الفنادق تسيء للسياحة ..و"الهيئة" تتوعد بالردع

[رجل الجزيرة]

بعض مؤسسات الضيافة رفعت الأسعار 1200%

الفنادق تسيء للسياحة ..و"الهيئة" تتوعد بالردع

فريق للبدء بالتقصي حول استمرار ارتكاب التجاوزات



كتب ـ عاطف الجبالي:

قال مصدر مطلع إن الهيئة العامة للسياحة قد رصدت قيام عدد من الفنادق والشقق الفندقية خلال الأسبوع الحالي برفع معدل أسعار غرفها بصورة مبالغ فيها ، حيث وصلت إلى معدل تراوح بين (400% إلى 1200 %) عن المعدل الذي تم التصريح به من الهيئة العامة للسياحة في بداية العام 2015، وذلك من خلال الإعلان عن هذه الأسعار في مواقع الحجوزات الإلكترونية المعتمدة.

أضاف :وقد أدى رفع الأسعار بهذه الصورة المبالغ فيها وبهذه الآلية غير المدروسة إلى بث صورة سلبية عن سمعة صناعة السياحة في الدولة والاقتصاد الوطني، لاسيما وأن هذه الفترة تصادف موسم استقبال الزوار والسياح من الدول الخليجية المجاورة .

وأشار إلى أنه نتيجة هذه التصرفات غير المسؤولة من بعض الفنادق والشقق الفندقية والتي من شأنها أن تؤدي إلى إضاعة الجهود المبذولة من قبل كافة الشركاء والعاملين بالقطاع السياحي ومن قبل الهيئة العامة للسياحة للترويج لقضاء العطلات والإجازات في قطر منذ إطلاق إستراتيجية قطاع السياحة 2030 ، قامت الهيئة العامة للسياحة بإرسال تعميم إلى كافة المنشآت الفندقية لتوجه عناية المعنيين منها للقيام فوراً بتصويب ما ذكر ، كما تم تشكيل فريق من قبل قطاع تنمية السياحة في الهيئة للبدء بالتقصي حول استمرار ارتكاب أي من المنشآت الفندقية لما ذكر، حيث سيتم اتخاذ الإجراءات القانونية اللازمة بناءً على توصيات قطاع تنمية السياحة بشأن ذلك.

وكشف المصدر أن شهر مارس الجاري شهد نمواً في تدفق السياح من الأسواق المجاورة يتماشى مع النمو المتوقع حيث بلغ عدد السياح من 10 مارس وحتى 23 مارس حوالي 145 ألف سائح مقارنة بالعام الماضي حيث بلغ العدد 245 ألف سائح في شهر مارس كاملاً. بينما بلغ عدد السياح الخليجيين خلال فترة 10 مارس وحتى 23 مارس من هذه السنة حوالي 73 ألف سائح مقارنة بحوالي 86 ألف سائح خليجي للعام الماضي.

ويتمتع السوق القطري حالياً بنمو مميز حيث بلغ عدد السياح في العام الماضي حوالي 2,8 مليون سائح بينما وصل عدد الغرف الفندقية حتى فبراير حوالي 20 ألف غرفة فندقية والمتوقع أن يتم إضافة حوالي 3700 غرفة فندقية خلال العام الحالي متمثلة في حوالي 20 منشأة فندقية.

ودشنت الهيئة العامة للسياحة الإستراتيجية الوطنية لقطاع السياحة 2030 والتي حددت معالم المرحلة القادمة في صناعة السياحة. وحددت الإستراتيجية دور الهيئة بتنظيم وتطوير وتخطيط والترويج لسياحة مستدامة في دولة قطر بهدف تعزيز النمو الاقتصادي وإحداث تأثير اجتماعي وتقديم تجربة سياحية حقيقية وتوفير المرافق والمنشآت الترفيهية التي تركز على العائلات ورجال الأعمال.

http://raya.com/news/pages/8950a40e-2b37-49d2-b7f0-a3d33362c3d4

[aziz4z]

ثلاث أرباع السياح سعوديين من ذوي الدخل المحدود
و مرة شفت ناس أجانب يذمون الغلاء اللي موجودة بالبلد من ناحية الفنادق

[فارس قطر]

صح النوم ياادارة السياحة جات على الفنادق بس .....المطاعم المراكب السياحية المواصلات...... تصدق او لاتصدق تم التلاعب بالاسعار بشكل مبالغ فيها جولة سياحية حول جزيرة الشيراتون فقط بخمسمائة ريال....وجبات الطعام في المطاعم السياحية الف والفنان المواصلات وماادراك ماالمواصلات ريال من المسؤلين عن هذة التجاوزات والتلاعب بالاسعار .

[حسن]

ماعرفت ايش القصد الفنادق تسئ للسياحه

يعني تقدم خمور مثلا ولا عاهرات !!!

بالنسبه لارتفاع الاسعار وقت المناسبات هذا شي معارف عليه دوليا وحتى شركات الطيران
مواسم تلقى التذكره رخص التراب ومواسم تلقاها نار
حتى الفنادق في مكه ايام تلقاها سعر الغرفه عادي وايام رمضان والحج يوصل سعرها
اضعاف خياليه شي ماتتوقعه اصلا ولا في العالم اعتقد من 500 ريال الليله توصل الى 30 الف
وين صارت في اي دوله غير مكه

!!

[شيخ الديرة]

ماعرفت ايش القصد الفنادق تسئ للسياحه

يعني تقدم خمور مثلا ولا عاهرات !!!

بالنسبه لارتفاع الاسعار وقت المناسبات هذا شي معارف عليه دوليا وحتى شركات الطيران
مواسم تلقى التذكره رخص التراب ومواسم تلقاها نار
حتى الفنادق في مكه ايام تلقاها سعر الغرفه عادي وايام رمضان والحج يوصل سعرها
اضعاف خياليه شي ماتتوقعه اصلا ولا في العالم اعتقد من 500 ريال الليله توصل الى 30 الف
وين صارت في اي دوله غير مكه

!!

والله

الفندق اللي يرفع السعر يضيع عليه الزبائن لأنهم يروحون يحجزون في مكان أخر. الموضوع غير واضح لي, وعلى أي أساس ادارة السياحة تحدد الأسعار؟

[حسن]

والله

الفندق اللي يرفع السعر يضيع عليه الزبائن لأنهم يروحون يحجزون في مكان أخر. الموضوع غير واضح لي, وعلى أي أساس ادارة السياحة تحدد الأسعار؟

انا نفسك ياشيخ الديره
الي اعرفه ان الفناق والطيران ترتبط بالمواسم واسعارها غير ثابته في جميع دول العالم

[شبح الصمت]

نتمنى انه هيئة السياحة تضع حد للفنادق والاسعار المبالغ فيها والخيالية ..

خلاص سعر الغرفة المعروف في الفندق لا تتغير واتوقع انهم يوم يقولون مؤتمرات ويتعذرون في المؤتمرات اتوقع انه عندهم علم قبلها بفترة بهالمؤتمر ويقدرون يبلغون السوائح او يضعون في مواقعهم في البوكينق او موقع الفندق ..

انه هالوقت راح يكون مزدحم ..

اما تجي وترفع الاسعار وتوهق العالم وتخليهم يطقوون من البلاد ..

ما يصير ومهب كلام ترى كلش ..


نتمنى محاسبتهم ووضع قوانين صارمه لهم ..

[شيخ الديرة]

انا نفسك ياشيخ الديره
الي اعرفه ان الفناق والطيران ترتبط بالمواسم واسعارها غير ثابته في جميع دول العالم

هنا الزبدة


قال مصدر مطلع إن الهيئة العامة للسياحة قد رصدت قيام عدد من الفنادق والشقق الفندقية خلال الأسبوع الحالي برفع معدل أسعار غرفها بصورة مبالغ فيها ، حيث وصلت إلى معدل تراوح بين (400% إلى 1200 %) عن المعدل الذي تم التصريح به من الهيئة العامة للسياحة في بداية العام 2015

انشروا القائمة للسواح على مواقع الهيئة, حتى يعرفون كم الأسعار المتفق عليها

[<اضرب واشرد>]

400% - 1200% مبالغ فيه جدا واستغلال بشع لقلة الفنادق وكثرة السياح في هالأيام. 65 ألف سعودي دخلوا الدولة في يوم واحد ..

نعم نتمنى ردعهم لأنهم يسيئون للسياحة

[حسن]

نتمنى انه هيئة السياحة تضع حد للفنادق والاسعار المبالغ فيها والخيالية ..

خلاص سعر الغرفة المعروف في الفندق لا تتغير واتوقع انهم يوم يقولون مؤتمرات ويتعذرون في المؤتمرات اتوقع انه عندهم علم قبلها بفترة بهالمؤتمر ويقدرون يبلغون السوائح او يضعون في مواقعهم في البوكينق او موقع الفندق ..

انه هالوقت راح يكون مزدحم ..

اما تجي وترفع الاسعار وتوهق العالم وتخليهم يطقوون من البلاد ..

ما يصير ومهب كلام ترى كلش ..


نتمنى محاسبتهم ووضع قوانين صارمه لهم ..




شوف ياشبح

بحكم انا دوله ناشئه في السياحه ويجب تشجيعها وعمل عروض انا اتفق معاك وهذا متبع في الكثير من دول العالم
وبعدين هناك دول غاليه وهناك دول رخصيه
وبعدبن اكيد الحين اللي بيسافر مرتب حجزه والحمدلله بفضل هل التقنيه تحجز وانت تمشي
مايسير اروح بلاد ماحجزت سكن هذا شغل سبهلله مايمشي
قولي هناك قله يمكن ناس مش منظمه يتحملون مسؤليتهم

باقولك شي مره رحت العمره من طريق مطار الدمام وسيارتي وقفتها بالمطار ولما رجعت
قلنا نبيت في الخبر ونتمشى فيها
والله هلكت لين ادور سكن مافي كله فول قلت والله لو مالقيت
لافر السوبر صوب الدزحه كلها 4 ساعات وانا في البيت
هي غلطتي لان ماكانت بالحسبان ولكن احتمال اني اررجع عادي وبعدين لو تشوف الفنادق
صغيره واسعارهم كانت ضو مقارنه بفنادق دبي ولا الشيراتون ولا فنادقنا الفخمه

وبعدين الفنادق يستفيدون فقط من المواسم بس

[رجل الجزيرة]

هنا الزبدة



انشروا القائمة للسواح على مواقع الهيئة, حتى يعرفون كم الأسعار المتفق عليها

وليست مواقع الهيئة فقط وحتى شركات الطيران والشركات السياحية في خارج قطر تحدد أسعار الفنادق.

[بشرى]

هيئة السياحة بنص قانون السياحة الصادر طالبت الفنادق بتقديم كشف أسعار للغرف بالايام العادية وايام المواسم (الاجازات، الاعياد، اليوم الوطني، ...) وسيتم اعتماد هذه الكشوفات في حال قبولها من الهيئة وسيتم تطبيقها ولا يحق للفنادق بعد ذلك التغيير في أي سعر ... وهذا ما سيتم اعتماده حماية للسياحة القطريه

فندق ثلاث نجوم تخيلوا وصل السعر فيه الى25 الف

[الحاقول]

نقول للهيئة العامة للسياحة
نرجوكم حتى تنجح السياحه
يجب المحافظه على الاسعار
وبشكل خاص اسعار الفنادق والمطاعم وفي مواسم الاعياد
والاجازات والمهرجانات

بالصراحه كل مطعم عندنا حالته حاله
يرفع اسعاره و يقول اسعار سياحيه
ليش السايح تنهبونه بدل ان تكرمونه
كفايه عليه اسعار الفنادق التي تقص الظهر قص

وبعد نرجع ونقول الشئ المؤسف ان بعض الفنادق ما تصدق
اذا جاءت مواسم الاجازات والاعياد
حتى ترفع اسعارها الى الضعف على السواح
لدرجه ان اسعارها تتساوى مع اسعار فنادق اوروبا
ليش

[<اضرب واشرد>]

كفايه عليه اسعار الفنادق التي تقص الظهر قص
وبعد نرجع ونقول الشئ المؤسف ان بعض الفنادق ما تصدق
اذا جاءت مواسم الاجازات والاعياد
حتى ترفع اسعارها الى الضعف على السواح
لدرجه ان اسعارها تتساوى مع اسعار فنادق اوروبا
ليش

أخوي يقول الخبر الفنادق زادت الأسعار بنسبة 400% إلى 1200%

4 أضعاف إلى 12 ضعف

يعني الـ 250 تصير 1000 إلى 3000

[بو خليفه 123]

فعلاً اخوانا السعوديين مكانهم هي بيوتنا والعين اوسع من المكان ..

و لكن العُرف ان اي مسافر (و من ضمنهم أنا ) اذا بنسافر مكان لا بد من ترتيب الحجوزات مسبقاً , يعني هل معقوله اسافر لبلاد بدون ما احجز فندق و بالذات اذا عيالي بصحبتي .

[يمامـة]

ماعرفت ايش القصد الفنادق تسئ للسياحه

يعني تقدم خمور مثلا ولا عاهرات !!!

بالنسبه لارتفاع الاسعار وقت المناسبات هذا شي معارف عليه دوليا وحتى شركات الطيران
مواسم تلقى التذكره رخص التراب ومواسم تلقاها نار
حتى الفنادق في مكه ايام تلقاها سعر الغرفه عادي وايام رمضان والحج يوصل سعرها
اضعاف خياليه شي ماتتوقعه اصلا ولا في العالم اعتقد من 500 ريال الليله توصل الى 30 الف
وين صارت في اي دوله غير مكه

!!

بوعلي حسب ما وصلني امس ان الغرفة اللي كانت 950 صارت 25 الف..

شنهو هالنهب والاستغلال عيب والله اللي صار في السياح..

واخرتها قوم الطنازة مستلمين السياح لانهم ناموا في السيارات!!

[يمامـة]

فعلاً اخوانا السعوديين مكانهم هي بيوتنا والعين اوسع من المكان ..

و لكن العُرف ان اي مسافر (و من ضمنهم أنا ) اذا بنسافر مكان لا بد من ترتيب الحجوزات مسبقاً , يعني هل معقوله اسافر لبلاد بدون ما احجز فندق و بالذات اذا عيالي بصحبتي .

تصير يا بو خليفة.. واايد تصير.. وفرضا ما كان يعرف يحجز من النت او يحجز من مكاتب السفر
وراح البلادين الثانية.. فهل من المعقول هالاستغلال الفاحش اللي صار من 950 لين 25 الف ريال لليلة؟

عنبوه استحوا فشلتوننا يا مالكم الفقر.. قاصيين علينا في قطر بالاسعار المبالغ فيها في كل شي
بعد تفشلوننا وتفضحوننا مع ضيوفنا؟

[Al-Kuwari]

حال التجارة في قطر حال يرثى لها بصراحة

تجارة قايمة عالمزاجية بدل ماتكون محسوبه على اسس وقيم علمية

وانا اشوف ان الخلل في القوانين

شوفوا هيئة السياحة ارسلت انذار وهالشي غلط

وش بيسوي الانذار ؟ عادي مب مهتم الفندق لانه طلع ايرادات شهر ونص في اسبوع وبيجيه انذار وبينزل الاسعار وخلاص انتهت السالفة

اذا نبي التجار يستعدلون لازم وزارة التجارة تضرب بيد من حديد

ارسال تعميم واضح وصريح بدون اي ثغرات قانونية
في حالة مخالفة التعميم والنسب المطروحه يتم تغريم المؤسسة المخالفة بمبلغ كبير يردعهم من المخالفة اساساً

اما نظام سو اللي تبيه وطلع ربح شهر في يومين وبعدين برسلك انذار ونزل الاسعار , ماراح يتغير شي طول ما النظام مهب صارم مع التجار وفي صف المستهلكين سواء كانوا مواطنين ام سياح

[يمامـة]

حال التجارة في قطر حال يرثى لها بصراحة

تجارة قايمة عالمزاجية بدل ماتكون محسوبه على اسس وقيم علمية

وانا اشوف ان الخلل في القوانين

شوفوا هيئة السياحة ارسلت انذار وهالشي غلط

وش بيسوي الانذار ؟ عادي مب مهتم الفندق لانه طلع ايرادات شهر ونص في اسبوع وبيجيه انذار وبينزل الاسعار وخلاص انتهت السالفة

اذا نبي التجار يستعدلون لازم وزارة التجارة تضرب بيد من حديد

ارسال تعميم واضح وصريح بدون اي ثغرات قانونية
في حالة مخالفة التعميم والنسب المطروحه يتم تغريم المؤسسة المخالفة بمبلغ كبير يردعهم من المخالفة اساساً

اما نظام سو اللي تبيه وطلع ربح شهر في يومين وبعدين برسلك انذار ونزل الاسعار , ماراح يتغير شي طول ما النظام مهب صارم مع التجار وفي صف المستهلكين سواء كانوا مواطنين ام سياح

يعني هيئة السياحة هزت طولها بس علشان انذار؟

وحقوق الناس اللي انكلت زور وبهتان وبوق عيني عينك.. مالهم حق يردون لهم فلوسهم
ويقولون لهم حقكم علينا واحنا اصحاب حق وما نرضى باللي صار؟

عيب والله اللي حصل عيب وايد اوي جدا خالص ..

[بو خليفه 123]

تصير يا بو خليفة.. واايد تصير.. وفرضا ما كان يعرف يحجز من النت او يحجز من مكاتب السفر
وراح البلادين الثانية.. فهل من المعقول هالاستغلال الفاحش اللي صار من 950 لين 25 الف ريال لليلة؟

عنبوه استحوا فشلتوننا يا مالكم الفقر.. قاصيين علينا في قطر بالاسعار المبالغ فيها في كل شي
بعد تفشلوننا وتفضحوننا مع ضيوفنا؟


مشاركتي لا تعني اني ابرر لرفع الاسعار الى الجنون . بالعكس اتفق معك و اتمنى يكون هناك رادع و عمل سقف لزيادة الاسعار في المواسم . و لكن مازلت مصر على التنسيق والترتيب قبل التوجه الى اي بلد آخر .

[sweet qatar]

ماعرفت ايش القصد الفنادق تسئ للسياحه

يعني تقدم خمور مثلا ولا عاهرات !!!

بالنسبه لارتفاع الاسعار وقت المناسبات هذا شي معارف عليه دوليا وحتى شركات الطيران
مواسم تلقى التذكره رخص التراب ومواسم تلقاها نار
حتى الفنادق في مكه ايام تلقاها سعر الغرفه عادي وايام رمضان والحج يوصل سعرها
اضعاف خياليه شي ماتتوقعه اصلا ولا في العالم اعتقد من 500 ريال الليله توصل الى 30 الف
وين صارت في اي دوله غير مكه

!!

انت شفت النسبة !

نهب ونصب .. مش شطارة و تجارة و موسم

لما فندق بو 3 نجوم يرفع سعره بسعر جناح في فندق 5 نجوم

هذا يسمي استغلال و إساءة للسياحة في قطر




اتفق مع الكواري

الإنذار فقط إجراء غير كافي

والهيئة المفروض تحط خطة لاستيعاب و توفير مرافق تناسب السياح

[يمامـة]

مشاركتي لا تعني اني ابرر لرفع الاسعار الى الجنون . بالعكس اتفق معك و اتمنى يكون هناك رادع و عمل سقف لزيادة الاسعار في المواسم . و لكن مازلت مصر على التنسيق والترتيب قبل التوجه الى اي بلد آخر .

وبعد ممكن يصير انك تسافر من غير ما تحجز.. وهالنقطة ممكن تصير ..
ما تقدر تروح للناس وتقول لهم روحوا احجزوا قبل.. ولكن النهب اللي صار فضيحة في حق السياحة في قطر..

واطالب بمعاقبة الفنادق وسحب الارباح منهم .. و استرجاعها لاصحابها..

انذر .. وشو يعني انذار؟

تبا للانذار :(

[الحاقول]

فندق يرفع سعره من 1050 في الليله الى 25000 في الليله
يجب معاقبة مدير هذا الفندق وعدم التساهل معه

رابط الموضوع
http://www.hasatoday.com/93648

[بو خليفه 123]

وبعد ممكن يصير انك تسافر من غير ما تحجز.. وهالنقطة ممكن تصير ..
ما تقدر تروح للناس وتقول لهم روحوا احجزوا قبل.. ولكن النهب اللي صار فضيحة في حق السياحة في قطر..

واطالب بمعاقبة الفنادق وسحب الارباح منهم .. و استرجاعها لاصحابها..

انذر .. وشو يعني انذار؟

تبا للانذار :(


اللي اعرفه ان الفندق لا يرفع اسعاره الا بموافقة وزارة الاقتصاد على اللائحه المقترحه . ممكن حد يأكد لنا المعلومه هذي ؟

[<اضرب واشرد>]

فندق يرفع سعره من 1050 في الليله الى 25000 في الليله
يجب معاقبة مدير هذا الفندق وعدم التساهل معه
رابط الموضوع
http://www.hasatoday.com/93648

شوفوا وصلت المواقع السعودية


http://www14.0zz0.com/2015/03/25/12/361917291.png (http://www.0zz0.com)


موقع الإحساء اليوم: فنادق الدوحة تستغل الإجازة لرفع أسعارها 24ضعفًا.. وقطريون ينتصرون لضيوفهم

الأحساء - خاص

تفاجأ العديد من السعوديين الذي زاروا قطر، خلال إجازة منتصف العام الدراسي، بارتفاع الأسعار بشكل جنوني وغير مبرر وخاصة من قبل فنادق الدوحة، وهو ما عدّوه استغلالًا للموسم، متسائلين في هذا الصدد عن دور الرقابة وحماية المستهلك في مراقبة الأسعار.

“الأحساء اليوم”، من جانبها، كانت حاضرة في المشهد، حيث رصدت أسعار بعض الفنادق ووثقتها بالصور، ففي أحد الفنادق من فئة البوتيك يعرض سعر جناح صغير يوم الإثنين 23 مارس الجاري لمدة ليلة بسعر 25 ألف ريال قطري، بينما سعر ذات الغرفة بعد أسبوع؛ أي تحديدًا 30 مارس يصبح السعر 1050 ريالًا؛ بفارق 24 ضعفًا!.

الأمر ذاته تكرر مع فندق آخر، إذ عرض الفندق غرفة من فئة “ديلوكس” يوم الإثنين 23 مارس أيضًا بسعر 12 ألف ريال قطري، بينما سعر الغرفة بعد أسبوع واحد فقط تراجع إلى 900 ريال؛ بفارق 13 ضعفًا.

هذا الفارق الذي عدّه البعض “خياليًا”؛ سبب موجة من القلق لدى بعض الزوار الذي أبدوا استياءهم لهذا التلاعب واستغلال المناسبة -حسب تعبيرهم، وطالبوا الجهات الرقابية في قطر بممارسة دورها وضبط الأسعار وتغريم الفنادق المخالفة، منوّهين بأن هذه الطريقة قد يكون لها تأثير سلبي في حركة السياحة مستقبلًا.

وبدورها، خاطبت “الأحساء اليوم”، إدارتي حماية المستهلك، والاستثمارات في وزارة التجارة القطرية، مستفسرةً عن دورهما الرقابي لمنع استغلال الزوار من قبل تلك الفنادق، غير أن أي منهما لم ترد حتى نشر التقرير.

ومن جانب آخر، لقي مقطع فيديو أظهر عددًا من السعوديين لم يجدوا سكنًا واضطروا للنوم في سياراتهم على كورنيش الدوحة الفيديو، صدىً واسعًا، حيث استخدم الهاشتاق “#السعودين_نايمين_في_الكورنيش”، الأمر الذي رفضه عدد كبير من القطريين الذين استنكروا طريقة تصوير الفيديو وعابوا على من نشرها.

فمن جانبه، قال جابر بن شافعة، من مركز الدوحة لحرية الإعلام: “أخواننا من السعودية فنادق قطر وجدت لتخدم الأجانب، اما، أنتم، فمكانكم في بيوتنا وبين أهلكم في قطر”, ليضيف في تغريدة أخرى: “من صورهم أراد أن يستنقصهم فأصبح شتيمة للقاصي والداني وعليه من الله ما يستحق, والله أنتم أهل البيت ونحن الضيوف.

فيما قام عدد من القطريين بإنشاء هاشتاق تحت اسم “#ياهلا_ومسهلا_بإخواننا_السعوديين_في_قطر”، والذي يقوله خلاله فهد النعيمي، مغردًا: “نورت دوحة قطر بكم يا أهل السعودية”، كذلك علّق دز معجب الدوسري: “أنتم أهلنا والدار دركم.. مرحبًا بكم في قطر”.

[يمامـة]

اللي اعرفه ان الفندق لا يرفع اسعاره الا بموافقة وزارة الاقتصاد على اللائحه المقترحه . ممكن حد يأكد لنا المعلومه هذي ؟

للاسف ما اقدر أأكد لك.. بس الصورة اللي حطها الحاقول وصلتني مثلها امس السعر كان 950 وصار بقدرة قادر 25 الف ريال
وجع ان شاء الله.. شنهو هالجشع؟............> اقول وجع من القهر اللي في قلبي ..

[يمامـة]

شوفوا وصلت المواقع السعودية

موقع الإحساء اليوم: فنادق الدوحة تستغل الإجازة لرفع أسعارها 24ضعفًا.. وقطريون ينتصرون لضيوفهم

الأحساء - خاص

تفاجأ العديد من السعوديين الذي زاروا قطر، خلال إجازة منتصف العام الدراسي، بارتفاع الأسعار بشكل جنوني وغير مبرر وخاصة من قبل فنادق الدوحة، وهو ما عدّوه استغلالًا للموسم، متسائلين في هذا الصدد عن دور الرقابة وحماية المستهلك في مراقبة الأسعار.

“الأحساء اليوم”، من جانبها، كانت حاضرة في المشهد، حيث رصدت أسعار بعض الفنادق ووثقتها بالصور، ففي أحد الفنادق من فئة البوتيك يعرض سعر جناح صغير يوم الإثنين 23 مارس الجاري لمدة ليلة بسعر 25 ألف ريال قطري، بينما سعر ذات الغرفة بعد أسبوع؛ أي تحديدًا 30 مارس يصبح السعر 1050 ريالًا؛ بفارق 24 ضعفًا!.

الأمر ذاته تكرر مع فندق آخر، إذ عرض الفندق غرفة من فئة “ديلوكس” يوم الإثنين 23 مارس أيضًا بسعر 12 ألف ريال قطري، بينما سعر الغرفة بعد أسبوع واحد فقط تراجع إلى 900 ريال؛ بفارق 13 ضعفًا.

هذا الفارق الذي عدّه البعض “خياليًا”؛ سبب موجة من القلق لدى بعض الزوار الذي أبدوا استياءهم لهذا التلاعب واستغلال المناسبة -حسب تعبيرهم، وطالبوا الجهات الرقابية في قطر بممارسة دورها وضبط الأسعار وتغريم الفنادق المخالفة، منوّهين بأن هذه الطريقة قد يكون لها تأثير سلبي في حركة السياحة مستقبلًا.

وبدورها، خاطبت “الأحساء اليوم”، إدارتي حماية المستهلك، والاستثمارات في وزارة التجارة القطرية، مستفسرةً عن دورهما الرقابي لمنع استغلال الزوار من قبل تلك الفنادق، غير أن أي منهما لم ترد حتى نشر التقرير.

ومن جانب آخر، لقي مقطع فيديو أظهر عددًا من السعوديين لم يجدوا سكنًا واضطروا للنوم في سياراتهم على كورنيش الدوحة الفيديو، صدىً واسعًا، حيث استخدم الهاشتاق “#السعودين_نايمين_في_الكورنيش”، الأمر الذي رفضه عدد كبير من القطريين الذين استنكروا طريقة تصوير الفيديو وعابوا على من نشرها.

فمن جانبه، قال جابر بن شافعة، من مركز الدوحة لحرية الإعلام: “أخواننا من السعودية فنادق قطر وجدت لتخدم الأجانب، اما، أنتم، فمكانكم في بيوتنا وبين أهلكم في قطر”, ليضيف في تغريدة أخرى: “من صورهم أراد أن يستنقصهم فأصبح شتيمة للقاصي والداني وعليه من الله ما يستحق, والله أنتم أهل البيت ونحن الضيوف.

فيما قام عدد من القطريين بإنشاء هاشتاق تحت اسم “#ياهلا_ومسهلا_بإخواننا_السعوديين_في_قطر”، والذي يقوله خلاله فهد النعيمي، مغردًا: “نورت دوحة قطر بكم يا أهل السعودية”، كذلك علّق دز معجب الدوسري: “أنتم أهلنا والدار دركم.. مرحبًا بكم في قطر”.
فشلوننا .. حلو جذيه؟

الووو يا هيئة السياحة ردوا للناس فلوسهم,, و عاقبوا اللي رافعوا اسعارهم الانذار ما يكفي ابدا..

[<اضرب واشرد>]

ومن جانب آخر، لقي مقطع فيديو أظهر عددًا من السعوديين لم يجدوا سكنًا واضطروا للنوم في سياراتهم على كورنيش الدوحة الفيديو، صدىً واسعًا، حيث استخدم الهاشتاق “#السعودين_نايمين_في_الكورنيش”، الأمر الذي رفضه عدد كبير من القطريين الذين استنكروا طريقة تصوير الفيديو وعابوا على من نشرها.

فمن جانبه، قال جابر بن شافعة، من مركز الدوحة لحرية الإعلام: “أخواننا من السعودية فنادق قطر وجدت لتخدم الأجانب، اما، أنتم، فمكانكم في بيوتنا وبين أهلكم في قطر”, ليضيف في تغريدة أخرى: “من صورهم أراد أن يستنقصهم فأصبح شتيمة للقاصي والداني وعليه من الله ما يستحق, والله أنتم أهل البيت ونحن الضيوف.

^^

((حسبي الله على اللي يصورهم ويسيء لهم .. نتمنى ملاحقتهم قانونيا))

[<اضرب واشرد>]

فشلوننا .. حلو جذيه؟
الووو يا هيئة السياحة ردوا للناس فلوسهم,, و عاقبوا اللي رافعوا اسعارهم الانذار ما يكفي ابدا..

شوفي يا أختي قليل الأدب هذا مصورهم فيديو ويضحك عليهم ، ومسوي لنا ضجة في مواقع التواصل وإساءات لقطر .. والله المفروض يجرجرونه ويسحبونه من ذيله

https://twitter.com/saraAlRoqe/status/580483471652581376

[يمامـة]

ومن جانب آخر، لقي مقطع فيديو أظهر عددًا من السعوديين لم يجدوا سكنًا واضطروا للنوم في سياراتهم على كورنيش الدوحة الفيديو، صدىً واسعًا، حيث استخدم الهاشتاق “#السعودين_نايمين_في_الكورنيش”، الأمر الذي رفضه عدد كبير من القطريين الذين استنكروا طريقة تصوير الفيديو وعابوا على من نشرها.

فمن جانبه، قال جابر بن شافعة، من مركز الدوحة لحرية الإعلام: “أخواننا من السعودية فنادق قطر وجدت لتخدم الأجانب، اما، أنتم، فمكانكم في بيوتنا وبين أهلكم في قطر”, ليضيف في تغريدة أخرى: “من صورهم أراد أن يستنقصهم فأصبح شتيمة للقاصي والداني وعليه من الله ما يستحق, والله أنتم أهل البيت ونحن الضيوف.

^^

((حسبي الله على اللي يصورهم ويسيء لهم .. نتمنى ملاحقتهم قانونيا))


للأمانة من شفت الفيديو حسيت بألم.. وألم شديد لان عيب اللي صار وعيب التعليقات اللي صارت

العمالة طول النهار محذفين في الشوارع ورقود ويشاخرون وهم في عز اوقات عملهم..
والعالم الفاضية تتمصخر على ناس ما ندري شنهي ظروفها وليش و اشحقى صار فيهم اللي صار..

وفي نقطة لازم نحطها في الحسبان.. ان احنا لما نستقبل ناس نستقبلهم بكل ما فيهم من عادات وطباع
وتصرفات مالم يتعدون علينا.. وهذا اللي يصير لما نسافر دول ثانية.. يعني تصرفات البعض من اهل الخليج
في لندن شي يشرف اهل لندن؟

ومب عارفة النظرة الفوقية اللي صارت تطلع اهنيه وهناك والتعليقات السخيفة اللي شفناها
لحالات فردية لها ظروفها الخاصة في تعميم الضحك و الاستهزاء بالضيوف..

ذكروني بحال اهل قطر قبل غزو العراق للكويت كانوا الكويتين ينظرون لنا نظرة فوقية
وتعليقاتهم تتصدر احاديثهم عنا لو حد زارهم في الكويت..

فاليوم للاسف الشديد اشوف الموقف يتكرر ومن منه ؟
من اهل قطر طبعا مب كلهم .. الا اني ألمني الموقف..

[يمامـة]

شوفي يا أختي قليل الأدب هذا مصورهم فيديو ويضحك عليهم ، ومسوي لنا ضجة في مواقع التواصل وإساءات لقطر .. والله المفروض يجرجرونه ويسحبونه من ذيله

https://twitter.com/saraAlRoqe/status/580483471652581376

ما يحق له يصور.. ولازم الناس يتعلمون الادب مب كل شي يحق لهم تصويره..
اذا الرجال مخالف بالفعل.. صور وطرش للجهات المعنية.. اما تخليه مادة دسمة للضحك ما بين الناس
فوين بيروح اللي صور من حق الرجال هذا امام الله يوم الحساب؟

تصرف غير مقبول ابدا..

[<اضرب واشرد>]

أخت يمامة بعد ماعرفنا بموضوع الفنادق أم 25 ألف و 15 ألف .. وأن الحجوزات full .. مانلومهم لو ناموا في مواترهم وعلى الكورنيش ، وهذا الشيء ماله علاقة بأطباعهم أو أنهم بخيلين .. الخطأ يقع على الفنادق أولا لرفع الأسعار .. وثانيا قلة عدد الفنادق وعدم استيعابها أعداد كبيرة (هذا الموضوع ينحل مع الوقت والإنشاءات جارية)

الفنادق يجب محاسبتها لإستغلال الناس والإضرار بالسياحة

والبزران اللي يصورونهم وينشرون ، يجب محاسبتهم ودفع غرامات وتعهدات

[بو خليفه 123]

يا يمامه هذا تصرف فردي لا أخلاقي لا يعم هل قطر هل الكرم والجود . و ردة الفعل التي تليق بأهل قطر اتوقع صداها كان واسع و وصلت الرساله .

الآن نحن ننتظر ردة فعل هيئة السياحه و وزارة الاقتصاد على مابدر من الفنادق و هو لب الموضوع .

[يمامـة]

أخت يمامة بعد ماعرفنا بموضوع الفنادق أم 25 ألف و 15 ألف .. وأن الحجوزات full .. مانلومهم لو ناموا في مواترهم وعلى الكورنيش ، وهذا الشيء ماله علاقة بأطباعهم أو أنهم بخيلين .. الخطأ يقع على الفنادق أولا لرفع الأسعار .. وثانيا قلة عدد الفنادق وعدم استيعابها أعداد كبيرة (هذا الموضوع ينحل مع الوقت والإنشاءات جارية)

الفنادق يجب محاسبتها لإستغلال الناس والإضرار بالسياحة

والبزران اللي يصورونهم وينشرون ، يجب محاسبتهم ودفع غرامات وتعهدات

اصلا يا اخوي اضرب وا اشرد.. حتى لو رقد في سيارته.. شلي بيضرني ؟

وليش اتدخل في شي ما يعنيني؟

تراه نايم في املاكه الخاصة وما في قانون يمنع النوم في السيارة!!

واللي بالفعل مب عاجبه الوضع يفتح باب ميلسه ويضيفهم عنده!!


اما تصوير وفتح جبهة للمراشقات بالكلام ما بين الشعوب امر مرفوض
ملينا من المشاكل ..

حتى لو الواحد يحب ينتقد المرفوض الانتقاد يكون له اداب.. وتكون هناك كياسة في الانتقاد..

الله يهدينا ويهديهم...

[يمامـة]

يا يمامه هذا تصرف فردي لا أخلاقي لا يعم هل قطر هل الكرم والجود . و ردة الفعل التي تليق بأهل قطر اتوقع صداها كان واسع و وصلت الرساله .

الآن نحن ننتظر ردة فعل هيئة السياحه و وزارة الاقتصاد على مابدر من الفنادق و هو لب الموضوع .

يقولون هزوا طولهم وانذروا بس :weeping:

[الامير]

ايضا سبب هذا التخطيط انهم مايعطون رخصه بناء فنادق 3 نجوم وشقق فندقيه هم سبب الازمه

[airbus]

عيل في كاس العالم كم بتكون الاسعار ؟؟

[<اضرب واشرد>]

الطيار : «لندن» و«الدوحة» تدخلان خريطة سياحة العوائل السعودية
اليوم - 24/03/2015

http://www.argaam.com/article/articledetail/495635/%D8%A7%D9%84%D8%B7%D9%8A%D8%A7%D8%B1-%D9%84%D9%86%D8%AF%D9%86-%D9%88-%D8%A7%D9%84%D8%AF%D9%88%D8%AD%D8%A9-%D8%AA%D8%AF%D8%AE%D9%84%D8%A7%D9%86-%D8%AE%D8%B1%D9%8A%D8%B7%D8%A9-%D8%B3%D9%8A%D8%A7%D8%AD%D8%A9-%D8%A7%D9%84%D8%B9%D9%88%D8%A7%D8%A6%D9%84-%D8%A7%D9%84%D8%B3%D8%B9%D9%88%D8%AF%D9%8A%D8%A9

أكد العضو المنتدب لشركة الطيار للسياحة والسفر ورئيس لجنة السياحة والسفر بغرفة الرياض الدكتور ناصر الطيار، أن «لندن» و«الدوحة» و«الكويت» دخلت على خارطة السياحة أمام العوائل السعودية مع بقاء «دبي» كخيار أولي للسياح السعوديين في إجازة الربيع.

وقال الطيار لـ «اليوم»: إن هناك عدداً من الوجهات السياحة التي دخلت على خريطة سفر السعوديين بقوة، خلال هذه الإجازة، ومنها: الدوحة والكويت، اللتان شهدتا إقبالاً كبيراً، مشيراً إلى أن 50% من المسافرين السعوديين يتجهون إلى دبي والدوحة والكويت خلال إجازة الربيع.

وحول التوجه إلى العواصم الأوروبية، أفاد بأن انخفاض العملة الأوروبية "اليورو" كان من المميزات التي جعلت الكثير من العوائل السعودية ترغب بالتوجه إليها وبالأخص إلى «لندن» أو اسبانيا.

وأوضح أن هناك وعيا كبيرا من السياح السعوديين وذلك بسبب المقدرة على الاطلاع والالمام بكافة المعلومات عن كل الأماكن السياحة من خلال وسائل التواصل الاجتماعي ومواقع خدمات السياحة والحجز الإلكتروني.

وقال الطيار: "يجب على الجهات المختصة أن تظهر منتجا كاملا يوفر للسائح السعودي منتجا جيدا بأسعار مقبولة"، والعروض السياحية التي يروج لها عدد من الدول الراغبة في استضافة السعوديين خلال الإجازات أسهمت في ارتفاع معدلات السفر للعائلات السعودية، بالإضافة الى الوعي الحقيقي لدى الكثير من الشباب السعوديين بأهمية التنظيم المسبق بالرحلات السياحيةوذكر أن السنوات الماضية كانت سنوات تأسيس للسياحة السعودية وهيكلة الأنظمة المساعدة لقطاع السياحة والاستفادة منه، لافتا الى أنه من المتوقع أن يكون هناك خلال السنوات المقبلة منتج سياحي سعودي يكون بمقدور الجميع.

يذكر أن التوقعات تشير إلى أن حجم الاستثمارات في سوق السياحة والسفر السعودية خلال العام الحالي من الممكن أن يصل إلى 150 مليار ريال سعودي، بواقع نحو 50 مليار ريال للسياحة الداخلية و100 مليار ريال للسياحة الوافدة.

فيما بدأت شركات السياحة والسفر في السعودية بطرح العديد من عروض السفر الجاذبة إلى أبرز الوجهات السياحية المفضلة في العالم، مثل الولايات المتحدة الأمريكية وأوروبا وأفريقيا وآسيا ودول الخليج العربي، واستحوذت مدينة دبي ودول شرق آسيا على النصيب الأكبر من حجوزات سفر الأسر السعودية بنسب قدرها مستثمرون بقطاع السفر والسياحة ما بين 50 إلى 85% وذلك في ظل تضرر الكثير من المدن السياحية العربية من الاضطرابات السياسية الأخيرة.

كما شهدت دول شرق آسيا طلبا متزايدا من الأسر السعودية مؤخراً نظرا لأجوائها العائلية المميزة، إضافة إلى اعتدال أسعار تذاكر الطيران والفنادق في الاجازات، في الوقت الذي ارتفعت فيه طلبات السفر إلى تركيا بنسب تتراوح بين 20 إلى 25% عن نفس الفترة العام الماضي وبنسبة 300% خلال الأعوام الثلاثة الأخيرة.

[<اضرب واشرد>]

65 ألف مسافر و45 ألف مركبة عبروا منفذ سلوى في يوم
الشرق السعودية - 23/03/2015

http://www.argaam.com/article/articledetail/495277/65-%D8%A3%D9%84%D9%81-%D9%85%D8%B3%D8%A7%D9%81%D8%B1-%D9%8845-%D8%A3%D9%84%D9%81-%D9%85%D8%B1%D9%83%D8%A8%D8%A9-%D8%B9%D8%A8%D8%B1%D9%88%D8%A7-%D9%85%D9%86%D9%81%D8%B0-%D8%B3%D9%84%D9%88%D9%89-%D9%81%D9%8A-%D9%8A%D9%88%D9%85

شهد منفذ البطحاء سلوى أمس، عبور أكثر من 45 ألف مركبة ونحو 65 ألف مسافر في اتجاه دولة قطر.

وذكر مصدر لـ «الشرق» أمس، أن إجراءات الدخول لم يحدث فيها أي تعطيل أو تأخير في إنهاء الإجراءات عبر الجمارك السعودية والجوازات، سوى الازدحام وكثافة العبور فقط.

وأضاف أنه تم فتح ستة مسارات إضافية في قسم القدوم من دولة قطر باتجاه الخروج تسهيلاً للمسافرين وتفادياً لتأخير إنهاء إجراءات سفرهم، وكذلك فك عملية الاختناق التي حدثت بسبب كثافة عدد المسافرين.

إلى ذلك، أوضحت مصادر لـ «الشرق» أن جسر الملك فهد شهد عبور نحو 120 ألف مسافر إلى مملكة البحرين خلال الثلاثة أيام الماضية دون تعطل أو تأخير في إجراءات السفر بالجسر.

وذكر مصدر في مرور الشرقية أن طريق الأحساء في اتجاه منفذ سلوى شهد وقوع نحو 22 حادثاً مرورياً نتج عنها ست إصابات خفيفة كانت نتيجة السرعة وعدم انتباه السائقين، مبيناً أن الطريق يشهد ازدحاماً منذ بدء الإجازة، وتم تكثيف وجود الدوريات المرورية لمتابعة سير الحركة في الطريق.

[<اضرب واشرد>]

في عام 2014 بلغ عدد زوار قطر 2.8 مليون ، وساهم القطاع السياحي في 13.6 مليار ريال (بصورة مباشرة) في الناتج المحلي لقطر ،
وبـ 28 مليار ريال (بصورة مباشرة + وغير مباشرة)

المصدر: الصحافة المحلية

أي أن كل سائح واحد يضيف لدخل الدولة 4857 ريال بصورة مباشرة ، و 10 آلاف ريال إذا أضفنا العوائد غير المباشرة

وزاد عدد السياح في 2014 بنسبة 8.5% مقارنة بـ 2013

[Rebilion]

سياحه لاتحاكي نموذج دبي مضيعة وقت! لايوجد شيئ اسمه سياحه عائليه ! مافيه دوله فالعالم شعارها هو السياحه العائليه الا قطر! اصلاً مفهوم السياحه العائليه غريب وغير مفهوم! يعني الي يبي سياحه عائليه ليش بيجي قطر ومب عمان الي احلى كطبيعه من قطر وارخص؟ ليش مب السعوديه؟ ليش مب دبي؟ ليش مب بوظبي ارخص واهدا من دبي؟ شنو المميز عندنا؟ بنشوف ولاشي مميز عندنا. اذا صج نبي سياحه يا نقلد صح يبلاش تقليد نص ونص يجيب المرض. يكفي فشلنا في تقليد نموذجهم الاقتصادي بعد نفشل في تقليد السياحه في كل شي نقلد ونفشل!!

[الجـــوديّ]

^


ليش نقلد ..

مانعرف نبتكر ونخلق شي جديد ؟!

[<اضرب واشرد>]

سياحه لاتحاكي نموذج دبي مضيعة وقت! لايوجد شيئ اسمه سياحه عائليه ! مافيه دوله فالعالم شعارها هو السياحه العائليه الا قطر! اصلاً مفهوم السياحه العائليه غريب وغير مفهوم! يعني الي يبي سياحه عائليه ليش بيجي قطر ومب عمان الي احلى كطبيعه من قطر وارخص؟ ليش مب السعوديه؟ ليش مب دبي؟ ليش مب بوظبي ارخص واهدا من دبي؟ شنو المميز عندنا؟ بنشوف ولاشي مميز عندنا. اذا صج نبي سياحه يا نقلد صح يبلاش تقليد نص ونص يجيب المرض. يكفي فشلنا في تقليد نموذجهم الاقتصادي بعد نفشل في تقليد السياحه في كل شي نقلد ونفشل!!

ما أشوف أن السياحة في قطر فشلت بالعكس لكن دبي سابقتنا بسنين ومافي مقارنة
زيادة عدد السياح تدريجية وكل سنة 9-13%

لكن من المحزن أن يهدم بعض التجار أو أصحاب الفنادق أو الطائشين (الأفراد المسيئين والمستهزئين بالسياح)
يهدموا جزء من جهود الدولة

ايش تبي بالضبط أخوي عشان نصير مثل دبي (ونقلدهم صح) مثل ماتقول ، نقلدهم في ايش اكتب لنا أفكار لمناقشتها

[Rebilion]

^


ليش نقلد ..

مانعرف نبتكر ونخلق شي جديد ؟!

المفروض نبكتر مثلاً نسوي متاحف للورد حدايئق مغلقه مطاعم رومانسيه نختار لنا شي اسمه بالانجليزي nieche segmentونشتغل عليه! بس بعد هالحلم الجميل بينادينا الواقع! وين الناس الفاهمه وين المستثمرين وين البيئه التشريعيه وين الدعم الشعبي ونسبه كبيره من الشعب وفقاً لمايلاونلاين تشجع داعش!!!! نكون واقعيين ونقول لهم قلدو بس تكفون قلدو صح

[بو خليفه 123]

المفروض نبكتر مثلاً نسوي متاحف للورد حدايئق مغلقه مطاعم رومانسيه نختار لنا شي اسمه بالانجليزي nieche segmentونشتغل عليه! بس بعد هالحلم الجميل بينادينا الواقع! وين الناس الفاهمه وين المستثمرين وين البيئه التشريعيه وين الدعم الشعبي ونسبه كبيره من الشعب وفقاً لمايلاونلاين تشجع داعش!!!! نكون واقعيين ونقول لهم قلدو بس تكفون قلدو صح


رغم اني مافهمت نص كلامك لكن شكلك منت بعايش في قطر ؟! يابو nieche segment

[<اضرب واشرد>]

ما يحق له يصور.. ولازم الناس يتعلمون الادب مب كل شي يحق لهم تصويره..
اذا الرجال مخالف بالفعل.. صور وطرش للجهات المعنية.. اما تخليه مادة دسمة للضحك ما بين الناس
فوين بيروح اللي صور من حق الرجال هذا امام الله يوم الحساب؟
تصرف غير مقبول ابدا..


وفضلاً عن ذلك، فقد حدد القانون مزيد من العقوبات بما في ذلك الحبس 5 سنوات والغرامة 500 ألف ريال عقوبة إنتاج مادة إباحية عن الطفل، والحبس 3 سنوات والغرامة 100 ألف ريال عقوبة التعدي على الحياة الخاصة، كما أن التهديد والابتزاز الإلكتروني عقوبته الحبس 3 سنوات وغرامة قدرها 100 ألف ريال، وانتحال هوية الشخص الطبيعي أو المعنوي عقوبته الحبس 3 سنوات والغرامة، إلى جانب عقوبات رادعة لجرائم التعدي على حقوق المؤلف والعلامات التجارية.

الأمير يصدر قانون مكافحة الجرائم الإلكترونية
التاريخ: 16 سبتمبر 2014
التصنيف: أخبار
المصدر : جريدة الراية, ذا بننسيلا

http://portal.www.gov.qa/wps/portal/media-center/news/individualnews/emir%20issues%20law%20to%20combat%20cybercrimes/!ut/p/a0/04_Sj9CPykssy0xPLMnMz0vMAfGjzOIt_S2cDS0sDNwNDMwsDT yDDUKDTbzcDfwdDfWDE4v0C7IdFQFifWNr/?changeLanguage=ar

[يمامـة]

المفروض نبكتر مثلاً نسوي متاحف للورد حدايئق مغلقه مطاعم رومانسيه نختار لنا شي اسمه بالانجليزي nieche segmentونشتغل عليه! بس بعد هالحلم الجميل بينادينا الواقع! وين الناس الفاهمه وين المستثمرين وين البيئه التشريعيه وين الدعم الشعبي ونسبه كبيره من الشعب وفقاً لمايلاونلاين تشجع داعش!!!! نكون واقعيين ونقول لهم قلدو بس تكفون قلدو صح

يووه.. والحين كل هالمناطق اللي راحوا السياح مب مكفيتهم حاليا؟

بنانا لاند يا بوnieche segment ( تقلد بو خليفة واعتبرها مزحة زين؟)
فيها سهوديين وكويتين ياين مخصوص وحاجزين هناك.. والمجمعات شالتهم شيل
وكتارا واللؤلؤة وسوق واقف رحبت فيهم.. والدولة شغالة يمين ويسار والحمدلله رب العالمين..
بس انت طول بالك عليهم تراهم مب مقصرين..

وعندنا المتحف الاسلامي ترى فيه مهرجان للاغذية العالمية.. ما ادري نروح له يواعة ولا شبعانين؟
عندك فكرة عن المهرجان؟

[يمامـة]

وفضلاً عن ذلك، فقد حدد القانون مزيد من العقوبات بما في ذلك الحبس 5 سنوات والغرامة 500 ألف ريال عقوبة إنتاج مادة إباحية عن الطفل، والحبس 3 سنوات والغرامة 100 ألف ريال عقوبة التعدي على الحياة الخاصة، كما أن التهديد والابتزاز الإلكتروني عقوبته الحبس 3 سنوات وغرامة قدرها 100 ألف ريال، وانتحال هوية الشخص الطبيعي أو المعنوي عقوبته الحبس 3 سنوات والغرامة، إلى جانب عقوبات رادعة لجرائم التعدي على حقوق المؤلف والعلامات التجارية.

الأمير يصدر قانون مكافحة الجرائم الإلكترونية
التاريخ: 16 سبتمبر 2014
التصنيف: أخبار
المصدر : جريدة الراية, ذا بننسيلا

http://portal.www.gov.qa/wps/portal/media-center/news/individualnews/emir%20issues%20law%20to%20combat%20cybercrimes/!ut/p/a0/04_Sj9CPykssy0xPLMnMz0vMAfGjzOIt_S2cDS0sDNwNDMwsDT yDDUKDTbzcDfwdDfWDE4v0C7IdFQFifWNr/?changeLanguage=ar

الله يهدينا ويهديهم.. وياليت نتعلم و ما نتعدى على الناس من خلال تصويرهم من دون علمهم..

[Rebilion]

ما أشوف أن السياحة في قطر فشلت بالعكس لكن دبي سابقتنا بسنين ومافي مقارنة
زيادة عدد السياح تدريجية وكل سنة 9-13%

لكن من المحزن أن يهدم بعض التجار أو أصحاب الفنادق أو الطائشين (الأفراد المسيئين والمستهزئين بالسياح)
يهدموا جزء من جهود الدولة

ايش تبي بالضبط أخوي عشان نصير مثل دبي (ونقلدهم صح) مثل ماتقول ، نقلدهم في ايش اكتب لنا أفكار لمناقشتها

اولاَ أنا محتار في احصائيات السياح القطريه هل تعلن كم عدد سياح المؤتمرات؟ الي طبعاً اغلبهم على حساب الدوله؟ هل تعلن كم عدد سياح الترانزيت الي جايين كم ساعه وليله بسبه فندق؟ طبعاً مانعرف وبعدين من ضمن الي يسمونهم سياح كم خليجي؟ وايش جنسيتهم؟ وكم اوروبي؟ طبعاً بتقولي ليش مهمين الاوروبين؟ بقولك لانه الاوروبيين والدول المتطوره اقتصاديات دائمه مش نفطيه فلو صج تبي تنوع اقتصادك بتحتاج سياح نوعيين مب موظفين معاشاتهم 5000 ريال! ثانياً دبي عندها تنوع فالسياحه من حدائق لين بحور لها مرافق وخدمات بحريه وغوص وطيارات وووو! غير المجمعات الي فيها اكبر المحلات واحلى الديزاينات غير المطاعم الي بس بدبي او ابتدت في دبي ! يعني مطعم سويتش اماراتي ومطعم بلو و و كلهم بنات اماراتيات! بينما في قطر ممكن تقولي عن شي قطري غير جباتي وكرك! شغلتنا بس نقلد دبي ونجيب وكالات وفرنشيز منهم. ثانياً دبي فيها حياه ليليه وهاي تجتذب كل السياح العرب ونسبه من الخليجيين ولا نقص على بعض ونقول لا محد يبي حياه ليليه واقعياً ناس وايد يبونها ولذلك سياح دبي عادةص من الفئه الغنيه من السياح الخليجيين. ثالثاً سهولة ممارسة النشاط السياحي فدبي تبي تفتح أي شي منت بماخذ ايام بينما قطر جنها مصر بتقعد ثلاث شهور تعبي فورمات تاخذ موافقة الامن العام انك مب مجرم وبعدين موافقه التجاره عالاسم بعدين موافقه السياحه عالنشاط عقب مناقشه التجاره واعتمادها النشاط وبعدين روح دورلك مكتب وووو!! لو قطر بتفلح في نشاط سياحي يمكن يكون سياحه البيروقراطيه تاخذ مثلاً السياح الدواير الحكوميه توريهم كيف كل معامله عندنا ننافس مصر من يطول اكثر! او سياحه شوارع مكسره؟ او سياحه كآبه مناظر؟ يعني احتمالات واردة بس لاحد يقولي سياحه عائليه وهو غير قادر على تسليم تعريف للسياحه العائليه! لانه فعلاً مصطلح غريب عجيب

[Rebilion]

رغم اني مافهمت نص كلامك لكن شكلك منت بعايش في قطر ؟! يابو nieche segment

الزبده ماعندنا عقول خلاقه عندنا مقلديين ومقلديين فاشلين! تقدر تطلعلي شي في قطر يخليك تختارها فوق دبي مثلا؟ لاتقولي سوق واقف لانه عندهم ستين سوق قديم عطني شي نوعي.

[Rebilion]

يووه.. والحين كل هالمناطق اللي راحوا السياح مب مكفيتهم حاليا؟

بنانا لاند يا بوnieche segment ( تقلد بو خليفة واعتبرها مزحة زين؟)
فيها سهوديين وكويتين ياين مخصوص وحاجزين هناك.. والمجمعات شالتهم شيل
وكتارا واللؤلؤة وسوق واقف رحبت فيهم.. والدولة شغالة يمين ويسار والحمدلله رب العالمين..
بس انت طول بالك عليهم تراهم مب مقصرين..

وعندنا المتحف الاسلامي ترى فيه مهرجان للاغذية العالمية.. ما ادري نروح له يواعة ولا شبعانين؟
عندك فكرة عن المهرجان؟

اتقبل منج أي شي دمج مب سمج. هالاماكن كلها فاضيه ولا مره رحت شفت زحمه لدرجه احس انه المحلات تكش ذبان بينما روحي جي بي ار فدبي وغيره وشوفي صك النعل! مافيه مقارنة كنا نقارن عراوي بفراري . والله ماعندي فكره عن المهرجان معنه تقليد على مهرجان اللوفر بوظبي الغذائي والكويت وغيرهها يعني كله تقليد من دبي الكل يقلد دبي

[قطــ86ــر]

الدولة تسعى لكن بعض المسؤولين و اغلبية التجار اللي عندنا "لا تعليق"

وسلامتكم :)

[يمامـة]

اتقبل منج أي شي دمج مب سمج. هالاماكن كلها فاضيه ولا مره رحت شفت زحمه لدرجه احس انه المحلات تكش ذبان بينما روحي جي بي ار فدبي وغيره وشوفي صك النعل! مافيه مقارنة كنا نقارن عراوي بفراري . والله ماعندي فكره عن المهرجان معنه تقليد على مهرجان اللوفر بوظبي الغذائي والكويت وغيرهها يعني كله تقليد من دبي الكل يقلد دبي

يووووه على قولتهم..
والله لو تشوف الزحمة في فيلاجيو امس... تمينا فوق نص ساعة علشان اييبون لي الكريب في حدى المحلات هناك. من زود الزحمة .
ومن العادة يكشون ذبان الايام العادية .... ووصلتني الاخبار ان كتارا و اللؤلؤة اشلون الزحمة
وولدي يوم كان في بنانا يقول اغلب الموجودين سعوديين و كويتيين و المشروع توه تاتا تاتا يعني يحبي..

عندنا مناطق سياحية للي بيي قطر مرة او مرتين او ثلاث.. وفي المرة الرابعة بيلقى
اماكن يدية ان شاء الله.. ترى احنا لو رحنا الامارات وين انروح؟
ما ادري عن الجي بي ار مال دبي.. لكني دخلت اشوفه في جوجل اشوفه قريب من اللؤلؤة..

احنا متى في قطر صادفتنا هالاعداد الكبيرة من السياح السعوديين؟
اول مرة اشوف هالكم الكبييييير من السياح السعوديين.. وهذي بادرة حلوة
يعني اللي دخل قطر قبل عمل لها دعاية هناك.. وصاروا الناس اييون..

فاللي راح جي بي ار دبي بيروح اللؤلؤة في قطر.. او كتارا.. او اي مكان ثاني
يخليه يشعر انه غير جو بلاده وركب طيارة :shy: او ختم جوازه بالسفر عن طريق البر..
هذي هي حالتنا في دول الخليج نفس المشاريع مكررة في كل مكان ونفس الافكار..
اما المهرجان افكر اروح له بس مترددة اروح لها يوعانة ولا شبعانة............> وياليت حد يفيدني
لاني باتشجع اكثر لو قالوا لي روحي يوعانة http://www.pic4ever.com/images/2uge4p4.gif

[بو خليفه 123]

الزبده ماعندنا عقول خلاقه عندنا مقلديين ومقلديين فاشلين! تقدر تطلعلي شي في قطر يخليك تختارها فوق دبي مثلا؟ لاتقولي سوق واقف لانه عندهم ستين سوق قديم عطني شي نوعي.


فيع عقول خلّاقه ولا تنسى ..

1- ان سمو الأمير الوالد استلم خزينة الدوله مديونه و قامت دوله من لا شيء ! هذا بحد ذاته خلّاق و يمكن حضرتك ماعاصرت هذا الشيء .
2- نعم اعترف ان دبي اماره متطوره و فيها من المشاريع مايضرب به المثل و لكن توجه دولتنا هو عدم التقليد . لا تنسى ان مشاريع كثيره في دبي وقتيه و قائمه على الظاهر و ليس الباطن (خير مثال سقوط دبي في 2008 و لولا بو ظبي ماكان استعادت عافيتها)
3- كلنا نعرف ان احد الدول المجاوره التي تفضلت و ذكرتها (لا ارغب بتحديد اسمها) قائمه على غسيل الأموال والدعاره و الأموال المشبوهة ! هل تريد ان تقلدها بهذا التوجه ؟
4- احترم وجهة نظرك و لكن ما لا اقبله انك تحط رجل على رجل و تنتقد عن فشل بلدك بدون اقتراح مستند على منطق و عقلانيه و هذا مالا اقبله على بلدي قطر الحبيب
5- في مايتعلق بنقطه رقم 4 اعلاه , ذكرت انه لا يوجد مشاتل او مزارع ورد "على سبيل مثال" .. طيب من وين تم انتجا وردة موزا الشهيره التي تستوردها المانيا و بعض الدول الاوروبيه ؟ و اين تزرع زهرة الانتوريم ؟ اليست في قطر ؟ الم تخصص ملايين لهذا الانتاج و بأشراف من سمو الأمير الوالد ؟
6- مرافق داخليه ؟ طيب والمجمعات التجاريه وين راحت ؟ و هل عجزان تمشي خطوتين من موقف سيارتك في كتارا الى احد افضل المطاعم عالمياً لين توصل للمكيف والقعده الداخليه ؟
7- و اخيراً و ليس آخراً .. ليه ماتحمد ربك صباحاً و مساءً انك قطري ؟ هل حاولت ان تذهب للمرافق الصحيه و تتعالج بالمجان ؟ الم تذهب تغتسل و تتوضى يومياً في منزلك بماء و كهربا بالمجان ؟ الم تعالج اسنانك و تجملهم على التأمين الصحي ؟ الم تبني منزلك بمليون و 200 ألف ريال بدعم من الدوله مع ارض بالمجان (او تحديداً بقسط رمزي)


هناك امور تغفى عن العين و لا نشكر الدوله على توجهاتها و لكن دائماً نؤخذ (بالتقليد العمياني) الذي لا يأكل ولا يسمن من جوع ..

[<اضرب واشرد>]

اولاَ أنا محتار في احصائيات السياح القطريه هل تعلن كم عدد سياح المؤتمرات؟ الي طبعاً اغلبهم على حساب الدوله؟ هل تعلن كم عدد سياح الترانزيت الي جايين كم ساعه وليله بسبه فندق؟ طبعاً مانعرف وبعدين من ضمن الي يسمونهم سياح كم خليجي؟ وايش جنسيتهم؟ وكم اوروبي؟ طبعاً بتقولي ليش مهمين الاوروبين؟ بقولك لانه الاوروبيين والدول المتطوره اقتصاديات دائمه مش نفطيه فلو صج تبي تنوع اقتصادك بتحتاج سياح نوعيين مب موظفين معاشاتهم 5000 ريال! ثانياً دبي عندها تنوع فالسياحه من حدائق لين بحور لها مرافق وخدمات بحريه وغوص وطيارات وووو! غير المجمعات الي فيها اكبر المحلات واحلى الديزاينات غير المطاعم الي بس بدبي او ابتدت في دبي ! يعني مطعم سويتش اماراتي ومطعم بلو و و كلهم بنات اماراتيات! بينما في قطر ممكن تقولي عن شي قطري غير جباتي وكرك! شغلتنا بس نقلد دبي ونجيب وكالات وفرنشيز منهم. ثانياً دبي فيها حياه ليليه وهاي تجتذب كل السياح العرب ونسبه من الخليجيين ولا نقص على بعض ونقول لا محد يبي حياه ليليه واقعياً ناس وايد يبونها ولذلك سياح دبي عادةص من الفئه الغنيه من السياح الخليجيين. ثالثاً سهولة ممارسة النشاط السياحي فدبي تبي تفتح أي شي منت بماخذ ايام بينما قطر جنها مصر بتقعد ثلاث شهور تعبي فورمات تاخذ موافقة الامن العام انك مب مجرم وبعدين موافقه التجاره عالاسم بعدين موافقه السياحه عالنشاط عقب مناقشه التجاره واعتمادها النشاط وبعدين روح دورلك مكتب وووو!! لو قطر بتفلح في نشاط سياحي يمكن يكون سياحه البيروقراطيه تاخذ مثلاً السياح الدواير الحكوميه توريهم كيف كل معامله عندنا ننافس مصر من يطول اكثر! او سياحه شوارع مكسره؟ او سياحه كآبه مناظر؟ يعني احتمالات واردة بس لاحد يقولي سياحه عائليه وهو غير قادر على تسليم تعريف للسياحه العائليه! لانه فعلاً مصطلح غريب عجيب

بس هذا اللي أبي أطلعه منك :) ، من شفتك تهاجم كلمة (العائلية) وأنا داري بقصدك
زين حبيبي كمل اقتراحك .. نجيب من أي دول ، يعني لحم أحمر ولا أبيض ولا أصفر

بخصوص الإحصائية:

2.8 مليون في 2014 كالتالي:

40% الخليج
28% الدول الآسيوية وأوقيانوسيا
15% اوروبا

http://raya.com/news/pages/dd402367-fd52-408f-9043-cf0bb4e79bb7

[Rebilion]

بس هذا اللي أبي أطلعه منك :) ، من شفتك تهاجم كلمة (العائلية) وأنا داري بقصدك
زين حبيبي كمل اقتراحك .. نجيب من أي دول ، يعني لحم أحمر ولا أبيض ولا أصفر

بخصوص الإحصائية:

2.8 مليون في 2014 كالتالي:

40% الخليج
28% الدول الآسيوية وأوقيانوسيا
15% اوروبا

http://raya.com/news/pages/dd402367-fd52-408f-9043-cf0bb4e79bb7

خليت الموضوع كامل وطمرت بذي! ولاتزعل الي يريحك عندي ردود اهم ارد عليها

[<اضرب واشرد>]

خليت الموضوع كامل وطمرت بذي! ولاتزعل الي يريحك عندي ردود اهم ارد عليها

لا هذي أهم نقطة وإختلاف
وباقي كلامك مشكور عليه ومتفقين ولاتزعل

[يمامـة]

خليت الموضوع كامل وطمرت بذي! ولاتزعل الي يريحك عندي ردود اهم ارد عليها

بس ملاهي ليلية وان كانت مطلب من ناس وايد.. الا انها اثم راح نحمل وزر المطالبة فيها ليوم الدين..
ملاهي ليلية يعني خمارات و مراقص و اختلاط بالاجساد.. وهذي وان كانت تستقطب فئات من السياح
ما اعتقد يحق لنا نطالب فيها في بلادنا..

اشوفك ما وفقت ابدا في التطرق للنقطة هذي.. مع احترامي الشديد لك..

[<اضرب واشرد>]

بس ملاهي ليلية وان كانت مطلب من ناس وايد.. الا انها اثم راح نحمل وزر المطالبة فيها ليوم الدين..
ملاهي ليلية يعني خمارات و مراقص و اختلاط بالاجساد.. وهذي وان كانت تستقطب فئات من السياح
ما اعتقد يحق لنا نطالب فيها في بلادنا..

اشوفك ما وفقت ابدا في التطرق للنقطة هذي.. مع احترامي الشديد لك..

أنا والله ما احترمته ، يبينا نترزق من النوادي الليلية والهشك بشك ، ودعارة (الله يعزكم) .. وشوي شوي المواطنين والمواطنات يفسدون وتنتشر بينهم الفاحشة

مانبي فلوس تجي من حرام سواء سرقة أو ربا أو دعارة
والعضو الله يهديه لو بيقبل على نفسه يترزق من نوادي ليلية أو دعارة ، أكيد بيقبل من مصادر ثانية غير مشروعة دينا ولا عرفا ولا قانونا ، الله يهديك بس ويردك لدينك

هذا وحنا في خير ونعمة وبدأ البعض يتخلى عن الشرع ثم العرف والعادات .. كيف لو كنا مثل بعض الدول العربية اللي يتعرضون لفتنة .. فقراء ويبحثون عن لقمة عيش وبعضهم يقع في تصرفات خاطئة

الله يحفظ الجميع

[sweet qatar]

في هاليومين شفت سياح من الامارات والسعودية

فرحانين و مستانسين من المرافق السياحية الموجودة

و وحدة منهم قالت إنها مددت إقامتها و بعدها ما شبعت




بالنسبة للمقارنة بدبي .. دبي بدت بمهرجان تسوق مافيه الا حفلات اغاني في ملاهي و برنامج مسابقات

وبعده بسنوات بدينا نشوف التطور نتيجة المنافسة و تنويع عوامل الجذب

السياحة عندنا في بدايتها .. من غير المنطقي تقارنها بدبي او غيرها

[Rebilion]

يووووه على قولتهم..
والله لو تشوف الزحمة في فيلاجيو امس... تمينا فوق نص ساعة علشان اييبون لي الكريب في حدى المحلات هناك. من زود الزحمة .
ومن العادة يكشون ذبان الايام العادية .... ووصلتني الاخبار ان كتارا و اللؤلؤة اشلون الزحمة
وولدي يوم كان في بنانا يقول اغلب الموجودين سعوديين و كويتيين و المشروع توه تاتا تاتا يعني يحبي..

عندنا مناطق سياحية للي بيي قطر مرة او مرتين او ثلاث.. وفي المرة الرابعة بيلقى
اماكن يدية ان شاء الله.. ترى احنا لو رحنا الامارات وين انروح؟
ما ادري عن الجي بي ار مال دبي.. لكني دخلت اشوفه في جوجل اشوفه قريب من اللؤلؤة..

احنا متى في قطر صادفتنا هالاعداد الكبيرة من السياح السعوديين؟
اول مرة اشوف هالكم الكبييييير من السياح السعوديين.. وهذي بادرة حلوة
يعني اللي دخل قطر قبل عمل لها دعاية هناك.. وصاروا الناس اييون..

فاللي راح جي بي ار دبي بيروح اللؤلؤة في قطر.. او كتارا.. او اي مكان ثاني
يخليه يشعر انه غير جو بلاده وركب طيارة :shy: او ختم جوازه بالسفر عن طريق البر..
هذي هي حالتنا في دول الخليج نفس المشاريع مكررة في كل مكان ونفس الافكار..
اما المهرجان افكر اروح له بس مترددة اروح لها يوعانة ولا شبعانة............> وياليت حد يفيدني
لاني باتشجع اكثر لو قالوا لي روحي يوعانة http://www.pic4ever.com/images/2uge4p4.gif

اتمنى يزيد عدد المنتجعات من هالنوع ولو اني مارحت البنانا ولاناوي اروحله الى يوم ينفتحون مجمعين مثله تخف الزحمه. وبعدين على فكره بوظبي عندهم منتجعات الريم ومادري وشهو من اساميهم الخايسه من فتره يعني مب شي جديد ولا نوعي! خطوه جيده بس مب شي جديد. الكلام هل فيه حلول خلاقه ولا بس تقليد درجه ثانيه؟ الجواب تقليد درجة ثانيه وبعدين في صناعة السياحه في شي اسمه كستمر ولا توريست سيجمنت يعني نوعية السايح؟ هل غني؟ قادر يصرف على اماكن وايد او متوسط او فقير؟ اتوقع الي يجون قطر من الاخيرتين بما انه الاولى في دبي

[قطــ86ــر]

صلوا عالنبي :)
ودي اقول حصل خير بس صعبة شوي

اتمنى ترتقي السياحة "النظيفة" عندنا
وتبدأ المشاريع الابداعية الجاذبة للسياح بالظهور
والسياحة انواع يا جماعه الخير.. طبية/رياضية/لا اخلاقية/دينية احيانا
واحنا في قطر مانبي الا السياحة اللي لاتخالف شرع الله في شي




و بوتركي اهم شي اذا فكروا يسكرون الفنادق يخلون لي المطعم اللي في الدبليو :secret: هههههه

[<اضرب واشرد>]

صلوا عالنبي :)
ودي اقول حصل خير بس صعبة شوي
اتمنى ترتقي السياحة "النظيفة" عندنا


عليه الصلاة والسلام
اي والله صعبة ههههههههههه

نشوف أخرتها
أول شي قال أنتوا داعش
بعدين قال تقلدون دبي وماعندكم حياة ليلية تجذب الأغنياء والشسمه ، كله سياحة عوائل
نشوف الثالثة يمكن ثابتة وينصك باند هههههه

[Rebilion]

فيع عقول خلّاقه ولا تنسى ..

1- ان سمو الأمير الوالد استلم خزينة الدوله مديونه و قامت دوله من لا شيء ! هذا بحد ذاته خلّاق و يمكن حضرتك ماعاصرت هذا الشيء .
2- نعم اعترف ان دبي اماره متطوره و فيها من المشاريع مايضرب به المثل و لكن توجه دولتنا هو عدم التقليد . لا تنسى ان مشاريع كثيره في دبي وقتيه و قائمه على الظاهر و ليس الباطن (خير مثال سقوط دبي في 2008 و لولا بو ظبي ماكان استعادت عافيتها)

طاحت في ازمه عالميه وبعدين مشاريع عقارية! مالها خص بالسياحه الشي الوحيد الي ماتثر في دبي هو الفنادق. 3- كلنا نعرف ان احد الدول المجاوره التي تفضلت و ذكرتها (لا ارغب بتحديد اسمها) قائمه على غسيل الأموال والدعاره و الأموال المشبوهة ! هل تريد ان تقلدها بهذا التوجه ؟

حتى سويسرا وسنغافورا ولوكسمبورغ وموناكو مبنيين على غسيل الاموال سابقاً وحالياً ايش الفرق بين الكل؟
4- احترم وجهة نظرك و لكن ما لا اقبله انك تحط رجل على رجل و تنتقد عن فشل بلدك بدون اقتراح مستند على منطق و عقلانيه و هذا مالا اقبله على بلدي قطر الحبيب

حطيت حلول وقلت نبي اشيا خلاقه نبي مطاعم مغطاه عالبحر مثلاً؟ نبي كافيهات مبنيه من ورد مثل ماجيكال جاردين! نبي اشيا نوعيه خلاقه نبي تسهيل فالاجراءات القانونيه والرسميه مافيه داعي فتح الشركة ياخذ شهر شهرين! مافي داعي كل هالموافقات الامنيه والرسمية الروتين يقتل تطور الاعمال! نبي افكار مثل هذي وليش مثلاٍ مانسوي مسابقات سياحيه للانتربنور ونسمع منهم افكارهم وننفذها ترى هذا الي تسويه دبي تسمع للشباب مايسمعون حق واحد عمره 57 كل عمره قضاه روتين
5- في مايتعلق بنقطه رقم 4 اعلاه , ذكرت انه لا يوجد مشاتل او مزارع ورد "على سبيل مثال" .. طيب من وين تم انتجا وردة موزا الشهيره التي تستوردها المانيا و بعض الدول الاوروبيه ؟ و اين تزرع زهرة الانتوريم ؟ اليست في قطر ؟ الم تخصص ملايين لهذا الانتاج و بأشراف من سمو الأمير الوالد ؟
6- مرافق داخليه ؟ طيب والمجمعات التجاريه وين راحت ؟ و هل عجزان تمشي خطوتين من موقف سيارتك في كتارا الى احد افضل المطاعم عالمياً لين توصل للمكيف والقعده الداخليه ؟
مطاعم عاديه ومب الافضل عالمياً دبي فيها مطاعم ميشلين 5 ستار قطر مافيها الى كذا مطعم 5 نجوم وبعدين مجدداً مابي مقارنة نادينا احسن من ناديهم والريان احسن من السد انا اقول لازم نشوف لنا شي جديد نبدع فيه بدل التقليد7- و اخيراً و ليس آخراً .. ليه ماتحمد ربك صباحاً و مساءً انك قطري ؟ هل حاولت ان تذهب للمرافق الصحيه و تتعالج بالمجان ؟ الم تذهب تغتسل و تتوضى يومياً في منزلك بماء و كهربا بالمجان ؟ الم تعالج اسنانك و تجملهم على التأمين الصحي ؟ الم تبني منزلك بمليون و 200 ألف ريال بدعم من الدوله مع ارض بالمجان (او تحديداً بقسط رمزي)
ومن قالك اني معجب انه هذا كله بالمجان؟ انا اشوف انه هالخدمات المجانيه تاكل جزء كبير من دخل الدوله المفروض يستخدم في اشياء افضل مثل البحث العلمي والطبي والبنيه التحتيه الخ.. من النفاق اني امدح الصرف لأني مستفيد بغض النظر عن الاضرار طويلة المدى عالاقتصاد. مافيه اقتصاد مدعوم ناجح فالعالم واتمنى يتوقف الدعم كامل من الآن قبل تدهور اسعار النفط والغاز اكثر.


هناك امور تغفى عن العين و لا نشكر الدوله على توجهاتها و لكن دائماً نؤخذ (بالتقليد العمياني) الذي لا يأكل ولا يسمن من جوع ..

اوشكر

[Rebilion]

بس ملاهي ليلية وان كانت مطلب من ناس وايد.. الا انها اثم راح نحمل وزر المطالبة فيها ليوم الدين..
ملاهي ليلية يعني خمارات و مراقص و اختلاط بالاجساد.. وهذي وان كانت تستقطب فئات من السياح
ما اعتقد يحق لنا نطالب فيها في بلادنا..

اشوفك ما وفقت ابدا في التطرق للنقطة هذي.. مع احترامي الشديد لك..

مش مهمه عندي بس انا اقولج ليش دبي عندها 10 مليون سايح واحنا لا كدراسه اقتصاديه يعني. الدراسات الاقتصاديه غير عاطفيه ولذلك كتبت السبب . انا ما اطالب فيها ولو قريتي المشاركات كلها اصلاً انا اقول بصوت عالي لا نستثمر بالسياحه اساساً لانه مضيعة وقت! وقارنت مع عمان والسعوديه . واذا بنستثمر نشوف لنا شي جديد ماسواه حد مثلاً سالفة اسواق قديمه ومطاعم شعبيه الكويت سابقتنا فيها ونص المطاعم الي في قطر كويتيه وبحرينيه. مولات سابقتنا فيها دبي يعني لازم نشوف شي محد سواه هذا القصد

[Rebilion]

أنا والله ما احترمته ، يبينا نترزق من النوادي الليلية والهشك بشك ، ودعارة (الله يعزكم) .. وشوي شوي المواطنين والمواطنات يفسدون وتنتشر بينهم الفاحشة

مانبي فلوس تجي من حرام سواء سرقة أو ربا أو دعارة
والعضو الله يهديه لو بيقبل على نفسه يترزق من نوادي ليلية أو دعارة ، أكيد بيقبل من مصادر ثانية غير مشروعة دينا ولا عرفا ولا قانونا ، الله يهديك بس ويردك لدينك

هذا وحنا في خير ونعمة وبدأ البعض يتخلى عن الشرع ثم العرف والعادات .. كيف لو كنا مثل بعض الدول العربية اللي يتعرضون لفتنة .. فقراء ويبحثون عن لقمة عيش وبعضهم يقع في تصرفات خاطئة

الله يحفظ الجميع

اقرأ الكلام عدل بتمعن و فهم للاستزادة بال فهم اضطلع على ردي على 123 وعلى يمامه عشان تضحلك الصورة.

[<اضرب واشرد>]

مش مهمه عندي بس انا اقولج ليش دبي عندها 10 مليون سايح واحنا لا كدراسه اقتصاديه يعني. الدراسات الاقتصاديه غير عاطفيه ولذلك كتبت السبب . انا ما اطالب فيها ولو قريتي المشاركات كلها اصلاً انا اقول بصوت عالي لا نستثمر بالسياحه اساساً لانه مضيعة وقت! وقارنت مع عمان والسعوديه . واذا بنستثمر نشوف لنا شي جديد ماسواه حد مثلاً سالفة اسواق قديمه ومطاعم شعبيه الكويت سابقتنا فيها ونص المطاعم الي في قطر كويتيه وبحرينيه. مولات سابقتنا فيها دبي يعني لازم نشوف شي محد سواه هذا القصد

ذبحتنا بكلمة تقليد
دبي هذي ماخذه المولات من الغرب ولا اخترعتها اختراع ، عشان تقول لاتقلدونها.

بخصوص الأسواق والأماكن المفتوحة (سوق واقف .. كتارا)
تبينا نسمع كلامك أنها (تقليد .. فاشلة .. مضيعة وقت) ولا نشوف الأرقام شتقول ؟
الأرقام تقول أن سوق واقف وكتارا من أفضل وأكثر الأماكن جذبا للسياحة ، ونجحت

وهذي عايلة إماراتية تفتر في كتارا ومكيفة وتقول قطر كل سنة أفضل:

http://www.travelzad.com/vb/t121650.html#.VRK4uOE2fx0

هل كيف

[Rebilion]

ذبحتنا بكلمة تقليد
دبي هذي ماخذه المولات من الغرب ولا اخترعتها اختراع ، عشان تقول لاتقلدونها.

بخصوص الأسواق والأماكن المفتوحة (سوق واقف .. كتارا)
تبينا نسمع كلامك أنها (تقليد .. فاشلة .. مضيعة وقت) ولا نشوف الأرقام شتقول ؟
الأرقام تقول أن سوق واقف وكتارا من أفضل وأكثر الأماكن جذبا للسياحة ، ونجحت

وهذي عايلة إماراتية تفتر في كتارا ومكيفة وتقول قطر كل سنة أفضل:

http://www.travelzad.com/vb/t121650.html#.VRK4uOE2fx0

هل كيف

اولاً هد اعصابك لا ينقزلك عرج وانت تكتب. انت منت ملزوم ترد علي ولاتشتط وترفع ضغط نفسك . ثانياً ممتاز انك بديت تفهم الردود ثالثاً انا ماقلت قلدو دبي اقول بالعكس سوو شي ماسوته دبي خذلك لفه ثالثه عالرود وانشالله تتضح الصوره هالمره.

[Class - Qtr]

السلام عليكم

اللي صار نتيجه تجاوز كبير من فنادق قطر ( يجب المحاسسسسسسسسسسسسسسسبه ) الانذار لايكفي

اهلنا في الخليج اهل المكان واللي صار شي كبير واللي صور المقطع يجب محاسبته لان اخطا في حق بلدة

قطر قبل لا يخطا في حق ضيوف البلد وسبب رفع اسعار الفنادق الي مستوي الغرفه 20 ولا 25 الف

لان المدير مب قطري واللي فوقه مب قطري واللي فوقه مب قطري

[<اضرب واشرد>]

اولاً هد اعصابك لا ينقزلك عرج وانت تكتب.


إن شاء الله ، هات الرد


انت منت ملزوم ترد علي ولاتشتط وترفع ضغط نفسك .


طيب بس وين الرد


ثانياً ممتاز انك بديت تفهم الردود


كل هالكلام فاضي وين الرد ؟


خذلك لفه ثالثه عالرود وانشالله تتضح الصوره هالمره.


يابيه فين الرد


ثالثاً انا ماقلت قلدو دبي اقول بالعكس سوو شي ماسوته دبي


وصلنا خيييير هذا هو الرد :cool:
أنت انتقدت كل شي في قطر حتى المولات اللي هي موجودة في كل دول العالم

[<اضرب واشرد>]

نسبه كبيره من الشعب تشجع داعش!!!!

أختلف معاك الصراحة هههههه :whistling:

[<اضرب واشرد>]

http://www6.0zz0.com/2015/03/25/17/722947620.png (http://www.0zz0.com)

[Mohammed2]

شيكت على اسعار الفنادق في قطر ما لاحظت ذاك الارتفاع
الاسعار عاديه مب مرتفعه

جناح في السانت ريجس الليله بـ 2500 ريال سعره واجد زين

[Rebilion]

أختلف معاك الصراحة هههههه :whistling:

لمنع مستوى الحوار من الانحدار يا (محاور اقتصادي) ممكن تفسر لي بعض هذه الارقام المذكوره بالروابط تحت؟ واسبابها وشلون نقدر في قطر نصنع تجربه افضل؟
اhttp://www.cnbcarabia.com/?p=198582

ارتفعت تجارة دبي الخارجية في 2014، إلى 1.331 تريليون درهم، مقابل 1.329 تريليون درهم في 2013، وتوزعت إلى الواردات بقيمة 845 مليار درهم، والصادرات بقيمة 114 مليار درهم، وإعادة التصدير بقيمة 372 مليار درهم.

ووفق إحصائيات جمارك دبي، فقد بلغت قيمة التجارة المباشرة 818.8 مليار درهم، وتجارة المناطق الحرة 488.7 مليار درهم، والتجارة من المستودعات الجمركية 23.8 مليار درهم.

[زمن الغربة]

أنا والله ما احترمته ، يبينا نترزق من النوادي الليلية والهشك بشك ، ودعارة (الله يعزكم) .. وشوي شوي المواطنين والمواطنات يفسدون وتنتشر بينهم الفاحشة

مانبي فلوس تجي من حرام سواء سرقة أو ربا أو دعارة
والعضو الله يهديه لو بيقبل على نفسه يترزق من نوادي ليلية أو دعارة ، أكيد بيقبل من مصادر ثانية غير مشروعة دينا ولا عرفا ولا قانونا ، الله يهديك بس ويردك لدينك

هذا وحنا في خير ونعمة وبدأ البعض يتخلى عن الشرع ثم العرف والعادات .. كيف لو كنا مثل بعض الدول العربية اللي يتعرضون لفتنة .. فقراء ويبحثون عن لقمة عيش وبعضهم يقع في تصرفات خاطئة

الله يحفظ الجميع



اخوي اضرب واشرد هدك منه..هذا مريض نفسي ومريض عقيدة...من اول مشاركتين له هنا فالمنتدى وانا غاسل يدي منه...الخبيث ينادي بالدعاره في بلادنا اخزاه الله...لا شوفه شيقول...يقول كل السياح العرب تجتذبهم الحياه الليليه...يا كبرها من تهمه...يعني كل أخوانا العرب الي يروحون دبي يروحون للدعاره....والطامه الكبيره يقول لا نقص على نفسنا نسبه كبيره تبغي الدعاره...اعوذ بالله مادري من هم ( هالنسبه الكبيره )؟ اذا كانوا ربعك ومن حواليك فهذي طينتك....لكن طينتنا ومن هم جماعتنا وكل من انعرفهم الحمدلله تبغض هالاشياء وما تبغيها ومانعرف اي نسبه تذكر تحب هالاشيا...ياخي حتى منطقه غريب...يقول حق الاخت يمامه: ان النوادي الليليه مش مهمه عندي بس اقولج ليش دبي عندها عشره مليون سايح...يعني هالعشره مليون ما جاو الا للدعاره!!!! عجيب هالانسان....وسلملي على داعش :)

[يمامـة]

اتمنى يزيد عدد المنتجعات من هالنوع ولو اني مارحت البنانا ولاناوي اروحله الى يوم ينفتحون مجمعين مثله تخف الزحمه. وبعدين على فكره بوظبي عندهم منتجعات الريم ومادري وشهو من اساميهم الخايسه من فتره يعني مب شي جديد ولا نوعي! خطوه جيده بس مب شي جديد. الكلام هل فيه حلول خلاقه ولا بس تقليد درجه ثانيه؟ الجواب تقليد درجة ثانيه وبعدين في صناعة السياحه في شي اسمه كستمر ولا توريست سيجمنت يعني نوعية السايح؟ هل غني؟ قادر يصرف على اماكن وايد او متوسط او فقير؟ اتوقع الي يجون قطر من الاخيرتين بما انه الاولى في دبي

اممم.. ما اقدر اعتمد كلامك بناء على اعتقد ان ذوي الدخل المحدود او المتوسط هم الاكثر قدوما لقطر
.. لان بعد دبي تسحب ناس وااايد من ذوي الدخل المتوسط.. ولكن بعد خلنا نكون واقعيين احنا اسعار البنانا وصرخنا منها..
فهل تقبل انك تصير فقير وما تقدر تدخل منتجع مسوينه للاغنياء فقط؟

فالحلول الخلاقة لين تستوي خلنا نستفيد من الموجود.. والموجود استقطب شريحة من السياح
وهذا بالنسبة لي اشارة طيبة لتنامي السياحة في البلاد.........> اشرايك في كلمة تنامي و استقطب؟

[يمامـة]

مش مهمه عندي بس انا اقولج ليش دبي عندها 10 مليون سايح واحنا لا كدراسه اقتصاديه يعني. الدراسات الاقتصاديه غير عاطفيه ولذلك كتبت السبب . انا ما اطالب فيها ولو قريتي المشاركات كلها اصلاً انا اقول بصوت عالي لا نستثمر بالسياحه اساساً لانه مضيعة وقت! وقارنت مع عمان والسعوديه . واذا بنستثمر نشوف لنا شي جديد ماسواه حد مثلاً سالفة اسواق قديمه ومطاعم شعبيه الكويت سابقتنا فيها ونص المطاعم الي في قطر كويتيه وبحرينيه. مولات سابقتنا فيها دبي يعني لازم نشوف شي محد سواه هذا القصد

هو مجرد الاشارة لها سواء همتك ولا ما همتك ما كنت موفق لها وخاصة انك تمدح السياحة في دبي..
على العموم حصل خير.. دامك تقول في مشاركتك هذي انها مب هامتك ولا انك تطالب فيها ..
وهل لك مثلا تعطينا فكرة ممكن تفيد السياحة في البلاد؟
فكرة صغنوونة بس..

[Rebilion]

هو مجرد الاشارة لها سواء همتك ولا ما همتك ما كنت موفق لها وخاصة انك تمدح السياحة في دبي..
على العموم حصل خير.. دامك تقول في مشاركتك هذي انها مب هامتك ولا انك تطالب فيها ..
وهل لك مثلا تعطينا فكرة ممكن تفيد السياحة في البلاد؟
فكرة صغنوونة بس..

الموضوع صعب مش سهل يعني كل دول العالم حالياً تعكف على تطوير السياحة بالذات مع دخول 450 مليون شخص الطبقه المتوسطه من الصين والهند. لكن عندنا ايجابيات منها انه احنا قارب منهم بس عندنا منافسين اقوياء الامارات بوظبي ودبي! فيعني لازم نكون خلاقين فالتفكير مثلاً ننظم رحلات منطاد مع العدا او العشا من الجنوب الى الشمال فوق البحر ورحلات بغواصات مدنيه صغيره رحله بن ساعتين ونسوي تل صناعي نفس الي فكتارا بس بدال خيام شيشه تكون فندق مب خيمه تعتبر غرفه والشتاء فقط ! نفتح 5 متاحف إضافية مثلاً فمدينة برشلونة بشكل أساسي سياحه متاحف نفتتح مطاعم نوعيه خاصه بقطر ونوقف فرانشيز وتقليد . نفتتح مطعم من ثيم الورد مثلا داخل حديقه ورد وحصاد ترعاه و و و

[الدبلوماسي]

ما أشوف أن السياحة في قطر فشلت بالعكس لكن دبي سابقتنا بسنين ومافي مقارنة
زيادة عدد السياح تدريجية وكل سنة 9-13%

لكن من المحزن أن يهدم بعض التجار أو أصحاب الفنادق أو الطائشين (الأفراد المسيئين والمستهزئين بالسياح)
يهدموا جزء من جهود الدولة

ايش تبي بالضبط أخوي عشان نصير مثل دبي (ونقلدهم صح) مثل ماتقول ، نقلدهم في ايش اكتب لنا أفكار لمناقشتها

لو في قرار من الحكومه بفتح مناطق ارتفاعات جديده ومنح تصاريح عشان تنخفض أسعار العقار
هني بنلوم التجار بس أراضي الفنادق محدوده كل شي في يد الحكومه

[يمامـة]

الموضوع صعب مش سهل يعني كل دول العالم حالياً تعكف على تطوير السياحة بالذات مع دخول 450 مليون شخص الطبقه المتوسطه من الصين والهند. لكن عندنا ايجابيات منها انه احنا قارب منهم بس عندنا منافسين اقوياء الامارات بوظبي ودبي! فيعني لازم نكون خلاقين فالتفكير مثلاً ننظم رحلات منطاد مع العدا او العشا من الجنوب الى الشمال فوق البحر ورحلات بغواصات مدنيه صغيره رحله بن ساعتين ونسوي تل صناعي نفس الي فكتارا بس بدال خيام شيشه تكون فندق مب خيمه تعتبر غرفه والشتاء فقط ! نفتح 5 متاحف إضافية مثلاً فمدينة برشلونة بشكل أساسي سياحه متاحف نفتتح مطاعم نوعيه خاصه بقطر ونوقف فرانشيز وتقليد . نفتتح مطعم من ثيم الورد مثلا داخل حديقه ورد وحصاد ترعاه و و و

اللـــــــه المنطاط ذكريات حلوة بصراحة امس شفت منطاط في سفنج بوب :looking:
قلت حق ولدي الصغير المنطاط ذكرني بلعبة ريد الرت.. قال لي اللي واجهته وحدة لابسة احمر
قلت له ايه تذكرها؟ قال لي ايه.. يا سلااام هالمناطيط كانت تسوي شغل في الغزو على الاعداء:weeping:

واليوم انت حاط منطاط بعد في ردك..............> الماضي يشق طريقه غصب طيب..:weeping:
كفكفي دموعج يا سعفوه وتكلمي في الموضوع..

المهم نرجع لمحور الحديث افكارك حلوة.. و مبتكرة بالنسبة لنا.. والاهم ما يكون لها مثيل في دول
الجوار..
واشكراك على التجاوب الايجابي ..

[مرتبش]

ما اشوف ذاك الخلاف بين اللي يذكره الاخ ريبليون وباقي الاخوان.. هو يطمح لجعل السياحة في قطر افضل والباقي يشوفون انها تتحسن ..وين الخلاف ؟ عموما
دبي تطورت على فترات طويلة وصارت تعتمد على السياحة بشكل كبير مستفيدة من الاقتصاد المتحرر ..اما سياحة قطر بعدها معتمدة على الحكومة وعلى زوار الحكومة وفنادق الحكومة.. لو ينفتح الاقتصاد اكثر بتشوف التطور السياحي المطلوب

[H H]

فعلاً اخوانا السعوديين مكانهم هي بيوتنا والعين اوسع من المكان ..

و لكن العُرف ان اي مسافر (و من ضمنهم أنا ) اذا بنسافر مكان لا بد من ترتيب الحجوزات مسبقاً , يعني هل معقوله اسافر لبلاد بدون ما احجز فندق و بالذات اذا عيالي بصحبتي .


الله يعطيك العافيه يابو خليفه.

من ايام جتني سفره عاجله جداً لدبي, اتصال الساعه 4 العصر بضرورة التواجد هناك الساعه 9 الليل.
رحت وانا ماني حاجز اي شي , وبصعوبه واتصالات وشغل وسايط قدرت احجز طيران واكون هناك على الموعد.
والساعه 11 ونص الليل بعد ماخلصت شغلي تذكرت اني لاحجزت فندق ولااي شي , مكسور الجناح ههههههه.
قعدت في مكاني وحجزت ورحت للفندق.

تخيل لو ان الوضع في دبي نفس الوضع في الدوحه, والاسعار متدبله فوق فوق فوق وانا من محدودي الدخل, وش كان بيصير فيني؟
بتلقاني اقرب مكان مفتوح وارقد بالسياره , لا وابشرك ماكان معي سياره حتى , يعني كنت بقضيها لطمه وسدحه فاقرب مكان فيه مكيف ههههههه.

هالاشياء تصير , والشخص الي جايك لازم تضمنله حقوقه, ماتقوله تعال وترى الوضع عندنا كيت وكيت واول مايوصل تقوله راحت عليك هذي الكاميرا خفيه نياهاها.
لان وقتها بتلقى عندك نفس الي قام بتصويرهم هالمتخلف , ناس متوهقه ونايمه فالكورنيش وتنتظر اسعار الفنادق تنزل لو شوي عشان يحجزون.


عموما بادرة الشباب كانت اكثر من ممتازه , واسوء شي ممكن يصير ان احد الشعوب الخليجيه الشقيقه تحط عليك اكس , خصوصا اذا كانت بحجم السعودية.
هالدوله لنا فيها خوال واعمام , تقريبا 90% من اهل قطر لهم اقارب هناك , فبتكون ضربة قويه في خاصرتنا اذا خسرنا السياح السعوديين.

هاللي صار نقدر نعتبره موقف سيء له مردود ايجابي , الانظار بعد هاللي صار بتتجه للدوحه كوجهه سياحيه قويه فالخليج.
مثل اذا احد قالك ان في اربع اصابات نتجت عن محاولات للدخول الى المنتجع او المنطقه الفلانيه , وش بيجي فبالك ؟
بتقول هالمنطقه اكيد انها خياليه والا ماتزاحموا عليها بهالشكل.

[بوحارب]

سنعوهم جليلين الحيا ;)

[captin]

يروحون دبي احسن لهم بالف مرة

اسعار معقولة للسكن وخدمات ترفيهية متعددة وخيارات كثيرة في السكن
والمواصلات والمطاعم والتسوق والتمشي ولا زحمة ولاشوارع محفرة

[Rashid554]

9238592386

احد الفنادق في قطر سعر اليوم 10000 للغرفة
ويوم الاحد الجاي 499

[Al-Kuwari]

9238592386

احد الفنادق في قطر سعر اليوم 10000 للغرفة
ويوم الاحد الجاي 499

ياخي والله مصخرة

ياخي تبي تستفيد زيد خمسين بالمية بدال 499 خلها مثلا 749 مب عشر الاف من زين فندقك عاد !!

[رهج السنابك]

شنو عشر الالاف والله لو انها جناح في الشانز