقت صعب

لعيال والكشخه حسبه يبيلنا نتدرب عليها

عسااك ع القوة

[حسن]

الأفضل للنساء بعد صلاة العشاء وذالك للصلوات ولتفاصيل تعرفها النساء :/ ومو مشكله متى ينتهي10 -12 ومو شرط الواحد يجلس لأخر الحفله كلن وظروفه

الا اذا يحدد من العصر للمغرب ممكن بس ماتعودنا

هلا هلا

مرحبا يااخت ديور المشكله لو يحصلهم والله لا يخلونها صباحي كانك في شهرزاد ولا شارع الهرم

التوقيت مهم جدا

شنهو العرس ولا افرح باهني وبابارك وبامشي صلاه العشاء مهب مشكله
تصليها متاخر ولا في القاعه

وشكرا لك على المشاركه


:)

[غريب الدّار]

خابر هالحركة في الامارات

صارت عندنا بعد؟

توني ادري والله

[حسن]

ليت اعراس النساء تنتهي الساعة العاشرة ليلاً

لأنه النسوان صاروا يطلعون و للحيين ما تعشوا و لا شافوا العروس و لا المعرس :secret:

هلا هلا

والله هذه كارثه فعلا واحسها انها حركه مهب من سنعنا معقوله الضيوفى يجونا وناخر عشاهم
ولا في احترام لكبار السن المساكين واللي جاين من مناطق بعيده
هذا مش حلوه

انا اقترح يخلون العشاء مفتوح بوفيه واللي يبي يتعشا يتفضل
ويبارك ويمشي
ترا هذه الحركه سواها مره ولد عمتي الصراحه الكل تعشى
والله عيب العروس تتاخر عنبو غيهم من الصبح وهي تتجهز شنو هذا عمليات تجميل
كلها ديرم ومكياج وتسريحه شعر كلو على بعضو ساعتين اوفر

الله يعين

نتمنى الفنادق تنزل قرار للتوقيت ولا يطفون الكهرب

شكرا لمرورك الكريم

:)

[حسن]

اؤيد الحفل يكون من العصر بس ملاحظة العشاء اللي انا مسويه لمن ؟؟ اكيد للمعازيم !! والملاحظ من كم سنه صارو الناس يحضرون المغرب يسلم ويطلع ومايتعشون والأصح تكون فيه مشاركة وحضور مأدبة العشاء تقديرآ للمعرس وأهله

هلا هلا

حيالله خليفه اشكرك للتايد

ومثل ماذكرت وانا ذكرته القليل جدا الللي اصبح يقعد للعشاء

الامارات اعتقد بس يحطون فاله فواكه ومشوربات وبس ومافي احسن من هذه الوجبات
وبعدين الحين الناس تخاف من الاكل والكثير مسوي قص معده
حض العمال يحملون الاكل في اكياس

اللحمه عزيزه

شكرا لمرورك ياخليفه

:)

[حسن]

الشكرلله
الله يجزاك خير
بسوي ليش لا

تبشر


المهم اسمع وانا اخوك

الحين الاكثريه يسلمون ويحركون
لأن في اعراس ثانيه تصادف نفس اليوم

انا مره رحت 4 اعراس جنب بعض
في ساحه المقابله جامعه البنات يعني اتعشى عند من ،،،

وغير ذي وايد شباب يسوون رجيم او بالعربي قاصين المعده

ف ماتحصل حد ياكل ،،،

او ينزل ياكل لقمتين ثلاث ويقوم ،،،

انزين ليش الخساير وليش دافع 30 الف حق المطبخ

لو مخليها حق سفرته ابرك ،،



جزاك الله خير بومحمد

اي والله صدقت ومثل ماقلت الحين الكثير قاص كرشته وين بيودي الاكل

مبالغ خياليه ماله اي معنى
والحياه بسيطه جدا

انا سعيد بمشاراكاتك القميه

:)

[بوحارب]

والله مشروع ناجح ومؤيد واتفق معاه وأيده بقوه

وعرسي الثاني ان شاء الله بتحصلني مرتز من العصر
استقبل الأمراء والشيوخ وعامة المهنئين :)


وهذا الشي يسهل على الناس المرتبطه يحضرون العصر يسلمون ويحركون

وخاصة اهل الكشتات يا حسن <<<< فهمتا ههههههه

[حسن]

والله مشروع ناجح ومؤيد واتفق معاه وأيده بقوه

وعرسي الثاني ان شاء الله بتحصلني مرتز من العصر
استقبل الأمراء والشيوخ وعامة المهنئين :)


وهذا الشي يسهل على الناس المرتبطه يحضرون العصر يسلمون ويحركون

وخاصة اهل الكشتات يا حسن <<<< فهمتا ههههههه

اي والله يابوحارب خلها اثنين انا معاك خبرك وصلت الاربعين يعني النضوج


ومثل ماتفضلت الكشته
انا مستحيل احضر زواج يوم الخميس والجمعه حتى لو كان زواجي

الكشته مافوتها هو بيستانس وانا شاسوي اقشر بصل ولا معايا في الميلس

اشكرك يابوحارب

بس لاتنسى يقولون في السعوديه يعطون ايفونات وفوقها شره تطيب خاطرك

:victory:

[يمامـة]

الأفضل للنساء بعد صلاة العشاء وذالك للصلوات ولتفاصيل تعرفها النساء :/ ومو مشكله متى ينتهي10 -12 ومو شرط الواحد يجلس لأخر الحفله كلن وظروفه

الا اذا يحدد من العصر للمغرب ممكن بس ماتعودنا

رد انثوي يقدر ظروف النساء..
عرس الحريم غير عن عرس الريايل.. و السبب ان الحريم وراهم صلاة
تستدعي مسح المكياج للوضوء او صعوبة الصلاة في قاعات الافراح..

فكيف يا ترى الوحدة ممكن تحضر العرس العصر؟

اما الرجال يحددون اللي ينفعهم..

[حسن]

زين ياليمامه

هل الاعراس نفس الاول والحين !!
اذا قلتي اي لش واذا قلتي لا ليش ؟

وماهي الحلول الناجعه من وجهه نظرك كا ام مثاليه وصاحبه راي سديد
كما عرف عنك

وصريحه الى ابعد الحدود

ماهو الحل ؟؟

[يمامـة]

زين ياليمامه

هل الاعراس نفس الاول والحين !!
اذا قلتي اي لش واذا قلتي لا ليش ؟

وماهي الحلول الناجعه من وجهه نظرك كا ام مثاليه وصاحبه راي سديد
كما عرف عنك

وصريحه الى ابعد الحدود

ماهو الحل ؟؟

هيهيهي اشدخل ام مثالية في الموضوع :con2:

ومع هذا خلني اقول لك.. بما انك يبت طاري اني ام اوضح
ان بنتي اروح معاها كل عرس لها خاطر تحضره.. ومرات اشجعها اتيي معاي
علشان تغير جو وتشوف العالم و تتعرف على ربعنا اللي يجمعنا العرس مع بعض..

اما بخصوص الوقت حاليا يا بوعلي اكثر العروس اللي نحضرها يوصلك عشاك وانت قاعد مكانك..
والبوفيهات تنفتح غالبا ظ،ظ، وربع.. فلما العروس تتأخر لين ظ،ظ، هذيلا اصلا مب هامهم الناس يتعشون او لا
لان العشى متوفر مثل ما قلت على الطاولات..

اما النقطة الثانية والمهمة .. مب شرط الوحدة في كل عرس لازم اتم تتعشى
ولا بهو شرط انها تحضر كل تفاصيل حفلة الزواج..

ممكن تروح و تحضر وتسلم على ام المعرس او العروس وتطلع..
الهدف بشكل عام مشاركتهم فرحتهم و تقديم الواجب لهم..

وخاصة مع ازدياد حفلات الزواج فالناس لهم حق علينا وفي الوقت نفسه
هذا ما يعني انمصخها ونحضر ونسهر في كل عرس..

فالغالب اللي يتمون لين قريب الساعة ظ،ظ¢ او ظ، هم قرايبين اهل الحفل..
اما الناس من تدخل العروس سلموا واطلعوا او من يدخل المعرس سلموا واطلعوا..

و مستحيل نرجع الزمن للخلف يا بوعلي.. قبل يوم للدزة ويوم للحنة ويوم العرس ويوم الصباحية
الطقاقات يطقون من العصر لين عقب صلاة العشا.. فخلنا في يوم او يومين ابرك لنا
لا يستنزلون علينا ويضيفون يوم للدزة و يوم للصباحية.. مب كفاية يوم للحنة و يوم للجلوة ويوم لتوديع العزوبية
ويوم حفل الزواج وقبله بكم شهر يوم للخطوبة والملجة!!:telephone:

[بوفاطمه]

الله يجزاهم خير .

[MirusS]

عن نفسي انام دايما عالجنب الي يريحني :)
عرس العصر ولا فليل ولا فجر مايهمني أهم شي راحتي :ok2:

[بومحمد المطاوعه]

جزاك الله خير بومحمد

اي والله صدقت ومثل ماقلت الحين الكثير قاص كرشته وين بيودي الاكل

مبالغ خياليه ماله اي معنى
والحياه بسيطه جدا

انا سعيد بمشاراكاتك القميه

:)

ويجزاك يارب
اي والله ياخي

وانا اسعد يالذيييييييب

[حسن]

الله يحييك ..

يابوعلي موضوعك مانبيه يمر مرور الكرام .. شوف لنا متطوعين يتبنون الفكره .. واحنا بنسوي دعايه .. والعالم وراها .. شغل الدعايات ترى ماشي ماتشوف كيك البونص في الانستقرام صار بعشر وعليه اقبال .:telephone:

هلا هلا

حيالله بايلوت

والله احنا نطرح ونتمنى ان نلقى اذان صاغيه من الجمهور والاعلام وموسسات الدوله
ومنها مركز لااسره من مديره نفسي اعرف من
الصراحه اول مره اعرف كيك بونص في ى لااستغرام صار 10
ناس تافهه وناس ماعندها سالفه وخبرك الرواتب العاليه لها دور
انا طالبت من الدوله مراقبه تجار لاستغرام والقبض عليهم وتحويلهم للنيابه

شنسوي يابايلوت الشق اكبر من الرقعه


على فكره مااستخدم الاستغرام خير شر احس اللي شاغل نفسه فيه انسان تافهه


:)

[حسن]

السلام عليكم

والله اخوي احسة صعب لانه العصر وقت صعب

لعيال والكشخه حسبه يبيلنا نتدرب عليها

عسااك ع القوة

هلا هلا

حيالله اخت عثره

بالنسبه لنا شي عادي وبعد العصر اساسا بالنسبه لي اسمعه دد تايم وقت ميت
وللكثير
بالنسبه للنساء اشوف من بعد المغرب الى الساعه 10 اقصى حد وقت مناسب جدا

ونكتفي بالتعديلات البسيطه يعني مانبي نغير من اشكالنا كانا رايحين حفله تنكريه
من الالوان وغيرها

كفايه كحل وديرم


وانتهي الوضع


شكرا

[بانغ بانغ]

الله يكتب لك بوعلي على قد نياتك

لو الضحى .

[h9466]

هلا بوعلي,,,الموضوع يابوعلي سلمك الله هو انه كل فعل يقوم به مجموعة من الناس مع التكرار عدة مرات ويكون مقبول عند الناس والمجتمع يصبح عادة ..وحفلة زواج العصر اشوف لها صدى وقبول كبير واتوقع تصير عادة وتقليد...

[العقل المدمر]

العصر حق المعرس اللي ماعنده الا بشت يلبسه
الحريم تسريحات ومكياج يعني مايبدون يجهزون الا عقب صلاة العشا
اغلب الحريم يوصلون عالساعة 9 واغلب العرايس يدخلون عال 10 ونص
ومن رايي ان يفتحون العشا علطول بلا توزيعات وبلا خرابيط هاذي كلها تسد النفس عن العشا
عشان اللي ماتقدر تطول تسلم عالعروس وتمشي متعشية مب توصل بيتها 11 وتسوي لها عشا
والقراب من المعاريس عاد ساكنين فالفندق اكيد فعادي يتاخرون كيفهم

[امـ حمد]

نعم مؤيده ,قرار صحيح

[سهم عتيج]

هلا بوعلي,,,الموضوع يابوعلي سلمك الله هو انه كل فعل يقوم به مجموعة من الناس مع التكرار عدة مرات ويكون مقبول عند الناس والمجتمع يصبح عادة ..وحفلة زواج العصر اشوف لها صدى وقبول كبير واتوقع تصير عادة وتقليد...

بالعكس في السابق كانت الأعراس تبدأ العصر حتى الثمانينات تقريبا من القرن الماضي,, ولازالت مناسبات الاعراس عند اسرة آل ثاني تبدأ من العصر ..

والله أعلم

يعطيك العافية بوعلي

[aloosh]

الزواج حسن ماله وقت اصلآ
يمكن يكون غدا يمكن يكون على فطور
بس لانه اكثر الناس في الاعمال ويريح الظهر فا تأجل معا انشغال الناس قديما لا اي وقت

[راجي الْعفو]

وعليكم السلام و رحمة الله و بركاته ..

يمسيك بالخير يا بوعلي ..


والله ما ادري ، هي ممكن تكون سبب في تقليل مصاريف الزواج ..

اذا قصدت تحديد الوقت من العصر للعشاء مثلا ، هل هذا سيناسب ظروف الناس في البلد ؟

واذا ما قلنا بتحديد الوقت ، ما تشوفه تعب عالمعاريس و أهاليهم انهم يستقبلون الضيوف من العصر لين الليل ؟


هي فكرة وممكن تكون مناسبة بعد دراستها ..


ناطرينك اطبقها في الثانية !

[الجـــوديّ]

والله أنا أتمنى تكون الصبح .. من 10 لين 3 العصر
حفلة بسيطة خفيفة مشرقة مع الشمس
والتجهيز كله راح يكون نهاري ناعم والاجواء نهارية خاصة لما تكون في الشتاء والا الربيع

[رجل مثالي]

عندي مداخلة بخصوص الزواج

إذا خطبت وطلعت خطيبتك وحدة من أعضاء المنتدى وش راح تكون ردة فعلك (( تعآلوآ نسولف
منقووول

إذا جاء اليوم اللي لآزم تتزوج فيه
وبدت الوالده تحن عليك تبى تفرح بك وإنت كنت تقول لها لا مو الحين
بس أمك أصرّت وقالت لآزم تتزوج وإنت وآفقت وتمت الخطوبة

وبعد الخطبة بـ فترة اكتشفت إن البنت اللي خاطبها عضوة في نفس المنتدى اللي تشارك فيه
كيف بتكون ردة فعلك ؟

أكيييد راح تبدأ تفتكر موآقف كثيرة صآرت
كيف راح تتعامل مع الموقف ؟

وإذا كان العكس يعني البنت اكتشفت إن خطيبها هو أحد أعضاء المنتدى
كيف راح تتعاملين معه ؟

طيب تخيلي كآن أحد الأعضاء اللي ردوده م تعجبك أو كآنت شخصيته هون تستفزك
وش بتسوين ؟؟

طيب إذا حسيتي في أحد من الردود يجامل وحده من العضوات أو كان جريئ بزياده مع البنآت
كيف بتكون ردة فعلك ؟؟
ونفس السؤال بـ العكس لـ الشباب ؟؟

نبى الصراحة في الموضوع

الهدف من الموضوع نشوف ردة فعل الأعضاء من هذا الموقف الجميل
ومناقشة نظراتكم حوله

أتمنى يعجكم النقاش وتعيشون لحظات من الخيال هههه

يـ الله جآبوآ بـ صدق بدون أي قيود

[حسن]

عندي مداخلة بخصوص الزواج

إذا خطبت وطلعت خطيبتك وحدة من أعضاء المنتدى وش راح تكون ردة فعلك (( تعآلوآ نسولف
منقووول


m;kll إذا خطبت وطلعت خطيبتك وحدة من أعضاء المنتدى وش راح تكون ردة فعلك (( تعآلوآ نسولف ونتنآقش ))


إذا خطبت وطلعت خطيبتك وحدة من أعضاء المنتدى وش راح تكون ردة فعلك (( تعآلوآ نسولف ونتنآقش ))
دعوة لـ الخيآل


إذا جاء اليوم اللي لآزم تتزوج فيه
وبدت الوالده تحن عليك تبى تفرح بك وإنت كنت تقول لها لا مو الحين
بس أمك أصرّت وقالت لآزم تتزوج وإنت وآفقت وتمت الخطوبة


وبعد الخطبة بـ فترة اكتشفت إن البنت اللي خاطبها عضوة في نفس المنتدى اللي تشارك فيه
كيف بتكون ردة فعلك ؟

أكيييد راح تبدأ تفتكر موآقف كثيرة صآرت
كيف راح تتعامل مع الموقف ؟

وإذا كان العكس يعني البنت اكتشفت إن خطيبها هو أحد أعضاء المنتدى
كيف راح تتعاملين معه ؟

طيب تخيلي كآن أحد الأعضاء اللي ردوده م تعجبك أو كآنت شخصيته هون تستفزك
وش بتسوين ؟؟

طيب إذا حسيتي في أحد من الردود يجامل وحده من العضوات أو كان جريئ بزياده مع البنآت
كيف بتكون ردة فعلك ؟؟
ونفس السؤال بـ العكس لـ الشباب ؟؟

نبى الصراحة في الموضوع

الهدف من الموضوع نشوف ردة فعل الأعضاء من هذا الموقف الجميل
ومناقشة نظراتكم حوله

أتمنى يعجكم النقاش وتعيشون لحظات من الخيال هههه

يـ الله جآبوآ بـ صدق بدون أي قيود

صباح الخير يارجل مثالي

:)

وين داش عرض ياخوك على الموضوع

:eek5:

الصراحه خذ راحتك دام مستانس ومستطرب على الصبح
مااقدر اقولك شي

:)

من اللي حاط عليها العين من العضوات

:shy:


قولي وارح اخطبها لك


:victory:

[رجل مثالي]

صباح الخير يارجل مثالي

:)

وين داش عرض ياخوك على الموضوع

:eek5:

الصراحه خذ راحتك دام مستانس ومستطرب على الصبح
مااقدر اقولك شي

:)

من اللي حاط عليها العين من العضوات

:shy:


قولي وارح اخطبها لك


:victory:


الله يسلمك موضوع تصفحته وعجبني مع هذا
الموضوع عن الزواج الموضوع مناسب
ومتجانس معاه صح
الهدف معرفة ردة الفعل حقيقة الله يسلمك بالموقف

[حسن]

الله يسلمك موضوع تصفحته وعجبني مع هذا
الموضوع عن الزواج الموضوع مناسب
ومتجانس معاه صح
الهدف معرفة ردة الفعل حقيقة الله يسلمك بالموقف

اها
كان نزلته في موضوع يكون احلى واكثر فائده

انا موضوعي عن التوقيت وظاهره عرس العصر

:)

[غريب الدّار]

بس عندي سؤال يابو علي لو تسمح لي :
المعرس يتم من العصر لين الليل يستقبل المعازيم؟لين الساعة عشر مثلا او ساعات احدعش على مايتصلون به الحريم ويقولون له حياك تعال :)

اعنبو كم قوطي ريدبول يبي له؟
وبعدين وش هالعدد الهائل من المعازيم اللي بيجون من العصر لين الليل؟
وشو الهدف من الحركة اساسا؟ومن وين طلعت ؟

[حسن]

بس عندي سؤال يابو علي لو تسمح لي :
المعرس يتم من العصر لين الليل يستقبل المعازيم؟لين الساعة عشر مثلا او ساعات احدعش على مايتصلون به الحريم ويقولون له حياك تعال :)

اعنبو كم قوطي ريدبول يبي له؟
وبعدين وش هالعدد الهائل من المعازيم اللي بيجون من العصر لين الليل؟
وشو الهدف من الحركة اساسا؟ومن وين طلعت ؟

هلا هلا

ياغريب الدار هو مهب المقصد يقعد الى نصايف الليلي ينتظر الحريم !!!يتصلون فيه
هو في حد مودي العالم في ستين داهيه غيرهم

ياخوك الساعه 9 كلن يروح بيته والمعرس
لا تحاتيه سنه اقوى من ملييون رد بول

:)

[النهار]

بس عندي سؤال يابو علي لو تسمح لي :
المعرس يتم من العصر لين الليل يستقبل المعازيم؟لين الساعة عشر مثلا او ساعات احدعش على مايتصلون به الحريم ويقولون له حياك تعال :)

اعنبو كم قوطي ريدبول يبي له؟
وبعدين وش هالعدد الهائل من المعازيم اللي بيجون من العصر لين الليل؟
وشو الهدف من الحركة اساسا؟ومن وين طلعت ؟

اخوي معظم الاعراس الي حضرتها العصر تكون للرجال فقط ان شاءالله يسهر لين 3 الفجر مع ربعه
وعرس الحريم يكون في اليوم الثاني
مثال عرس الرجال يوم الثلاثاء والحريم الاربعاء

[غريب الدّار]

اخوي معظم الاعراس الي حضرتها العصر تكون للرجال فقط ان شاءالله يسهر لين 3 الفجر مع ربعه
وعرس الحريم يكون في اليوم الثاني
مثال عرس الرجال يوم الثلاثاء والحريم الاربعاء

معاك اخوي
هالنقطة وضحت ومشكور
وهالشي احسن من ان يكون العرسين في يوم واحد
والله لايهلك المعرس
بيمشي ع الكوشة يتطوطح يمين يسار
:)


لكن شالحكمة ان العرس العصر؟

لأني خابر الحركة تصير في الامارات
مادري عاد يمكن هم قبلنا وربعنا قاموا يقلدون يبلفيت حركة

الله اعلم
يمكن في حكمة بعد او فايدة ماادري عنها

[النهار]

معاك اخوي
هالنقطة وضحت ومشكور
وهالشي احسن من ان يكون العرسين في يوم واحد
والله لايهلك المعرس
بيمشي ع الكوشة يتطوطح يمين يسار
:)


لكن شالحكمة ان العرس العصر؟

لأني خابر الحركة تصير في الامارات
مادري عاد يمكن هم قبلنا وربعنا قاموا يقلدون يبلفيت حركة

الله اعلم
يمكن في حكمة بعد او فايدة ماادري عنها

ياخوي اعراس اول كانت بهذه الطريقه
حتى الحريم يبتدون من بعد صلاة العصر ماتجي الساعه تسعه المساء الا الكل راح في حاله
المعرس يتم اسبوع في بيت العروسه وبعدها ينتقل لبيته
الحين بعض الاعراس تم لين 3 الفجر ههههههههههههه

[راجي الْعفو]

ياخوي اعراس اول كانت بهذه الطريقه
حتى الحريم يبتدون من بعد صلاة العصر ماتجي الساعه تسعه المساء الا الكل راح في حاله
المعرس يتم اسبوع في بيت العروسه وبعدها ينتقل لبيته
الحين بعض الاعراس تم لين 3 الفجر ههههههههههههه

بعض مناطق السعودية المعازيم يتمون لي 6 الصبح !

وكأنه بدينا نقلدهم شوي شوي !

[غريب الدّار]

ياخوي اعراس اول كانت بهذه الطريقه
حتى الحريم يبتدون من بعد صلاة العصر ماتجي الساعه تسعه المساء الا الكل راح في حاله
المعرس يتم اسبوع في بيت العروسه وبعدها ينتقل لبيته
الحين بعض الاعراس تم لين 3 الفجر ههههههههههههه

اعراس اول ماقلنا لا

يعني الحين يبون يردون حق اعراس اول؟
هذا القصد مثلأ؟

[النهار]

اعراس اول ماقلنا لا

يعني الحين يبون يردون حق اعراس اول؟
هذا القصد مثلأ؟

القصد مهب الرجوع لاعراس لول بس البعض يشوفها اريح للجميع لاهل المعرس واهل العروس
بدال ماتحاتي من صوب الحريم وانت ادرى بالحريم ومشاكلهم وقت العرس
تروح براحتك وترد براحتك وهم نفس الشي

[غريب الدّار]

القصد مهب الرجوع لاعراس لول بس البعض يشوفها اريح للجميع لاهل المعرس واهل العروس
بدال ماتحاتي من صوب الحريم وانت ادرى بالحريم ومشاكلهم وقت العرس
تروح براحتك وترد براحتك وهم نفس الشي
بس يخوي هالمشكلة انحلت من زمان عندنا لما صارت الاعراس تستوي في يومين غير عن بعض
قصدي ان عرس الرجاجيل في يوم وعرس الحريم في يوم ثاني

واحترم وجهة نظرك اخوي النهار

[فــلان]

طبعاً نعم لأنه أفضل بجميع المقاييس مقارنه بالأوقات المتعارف عليها

[حسن]

طبعاً نعم لأنه أفضل بجميع المقاييس مقارنه بالأوقات المتعارف عليها

صدقت

اتوقع الان بالنسبه للرجال الكثير قام يسوي هذه الطريقه

[حسن]

هلا بوعلي,,,الموضوع يابوعلي سلمك الله هو انه كل فعل يقوم به مجموعة من الناس مع التكرار عدة مرات ويكون مقبول عند الناس والمجتمع يصبح عادة ..وحفلة زواج العصر اشوف لها صدى وقبول كبير واتوقع تصير عادة وتقليد...

مرحبا يادكتور

صحيح اشوفها بالانتشار الان وانا من مؤيدينها
وفعلا مثل ماذكرت الناس هي مجرد عاده وتبعونها الناس
اساسا
لان الكثير الحين مايحضر العرس اما مسافر ولا مشغول ولا مستثقل
العصر اهون بكثير
خصوصا لنا احنا يالرجال

اشكرك

[النهار]

مرحبا يادكتور

صحيح اشوفها بالانتشار الان وانا من مؤيدينها
وفعلا مثل ماذكرت الناس هي مجرد عاده وتبعونها الناس
اساسا
لان الكثير الحين مايحضر العرس اما مسافر ولا مشغول ولا مستثقل
العصر اهون بكثير
خصوصا لنا احنا يالرجال

اشكرك

بوعلي قول عاده قديمه كانت موجوده تعود من جديد وبشكل حضاري
لول كانت بيسطه بكل ماتعنيه الكلمه عند الحريم طقاقات ويوم للحنه بعد صلاة العصر ويوم للهديه
والرجال رزيف وعشاء في البيت ثالث يوم اورابع يوم البعض وليس الكل يسوي حفلة سمر ههههههه تعال عاد شوف السكارى
الي يجنونك من كل مناطق قطر بس يعرفون في حفلة سمر :nice:

[رجل مثالي]

ا
اها
كان نزلته في موضوع يكون احلى واكثر فائده

انا موضوعي عن التوقيت وظاهره عرس العصر

:)


صح أخوي ممكن أنزله موضوع أو عندي موضوع ثاني تسلم

[نوفا91]

الأفضل للنساء بعد صلاة العشاء وذالك للصلوات ولتفاصيل تعرفها النساء :/ ومو مشكله متى ينتهي10 -12 ومو شرط الواحد يجلس لأخر الحفله كلن وظروفه

الا اذا يحدد من العصر للمغرب ممكن بس ماتعودنا

حرام عليج ديور مايمديني احلل الفستان من العصر للمغرب
:(

[أم محمد 90]

اهم شي الصلاة

وترى الواحد صعب يتوضأ بكشخة العرس ومايقدرون كل وقت اذان يوقفون الطق وكلن يروح يصلي ويرجعون
ومعروفة حفلات الزفاف من ايام اجدادنا دائما بعد العشاء

شحقة التشبه بالغرب يعني !

ترى هم يسونها العصر ولا الصبح كيفهم ماوراهم صلاة

[A bin M]

مؤيد للرجال ...


...

[النهار]

اهم شي الصلاة

وترى الواحد صعب يتوضأ بكشخة العرس ومايقدرون كل وقت اذان يوقفون الطق وكلن يروح يصلي ويرجعون
ومعروفة حفلات الزفاف من ايام اجدادنا دائما بعد العشاء

شحقة التشبه بالغرب يعني !

ترى هم يسونها العصر ولا الصبح كيفهم ماوراهم صلاة

اسمحي لي انتي من وين جبتي هذي المعلومات انتي عاصرتيها او حد قالج
نقولج هذي عادات هل قطر تقولين نتشبه بالغرب لا والله تشبهنا بالغرب والشرق في الوقت الحاضر اخذنا السيئى وتركنا الطيب
الكهرباء دخلت للموطنين سنة 1960 تقريبا
من العادات بعد صلاة العشاء كل الناس في بيوتها لا احد يخرج الا للضروره القصوى

[Darco]

اشكرك يالنهار

ترا ابوظبي سنت سنه سينه الحفل الى صلاه العشاء وبدون عشى
والصراحه هذا شي طيب
االغالبيه تهني وتطلعع والعشى للعمال اكثريته

شكرا لك يالنهار

:victory:


هذا مخالف للسنة يا حسن.. الزواج هو "وليمة / حفل عشاء" غرضها الإشهار .. لذلك أهم ركن في العرس هو العشا وأنت تعزم الناس على العشا ..

في السابق لين وقت قريب كانت الأعراس كلها تبدأ العصر وتنتهي من وهل , يعني ما فيه شيء جديد.. وبالعكس شي طيب إذا بدأ العرس العصر ويكون العشا بين صلاة المغرب والعشاء..

[يمامـة]

اسمحي لي انتي من وين جبتي هذي المعلومات انتي عاصرتيها او حد قالج
نقولج هذي عادات هل قطر تقولين نتشبه بالغرب لا والله تشبهنا بالغرب والشرق في الوقت الحاضر اخذنا السيئى وتركنا الطيب
الكهرباء دخلت للموطنين سنة 1960 تقريبا
من العادات بعد صلاة العشاء كل الناس في بيوتها لا احد يخرج الا للضروره القصوى

يالنهار تراني كح كح كح عاصرت فترة العرس لما كان يبتدي من العصر
وكانوا يوقفون مع كل اذان..
ما كان شي بصراحة.. والوحدة كانت تحضر العرس بدراعة المطبخ..

والحين الاوضاع اختلفت.. فيها صوالين و مزينات وقاعات تنحجز وغيره غيره..

[النهار]

يالنهار تراني كح كح كح عاصرت فترة العرس لما كان يبتدي من العصر
وكانوا يوقفون مع كل اذان..
ما كان شي بصراحة.. والوحدة كانت تحضر العرس بدراعة المطبخ..

والحين الاوضاع اختلفت.. فيها صوالين و مزينات وقاعات تنحجز وغيره غيره..

اما بدراعة المطبخ هههههههههه
لاعاد اليمامه حريم زمان فنتك البطوله تلمع بلون النيلي جديده لو الجو حر اول ماتشيلها الا الويه قالب ازرق نيلي ههههههه
والديرم يلعب لعبته ولا المشموم ياخراشي
انا مايغيضني لما يجي واحد يقول على ايام اجدادنا ويحط معلومات مغالطه

[بصمة قطرية]

ورانا صلاة عشا ..
يعني من بعد العشا أوكي ..

[نفسي عزيزه]

مؤيييييييييد وبشده

[مشـــــاعر]

.


خلآإص عيل ننطر حد من (رجال) المنتدى يطبق آإلفكرة :)
لأن في وآإيد يأيدون وبشدة بس بآإلكلآإم فقط لكن وقت آإلجد خخخخخخخخخخخخخخخ

[رجل مثالي]

الله يسلمك ممكن في ناس ظروفهم يكون في المساء افضل
من النهار لمشغولياته النهارية فيعتبر ليلي

[يمامـة]

اما بدراعة المطبخ هههههههههه
لاعاد اليمامه حريم زمان فنتك البطوله تلمع بلون النيلي جديده لو الجو حر اول ماتشيلها الا الويه قالب ازرق نيلي ههههههه
والديرم يلعب لعبته ولا المشموم ياخراشي
انا مايغيضني لما يجي واحد يقول على ايام اجدادنا ويحط معلومات مغالطه

صدقني يا النهار..
قبل ما كانوا في طبابيخ .... الوحدة من المطبخ لين المعازيم ومن المعازيم لين صوب جدور الطباخ
ودرامات الفيمتو( الله ياحلوها من ايام كنت اعسكر عند الدرام) ولا القلاصات النص درزن في حمالات خاصة
عاد هذي سبشل كانت...

لكن الحين صعب وانا يدتك ما يصير يبتدون من العصر.. وين يتلاحقون المعازيم يجهزون
ولا يصلون ولا يردون يجهزون ولا يردون يصلون؟

صعبة وراها مخاسير لجيبوكم:telephone:

[حسن]

مؤيييييييييد وبشده

اشكرك يانفسي عزيزه

يازينك وانت نازل الدوحه تهني ومع المغرب داش الرويس

هذا الزواج

ناس مساكين واراهم خط وراهم نوم وراهم عمل وراهم عباده مهب
شياطين حاظره قالبنها دحه لين انصاف الليالي المبروكه

اخ لو في يدي

كان شفت شي ماتشوفه

شفت حسينو يوم رجع من البصره ولقى امه متزوجه وش سوا في الطقاقات

باسوي اعبر منه

:victory: