بنات حاسبوا من بيوسكين سبا

[شوق قطر2000]

بنات حاسبو من البيو سكين سبا اهو متعودين يسون عروض ويروجون حق منتجاتهم. يتصلون فيكم. على اساس عندكم هدية او جلسة مجانية يقولون بنسوي لكم جلسة كليبوبترا او اي جلسة ملكية وفي الاخير يسون فيشيل ويروجون حق منتجاتهم اللي مالها تاثير. دائم بس شي موقت. وكلام فاضي مع اسعار خيالية واخر موقف حصل مع رفيجتي وبنفسها قالت لي اياه انها راحت تسوي الجلسة في عيد الام على اساس العرض وكان يوم السبت وطبعا سوت الجلسة وبعدها كان مساج في الوجة وكانت لابس حلق ماركة (فان كليف ) تخيلوا ان يوم ردت البيت شافت اذونها خالية ويوم. اتصلت فيهم الاخصائية ما انكرت ان شافتهم في اذونها يوم قالت لها شيكي المكان يمكن طاحوا او شي يوم سوت المساج قالت اوكي واليوم الثاني قالت لها ما حصلته السوال هل يختفي الحلق من الاذنين مرة وحدة ولو طاحو اهم ينظفون بعد كل كاستمر يعني اكيد بحصلونهم في السرير او الارض واتوقع لازم في صندوق امانات للمفقودات مو الواحد يروح علشان ينسرق. كفاية. ان يخلون الوحد ه تطلع من عندهم وهي قاطه الاف على منتجات وجلسات مافيها اي فايدة بنات حاسبوا على اشياكم ولا تثقون فيهم لان بياعات كلام

[sweet qatar]

مسكينة رفيجتج

الله يعوض عليها :(

و جزاج الله خير علي التنبيه

[كازانوفا]

للاسف المكان يشرح القلب بس الجواكر اللي فيه خربو سمعته
بجد حراميه لاني جربتهم ونبهت كثير من اللى حولي
حسبي الله عليهم

[مختلفة عقليا]

السلام عليكم

انا جربت منتجاتهم وجلساتهم ., واخر شي بشرتي رده ادمر من قبل .,

السبب ان سواو الجلسات قبل التنظيف العميق وهالشي غلط

وخلاص قلت لهم مابي أي شي منكم

بس والله خسررررت عدل وبشرتي تنظفت فتره وردت اللعن

ويسلموو

[أم محمد 90]

انا مرة اتصلوا فيني من طرف صديقتي فلانة الفلاني وصج عصبت عليها قلت لها ليش تعطينهم رقمي .
نادوني لجلسة مجانية (يزعم انه تنظيف) تألف كلام علي مسحت مكياجي بقطنة فيها حليب بعدها تونر وماسك وترطيب زين هاي انا كل ليلة اسوي شالمميز ف الموضوع ؟!
بعدها حاولت تقنعني ان اشتري ماسك الذهب وقيمته 1200 ريال قلت لها شكرا مابي وحاولت تسجلني ف برنامج بعد ماعطيتها وجه انا انسانة تعلمت ماخضع للضغط التجاري .

[ضوى]

اشكثر يتصلون فيني قبل لا تكلمني اسكر في ويهها خلاص زهقت منهم ومن الرشكة الدولية مالت مكنسة الرينبو تطورا صاروا يوصلون للبيت

[العقل المدمر]

بغض النظر عن كل اللي قلتيه
رفيجتج ماحست وهم يشيلون حلقانها ؟
واصلا ليش تروح لهم بحلقان ماركة وهي رايحة حق تنظيف
حتى فنادق 5 نجوم يحطون تجوري ويقولون مالنا شغل بالمفقودات

[المحاميه]

من زمان قلنالكم انه خرابيط

[um.7moody]

غريبه حلق الفان كليف موب بالسهل انه ينشال إذا كان تقليد او ذهب والصقه عاديه
لان الحلق الاصلي صعب ان احد يسرقه وهي ماتدري

وبعدين شخص رايح مساج او صالون ليه يكشخ ماركات وخرابيط

[مــاي ورد]

الله يهديكم كل واحد عقله براسه سوو جلسة التنظيف المجانية وخلاص بعد شايفين الأسعار نار ليش تسون عندهم عيل وعقب تتشكون طيب من قالكم ادفعوا!! بالنسبة للحلق مايصير تقطين على الصالون المفروض الشخص اللي رايح هو يهتم بممتلكاته الصالون مش مسؤول الا اذا فيه غرفة للامانات واللي بتروح صالون وجذي حق شنو تكشخ !! شي غريب

[Ms. London]

استفيدوا من الجلسه المجانيه واذا عرضو عليكم منتجاتهم قولولهم احنا جايين للجلسه وبس.. واذا حاولت الموظفه تقنعكم وتزين لكم بكل الطرق والاساليب وبطلع في بشرتكم عيوب الدنيا .. حاولو تكونون انتو الطرف الاقوى وأصحاب القرار في هالشي وخليها تحس بقوة شخصيتكم وانكم كاشفين هالاسلوب من الترويج.. والله حرام اعرف وحده نفس الشي راحتلهم وهي على نياتها طلعت من عندهم شاريه ب خمسة الاف ريال...

[شـــوق]

ماحبيت شغلهم ..اختربت بشرة صديقتي

[معماري قطري]

زين حذرتينا يمكن بعد يحولون على الرجال واحنا نصدق كل شيء

[كشمه]

بنات حاسبوا من التشهير ..يطلع عليكم اغلى من بيع السوق

[MaRuKoO]

:eek5: